"Президент пен Үкімет актілерінің
жинағында" және республикалық
баспасөзде мазмұны
жариялануға тиіс
"Қазақстан Республикасының Президенті туралы" Қазақстан Республикасының 1995 жылғы 26 желтоқсандағы Конституциялық заңының 19-бабының 2) тармақшасына сәйкес Астана қаласын орнықты дамыту, Астана қаласы экономикасының бәсекеге қабілеттілігін қамтамасыз ету, орнықты дамытудың халықаралық қағидаттарына сай келетін тыныс-тіршілігі инфрақұрылымын қалыптастыру, сонымен қатар қолайлы қоршаған орта жасау мақсатында ҚАУЛЫ ЕТЕМІН:
1. Астана қаласын орнықты дамытудың 2030 жылға дейінгі стратегиялық жоспары (бұдан әрі - Стратегиялық жоспар) бекітілсін.
2. Қазақстан Республикасының Үкіметі бір ай мерзімде Стратегиялық жоспарды іске асыру жөніндегі іс-шаралар жоспарын әзірлеп, бекітсін.
3. Орталық және жергілікті атқарушы органдар, сондай-ақ Қазақстан Республикасының Президентіне тікелей бағынатын және есеп беретін мемлекеттік органдар Стратегиялық жоспарды іске асыру жөнінде шаралар қабылдасын.
4. Астана қаласының әкімі:
1) Қазақстан Республикасының заңнамасында белгіленген тәртіппен Стратегиялық жоспардың орындалуын үйлестіруді қамтамасыз етсін;
2) жартыжылдықтың және жылдың қорытындылары бойынша Қазақстан Республикасының Үкіметіне 1 қыркүйекке және 1 наурызға дейін Стратегиялық жоспардың орындалу барысы туралы ақпарат ұсынсын.
Ескерту. 4-тармаққа өзгеріс енгізілді - ҚР Президентінің 2011.03.15 № 1170 Жарлығымен.
4-1. Қазақстан Республикасының Үкіметі жартыжылдықтың және жылдың қорытындылары бойынша Қазақстан Республикасы Президентінің Әкімшілігіне 15 қыркүйекке және 15 наурызға дейін Стратегиялық жоспардың орындалу барысы туралы ақпарат ұсынсын.
Ескерту. Жарлық 4-1-тармақпен толықтырылды - ҚР Президентінің 2011.03.15 № 1170 Жарлығымен.
5. Осы Жарлықтың іске асырылуын бақылау Қазақстан Республикасы Президентінің Әкімшілігіне жүктелсін.
6. Осы Жарлық қол қойылған күнінен бастап қолданысқа енгізіледі.
Қазақстан Республикасының
Президенті
РҚАО-ның ескертпесі. Жарлыққа Стратегиялық жоспар берілмеген.