Жарақат салатын патрондармен ату мүмкіндігі бар ұңғысыз атыс қаруын, газды қаруды сақтауға және алып жүруге ішкі істер органдарының тиісті рұқсаты бар жеке тұлғалардың қаруды ерікті түрде өтеулі негізде тапсыру қағидаларын бекіту туралы

      РҚАО-ның ескертпесі!
      Осы қаулы 2015 жылғы 1 қаңтардан бастап қолданысқа енгізіледі.

      «Қазақстан Республикасының кейбір заңнамалық актілеріне ішкі істер органдары қызметінің мәселелері бойынша өзгерістер мен толықтырулар енгізу туралы» 2014 жылғы 24 сәуірдегі Қазақстан Республикасының Заңы 2-бабының 3-тармағына сәйкес Қазақстан Республикасының Үкіметі ҚАУЛЫ ЕТЕДІ:
      1. Қоса беріліп отырған Жарақат салатын патрондармен ату мүмкіндігі бар ұңғысыз атыс қаруын, газды қаруды сақтауға және алып жүруге ішкі істер органдарының тиісті рұқсаты бар жеке тұлғалардың қаруды ерікті түрде өтеулі негізде тапсыру қағидалары бекітілсін.
      2. Осы қаулы 2015 жылғы 1 қаңтардан бастап қолданысқа енгізіледі және ресми жариялануға тиіс.

      Қазақстан Республикасының
      Премьер-Министрі                                     К. Мәсімов

Қазақстан Республикасы
Үкіметінің       
2014 жылғы 29 қазандағы
№ 1145 қаулысымен 
бекітілген     

Жарақат салатын патрондармен ату мүмкіндігі бар ұңғысыз атыс
қаруын, газды қаруды сақтауға және алып жүруге ішкі істер
органдарының тиісті рұқсаты бар жеке тұлғалардың қаруды ерікті
түрде өтеулі негізде тапсыру қағидалары

1. Жалпы ережелер

      1. Осы Жарақат салатын патрондармен ату мүмкіндігі бар ұңғысыз атыс қаруын, газды қаруды сақтауға және алып жүруге ішкі істер органдарының тиісті рұқсаты бар жеке тұлғалардың қаруды ерікті түрде өтеулі негізде тапсыру қағидалары (бұдан әрі - Қағидалар) «Қазақстан Республикасының кейбір заңнамалық актілеріне ішкі істер органдары қызметінің мәселелері бойынша өзгерістер мен толықтырулар енгізу туралы» 2014 жылғы 23 сәуірдегі Қазақстан Республикасының Заңы 2-бабының 3-тармақшасына сәйкес әзірленген және жарақат салатын патрондармен ату мүмкіндігі бар ұңғысыз атыс қаруын, газды қаруды сақтауға және алып жүруге ішкі істер органдарының тиісті рұқсаты бар жеке тұлғалардың қаруды ерікті түрде өтеулі тапсыру тәртібін айқындайды.
      2. Жарақат салатын патрондармен ату мүмкіндігі бар ұңғысыз атыс қаруын, газды қаруды ерікті түрде өтеулі тапсыруға жұмсалатын шығыстарды қаржыландыру осы мақсаттар үшін көзделген республикалық бюджет қаражаты есебінен жүргізіледі.
      3. Қару иесі Астана, Алматы қалаларының және облыстардың ішкі істер департаменттерінде, қалалық, аудандық ішкі істер органдарында азаматтық қару иесі ретінде есепте тұрса және қаруды сақтау мен алып жүруге рұқсаты болса, қару тіркелген болып есептеледі.
      4. Жеке тұлғалар ерікті түрде тапсыратын жарақат салатын патрондармен ату мүмкіндігі бар тіркелген ұңғысыз атыс қаруын, газды қаруды қабылдау 2016 жылғы 1 қаңтарға дейін жүзеге асырылады.

2. Жарақат салатын патрондармен ату мүмкіндігі бар ұңғысыз атыс
қаруын, газды қаруды ерікті түрде өтеулі тапсыру тәртібі

      5. Өзіне заңды негізде және ішкі істер органдарында тіркелген жарақат салатын патрондармен ату мүмкіндігі бар ұңғысыз атыс қаруын, газды қаруды ерікті түрде өтеулі тапсыру үшін жеке тұлға не сенімхат бойынша оның өкілі қару тіркелген орны бойынша Астана, Алматы қалаларының және облыстардың Ішкі істер департаменттеріне, қалалық, аудандық ішкі істер органына жүгінеді және мынадай құжаттарды:
      1) 1-қосымшаға сәйкес нысан бойынша жарақат салатын патрондармен ату мүмкіндігі бар ұңғысыз атыс қаруын, газды қаруды ерікті түрде өтеулі тапсыру туралы өтінішті;
      2) қаруды сақтау және алып жүру құқығына берілген рұқсаттың түпнұсқасын;
      3) жеке басты куәландыратын құжаттың көшірмесін;
      4) банк операцияларының жекелеген түрлерін жүзеге асыратын банктер және (немесе) ұйымдарда ашылған банк есепшоты нөмірі туралы мәліметті;
      5) сенімхат - осы Қағидалардың 6-тармағында көзделген тәртіппен өтінішті және қажетті құжаттарды өкіл тапсырған жағдайда ұсынады.
      Егер қару иесі қаруды тіркеу (қайта тіркеу) не оны есепке қою тәртібін бұзған жағдайда, Қазақстан Республикасының әкімшілік құқық бұзушылық туралы заңнамасында белгіленген тәртіппен әкімшілік айыппұлдың төленгені туралы түбіртек ұсынылады.
      6. Қару иесі қаруды тапсыра алмаған жағдайда (ұзақ іссапар, сырқаттану), іссапарға кеткенін растайтын тиісті құжаттар, медициналық мекеменің анықтамасы, қаруды ішкі істер органдарына тапсыру және ақшалай сыйақыны алу құқығына нотариатта бекітілген сенімхат болған кезде, қару өкіл арқылы тапсырылады.
      7. Ерікті түрде өтеулі тапсыру туралы өтініш ішкі істер органдарында берілген күні тіркеледі.
      8. Ерікті түрде сыйақы үшін тапсырылатын қаруды осы Қағидалардың 5-тармағында көзделген өтінішпен және құжаттармен бірге қару иесінің қатысуымен оның жай-күйі және көзге көрінетін ақаулары көрсетілетін қаруды қабылдау актісін толтыра отырып, ішкі істер органының кезекшісі қабылдайды. Акті екі данада толтырылады - біреуі ішкі істер органдарында қалады, екіншісі - қару иесіне беріледі.
      9. Жарақат салатын патрондармен ату мүмкіндігі бар ұңғысыз атыс қаруын, газды қаруды ерікті түрде өтеулі тапсыру туралы өтінішті қарау мерзімі - ол тіркелген күннен бастап күнтізбелік отыз күн ішінде.
      10. Өтініш, қоса берілетін құжаттар және қару бір жұмыс күні ішінде қарудың техникалық жай-күйін айқындау және жеке тұлғаларға тапсырылған қару үшін төлем белгілеу жөніндегі Астана, Алматы қалаларының және облыстардың ішкі істер департаменттерінің, қалалық, аудандық ішкі істер органдарының жанынан арнайы құрылған комиссияларға (бұдан әрі - комиссиялар) беріледі.
      11. Комиссиялардың құрамдары Астана, Алматы қалаларының және облыстардың Ішкі істер департаменттері бастықтарының бұйрықтарымен бекітіледі және тыл және қаржылық қамтамасыз ету, азаматтық және қызметтік қару айналымы саласындағы бақылау жөніндегі бөлімшелердің, криминалдық полиция, өзіндік қауіпсіздік, жедел-криминалистикалық және ақпараттық-талдамалық қызметтердің қызметкерлерінен тұрады.
      12. Астана, Алматы қалаларының және облыстардың ішкі істер департаменттері, қалалық, аудандық ішкі істер органдары бастығының орынбасары комиссия төрағасы болып тағайындалады.
      13. Астана, Алматы қалаларының және облыстардың ішкі істер департаменттерінің, қалалық, аудандық ішкі істер органдарының азаматтық және қызметтік қару айналымы саласындағы бақылау жөніндегі бөлімшенің қызметкері комиссия хатшысы болып тағайындалады, ол комиссияның отырысын ұйымдастырады.
      14. Жеке тұлғалар ерікті түрде сыйақы үшін тапсыратын қаруды Қазақстан Республикасы Ішкі істер министрлігінің Интеграцияланған деректер банкі (бұдан әрі - ҚР ІІМ ИДБ) «Криминалдық қару» және «Тіркелген қару» есептері бойынша ақпараттық-талдау орталығының қызметкері тексереді.
      Қаруды тексеру мерзімі - сұрату түскен күннен бастап бір жұмыс күні ішінде.
      Егер тапсырылатын қару ҚР ІІМ ИДБ «Тіркелген қару» есебінде тұрмаса, ішкі істер органдары есепке қойылмау себептерін және ұсынылған қаруды сақтауға және алып жүруге рұқсаттың түпнұсқасын белгілеу үшін тексеріс жүргізеді.
      15. Тапсырылған қару жарақат салатын патрондармен ату мүмкіндігі бар ұңғысыз, газды қару атыс қаруы болып табылатыны, сондай-ақ қарудың жарақат салатын патронмен атуға жарамдылығы немесе жарамсыздығы туралы криминалист-маманның қорытындысын алу үшін Астана, Алматы қалаларының және облыстардың Ішкі істер департаменттерінің, қалалық, аудандық ішкі істер органдарының жедел-криминалистикалық бөлімшелеріне жіберіледі.
      Сараптаманы жүргізу мерзімі - қару келіп түскен күннен бастап бес жұмыс күні ішінде.
      16. Комиссия хатшысы жеке тұлғаның қаруды ерікті түрде тапсыру туралы өтініші негізінде мынадай құжаттардан:
      1) қаруды ерікті түрде өтеулі тапсыру туралы өтініштен;
      2) тапсырылған қару жарақат салатын патрондармен ату мүмкіндігі бар ұңғысыз атыс қаруы, газды қару болып табылатыны, сондай-ақ қарудың жарақат салатын патронмен атуға жарамдылығы немесе жарамсыздығы туралы криминалист-маманның қорытындысынан;
      3) ҚР ІІМ БДБ «Криминалдық қару» және «Тіркелген қару» есептері бойынша тексеру туралы материалдардан;
      4) қару иесінің қолы қойылған қаруды қабылдау актісінен;
      5) қаруды сақтауға және алып жүруге рұқсаттан;
      6) жеке басты куәландыратын құжаттың көшірмесінен;
      7) осы Қағидалардың 6-тармағының 5) тармақшасында көзделген жағдайда, айыппұлдың төленгені туралы түбіртектен;
      8) сенімхаттан тұратын «Қаруды ерікті түрде өтеулі тапсыру туралы істі» (бұдан әрі - іс) қалыптастырады.
      Ескертпе. Талап етілетін құжаттар 2016 жылғы 1 қаңтарға дейін ұсынылмаған жағдайда, тапсырылған қару үшін ақшалай сыйақы төленбейді.
      17. Комиссия ұсынылған материалдарды қарайды, осы Қағидаларға 2-қосымшаға сәйкес нысан бойынша ерікті түрде тапсырылған қарудың санатын, сондай-ақ осы Қағидаларға 3-қосымшаға сәйкес нысан бойынша ерікті түрде тапсырылған қару үшін сыйақылар мөлшерін айқындайды.
      Криминалист-маманның қорытындысы және қаруды қабылдау актісі тапсырылатын қарудың санатын айқындау үшін негіздер болып табылады.
      18. Қаруды тапсырған жеке тұлғаларға мынадай төлем белгіленеді:
      1) 1-санатқа жатқызылған қару үшін осы Қағидаларға 2-қосымшада көзделген құнының 90 %-ы есебінен жүргізіледі;
      2) 2-санатқа жатқызылған қару үшін осы Қағидаларға 2-қосымшада көзделген құнының 70 %-ы есебінен жүргізіледі;
      3) 3-санатқа жатқызылған қару үшін осы Қағидаларға 2-қосымшада көзделген құнының 50 %-ы есебінен жүргізіледі.
      19. Комиссия қарудың техникалық жай-күйін айқындау, тапсырылған қару үшін жеке тұлғаларға төлем белгілеу немесе ақшалай сыйақыны төлеуден бас тарту туралы осы Қағидаларға 4-қосымшаға сәйкес нысан бойынша екі данада қорытынды шығарады, оны Астана, Алматы қалаларының және облыстардың Ішкі істер департаменттерінің, қалалық, аудандық ішкі істер органдарының бастығы бекітеді және елтаңбалық мөрмен бекітіледі.
      20. Төлемді белгілеу кезінде халықтың қаруды өтеулі тапсырғаны үшін шығындарды өтеу үшін ашылған бюджет шотынан аударуды Астана, Алматы қалаларының және облыстардың Ішкі істер департаменттерінің қаржы қызметтері жүзеге асырады.
      21. Комиссия хатшысы шешім шығарылғаннан кейін бір жұмыс күнінен кешіктірмей, ақшалай қаражат төлеу үшін Ішкі істер департаменттерінің қаржылық қамтамасыз ету қызметтеріне мынадай құжаттарды:
      1) Астана, Алматы қалаларының және облыстардың ішкі істер департаменттерінің, қалалық, аудандық ішкі істер органдарының бастығы бекіткен, барлық комиссия мүшелері қол қойған тапсырылған қару үшін жеке тұлғаларға төлем белгілеу туралы қорытындыны;
      2) қаруды тапсырған адамның жеке басын куәландыратын құжаттың көшірмесін;
      3) банк операцияларының жекелеген түрлерін жүзеге асыратын банктерде және (немесе) ұйымдарда ашылған банк есепшоттарының нөмірі туралы мәліметтерді жібереді.
      22. Жеке тұлға төлем сомасын оның банк шотына ақшалай қаражатты аудару арқылы алады.
      23. Егер қару:
      1) криминалист-маманның қорытындысы негізінде жарақат салатын патрондармен ату мүмкіндігі бар ұңғысыз атыс қаруы, газды қару, оның ішінде қайта жасалған деп танылмаған;
      2) ҚР ІМ БДБ «Криминалдық қару» есебінде тұрған;
      3) ішкі істер органдарында тіркелген және ҚР ІІМ БДБ «Тіркелген қару» есебінде басқа жеке тұлғаның атында тұрған;
      4) 2015 жылғы 31 желтоқсаннан кейін ерікті түрде тапсырылған;
      5) жеке тұлғаның сыйақы төлеусіз ерікті түрде тапсыру туралы өтініші бойынша тапсырылған;
      6) ішкі істер органдарында қызметтік қару ретінде тіркелген;
      7) ішкі істер органдарында тіркелмеген жағдайларда, комиссия ақшалай қаражатты төлеуден бас тарту туралы қорытынды шығарады.
      24. Астана, Алматы қалаларының және облыстардың ішкі істер департаменттерінің, қалалық, аудандық ішкі істер органдарының комиссиялары 3-санатқа жатқызған ерікті түрде өтеулі тапсырылған қару уәкілетті орган белгілеген тәртіппен жойылуға тиіс.

Жарақат салатын патрондармен ату
мүмкіндігі бар ұңғысыз атыс қаруын,
газды қаруды сақтауға және алып 
жүруге ішкі істер органдарының  
тиісті рұқсаты бар жеке тұлғалардың
қаруды ерікті түрде өтеулі негізде
тапсыру қағидаларына     
1-қосымша            

Жарақат салатын патрондармен ату мүмкіндігі бар ұңғысыз атыс
қаруын, газды қаруды ерікті түрде тапсыру туралы өтініш

_____________________________________________________________________
                 (ішкі істер органының толық атауы)
азамат ______________________________________________________________
(жеке тұлғаның толық тегі, аты, әкесінің аты, сәйкестендіру нөмірі)
Сізден _____________________________________________________________
         (тапсырылатын қарудың атауы, оның маркасы, калибрі, нөмірі)
сыйақы төлеп/төлемей (қажеттісінің асты сызылсын) қабылдауды сұраймын.
Қаруды алып жүруге және сақтауға ____________________________________
_____________________________________________________________________
                    (рұқсатты берген ішкі істер органы)
берген 201__ жылғы «___»______________ №______ рұқсатым бар.
Мекенжайы ___________________________________________________________
        (қару иесінің пошталық индексі, облыс, қала, аудан, елді
                  мекен, көше атауы, үйдің/ғимараттың нөмірі)

_________________               ______________________________
 (қолы)                          (тегі, аты, әкесінің аты)

Толтырылған күні: 2015 жылғы « »

Жарақат салатын патрондармен ату
мүмкіндігі бар ұңғысыз атыс қаруын,
газды қаруды сақтауға және алып 
жүруге ішкі істер органдарының  
тиісті рұқсаты бар жеке тұлғалардың
қаруды ерікті түрде өтеулі негізде
тапсыру қағидаларына     
2-қосымша            

Жарақат салатын патрондармен ату мүмкіндігі бар ұңғысыз атыс
қаруының, газды қарудың санаттары

      1. 1-санаттағы жарақат салатын патрондармен ату мүмкіндігі бар ұңғысыз атыс қаруына, газды қаруға:
      1) пайдалануда болмаған және техникалық ақаулықтары жоқ қару;
      2) бұрын пайдалануда болған, бірақ көрінетін немесе жасырын ақаулықтары жоқ, тауарлық түрін жоймаған қару жатады.
      2. 2-санаттағы жарақат салатын патрондармен ату мүмкіндігі бар ұңғысыз атыс қаруына, газды қаруға пайдалануда болмаған не пайдаланылған, одан әрі пайдалануға кедергі келтірмейтін, оларды жоюды не тораптарын және тетіктерін ауыстыруға немесе қалпына келтіруге байланысты емес жөндеу арқылы жоюды талап етпейтін жекелеген техникалық ақаулықтары немесе тауарлық түрінің ақаулары бар қару жатады.
      3. 3-санаттағы жарақат салатын патрондармен ату мүмкіндігі бар ұңғысыз атыс қаруына, газды қаруға негізгі тораптарының, тетіктерінің, бөлшектерінің техникалық ақаулықтары болуы салдарынан одан әрі пайдалануға жарамсыз немесе пайдалануға қауіпті, оларды жөндеу, қалпына келтіру немесе ауыстыру техникалық немесе экономикалық себептер бойынша орынсыз болатын қару жатады.

Жарақат салатын патрондармен ату
мүмкіндігі бар ұңғысыз атыс қаруын,
газды қаруды сақтауға және алып 
жүруге ішкі істер органдарының  
тиісті рұқсаты бар жеке тұлғалардың
қаруды ерікті түрде өтеулі негізде
тапсыру қағидаларына     
3-қосымша            

Ерікті түрде тапсырылған қару үшін сыйақылар мөлшері

Жарақат салатын патрондармен ату
мүмкіндігі бар ұңғысыз атыс қаруын,
газды қаруды сақтауға және алып 
жүруге ішкі істер органдарының  
тиісті рұқсаты бар жеке тұлғалардың
қаруды ерікті түрде өтеулі негізде
тапсыру қағидаларына     
4-қосымша            

«БЕКІТЕМІН»    
Ішкі істер органының бастығы
________________________________
201 ____ жылғы « »        

Қарудың техникалық жай-күйін айқындау, тапсырылған қару үшін
жеке тұлғаларға төлем белгілеу немесе ақшалай сыйақыны
төлеуден бас тарту туралы
ҚОРЫТЫНДЫ

      Төраға: _______________________________________________________
      Комиссия мүшелері:_____________________________________________
      1) ____________________________________________________________
      2) ____________________________________________________________
      3) ____________________________________________________________
      4) _______________________________________ құрамындағы комиссия
___________________ тұратын жеке тұлға ______________________________
(үйінің мекенжайы)                                 (Т.А.Ә.)
Қаруды ______________________________________________________________
             (атауы, маркасы, калибрі, нөмірі, шығарылған жылы)
________________________________________ ерікті түрде тапсыруы туралы
материалдарды қарап, олардың техникалық жай-күйін тексеріп, мыналарды
БЕЛГІЛЕДІ:

Азамат тапсырған ____________________________________________________
                                        (Т.А.Ә.)

____________________________________________________ қаруға Қазақстан
Республикасы Үкіметінің 20__ жылғы «___» _____ № ____ қаулысының күші
қолданылады, ол ____ санатқа жатады, оны тапсырғаны үшін қаруға
_______________________ мөлшерінде төлемді жүзеге асыру қажет.
Мынадай себептер бойынша
_____________________________________________________________________
_____________________________________________________________________
_____________________________________________________________________
тапсырылған қаруға __________________________________________________
                   (атауы, маркасы, калибрі, нөмірі, шығарылған жылы)
_____________________________________________________________________
жоғарыда көрсетілген қаулының күші қолданылмайды
Төлеуге жататын жиыны: ______________________________________________
                                    (сомасы жазумен)
Комиссия төрағасы ___________________________________________________
Комиссия мүшелері ___________________________________________________
_____________________________________________________________________
                                    201___ жылғы «___» ______________

      Ескертпе: Қорытындының бірінші данасы ішкі істер
департаменттерінің қаржылық қамтамасыз ету қызметіне жіберіледі,
екінші данасы комиссияның хатшысында сақталатын іске тігіледі.