«Рұқсаттар және хабарламалар туралы» 2014 жылғы 16 мамырдағы Қазақстан Республикасы Заңының 10-бабына сәйкес Қазақстан Республикасының Үкіметі ҚАУЛЫ ЕТЕДІ:
1. Мыналар:
1) Қазақстан Республикасы Ішкі істер министрлігінің Әкімшілік полиция комитеті – азаматтық және қызметтік қару мен оның патрондарын әзірлеу, өндіру, жөндеу, сату, коллекцияға жинау, экспонаттау және сатып алу жөніндегі қызметтің лицензиары;
2) Астана, Алматы қалаларының, облыстардың көліктегі ішкі істер департаменттері мен олардың аумақтық және желілік бөлімшелері – азаматтық және қызметтік қару мен оның патрондарын жөндеу, коллекцияға жинау, экспонаттау және сатып алу жөніндегі қызметің лицензиары болып белгіленсін.
2. «Азаматтық және қызметтік қару мен оның патрондарын әзірлеу, өндіру, жөндеу, сату, коллекцияға жинау, экспонаттау және сатып алу жөніндегі қызметті лицензиялаудың кейбір мәселелері туралы» Қазақстан Республикасы Үкіметінің 2012 жылғы 6 желтоқсандағы № 1555 қаулысының 1-тармағы екінші бөлігінің (Қазақстан Республикасының ПҮАЖ-ы, 2013 ж., № 2, 40-құжат) күші жойылды деп танылсын.
3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Қазақстан Республикасының
Премьер-Министрі К. Мәсімов