ЗҚАИ-ның ескертпесі!
Қолданысқа енгізілу тәртібін 2-тармақтан қараңыз
Қазақстан Республикасының Үкіметі ҚАУЛЫ ЕТЕДІ:
1. "Инвестицияларды мемлекеттік қолдауды іске асырудың кейбiр мәселелерi туралы" Қазақстан Республикасы Үкіметінің 2016 жылғы 14 қаңтардағы № 13 қаулысына (Қазақстан Республикасының ПҮАЖ-ы, 2016 ж., № 3-4, 14-құжат) мынадай өзгерістер енгізілсін:
кіріспе мынадай редакцияда жазылсын:
"2015 жылғы 29 қазандағы Қазақстан Республикасының Кәсіпкерлік кодексінің 282, 286, 294 және 295-2-баптарына сәйкес Қазақстан Республикасының Үкiметi ҚАУЛЫ ЕТЕДІ:";
көрсетілген қаулымен бекітілген инвестицияларды жүзеге асыруды және инвестициялық преференциялар беруді көздейтін инвестициялық жобаны іске асыруға арналған модельдік келісімшартта:
1-тармақтың 9) тармақшасы алып тасталсын;
3-тармақтың 2) тармақшасының он бірінші абзацы алып тасталсын;
21-тармақтың 4) тармақшасының екінші абзацы алып тасталсын;
25-тармақтың үшінші абзацы алып тасталсын;
5-қосымша алып тасталсын;
көрсетілген қаулымен бекітілген инвестициялық жобаларды іске асыруға арналған қызметтің басым түрлерінің тізбесінде:
"3-бөлім. Қазақстан Республикасын индустриялық-инновациялық дамытудың мемлекеттік бағдарламасы шеңберінде инвестициялық субсидия берілетін инвестициялық басым жобаларды іске асыру үшін айқындалған қызметтің басым түрлерінің тізбесі" деген бөлім мынадай редакцияда жазылсын:
"
3-бөлім. 2015 жылғы 29 қазандағы Қазақстан Республикасының Кәсіпкерлік кодексінің 295-2-бабына сәйкес жасалатын инвестициялар туралы келісімдер шеңберінде инвестициялық басым жобаларды іске асыру үшін айқындалған қызметтің басым түрлерінің тізбесі | |||||
01 | Өсімдік шаруашылығы және мал шаруашылығы, аңшылық және осы салаларда көрсетілетін қызметтерді ұсыну | 01.4 | Мал шаруашылығы | 01.41 | Сүт бағытындағы ірі қара мал өсіру |
01.42 | Басқа да ірі қара мал және енекелер өсіру | ||||
10* | Тамақ өнімдерінің өндірісі | 10.1 | Етті өңдеу және консервілеу мен ет өнімдерінің өндірісі | 10.11 | Етті өңдеу және консервілеу |
28 | Басқа санаттарға енгізілмеген машиналар мен жабдықтар өндірісі | 28.3 | Ауыл шаруашылығы мен орман шаруашылығы техникасының өндірісі | 28.30 | Ауыл шаруашылығы мен орман шаруашылығы техникасының өндірісі |
21.2 | Фармацевтикалық препараттар мен медициналық материалдар өндірісі | 21.20 | Фармацевтикалық препараттар мен медициналық материалдар өндірісі | 21.20.2 | Ветеринарияға арналған дәрілік препараттар өндірісі |
| ". |
2. Осы қаулы "Қазақстан Республикасының кейбір заңнамалық актілеріне экономикалық өсуді қалпына келтіру мәселелері бойынша өзгерістер мен толықтырулар енгізу туралы" 2021 жылғы 2 қаңтардағы Қазақстан Республикасының Заңы қолданысқа енгізілген күннен бастап қолданысқа енгізіледі және ресми жариялануға тиіс.
|
Қазақстан Республикасының Премьер-Министрі |
А. Мамин |