1. "Сентрал Эйшен Майнинг Лимитед" компаниясының "Бақыршық тау-кен өндіру кәсіпорны" (Бақыршық тау-кен өндіретін бірлескен кәсіпорын) ЖШС-на қатысу үлесін "Бақыршық тау-кен өндіру кәсіпорны" ЖШС-дегі компанияның 60% қатысу үлесінің төленбеген құнының есебіне, мұнымен бір мезгілде 1996 жылғы 13 желтоқсандағы сатып алу-сату шартында көзделген инвестициялар сомасын 150 (жүз елу) миллион АҚШ долларынан 105 (жүз бес) миллион АҚШ долларына кеміте отырып, 30% мөлшерінде Қазақстан Республикасының меншігіне қайтару туралы ұсынысына келісім берілсін.
2. Қазақстан Республикасы Қаржы министрлігінің Мемлекеттік мүлік және жекешелендіру комитеті:
1) "Сентрал Эйшен Майнинг Лимитед" компаниясынан осы қаулының 1-тармағында көрсетілген қатысу үлесін Қазақстан Республикасына беру жөніндегі қажетті рәсімдерді жүргізсін және "Сентрал Эйшен Майнинг Лимитед" компаниясы қол қойған 1996 жылғы 13 желтоқсандағы Сатып алу-сату шартына осы қаулының 1-тармағынан туындайтын тиісті өзгерістер енгізсін;
2) "Бақыршық тау-кен өндіру кәсіпорны" ЖШС-дегі алынған 30%
мөлшеріндегі қатысу үлесін иелену және пайдалану құқығын Қазақстан Республикасының Энергетика, индустрия және сауда министрлігіне берсін. 3. Осы қаулының орындалуын бақылау Қазақстан Республикасы Премьер-Министрінің орынбасары - Қаржы министрі О.Ә.Жандосовқа жүктелсін. 4. Осы қаулы қол қойылған күнінен бастап күшіне енеді. Қазақстан Республикасының Премьер-Министрі Оқығандар: Орынбекова Д. Кобдалиева Н.