"Сақтандыру төлемдеріне кепілдік беру қоры туралы" Қазақстан Республикасының
Заңын
іске асыру мақсатында, Қазақстан Республикасы Ұлттық Банкінің Басқармасы қаулы етеді:
1. Сақтандыру төлемдеріне кепілдік беру қорына қатысудың үлгі шарты бекітілсін.
2. Осы қаулы Қазақстан Республикасының Әділет министрлігінде мемлекеттік тіркелген күннен бастап он төрт күн өткеннен кейін күшіне енеді.
3. Қаржылық қадағалау департаменті (Бахмутова Е.Л.):
1) Заң департаментімен (Шәріпов С.Б.) бірлесіп осы қаулыны Қазақстан Республикасының Әділет министрлігінде мемлекеттік тіркеуден өткізу шараларын қабылдасын;
2) Қазақстан Республикасының Әділет министрлігінде мемлекеттік тіркеуден өткізілген күннен бастап он күндік мерзімде осы қаулыны Қазақстан Республикасының Ұлттық Банкі орталық аппаратының мүдделі бөлімшелеріне, аумақтық филиалдарына және сақтандыру (қайта сақтандыру ) ұйымдарына жіберсін.
4. Осы қаулының орындалуын бақылау Қазақстан Республикасының Ұлттық Банкі Төрағасының орынбасары Ә.Ғ.Сәйденовке жүктелсін.
Ұлттық Банк
Төрағасы
Қазақстан Республикасының
Ұлттық Банкі Басқармасының
"Сақтандыру төлемдеріне
кепілдік беру қорына
қатысудың үлгі шартын
бекіту туралы"
2003 жылғы 24 қыркүйектегі
N 345 қаулысымен бекітілген
Сақтандыру төлемдеріне кепілдік
беру қорына қатысудың
үлгі шарты
Алматы қаласы "___"___________ 2003 жыл
"Сақтандыру төлемдеріне кепілдік беру қоры" АҚ (бұдан әрi - Қор) Жарғы негiзiнде iс-әрекет жасайтын Бас директор ___________ арқылы және Сақтандыру ұйымы (бұдан әрі - сақтандыру ұйымы - қатысушы) Жарғы негiзiнде iс-әрекет жасайтын Төраға ___________ арқылы, бұдан әрі Тараптар деп аталады, мына төмендегiлер жайында Шартты жасады:
1. Осы Шарттың мәні сақтандыру ұйымының - қатысушының Заң және сақтандыру қызметін реттеу және қадағалау жөніндегі уәкілетті мемлекеттік органның (бұдан әрі - уәкілетті мемлекеттік орган) нормативтік құқықтық актілері талаптарына сәйкес міндетті, төтенше жарналарды төлеу арқылы Қорға қатысуы, шартты міндеттемелерді қалыптастыруы, сондай-ақ осы Шартта айқындалған сақтанушылардың құқықтарын қосымша қорғау бойынша өзіне міндеттемелер қабылдауы болып табылады.
2-тарау. Міндетті жарналарды төлеу тәртібі
2. Сақтандыру ұйымы - қатысушы Қор белгілеген міндетті жарналар ставкасына сәйкес айқындалған мөлшерде міндетті жарналарды төлеуге міндетті.
3. Сақтандыру ұйымы - қатысушы міндетті жарналардың сомасын уәкілетті орган бекіткен есептеу әдістемесіне сәйкес дербес есептейді.
Ескерту: 3-тармақ жаңа редакцияда жазылды - ҚР Қаржы нарығын және қаржы ұйымдарын реттеу мен қадағалау агенттігі басқармасының 2005 жылғы 28 мамырдағы N 159
қаулысымен
.
4. Сақтандыру ұйымы - қатысушы міндетті жарналарды есепті тоқсаннан кейінгі айдың он бесінші күнінен кешіктірмей әрбір тоқсанның қорытындысы бойынша Қордың Қазақстан Республикасының Ұлттық Банкіндегі шотына төлейді.
3-тарау. Төтенше жарналарды төлеу тәртібі
5. Сақтандыру ұйымы - қатысушы төтенше жарналарды Заңда белгіленген жағдайларда және мөлшерде төлеуге міндетті.
6. Қордың сақтандыру ұйымы - қатысушысы төтенше жарналарды Қордан төтенше жарналарды төлеу жөніндегі хабарламаны алған күннен бастап он бес күнтізбелік күн ішінде төлейді. Төтенше жарналарды төлеу жөніндегі хабарламада сақтандыру ұйымы - қатысушы төлейтін төтенше жарна мөлшері болуы тиіс.
7. Қор төтенше жарналарды мерзімді төлемдер түрінде төлеу мүмкіндігін белгілей алады. Мұндай жағдайда сақтандыру ұйымы - қатысушы төтенше жарналарды Қор белгілеген мерзімде төлейді. Мерзімді төлемдерді төлеу тәртібі шарт тараптарының қосымша келісімінде айқындалады.
8. Сақтандыру ұйымы - қатысушы Қорға төтенше жарналарды төлеген кезде осы сақтандыру ұйымы - қатысушының шартты міндеттемелері ол төлеген төтенше жарналар сомасына азаяды.
4-тарау. Шарттың міндеттемелерін қалыптастыру
9. Сақтандыру ұйымы - қатысушы Қор алдында өзінің шартты міндеттемелерін Қор белгілеген шартты міндеттемелер ставкасына сәйкес айқындалған мөлшерде қалыптастыруға және есебін жүргізуге міндетті.
10. Сақтандыру ұйымы - қатысушы шартты міндеттемелер мөлшерін уәкілетті орган бекіткен есептеу әдістемесіне сәйкес дербес есептейді.
Ескерту: 10-тармақ жаңа редакцияда жазылды - ҚР Қаржы нарығын және қаржы ұйымдарын реттеу мен қадағалау агенттігі басқармасының 2005 жылғы 28 мамырдағы N 159
қаулысымен
.
11. Сақтандыру ұйымы - қатысушы шартты міндеттемелерді есепті тоқсаннан кейінгі айдың бірінші күнгі жағдай бойынша өз бетімен әрбір тоқсанда қалыптастырады.
Ескерту. 11-тармаққа өзгерісту енгізілді - ҚР-ның Қаржы рыногын және қаржылық ұйымдарды реттеу мен қадағалау жөніндегі агенттігі басқармасының 2004 жылғы 15 наурыздағы N 74
қаулысымен
.
5-тарау. Кредиторға кепілдік төлемін
жүзеге асыру және оның мөлшерін айқындау
талаптары мен тәртібі
12. Мәжбүрлеп таратылатын сақтандыру ұйымы - қатысушы кредиторларға кепілдік төлемін Қорға Заңда көзделген жағдайларда жүзеге асырады.
13. Қор міндетті сақтандыру шарты бойынша сақтандыру төлемдерін жүзеге асыру үшін міндетті сақтандыру түрлері бойынша Қазақстан Республикасының заң актілерінде көзделген тәртіппен, шекте және мерзімде кепілдік төлемін жүзеге асырады не кепілдік төлемін жүзеге асырудан бас тартады.
Кепілдік төлемі моральдық зиянды, кредитордың жіберілген пайдасын, сондай-ақ міндетті сақтандыру шарты бойынша тұрақсыздық айыбын өтемейді.
14. Кредитордың кепілдік төлемін жүзеге асыру бойынша Қордан талап ету құқығы пайда болған жағдайда, кредитор жазбаша өтінішпен Қорға хабарласуға құқылы. Өтініш нысанын Қор белгілейді.
Өтінішке Қазақстан Республикасының міндетті сақтандыру жөніндегі заң актісінде көзделген сақтандыру төлемін жүзеге асыру жөнінде шешімді қабылдау үшін қажетті құжаттар қоса берілуі тиіс.
15. Кредиторларға кепілдік төлемін Қор тікелей өзі немесе агент-банк арқылы кредитордың банк шотына қолма-қол ақшасыз нысанда не қолма-қол ақшамен жүзеге асырылады.
6-тарау. Кепілдік төлемін жүзеге асырудан
бас тарту жағдайлары және негіздемелері
16. Қор мәжбүрлеп таратылатын сақтандыру ұйымының кредиторларына кепілдік төлемін жүзеге асырудан міндетті сақтандыру шарты бойынша сақтандыру төлемдерін жүзеге асырудан бас тарту үшін Қазақстан Республикасының міндетті сақтандыру түрі жөніндегі заң актілерінде көзделген жағдайларда және тәртіппен бас тартады.
17. Қор кредиторға кепілдік төлемін жүзеге асырудан мынадай жағдайларда бас тартуға құқылы:
1) мәжбүрлеп таратылатын сақтандыру ұйымы сақтандыру төлемін толық көлемде жүзеге асырғанда;
2) осы Шарт күшіне енгізілгенге дейін жасалған міндетті сақтандыру шарты бойынша сақтандыру жағдайы басталғанда;
3) мәжбүрлеп таратылатын сақтандыру ұйымының таратылуы туралы мемлекеттік тізілімге жазба жасалғаннан кейін кредитор Қорға кепілдік төлеміне хабарласқанда.
7-тарау. Мәжбүрлеп таратылатын сақтандыру
ұйымының сақтанушыларымен міндетті сақтандыру
шарттарын жасау тәртібі және талаптары
18. Сақтандыру ұйымы - қатысушы Заңда көзделген жағдайларда және талаптарда мәжбүрлеп таратылатын сақтандыру ұйымының сақтанушысымен міндетті сақтандыру шартын жасасуға міндетті. Мұндай шарттың қолданылу мерзімі мәжбүрлеп таратылатын сақтандыру ұйымымен жасалған міндетті сақтандыру шарты қолданылудың өтпеген мерзімінен кем болмауы тиіс.
19. Мәжбүрлеп таратылатын сақтандыру ұйымымен жасалған міндетті сақтандыру шарты қолданылудың өтпеген мерзіміне міндетті сақтандыру шарты жасалған кезде сақтандыру ұйымы - қатысушы мәжбүрлеп таратылатын сақтандыру ұйымының міндетті сақтандыру шартының (сақтандыру полисінің) түпнұсқасын қоса алғанда, аталған шарттың жасалғанын растайтын құжаттарды үш жұмыс күні ішінде Қорға ұсынуға тиіс.
20. Сақтандыру ұйымы - қатысушы мәжбүрлеп таратылатын сақтандыру ұйымының міндетті сақтандыру шарттарын қабылдаған жағдайда сақтандыру ұйымы - қатысушының Заңға сәйкес өтемақы төлемдерін алуға құқығы бар.
21. Сақтандыру ұйымы - қатысушы мәжбүрлеп таратылатын сақтандыру ұйымының міндетті сақтандыру шарттарын қабылдаған кезде мәжбүрлеп таратылатын сақтандыру ұйымымен жасалған міндетті сақтандыру шарты қолданылудың өтпеген мерзімі үшін сақтандыру сыйлықақы сомасына өзінің шартты міндеттемелерін азайту туралы Қорға жазбаша өтінішпен хабарласуға құқылы. Мұндай жағдайда Қор сақтандыру ұйымдарына - қатысушыларға сақтандыру шарттарын қабылдағаны үшін өтемақы төлемдерін жүзеге асырмайды.
8-тарау. Өтемақы төлемдерін жүзеге асыру тәртібі
Ескерту. 8-тарау жаңа редакцияда жазылды - ҚР-ның Қаржы рыногын және қаржылық ұйымдарды реттеу мен қадағалау жөніндегі агенттігі басқармасының 2004 жылғы 15 наурыздағы N 74 қаулысымен .
22. Өтемақы төлемдерінің мөлшерін міндетті сақтандыру шартының мерзімі өтпеген кезеңі үшін мәжбүрлеп таратылатын сақтандыру ұйымының сақтанушысы төлеген сақтандыру сыйлықақы сомасы құрайды.
Егер міндетті сақтандыру шартының қолданылуы кезеңінде сақтанушы сақтандыру сыйлықақысын толық емес көлемде төлеген жағдайда, Қор мәжбүрлеп таратылатын сақтандыру ұйымы кредиторының төленбеген сақтандыру жарнасының сомасын шегере отырып, өтемақы төлемдерін жүзеге асырады. Міндетті сақтандыру шарты бойынша төленбеген сақтандыру сыйлықақы сомасын сақтанушы өз бетімен төлейді.
23. Қор өтемақы төлемдерін осы Шарттың 20-тармағында көзделген жағдайларда сақтандыру ұйымы - қатысушы мәжбүрлеп таратылатын сақтандыру ұйымының сақтанушысымен міндетті сақтандыру шартының жасалғандығын растайтын құжаттарды ұсынғаннан кейін он күн ішінде төлейді.
9-тарау. Мәжбүрлеп таратылатын сақтандыру
ұйымының міндеттемелерін орындаған Қорға
кредитор құқықтарының көшуі
24. Мәжбүрлеп таратылатын сақтандыру ұйымының кредиторына кепілдік төлемі төленген күннен бастап Қорға міндетті сақтандыру шарты бойынша жүзеге асырылған кепілдік төлемі көлемінде кредитордың талап ету құқығы көшеді.
Сақтандыру ұйымы - қатысушыға өтемақы төлем жүзеге асырылған күннен бастап Қорға Қазақстан Республикасының заң актілеріне сәйкес мәжбүрлеп таратылатын сақтандыру ұйымымен жасалған міндетті сақтандыру шарты бойынша кредиторға тиесілі сақтандыру сыйлықақысы бөлігі көлемінде міндетті сақтандыру шарты бойынша кредитордың талап ету құқығы өтеді.
Ескерту. 24-тармаққа толықтыру енгізілді - ҚР-ның Қаржы рыногын және қаржылық ұйымдарды реттеу мен қадағалау жөніндегі агенттігі басқармасының 2004 жылғы 15 наурыздағы N 74
қаулысымен
.
25. Қор кредитордың көшкен талап ету құқығын мәжбүрлеп таратылатын сақтандыру ұйымының тарату комиссиясына Қазақстан Республикасының заңдарында көзделген тәртіппен қояды.
26. Қор кепілдік төлемі төленгенге дейін кредитор кепілдік төлемін алған кезде Қорға барлық құжаттар мен дәлелдерді беруге міндетті екендігі туралы кредиторға хабардар етуге және оған Қорға көшкен талап ету құқығын жүзеге асыру үшін қажетті барлық мәліметтерді хабарлауға міндетті.
10-тарау. Тараптардың құқықтары мен міндеттері
27. Қор:
1) сақтандыру ұйымы - қатысушыдан Қазақстан Республикасының заңдарында және осы Шартта көзделген тәртіппен міндетті әрі төтенше жарналарды төлеуге талап етуге;
2) уәкілетті органнан сақтандыру ұйымдары - қатысушылардың қаржылық жай-күйі, сақтандыру ұйымы - қатысушы жасаған міндетті сақтандыру шарттарының саны туралы және сақтандыру құпиясын құрайтын мәліметтер мен Қазақстан Республикасының заңымен қорғалатын өзге де құпияны қоспағанда, басқа да қажетті ақпаратты сұратуға құқылы.
28. Қор:
1) Қазақстан Республикасының міндетті сақтандыру жөніндегі заң актісіне сәйкес Қорға қатысу міндеті жүктелген сақтандыру ұйымымен қатысу шартын жасауға;
2) сақтандыру ұйымдары - қатысушыларға өзінің жылдық балансын және қатысу шартына сәйкес қаржы-шаруашылық қызметінің нәтижесі туралы есепті ұсынуға;
3) Қазақстан Республикасының барлық аумағында таратылатын мемлекеттік және орыс тіліндегі мерзімді баспа басылымдарында өзінің жылдық балансын жариялауға;
4) сақтандыру ұйымдары - қатысушылардың міндетті және төтенше жарналарды төлеу тәртібіне, сондай-ақ олардың шартты міндеттемелерді қалыптастыруына бақылау жасауға;
5) мәжбүрлеп таратылатын сақтандыру ұйымының міндеттемелері бойынша кредиторларға Заңда көзделген тәртіппен кепілдік төлемін жасауға;
6) аудит жүргізуге;
7) сақтандыру ұйымдарының оған мәлім болған Қазақстан Республикасының сақтандыру және сақтандыру қызметі туралы заңдарын бұзу фактілері жөнінде уәкілетті органға хабарлауға;
8) осы Шартта белгіленген тәртіппен, мөлшерде және мерзімде өтемақы төлемдерін жасауға;
9) өзінің қызметін жүзеге асыру барысында оған мәлім болған сақтандыру ұйымының қызметі туралы барлық ақпаратты тек қызметтік мақсатта пайдалануға міндетті.
29. Қор Қазақстан Республикасының заңдарында және осы Шартта көзделген өзге құқықтарға ие болады және өзге міндеттерді көтереді.
30. Сақтандыру ұйымы - қатысушы:
1) Қазақстан Республикасының барлық аумағында таратылатын мемлекеттік және орыс тіліндегі мерзімді баспа басылымдарында өзінің сақтандыру төлемдеріне кепілдік беру жүйесіне қатысуы туралы ақпаратты жариялауға;
2) Қордан кредиторларға кепілдік төлемдерін жасауға қатысты ақпаратты алуға;
3) Қордан жылдық балансты және Қордың қаржы-шаруашылық қызметінің нәтижелері туралы есепті ұсынуын талап етуге құқылы.
31. Сақтандыру ұйымы - қатысушы қатысу шартына сәйкес:
1) міндетті және төтенше жарналарды төлеуге, сондай-ақ Қазақстан Республикасының заңдарында көзделген тәртіппен шартты міндеттемелерді қалыптастыруға;
2) өткен қаржы жылы аяқталғаннан кейін 30 күнтізбелік күн ішінде Қорға жасалған сақтандыру шарттарының саны және Қор белгілеген нысанда өткен қаржы жылы үшін сақтандыру сыйлықақылары мен сақтандыру төлемдерінің жалпы сомасы туралы ақпаратты ұсынуға;
3) Қорды өзінің төлем қабілетсіздігі туралы және уәкілетті мемлекеттік органның санкцияларды қолдану фактілері туралы хабардар етуге;
4) Қазақстан Республикасының міндетті сақтандыру жөніндегі заң актісіне сәйкес сақтандыру ұйымына Қорға қатысу міндеті жүктелген міндетті сақтандыру түрлері бойынша сақтандыру қызметінің тоқтатылуы туралы Қорды хабардар етуге;
5) сотқа мәжбүрлеп тарату туралы Қорды шағым-талапты беруі туралы, сондай-ақ соттың сақтандыру ұйымын мәжбүрлеп тарату туралы шешімді қабылдауы туралы Қорды хабардар етуге;
6) мәжбүрлеп таратылатын сақтандыру ұйымының сақтанушысымен міндетті сақтандыру шарттарын қолдануының өтпеген мерзіміне жасауға және Қор мен тарату комиссиясына мәжбүрлеп таратылатын сақтандыру ұйымының сақтанушысымен жасалған міндетті сақтандыру шарттары туралы ақпаратты беруге міндетті.
Ескерту. 31-тармаққа өзгеріс енгізілді - ҚР-ның Қаржы рыногын және қаржылық ұйымдарды реттеу мен қадағалау жөніндегі агенттігі басқармасының 2004 жылғы 15 наурыздағы N 74
қаулысымен
.
32. Сақтандыру ұйымы - қатысушы Қазақстан Республикасының заңдарында және осы Шартта көзделген өзге құқықтарға ие болады және өзге міндеттерді көтереді.
11-тарау. Қатысу шартының қолданылуы
33. Қатысу шарты сақтандыру ұйымы - қатысушыға Қорға (қол қойған кезден бастап, егер сақтандыру ұйымы-қатысушының шартты жасаған кезде Қорға қатысуы қажет сақтандырудың міндетті түрі бойынша сақтандыру қызметін жүзеге асыру құқығына лицензиясы болса) қатысуы қажет сақтандырудың міндетті түрі бойынша сақтандыру қызметін жүзеге асыру құқығына лицензияны берген кезден бастап күшіне енеді.
34. Қатысу шарты мынадай жағдайларда тоқтатылады:
1) Қазақстан Республикасының азаматтық заңында көзделген жалпы негіздерде;
2) Қорға қатысу және міндетті сақтандырудың міндетті сақтандыру шарттарының осы түрлері бойынша жасалған қолданысын тоқтату міндеті жүктелген сақтандыру ұйымына міндетті сақтандыру туралы Қазақстан Республикасының заң актілеріне сәйкес міндетті сақтандырудың түрлері бойынша сақтандыру қызметінің Қорын сақтандыру ұйымы - қатысушы тоқтатқан жағдайда.
35. Алу үшін Қорға қатысуы қажет сақтандырудың міндетті түрлері бойынша сақтандыру қызметін жүзеге асыру құқығына лицензиясы бар сақтандыру ұйымы - қатысушы осы Шартты бұзуды талап етуге құқылы емес.
12-тарау. Қатысу шартын бұзғаны
үшін тараптардың жауапкершілігі
36. Міндетті не төтенше жарналарын төлеу бойынша міндеттемелерін уақтылы орындамаған жағдайда, сақтандыру ұйымы - қатысушы төлеу күнін қосқанда, мерзімі өткен әрбір жұмыс күні үшін мерзімі өткен төлем сомасының 0,1% мөлшерінде тұрақсыздық айыбын төлейді.
37. Міндетті не төтенше жарналарды төлеу жөніндегі міндеттемелерді орындамаған жағдайда, сақтандыру ұйымы - қатысушы осы Шарттың 36-тармағында көзделген міндетті не төтенше жарнаның сомасын, тұрақсыздық айыбын төлейді.
38. Егер осы Шарттың 36-тармағында көзделген тұрақсыздық айыбының сомасынан асатын мөлшердегі төтенше жарналарды төлеу жөніндегі міндеттемелерді уақтылы орындамау не орындамау үшінші тұлғалардың алдындағы Қордың жауапкершілігіне апарып соқтырса, онда сақтандыру ұйымы - қатысушы Қорға тұрақсыздық айыбының сомасынан асатын бөлікте өтеуін төлейді.
39. Сақтандыру ұйымы - қатысушы осы Шартты бірнеше мәрте бұзған жағдайда Қор сақтандыру қызметін жүзеге асыру құқығына лицензияның тоқтата тұруын не пікірін қосқанда, сақтандыру және сақтандыру қызметі туралы заңдарда қарастырылған сақтандыру ұйымы - қатысушыға инспекторлық тексеру жүргізу және (немесе) оған әсер етудің шектеулі шаралары мен санкцияларды қолдану туралы уәкілетті мемлекеттік органға өтініш беруге құқылы.
40. Қазақстан Республикасы заңдарында қарастырылған тәртіптегі Заңмен оған жүктелген міндеттер мен функцияларды ұсынуға Қор жауапкершілікте болады.
41. Тараптардың бірде-біреуі шарт бойынша міндеттемелердің ішінара немесе толық орындалмауына, егерде ол осы шартты жасағаннан кейін пайда болатын осы шарт бойынша міндеттемелерді тараптардың орындауы мүмкін болмайтын дүлей күштің: өрт, су тасқыны, жер сілкінісі және басқа да табиғи апаттардың, сондай-ақ соғыс, әскери күштер, мемлекеттік өкімет органдарының актілері мен іс-қимылдарының салдарынан болып табылатын болса, жауапкершілікте болмайды.
42. Егер осындай міндеттемелердің кез келгені осы шартта белгіленген мерзімде міндеттемелердің орындалуына тікелей әсер етсе, онда бұл мерзімдер сәйкес міндеттемелердің қолданылу уақытына өлшемді түрде өзгереді.
43. Осы шарт бойынша өз міндеттемелерін орындау мүмкін болмайтын жақтар өз міндеттемелерін орындауға кедергі келтіретін міндеттемелердің басталуы және тоқтатылуы туралы басқа тарапқа тез хабарлауы тиіс. Өз міндеттемелерін орындауға кедергі келтіретін міндеттемелердің басталуы және тоқтатылуы туралы басқа тараптың хабар беру мерзімі үш айдан аспауы тиіс.
44. Осы шарт бойынша сақтандыру ұйымы - қатысушының құқықтары мен міндеттері үшінші тұлғаға берілмейді.
45. Осы Шарт бойынша барлық ақпаратты Тараптар ауыстыру түріндегі жазбаша хабарламамен береді.
46. Осы Шартқа барлық өзгерістер мен толықтырулар қосымша келісімдермен ресімделеді және екі тараптың уәкілетті өкілдері қол қояды.
47. Осы Шарт бойынша туындаған даулар келіссөздер арқылы шешіледі. Егер Тараптар келісімге келе алмаған кезде даулар Қазақстан Республикасының қолданылып жүрген заңнамасына сәйкес шешіледі.
48. Осы Шарт қазақ және орыс тілдерінде 2 (екі) данадан 4 (төрт) дана етіп жасалған, әрқайсысының заң күші бірдей.
15-тарау. Тараптардың мекен-жайы,
банктік деректемелері және тараптардың қолы
Қор: _______________________________________________________
Cақтандыру ұйымы-қатысушы: _________________________________
Қор: Сақтандыру ұйымы - қатысушы:
Бас директор Төраға
____________ ___________________________