Рус | Қаз | Eng

Қолма-қол шетел валютасымен айырбастау операцияларын жүзеге асыратын уәкiлеттi ұйымдардың жарғылық капиталының ең аз мөлшерiн ұлғайту туралы

Қазақстан Республикасының Ұлттық Банкі Басқармасының 2001 жылғы 20 сәуірдегі N 112 қаулысы. Қазақстан Республикасы Әділет министрлігінде 2001 жылғы 18 мамырда тіркелді. Тіркеу N 1512. Күші жойылды - Қазақстан Республикасының Ұлттық Банкі басқармасының 2007 жылғы 24 қыркүйектегі N 112 қаулысымен

Күшін жойған

       Қаулының күші жойылды - Қазақстан Республикасының Ұлттық Банкі басқармасының 2007.09.24.  N 112  (қолданысқа енгізілу тәртібін  6-тармақтан  қараңыз) Қаулысымен.

      Қолма-қол шетел валютасымен айырбастау операцияларын жүзеге асыратын уәкiлеттi ұйымдардың (бұдан әрi - уәкiлеттi ұйымдар) қаржылық тұрақтылығын нығайту және жұмысының тиiмдiлiгiн арттыру мақсатында Қазақстан Республикасы Ұлттық Банкiнiң Басқармасы  ҚАУЛЫ ЕТЕДI:

      1. Жаңадан құрылған немесе жұмыс iстеп тұрған уәкiлеттi ұйымдар бiреуден артық айырбастау пунктiн ашқан жағдайда олардың жарғылық капиталы әрбiр жаңадан ашылатын айырбастау пунктi үшiн 50 мың теңгеге ұлғайтылуға тиiс.

      2. Бiреуден артық айырбастау пунктi бар уәкiлеттi ұйымдар 2001 жылғы 1 тамызға дейiнгi мерзiмде өзiнiң жарғылық капиталын осы қаулының 1-тармағының талаптарына сәйкес келтiруге мiндеттi.

      3. Осы қаулы ресми түрде жарияланған күннен бастап күшiне енедi.

      4. Валюталық реттеу және бақылау басқармасы (Мәженова Б.М.): 
      1) Заң департаментiмен (Шәрiпов С.Б.) бiрлесiп осы қаулыны Қазақстан Республикасының Әдiлет министрлiгiнде мемлекеттiк тiркеуден өткiзу шараларын қабылдасын; 
      2) Қазақстан Республикасының Әдiлет министрлiгiнде мемлекеттiк тiркеуден өткiзiлген күннен бастап он күндiк мерзiмде осы қаулыны Қазақстан Республикасы Ұлттық Банкiнiң аумақтық филиалдарына және екiншi деңгейдегi банктерге жiберсiн.

      5. Қазақстан Республикасы Ұлттық Банкiнiң аумақтық филиалдары: 
      1) төрт күндiк мерзiмде осы қаулыны уәкiлеттi ұйымдарға жiберсiн; 
      2) уәкiлеттi ұйымдардың осы қаулыны орындауына бақылау жасасын.

      6. Халықаралық қатынас және жұртшылықпен байланыс басқармасы (Мартюшев Ю.А.) осы қаулы Қазақстан Республикасының Әділет министрлігінде мемлекеттік тіркеуден өткізілген күннен бастап он төрт күндік мерзімде бұқаралық ақпарат құралдарында жарияласын.

      7. Осы қаулының орындалуын бақылау Қазақстан Республикасының Ұлттық Банкі Төрағасының орынбасары М.Т. Құдышевке жүктелсін.

       Ұлттық Банк
      Төрағасы