Ескерту. Күші жойылды - ҚР Үкіметінің 29.04.2022 № 268 қаулысымен.
"Қазақстан Республикасының Үкіметі туралы" Қазақстан Республикасының 1995 жылғы 18 желтоқсандағы Конституциялық заңының 19-бабы 1-тармағының 8) тармақшасына сәйкес:
1. Осы өкімге қосымшаға сәйкес құрамда Кірістіліктің тәуекелсіз қисығын құру және мемлекеттік бағалы қағаздарды халықаралық индекстерге енгізу жөніндегі іс-қимыл жоспарын іске асыру жөніндегі кеңес (бұдан әрі – Кеңес) құрылсын.
2. Қоса беріліп отырған Кеңес туралы ереже бекітілсін.
| Премьер-Министр | А. Мамин |
| Қазақстан Республикасы Премьер-Министрінің 2021 жылғы 9 шілдедегі № 120 өкіміне қосымша |
Кірістіліктің тәуекелсіз қисығын құру және мемлекеттік бағалы қағаздарды халықаралық индекстерге енгізу жөніндегі іс-қимыл жоспарын іске асыру жөніндегі кеңестің құрамы
Қазақстан Республикасының Қаржы министрі, төраға
Қазақстан Республикасының Қаржы вице-министрі, төрағаның орынбасары
Қазақстан Республикасы Қаржы министрлігі Мемлекеттік қарыз алу департаментінің директоры, хатшы
Қазақстан Республикасының Ұлттық экономика бірінші вице-министрі
Қазақстан Республикасы Ұлттық Банк төрағасының орынбасары (келісу бойынша)
Қазақстан Республикасы Қаржы нарығын реттеу және дамыту агенттігі төрағасының орынбасары (келісу бойынша)
| Қазақстан Республикасы | |
| Премьер-Министрінің | |
| 2021 жылғы 9 шілдедегі | |
| № 120 өкімімен | |
| бекітілген |
Кірістіліктің тәуекелсіз қисығын құру және мемлекеттік бағалы қағаздарды халықаралық индекстерге енгізу жөніндегі іс-қимыл жоспарын іске асыру жөніндегі кеңес туралы ереже
1-тарау. Жалпы ережелер
1. Кірістіліктің тәуекелсіз қисығын құру және мемлекеттік бағалы қағаздарды халықаралық индекстерге енгізу жөніндегі іс-қимыл жоспарын іске асыру жөніндегі кеңес (бұдан әрі – Кеңес) Қазақстан Республикасының Үкіметі жанындағы консультациялық-кеңесші орган болып табылады.
2. Кеңес өз қызметінде Қазақстан Республикасының Конституциясын, Қазақстан Республикасының заңдарын, Қазақстан Республикасы Президентінің және Үкіметінің актілерін және Қазақстан Республикасының өзге де нормативтік құқықтық актілерін, сондай-ақ осы Ережені басшылыққа алады.
3. Қазақстан Республикасының Қаржы министрлігі Кеңестің жұмыс органы болып табылады.
4. Кеңестің отырыстары қажеттілігіне қарай жылына кемінде бір рет өткізіледі және бейнеконференцбайланыс режимінде ұйымдастырылуы мүмкін.
2-тарау. Кеңестің негізгі міндеті
5. Кеңестің негізгі міндеті:
1) тәуекелсіз кірістілік қисығын құру;
2) мемлекеттік бағалы қағаздарды халықаралық индекстерге енгізу;
3) ішкі және сыртқы нарықтарда мемлекеттік бағалы қағаздар шығару саясаты;
4) Қазақстан Республикасының Ұлттық қорынан трансферттер мен мемлекеттік бағалы қағаздар шығарылымдарын ескере отырып, республикалық бюджет шығындарының болжамы бойынша ұсыныстар тұжырымдау болып табылады.
3-тарау. Кеңес жұмысының ұйымдастырылуы мен тәртібі
6. Кеңес жұмысының ұйымдастырылуы мен тәртібі Қазақстан Республикасы Үкіметінің 1999 жылғы 16 наурыздағы № 247 қаулысымен бекітілген Қазақстан Республикасының Үкіметі жанындағы консультациялық-кеңесші органдар мен жұмыс топтарын құру тәртібі, қызметі мен таратылу туралы нұсқаулыққа сәйкес жүзеге асырылады.