"Қазақстан Республикасындағы кеден ісі туралы" Қазақстан Республикасы Заңының 154-бабына сәйкес, сондай-ақ Қазақстан Республикасының кедендік шекарасы арқылы Қытай Халық Республикасының аумағынан жеке тұлғалар әкелетін тауарларға бақылауды күшейту мақсатында БҰЙЫРАМЫН:
1. "Жеке тұлғалар "Қорғас", "Бахты", "Достық", "Майқапшағай", "Қалжат" өткізу пункттері арқылы өткізетін тауарлар мен көлік құралдарын кедендік ресімдеу туралы" Қазақстан Республикасы Мемлекеттік кіріс министрлігінің Кеден комитеті төрағасының (Қазақстан Республикасының Әділет министрлігінде N 918 тіркелген, 1999 жылы "Кеден жаршысында" жарияланған) 1999 жылғы 22 қыркүйектегі N 462-Ө бұйрығына мынадай өзгерістер мен толықтыру енгізілсін:
1) 1-тармақта:
бірінші абзацындағы "Қорғас", "Достық", "Қалжат" деген сөздер алынып тасталсын;
мынадай мазмұндағы екінші абзацпен толықтырылсын:
"Қорғас", "Достық", "Қалжат" автомобилдік өткізу пункттері арқылы Қазақстан Республикасына жеке тұлғалар әкелетін тауарлар мен көлік құралдары Қазақстан Республикасының заңдарына сәйкес кедендік ресімдеу және кедендік төлемдер мен салықтар алуды жүргізу үшін Алматы қаласы бойынша Кеден басқармасының қызмет аймағында орналасқан уақытша сақтау қоймаларына жеткізілуге жатады";
2) 3-тармақтағы "Қазақстан Республикасы Мемлекеттік кіріс министрлігінің Кеден комитеті төрағасының орынбасары Б.Т.Жұмабаев" деген сөздер "Қазақстан Республикасы Кедендік бақылау агенттігі төрағасының бірінші орынбасары А.Қ.Ержанов" деген сөздермен ауыстырылсын.
2. Қазақстан Республикасы Кедендік бақылау агенттігінің Құқықтық қамтамасыз ету басқармасы (И.Ы.Аңсарова) осы бұйрықтың мемлекеттік тіркелуін қамтамасыз етсін.
3. Осы бұйрықтың орындалуын бақылау Қазақстан Республикасының Кедендік бақылау агенттігі төрағасының бірінші орынбасары А.Қ.Ержановқа жүктелсін.
4. Осы бұйрық Қазақстан Республикасының Әділет министрлігінде тіркелген күнінен бастап күшіне енеді.
Қазақстан Республикасы
Кедендік бақылау агенттігінің
төрағасы