Рус | Қаз | Eng

Мемлекетаралық "Мир" телерадиокомпаниясының мәселелерi

Қазақстан Республикасы Министрлер Кабинетiнiң қаулысы 23 маусым 1993 ж. N 533

Қолданыстағы
      Мемлекетаралық "Мир" телерадиокомпаниясын ("Мир" МТРК) құру туралы 1992 жылғы 9 қазандағы Бiшкек қаласында Армения Республикасы, Беларусь Республикасы, Қазақстан Республикасы, Қырғызстан Республикасы, Молдова Республикасы, Ресей Федерациясы, Тәжiкстан Республикасы, Өзбекстан Республикасы мемлекеттерi басшыларының қол қойған Келiсiмiн, сондай-ақ осы мемлекеттер үкiметтерiнiң Минск қаласында 1992 жылғы 22 қаңтар мен 1993 жылғы 28 сәуiрде бiрлесiп қол қойған шешiмдерiн орындау мақсатында Қазақстан Республикасының Министрлер Кабинетi қаулы етедi:
      1. Жабық түрдегi акционерлiк қоғам ретiндегi Мемлекетаралық "Мир" телерадиокомпаниясын құру туралы Құрылтайшылар шарты мен 1993 жылғы 11 қаңтардағы Мемлекетаралық "Мир" телерадиокомпаниясы құрылтайшылары жиналысының хаттамасы бекiтiлсiн.
      2. Қазақстан Республикасында Мемлекетаралық "Мир" телерадиокомпаниясының Ұлттық филиалы құрылсын.
      3. Қазақстан Республикасының Қаржы министрлiгi құрылтай құжаттарына сәйкес:
      республиканың 1993 жылғы бюджетiн дәлдеген кезде "Мир" МТРК-сын қаржыландыру жөнiндегi үлестiк қатысуға арналған 438,8 млн. сомадағы шығыс, соның iшiнде Қазақстан Республикасының МТРК-ның жарғылық қорына акционерлiк салым үлесiне енгiзуге арналған 200 миллион сом, телерадиобағдарламаларын даярлау мен "Мир" МТРК-сын ұстатуға 234,8 млн. сом қарастыратын болсын; 

     "Мир" МТРК-ның Мемлекетаралық Үйлестiру Кеңесi белгiлеген хабар 
тарату көлемiне сәйкес, сондай-ақ ресейлiк сомның құнсыздануын ескере 
отырып, "МИР" МТРК-ның ағымдағы қызметiн қаржыландыруға үлестiк қатысуға 
арналған шығысты Қазақстан Республикасының республикалық бюджетiнде мұнан 
былай да жыл сайын көздеп отыратын болсын.
     (4-5-6-7-тармақтар)
<*>

     ЕСКЕРТУ. 4,5,6,7-тармақтарының күшi жойылды - ҚРҮ-нiң 1998.04.09.
              N 306 қаулысымен.  

P980306_

 

     Қазақстан Республикасының
         Премьер-министрi