1. Қазақстан Республикасы өнеркәсiбi базалық салаларының отқа төзiмдi материалдар және олардан жасалатын бұйымдар өндiретiн "Оттөзiм" акционерлiк өндiрiс корпорациясын құру туралы бастамасына қолдау көрсетiлсiн.
2. Қазақстан Республикасында отқа төзiмдi материалдар өнеркәсiбiн дамытудың мүдделi ұйымдармен келiсiлген бағдарламасы мақұлдансын.
3. Қазақстан Республикасының Мемэкономкомы "Оттөзiм" акционерлiк компаниясының Отқа төзiмдi материалдар өнеркәсiбiн дамыту бағдарламасының орындалуын қамтамасыз ететiн жаңа өндiрiстер құру және жұмыс iстеп тұрғандарын жаңғырту жөнiндегi ұсыныстарына мемлекеттiк қолдау жасау шараларын көздейтiн болсын.
4. Қазақстан Республикасының Байланыс министрлiгi 1993 жылы "Оттөзiм" корпорациясының өтiнiмдерi бойынша телефон және телекс байланысының қажеттi техникалық құралдары мен арналары бөлiнуiн қамтамасыз етсiн.
5. Қазақстан Республикасының Сыртқы экономикалық байланыстар министрлiгi:
"Оттөзiм" корпорациясына бiрлескен кәсiпорындар құру және басқа халықаралық корпорация нысандарын жүзеге асыру, экспорт-импорт операцияларын жүргiзу үшiн шетелдiк әрiптестер iздестiруде жәрдем көрсетсiн;
Отқа төзiмдi материалдар өнеркәсiбiн дамыту бағдарламасын жүзеге асыруға қажеттi валюта қаржысын алу үшiн корпорацияның құрылтайшы кәсiпорындары мен ұйымдарына өнiмдi экспортқа шығаруға арналған лицензияларды белгiленген тәртiппен беретiн болсын.
6. Алматы, Ақтөбе, Жамбыл, Маңғыстау, Қостанай, Торғай, Оңтүстiк Қазақстан облыстарының және Алматы қаласының әкiмдерi Қазақстан Республикасында отқа төзiмдi материалдар өнеркәсiбiн дамыту бағдарламасын жүзеге асыруға барынша көмектесiп отырсын.
Қазақстан Республикасының
Премьер-министрi