Ескерту. Күші жойылды - ҚР Сыртқы істер министрінің 16.02.2016 № 11-1-2/53 (алғашқы жарияланған күнінен кейін он күнтізбелік күн өткен соң қолданысқа енгізіледі) бұйрығымен.
"Қазақстан Республикасының дипломатиялық қызметi туралы" Қазақстан Республикасының 2002 жылғы 7 наурыздағы Заңының 18-бабына сәйкес бұйырамын:
1. Қоса берiлiп отырған Қазақстан Республикасы Сыртқы iстер министрлiгiнiң резервi туралы ереже бекiтiлсiн.
2. Осы бұйрық Қазақстан Республикасының Әдiлет министрлiгiндегi мемлекеттiк тiркелу күнiнен бастап күшiне енедi.
Мемлекеттік хатшы -
Министр
Қазақстан Республикасы
Мемлекеттік хатшысының -
Қазақстан Республикасы
Сыртқы істер министрінің
2002 жылғы 2 сәуірдегі
N 242 бұйрығымен бекітілген
Қазақстан Республикасы Сыртқы iстер министрлiгiнiң резервi туралы
ереже
1. Жалпы ережелер
1. Қазақстан Республикасы Сыртқы iстер министрлiгінiң резервi туралы осы ереже (бұдан әрi - Ереже) дипломатиялық қызмет үшiн тұрақты кадрлық резерв құру мақсатында "Қазақстан Республикасының дипломатиялық қызметi туралы" Қазақстан Республикасының 2002 жылғы 7 наурыздағы Z020299_ Заңына сәйкес әзiрлендi.
2. Кадрлық резервтi дипломатиялық қызмет қызметкерлері мен қызметшiлерi құрайды, жүйеленген тiзiмге енгізілген олар туралы деректер осы Ережеде белгiленген тәртiппен қалыптасқан.
2. Кадрлық резервтi қалыптастыру
3. Қазақстан Республикасы Сыртқы iстер министрлiгiнiң кадрлық резервi (бұдан әрi - Министрлiк):
1) Министрлiк арқылы халықаралық ұйымдарға жұмысқа жiберiлген дипломатиялық қызмет қызметкерлерiнен;
2) Министрлiк арқылы кәсiби даярлық пен тағылымдаман өту, өзектi халықаралық проблемаларды ғылыми тұрғыдан игеру үшiн Қазақстан Республикасының немесе басқа да елдердiң жоғары оқу орындарына, ғылыми мекемелерiне жіберiлген дипломатиялық қызмет қызметкерлерiнен;
3) дипломатиялық қызмет органдарынан өз өтiнiшi бойынша жұмыстан шығарылған дипломатиялық қызмет қызметкерлерi құрамынан қалыптасады.
4. Кадрлық резерв есебiне алу мәселелерi Қазақстан Республикасы Сыртқы iстер министрiнiң (бұдан әрi - Министр) шешiмi бойынша құрылатын кадрлық комиссия арқылы қаралады.
5. Кадрлық резервпен жұмысты ұйымдастыру Министрлiк Аппаратына жүктеледi.
3. Кадрлық резервтi қалыптастыру тәртiбi
6. Министрлiктен халықаралық ұйымдарға жұмысқа жiберiлген, сондай-ақ кәсiби даярлық пен тағылымдаман өту, өзектi халықаралық проблемаларды ғылыми тұрғыдан игеру үшiн Қазақстан Республикасының немесе басқа да елдердiң жоғары оқу орындарына, ғылыми мекемелерiне жiберiлген дипломатиялық қызмет қызметкерлерi Министрдiң бұйрығымен кадрлық резерв есебiне алынады.
7. Дипломатиялық қызмет органдарынан өз өтiнiшi бойынша жұмыстан шығарылған дипломатиялық қызмет қызметкерлер құрамын кадрлық резерв есебiне алу туралы шешiмдi кадрлық комиссияның ұсынуы бойынша Қазақстан Республикасының Сыртқы iстер министрi қабылдайды.
8. Кадрлық резерв есебiне алу туралы шешiмдi Министр қабылдаған
сәттен бастап қызметкер немесе қызметшi резерв құрамына алынады.
4. Кадрлық резерв есебiне алынған қызметкерлер мен қызметшiлердi
бос қызметтерге орналастыру тәртiбi
9. Кадрлық комиссия бос қызмет болған жағдайда оған орналасуға
конкурс өткiзiлгенге дейiн тиiстi санатқа арнап резервке алынғандардың
тiзiмiн Министрдiң қарауына ұсынады.
10. Министрдiң резерв есебiндегiнiң бос қызметке орналастыру туралы
шешiм қабылдауға құқығы бар және қабылданған шешiм туралы кадрлық
комиссияға хабарлайды.
11. Резерв есебiндегiнiң Министрлiктегi дипломатиялық қызметке алынуы
Қазақстан Республикасының заңнамасында көзделген тәртiппен және ондағы
талаптарды сақтай отырып жүзеге асырылады.
5. Кадрлық резервтен шығарудың тәртiбi
12. Дипломатиялық қызмет қызметкерлерi мен қызметшiлерiн кадрлық
резервтен шығаруды кадрлық комиссия төмендегiдей жағдайларда жүзеге
асырады:
1) резерв есебiндегiнiң басқа мемлекеттiк органдардағы бос қызметке
орналасуы;
2) резерв есебiндегiнiң кадрлық резервтен шығару туралы өтiнiш беруi;
3) Дипломатиялық қызмет туралы заңға сәйкес дипломатиялық қызмет
қызметкерлер құрамының дипломатиялық қызметте болуын шектейтiн, кадрлық
резерв есебiне алу туралы шешiм қабылданған сәтте белгiсiз болған немесе
жоқ болған негiздердiң туындауы.
Мамандар:
Қасымбеков Б.А.
Омарбекова А.Т.