Инвестициялық ұсынысты әзірлеу және түзету, қажетті сараптамаларды жүргізу, сондай-ақ бюджеттік инвестицияларды жоспарлау, қарау, іріктеу, мониторингтеу және іске асырылуын бағалау қағидаларын бекіту және Қазақстан Республикасы Үкiметiнiң кейбiр шешiмдерiнiң күшi жойылды деп тану туралы

      Ескерту. Күші жойылды - ҚР Үкіметінің 10.02.2015 № 49 (алғашқы ресми жарияланған күнінен бастап қолданысқа енгізіледі) қаулысымен.

      2008 жылғы 4 желтоқсандағы Қазақстан Республикасы Бюджет кодексінің 151-бабының 13 және 14-тармақтарына, 152-бабының 6-тармағына, 153-бабының 5 және 21-тармақтарына, 154-бабының 13-тармағына, 157-бабының 10 және 11-тармақтарына, 159-бабының 3 және 4-тармақтарына сәйкес Қазақстан Республикасының Үкіметі ҚАУЛЫ ЕТЕДІ:
      1. Қоса беріліп отырған Инвестициялық ұсынысты әзірлеу және түзету, қажетті сараптамаларды жүргізу, сондай-ақ бюджеттік инвестицияларды жоспарлау, қарау, іріктеу, мониторингтеу және іске асырылуын бағалау қағидалары бекітілсін.
      2. Осы қаулыға қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.
      3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      Қазақстан Республикасының
      Премьер-Министрі                                     К. Мәсімов

Қазақстан Республикасы 
Үкіметінің       
2014 жылғы 26 мамырдағы
№ 541 қаулысымен   
бекітілген      

Инвестициялық ұсынысты әзірлеу және түзету, қажетті
сараптамаларды жүргізу, сондай-ақ бюджеттік инвестицияларды
жоспарлау, қарау, іріктеу, мониторингтеу және іске асырылуын
бағалау қағидалары

1-тарау. Жалпы ережелер

      1. Осы Инвестициялық ұсынысты әзірлеу және түзету, қажетті сараптамаларды жүргізу, сондай-ақ бюджеттік инвестицияларды жоспарлау, іріктеу, мониторингтеу және іске асырылуын бағалау қағидалары Қазақстан Республикасы Бюджет кодексінің 151-бабының 13 және 14-тармақтарына, 152-бабының 6-тармағына, 153-бабының 5 және 21-тармақтарына, 154-бабының 13-тармағына, 157-бабының 10 және 11-тармақтарына, 159-бабының 3 және 4-тармақтарына сәйкес әзірленді және мыналарды айқындайды:
      1) мемлекеттік инвестициялық жобаның инвестициялық ұсынысын әзірлеу және түзету, қажетті сараптамаларды жүргізу тәртібі;
      2) бюджеттік инвестициялық жобаның техникалық-экономикалық негіздемесін әзірлеу немесе түзету, сондай-ақ қажетті сараптамаларды жүргізу, оның ішінде техникалық-экономикалық негіздемені әзірлеуді талап етпейтін, сондай-ақ қатар сметалық құнының ұлғаюы болжанатын бюджеттік инвестициялық жобаларды қарау және іріктеу тәртібі;
      3) бюджеттік инвестициялардың қаржы-экономикалық негіздемесін әзірлеу немесе түзету, сондай-ақ заңды тұлғалардың жарғылық капиталына мемлекеттің қатысуы арқылы іске асырылуы жоспарланып отырған бюджеттік инвестицияларға қажетті сараптамаларды жүргізу және іріктеу тәртібі мен олардың мерзімі;
      4) Республикалық бюджет комиссиясының оң ұсыныстары бар аса маңызды және жедел іске асыруды талап ететін міндеттерді іске асыруға бағытталған бюджеттік инвестицияларды қарау және іріктеу тәртібі;
      5) Бюджеттік инвестициялық жобалардың іске асырылуын мониторинг және бағалау жүргізу тәртібі;
      6) Заңды тұлғалардың жарғылық капиталына мемлекеттiң қатысуы арқылы бюджеттiк инвестициялардың іске асырылуын мониторингтеу және бағалау жүргізу тәртібі.
      Ескерту. 1-тармаққа өзгеріс енгізілді - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      2. Осы Қағидаларда мынадай ұғымдар қолданылады:
      1) бағалау (экономикалық сараптама барысында) – бюджеттік инвестициялық жобаның техникалық-экономикалық негіздемесінде не бюджеттік инвестициялардың қаржылық-экономикалық негіздемесінде көрсетілген ақпаратты сипаттайтын тұжырымдар;
      2) бюджеттік бағдарламалар әкімшісі (бұдан әрі – ББӘ) – бюджеттік бағдарламаларды жоспарлауға, негіздеуге, іске асыруға және нәтижелерге қол жеткізуге жауапты мемлекеттік орган;
      3) бюджеттік инвестициялар – бюджеттік инвестициялық жобаларды іске асыру жолымен заңды тұлғалардың жарғылық капиталдарын қалыптастыруға және (немесе) ұлғайтуға, мемлекет активтерін құруға және (немесе) дамытуға бағытталған республикалық немесе жергілікті бюджеттен қаржыландыру;
      4) бюджеттік инвестициялар бойынша қаржыландыру көздері – бюджеттік инвестицияларды іске асыруға бағытталған республикалық және/немесе жергілікті бюджеттердің қаражаты, оның ішінде қарыз қаражаты;
      5) бюджеттік инвестициялардың нәтижелiлiгі – заңды тұлғаның жарғылық капиталын қалыптастыру және (немесе) ұлғайту арқылы бюджеттік инвестициялардың экономикалық және қаржылық тиімділігінің, сондай-ақ тікелей және түпкілікті нәтижелерге қол жеткізу мүмкіндігінің есептеулерімен расталған дәлелдемелердің, сондай-ақ тиімділік пен сапа көрсеткіштерінің болуы;
      6) бюджеттік инвестициялардың орындылығы – заңды тұлғаның жарғылық капиталын қалыптастыру және (немесе) ұлғайту арқылы бюджеттік инвестицияларды жүзеге асырудың және бюджеттік инвестициялық жобаларды іске асырудың экономикалық орындылығының, олардың ел экономикасына әсерінің негiздемесi және жобаның мемлекеттік жоспарлау жүйесінің құжаттарына сәйкес келуі;
      7) бюджеттік инвестициялық жоба (бұдан әрі – БИЖ) – жаңа объектілерді құруға (салуға) не қолда барларын реконструкциялауға, сондай-ақ ақпараттық жүйелерді құруға, енгізуге және дамытуға бағытталған, белгілі бір уақыт кезеңі ішінде бюджет қаражаты есебінен бюджеттік бағдарлама әкімшісі тікелей іске асыратын және аяқталған сипаттағы іс-шаралар жиынтығы;
      8) бюджеттік инвестициялық жоба бойынша экономикалық қорытынды – мемлекеттік жоспарлау жөніндегі орталық немесе жергілікті уәкілетті органның бюджеттік инвестициялық жобаны іске асырудың экономикалық орындылығы, оның елдің экономикасына әсер етуі және стратегиялық және (немесе) бағдарламалық құжаттарға сәйкес келуі тұрғысынан, бюджеттік инвестициялық жобаның техникалық-экономикалық негіздемесінің экономикалық сараптамасы қорытындысының негізінде дайындалған қорытындысы;
      9) бюджеттік инвестициялық жобалардың мониторингі – жаңа объектілер құру (салу) және қолда бар объектілерді реконструкциялау, сондай-ақ бюджет қаражаты бөлінген кезден бастап пайдалануға берілген кезге дейін ақпараттық жүйелерді құру, енгізу және дамыту барысы туралы тұрақты және жүйелі түрде ақпарат жинау мен талдау жөніндегі іс-шаралар жиынтығы;
      10) бюджеттік инвестициялық жобалардың іске асырылуын бағалау – объектіні пайдалануға беру не ақпараттық жүйелерді енгізу мен пайдалану сәтінен бастап жобаның мақсатына қол жеткізу дәрежесін және нақты алынған нәтижелердің жоспарланған нәтижелерге сәйкестігін айқындау жөніндегі шаралар жиынтығы;
      11) бюджеттік инвестициялық жобаны әзірлеуге немесе түзетуге арналған техникалық тапсырма – бюджеттік инвестициялық жобаның техникалық-экономикалық негіздемесіне қойылатын талаптарды, оның әлеуетті әзірлеушісіне қойылатын біліктілік талаптарын айқындайтын, сондай-ақ бюджеттік инвестициялық жобаның техникалық-экономикалық негіздемесін әзірлеу немесе түзету жөніндегі жұмыстардың мерзімдері мен көлемін регламенттейтін құжат;
      12) бюджеттік инвестициялық жобаның жүзеге асырыла алатындығы – жоба нәтижелерінің (тікелей және түпкі) көрсеткіштеріне қолжетімділік;
      13) бюджеттік инвестициялық жобаның ресурстық және инфрақұрылымдық қамтамасыз етілуі – жобаның ресурстық және инфрақұрылымдық қамтамасыз етілу қажеттілігінің жоспарланған және қол жеткізілген деңгейін сипаттайтын көрсеткіштер;
      14) бюджеттік инвестициялық жобаның техникалық-экономикалық негіздемесінің экономикалық сараптамасы – салалық сараптама қорытындысының және Қазақстан Республикасының заңнамасына сәйкес талап етілетін басқа да сараптамалардың қорытындылары негізінде жүргізілетін жобаның жүзеге асырыла алатындығы мен тиімділігін айқындау тұрғысынан техникалық-экономикалық негіздемеде берілген ақпаратты кешенді бағалау;
      15) бюджеттік инвестициялық жобаның тиімділігі – бюджет қаражатының сұралатын көлемін пайдалана отырып, ең үздік тікелей нәтижеге қол жеткізу немесе жобаның мақсаттарына бюджет қаражатының ең аз көлемін пайдалана отырып қол жеткізу немесе жобаны іске асырудан оң экономикалық нәтиже алу;
      16) Гант диаграммасы – жобаның жоспары мен уақыт бойынша жұмыс кестесінің дәйектілігі мен ұзақтылығын графикалық көрсетуді бейнелеу үшін бюджеттік инвестициялардың электрондық порталында пайдаланылатын диаграмма;
      17) заңды тұлғалардың жарғылық капиталына мемлекеттің қатысуы арқылы бюджеттік инвестициялардың мониторингі – тұрақты және жүйелi түрде ақпарат жинау, көрсетілген іс-шаралар түпкілікті іске асырылған кезге дейін заңды тұлғалардың акциялар пакетін (қатысу үлестерін) бастапқы жарғылық капиталды қалыптастыру, сатып алу арқылы республикалық немесе жергiлiктi бюджеттен тартылған заңды тұлғалардың жарғылық капиталына мемлекеттің қатысуы арқылы бюджеттік инвестицияларды есепке алу мен олардың іске асырылуын талдау іс-шараларының жиынтығы;
      18) заңды тұлғалардың жарғылық капиталына мемлекеттің қатысуы арқылы бюджеттік инвестицияларды бағалау – іс-шаралар түпкілікті іске асырылған сәттен бастап мақсаттарға қол жеткiзу дәрежесi мен іс жүзінде алынған нәтижелердің жоспарланған нәтижелерге сәйкестігін айқындау жөніндегі шаралар жиынтығы;
      19) заңды тұлғалардың жарғылық капиталына мемлекеттің қатысуы арқылы бюджеттік инвестициялардың қаржылық-экономикалық негіздемесінің экономикалық сараптамасы – салалық сараптама қорытындысының және Қазақстан Республикасының бюджет заңнамасына сәйкес талап етілетін басқа да сараптамалардың қорытындылары негізінде жүргізілетін, іс-шаралардың негізділік пен нәтижелілік критерийлеріне сәйкес келуі тұрғысынан қаржылық-экономикалық негіздемеде берілген ақпаратты кешенді бағалау;
      20) заңды тұлғалардың жарғылық капиталына мемлекеттің қатысуы арқылы бюджеттік инвестициялар бойынша экономикалық қорытынды – мемлекеттік жоспарлау жөніндегі орталық немесе жергілікті уәкілетті органның бюджеттік инвестицияларды жүзеге асырудың экономикалық орындылығы, оның елдің экономикасына әсер етуі мен стратегиялық және (немесе) бағдарламалық құжаттарға сәйкес келуі тұрғысынан, заңды тұлғалардың жарғылық капиталына мемлекеттің қатысуы арқылы бюджеттік инвестициялардың қаржылық-экономикалық негіздемесінің экономикалық сараптамасы қорытындысының негізінде дайындалған қорытындысы;
      21) заңды тұлғалардың стратегиялық даму құжаттары – ұлттық басқарушы холдингтердің, ұлттық холдингтердің, жарғылық капиталына мемлекет қатысатын ұлттық компаниялардың 10 жылға арналған даму стратегиялары мен 5 жылға арналған даму жоспарлары, сондай-ақ өзге квазимемлекеттік сектор субъектілерінің Қазақстан Республикасының ұлттық басқарушы холдингтердің, ұлттық холдингтердің, жарғылық капиталына мемлекет қатысатын ұлттық компаниялардың 10 жылға арналған даму стратегиялары мен 5 жылға арналған даму жоспарларын әзірлеу және бекіту заңнамасында белгіленген тәртіппен қаржылық-шаруашылық қызметінің жоспарлары;
      22) заңды тұлғаның даму мақсаты – ағымдағы шығыстарды қаржыландыруды және ағымдағы шаруашылық қызмет шығыстарын жабуды көздемейтін, саланы дамытуға бағытталған іс-шараларды іске асыру, саладағы әлеуметтік-экономикалық жағдайды жақсарту;
      23) заңды тұлғаның жарғылық капиталын қалыптастыру және (немесе) ұлғайту арқылы бюджеттік инвестициялар (бұдан әрі – Инвестициялар) – заңды тұлғаның жарғылық капиталын республикалық немесе жергілікті бюджеттен қалыптастыру және (немесе) ұлғайту арқылы оны дамытуға бағытталған іс-шараларды іске асыру;
      24) заңды тұлғаның жарғылық капиталын қалыптастыру және (немесе) ұлғайту арқылы бюджеттік инвестицияларды алушы (бұдан әрі – Алушы) – жарғылық капиталды ұлғайту немесе қалыптастыру үшiн қаражаттың түпкiлiктi алушысы болып табылатын, iс-шараларды бюджеттік инвестициялар есебiнен iске асыратын заңды тұлға;
      25) заңды тұлғаның жарғылық капиталын қалыптастыру және (немесе) ұлғайту арқылы бюджеттік инвестициялардың негiздiлiгі – iс-шараларды iске асыруға арналған қаржыландыру көлемiнiң, сондай-ақ iс-шараларды меншікті және қарыз қаражаты есебінен қаржыландырудың мүмкiн болмауының құжаттармен және есептеулермен расталған дәлелдемелерінің болуы;
      26) инвестициялық ұсыныс – тиісті іс-шаралар жиынтығын қоса алғанда, стратегиялық мақсатқа қол жеткізу үшін мемлекеттік, салалық бағдарламаларды және аумақтарды дамыту бағдарламаларын іске асыру шеңберінде мемлекеттік инвестициялық жобаларды іске асырудың орындылығын негіздейтін, оған қол жеткізу жолдарын және ықтимал қаржыландыру тәсілдерін көрсететін, бюджеттік бағдарламалардың әкімшілері әзірлейтін тұжырымдамалық ұсыныс;
      27) инвестициялық ұсыныстың ақпараттық парағы – мемлекеттік инвестициялық жоба бойынша негізгі ақпаратты қамтитын, оны іске асыру орындылығын ашып көрсететін құжат;
      28) инвестициялық ұсыныстың экономикалық қорытындысы – салалық сараптама қорытындысының және Қазақстан Республикасының бюджет заңнамасына сәйкес талап етілетін басқа да сараптамалар қорытындыларының негiзінде жүргiзiлетiн, пайдалар мен шығындардың талдауын пайдалана отырып, инвестициялық ұсыныста берілген ақпаратты кешенді бағалау;
      29) квазимемлекеттік сектор субъектілері – мемлекеттік кәсіпорындар, жауапкершілігі шектеулі серіктестіктер, акционерлік қоғамдар, оның ішінде мемлекет қатысушысы немесе акционері болып табылатын ұлттық басқарушы холдингтер, ұлттық холдингтер, ұлттық компаниялар, сондай-ақ еншілес, тәуелді және Қазақстан Республикасының заңнамалық актілеріне сәйкес олармен аффилиирленген болып табылатын өзге де заңды тұлғалар;
      30) кейінге қалдыру шарты – аса маңызды және жедел іске асыруды талап ететін міндеттерді іске асыруға бағытталған, Республикалық бюджет комиссиясының оң ұсыныстары бар бюджеттік инвестицияларды бюджеттік бағдарламалар әкімшілерінің жетіспейтін құжаттаманы ұсыну шартымен республикалық бюджет жобасына енгізу;
      31) концессиялық жоба – Қазақстан Республикасының бюджет заңнамасына және «Концессиялар туралы» Қазақстан Республикасының Заңына сәйкес шектеулі уақыт кезеңі ішінде іске асырылатын және аяқталған сипаттағы концессияны жүзеге асыру жөніндегі іс-шаралар жиынтығы;
      32) қаржылық-экономикалық негіздеме (бұдан әрі – ҚЭН) – заңды тұлғалардың жарғылық капиталына бюджет қаражатын салудан алынатын нәтиженің орындылығы, негізділігі жөніндегі мәліметтерді және оның бағасын қамтитын құжат;
      33) қаржы-экономикалық негіздемені түзету – iс-шараларды, техникалық-технологиялық шешiмдердi толықтыруға және (немесе) өзгертуге, бекiтiлген iс-шараларға көзделген шығыстарды ұлғайтуға алып келетін, заңды тұлғалардың жарғылық капиталына мемлекеттің қатысуы арқылы бюджеттік инвестициялардың белгiленген қаржы-экономикалық параметрлерiнің өзгеруі;
      34) қатысушылар (бұдан әрі – Қатысушылар) – заңды тұлғаның жарғылық капиталын қалыптастыру және (немесе) ұлғайту арқылы бюджеттік инвестицияларды алуға және бөлуге қатысатын ұйымдар;
      35) құрамдауыш – iс-шараның аяқталған сипаты бар құрамдас бөлiгi;
      36) маркетингтiк орта – белсенді субъектілер мен іс-шараларды бюджеттік инвестициялар есебінен іске асыратын, нысаналы клиенттермен табысты ынтымақтастық қатынастарын орнату және қолдау мүмкіндіктеріне ықпал ететін, жарғылық капиталды құру немесе ұлғайту үшін қаражаттың түпкілікті алушысы болып табылатын заңды тұлғаның қызметі жүзеге асырылатын жағдайлар жиынтығы;
      37) мемлекеттік жоспарлау жөніндегі уәкілетті органның электрондық порталы бюджеттік инвестициялар мониторингінің модулі (бұдан әрі – электрондық портал) – жоспарланған және іске асырылып жатқан бюджеттік инвестицияларды есепке алу мен мониторингілеуді автоматтандыруға арналған ақпараттық жүйе;
      38) мемлекеттік инвестициялық жоба (бұдан әрі – МИЖ) – бюджеттік инвестицияларды жүзеге асыру және концессиялық жобаларды іске асыру арқылы мемлекеттің стратегиялық мақсаттарына қол жеткізуге бағытталған іс-шаралар кешені;
      39) өнiм – материалдық-заттай (материалдық өнiм) немесе материалдық емес (зияткерлiк өнiм) нысанында немесе жұмыстар және (немесе) қызметтер, оның iшiнде қаржылық көрсетілетін қызметтер түрiнде берiлген шаруашылық қызметiнiң нәтижесi;
      40) салалық сараптаманың қорытындысы – мемлекеттік инвестициялық жобаның инвестициялық ұсынысын немесе бюджеттік инвестициялық жобаның техникалық-экономикалық негіздемесін немесе бюджеттік инвестициялардың қаржылық-экономикалық негіздемесін салалық дамудың басымдықтарына сәйкес келуі тұрғысынан бағалау;
      41) сметалық құн – құрылысқа арналған жобалау құжаттамасын әзірлеу кезінде сметалық нормативтерге сәйкес айқындалатын объект (кешен) құрылысының құны;
      42) техникалық-экономикалық негіздеме (бұдан әрі – ТЭН) – негізгі техникалық, технологиялық және өзге шешімдер туралы мәліметтерді, сондай-ақ негізгі техникалық-экономикалық параметрлерді айқындай отырып, пайдалар мен шығындарды экономикалық талдаудың негізінде жүргізілетін, бюджеттік инвестициялық жобаның жүзеге асырыла алатындығын және тиімділігін зерделеу нәтижелерін қамтитын құжат;
      43) техникалық-экономикалық негіздемені түзету – техникалық шешімдердің өзгеруіне және қосымша шығыстарға алып келетін бюджеттік инвестициялық жобаның белгіленген техникалық-экономикалық параметрлерінің өзгеруі;
      44) техникалық-экономикалық параметрлер – техникалық- экономикалық негіздемеде көзделген, сондай-ақ ақпараттық жүйе параметрлерін ескеретін негізгі көрсеткіштер;
      45) түпкілікті нәтиже – белгілі бір мемлекеттік орган қызметінің, басқа да мемлекеттік органдар қызметінің тікелей нәтижелеріне қол жеткізуіне негізделетін, халықтың өмір сүру деңгейі мен сапасының, әлеуметтік саланың, экономиканың, қоғамдық қауіпсіздіктің және мемлекеттік басқарудың басқа да салаларының мақсатты жай-күйі (жай-күйінің өзгерісі);
      46) тікелей нәтиже – қол жеткізілуі осы функцияларды, өкілеттіктерді жүзеге асыратын немесе қызметтер көрсететін ұйымның қызметіне толықтай тәуелді болатын, көзделген бюджет қаражаты шегінде атқарылатын мемлекеттік функциялардың, өкілеттіктер мен мемлекеттік көрсетілетін қызметтер көлемінің сандық сипаттамасы;
      47) іс-шара – бюджеттік инвестицияларды жүзеге асыру шеңберінде орындалатын міндеттерді атқаруға бағытталған өзара байланысты құрамдауыш (тар) кешені.
      Ескерту. 2-тармаққа өзгеріс енгізілді - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

2-тарау. Мемлекеттік инвестициялық жобаның инвестициялық
ұсынысын әзірлеу және түзету, қажетті сараптамаларды жүргізу
тәртібі

1-параграф. Мемлекеттік инвестициялық жобаның инвестициялық
ұсынысын әзірлеу және түзету тәртібі

      3. МИЖ инвестициялық ұсыныстарын әзірлеу, түзету және қарау процесі мынадай негізгі кезеңдерді:
      1) ББӘ-нің мемлекеттік жоспарлау жөніндегі уәкілетті орталық немесе жергілікті органға инвестициялық ұсыныстарды ұсынуын;
      2) инвестициялық ұсынысқа экономикалық қорытындыны мемлекеттік жоспарлау жөніндегі уәкілетті орталық немесе жергілікті органның қарауын және әзірлеуін қамтитын іс-шаралар кешенін білдіреді.
      4. МИЖ инвестициялық ұсыныстарын әзірлеуді ББӘ жүзеге асырады.
      Біртекті (біртипті) МИЖ бойынша ББӘ-ге бір инвестициялық ұсынысты әзірлеуге рұқсат етіледі.
      Егер «Қазақстан Республикасының кейбiр заңнамалық актiлерiне бюджет заңнамасын жетiлдiру мәселелері бойынша өзгерiстер мен толықтырулар енгiзу туралы» 2013 жылғы 3 желтоқсандағы Қазақстан Республикасының Заңы қолданысқа енгізілгенге дейін БИЖ инвестициялық ұсынысына, БИЖ-дің ТЭН-іне, Инвестициялардың ҚЭН-іне, концессиялық жобалардың концессиялық ұсынысына экономикалық сараптама қорытындысы, сараптама қорытындысы немесе экономикалық қорытынды берілген болса, сондай-ақ МИЖ тиісті бюджетте көзделсе (қаржыландыру түрі мен әдісі айқындалған болса), онда ББӘ-ге МИЖ-дің инвестициялық ұсынысын әзірлеу талап етілмейді, бұдан басқа мемлекеттік жоспарлау жөніндегі уәкілетті орган БИЖ инвестициялық ұсынысына, БИЖ-дің ТЭН-іне, Инвестициялардың ҚЭН-іне, концессиялық жобалардың концессиялық ұсынысына бұрын берілген экономикалық қорытындыға қосымша экономикалық қорытынды бере алады.
      5. МИЖ мынадай түрлерге бөлінеді:
      1) мыналарға:
      техникалық күрделі және (немесе) бірегей, техникалық жеңіл және (немесе) үлгілік болуы мүмкін объектілерді құруға (салуға) және реконструкциялауға, ақпараттық жүйелерді енгізу мен дамытуға;
      квазимемлекеттік сектор субъектілерінің жарғылық капиталын құру немесе ұлғайту арқылы саланың (салалардың) институционалдық дамуына бағытталуы мүмкін бюджеттік инвестициялар;
      2) концессиялық жобалар.
      6. МИЖ инвестициялық ұсыныстары мынадай құжаттарды қамтиды:
      1) инвестициялық жобаның ақпараттық парағы;
      2) инвестициялық ұсыныстың салалық сараптама қорытындысы;
      3) МИЖ қаржыландырудың ықтимал түрлері мен тәсілдері бойынша есептеулер;
      4) МИЖ құнының есептеулері мен негіздемелері (құрылыс нормативтеріне не ақпараттық жүйелерді құруға, дамытуға және сүйемелдеуге арналған шығындар нормативтеріне сәйкес);
      5) егер инвестициялық жоба ТЭН әзірлеуді талап етпеген жағдайда, инвестициялық ұсынысқа жобалауға техникалық тапсырма қосымша ұсынылады;
      6) БИЖ ТЭН-і не Инвестициялардың ҚЭН-і түзетілген жағдайда қосымша мыналар:
      БИЖ-дің ТЭН-і не Инвестициялардың ҚЭН-і бойынша өзгертілуі болжамданатын техникалық шешімдер және/немесе қосымша шығыстар көрсетілген салыстырма кесте, сондай-ақ бекітілген БИЖ-дің ТЭН-і не Инвестициялардың ҚЭН-і;
      Қазақстан Республикасының Үкіметі уәкілеттік берген ішкі бақылау жөніндегі органның бюджет қаражатының нысаналы пайдаланылуы, сондай-ақ жоба бойынша қаржыландыру басталған болса, бұзушылықтардың болмауы мәніне актісі;
      құрамдауыштар және оларды әзірлеу мерзімдері бөлінісінде БИЖ ТЭН-ін немесе Инвестициялар ҚЭН-ін түзету, сондай-ақ қажетті сараптамалар жүргізу құнының есептеме-негіздемесі ұсынылады.
      7. Инвестициялық ұсыныстың ақпараттық парағы мемлекеттік, салалық бағдарламаларда және аумақтарды дамыту бағдарламаларында белгіленген экономика саласының (аясының) даму басымдықтары бойынша ақпаратты, инвестициялық жоба (жобалар) және оның (олардың) негізгі көрсеткіштерін қоса алғандағы іс-шаралар бойынша жалпы ақпаратты қамтиды.
      8. Инвестициялық ұсыныстың ақпараттық парағы мыналарды қамтиды:
      1) ББӘ туралы және іске асыруға болжанған МИЖ бойынша деректер;
      2) ретроспектива (МИЖ бойынша бұрын бөлінген және игерілген қаражат туралы, оның ішінде ағымдағы бағдарламалар бойынша ақпарат);
      3) саланың маркетингтік талдауы;
      4) іске асыруға болжанған МИЖ-дің жалпы сипаты;
      5) МИЖ институционалдық басқару схемасы;
      6) әлеуметтік-экологиялық әсер.
      Инвестициялық ұсыныстың ақпараттық парағы осы Қағидаларға 1-қосымшаға сәйкес нысан бойынша ұсынылады;
      7) МИЖ-ді іске асырудың мүмкін түрлері мен тәсілдерінің балама нұсқалары.
      Ескерту. 8-тармаққа өзгеріс енгізілді - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      9. Инвестициялық ұсыныстың салалық сараптамасының қорытындысы мыналарды:
      1) салалық одан әрі дамуына ықпал ететін оның ағымдағы жай-күйінің проблемаларын, сондай-ақ қолданыстағы көрсетілетін және ұсынылатын қызметтерді салыстырма талдауды;
      2) МИЖ-ді іске асырудың экономиканың сабақтас салаларына (аяларына) болжамды әсерін;
      3) проблеманы шешу нұсқасын таңдау кезінде қаралған, шетелдік тәжірибені ескере отырып, оны шешудің оңтайлы жолы ретінде МИЖ-ді таңдаудың негіздемесі бар балама нұсқаларды;
      4) МИЖ басқарудың болжанатын институционалдық схемасының негізділігін (негізгі қатысушылар, олардың өзара іс-қимылының схемасы, баланс ұстаушылардың пайдалары мен шығындарын бөлу, инвестициялық және инвестициялаудан кейінгі кезеңдерде БИЖ-ді басқару схемасы);
      5) жоба бойынша болжанатын тәуекелдерді (қаржылық, операциялық, техникалық, кредиттік, нормативтік-құқықтық, технологиялық, маркетингтік, нарықтық, коммерциялық, экологиялық және әлеуметтік тәуекелдер) және оларды азайту жөніндегі іс-шараларды;
      6) МИЖ-дің мақсаты мен міндеттерінің ББӘ мақсаты мен міндеттеріне сәйкестігін талдауды;
      7) МИЖ көлемінің негізділігін бағалауды қамтиды.
      10. Егер МИЖ-ді республикалық бюджет қаражаты есебінен іске асыру ұсынылған жағдайда, инвестициялық ұсыныстың салалық сараптама қорытындысын тиісті саладағы орталық уәкілетті орган жүргізеді, ББӘ қандай да бір салаға жатпаса, ББӘ салалық қорытындыны өздері әзірлейді.
      Егер республикалық бюджет қаражаты есебінен іске асыру болжанатын МИЖ-ді іске асыру басқа салалық орталық мемлекеттік органның жауапкершілік аясын қозғайтын жағдайда, көрсетілген салалық орталық орган МИЖ салалық сараптамасының қорытындысы жүргізіледі.
      Егер МИЖ-ді жергілікті бюджет қаражаты есебінен немесе жоғары тұрған бюджеттен берілетін нысаналы даму трансферттері мен кредиттер есебінен іске асыру ұсынылған жағдайда, инвестициялық ұсыныстың салалық сараптамасының қорытындысын жергілікті бюджеттен қаржыландырылатын салалық жергілікті атқарушы орган жүргізеді, ББӘ қандай да бір салаға жатпаса, ББӘ салалық қорытындыны өздері әзірлейді.
      Егер жергілікті бюджет қаражаты есебінен немесе жоғары тұрған бюджеттен берілетін нысаналы даму трансферттері мен кредиттер есебінен іске асыру болжанатын МИЖ басқа салалық жергілікті органның жауапкершілік аясын қозғаса, көрсетілген салалық мемлекеттік жергілікті орган МИЖ салалық сараптамасын ұсынады.
      11. Ақпараттандыру саласындағы МИЖ бойынша байланыс және ақпараттандыру саласындағы уәкілетті органның инвестициялық ұсынысының салалық сараптамасының қорытындысы талап етіледі.
      12. МИЖ қаржыландырудың ықтимал түрлері мен тәсілдерінің есептеулері, олар осы Қағидаларға 2-қосымшаға сәйкес нысандар бойынша ұсынылатын қаржылық-экономикалық модельдің базалық параметрлері мен экономикалық тиімділік көрсеткіштерінің есебін қамтиды.
      13. Байланыс және ақпараттандыру саласындағы БИЖ-дің ТЭН-ін әзірлеу немесе түзету, сондай-ақ қажетті сараптамаларды жүргізу құнының есептеулері байланыс және ақпараттандыру саласындағы орталық уәкілетті орган бекітетін ақпараттық жүйелерді құруға, дамытуға және сүйемелдеуге арналған шығындар нормативіне сәйкес келуі тиіс.
      14. МИЖ инвестициялық ұсынысқа, оның ішінде осы Қағидалардың 6-тармағында көрсетілген құжаттарға тиісті саладағы мемлекеттік органның бірінші басшысы не оны алмастыратын тұлға қол қояды, инвестициялық ұсынысты әзірлеу үшін жауапты ББӘ құрылымдық бөлімшесінің басшысы әрбір парағын дәйектейді және ресми құжаттарға арналған Қазақстан Республикасының заңнамасында белгіленген тәртіппен ресімделеді.
      15. ББӘ осы Қағидалардың 6-тармағында көрсетілген құжаттарды қамтитын МИЖ-дің инвестициялық ұсыныстарын қалыптастырады және мемлекеттік жоспарлау жөніндегі орталық немесе жергілікті уәкілетті органға ұсынады.
      Электрондық құжат айналымының бірыңғай жүйесі үшін құжаттар редакцияланбайтын графикалық форматта беріледі.
      Электрондық құжат айналымының бірыңғай жүйесі болмаған жағдайда инвестициялық ұсыныс міндетті түрде қағаз жеткізгіште енгізіледі.
      16. Электрондық құжат айналымының бірыңғай жүйесінде экономикалық қорытынды әзірлеу үшін болуы қажет толық құжаттар топтамасы (PDF форматында сканерленген) болмаған жағдайда, мемлекеттік жоспарлау жөніндегі орталық немесе жергілікті уәкілетті орган МИЖ инвестициялық ұсынысын ББӘ-ге қайтарады.
      17. Инвестициялық ұсынысты түзету мынадай:
      1) БИЖ-дің ТЭН түзету;
      2) Инвестициялардың ҚЭН түзету;
      3) егер БИЖ ТЭН-і, Инвестициялар ҚЭН-ін, концессиялық жобалардың концессиялық ұсынысын қарастыру нәтижесінде мемлекеттік жоспарлау жөніндегі орталық немесе жергілікті уәкілетті органның қорытындысымен МИЖ іске асырудың басқа түрі мен тәсілдер ұсынылса.
      Түзетілген инвестициялық ұсыныс бұрын енгізілген оң экономикалық қорытындысы бар біртекті (біртипті) МИЖ бойынша инвестициялық ұсыныстан техникалық-экономикалық параметрлерді өзгерту болжанатын жобаға ғана ұсынылады. Техникалық-экономикалық параметрлердің шешімдердің өзгеруі болжамдалмайтын жобалар бойынша түзетілген инвестициялық ұсынысты енгізу талап етілмейді.

2-параграф. Мемлекеттік инвестициялық жобаның инвестициялық
ұсынысының қажетті сараптамаларын жүргізу тәртібі

      18. МИЖ инвестициялық ұсынысының қажетті сараптамаларын жүргізу осы Қағидалардың 6-тармағында көрсетілген құжаттарды қарау және ББӘ-нің инвестициялық ұсыныстарына мемлекеттік жоспарлау жөніндегі орталық немесе жергілікті уәкілетті органның экономикалық қорытынды әзірлеуі болып табылады.
      Мемлекеттік жоспарлау жөніндегі орталық немесе жергілікті уәкілетті орган ББӘ инвестициялық ұсыныстарын экономикалық орындылығы, жоба мақсаттарының мемлекеттік, салалық бағдарламаларда және аумақтарды дамыту бағдарламаларында белгіленген экономика саласын (аясын) дамыту басымдықтарына сәйкестігі тұрғысынан 30 (отыз) жұмыс күні ішінде қарайды және олар бойынша бюджеттік экономикалық қорытындыны ББӘ-ге жібереді.
      19. Инвестициялық ұсынысқа сараптама пайдалар мен шығындар талдауын қолдана отырып жүргізіледі.
      Пайдалар мен шығындар талдауы мынадай көрсеткіштерді бағалаумен сипатталады:
      1) МИЖ әлеуметтік-экономикалық қайтарымы – инвестициялар салудың тікелей және түпкілікті нәтижелері критерийімен бағаланады;
      2) бюджеттік тиімділік – алынған бюджет нәтижесінің шығындарға қатынасы ретінде айқындалатын инвестицияларды жүзеге асыру нәтижесінде бюджет үшін тиімділіктің салыстырмалы көрсеткіші.
      3) қолдауға арналған бюджет шығындары – жасалған жобаны ұстауға арналған инвестициялаудан кейінгі шығыстар;
      4) МИЖ өзін-өзі ақтауы – МИЖ инвестициялық ұсыныстарында көзделген ақша ағындарын генерациялау мүмкіндігі;
      5) МИЖ басымдылығы – әлеуметтік, стратегиялық, саяси, экологиялық және басқа да факторлармен негізделген МИЖ іске асырудың маңыздылығы.
      20. Мемлекеттік жоспарлау жөніндегі орталық немесе жергілікті уәкілетті органның экономикалық қорытындысының нәтижесі МИЖ-ді бюджеттен қаржыландырудың ықтимал түрі мен тәсілдерін айқындау болып табылады.
      21. МИЖ-ді:
      1) әлеуметтік-экономикалық қайтарымы жоғары, бюджеттік тиімділігі жоғары, қолдауға арналған шағындары жоғары, өзін-өзі ақтауы төмен және басымдылығы жоғары кездегі БИЖ;
      2) әлеуметтік-экономикалық қайтарымы жоғары, бюджеттік тиімділігі орташа, қолдауға арналған шағындары орташа, өзін-өзі ақтауы орташа және басымдылығы орташа кездегі заңды тұлғалардың жарғылық капиталына мемлекеттің қатысуы арқылы іске асыру жоспарланған бюджеттік инвестициялар;
      3) әлеуметтік-экономикалық қайтарымы жоғары, бюджеттік тиімділігі жоғары, қолдауға арналған шағындары жоғары, өзін-өзі ақтауы төмен және басымдылығы жоғары кездегі ТЭН әзірлеуді талап етпейтін БИЖ;
      4) әлеуметтік-экономикалық қайтарымы орташа, бюджеттік тиімділігі жоғары, қолдауға арналған шағындары төмен, өзін-өзі ақтауы жоғары және басымдылығы төмен немесе орташа кездегі концессиялық ұсыныс;
      5) әлеуметтік-экономикалық қайтарымы төмен немесе орташа, бюджеттік тиімділігі төмен, қолдауға арналған шағындары төмен немесе орташа, өзін-өзі ақтауы төмен немесе орташа және басымдылығы орташа кездегі бюджеттік кредит;
      6) әлеуметтік-экономикалық қайтарымы төмен, бюджеттік тиімділігі төмен, қолдауға арналған шағындары төмен немесе орташа, өзін-өзі ақтауы жоғары және басымдылығы төмен кездегі жеке инвестициялар сияқты іске асыру жоспарланып отыр.
      22. МИЖ бойынша инвестициялық ұсынысқа экономикалық қорытындыны осы Қағидаларға 3-қосымшаға сәйкес нысан бойынша мемлекеттік жоспарлау жөніндегі орталық немесе жергілікті уәкілетті орган дайындайды және ол мынадай негізгі мәліметтерді қамтиды:
      1) жоба бойынша жалпы ақпарат;
      2) мемлекеттік, салалық бағдарламаларда және аумақтарды дамыту бағдарламаларында айқындалған міндеттерді орындаудың күтілетін нәтижесі;
      3) МИЖ-ді қаржыландыру тетіктері мен көлемдері;
      4) жобаларды басқарудың институционалдық схемасы;
      5) тікелей нәтиженің өлшенетін (сандық) көрсеткіштерінің болуы;
      6) тәуекелді бағалау тұрғысынан жобаның іске асырылу мүмкіндігі;
      7) МИЖ құны есептеулерінің негізделуі;
      8) тұжырымдар.

3-тарау. Бюджеттік инвестициялық жобаның
техникалық-экономикалық негіздемесін әзірлеу немесе түзету,
сондай-ақ қажетті сараптамаларды жүргізу, оның ішінде
техникалық-экономикалық негіздемені әзірлеуді талап етпейтін,
сондай-ақ қатар сметалық құнының ұлғаюы болжанатын бюджеттік
инвестициялық жобаларды қарау және іріктеу тәртібі

1- параграф. Бюджеттік инвестициялық жобаның
техникалық-экономикалық негіздемесін әзірлеу тәртібі

      23. ББӘ МИЖ инвестициялық ұсыныстарына оң экономикалық қорытынды негізінде мемлекеттік жоспарлау жөніндегі уәкілетті орталық немесе жергілікті органға БИЖ ТЭН-ін әзірлеуге немесе түзетуге, сондай-ақ қажетті сараптамаларын жүргізуге оң экономикалық қорытынды алынған ағымдағы жылы не келесі жоспарланатын қаржы жылы бөлінетін бюджеттік бағдарлама бойынша қаражат бөлу қажеттілігі туралы өтінімді және техникалық тапсырманы ұсынады.
      24. БИЖ ТЭН-ін әзірлеуге немесе түзетуге арналған техникалық тапсырма осы Қағидаларда айқындалатын БИЖ ТЭН-ін әзірлеуге немесе түзетуге, сондай-ақ қажетті сараптамаларын жүргізуге қойылатын талаптар негізінде жасалады.
      Техникалық тапсырма жобасында:
      1) мемлекеттік сатып алу туралы заңнамаға сәйкес БИЖ ТЭН-ін әлеуетті әзірлеушіге қойылатын біліктілік талаптары;
      2) мемлекеттік сатып алу туралы заңнамаға сәйкес әзірлеушінің міндеттерін қолдану және шектеу саласы;
      3) БИЖ ТЭН-ін әзірлеудің немесе түзетудің, сондай-ақ қажетті сараптамаларын жүргізудің болжамды мерзімі де көрсетіледі.
      25. Мемлекеттік жоспарлау жөніндегі орталық уәкілетті орган инвестициялық ұсыныстарды қарау қорытындысы бойынша олар бойынша қорытындылар қалыптастырады және БИЖ ТЭН-ін әзірлеуге немесе түзетуге, сондай-ақ қажетті сараптамаларын жүргізуге оң экономикалық қорытынды, ББӘ қаржыландыруға арналған өтінімдер, техникалық тапсырма негізінде республикалық бюджет комиссиясының (бұдан әрі – РБК) қарауына жібереді.
      Мемлекеттік жоспарлау жөніндегі жергілікті уәкілетті орган инвестициялық ұсыныстарды қарау қорытындылары бойынша БИЖ ТЭН-ін әзірлеуге немесе түзетуге, сондай-ақ қажетті сараптамаларын жүргізуге оң экономикалық қорытынды, ББӘ қаржыландыруға арналған өтінімдер, техникалық тапсырма негізінде олар бойынша қорытындылар қалыптастырады және оларды бюджет комиссиясының қарауына жібереді.
      26. Тиісті бюджет комиссиясының қарауына шығарылатын инвестициялық ұсыныстар бойынша қорытынды мынадай негізгі мәліметтерді қамтиды:
      1) БИЖ атауы;
      2) ББӘ қаржыландыруға ұсынатын БИЖ ТЭН-ін әзірлеу немесе түзету, сондай-ақ қажетті сараптамаларын жүргізу құны;
      3) мемлекеттік жоспарлау жөніндегі уәкілетті орган қаржыландыруға ұсынатын БИЖ ТЭН-ін әзірлеу немесе түзету, сондай-ақ қажетті сараптамаларын жүргізу құны;
      4) БИЖ-дің мемлекеттік, салалық бағдарламаларға және Қазақстан Республикасының аумақтарды дамыту бағдарламаларына сәйкестігі;
      5) міндеттерді орындаудың күтілетін нәтижесі.
      27. Бюджет комиссиялары мақұлдаған, инвестициялық ұсыныстардағы БИЖ бойынша мемлекеттік жоспарлау жөніндегі орталық немесе жергілікті уәкілетті орган олар бойынша БИЖ ТЭН-ін әзірлеу немесе түзету, сондай-ақ қажетті сараптамаларын жүргізу мемлекеттік жоспарлау жөніндегі орталық немесе жергілікті уәкілетті органның тиісті бөлінетін бюджеттік бағдарламасының қаражаты есебінен жүзеге асырылатын тізбені қалыптастырады.
      28. Әр жоба бойынша атауын және қаржыландыру сомасын қамтитын тізбе, БИЖ ТЭН-ін әзірлеу немесе түзету, сондай-ақ қажетті сараптамаларын жүргізу мемлекеттік жоспарлау жөніндегі уәкілетті орталық органның бұйрығымен немесе жергілікті атқарушы органның актісімен бекітіледі, оларды дайындауды мемлекеттік жоспарлау жөніндегі орталық немесе жергілікті уәкілетті орган жүзеге асырады.
      29. Құрамында сәулет, қала құрылысы және құрылыс шешімдері бар БИЖ ТЭН-ге арналған тәртіп осы Қағидаларда және Қазақстан Республикасының сәулет, қала құрылысы және құрылыс қызметі туралы заңнамасында айқындалады.
      Байланыс және ақпараттандыру саласындағы орталық уәкілетті орган бекітетін Ақпараттық жүйелерді құру, дамыту және сүйемелдеу шығындарының нормативтерін ескере отырып, ақпараттандыру саласындағы БИЖ ТЭН-ге қойылатын тәртіп осы Қағидаларда айқындалады.
      Инновациялық және/немесе ғарыш қызметін немесе өзге қызметті болжайтын БИЖ ТЭН-ге арналған тәртіп осы Қағидаларда айқындалады.
      30. Егер жобаны іске асыру мемлекеттік жоспарлау жүйесінің құжаттарында көзделген жағдайда, БИЖ ТЭН-ін әзірлеу жүзеге асырылады.
      31. Жобалық шешімдердің балама нұсқаларын қарау мен талдау негізінде жобаның жүзеге асуы мен тиімділігін қамтамасыз ететін негізделген жобалық шешімді таңдау БИЖ ТЭН-ін әзірлеу мақсаты болып табылады.
      32. Сыртқы үкіметтік қарыздар қаражатынан қаржыландыру және республикалық бюджет қаражатынан сыртқы қарыздарды қоса қаржыландыру болжанатын БИЖ құнына қажет болған жағдайда техникалық көмекке, тауарларға, оқытуға, жоба құрылысын басқару, сүйемелдеу, институционалдық дамыту, қадағалау жөніндегі консультациялық көрсетілетін қызметтерге арналған шығыстар қосылады.
      33. Қазақстан Республикасында іске асыруда аналогтары жоқ жобалар бойынша халықаралық тәжірибені ескере отырып деректер қолданылады.
      Қазақстан Республикасы ратификациялаған Қазақстан Республикасы Үкіметі жасасқан қарыз шарты шеңберінде іске асырылатын БИЖ бойынша, егер қарыз шартында бюджеттік заңнамада және бекітілген ТЭН-де көзделгеннен өзге тәртіп белгіленген болса, онда БИЖ-ді іске асыру қарыз шартында айқындалған тәртіпте жүзеге асырылады.
      34. БИЖ ТЭН мынадай құрылымға сәйкес келеді:
      1) БИЖ ТЭН-нің түйіндемесі;
      2) «Маркетингтік» бөлім;
      3) «Техникалық-технологиялық» бөлім;
      4) «Экологиялық бөлім» (қоршаған ортаға әсерді бағалау);
      5) «Институционалдық» бөлім;
      6) «Қаржылық-экономикалық» бөлім;
      7) «Әлеуметтік» бөлім;
      8) «Тәуекелді талдау» бөлімі;
      9) жалпы тұжырымдар;
      10) осы Қағидаларға 4-14-қосымшаларда көрсетілген нысандарға сәйкес ТЭН-іне қосымшалар, сондай-ақ осы Қағидаларға сәйкес жобаның ерекшелігіне қарай ұсынылатын БИЖ ТЭН-ін әзірлеуге арналған бастапқы құжаттар.
      БИЖ ТЭН-іне жобаның ерекшелігіне байланысты қосымша бөлімдер мен қосымшаларды қосуға жол беріледі.
      35. БИЖ ТЭН түйіндемесінде:
      1) осы Қағидаларға 4-қосымшаға сәйкес нысан бойынша БИЖ-дің қысқаша сипаттамасы көрсетіледі;
      2) жобаның қолданыстағы саяси (хаттамалық және өзге де тапсырмаларды, нормативтік құқықтық актілерді көрсете отырып), әлеуметтік-экономикалық және басқа да шарттары сипатталады;
      3) жобаның мақсатына және оның ішінде инвестициялық ұсыныс сатысында қаралған нәтиже көрсеткіштеріне қол жеткізудің ықтимал нұсқалары көрсетіледі;
      4) қолданыстағы материалдар мен зерттеулер негізінде техникалық-экономикалық бағалаулардың, сондай-ақ оны әзірлеу тапсырмасында баяндалған талаптар мен шарттардың нәтижелері көрсетіледі.
      36. БИЖ ТЭН-інің «Маркетингтік» бөлімінде қаралатын өңірдегі жобада болжанатын өнімдерге (тауарлар, жұмыстар, көрсетілетін қызметтер) қолданыстағы және перспективадағы сұранысты талдауды не жобаның әлеуметтік-экономикалық қажеттілігі көрсетіледі.
      Аталған бөлім мыналарды қамтиды:
      1) өндірілетін және жобаны іске асыруда есепке алмай жүргізілетін;
      жобаны іске асыру, сондай-ақ төлемге қабілетті сұраныстың сандық параметрлерінің нәтижесінде өндіру болжанатын өнімдердің (тауарлар, жұмыстар, көрсетілетін қызметтер) көлемін, түрлері және бағаларын бағалау мен негіздеуді қоса алғанда, сұранысты талдау;
      2) құқықтық негізін көрсете отырып, жобаның әлеуметтік-экономикалық қажеттігін талдау;
      3) жобаны іске асыру шеңберінде (инвестициялық кезеңде) сатып алынатын тауарлардың, жұмыстардың, көрсетілетін қызметтердің көлемін, түрлері мен бағаларын, сондай-ақ тиісті прайс-парақтарды, баға ұсыныстарын және басқа да растаушы құжаттарды қоса бере отырып, жобаның қажеттіліктерін қанағаттандыру мүмкіндігін бағалауды және негіздеуді қоса алғандағы талдау;
      4) пайдалану кезеңінде (инвестициялаудан кейінгі кезеңде) сатып алынатын тауарлардың, жұмыстардың, көрсетілетін қызметтердің көлемін, түрлері мен бағаларын, сондай-ақ тиісті прайс-парақтарды, баға ұсыныстарын және басқа да растаушы құжаттарды қоса бере отырып, жобаның қажеттіліктерін қанағаттандыру мүмкіндігін бағалауды және негіздеуді қоса алғандағы талдау;
      5) пайдаланылатын ақпарат көздері мен маркетингтік зерттеулер жүргізу әдістемелері;
      6) прайс-парақтар мен баға ұсыныстарын тауарлардың, жұмыстардың, көрсетілетін қызметтердің кемінде екі өнім берушісі ұсынады.
      Бағаларды талдау:
      1) сатып алынуы техникалық-технологиялық талдауда көрсетілген талаптарға негізделген;
      2) сипаттамалары техникалық-технологиялық талдауда көрсетілген талаптарға сәйкес келетін тауарларды қамтиды;
      3) консалтингтік көрсетілетін қызметтер құны (бағдарламалық қамтамасыз етуді әзірлеу, жобаны басқару, аттестаттау) ресурстар құнының есептеулерімен және бағаларымен расталады.
      37. БИЖ ТЭН-інің «Техникалық-технологиялық» бөлімі жобаны іске асырудың әртүрлі техникалық-технологиялық шешімдерін талдауды, олардың артықшылықтары мен кемшіліктерін, таңдалған нұсқаны маркетингтік бөлімде көрсетілген талдауды ескере отырып негіздеуді қамтиды.
      Аталған бөлім мыналарды қамтиды:
      1) объектіні орналастыру орындарының ықтимал нұсқаларын талдау, шикізат көздері мен өнім берушілерге, нысаналы топтар мен негізгі пайда алушыларға қатысты орналасқан жері туралы, сондай-ақ жобаның орналасқан жерінің баламалы нұсқалары туралы ақпаратты бере отырып, жобаның орналасу жерін таңдауды негіздеу. Қорғаныс саласындағы жобалар бойынша жобаның орналасқан жерінің баламалы нұсқалары туралы ақпаратты беру міндетті емес. Ақпараттандыру саласындағы жобалар бойынша мемлекеттік органдардың ұлттық серверлік орталығын, облыстық деректерді өңдеу орталықтарын, жеке ұйымдардың серверлік үй-жайларды немесе қажет болған жағдайда, дербес серверлік үй-жайды қоса алғанда, жобаның серверлік жабдығын орналастырудың ықтимал нұсқаларын талдау келтіріледі;
      2) жоба ауқымының сипаттамасы және жоба қуатын, жоба қуатының игерілу серпінін есептеу негіздемесі;
      3) технологиялар мен жабдықтарды таңдау негіздемесі, пайдаланылатын жабдықтармен технологиялық үйлесімділігі, оңтайлы баға-сапа арақатынасы, технологиялар мен жабдықтарды таңдаудың баламалы нұсқалары, инновациялық жабдықтарды қолдану, жобада сапа стандарттарының қолданылуы туралы ақпарат;
      4) таңдалған шешімдер (энергия үнемдеу, жылу, сумен жабдықтау, кәріз) мен схемаларды негіздей отырып, жобаның қажетті инженерлік, көліктік және телекоммуникациялық инфрақұрылыммен қамтамасыз етілуі туралы негізделген ақпарат, сондай-ақ қажет болған жағдайда іске қосу-баптау жұмыстары туралы ақпарат;
      5) осы Қағидаларға 5-қосымшаға сәйкес нысан бойынша жобаның құрамдауыштары бойынша қаржыландыруды бөле отырып, жобаны іске асыру кестесі (оның ішінде технологиялық кезеңдер бойынша);
      6) пайдаланылатын ақпарат көздері.
      БИЖ ТЭН-нің «Техникалық-технологиялық» бөлімі құрылыс саласындағы жобалар бойынша мыналарды қамтиды:
      1) негізгі сәулет-құрылыс шешімдері мыналарды қамтиды:
      қағидаттық сәулеттік, көлемдік-жоспарлау және конструктивтік шешімдер, оның ішінде: жоспарлау шешімдерінің негізділігі, жер учаскелерін ұтымды пайдалану, ғимараттардың тиімді бұғатталуы, құрылыс ауданында табиғи қауіпті құбылыстардың (сейсмика, шөгу, карсттар, көшкіндер) болуына ерекше назар аударылады, қағидаттық сәулеттік-композиялық шешімдердің қоршаған құрылыстың қала құрылыстық жағдайларына сәйкестігі. Техникалық жағынан неғұрлым күрделі ғимараттар мен құрылыстардың негізгі параметрлері көлемдік-жоспарлау мен конструктивтік (құрылыстық) шешімдерді және олардың конструктивтік ерекшеліктерін қамтиды. Құрылыс өнімдеріне және материалдарына деген қажеттілік;
      2) көлік схемасының нұсқаларын, алаңішілік жолдар мен автожолдарды, ғимараттар мен құрылыстардың, оның ішінде өнеркәсіптік және басқа мақсаттағы ғимараттар арасында талап етілетін өртке қарсы және санитариялық-эпидемиологиялық арақашықтықтардың сақталуын бағалай отырып таңдау негіздемесі;
      3) технологиялық процестердің (схемалардың) ықтимал нұсқаларын талдау негізінде таңдалған технологияның қысқаша сипаттамасы мен негіздемесі, құрамы және өндірістік құрылымы;
      БИЖ ТЭН-нің «Техникалық-технологиялық» бөлімі ақпараттандыру саласындағы жобалар бойынша мыналарды да қамтиды:
      1) автоматтандырылатын функциялар, процестер және оларды тұтынушылар тізбесі (use-case схемасы);
      2) ақпараттық жүйе сәулетінің ықтимал нұсқаларын талдау (орталықтандырылған, орталықсыздандырылған, корпоративтік);
      3) ақпараттық жүйені іске асыру нұсқаларын талдау (интеграциялау және дайын шешімдерді енгізу, дербес әзірлеме, дайын және дербес шешімдерді қолдану);
      4) тораптар схемасы (есептеу құралдары) және ақпараттық жүйенің бағдарламалық құрамдауыштарын орналастыру;
      5) телекоммуникациялар схемасы және байланыс арналарына қойылатын талаптар;
      6) есептеу қуаттары мен сақтау көлеміне қойылатын талаптар негіздемесі және жобаның ауқымы мен қуатының сандық көрсеткіштерінің негізінде есептеу құралдарының саны, тораптар схемалары;
      7) жүйе сәулетінің жалпы сипаттамасы;
      8) жүйе құрамдауыштары мен олардың өзара байланысының сипаттамасы;
      9) осы жобаны іске асыру қозғайтын ведомстволық және ведомствоаралық ақпараттық жүйелердің, сондай-ақ жобаның іске асырылуына қатысы бар тараптардың тиісті жазбаша хабарламаларын қоса бере отырып, жобаны ойдағыдай іске асыру үшін осы жүйелер жағында жүргізілуі қажет іс-шаралардың сипаттамасы;
      10) жобаны іске асыру нәтижесінде өзексіз болуы мүмкін мемлекеттік ақпараттық жүйелер мен олардың құрамдауыштарының сипаттамасы;
      11) мыналарды қоса алғанда:
      ақпараттық өзара іс-қимыл объектілерінің сипаттамасын;
      деректер алмасудың қолданылатын стандарттарының сипаттамасын;
      құрылатын ақпараттық жүйелер шеңберінде электрондық мемлекеттік көрсетілетін қызметтердің сипаттамасын, оның ішінде:
      іске асырылатын электрондық мемлекеттік көрсетілетін қызметтерді алушы топтардың (жеке тұлғалар, заңды тұлғалар) сипаттамасын;
      Қазақстан Республикасының ауқымында жоба шеңберінде іске асырылатын электрондық мемлекеттік көрсетілетін қызметтер қажеттілігінің ағымдағы және тарихи көрсеткіштерін;
      электрондық түрге көшірілгенге дейінгі және көшірілгеннен кейінгі мемлекеттік көрсетілетін қызметтердің тиімділік көрсеткіштерінің сипаттамасын, оның ішінде талап етілетін құжаттар санын, құжаттарды тапсыру үшін күту уақытын, қызмет көрсету мерзімін;
      электрондық мемлекеттік көрсетілетін қызметтерді ұсынудың ағымдағы және жоспарлы бизнес-процесінің сипаттамасын;
      іске асырылатын электрондық мемлекеттік көрсетілетін қызметтердің типтерін (ақпараттық, интерактивтік, транзакциялық);
      алушылар (жеке тұлғалар, заңды тұлғалар) бөлінісінде іске асырылатын электрондық мемлекеттік көрсетілетін қызметтерді ұсыну арналарын;
      ақпараттық қауіпсіздік талаптарын сипаттауды қоса алғанда, жобаның «электрондық үкіметтің» базалық құрамдауыштарымен, ведомствоаралық ақпараттық жүйелермен және деректер қорымен, ведомстволық ақпараттық жүйелермен және деректер қорымен болжамды өзара іс-қимылы мен интеграциясының сипаттамасы.
      БИЖ ТЭН-нің техникалық-технологиялық бөлімінде мақсатқа қол жеткізу мен жоба нәтижесінің олар бойынша салыстырмалы талдау жүргізілетін және таңдалған нұсқаның негіздемесі берілетін көрсеткіштерінің кемінде екі ықтимал нұсқасы көрсетілуі міндетті болып табылады.
      Жобалық шешімдерді таңдау кезінде қоршаған ортаға әсерге жүргізілген бағалаудың нәтижелерін ескеру және қоршаған орта мен адам денсаулығына ең аз зиян келтіретін нұсқаның қабылдануын қамтамасыз ету қажет.
      38. БИЖ ТЭН-нің «Экологиялық» бөлімі (қоршаған ортаға әсерді бағалау) жобаны іске асырудан келетін экологиялық залалды бағалауды қоса алғанда, сандық және құндық мәнде қабылданған жобалық шешімдердің қоршаған ортаға әсері туралы, сондай-ақ жобалық шешімдердің бекітілген экологиялық нормативтерге сәйкестігі және жобаны іске асырудан келетін теріс әсерді азайту жөніндегі болжанатын іс-шаралар туралы ақпаратты қамтиды.
      Жобалық шешімдерді таңдау кезінде экологиялық нормативтерге сәйкес келетін немесе қолданыстағы нормативтерден жоғары болып табылатын шешімдер ғана таңдалады.
      39. БИЖ ТЭН-нің «Институционалдық» бөлімі жобаның институционалдық схемасын, оның ішінде:
      1) осы Қағидаларға 6-қосымшаға сәйкес нысан бойынша жобаның институционалдық сызбасын;
      2) құқықтық негізін көрсете отырып, жобаны басқару схемасын қамтиды.
      Қажет болған жағдайда, жобаға қатысушылар бойынша толық заңды атауы, шыққан елі, ұйымдық-құқықтық нысаны, жарғылық капиталы, құрылтайшылар және олардың қатысу үлестері, құрылған жылы, негізгі қызмет түрлері, осы саладағы жобаларды іске асыру тәжірибесі және басқа да ақпарат көрсетіледі.
      40. БИЖ ТЭН-нің «Қаржы-экономикалық» бөлімі мыналарды қамтиды:
      1) инвестициялық шығасыларды есептеу, жобаның кезеңдері, құрамдауыштары мен қаржыландыру көздері бойынша қаржыландыру қажеттіліктерін бөлу, қажет болған жағдайда, объектілерді пайдалануға беру шығыстары (іске қосу-баптау жұмыстары);
      2) пайдалану шығасыларының есебі;
      3) баламалы нұсқаларды талдау негізінде қаржыландыру көздерін (республикалық/жергілікті бюджет, қарыз қаражаты), шарттары мен көлемдерін (оның ішінде қаржыландыруды жылдарға бөле отырып) көрсете отырып, қаржыландыру схемасының негіздемесі;
      4) жобаға қатысушылардың ағымдағы қаржылық жағдайы (қажет болған жағдайда);
      5) жобаның мыналарды қамтитын қаржылық талдауы:
      өнімдердің (тауарлардың, жұмыстардың, көрсетілетін қызметтердің) өзіндік құнын, тарифтерін, жіберу бағасының есебі;
      сатудан түскен табыстардың және таза пайданың есебі;
      ақша қаражаты ағынының жиынтық есебі;
      таза дисконтталған табыстың (Net present value – NPV), ішкі пайдалылық нормасының (Internal rate of return – IRR), өтелудің дисконтталған және қарапайым мерзімдерінің есебі;
      таза дисконтталған табыстың (NPV) және ішкі пайдалылық нормасының (IRR) негізгі параметрлері бойынша (өткізу көлемі, өткізу бағасы, инвестициялық және пайдалану шығасылары) сезімталдығын талдау, жобаның шығынсыздық нүктесінің есебі;
      6) жобаның мыналарды қамтитын экономикалық талдауы:
      жоба іске асырылмаған жағдайда, бюджет қаражатының есебінен болжамды шығындарды есептеуді қамтитын, жобасы бар және жобасыз әлеуметтік-экономикалық жағдайдың талдауы;
      ең аз шығындардың талдауы немесе шығындар тиімділігінің талдауы немесе жобаның экономикалық тиімділігі көрсеткіштерінің есебі, оның ішінде экономикалық пайдалар мен шығындарды бағалау, экономикалық таза дисконтталған табыстың (Economic net present value – ENPV) және кірістіліктің экономикалық ішкі нормасының (Economic internal rate of return – EIRR) есебі;
      экономикалық таза дисконтталған табыстың (ENPV) және кірістіліктің экономикалық ішкі нормасының (EIRR) негізгі параметрлер (өткізу көлемі, инвестициялық және пайдалану шығындары) бойынша сезімталдығын талдауы (осы көрсеткіштер бар болған жағдайда);
      7) пайдаланылатын ақпарат көздері.
      Тауарларды, жұмыстарды және көрсетілетін қызметтерді өткізуден тікелей ақша ағындарын алуды болжамайтын жобалар бойынша жобаға қаржылық талдау жүргізу талап етілмейді.
      Жобаның қаржылық және экономикалық тиімділігінің көрсеткіштерін есептеген жағдайда, осы Қағидаларға 7-қосымшаға сәйкес нысан бойынша жобаның қаржы-экономикалық моделінің негізгі параметрлері бойынша ақпарат БИЖ ТЭН-іне қоса беріледі.
      Жобаның қаржылық тиімділігі көрсеткіштерінің есебі осы Қағидаларға 8-қосымшаға сәйкес нысан бойынша беріледі.
      Жобаның таза дисконтталған табыстың (NPV) және ішкі пайдалылық нормасының (IRR) сезімталдығын талдау нәтижелері осы Қағидаларға 9-қосымшаға сәйкес нысан бойынша беріледі.
      Жобаның ең аз шығындарын талдау көрсеткіштері осы Қағидаларға 10-қосымшаға сәйкес нысан бойынша беріледі.
      Жоба шығындарының тиімділігін талдауға арналған көрсеткіштер осы Қағидаларға 11-қосымшаға сәйкес нысан бойынша беріледі.
      Жобаның экономикалық тиімділігі көрсеткіштерінің есебі осы Қағидаларға 12-қосымшаға сәйкес нысан бойынша беріледі.
      Жобаның экономикалық таза дисконтталған табыстың (ENPV) және кірістіліктің экономикалық ішкі нормасының (EIRR) сезімталдығын талдау нәтижелері осы Қағидаларға 13-қосымшаға сәйкес нысан бойынша беріледі.
      Қосымшалардағы көрсеткіштер мен есептеулер БИЖ ТЭН-інде негізделген болуы тиіс.
      Ақпараттандыру саласындағы жобалар бойынша жобаның экономикалық тиімділігінің көрсеткіштерін есептеу, оның ішінде экономикалық пайдалар мен шығындарды бағалау, экономикалық таза дисконтталған кірісті (ENPV) және кірістіліктің экономикалық ішкі нормасының (EIRR) есебін жүргізу міндетті болып табылады.
      41. БИЖ ТЭН-нің «Әлеуметтік» бөлімі жобаның білікті мамандармен қамтамасыз етілуін талдауды қамтиды, оның ішінде:
      1) жобаның инвестициялық және инвестициялықтан кейінгі кезеңдерінде білікті мамандардың болуы туралы ақпаратты;
      2) жұмысшылар мен мамандарды (қажет болған жағдайда) оқыту және қайта даярлау қажеттігі туралы ақпаратты;
      3) еңбекті қорғау және қауіпсіздік техникасының нормалары туралы ақпаратты;
      4) жобаның халықтың әлеуметтік-мәдени және демографиялық сипаттамалары тұрғысынан негізделуін;
      5) пайдаланылатын ақпарат көздерін қамтиды.
      42. БИЖ ТЭН-нің «Тәуекелдерді талдау» бөлімі:
      1) тәуекелдерді сәйкестендіру мен бағалаудың пайдаланылған әдістері туралы ақпаратты;
      2) тәуекелдердің басталу ықтималдығын және тәуекелдердің басталуынан келетін залалды айқындау нәтижелерін, сондай-ақ тәуекелдерді азайту бойынша болжанатын іс-шараларды ұсына отырып, жобаның инвестициялық және инвестициялықтан кейінгі кезеңдерінде басталуы ықтимал сәйкестендірілген тәуекелдердің (коммерциялық, техникалық-технологиялық, экологиялық, институционалдық, қаржылық, әлеуметтік және өзге) тізбесін қамтиды. Жобаның тәуекелдері бойынша ақпарат осы Қағидаларға 14-қосымшаға сәйкес нысан бойынша беріледі.
      43. БИЖ ТЭН-нің жалпы тұжырымдары:
      1) жобаны іске асырудың неғұрлым оңтайлы нұсқасын таңдаудың негіздемесін;
      2) жобаны іске асырудың таңдалған нұсқасының негізгі кемшіліктері мен артықшылықтарын;
      3) таңдалған нұсқа бойынша негізгі техникалық-экономикалық параметрлерді (көрсеткіштерді):
      жобаның іске асырылатын орнын;
      нәтиже (тікелей және түпкілікті) көрсеткіштерін;
      жобаның құрамдауыштарын;
      қаржыландырылуы жылдарға және құрамдауыштар бойынша бөлінген жобаның жалпы құнын қамтиды.
      44. БИЖ ТЭН-ге қосымшалар осы Қағидаларға 4–14-қосымшаларда көрсетілген нысандарға сәйкес келуі тиіс, сондай-ақ қосымша ақпаратты: диаграммаларды, суреттерді, жергілікті жердің карталарын және БИЖ ТЭН-де келтірілген ақпаратты растайтын және ашатын басқа да материалдар мен құжаттарды қамтуы мүмкін.
      45. Құрылыс саласындағы жобалар бойынша БИЖ ТЭН-іне қосымшалар картографиялық және басқа да графикалық материалдарды, оның ішінде құрылыс объектісін орналастыра және оның инженерлік желілер мен коммуникацияларға жалғасатын жерлерін, жер учаскесінің көлемдерін негіздейтін объектінің бас жоспарының схемасын, сондай-ақ тиісті технологиялық, сәулеттік және көлемдік-жоспарлау шешімдерінің схемаларын, сызбаларын (эскиздік жобалар) көрсете отырып, ахуалдық жоспар схемасын да қамтиды.
      46. Іске асырылуы сыртқы қарыз есебінен болжанатын жобалар бойынша ТЭН құны мен қарыз алудың мынадай құрамдауыштарының: жобаны басқару бойынша консультациялық көрсетілетін қызметтердің, құрылысты қадағалаудың, институционалдық дамытудың қажеттілігін негіздейтін қосымшаны қамтиды.
      Аталған қосымша мыналарды қамтиды:
      1) жобаны басқару мен құрылысты қадағалау бойынша жергілікті (отандық) және халықаралық (шетелдік) консультанттардың нарығын салыстырмалы талдау, тиісті халықаралық сертификаттар мен жұмыс тәжірибесінің болуы;
      2) жұмыстардың көлемі мен күтілетін нәтижелерді, мерзімдерді, көрсетілетін қызметтер үшін ақы төлеу мөлшерлемелері мен қаржыландыру көздерін талдау;
      3) консультанттардың (егер жоба жеке консультанттарды жалдауды талап етсе) қажетті саны мен оларды мамандандырудың талап етілуінің негіздемесі;
      4) консультанттарды тарту бойынша техникалық тапсырманың жобасы;
      5) пайдаланылатын ақпарат көздері.
      Сыртқы қарыз есебінен іске асырылуы болжанатын БИЖ ТЭН-ін әзірлеу кезінде прайс-парақтар мен баға ұсыныстарын беру талап етілмейді.

2-параграф. Бюджеттік инвестициялық жобаның
техникалық-экономикалық негіздемесінің қажетті сараптамаларын
жүргізу тәртібі

      47. Белгіленген техникалық-экономикалық параметрлерді растау үшін БИЖ ТЭН Қазақстан Республикасының заңнамасында көзделген экономикалық және басқа да сараптамалардан өтуі тиіс.
      48. Құрылыс саласындағы БИЖ ТЭН бойынша жобалардың мемлекеттік сараптамасын Қазақстан Республикасының Үкіметі уәкілеттік берген заңды тұлға жүргізеді.
      49. Құрамында сәулет, қала құрылысы және құрылыс шешімдері бар БИЖ ТЭН-інің сараптамасы Қазақстан Республикасының сәулет, қала құрылысы және құрылыс қызметі туралы заңнамасына және мемлекеттік нормативтерге сәйкес жүргізіледі.
      50. Республикалық БИЖ ТЭН-інің экономикалық сараптамасын БИЖ ТЭН-інің экономикалық сараптамасын жүзеге асыруға Қазақстан Республикасының Үкіметі айқындаған заңды тұлға жүзеге асырады.
      51. Жергілікті БИЖ ТЭН-інің, сондай-ақ нысаналы даму трансферттері мен республикалық бюджеттен берілетін кредиттер есебінен қаржыландырылуы жоспарланатын жобалардың ТЭН-іне экономикалық сараптаманы БИЖ ТЭН-інің экономикалық сараптамасын жүзеге асыруға жергілікті атқарушы органдар айқындайтын заңды тұлғалар жүзеге асырады.
      52. БИЖ ТЭН-нің экономикалық сараптамасы ұсынылған БИЖ ТЭН-нің және жобаның ерекшелігіне қарай талап етілетін БИЖ ТЭН сараптамаларының тиісті оң қорытындыларының негізінде жүргізіледі, атап айтқанда:
      1) мемлекеттік сараптама;
      2) салалық сараптама қорытындысы;
      3) мемлекеттік экологиялық сараптама;
      4) мемлекеттік ғылыми-техникалық сараптама;
      5) мемлекеттік санитариялық-эпидемиологиялық сараптама.
      53. Жобаның ерекшелігіне байланысты, БИЖ бойынша мынадай бастапқы құжаттар талап етіледі:
      1) құрылыс қызметін болжайтын, БИЖ ТЭН-іне салалық, мемлекеттік, экологиялық және санитариялық-эпидемиологиялық сараптамалардың қорытындылары, сондай-ақ БИЖ ТЭН-ін әзірлеу тапсырмасына қоса берілетін құжаттардың көшірмелері, оның ішінде техникалық шарттар, жергілікті атқарушы органдардың жаңа объектілердің құрылысын болжайтын жобалар бойынша жер учаскелерін бөлу туралы шешімдері (қажет болған жағдайда, жер учаскелерінің меншік иелері мен жерді пайдаланушылар шығындарының, алып қойылатын алқаптардың түріне қарай ауыл шаруашылығы мен орман шаруашылығы өндірісі шығындарының есептерін қоса бере отырып) және қолданыстағы объектілердің реконструкциялауды болжайтын жобалар бойынша жылжымайтын мүлікке құқық белгілейтін тиісті құжаттардың көшірмелері;
      2) объектіні пайдалануға беру шығындары болған жағдайда, ведомстволық нормативтерге сәйкес объектіні пайдалануға беру шығындары (іске қосу-баптау жұмыстары) бойынша салалық уәкілетті мемлекеттік орган мен мемлекеттік сараптаманың қорытындылары;
      3) ақпараттандыру саласында, салалық сараптама мен ақпараттандыру және байланыс саласындағы уәкілетті органның қорытындылары;
      4) инновациялық және/немесе ғарыш қызметін болжайтын, салалық және мемлекеттік ғылыми-техникалық сараптамалардың қорытындылары.
      Осы тармақта көрсетілген қорытындыларға қойылатын талаптар Қазақстан Республикасының заңнамасында белгіленеді.
      54. Байланыс және ақпараттандыру саласындағы уәкілетті органның қорытындысы:
      1) БИЖ ТЭН-інің БИЖ ТЭН-ін әзірлеуге арналған техникалық тапсырмаға сәйкестігін;
      2) саланың ағымдағы жай-күйінің проблемаларын. Аталған бөлімде құрылатын БИЖ-ді іске асыру шешетін саладағы проблема айқындалады;
      3) тиімділік көрсеткіштерінің ұсынылған мәндеріне сәйкес өтінім беруші ұйымы қызметінің стратегиялық және операциялық көрсеткіштеріне арналған БИЖ-ді іске асырудың жоспарланатын тиімділігін;
      4) технологиялық және техникалық шешімдерді. Аталған бөлім жоба шеңберінде сатып алынатын жабдықтардың техникалық сипаттамаларының БИЖ ТЭН-інің мақсаттарына, міндеттері мен қуаттарына сәйкестігін бағалауды, жоба архитектурасын іске асырудың ұсынылатын нұсқаларын бағалауды, сондай-ақ жабдықтың мемлекеттік және әлемдік стандарттарға сәйкес келуі тұрғысынан таңдалуын, пайдаланылып жүрген жабдықтармен технологиялық үйлесімділігін бағалауды қамтиды;
      5) шешімді электрондық үкіметтің базалық құрамдауыштарымен интеграциялау үшін БИЖ-дің техникалық талаптар мен стандарттарға сәйкестігін. Аталған бөлімде БИЖ-дің мемлекеттік ведомствоаралық ақпараттық жүйелермен интеграциясы бойынша ұсынымдар да сипатталады;
      6) БИЖ арқылы мемлекеттік қызметтер көрсету процестерін автоматтандырудың тиімділігі мен орындылығын. Аталған бөлімде БИЖ-дің өтінім беруші ұйымның, оның құзыретіне жататын мемлекеттік көрсетілетін қызметтерді ұсынуына бағытталған қызметіне, сондай-ақ басқа мемлекеттік органдар мен ұйымдар ұсынатын мемлекеттік көрсетілетін қызметтерге ықпалы бағаланады;
      7) қолданыстағы ақпараттық жүйелер шеңберінде ББӘ құрған БИЖ-дің іске асырылу дәйектілігін, орындылығын және нәтижелілігін;
      8) БИЖ-дің құрылатын ақпараттық жүйелері мен құрамдауыштарының ақпараттық қауіпсіздік талаптарына сәйкестігін;
      9) балама нұсқаларды, атап айтқанда жобаны меңгеру құны, дайын шешімдерді пайдалану мен проблеманы шешудің оңтайлы жолы ретінде БИЖ-ді таңдаудың негіздемесімен қоса, оны шешу нұсқасын таңдау кезінде қаралған аутсорсинг барлық шешімдердің баламалы нұсқаларының талдауын да қамтиды;
      10) БИЖ іске асырылған жағдайдағы ықтимал тәуекелдерді және оларды барынша азайту жөнінде іс-шараларды бағалауды қамтиды.
      55. Салалық сараптама қорытындысы мен БИЖ-дің мемлекеттік ғылыми-техникалық сараптамасының қорытындысы:
      1) БИЖ ТЭН-інің БИЖ ТЭН-ін әзірлеуге арналған техникалық тапсырмаға сәйкестігін;
      2) саланың одан әрі дамуына ықпал ететін оның ағымдағы жай-күйінің проблемаларын;
      3) БИЖ-ді іске асыру болжанатын қолданыстағы саяси, әлеуметтік-экономикалық, құқықтық және басқа да жағдайларды;
      4) өнімдерге/көрсетілетін қызметке қазіргі және болжамды (БИЖ өмірлік циклінің кезеңіне) сұраныстың немесе осы өңірдегі бәсекелестікті ескере отырып, әлеуметтік-экономикалық қажеттіліктің көрсеткіштерін;
      5) БИЖ-ді іске асырудан болатын пайдалар мен шығындарды бөлуді;
      6) БИЖ ТЭН-де қабылданған технологиялық, техникалық шешімдерді, оның ішінде БИЖ-ді іске асыру кестесін;
      7) бағалық шешімдерді, оның ішінде БИЖ ТЭН-інде келтірілген инвестициялық және пайдалану шығындарының барлық құрамдауыштары бойынша баға-сапа арақатынасын, тауарларға, жұмыстар мен көрсетілетін қызметтерге жоспарланып отырған бағаларды тиісті нарықтық бағалармен салыстыруды;
      8) БИЖ таңдаудың негіздемесімен қоса, проблеманы шешу нұсқасын таңдау кезінде оны шешудің оңтайлы жолы ретінде қаралған балама нұсқаларды;
      9) БИЖ іске асырылған және іске асырылмаған жағдайдағы экономика саласындағы (аясындағы) ахуалдың ықтимал нұсқаларын;
      10) салалық уәкілетті мемлекеттік орган бекітетін ведомстволық нормативтерге сәйкес объектіні пайдалануға беру шығындарының негізділігін бағалауды көздейді.
      56. Егер БИЖ-ді республикалық бюджет қаражаты есебінен іске асыру ұсынылған жағдайда, инвестициялық ұсыныстың салалық сараптама қорытындысын тиісті саладағы орталық уәкілетті орган жүргізеді, сала болмаған жағдайда ББӘ-ге ұсынылады.
      Егер республикалық бюджет қаражаты есебінен іске асыру болжанатын БИЖ-ді іске асыру басқа салалық орталық мемлекеттік органның жауапкершілік аясын қозғайтын жағдайда, көрсетілген салалық орталық орган БИЖ салалық сараптамасының қорытындысын ұсынады.
      Егер БИЖ-ді жергілікті бюджет қаражаты немесе жоғары тұрған бюджеттен берілетін нысаналы даму трансферттері мен кредиттер есебінен іске асыру ұсынылған жағдайда, инвестициялық ұсыныстың салалық сараптамасының қорытындысын жергілікті бюджеттен қаржыландырылатын салалық жергілікті атқарушы орган жүргізеді, сала болмаған жағдайда ББӘ-ге ұсынылады.
      Егер жергілікті бюджет қаражаты немесе жоғары тұрған бюджеттен берілетін нысаналы даму трансферттері мен кредиттер есебінен іске асыру болжанатын БИЖ басқа салалық жергілікті органның жауапкершілік аясын қозғайтын жағдайда, көрсетілген салалық жергілікті мемлекеттік орган БИЖ салалық сараптамасының қорытындысын жүргізеді.
      57. Салалық сараптаманың қорытындысына мемлекеттік органның бірінші басшысы не оны алмастыратын тұлға қол қояды және Қазақстан Республикасының заңнамасында ресми құжаттар үшін белгіленген тәртіппен ресімделеді.
      58. БИЖ ТЭН-ге экономикалық сараптама жүргізу кезінде, БИЖ-дің ерекшелігіне қарай, жүргізілген сараптамаларда қамтылмаған мәселелер бойынша қосымша сараптамалар талап етілуі мүмкін.
      Жүргізілген сараптамаларда қамтылмаған немесе толық қамтылмаған мәселелер бойынша қосымша сараптамалар жүргізуді ББӘ қамтамасыз етеді.
      Қосымша сараптамаларға мыналар жатады:
      1) алып тасталсын - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      2) мемлекеттік сараптама;
      3) мемлекеттік экологиялық сараптама;
      4) мемлекеттік ғылыми-техникалық сараптама;
      5) санитариялық-эпидемиологиялық сараптама;
      6) уәкілетті мемлекеттік органдардың басқа да сараптамалары.
      Ескерту. 58-тармаққа өзгеріс енгізілді - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      59. Қажетті ақпаратты ұсыну және/немесе жүргізілген сараптамалармен қамтылмаған немесе толық қамтылмаған мәселелер бойынша қосымша сараптамаларды жүргізу бойынша сұрау салу тиісті ББӘ-ге, сұрау салудың көшірмесі осы Қағидалардың 52 – 55, 58-тармақтарында көрсетілген құжаттардың толық топтамасы түскен күннен бастап 15 (он бес) жұмыс күні ішінде мемлекеттік жоспарлау жөніндегі орталық немесе жергілікті уәкілетті органға жіберіледі.
      60. ББӘ ресми хат түрінде сұрау салудың түскен сәттен бастап 10 (он) жұмыс күні ішінде қажетті ақпаратты БИЖ ТЭН-інің экономикалық сараптамасын жүзеге асыруға Қазақстан Республикасының Үкіметі не жергілікті атқарушы органдар айқындаған заңды тұлғаға экономикалық сараптама жүргізуді 10 (он) жұмыс күнінен аспайтын мерзімге ұзарту мүмкіндігін көрсете отырып ұсынады немесе ақпаратты ұсыну үшін қосымша, бірақ 25 (жиырма бес) жұмыс күнінен аспайтын мерзімнің қажеттілігі туралы хабардар етеді.
      БИЖ ТЭН-інің экономикалық сараптамасын жүзеге асыруға Қазақстан Республикасының Үкіметі немесе жергілікті атқарушы орган айқындаған заңды тұлға экономикалық сараптама жүргізу мерзімін ұзартқан жағдайда, мемлекеттік жоспарлау жөніндегі уәкілетті орталық немесе жергілікті органды экономикалық сараптама жүргізуді ұзарту туралы ББӘ хатын қоса отырып хабардар етеді.
      Сұрау салу жіберілген күннен бастап және қажетті ақпарат ұсынылғанға дейін экономикалық сараптама жүргізу мерзімі тоқтатыла тұрады.
      61. Басқа мемлекеттердің аумағында іске асыру жоспарланып отырған, сондай-ақ құрылыс қызметін көздемейтін БИЖ ТЭН-інің экономикалық сараптамасы БИЖ ТЭН-і және салалық сараптаманың қорытындысы негізінде жүргізіледі.
      Сондай-ақ БИЖ ТЭН-інің экономикалық сараптамасына аумағында БИЖ-ді іске асыру болжанатын мемлекеттердің заңнамасына сәйкес талап етілетін сараптамалар және осы қызметті реттейтін тиісті нормативтік құқықтық актілер ұсынылады. Қажет болған жағдайда, тиісті сараптамалар мен талап етілетін нормативтік құқықтық актілердің аудармасын қамтамасыз етуді ББӘ жүзеге асырады.
      62. БИЖ ТЭН-інің экономикалық сараптамасының нәтижесі оң қорытынды не теріс қорытынды немесе пысықтауға қорытынды болып табылады.
      БИЖ ТЭН-інің экономикалық сараптамасының оң қорытындысы құрылымы мен мазмұны осы Қағидаларға сәйкес келетін, сондай-ақ жобаның жүзеге асатындығына және тиімділігіне алғышарттары бар БИЖ ТЭН-іне беріледі.
      БИЖ ТЭН-інің экономикалық сараптамасының теріс қорытындысы бағалау нәтижелері жобаның жүзеге аспайтындығын және/немесе тиімсіздігін көрсетсе немесе МИЖ жүзеге асырудың басқа түрлері мен тәсілдері анықталса БИЖ ТЭН-іне беріледі.
      Пысықтауға қорытынды мазмұны осы Қағидаларға сәйкес келмейтін және жобаның жүзеге асатындығына және/немесе тиімділігіне алғышарттардың болуын белгілеу мүмкін болмаған жағдайда, БИЖ ТЭН-іне беріледі.
      63. Сыртқы үкіметтік қарыздар қаражатынан қаржыландыру және республикалық бюджет қаражатынан сыртқы қарыздарды қоса қаржыландыру болжанатын БИЖ ТЭН-інің экономикалық сараптамасының қорытындысы техникалық көмекке, тауарларға, оқытуға, жоба құрылысын басқару, сүйемелдеу, институционалдық дамыту, қадағалау жөніндегі консультациялық көрсетілетін қызметтерге арналған шығыстарды бағалауды да қамтиды.
      64. БИЖ ТЭН-нің экономикалық сараптамасы, БИЖ ТЭН-інің экономикалық сараптамасын жүзеге асыруға Қазақстан Республикасының Үкіметі немесе жергілікті атқарушы органдар айқындаған заңды тұлғаға толық құжаттар топтамасы келіп түскен күннен бастап 30 (отыз) жұмыс күні ішінде жүргізіледі, оның қорытындылары бойынша тиісті қорытынды Қазақстан Республикасының бюджет заңнамасында белгіленген тәртіппен мемлекеттік жоспарлау жөніндегі орталық немесе жергілікті уәкілетті органға жіберіледі.
      65. БИЖ ТЭН-нің экономикалық сараптамасының қорытындысы:
      1) «Жобаның қысқаша сипаттамасы» бөлімін;
      2) «Жоба бойынша құжаттама құрамын бағалау» бөлімін;
      3) «Жобаның орындылығы туралы ақпарат» бөлімін;
      4) «Жобаның жүзеге асатындығына алғышарттардың болуын бағалау» бөлімін;
      5) «Жобаның тиімділігіне алғышарттардың болуын бағалау» бөлімін;
      6) «Жоба тәуекелдерін талдауды бағалау» бөлімін;
      7) «Жоба бойынша жалпы тұжырымдар» бөлімін қамтиды.
      66. «Жобаның қысқаша сипаттамасы» деген бөлімде БИЖ ТЭН-іне сәйкес мынадай ақпарат:
      1) жобаның атауы;
      2) ББӘ-нің атауы;
      3) жобаның іске асырылу кезеңі;
      4) жобаның мақсаты мен міндеттері;
      5) нәтиже (тікелей және түпкілікті) көрсеткіштері;
      6) жобаны іске асыру орны;
      7) жобаның ауқымы мен қуаты;
      8) нысаналы топтар, оның ішінде негізгі пайда алушылар;
      9) жобаның құрамдауыштары;
      10) қаржыландырылуы жылдарға бөлінген жобаның жалпы құны;
      11) жобаны қаржыландыру көздері және нысаны көрсетіледі.
      67. «Жоба бойынша құжаттама құрамын бағалау» деген бөлім мыналарды қамтиды:
      1) экономикалық сараптама жүргізу кезінде назарға алынған құжаттар мен материалдардың тізбесі:
      экономикалық сараптама жүргізу үшін қарауға ұсынылған құжаттар;
      нормативтік құқықтық актілер;
      2) ұсынылған құжаттардың құрамы мен мазмұнына ескертулер.
      68. «Жобаның орындылығы туралы ақпарат» деген бөлім мыналарды қамтиды:
      1) жобаның мемлекеттік жоспарлау жүйесінің құжаттарына сәйкестігі туралы ақпаратты (іске асыру кезеңі, қаржыландыру көздері бойынша сәйкестік);
      2) БИЖ ТЭН-інің мемлекеттік жоспарлау жөніндегі уәкілетті органның оң экономикалық қорытындысы бар инвестициялық ұсынысқа сәйкестігі туралы ақпарат.
      69. «Жобаның жүзеге асатындығына алғышарттардың болуын бағалау» деген бөлім мыналарды қамтиды:
      1) сұраныстың талдауын немесе жобаның әлеуметтік-экономикалық қажеттілігін бағалау (тиісті сараптамалардың қорытындылары негізінде);
      2) жобаны іске асыру (инвестициялық кезеңде) және пайдалану кезеңі (инвестициялаудан кейінгі кезең) шеңберінде сатып алынатын тауарлардың, жұмыстардың, көрсетілетін қызметтердің нарығын талдауды бағалау (тиісті сараптамалар қорытындыларының, сондай-ақ берілген прайс-парақтардың, коммерциялық ұсыныстардың және басқа да растаушы құжаттардың негізінде);
      3) ТЭН-де келтірілген жобаны іске асырудың таңдап алынған техникалық-технологиялық шешімін бағалау (тиісті сараптамалардың қорытындылары негізінде);
      4) қабылданған жобалық шешімдердің қоршаған ортаға әсері туралы ақпаратты бағалау (тиісті сараптамалардың қорытындылары негізінде);
      5) жобаның институционалдық схемасын бағалау (тиісті сараптамалардың қорытындылары негізінде);
      6) қаржыландыру схемасын бағалау (тиісті сараптамалардың қорытындылары негізінде);
      7) жобаның білікті мамандармен қамтамасыз етілгендігін талдауды бағалау (тиісті сараптамалардың қорытындылары негізінде).
      ТЭН-де көрсетілген техникалық-экономикалық параметрлер мен жобалық шешімдердің мақұлданғанын, келісілгендігін және/немесе сараптамалардың тиісті қорытындыларымен оң бағаланғанын растау жобаның жүзеге асатынын айқындауды білдіреді.
      70. «Жобаның тиімділігіне алғышарттардың болуын бағалау» деген бөлім мыналарды қамтиды:
      1) инвестициялық шығасыларды есептеуді бағалау (тиісті сараптамалардың қорытындылары негізінде);
      2) пайдалану шығасыларын есептеуді бағалау (тиісті сараптамалардың қорытындылары негізінде);
      3) жобаның қаржылық талдауын бағалау (қажет болғанда);
      4) жобаның экономикалық талдауын бағалау.
      71. «Жоба тәуекелдерін талдауды бағалау» деген бөлім БИЖ ТЭН-де көрсетілген коммерциялық, техникалық-технологиялық, экологиялық, институционалдық, қаржылық, әлеуметтік және өзге де тәуекелдердің талдауын бағалауды қамтиды.
      72. «Жоба бойынша жалпы тұжырымдар» деген бөлімде:
      1) негізгі техникалық-экономикалық параметрлер:
      жобаны іске асыру орны;
      жобаның мақсаты;
      нәтиже (тікелей және түпкілікті) көрсеткіштері;
      жобаның құрамдауыштары;
      қаржыландырылуы жылдар және құрамдауыштар бойынша бөлінген жобаның жалпы құны;
      2) жоба бойынша негізгі тұжырымдар:
      тәуекелдерді талдауды бағалау;
      жобаның жүзеге асатындығына алғышарттардың болуын бағалау;
      жобаның тиімділігіне алғышарттардың болуын бағалау;
      3) жоба бойынша қорытынды (оң қорытынды немесе теріс қорытынды, немесе пысықтауға қорытынды) көрсетіледі.
      73. Экономикалық сараптаманың қорытындысы мынадай сапа өлшемдеріне сәйкес болуы тиіс:
      1) қорытынды құрылымының осы Қағидалардың 65-тармағында (қорытынды құрылымы) белгіленген ережелерге сәйкестігі;
      2) қорытынды мазмұнының осы Қағидалардың 66-72-тармақтарында (құрылым мазмұны) белгіленген ережелерге сәйкестігі.

3-параграф. Бюджеттік инвестициялық жобаның
техникалық-экономикалық негіздемесін түзету, сондай-ақ қажетті
сараптамаларды жүргізу тәртібі

      74. Кейіннен қажетті сараптамалар жүргізе отырып, БИЖ ТЭН түзету техникалық шешімдерді өзгертуге және қосымша шығыстарға алып келетін бюджеттік инвестициялық жобаның белгіленген техникалық-экономикалық параметрлері өзгерген жағдайда жүргізіледі.
      Егер жобаның жалпы құны өзгеріссіз және тиісті халықаралық қаржы ұйымдары тарапынан жоғарыда аталған өзгерістер мақұлданса, бюджетті іс-шаралар ішінде немесе арасында, сонымен қатар Қазақстан Республикасы ратификациялаған, Қазақстан Республикасы мен халықаралық қаржылық ұйымдар арасында жасасқан қарыз туралы шарттар шеңберінде іске асырылып жатқан жобаларға шығындар санаттары арасында қайта бөлу кезінде кейін сараптамалар өткізумен ТЭН-ді түзету қажет етілмейді.
      75. ТЭН-ді түзетуге және кейіннен республикалық БИЖ-ге қажетті сараптамалар жүргізуге байланысты шығыстар республикалық бюджет қаражаты есебінен жүзеге асырылады.
      Жергілікті бюджет есебінен іске асырылатын БИЖ ТЭН-ін, сондай-ақ жоғары тұрған бюджеттен нысаналы даму трансферттері есебінен қаржыландыруға жоспарланып отырған жергілікті БИЖ-ді түзетуге байланысты шығыстар және кейіннен қажетті сараптамалар жүргізу тиісті жергілікті бюджет қаражаты есебінен жүзеге асырылады.
      76. Түзетілген БИЖ ТЭН-ін қарауды мемлекеттік жоспарлау жөніндегі орталық немесе жергілікті уәкілетті орган осы Қағидаларда және Қазақстан Республикасының бюджет заңнамасында белгіленген тәртіппен жүзеге асырады.
      77. БИЖ ТЭН-ге түзету және түзетілген БИЖ ТЭН-не осы Қағидаларға сәйкес қажетті сараптамалар жүргізілгеннен кейін, ББӘ олардың түпнұсқаларын түзетілген БИЖ ТЭН-нің электрондық нұсқасын, оның ішінде жоба бойынша қаржылық-экономикалық модельді бере отырып, мемлекеттік жоспарлау жөніндегі орталық немесе жергілікті уәкілетті органға жолдайды.
      Электрондық құжат айналымының бірыңғай жүйесі үшін құжаттар редакцияланбайтын графикалық форматта беріледі.
      78. Түзетілген БИЖ ТЭН-ін қарау үшін ББӘ мемлекеттік жоспарлау жөніндегі орталық немесе жергілікті уәкілетті органға мынадай құжаттарды ұсынады:
      1) мемлекеттік органның бірінші басшысы не оның орынбасары қол қойған тиісті салыстырма кестені қоса бере отырып, өзгеруі болжанатын техникалық шешімдер мен қосымша шығыстар көрсетілген, бюджеттік бағдарламалар әкімшісі – мемлекеттік органның бірінші басшысы не оны алмастыратын адам қол қойған өтінім-хат;
      2) бірінші басшы не оны алмастыратын тұлға қол қойған және Қазақстан Республикасының заңнамасында ресми құжаттар үшін белгіленген тәртіппен ресімделген, техникалық шешімдерді өзгертудің және қосымша шығыстар көздеудің орындылығын растайтын, тиісті саладағы уәкілетті органның салалық сараптамасының қорытындысы;
      3) бірінші басшы не оны алмастыратын адам қол қойған ресми хат нысанында ұсынылатын және техникалық шешімдерді өзгертудің болжанған параметрлерінің және қосымша шығыстарды көздеудің талап ететін негізділігі мен дұрыстығын растайтын жобаның ерекшелігіне байланысты тиісті уәкілетті мемлекеттік органның қорытындысы;
      4) түзетілген БИЖ ТЭН-і;
      5) осы Қағидалардың 52 және 53-тармақтарына сәйкес БИЖ-дің ерекшелігіне байланысты түзетілген БИЖ ТЭН-ге сараптамалардың қорытындылары мен талап етілетін құжаттар;
      6) мемлекеттік жоспарлау жөніндегі орталық немесе жергілікті уәкілетті органның оң қорытындысын алған кезде (бекітілген бастапқы БИЖ ТЭН-і бойынша) бұрын қаралған БИЖ ТЭН бойынша сараптамалардың қорытындылары мен құжаттар;
      7) бюджет комиссиясының тиісті ұсынысының көшірмесі.
      79. Мемлекеттік жоспарлау жөніндегі орталық немесе жергілікті уәкілетті орган құжаттар топтамасы келіп түскен күннен бастап 5 (бес) жұмыс күні ішінде олардың жинақтылығын және түзетілген БИЖ ТЭН құрылымының осы Қағидаларға сәйкестігін тексереді және оларды ББӘ-ге мына:
      1) осы Қағидалардың 78-тармағына сәйкес болуы қажет құжаттар;
      2) осы Қағидаларға сәйкес болуы қажет бөлімдер БИЖ ТЭН-де болмаған жағдайларда қайтарады;
      Құжаттар топтамасы осы Қағидалардың ережелеріне сәйкес келген жағдайда, мемлекеттік жоспарлау жөніндегі орталық немесе жергілікті уәкілетті орган осы тармақта белгіленген мерзімнен кешіктірмей, БИЖ ТЭН-інің экономикалық сараптамасын жүзеге асыруға Қазақстан Республикасының Үкіметі не жергілікті атқарушы органдар айқындаған тиісті заңды тұлғаға түзетілген БИЖ ТЭН-ін қарау үшін ББӘ ұсынған құжаттар топтамасын қоса бере отырып, түзетілген БИЖ ТЭН-інің экономикалық сараптамасын жүргізу қажеттігі туралы хат жолдайды.
      80. Бюджет заңнамасында белгіленген рәсімдер сақталмай бөлінген БИЖ түзету бойынша ТЭН әзірленген жағдайда, Қазақстан Республикасы Бюджет кодексінің 153-бабының 11-тармағына сәйкес осы Қағидалардың 78-тармағының 6) тармақшасында көрсетілген экономикалық сараптама жүргізу үшін құжаттаманы ұсыну талап етілмейді.
      81. Түзетілген БИЖ ТЭН-нің экономикалық сараптамасы БИЖ ТЭН-інің экономикалық сараптамасын жүзеге асыруға Қазақстан Республикасының Үкіметі не жергілікті атқарушы органдар айқындаған тиісті заңды тұлғаға осы Қағидалардың 77 және 78-тармақтарында көрсетілген құжаттардың толық топтамасы келіп түскен күннен бастап 30 (отыз) жұмыс күні ішінде жүргізіледі.
      82. Түзетілген БИЖ ТЭН-нің экономикалық сараптамасы БИЖ ТЭН-інің экономикалық сараптамасы үшін осы Қағидаларда және Қазақстан Республикасының бюджет заңнамасында белгіленген тәртіппен жүргізіледі.
      83. Түзетілген БИЖ ТЭН-інің құрылымы мен мазмұны, БИЖ ТЭН-інің тиісті бөлімдерінде өзгертілуі болжанатын техникалық шешімдер мен қосымша шығыстар бойынша негіздемелер мен есептеулердің бұрын бекітілген БИЖ ТЭН-імен салыстырмасын келтіре отырып, осы Қағидалардың 2.1-кіші бөлімінің ережелеріне сәйкес келеді.
      84. Түзетілген БИЖ ТЭН-інің экономикалық сараптамасы қорытындысының құрылымы мен мазмұны осы Қағидалардың 2.2-кіші бөлімінің ережелеріне сәйкес келеді.

4-параграф. Техникалық-экономикалық негіздемені талап ететін
бюджеттік инвестициялық жобаларды қарау тәртібі

      85. БИЖ-ді қарауды осы Қағидаларға сәйкес әзірленген ТЭН-нің және БИЖ ТЭН экономикалық сараптамасы қорытындысының негізінде мемлекеттік жоспарлау жөніндегі орталық немесе жергілікті уәкілетті орган жүзеге асырады.
      86. БИЖ-дің ТЭН-і әзірленгеннен кейін және Қазақстан Республикасының заңнамасына сәйкес талап етілетін сараптамалар жүргізілгеннен кейін ББӘ БИЖ ТЭН-інің электрондық нұсқасын, оның ішінде БИЖ ТЭН әзірлеуге жауапты ББӘ құрылымдық бөлімшесінің басшысы әрбір парағын дәйектейтін БИЖ бойынша қаржылық-экономикалық үлгіні ұсына отырып, олардың түпнұсқалары мен көшірмелерін мемлекеттік жоспарлау жөніндегі орталық немесе жергілікті уәкілетті органға жібереді.
      Электрондық құжат айналымының бірыңғай жүйесі үшін құжаттар редакцияланбайтын графикалық форматта ұсынылады.
      87. БИЖ-ге экономикалық қорытынды осы Қағидаларға 15-қосымшаға сәйкес нысан бойынша берілетін БИЖ-дің экономикалық талдауын кешенді бағалаудың міндетті нысаны болып табылады және осы Қағидалардың 52 – 55, 58, 85-тармақтарында көрсетілген құжаттардың толық топтамасы енгізілгеннен кейін 45 (қырық бес) жұмыс күні ішінде жүргізіледі, онда Қазақстан Республикасының Үкіметі не жергілікті атқарушы органдар айқындаған тиісті заңды тұлға жүзеге асыратын БИЖ ТЭН-інің экономикалық сараптамасына 30 (отыз) жұмыс күні беріледі.
      88. Мемлекеттік жоспарлау жөніндегі орталық немесе жергілікті уәкілетті орган құжаттар топтамасы келіп түскен сәттен бастап 5 (бес) жұмыс күні ішінде оларды ББӘ-ге мына:
      1) БИЖ ТЭН-інің экономикалық сараптамасын жүргізу үшін болуы қажет сараптамалар болмаған;
      2) ТЭН-де осы Қағидаларға сәйкес болуы қажет бөлімдер болмаған жағдайларда қайтарады.
      89. Мемлекеттік жоспарлау жөніндегі орталық немесе жергілікті уәкілетті орган БИЖ-ді БИЖ ТЭН-інің экономикалық сараптамасы қорытындысының негізінде қарайды және олар бойынша экономикалық қорытындыны ББӘ-ге жолдайды.
      90. Мемлекеттік жоспарлау жөніндегі орталық немесе жергілікті уәкілетті орган БИЖ ТЭН-і бойынша құжаттардың толық топтамасы алынған күннен бастап 5 (бес) жұмыс күні ішінде БИЖ ТЭН-інің экономикалық сараптамасын жүзеге асыруға Қазақстан Республикасының Үкіметі не жергілікті атқарушы органдар айқындаған заңды тұлғаға ТЭН түпнұсқалары мен тиісті сараптамаларды қоса бере отырып, БИЖ ТЭН-інің экономикалық сараптамасын жүргізу қажеттілігі туралы хат жолдайды.
      91. БИЖ ТЭН-і экономикалық сараптамасының қорытындысын БИЖ ТЭН-інің экономикалық сараптамасын жүзеге асыруға Қазақстан Республикасының Үкіметі не жергілікті атқарушы органдар айқындаған тиісті заңды тұлғалар мемлекеттік жоспарлау жөніндегі орталық немесе жергілікті уәкілетті органға жібереді.
      92. Осы Қағидалардың 88-тармағында көзделген жағдайларда, сондай-ақ БИЖ ТЭН-ін пысықтау қажет болған жағдайларда, ББӘ 50 (елу) жұмыс күні ішінде осы Қағидалардың 55, 58, 85-тармақтарында көзделген тәртіппен пысықталған құжаттарды қайта енгізеді.
      93. Тиісті сараптамалардың оң қорытындыларын алған ТЭН, оның ішінде түзетілген БИЖ ТЭН-і мен ЖСҚ-ны Қазақстан Республикасының сәулет, қала құрылысы және құрылыс қызметі туралы заңнамасына және Қазақстан Республикасының бюджет заңнамасына сәйкес ББӘ немесе уәкілетті мемлекеттік органдар бекітеді.

5-параграф. Техникалық-экономикалық негіздемені талап ететін
бюджеттік инвестициялық жобаларды іріктеу тәртібі

      94. БИЖ іріктеуді жене тиісті бюджет комиссиясының қарауына шығаруды мемлекеттік жоспарлау жөніндегі орталық немесе жергілікті уәкілетті орган басым бюджеттік инвестициялар тізбесін қалыптастыру шеңберінде ББӘ Қазақстан Республикасы Бюджет кодексінің 66-бабында көрсетілген құжаттарды ұсынған кезде жүзеге асырады.
      95. Мемлекеттік жоспарлау жөніндегі орталық немесе жергілікті уәкілетті орган ББӘ БИЖ-ді олардың қаржы қаражатымен қамтамасыз етілуі, растайтын құжаттарының болуы тұрғысынан қарайды және олар бойынша қорытындыны Қазақстан Республикасының бюджет заңнамасына сәйкес МИЖ инвестициялық ұсынысының оң экономикалық қорытындысын, БИЖ бойынша экономикалық қорытындыны ескере отырып, бюджет комиссиясының қарауына енгізеді.
      Жергілікті атқарушы органдарға нысаналы даму трансферттері мен бюджеттік кредиттерді беруге бағытталған бюджеттік бағдарламаларға берілетін бюджеттік өтінімдер бойынша мемлекеттік жоспарлау жөніндегі орталық уәкілетті органның қорытындылары өңірлік саясат мәселелері жөніндегі комиссияның ұсынымдары ескеріле отырып, өңірлік даму саласындағы орталық уәкілетті органның ұсыныстары негізінде қалыптастырылады.
      Ескерту. 95-тармаққа өзгеріс енгізілді - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      96. Бекітілген БИЖ ТЭН-інің, БИЖ бойынша оң экономикалық қорытындының және тиісті бюджет комиссиясының оң шешімінің негізінде БИЖ тиісті бюджет жобасына енгізіледі.
      97. БИЖ олардың белгіленген тәртіппен бекітілген ТЭН-іне сәйкес іске асырылады.
      Қазақстан Республикасы ратификациялаған Қазақстан Республикасы Үкіметі жасасқан қарыз шарты шеңберінде іске асырылатын БИЖ бойынша, егер қарыз шартында бюджет заңнамасында және бекітілген ТЭН-де көзделгеннен өзге тәртіп белгіленген болса, онда БИЖ-ді іске асыру қарыз шартында айқындалған тәртіппен жүзеге асырылады.
      98. БИЖ іске асыру шеңберінде көзделетін құрылыс қызметі белгіленген тәртіппен бекітілген ЖСҚ негізінде жүзеге асырылады.

6-параграф. Техникалық-экономикалық негіздеме әзірлеуді талап
етпейтін бюджеттік инвестициялық жобаларды қарау және іріктеу
тәртібі

      99. ТЭН әзірлеуді талап етпейтін БИЖ қарауды ББӘ бюджеттік өтінімдерінің құрамында МИЖ инвестициялық ұсынысының экономикалық қорытындысының негізінде мемлекеттік жоспарлау жөніндегі орталық немесе жергілікті уәкілетті орган жүзеге асырады.
      100. ТЭН әзірлеуді талап етпейтін БИЖ-ді іріктеуді және тиісті бюджет комиссиясының қарауына ұсынуды мемлекеттік жоспарлау жөніндегі орталық немесе жергілікті уәкілетті орган басым бюджеттік инвестициялар тізбесін қалыптастыру шеңберінде ББӘ Қазақстан Республикасы Бюджет кодексінің 66-бабында көрсетілген құжаттарды ұсынған кезде жүзеге асырады.
      101. ТЭН әзірлеуді талап етпейтін БИЖ тізбесін сәулет, қала құрылысы және құрылыс істері жөніндегі уәкілетті орган әзірлейді және Қазақстан Республикасының Үкіметі бекітеді.
      102. Құрылыс қызметін болжамдайтын БИЖ-ге жер учаскесіне құқық беру туралы жерге орналастыру жобасы (қажет болған кезде жер учаскелерінің меншік иелері мен жер пайдаланушылар залалдарының, алынып қойылатын алқаптардың түріне байланысты ауыл шаруашылығы мен орман шаруашылығы өндірісі шығындарының есептерін қоса бере отырып) қоса беріледі.
      103. Мемлекеттік жоспарлау жөніндегі орталық немесе жергілікті уәкілетті орган ТЭН әзірлеуді талап етпейтін ББӘ БИЖ-ін олардың қаржы қаражатымен қамтамасыз етілуі, растайтын құжаттарының болуы тұрғысынан қарайды және олар бойынша қорытындыны Қазақстан Республикасының бюджет заңнамасына сәйкес МИЖ инвестициялық ұсынысының оң экономикалық қорытындысын ескере отырып, бюджет комиссиясының қарауына енгізеді.
      Жергілікті атқарушы органдарға нысаналы даму трансферттері мен бюджеттік кредиттерді беруге бағытталған бюджеттік бағдарламаларға берілетін бюджеттік өтінімдер бойынша мемлекеттік жоспарлау жөніндегі орталық уәкілетті органның қорытындылары өңірлік саясат мәселелері жөніндегі комиссияның ұсынымдары ескеріле отырып, өңірлік даму саласындағы орталық уәкілетті органның ұсыныстары негізінде қалыптастырылады.
      Ескерту. 103-тармаққа өзгеріс енгізілді - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      104. МИЖ-дің инвестициялық ұсынысына оң экономикалық қорытындының және тиісті бюджет комиссиясының оң шешімінің негізінде ТЭН әзірлеуді талап етпейтін БИЖ тиісті бюджет жобасына енгізіледі.
      105. Тиісті қаржы жылының бюджетіне енгізілген, ТЭН әзірлеуді талап етпейтін БИЖ бойынша ББӘ Қазақстан Республикасының сәулет, қала құрылысы және құрылыс қызметі туралы заңнамасында белгіленген талаптарға сәйкес ЖСҚ әзірлеуді қамтамасыз етеді.
      106. Бірыңғай техникалық параметрлері бар БИЖ бойынша Қазақстан Республикасының заңнамасына сәйкес үлгі жобаны әзірлеу жүзеге асырылады.
      107. БИЖ іске асыру кезінде үлгі жобаларды қолдану нақты құрылыс алаңына байланыстыру жолымен жүзеге асырылады.

7-параграф. Сметалық құнын ұлғайтуды болжайтын жобаларды қарау
және іріктеу тәртібі

      108. ЖСҚ-ны түзетуге немесе оған бекітілген ТЭН-де немесе БИЖ үлгі жобасында көзделмеген бюджеттен қосымша шығыстарға алып келетін қосымша құрамдауыштар енгізуге байланысты республикалық БИЖ сметалық құнының ұлғаюына байланысты шығыстар республикалық бюджет қаражаты есебінен жүзеге асырылады.
      109. ЖСҚ-ны түзетуге немесе оған бекітілген ТЭН-де немесе БИЖ үлгі жобасында көзделмеген бюджеттен қосымша шығыстарға алып келетін қосымша құрамдауыштар енгізуге байланысты жоғары тұрған бюджеттен нысаналы даму трансферттері есебінен іске асырылатын жергілікті БИЖ сметалық құнының ұлғаюына байланысты шығыстар тиісті жергілікті бюджет қаражаты есебінен жүзеге асырылады
      Жергілікті бюджетте қаражат жеткіліксіз болған жағдайда, стратегиялық және (немесе) әлеуметтік маңызы бар, республикалық бюджеттен берілетін нысаналы даму трансферттері есебінен астанада іске асырылатын, ЖСҚ-ны түзетуге немесе оған бекітілген ТЭН-де немесе БИЖ-дің үлгі жобасында көзделмеген, қосымша бюджет шығыстарына алып келетін қосымша құрамдауыштарды енгізуге байланысты, республикалық бюджет туралы заңда белгіленген айлық есептік көрсеткіштің 1000000 астам еселенген мөлшерін құрайтын жергілікті БИЖ сметалық құнының ұлғаюы бойынша шығыстар республикалық бюджет қаражаты есебінен жүзеге асырылады.
      110. ЖСҚ-ны түзетуге немесе оған бекітілген ТЭН-де немесе БИЖ-дің үлгі жобасында көзделмеген, қосымша бюджет шығыстарына алып келетін қосымша құрауыштарды енгізуге байланысты БИЖ-дің құнын бюджет комиссиясының қарауынсыз және ұсынуынсыз ұлғайтуға жол берілмейді.
      111. Республикалық немесе жергілікті бюджетке енгізілмеген БИЖ бойынша ЖСҚ әзірлеуге жол берілмейді.
      112. Сметалық құнын ұлғайтуды болжайтын республикалық БИЖ-ді және стратегиялық және (немесе) әлеуметтік маңызы бар, республикалық бюджеттен бөлінетін нысаналы даму трансферттері есебінен астанада іске асырылатын, сметалық құнын ұлғайту ЖСҚ-ны түзетуге немесе оған бекітілген ТЭН-де немесе БИЖ үлгі жобасында көзделмеген, қосымша бюджет шығыстарына алып келетін қосымша құрамдауыштарды енгізуге байланысты және республикалық бюджет туралы заңда белгіленген айлық есептік көрсеткіштің 1000000 астам еселенген мөлшерін құрайтын жергілікті БИЖ-ді қарауды мемлекеттік жоспарлау жөніндегі орталық уәкілетті орган осы Қағидалардың 114 және 115-тармақтарында айқындалған тәртіппен жүзеге асырады.
      113. Стратегиялық және (немесе) әлеуметтік маңызы бар, республикалық бюджеттен берілетін нысаналы даму трансферттері есебінен астанада іске асырылатын, сметалық құнын ұлғайту ЖСҚ-ны түзетуге немесе оған бекітілген ТЭН-де немесе БИЖ-дің үлгі жобасында көзделмеген, қосымша бюджет шығыстарына алып келетін қосымша құрамдауыштарды енгізуге байланысты, республикалық бюджет туралы заңда белгіленген айлық есептік көрсеткіштің 1000000 астам еселенген мөлшерін құрайтын жергілікті БИЖ-ді қоспағанда, жергілікті БИЖ-ді, сондай-ақ сметалық құнын ұлғайту болжанатын, нысаналы даму трансферттері мен жоғары тұрған бюджеттен бөлінетін кредиттер есебінен қаржыландыру жоспарланатын жергілікті БИЖ-ді қарауды мемлекеттік жоспарлау жөніндегі жергілікті уәкілетті орган жүзеге асырады.
      114. ТЭН түзетуді талап ететін БИЖ-дің сметалық құнын ұлғайту мәселелерін шығару екі кезеңде жүзеге асырылады:
      Бірінші кезең бойынша:
      1) ББӘ-нің БИЖ ТЭН-ді түзету бойынша инвестициялық ұсынысты әзірлеуі және мемлекеттік жоспарлау жөніндегі орталық немесе жергілікті уәкілетті органға ұсынуы;
      2) тиісті бюджет комиссиясының ББӘ ұсынатын құжаттардың және мемлекеттік жоспарлау жөніндегі орталық немесе жергілікті уәкілетті органның БИЖ ТЭН-ін түзету бойынша инвестициялық ұсынысына оң экономикалық қорытындының негізінде БИЖ ТЭН-ін түзетудің және БИЖ ТЭН-ді түзетуді қаржыландырудың (қажет болған жағдайда) орындылығын айқындау бойынша шешімі. Егер осы Қағидалардың 116-тармағының екінші абзацында қарастырылған жағдайларда, БИЖ ТЭН-ін түзету бойынша инвестициялық ұсынысқа экономикалық қорытынды қажет емес.
      Бірінші кезеңде БИЖ ТЭН-ін түзету бойынша инвестициялық ұсыныстарды әзірлеу, қарау және іріктеу процесі осы Қағидалардың 1-бөлімінде айқындалған тәртіппен жүргізіледі.
      Бірінші кезеңде осы Қағидалардың 112-тармағында көзделген, сметалық құнын ұлғайтуды республикалық бюджет қаражаты есебінен қаржыландыру болжанатын жергілікті БИЖ-дер бойынша жергілікті атқарушы орган қорытынды дайындайды және жергілікті БИЖ-дердің ТЭН-ін түзету мәселесін республикалық бюджет комиссиясының қарауына шығару үшін кейіннен мемлекеттік жоспарлау жөніндегі орталық уәкілетті органға енгізу үшін осы тармақта көрсетілген құжаттармен қоса, БИЖ-ді республикалық бюджеттік бағдарламаның тиісті әкімшісіне енгізеді.
      ББӘ тиісті бюджет комиссиясының оң қорытындысын алған жағдайда, БИЖ ТЭН-іне тиісті түзетулерді енгізеді.
      Екінші кезеңде ББӘ мемлекеттік жоспарлау жөніндегі орталық немесе жергілікті уәкілетті органға түзетілген ТЭН мен жобаның ерекшелігіне байланысты талап етілетін сәйкес сараптаманың оң қорытындыларын, соның ішінде БИЖ экономикалық қорытындысын, мемлекеттік сараптама қорытындысын, (бар болған жағдайда) ведомстволық нормативтерге сәйкес объектіні пайдалануға енгізу шығындарының түзетілген құнға мемлекеттік салалық уәкілетті органның және мемлекеттік сараптаманың қорытындысы және БИЖ сметалық құнының ұлғаюы себептерінің негіздемесін енгізеді.
      Мемлекеттік жоспарлау жөніндегі орталық немесе жергілікті уәкілетті орган уәкілетті мемлекеттік органның салалық сараптамасының қорытындысымен және мемлекеттік сараптаманың қорытындысымен түзетілген ТЭН бойынша БИЖ құнының ұлғаюын тиісті бюджет комиссиясының қарауына енгізеді.
      Екінші кезеңде:
      сметалық құнның ұлғаюын республикалық бюджет есебінен қаржыландыру болжанатын осы Қағидалардың 112-тармағында көзделген республикалық БИЖ және жергілікті БИЖ-дің түзетілген ТЭН-і бойынша қаржыландырудың орындылығын республикалық бюджет комиссиясы қарайды;
      сметалық құнның ұлғаюын жергілікті бюджет қаражаты есебінен қаржыландыру болжанатын жергілікті БИЖ-дің түзетілген ТЭН-і бойынша қаржыландырудың орындылығын тиісті жергілікті бюджет комиссиясы қарайды.
      Тиісті бюджет комиссиялары іріктеп алған сметалық құнының ұлғаюы болжанатын БИЖ бюджет заңнамасында белгіленген тәртіппен тиісті бюджетке енгізіледі.
      Ескерту. 114-тармаққа өзгеріс енгізілді - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      115. ТЭН әзірлеуді немесе түзетуді талап етпейтін БИЖ-дердің сметалық құнын ұлғайту мәселелерін шығару екі кезеңде жүзеге асырылады.
      Бірінші кезең – ББӘ ұсынатын құжаттар негізінде мемлекеттік жоспарлау жөніндегі орталық немесе жергілікті уәкілетті органның қорытындысы негізінде ЖСҚ-ны түзетудің орындылығын айқындау бойынша тиісті бюджет комиссиясының шешімі.
      Екінші кезең – ТЭН әзірлеуді немесе түзетуді талап етпейтін БИЖ-дердің түзетілген ЖСҚ бойынша ұлғайтылған құнды қаржыландыру туралы тиісті бюджет комиссиясының шешімі.
      Бірінші кезеңде ББӘ мемлекеттік жоспарлау жөніндегі орталық немесе жергілікті уәкілетті органға мыналарды ұсынады:
      1) болжанатын қымбаттау сомасын көрсете отырып, мемлекеттік органның бірінші басшысы – бюджеттік бағдарламалар әкімшісі қол қойған өтінім-хат;
      2) мемлекеттік органның бірінші басшысы – бюджеттік бағдарламалар әкімшісі қол қойған түсіндірме жазба, онда мынадай ақпарат қамтылады:
      БИЖ-ді іске асыруды аяқтау үшін талап етілетін болжамды қосымша бюджеттік шығыстардың негіздемесі;
      мемлекеттік сатып алу жүргізу нәтижесінде үнемделген соманы (егер үнемдеу болған жағдайда) көрсете отырып, ЖСҚ әзірлеуден бастап БИЖ-ді іске асыру шеңберінде жасалған шарттар туралы ақпарат;
      ЖСҚ әзірлеу басталғаннан бастап жобаны бюджеттен әрбір жыл үшін қаржыландыру. Игерілмеген жағдайда оның себептері көрсетіле отырып, бұл ақпарат әрбір жыл үшін жоспармен және фактімен сүйемелденеді;
      қымбаттауға алып келетін себептерді егжей-тегжейлі көрсету (ББӘ шартта көрсетілген құнды (сметаны) ұлғайту қажеттілігі туралы уақтылы ескертудің орындылығын растайтын мердігерлер хаттарының көшірмелерін қоса бере отырып);
      кінәсінен қымбаттау орын алған ұйым не жеке тұлға, сондай-ақ осы ұйымға не жеке тұлғаға қатысты қабылданған шаралар;
      мемлекеттік жоспарлау жөніндегі уәкілетті органға аяқталмаған құрылыстың жай-күйі, оның ішінде оның құнының бағалануы, тәуелсіз техникалық аудит растаған орындалған жұмыстар актілері туралы мәлімет;
      3) бірінші басшы не оны алмастыратын адам қол қойған, мөрмен расталған, ресми хат нысанында ұсынылатын және ББӘ түсіндірмесін қоса бере отырып, жобаның құнын ұлғайтудың негізділігі мен дұрыстығын растайтын, БИЖ-дің ерекшелігіне байланысты тиісті уәкілетті мемлекеттік органның салалық сараптамасының қорытындысы;
      4) бастапқы құнға ЖСҚ мемлекеттік сараптаманың қорытындысы;
      5) сәулет, қала құрылысы және құрылыс саласындағы заңнамада көзделген жағдайларда, сәулет, қала құрылысы және құрылыс істері жөніндегі уәкілетті мемлекеттік органның бұйрығы немесе ББӘ бастапқы құнға бұйрығы;
      6) Қазақстан Республикасының Үкіметі уәкілеттік берген ішкі бақылау органының бюджет қаражатының мақсатты пайдаланылуы тұрғысынан, сондай-ақ құжаттар ұсынылған күннен бастап 6 (алты) айдан кешіктірмей белгіленген, ЖСҚ әзірлеуден бастап БИЖ-ді іске асыру шеңберінде бөлінген барлық бюджет қаражатын қамтитын бұзушылықтардың жоқтығы туралы актісі;
      7) мемлекеттік жоспарлау жөніндегі орталық немесе жергілікті уәкілетті органға бірінші басшы не оны алмастыратын адам қол қойған және мөрмен расталған, осы Қағидаларға 16-қосымшаға сәйкес нысан бойынша электрондық порталға, сондай-ақ қағаз және электрондық жеткізгіштерде мемлекеттік жоспарлау жөніндегі уәкілетті органға немесе жергілікті уәкілетті органға ұсынылатын, сметалық құнын ұлғайту болжанатын жобалар бойынша салыстырмалы кесте мен құжаттама тізбесі;
      8) құжаттарды ұсынған күнге дейін 1 (бір) ай бұрын түсірілген, объектінің іс жүзіндегі жай-күйі туралы толық көрініс беретін фото немесе бейне түсірілімдер материалдары;
      9) жобаларға мемлекеттік сараптаманы жүзеге асыру үшін Қазақстан Республикасы Үкіметінің шешімімен құрылған шаруашылық жүргізу құқығындағы республикалық мемлекеттік кәсіпорынның басшысы не орынбасарлары қол қойған, ресми хат нысанында ұсынылатын бұрын бекітілген БИЖ ТЭН-і мен ЖСҚ-ның жобалық шешімдеріне енгізу болжанатын өзгерістердің орындылығы туралы қорытындысы.
      Мемлекеттік жоспарлау жөніндегі орталық немесе жергілікті уәкілетті орган осы тармақта көрсетілген құжаттар топтамасын қарайды және олар бойынша қорытындыны тиісті бюджет комиссиясының қарауына енгізеді.
      Бірінші кезеңнің қорытындысы бойынша сметалық құнының ұлғаюын республикалық бюджет қаражаты есебінен қаржыландыру болжанатын осы Қағидалардың 112-тармағында көзделген жергілікті БИЖ бойынша жергілікті атқарушы орган қорытынды дайындайды және БИЖ-ді республикалық бюджет комиссиясының қарауына шығару үшін кейіннен мемлекеттік жоспарлау жөніндегі орталық уәкілетті органға енгізу үшін республикалық бюджеттік бағдарламаның тиісті әкімшісіне осы тармақта көрсетілген құжаттарды қоса бере отырып енгізеді.
      ББӘ тиісті бюджет комиссиясының оң қорытындысын алған жағдайда, ЖСҚ-ға тиісті түзетулерді енгізеді.
      Екінші кезеңде ББӘ мемлекеттік жоспарлау жөніндегі орталық немесе жергілікті уәкілетті органға түзетілген ЖСҚ мен ЖСҚ-ға мемлекеттік сараптама қорытындысын, (бар болған жағдайда) ведомстволық нормативтерге сәйкес объектіні пайдалануға енгізу шығындарының түзетілген құнға мемлекеттік салалық уәкілетті органның және мемлекеттік сараптаманың қорытындысы және БИЖ сметалық құнының ұлғаюы себептерінің негіздемесін енгізеді.
      Мемлекеттік жоспарлау жөніндегі орталық немесе жергілікті уәкілетті орган уәкілетті мемлекеттік органның салалық сараптамасының қорытындысымен және мемлекеттік сараптаманың қорытындысымен түзетілген ЖСҚ бойынша БИЖ құнының ұлғаюын тиісті бюджет комиссиясының қарауына енгізеді.
      Екінші кезеңде:
      сметалық құнның ұлғаюын республикалық бюджет есебінен қаржыландыру болжанатын осы Қағидалардың 112-тармағында көзделген республикалық БИЖ және жергілікті БИЖ бойынша қаржыландырудың орындылығын республикалық бюджет комиссиясы қарайды;
      сметалық құнның ұлғаюын жергілікті бюджет қаражаты есебінен қаржыландыру болжанатын жергілікті БИЖ-дің бойынша қаржыландырудың орындылығын тиісті жергілікті бюджет комиссиясы қарайды.
      Тиісті бюджет комиссиялары іріктеп алған сметалық құнының ұлғаюы болжанатын БИЖ бюджет заңнамасында белгіленген тәртіппен тиісті бюджетке енгізіледі.
      Егер, ТЭН-ді түзетуді қажет етпейтін БИЖ бойынша сметалық құнның өзгеруіне байланысты түзетілген ЖСҚ бар болса, БИЖ сметалық құнының ұлғаю сұрақтарын тиісті бюджет комиссиясының қарауына бірінші кезең мен екінші кезеңде қарастырылған құжаттарды ұсына отырып бір уақытта шығару мүмкін.
      Ескерту. 115-тармаққа өзгеріс енгізілді - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      116. Ұлттық валютаның шетел валютасының бағамына қатысты елеулі өзгеру себебінен, техникалық шешімдердің өзгеруін талап етпейтін, жаңа объектiлердi құруға (құрылысына) не бар объектiлердi реконструкциялауға бағытталған БИЖ сметалық құны ұлғайған жағдайда, кейіннен мемлекеттік сараптаманы жүргізе отырып ЖСҚ-ға түзету жүргізіледі.
      Ұлттық валютаның шетел валютасының бағамына қатысты елеулі өзгеру себебінен, техникалық шешімдердің өзгеруін талап етпейтін, ақпараттық жүйенi құруға, енгiзуге және дамытуға бағытталған БИЖ сметалық құны ұлғайған жағдайда, ТЭН-ге түзету жүргізіледі, бұл ретте экономикалық сараптама және қорытынды қажет емес.
      Мемлекеттік жоспарлау жөніндегі орталық немесе жергілікті уәкілетті орган аталған мәселені тиісті бюджет комиссиясының қарауына осы Қағидалардың 114 және 115-тармақтарында айқындалған тәртіппен шығарады.
      117. Егер БИЖ шет мемлекеттердің аумағында іске асырылатын жағдайда, БИЖ-дің бастапқы және түзетуге ұсынылатын құнын растайтын, аумағында осы жоба іске асырылатын мемлекеттің құрылыс саласындағы заңнамасында белгіленген тәртіппен бекітілген тиісті құжаттар аталған заңнаманың мәтінін қоса бере отырып және мемлекеттік және/немесе орыс тілдеріне аудармасын қамтамасыз ете отырып ұсынылады.
      118. Құжаттаманың толық топтамасы ұсынылмаған не қымбаттаудың пайда болуының айқын және негізді себептері берілмеген, сондай-ақ кінәлі адамдар немесе ұйымдар және оларға қолданылған шаралар (егер ондай болса) көрсетілмеген БИЖ сметалық құнының ұлғаюы тұрғысынан қаралмайды.

4-тарау. Бюджеттік инвестициялардың қаржы-экономикалық негіздемесін әзірлеу немесе түзету, сондай-ақ қажетті сараптамалар жүргізу және заңды тұлғалардың жарғылық капиталына мемлекеттің қатысуы арқылы іске асыру жоспарланатын бюджеттік инвестицияларды іріктеу тәртібі

      Ескерту. 4-тараудың атауы жаңа редакцияда - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

1-параграф. Бюджеттік инвестициялардың қаржы-экономикалық негіздемесін әзірлеу немесе түзету, сондай-ақ қажетті сараптамалар жүргізу тәртібі мен мерзімдері

      Ескерту. 1-параграфтың атауы жаңа редакцияда - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

      119. Инвестициялар ҚЭН-і іс-шараларының толық инвестициялық кезеңiн ескере отырып, Инвестициялар ҚЭН-інде Инвестициялардың орындылығын растау, сондай-ақ жоспарланатын iс-шаралардың негiздiлiк және нәтижелiлiк өлшемдерiне сәйкестiгiн растау келтіріледі.
      Егер бiрнеше көздерден қаржыландыру болжанатын жағдайда, Инвестициялар ҚЭН-інде Инвестициялар сомасының негiздемесiн бөлiп көрсете отырып, барлық іс-шаралардың орындылығы және негiздiлiк пен нәтижелiлiк өлшемдерiне сәйкестігі ашылады.
      120. Алушы не Қатысушылар не ББӘ инвестициялар ҚЭН-ін әзірлеуі немесе түзетуі мүмкін.
      Ескерту. 120-тармақ жаңа редакцияда - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      121. Заңды тұлғаның даму мақсаттарына заңды тұлғаның жарғылық капиталын бюджет қаражаты есебінен ұлғайтуға жол беріледі.
      Шаруашылық қызметтің ағымдағы залалдарын жабу және ағымдағы шығыстарды қаржыландыру үшін заңды тұлғаның жарғылық капиталын ұлғайтуға жол берілмейді.
      122. Инвестициялар ҚЭН-і мынадай құрылымға сәйкес келедi:
      1) Инвестициялар паспорты;
      2) «Ретроспектива» бөлiмі;
      3) «Институционалдық» бөлiмi;
      4) «Негiздiлiк» бөлiмi;
      5) «Нәтиже» бөлiмi;
      6) қосымшалар.
      Мұндай толықтыру мақсаттарды, міндеттерді, негізгі көрсеткіштерді, қаржы-шаруашылық қызметтің көрсеткіштерін және ұйым туралы басқа да мәліметтерді ашу үшін орынды болған жағдайда, Инвестициялар ҚЭН-і басқа бөлімдермен, тараулармен, параграфтармен және қосымшалармен толықтырылуы мүмкін.
      Инвестициялар ҚЭН-і бөлімдермен, бөлімдер тараулармен, тараулар параграфтармен толықтырылған жағдайда, әр қосымша ұсынылатын бөлімнің және (немесе) тараудың және (немесе) параграфтың тиісті белгіленуі («бөлім», «тарау», «параграф»), сондай-ақ атауы болуы тиіс.
      123. Инвестициялар паспорты осы Қағидаларға 17-қосымшаға сәйкес нысан бойынша ұсынылады.
      124. «Ретроспектива» бөлiмi мынадай құрылымға сәйкес келеді:
      1) «Қатысушылардың қаржылық жағдайын талдау» параграфы, онда қатысушылардың қаржылық жағдайы, оның ішінде бар талаптар мен міндеттемелердің сомасы және сапасы туралы ақпарат келтіріледі;
      2) Егер Инвестициялар Алушы қаржы ұйымы болған жағдайда, «Несие қоржыны» параграфы. Параграфта соңғы 3 (үш) жыл ішіндегі Инвестициялар ҚЭН-ін енгізудің алдындағы айдың соңындағы жағдай бойынша қаржыландыру көздері (бюджет қаражаты, меншікті қаражат, үшінші тараптардың қарыздары, Қазақстан Республикасы Ұлттық қорының қаражаты) бөлінісінде Инвестицияларды Алушының несие қоржынының жай-күйі туралы тоқсан сайынғы ақпарат келтіріледі;
      3) «Макроэкономикалық ортаны талдау» параграфы, онда Инвестициялар ҚЭН іс-шараларының іске асырылуы әсер ететін, кемінде соңғы үш жылдағы негізгі макроэкономикалық (өңірлік, салалық) көрсеткіштерді және даму серпінін көрсете отырып, Инвестициялар ҚЭН-інің іс-шараларын іске асыру болжанатын макроэкономикалық ортаны (ел, өңір немесе сала) талдау және оның сипаттамасы келтіріледі;
      4) «Маркетингтiк ортаны талдау» параграфы, онда Инвестициялар ҚЭН-і іс-шараларының іске асырылуы әсер ететін, кемінде соңғы үш жылдағы негізгі көрсеткіштерді және даму серпінін көрсете отырып, Инвестициялар ҚЭН-інің іс-шаралары іске асырылатын маркетингтiк ортаны талдау келтіріледі.
      Маркетингтiк ортаны талдау ақпарат көзiн көрсете отырып, Инвестициялар Алушы жұмыс істейтін, сондай-ақ Инвестициялар есебiнен өндiрiлетiн өнiмдi өткiзу жоспарланып отырған нарықты талдауды, оның ішінде:
      1) есептеулердi негiздей және деректердi іріктеуді айқындай отырып, нарықтың сыйымдылығын;
      2) Инвестициялар Алушының нарықтағы үлесiн;
      3) нарықтың өсу (қысқару) әлеуетiн және нарық сыйымдылығы өзгерген жағдайда ұйым өнiмінің үлесiн;
      4) бәсекелестердiң сипаттамасын, бәсекелестердiң нарықтағы үлесiн;
      5) төлем қабілеттілігін қоса алғанда, тұтынушылардың сипаттамасын қамтиды. Егер мемлекеттік мекемелер және (немесе) қатысушылар тұтынушылар болып табылса, олардың сатылатын өнімдегі үлесін көрсете отырып, бұл ұйымдардың толық тізбесін келтіру қажет.
      125. «Институционалдық» бөлiмi мынадай құрылымға сәйкес келедi:
      1) «Қатысушылар туралы ақпарат» тарауы;
      2) «Стратегиялық алғышарттар» тарауы.
      126. «Қатысушылар туралы ақпарат» тарауы осы Қағидаларға 18-қосымшаға сәйкес нысан бойынша әр қатысушы жөніндегі ақпаратты, сондай-ақ ақша ағындарының сомалары мен бағыттары көрсетілген іс-шараларды іске асырудың қаржылық схемасын қамтиды.
      127. «Стратегиялық алғышарттар» тарауы оларды іске асыру үшін жоспарланатын стратегиялық және бағдарламалық құжаттар туралы ақпаратты (елдегі жағдай және Қазақстан Республикасының ішкі және сыртқы саясатының негізгі бағыттары туралы Қазақстан Республикасы Президентінің Қазақстан халқына жыл сайынғы Жолдауы, нормативтік құқықтық актілер, Қазақстан Республикасының Мемлекеттiк жоспарлау жүйесінің құжаттары, бюджеттік бағдарлама) қамтиды.
      128. «Негiздiлiк» бөлiмiнде iс-шараларды iске асыруға арналған Инвестициялар мөлшерiнiң және Инвестициялар ҚЭН-інің iс-шараларын балама көздерден қаржыландырудың мүмкін болмауының негiздемесi келтiрiледi.
      «Негiздiлiк» бөлiмi мынадай құрылымға сәйкес келедi:
      1) «Инвестициялар көлемi» тарауы;
      2) «Қаржыландырудың балама көздерi» тарауы;
      3) «Инвестициялар ҚЭН-інің мақсаттары мен міндеттерінің инвестициялық ұсынысқа сәйкестігі» тарауы.
      129. «Инвестициялар көлемi» тарауында әрбiр құрамдауыш бөлiнiсiнде Инвестициялар көлемiнiң құжатпен және есептеулермен расталған негiздемесi келтiрiледi.
      «Инвестициялар көлемi» тарауы мынадай параграфтарды қамтиды:
      1) «Өнiмдер» параграфы, онда осы Қағидаларының 124-тармағының 4) тармақшасында көрсетілген ақпаратты ескере отырып, сатып алынатын өнiмдер тізбесінің саны мен сапасының негiздемесi келтiрiледi;
      2) «Бағалар негiздемесi» параграфы, онда Инвестициялар есебiнен сатып алынатын өнiмдер бағаларына талдау келтiрiледi. Инвестициялар есебiнен сатып алынатын өнiмдердiң бағалары осы Қағидалардың 138-тармағының 3) тармақшасында санамаланған құжаттармен бекiтiледi.
      Осы Қағидалардың 138-тармағының 3) тармақшасында көрсетiлген құжаттарды ұсыну мүмкiн болмаған жағдайда, ББӘ ақпарат көзiн көрсете отырып, сатып алу жоспарланатын өнiмдердiң қолданыстағы нарықтық бағалары туралы ақпаратты қоса бередi.
      Бағаларды талдау:
      соңғы екі жылдағы бағалардың серпіні туралы ақпаратты және өзгеріске әкелуі мүмкін ағымдағы бағалар мен мұндай өзгеріске алып келуі ықтимал оқиғаларды;
      бағалардан ықтимал жеңілдіктерді, жеңілдіктер беру шарттарын (сатып алу көлемі, төлеу шарттары) қамтиды;
      3) «Айналым қаражатын толықтыру» параграфы, онда мыналар үшін ақшаға қажеттігі ашып көрсетіледі, бірақ төменде келтірілген тізбемен шектелмейді:
      қаржылық өнiмдер бөлiнiсiнде клиенттердiң болжамды саны, қаржылық қызметтiң орташа сомасы көрсетiлген қаржылық қызметтер көрсету;
      пруденциялық нормативтердi сақтау;
      Инвестициялар Алушының ағымдағы шығыстарын қаржыландыру;
      4) «Инвестициялар көлемi» параграфы, онда жоспарланатын Инвестициялардың мөлшерiн растайтын есептеулер келтiрiледi.
      Есептеулер әрбiр іс-шара бөлiнiсiнде келтiрiледi. Қажет болған жағдайда, объектіні іске қосу шығыстары (іске қосу-баптау жұмыстары) келтіріледі.
      Мемлекеттік кәсіпорын нысанындағы заңды тұлғалардың жарғылық капиталына мемлекеттің қатысуы арқылы іске асырылуы жоспарланатын бюджеттік инвестициялар бойынша жоспарланатын Инвестициялардың мөлшеріне ТЭН немесе ЖСҚ әзірлеуге арналған қаражаттың болмауы бойынша негіздеме ұсынылған жағдайда, оларды әзірлеуге арналған шығыстар қосылады.
      Егер Инвестициялар қаржылық қызметтер көрсетуге арналған жағдайда, «Инвестициялар көлемi» тарауының мiндеттi құрылымдық элементтерi:
      «Айналым қаражатын толықтыру» параграфы;
      «Инвестициялар көлемi» параграфы болып табылады.
      130. «Қаржыландырудың балама көздерi» тарауы мынадай параграфтарды қамтиды:
      1) «Меншiкті қаражат» параграфы, онда iс-шараларды меншiкті қаражат есебiнен қаржыландыру мүмкiндiгiне талдау жасалады. Талдау бұрын бөлінген қаражатты заңды тұлғаның үлестес тұлғалары арасында қайта бөлу есебінен іс-шараларды қаржыландыру мүмкіндігін де қамтиды.
      2) «Қарыз алу» параграфы, онда қарыз капиталын тарту мүмкiндiгiне талдау жасалады. Талдау мыналарды қамтиды, бірақ олармен шектелмейді:
      сыйақы мөлшерлемесін, кредит беру мерзiмдерiн, мiндеттемелердi өтеу шарттарын, оның iшiнде жеңiлдiк кезеңiн беру мүмкiндiгiн, заңды тұлғаның қолданыстағы шарттары ковенанттарының талаптарын қамтамасыз ету мен сақтауға қойылатын талаптарды қоса алғанда, кредиттi алу шарттарына шолуды;
      тiкелей кредит берудi, қаржы лизингiн, факторингтi, облигациялық қарызды қоса алғанда, кредит беру құралдарына шолуды;
      бюджеттiк кредит беру мүмкiндiгiн қамтиды.
      131. «Инвестициялар ҚЭН-інің мақсаттары мен міндеттерінің инвестициялық ұсынысқа сәйкестігі» тарауы Инвестициялар ҚЭН-інің мақсаттары мен міндеттерінің инвестициялық ұсынысқа сәйкестігі немесе сәйкессіздігі тұрғысында талдауды қамтиды.
      132. «Нәтиже» бөлімінде есептеулермен расталған тікелей және түпкілікті нәтижелерді алу мүмкіндігінің негіздемесі, сондай-ақ Инвестициялардың сапасы мен тиімділігінің көрсеткіштері болған жағдайда, сондай-ақ Инвестициялар Алушының қаржы-шаруашылық қызметінің жоспарланған нәтижелері келтіріледі.
      «Нәтиже» бөлімі мынадай құрылымға сәйкес келеді:
      1) «Өндіріс және іске асыру» тарауы;
      2) «Ресурстар» тарауы;
      3) «Қаржы» тарауы;
      4) «Тәуекелдер» тарауы;
      5) «Қорытындылар» тарауы.
      133. «Өндiрiс және іске асыру» тарауында өнiмдi өндiру және сату жоспары келтiрiледi. «Өндiрiс және іске асыру» тарауы мынадай параграфтарды қамтиды:
      1) «Лицензиялар және патенттер» параграфы, онда төменде келтірілген тізбемен шектелмейтін мыналар:
      қызметтiң жекелеген түрлерiн жүзеге асыруға арналған лицензияның болуы, лицензияның берiлген күнi мен нөмiрi, кiм бергенi туралы;
      кешендi кәсiпкерлiк лицензияның бар-жоғы, кешендi кәсiпкерлiк лицензия шартын жасасу мәнi мен күнi, қолданылу мерзiмi, кешендi лицензиар туралы;
      лицензияны алу қажеттiлiгi, лицензияны алуға арналған шығыстар туралы;
      патенттердiң және алдын ала патенттердiң бар-жоғы, қашан және кiм бергенi, қолданыс мерзiмi туралы ақпарат келтіріледі.
      2) «Өндiрiс жоспары» параграфы, онда мынадай:
      нарық жағдайын, жасалған келісімшарттарды, тұтынушылармен алдын ала келісімдерді негізге ала отырып, өндірістік бағдарламаның (өнімдер бөлінісінде);
      бекітілген нормаларды негізге ала отырып, өндіріс жоспарын орындауға арналған шығындардың негіздемелері келтіріледі негiздемелер келтiрiледi;
      3) «Іске асыру жоспары» параграфы, онда:
      сатылатын, оның ішінде Инвестициялар есебiнен өндірілетін өнiмдердiң саны мен сапасы;
      негізгі, оның ішінде Инвестициялар есебiнен өндірілетін өнімдер бағаларының, мыналарды:
      бағаларды (тарифтердi) уәкiлеттi мемлекеттiк органдардың бекiтуi (белгiлеуi) немесе келiсуi бойынша Қазақстан Республикасы заңнамасының талаптары;
      табыстылығы: шығыстардың өтелімдiлiгi, орташа немесе барынша көп табыстылықты алу;
      нарықтағы конъюнктуралар: жаңа өнiмді ілгерілету, қолданыстағы сату көлемiн сақтау, дәстүрлi нарықтардан бәсекелестердi ығыстыру, бос сегменттi толтыру;
      өнiмнiң құндылығы: жаңалығы, сапасы, сатудан кейiнгi кепiлдiктер қоса алғандағы негiздемесi;
      3-3) нарық жағдайын, жасалған шарттарды, тұтынушылармен алдын ала келісімдерді негізге ала отырып, іске асыру бағдарламасының (өнімдер бөлінісінде) негіздемесі;
      3-4) жаңа сатып алушыларды тарту мақсатында жоспарланатын іс-шаралар (жарнама, бағалық саясат, сатып алудан кейiнгi қызмет көрсету).
      Егер Инвестициялар Алушының қызметi франшиза туралы шарт немесе лицензиялық шарт негiзiнде жүзеге асырылған жағдайда, франшиза немесе лицензия сатушысының құқықтары және Инвестициялар Алушының бағасына және бағалық саясатына зияткерлiк меншiгiне ықпал ету дәрежесi туралы ақпарат келтiрiледi.
      134. «Ресурстар» тарауында өндiрiс жоспары мен іске асыру жоспарын орындау үшiн қажеттi ресурстардың барлық түрлерiне сұраныстың негiздемелерi келтiрiледi. «Ресурстар» тарауында мынадай параграфтар болады:
      1) «Нормалар» параграфы, онда шикізат пен материалдар, жылу және электр энергиясы, еңбек, ақша шығындарының нормалары келтірілген, оның ішінде қашан және кім бекіткені туралы ақпарат келтіріледі;
      2) «Лимиттер» параграфы, онда әкiмшiлiк шығыстар бойынша лимиттер мөлшерлері туралы ақпарат келтiрiледi: лимиттер көлемi, оның iшiнде қашан және кiм бекiткені туралы ақпарат келтiрiледi;
      3) «Персонал» параграфы, онда төменде келтірілген тiзбемен шектелмейтін мыналар:
      Инвестициялармен байланысты персоналдың штат санын ұлғайту (қысқарту) бойынша жоспарлар;
      персоналдың бiлiктiлiк деңгейiн арттыру (қайта даярлау) бойынша жоспарланатын iс-шаралар және оның бiлiктiлiк деңгейiн (қайта дайындауын) арттырумен байланысты шығындар туралы ақпарат келтiрiледi.
      4) «Негiзгi құралдар» параграфы, онда (Инвестицияларды ескере отырып) мыналар:
      негiзгi құралдардың құрылымы (ғимараттар, құрылыстар, машиналар, жабдық, көлiк, компьютерлер және ақпаратты өңдеуге арналған жабдық, басқа негiзгi құралдар), оның iшiнде меншiктегі, қаржылық жалға алудағы (лизингте), операциялық жалдаудағы негiзгi құралдар туралы ақпаратты ашу;
      қызметтi жүзеге асыруға арналған негiзгi құралдар санының, өнiмдiлiгiнiң және техникалық жағдайының сәйкестiгi туралы ақпарат келтiрiледi;
      5) «Қорлар» параграфы, онда мыналар:
      қорлардың негiзгi түрлерiне қажеттіліктер (заттай өлшем бiрлiгiнде);
      қорлардың негiзгi түрлерiне бағалар;
      қорларды сатып алуға жоспарланатын шығындар туралы ақпарат келтiрiледi;
      6) «Коммуналдық қызметтер» параграфы, онда мыналар:
      жылу және электр энергиясына, сумен жабдықтау және кәрiз жүйесіне қажеттіліктер;
      жылу және электр энергиясының, сумен жабдықтау және кәрiз жүйесінің бағалары;
      жылу және электр энергиясын, сумен жабдықтау және кәрiз жүйесін сатып алуға арналған жоспарланатын шығыстар туралы ақпарат келтiрiледi;
      7) «Ақша» параграфы, онда мыналар:
      борышкерлердiң сипаттамасы; берешектi талап ету бойынша өткiзiлетiн iс-шаралар;
      кредиторлар; міндеттемелерді орындау бойынша жүргiзiлетiн iс-шаралар;
      ақшалай емес операциялар: мәмiлелер көлемi және контрагенттер;
      ақшаға қажеттілік, кассалық алшақтықтар, ақша тарту бойынша iс-шаралар;
      уақытша бос ақшаларды пайдалану жөнiндегi жоспарлар: салымдарға орналастыру, қаржы активтерiн сатып алу, кредиттер беру (уақытша қаржылық көмек көрсету), сомалар, табыстылығы, орналастыру мерзiмдерi туралы ақпарат келтiрiледi.
      Ақша тартумен байланысты iс-шаралар бойынша ақпаратты ашу кезiнде алынған көздер, оның iшiнде:
      акцияларды орналастыру (қатысу үлестерi) – шығару және орналастыру көлемi, орналастырудың жоспарланатын бағасы;
      облигациялар шығару – шығару көлемi, шығарылымдағы облигациялар саны, оларды шығару, орналастыру, қолдану, сыйақы төлеу, өтеу рәсiмi мен тәртiбi және басқа да елеулi ақпарат;
      қарыздар тарту – қарыз берушілер, қарыз мөлшері, тарту мерзімі, сыйақы пайызы, сыйақы төлеу шарттары, қарыздың негізгі сомасын өтеу шарттары көрсетiледi.
      135. «Қаржы» тарауында кірістер, шығыстар бойынша жоспарлар, салық және бюджетке төленетін басқа да міндетті төлемдер туралы ақпарат, дивидендтер туралы ақпарат келтіріледі. «Қаржы» тарауы мынадай параграфтардан тұрады:
      1) «Кірістер» параграфы, онда мынадай негіздемелер келтіріледі:
      өнiмдердi өткізуден түсетін жоспарланатын кiрiстердің, оның iшiнде олардың өсу немесе төмендеу негiздемесi (ақпаратты ашу әрбір өнiм бойынша жүзеге асырылады);
      қаржыландыру бойынша жоспарланатын кiрiстер;
      дивидендтер бойынша кiрiстер (ақпарат үлестік құнды қағаздары Инвестициялар Алушының меншiгiнде болып табылатын әрбір ұйым бойынша жеке берiледi);
      активтердің шығуынан алынатын жоспарланатын кірістер;
      мемлекеттiк бюджеттен берілетін жоспарланатын субсидиялар;
      операциялық жалға алудан жоспарланатын кiрiстер;
      үлестiк қатысу әдiсiмен ескерiлетiн инвестициялар бойынша жоспарланатын кiрiстер;
      өзге де жоспарланатын кiрiстер негiздемесi.
      Мемлекеттік тапсырманы, мемлекеттік тапсырысты орындау шеңберінде не мемлекеттік мекемелердің өнімдерді сатудан алынатын кірістер туралы ақпарат жеке ашылады;
      2) «Шығыстар» параграфы, онда мынадай негiздемелер келтiрiледi:
      өткізілетін өнiмнiң өзiндiк құнының негiздемесi, оның iшiнде оның өсу немесе төмендеу негiздемесi (ақпаратты ашу әр өнiм бойынша жүзеге асырылады);
      өнiмді өткізу бойынша жоспарланған шығыстар, оның iшiнде олардың өсу немесе азаю негiздемесi (ақпаратты ашу әрбiр кiшi топ бойынша жүзеге асырылады);
      жоспарланатын әкiмшiлiк шығыстар негiздемесi, оның iшiнде олардың өсу және азаю негiздемесi (ақпаратты ашу әрбiр кiшi топ бойынша жүзеге асырылады);
      маркетинг пен жарнама бойынша жоспарланатын шығыстар негiздемесi, оның iшiнде олардың өсу немесе азаю негiздемесi (ақпаратты ашу әрбiр кiшi топ бойынша жүзеге асырылады);
      сыйақылар бойынша жоспарланатын шығыстар;
      активтердi iстен шығаруға байланысты шығыстар;
      операциялық жалдауға байланысты шығыстар;
      үлестiк қатысу әдiсiмен ескерiлетiн инвестициялар жөнiндегi шығыстар;
      қызметтiң тоқтатылуына байланысты жоспарланатын шығыстар;
      басқа жоспарланатын шығыстар негiздемесi;
      3) «Салық және бюджетке төленетiн басқа да мiндеттi төлемдер» параграфы, онда салық және бюджетке төленетiн мiндеттi төлемдердiң әр түрi бойынша жоспарланатын төлемдер негiздемесi, оның iшiнде салық салу базаларының негiздемесi келтiрiледi;
      4) «Дивидендтер» параграфы, онда акцияға, оның iшiнде акциялардың мемлекеттiк пакетiне (қатысу үлесi) есептелуі жоспарланатын дивидендтер (қатысу үлесi), дивидендтердi есептеудiң жалпы сомасы, бюджетке аудару үшiн мемлекеттiк кәсiпорын жоспарлайтын таза кiрiс сомасы туралы ақпарат келтiрiледi.
      136. «Тәуекелдер» тарауында iс-шараларды орындауға және тұтастай алғанда Инвестициялар Алушының қызметiне байланысты тәуекелдердi бағалау (қолайсыз оқиғаның орын алу мүмкiндiгiн анықтау) және өлшеу (қолайсыз оқиғаның орын алуынан келетiн зиян), сондай-ақ осы тәуекелдердi басқару шаралары келтiрiлген. «Тәуекелдер» тарауы мынадай параграфтарды қамтиды:
      1) «Операциялық тәуекелдер» параграфы, онда төменде келтірілген тiзбемен шектелмейтін мыналар:
      персонал: Инвестициялар Алушының негiзгi менеджерлерi мен мамандарын жоғалту, қызметкерлерiнiң жеткіліксіз бiлiктiлiгi, қызметкерлердiң алаяқтығы;
      өндiрiс: техникалық iстен шығу қаупi, жабдықтардың сынуы, технологиялық процестiң бұзылуы;
      бизнес-процестер: ұйымдастырушылық құрылымның Инвестицияларды Алушының мiндеттерi мен қызметiнiң көлемiне барабарлығы, бизнес-процестердiң тиiмсiздiгi, Инвестициялар Алушының бизнес-процестерiнiң келiсілмегендігі талданады.
      2) «Қаржылық тәуекелдер» параграфы, онда төменде келтірілген тiзбемен шектелмейтін мыналар:
      төлем қабілеттілігін жоғалту: Инвестициялар Алушының міндеттемелерді, оның ішінде қаржылық, олардың мерзімінің басталуына қарай уақтылы орындау үшін ақшасының болмауы немесе жеткіліксіздігі;
      өтiмдiлiкті жоғалту: активтердi, олардың құнын елеулi төмендетусiз, жедел іске асырудың жетiспеушiлiгi немесе мүмкiн еместiгi талданады;
      3) «Нарықтық тәуекелдер» параграфы, онда төменде келтірілген тiзбемен шектелмейтін мыналар:
      пайыздық тәуекел: тартылған ресурстар бойынша пайыздық шығыстардың ұлғаюы;
      инфляциялық тәуекел: инфляциялық процестер нәтижесiнде активтер мен кiрiстердiң құнсыздануы;
      валюталық тәуекел: ұлттық валютаға қатысты шетел валютасының нарықтық айырбас бағамының өзгеруi талданады;
      4) «Кредиттiк тәуекел» параграфы, онда тұтынушылардың (борышкерлердің) төлем қабілетін жоғалту мүмкіндігі және олардың шарттардың талаптарына сәйкес өз міндеттемелерін орындауының мүмкін еместігі талданады;
      5) «Маркетингтiк тәуекелдер» параграфы, онда төменде келтірілген тiзбемен шектелмейтін мыналар:
      саланың даму серпiнiнiң нашарлауы;
      өнiм сапасына тұтынушылар талаптарының жоғарылауы;
      өнiмге сұраныстың азаюы;
      бәсекелестер позицияларының күшеюi;
      өнiмге арналған нарықтық бағаның төмендеуi;
      Қазақстан Республикасының заңнамасында белгiленген шектеулер талданады.
      137. «Қорытындылар» тарауында Инвестициялар ҚЭН-і іс-шараларын іске асырудың саланың, мемлекет экономикасының (өңірдің) дамуына ықпалы ашылады. «Қорытындылар» тарауы мынадай параграфтарды қамтиды:
      1) «Тiкелей нәтижелер» параграфы, онда Инвестициялар ҚЭН іс-шараларының жоспарланған тiкелей нәтижелерiнiң есептеулермен расталған негiздемелерi келтiрiледi;
      2) «Түпкілікті нәтижелер» параграфы, онда мыналар:
      Инвестициялар ҚЭН-і іс-шараларының жоспарланатын соңғы нәтижелерiнiң есептеулермен расталған негiздемесi;
      Инвестициялар ҚЭН-інің іс-шаралары іске асырылған жағдайда, саладағы және Қазақстан Республикасындағы (өңірдегі) әлеуметтік-экономикалық жағдайдың даму перспективаларын талдау және олардың мыналарға:
      негізгі әлеуметтік көрсеткіштерге (халық табыстарының деңгейі, жұмыссыздық деңгейі, жұмыспен қамтылу);
      негізгі салалық (өңірлік) көрсеткіштерге (өнім (тауарлар/көрсетілетін қызметтер) өндіру көлемі, жалпы ішкі өнім құрылымындағы саланың (өңірдің) үлесі, салаға (өңірге) жасалған инвестициялардың көлемі және олардың жоспарланатын кезеңдегі үрдістері) әсері;
      нәтижелерді, салдары мен ықпалын, көбейтілген пайда мен шығындар, тұтынушының қосымша пайдасын, қалпына келмейтін шығындар, сыртқы әсерлер, халықаралық әсерлер, жобаны іске асырудан түсетін жанама пайданы талдауды қамтитын Инвестициялар ҚЭН-інің іс-шаралары бойынша пайда мен шығындарды талдау;
      Инвестициялар ҚЭН-інің іс-шараларын іске асырудың шектес салалардың (көршілес өңірлердің) дамуына әсерін талдау;
      Инвестициялар ҚЭН-і іс-шараларының Қазақстан Республикасының экспорттық әлеуетінің өсуіне және импортты алмастыруға, инновациялардың дамуына (бар болса) әсерін талдау келтiрiледi;
      3) «Бюджеттік тиімділік» параграфы, онда Инвестициялар ҚЭН-інің іс-шараларын жүзеге асыру нәтижелерінің тиісті бюджеттердің кірістері мен шығыстарына әсерінің есептеулері келтіріледі.
      Бюджеттік тиімділікті бағалау кезінде ақшалай қаражаттың құйылуында мыналар:
      Инвестицияларды іске асыруға байланысты шығарылған (қалыптастырылған) мемлекетке тиесілі акциялар (қатысу үлестері) бойынша дивидендтер;
      республикалық және жергiлiктi бюджеттерге түсімдер (салық және бюджетке төленетiн басқа да мiндеттi төлемдер, сондай-ақ өзге де төлемдер) есепке алынады, бірақ шектелмейді.
      Бюджеттік тиімділікті бағалау кезінде ақша қаражатының кетуінде мыналар:
      Инвестициялардың көлемі;
      Инвестициялар ҚЭН-інің іс-шараларын іске асыруға байланысты Инвестициялардан кейінгі кезеңдегі бюджет шығыстары;
      белгілі бір бағалық саясатты іске асыруға және белгілі бір әлеуметтік басымдықтарды сақтауды қамтамасыз етуге байланысты субсидиялар есепке алынады, бiрақ мұнымен шектелмейдi.
      Егер тиiмдiлiк пен сапа көрсеткiштерi жоспарланатын болса, «Қорытындылар» тарауы тиiстi көрсеткiштердiң есептеулерiмен расталған негiздеме келтiрiлген «Тиiмдiлiк» және «Сапа» параграфтарымен толықтырылады.
      138. Қосымшалар мынадай құжаттармен жиынтықталады:
      1) «Ретроспектива» бөлiмiне:
      ҚЭН-ді мемлекеттiк жоспарлау жөнiндегi орталық және жергілікті уәкілетті органға енгізудің алдындағы соңғы үш жылдағы мөр басылған және бірінші басшы мен бас бухгалтердің қолы қойылған қатысушылардың қаржылық есептілігі (жеке және шоғырландырылған), сондай-ақ қаржылық есепке түсіндірме жазба;
      Қазақстан Республикасының аудит қызметі туралы заңнамасына сәйкес қаржылық есептілік аудиті міндетті болып табылатын қатысушылар үшін соңғы үш жылда жасалған аудиттелген қаржылық есептілік пен аудиттік есептер тапсырылады. Бұл ретте қатысушының қолданыстағы заңнамаға сәйкес объективті себептері болған кезде соңғы есепті кезеңдегі аудиттен өтпеген қаржылық есепті ұсынуға құқығы бар.
      Қаржылық есептілік қолданыстағы заңнамаға сәйкес, оның ішінде басқа ұйымдарда қаржылық қатысуы туралы, баланс валютасында 10 % және одан көп үлес алатын баланс баптары егжей-тегжейлі толық ашылған ақпаратты қоса берумен ұсынылады.
      2) «Институционалдық» бөлiмiне:
      оған сәйкес қатысушылар құрылған немесе құрылып жатқан құжаттардың көшiрмесi;
      Инвестициялар Алушы жарғысының көшiрмесi (бар болса);
      3) «Негiздiлiк» бөлiмiне:
      «Сатып алынатын (құрылатын) активтердiң құны мен сипаттамасы» осы Қағидаларға 19-қосымшаға сәйкес нысанда;
      осы Қағидалардың 129-тармағының 2) тармақшасында келтiрiлген ақпаратты растайтын түскен прайс-парақтардың, бағалау актiлерi мен басқа да құжаттардың көшiрмелерi.
      Инвестицияларды жүзеге асыру кезінде тиісті уәкілетті мемлекеттік органның салалық сараптама қорытындысы ұсынылады.
      Салалық сараптаманың қорытындысы мыналарды:
      1) саладағы қазіргі жағдайды талдауды бағалауды;
      2) Инвестициялар ҚЭН-інде көрсетілген іс-шаралар іске асырылмаған жағдайда, саладағы жағдайды талдауды бағалауды;
      3) сандық және сапалық көрсеткіштерді келтіре және көрсете отырып:
      Инвестициялар ҚЭН-і іс-шараларының сала экономикасының құрылымындағы рөлі мен орнын;
      Инвестициялар ҚЭН-інің іс-шараларын іске асырудың орналасқан орнын таңдау мен ауқымының негізділігін;
      Инвестициялар ҚЭН-інің іс-шараларын іске асырудың мүмкіндігін;
      4) Инвестициялар ҚЭН-інің іс-шаралары бойынша техникалық шешімдердің жеткілікті болуын және олардың тиімділігін бағалауды;
      5) Инвестициялар ҚЭН-і іс-шараларының халықаралық стандарттарға сәйкестігін бағалауды, оңтайлы жаңа технологияларды қолдануды;
      6) Инвестициялар ҚЭН-і іс-шараларының мақсаттарына қол жеткізудің баламалы нұсқаларын бағалауды;
      7) бар болған жағдайда, салалық уәкілетті мемлекеттік орган бекітетін ведомстволық нормативтерге сәйкес объектіні пайдалануға енгізу шығындарының негізділігін қамтиды.
      Жаңа объектiлердi құруға (құрылысына) немесе бар объектiлердi қайта жаңғыртуға бағытталған Инвестицияларды жүзеге асыру кезінде Инвестициялар ҚЭН-мен бірге ТЭН (осы Қағидаларға сәйкес әзірленген) немесе ЖСҚ, сондай-ақ мемлекеттік сараптаманың, экологиялық, санитариялық-эпидемиологиялық сараптаманың қорытындысы, жерге құқық беру туралы жерге орналастыру жобасы (қажет болған кезде жер учаскелері иелерiнің және жер пайдаланушылардың шығындарын, алынатын алқаптардың түрлеріне байланысты ауыл шаруашылығы және орман шаруашылығы өндiрiсінің жоғалтуларын есептеулерді қоса бере отырып), техникалық жағдайлар ұсынылады.
      Осы тармақтың талаптары мемлекеттік кәсіпорын нысанындағы заңды тұлғалар үшін ТЭН немесе ЖСҚ әзірлеуге қаражаттың жоқтығы жөніндегі негіздемені ұсынған жағдайда қолданылмайды.
      Объектіні пайдалануға беру шығындары болған жағдайда, уәкілетті мемлекеттік органның салалық сараптамасының және ведомстволық нормативтерге сәйкес объектіні пайдалануға беру (іске-қосу-баптау жұмыстары) шығыстары бойынша мемлекеттік ведомстводан тыс құрылыс сараптамасының қорытындылары талап етіледі.
      Ақпараттық жүйенi құруға, енгiзуге және дамытуға бағытталған Инвестицияларды жүзеге асыру кезінде Инвестициялар ҚЭН-імен бірге ақпараттық жүйенің (осы Қағидаларға сәйкес әзірленген) ТЭН, сондай-ақ аталған ақпараттық жүйенің ТЭН-іне байланыс және ақпараттандыру саласындағы уәкiлеттi органның қорытындысы ұсынылады.
      Инновациялық және (немесе) ғарыштық қызметтi болжайтын iс-шараларды жүзеге асыруға бағытталған Инвестицияларды iске асыру кезінде мемлекеттiк ғылыми-техникалық сараптаманың қорытындысы ұсынылады;
      4) «Нәтиже» бөлiмiне:
      «Өнім өндiру бағдарламасы» осы Қағидаларға 20-қосымшаға сәйкес нысанда;
      «Өнімді іске асыру бағдарламасы» осы Қағидаларға 21-қосымшаға сәйкес нысанда;
      қаржылық модель, осы Қағидаларға 22-қосымшада көрсетілген «Қаржы моделіне қойылатын талаптар» нысанына сәйкес дайындалады;
      «Инвестициялар нәтижелерi» осы Қағидаларға 23-қосымшаға сәйкес нысанда;
      «ҚЭН іс-шараларының бюджеттік тиімділігі» осы Қағидаларға 24-қосымшаға сәйкес нысанда;
      бюджетті атқару жөніндегі уәкілетті мемлекеттік органның бұйрығымен бекітілген нысандар бойынша жасалған Инвестицияларды ескермегендегі Инвестициялар Алушының қаржылық көрсеткіштерінің болжамы:
      «Бухгалтерлік баланс»;
      «Кірістер мен шығындар туралы есеп»;
      «Ақша қаражатының қозғалысы туралы есеп (тікелей тәсіл)»;
      «Ақша қаражатының қозғалысы туралы есеп (жанама тәсіл)».
      «Капиталдағы өзгерістер туралы есеп»;
      осы инвестициялық ұсынысқа мемлекеттік жоспарлау жөніндегі орталық немесе жергілікті уәкілетті органның инвестициялық ұсынысы және экономикалық қорытындысы.
      139. Қажет болған жағдайда, Инвестициялардың экономикалық сараптамасын жүзеге асыруға Қазақстан Республикасының Үкіметі не жергілікті атқарушы органдар айқындаған тиiстi заңды тұлғалар жүргiзiлген сараптамаларда және/немесе тәуелсiз сараптамада, сондай-ақ ұсынылған құжаттамада қамтылмаған немесе толық қамтылмаған мәселелер бойынша қосымша ақпаратты талап етуге және (немесе) қосымша сараптамалар жүргiзуге құқылы.
      Қосымша ақпаратқа қатысушылардың мемлекеттiк жоспарлау жөнiндегi орталық және жергiлiктi уәкiлеттi органға Инвестициялар ҚЭН-ін енгiзудiң алдындағы айдың соңғы күнiне жасалған қаржылық есептiлiгi, сондай-ақ қаржылық есептiлiкке түсiндiрме жазбалар жатады.
      Қосымша сараптамаларға мыналар:
      1) Инвестицияларға банктік сараптама;
      2) мемлекеттік экологиялық сараптама;
      3) мемлекеттiк ғылыми-техникалық сараптама;
      4) санитариялық-эпидемиологиялық сараптама;
      5) iс-шаралардың ерекшелiктерiне сәйкес уәкiлеттi органдардың басқа да қорытындылары жатады.
      140. Егер Инвестициялар еншiлес, тәуелдi немесе үлестес ұйымдар болып табылмайтын Инвестициялар Алушының жарғылық капиталын қалыптастыру үшiн жоспарланған жағдайда, «Ретроспектива» бөлiмiнде «Қатысушылардың қаржылық жай-күйін талдау» параграфы болмайды.
      141. Егер Инвестициялар Қазақстан Республикасының акционерлік қоғамдар туралы заңнамасында белгiленген барынша аз жарғылық капитал мөлшерi бар акционерлiк қоғам ұйымдық-құқықтық нысанындағы не жарғылық капиталы жиырма бес мың еселенген айлық есептiк көрсеткiштен аспайтын мөлшердегi жауапкершiлiгi шектеулi серiктестiк немесе шаруашылық жүргізу құқығындағы мемлекеттік кәсіпорын ұйымдық-құқықтық нысанындағы заңды тұлғалардың жарғылық капиталын қалыптастыруға бағытталған жағдайда, мыналар Инвестициялар ҚЭН-нiң мiндеттi құрылымдық элементтерi болып табылады:
      1) Инвестициялар паспорты;
      2) «Ретроспектива» бөлiмi. Егер Инвестициялар еншiлес, тәуелдi немесе үлестес ұйымдар болып табылмайтын Инвестициялар Алушының жарғылық капиталын қалыптастыру үшiн жоспарланған жағдайда, «Ретроспектива» бөлiмiнде «Қатысушылардың қаржылық жай-күйін талдау» параграфы болмайды;
      3) «Институционалдық» бөлiмi;
      4) «Негiздеме» бөлiмi, оның ішінде:
      «Инвестициялар көлемi» тарауы «Инвестициялар көлемi» және «Айналым қаражатын толтыру» параграфтарын қамтиды;
      «Қаржыландырудың баламалы көздерi» тарауы, егер Инвестициялар Алушы еншiлес және/немесе үлестес ұйым болып табылған жағдайда;
      5) «Нәтиже» бөлiмi;
      6) егер Инвестициялар Алушы еншiлес, тәуелдi және/немесе үлестес ұйым болып табылған жағдайда, осы Қағидалардың 138-тармағының 1) және 2) тармақшаларында көрсетiлген ҚЭН-ге қосымшалар;
      7) тиісті мемлекеттiк уәкiлеттi органның салалық сараптамасы, егер Инвестициялар оның жауапты саласын қозғаған жағдайда;
      8) «Өнім өндiру бағдарламасы» осы Қағидаларға 20-қосымшаға сәйкес нысанда;
      9) «Өнімді іске асыру бағдарламасы» осы Қағидаларға 21-қосымшаға сәйкес нысанда;
      10) қаржылық модель, осы Қағидаларға 22-қосымшада көрсетілген «Қаржы моделіне қойылатын талаптар» нысанына сәйкес дайындалады;
      11) «Инвестициялар нәтижелерi» осы Қағидаларға 23-қосымшаға сәйкес нысанда;
      12) «ҚЭН іс-шараларының бюджеттік тиімділігі» осы Қағидаларға 24-қосымшаға сәйкес нысанда.
      142. Егер Инвестициялар ҚЭН-і Қазақстан Республикасының акционерлік қоғамдар туралы заңнамасында белгiленген барынша аз жарғылық капитал мөлшерi бар акционерлiк қоғам ұйымдық-құқықтық нысанындағы не жарғылық капиталы жиырма бес мың еселiк айлық есептiк көрсеткiштен аспайтын мөлшердегi жауапкершiлiгi шектеулi серiктестiк немесе шаруашылық жүргізу құқығындағы мемлекеттік кәсіпорын ұйымдық-құқықтық нысанындағы заңды тұлғалардың жарғылық капиталын қалыптастыруға бағытталған жағдайда, Инвестициялар ҚЭН-і осы Қағидаларда белгiленген жалпы тәртiпке сәйкес әзiрленедi.
      143. Инвестициялар ҚЭН-і ББӘ стратегиялық жоспарының жобасында немесе бюджеттік бағдарламасында көзделген нәтиже көрсеткіштеріне қол жеткiзуге бағытталған iс-шараларды қаржылық қамтамасыз ету мақсатында әзiрленедi.
      144. Инвестициялар ҚЭН-інің түпнұсқасын, сондай-ақ осы Қағидалардың 160 және 161-тармақтарында айтылған қосымша материалдарды, ББӘ бiрiншi басшының не оны алмастыратын адамның қолы қойылған титулдық бланкiдегі жеке iлеспе хатпен бередi.
      Электрондық құжат айналымының бірыңғай жүйесі үшін құжаттар редакцияланбайтын графикалық форматта ұсынылады.
      Iлеспе хатта Инвестициялар ҚЭН-інің атауы, мәлiмделетiн сома және Инвестицияларды жүзеге асыру жылы, қоса берiлетiн құжаттардың тiзбесi көрсетiледi.
      Инвестициялар ҚЭН-інің, сондай-ақ қосымша материалдардың, оның ішінде теріске шығарулардың, қосымша дәлелдемелердің не Инвестициялар ҚЭН-іне өзгерістер енгізу туралы ақпараттың әрбір парағына Инвестициялар ҚЭН-ін әзірлеуге жауапты ББӘ құрылымдық бөлімшесінің басшысы қол қояды.
      145. Инвестициялардың ҚЭН-ін түзету мынадай:
      1) іс-шараларды, техникалық-технологиялық шешiмдердi толықтыруға және (немесе) өзгертуге, бекiтiлген iс-шараларға көзделген шығыстарды ұлғайтуға әкеп соғатын, белгiленген қаржылық-экономикалық параметрлер өзгерген;
      2) бұған дейін бөлінген қаражатты, оның ішінде заңды тұлғаның үлестес тұлғалары арасында, заңды тұлғаның және (немесе) үлестес тұлғалардың мақсаттары мен міндеттері, сондай-ақ іс-шараларының өзгеруіне, бюджеттік инвестицияларды іске асыру қорытындылары бойынша босатылған қаражаттарға (үнемдеулерге) байланысты қайта бөлу талап етілген;
      3) егер жобаны (жобаларды) іске асыру қорытындылары бойынша қаражат босаған (үнемделсе) жағдайда жүргізіледі.
      Инвестициялардың ҚЭН-ін түзету Қазақстан Республикасының заңнамасына сәйкес қажетті сараптамаларды кейіннен жүргізе отырып жүргізіледі.
      Түзетілген Инвестициялар ҚЭН-інің құрылымы мен мазмұны осы Қағидалардың 3-бөлімінің ережелеріне сәйкес келеді, ҚЭН-нің тиісті бөлімдерінде бұған дейін бекітілген ҚЭН-мен салыстыра отырып, болжанған өзгерістер бойынша негіздемелер мен есептеулер келтіріледі.
      Инвестициялардың түзетілген Инвестициялардың ҚЭН-ін бюджеттік комиссияның қарауынсыз және ұсынуынсыз бекітуге жол берілмейді.
      Инвестицияларды жүзеге асыру барысында даму мақсаттарына, оның ішінде бұрын тартылған қарыз қаражатын өтеу арқылы, оның ішінде тиісті бюджеттік рәсімдерді өткеннен кейін инвестициялық жобаны Ұлттық қордан іске асыруға, баламалы көздерден қаржыландыру мүмкіндігі жоқ екенін негіздеген және көрсетілген қарыз қаражаты бұрын жоба шеңберінде даму мақсаттарына жұмсалғанын растаған жағдайда, заңды тұлғаның жарғылық капиталын ұлғайтуға жол беріледі.
      146. Егер жобаны (жобаларды) іске асыру қорытындылары бойынша қаражат босаса (үнемделсе), ол қалыптасқан үнемдеу бойынша үнемдеу себептері мен қаржыландыру көздерін көрсете отырып, бюджет заңнамасына сәйкес жаңа бірыңғай Инвестициялар ҚЭН-ін әзірлеу арқылы жаңа жобаларды іске асыруға бағытталатын болса, Инвестициялардың ҚЭН-ін түзету жүргізілмейді.
      147. Ұлттық валюта бағамының шетел валюта бағамына қатысты елеулі өзгеру себебінен, техникалық шешімдердің өзгеруін талап етпейтін, Инвестициялардың сметалық құны ұлғайған жағдайда, ҚЭН-ге түзету жүргізіледі, бұл ретте экономикалық сараптама және қорытынды қажет емес.
      Мемлекеттік жоспарлау жөніндегі орталық немесе жергілікті уәкілетті орган аталған мәселені осы Қағидалардың 149-тармағында айқындалған тәртіппен тиісті бюджет комиссиясының қарауына шығарады.
      148. Қазақстан Республикасы Бюджет кодексінің 154-бабының 7-тармағына сәйкес бюджет заңнамасында белгіленген рәсімдерді сақтамай бөлінген Инвестицияларды түзету бойынша ҚЭН әзірлеген жағдайда, экономикалық сараптаманы жүргізу үшін Инвестициялар ҚЭН-ін, экономикалық сараптаманы және қорытындыны ұсыну талап етілмейді.
      149. Іс-шараларды, техникалық-технологиялық шешімдерді толықтыру және (немесе) өзгерту, бекітілген іс-шараларға көзделген шығыстарды ұлғайту себебінен бюджет комиссиясының қарауына Инвестициялар ҚЭН-ін түзету мәселелерін шығару тәртібі екі кезеңде жүзеге асырылады.
      Бірінші кезең:
      1) ББӘ Инвестициялардың ҚЭН-ін түзету бойынша инвестициялық ұсынысты әзірлеуі және мемлекеттік жоспарлау жөніндегі орталық немесе жергілікті уәкілетті органға ұсынуы;
      2) ББӘ ұсынған құжаттар мен Инвестициялардың ҚЭН-ін түзету бойынша инвестициялық ұсынысқа мемлекеттік жоспарлау жөніндегі орталық немесе жергілікті уәкілетті органның оң қорытындысы негізінде ҚЭН-ді түзетудің орындылығын айқындау бойынша бюджет комиссиясының тиісті шешімі. Егер осы Қағидалардың 147-тармағында қарастырылған жағдайда, Инвестициялар ҚЭН-іне түзету бойынша инвестициялық ұсынысқа экономикалық қорытынды қажет емес.
      Бірінші кезеңде Инвестициялардың ҚЭН-ін түзету бойынша инвестициялық ұсыныстарды әзірлеу, қарау және іріктеу процесі осы Қағидалардың 1-бөлімінде айқындалған тәртіппен өтеді.
      Инвестициялардың ҚЭН-ін түзету бойынша инвестициялық ұсыныстар құжаттаманың толық топтамасы ұсынылмаған не қымбаттаудың орын алуының айқын және негізді себептері берілмеген, сондай-ақ кінәлі тұлғалар немесе ұйымдар және оларға қолданылған шаралар (егер ондай болса) көрсетілмеген болса, сметалық құнын ұлғайту тұрғысынан қаралмайды.
      Мемлекеттік жоспарлау жөніндегі орталық немесе жергілікті уәкілетті орган осы Қағидалардың 1-бөлімінде көрсетілген құжаттар топтамасын қарайды және олар бойынша қорытындыны тиісті бюджет комиссиясының қарауына енгізеді.
      Бюджет комиссиясының оң қорытындысын алған жағдайда, ББӘ кейіннен Қазақстан Республикасының заңнамасына сәйкес қажетті сараптамаларды жүргізе отырып, Инвестициялар ҚЭН-іне тиісті түзетулерді енгізеді.
      Екінші кезең:
      1) түзетiлген Инвестициялар ҚЭН-ін мемлекеттiк жоспарлау жөнiндегi орталық немесе жергiлiктi уәкiлеттi органның осы Қағидаларда және Қазақстан Республикасының бюджет заңнамасында белгiленген тәртiппен қарауы;
      2) тиісті бюджет комиссиясының түзетілген Инвестициялар ҚЭН-і бойынша ұлғайтылған құнды қаржыландыру туралы ББӘ ұсынған мынадай құжаттар негізіндегі шешімі:
      iс-шараларға, Инвестициялар ҚЭН-інің техникалық-технологиялық шешiмдерге болжанған толықтыруларды және (немесе) өзгертулерді, бекітілген іс-шараларға көзделген шығыстарды ұлғайтуды көрсете отырып, мемлекеттiк органның бiрiншi басшысының немесе оны алмастыратын адамның қолы қойылған осы Қағидаларға 16-қосымшаға сәйкес нысан бойынша салыстырма кестенi қоса бере отырып, мемлекеттiк органның бiрiншi басшысының не оны алмастыратын адамның қолы қойылған өтiнiм-хат;
      Инвестициялар ҚЭН-інің бастапқы параметрлері қоса берілген, оң экономикалық қорытынды алған Инвестициялар ҚЭН-ін (бар болса) бекiту туралы ББӘ бұйрығының көшірмесі;
      Қазақстан Республикасы Бюджет кодексінің 154-бабында белгіленген рәсімдер сақталмай тиісті бюджетте бекітілген жобаларды қоспағанда, бұрын ұсынылған Инвестициялар ҚЭН-іне берілген мемлекеттiк жоспарлау жөнiндегi орталық немесе жергілікті уәкiлеттi органның оң экономикалық қорытындысының көшірмесі;
      сараптамалар қорытындылары және бұрын мемлекеттiк жоспарлау жөнiндегi уәкiлеттi органның оң қорытындысы алынған ҚЭН;
      түзетiлген Инвестициялар ҚЭН-і;
      осы Қағидалардың 147-тармағында көрсетілген жағдайдан басқа, түзетiлген Инвестициялар ҚЭН-іне оң экономикалық қорытынды;
      ЖСҚ-ны әзірлеуден бастап, құрылыс қызметін болжайтын жобалар бойынша мемлекеттік сатып алуды жүргізудің нәтижесінде үнемделген соманы (егер үнемдеу болған жағдайда) көрсете отырып, ҚЭН-ді іске асыру шеңберінде жасалған шарттар туралы ақпарат;
      іске асыру басталғаннан бастап әрбір жыл үшін бюджеттен ҚЭН іс-шараларын қаржыландыру. Бұл ақпаратта әрбір жылдың жоспары және фактісі, игерілмеу болған жағдайда, оның себептері көрсетіле отырып беріледі;
      қымбаттауға әкелетін себептерді егжей-тегжейлі көрсету (мердігерлердің ББӘ шартта көрсетілген бағаны (сметаны) өсіру қажеттігі туралы уақтылы ескерткендігін растайтын хаттарының көшірмелерін қоса бере отырып);
      олардың кінәсінен қымбаттау орын алған ұйым не жеке тұлға, сондай-ақ осындай ұйымға немесе жеке тұлғаға қатысты қабылданған шаралар;
      тиісті уәкілетті мемлекеттік органның ресми хат нысанында ұсынылатын, бірінші басшы не оны алмастыратын адам қол қойған, мөрмен расталған, ББӘ түсіндірмелерімен қоса, жоба құнын ұлғайтудың негізділігі мен дұрыстығын растайтын салалық сараптаманың қорытындысы, сала болмаған жағдайда ББӘ-нің қорытындысы ұсынылады;
      жобаларды мемлекеттік сараптамасын жүзеге асыру үшін Қазақстан Республикасы Үкіметінің шешімімен құрылған шаруашылық жүргізу құқығындағы республикалық мемлекеттік кәсіпорынның басшысы не орынбасарлары қол қойған, ресми хат нысанында ұсынылатын бұрын бекітілген Инвестициялар ҚЭН-інің жобалық шешімдеріне енгізілетін өзгертулер мақсаттылығы туралы қорытындысы.
      Бекітілген іс-шараға көзделген шығыстар ұлғайған жағдайда, мыналарды қоса алғанда түсіндірме жазба қоса беріледі:
      1) қымбаттауға алып келетін мән-жай мен себептердi егжей-тегжейлi көрсету;
      2) сараптамалар қорытындылары және мемлекеттiк жоспарлау жөнiндегi уәкiлеттi органның оң экономикалық қорытындысы алынған кезде бұрын қаралған құжаттар;
      3) Инвестициялар ҚЭН-інде көрсетілген іс-шаралардың іске асырылуын аяқтауға талап етілетін болжанған қосымша бюджет шығыстарының негіздемесі;
      4) Қазақстан Республикасының Үкiметі уәкiлеттiк берген iшкi қаржылық бақылау органының бюджет қаражатының нысаналы пайдаланылуы тұрғысынан, сондай-ақ бұзушылықтардың болмағаны туралы актiсi;
      5) Қазақстан Республикасының Үкiметі уәкiлеттiк берген iшкi қаржылық бақылау органының актiсi Инвестицияларды iске асыру шеңберiнде бөлiнген барлық бюджет қаражатын қамтиды;
      6) Қазақстан Республикасының Үкiметі уәкiлеттiк берген iшкi қаржылық бақылау органының актiсiне қол қою мерзімінің өтуі құжаттарды тиісті мемлекеттік жоспарлау жөніндегі орталық немесе жергілікті уәкілеттік органға ұсынған күннен бастап 6 (алты) айдан аспауы тиiс;
      7) құжаттарды ұсынған күнге дейін көп дегенде 1 (бір) ай бұрын түсірілген, объектінің нақты жай-күйі туралы толық көрініс беретін фото немесе бейне түсірілімдер материалдары.
      Егер, Инвестициялар бойынша сметалық құнның өзгеруіне байланысты түзетілген ҚЭН бар болса, Инвестициялар сметалық құнының ұлғаю сұрақтарын тиісті бюджет комиссиясының қарауына бірінші кезең мен екінші кезеңде қарастырылған құжаттарды ұсына отырып бір уақытта шығару мүмкін.
      Ескерту. 149-тармаққа өзгеріс енгізілді - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      150. Құжаттамасының толық топтамасы ұсынылмаған не қымбаттаудың орын алуының айқын және негізді себептері берілмеген, сондай-ақ кінәлі тұлғалар немесе ұйымдар және оларға қолданылған шаралар (егер ондай болса) көрсетілмеген ҚЭН сметалық құнын ұлғайту тұрғысынан қаралмайды.
      151. Мемлекеттік жоспарлау жөніндегі орталық немесе жергілікті уәкілетті орган осы Қағидалардың 149-тармағында көрсетілген құжаттар топтамасын қарайды және түзетілген Инвестициялардың ҚЭН-і бойынша Инвестициялар құнын ұлғайту бойынша қорытындыны тиісті бюджет комиссиясының қарауына шығарады.
      152. Тиісті бюджет комиссиясы іріктеген, сметалық құнын ұлғайту болжанған Инвестициялар бюджет заңнамасында белгіленген тәртіппен тиісті бюджетке енгізіледі.

2-параграф. Заңды тұлғалардың жарғылық капиталына мемлекеттің
қатысуы арқылы іске асыру жоспарланатын бюджеттік
инвестицияларды іріктеу тәртібі

      153. Инвестициялардың экономикалық сараптамасы іс-шаралардың негiздiлiк және нәтижелiлiк критерийлеріне сәйкестiгiн айқындау мақсатында жүргiзiледi.
      154. Республикалық бюджет есебінен заңды тұлғалардың жарғылық капиталына мемлекеттің қатысуы арқылы іске асыру жоспарланатын бюджеттік инвестициялардың экономикалық сараптамасын Инвестициялардың экономикалық сараптамасын жүзеге асыруға Қазақстан Республикасының Үкіметі айқындаған заңды тұлға жүзеге асырады.
      155. Жергілікті бюджет есебінен заңды тұлғалардың жарғылық капиталына мемлекеттің қатысуы арқылы іске асыру жоспарланатын бюджеттік инвестициялардың экономикалық сараптамасын Инвестициялардың экономикалық сараптамасын жүзеге асыруға жергілікті атқарушы орган айқындаған заңды тұлға жүзеге асырады.
      156. Инвестицияларға экономикалық сараптама жүргiзу үшiн ББӘ-ден құжаттар топтамасы түскен күннен бастап 5 (бес) жұмыс күнi iшiнде Инвестициялар ҚЭН-і немесе түзетілген Инвестициялар ҚЭН-і:
      1) мемлекеттiк жоспарлау жөнiндегi орталық уәкiлеттi орган Инвестициялардың экономикалық сараптамасын жүзеге асыруға Қазақстан Республикасының Үкiметi айқындаған заңды тұлғаға;
      2) мемлекеттiк жоспарлау жөнiндегi жергiлiктi уәкiлеттi органдар Инвестициялардың экономикалық сараптамасын жүзеге асыруға жергiлiктi атқарушы органдар айқындайтын заңды тұлғаларға жібереді.
      157. Инвестициялардың экономикалық сараптамасының қорытындылары Инвестициялардың экономикалық сараптамасының қорытындысы (бұдан әрi – Қорытынды) түрiнде ресiмделедi.
      158. Қорытынды Инвестициялар ҚЭН-ін:
      1) мемлекеттiк жоспарлау жөнiндегi орталық уәкiлеттi орган Инвестициялардың экономикалық сараптамасын жүзеге асыруға Қазақстан Республикасының Үкiметi айқындаған заңды тұлғаға;
      2) мемлекеттiк жоспарлау жөнiндегi жергiлiктi уәкiлеттi орган Инвестициялардың экономикалық сараптамасын жүзеге асыруға жергiлiктi атқарушы органдар айқындайтын заңды тұлғаларға ұсынғаннан кейiн 45 (қырық бес) жұмыс күнi iшiнде дайындалады.
      Егер жарғылық капиталын ең аз мөлшерде қалыптастыруға арналған инвестициялар жағдайында 25 (жиырма бес) жұмыс күнi ішінде қорытынды жасалады.
      159. Инвестицияларды экономикалық сараптау екi кезеңнен тұрады.
      160. Бiрiншi кезеңде:
      1) осы Қағидалардың 122-тармағында көрсетiлген құрылымға сәйкес келуіне;
      2) Инвестициялар паспортының сәйкес келуіне;
      3) осы Қағидалардың 123-137-тармақтарында көрсетiлген бөлiмдердiң, тараулардың және параграфтардың болуына;
      4) осы Қағидалардың 138-тармағында көрсетiлген құжаттардың болуына сараптама жүргізіледі. Егер Инвестициялар жарғылық капиталды қалыптастыруға көзделсе, бұл жағдайда, осы Қағидалардың 140-142-тармақтарында көрсетілген құжаттардың болуына сараптама жүргiзiледi.
      Осы Қағидалардың 122-тармағында көрсетiлген құрылымға сәйкес келмеуі және (немесе) осы Қағидалардың 123-137-тармақтарында көрсетiлген бөлiмдердiң, тараулардың және параграфтардың болмауы және (немесе) осы Қағидалардың 138, 140-142-тармақтарында көрсетiлген құжаттардың болмауы анықталған жағдайда, Инвестициялардың экономикалық сараптамасын жүзеге асыруға Қазақстан Республикасының Үкiметi не жергілікті атқарушы органдар айқындаған тиісті заңды тұлға 4 (төрт) жұмыс күнi iшiнде (жарғылық капиталын ең аз мөлшерде қалыптастыруға арналған Инвестициялар жағдайында 2 (екі) жұмыс күнi iшiнде) Инвестициялардың экономикалық сараптамасының бiрiншi кезеңiнiң нәтижелерi бойынша ҚЭН-нiң Қағидаларға сәйкес еместiгiнiң негiздемесi келтiрiлген толымдылығы жөнінде ескертулері (бұдан әрі – Толымдылық ескертулері) бар iлеспе хат дайындайды.
      Толымдылық ескертулері бар iлеспе хат ол дайындалған күннен бастап 1 (бiр) жұмыс күнiнен кешiктiрiлмей ББӘ жiберiледi, бұл ретте олардың сканерленген көшiрмесi Инвестициялар паспортында көрсетiлген ББӘ мен қатысушылар өкiлдерiнiң электрондық почта мекенжайларына жiберiледi.
      Инвестициялардың экономикалық сараптамасының бiрiншi кезеңiнiң нәтижелерi бойынша Толымдылық ескертулерінің құрылымы мен мазмұнына қойылатын талаптар осы Қағидалардың 162-тармағында келтiрiлген.
      ББӘ сканерленген хат пен Толымдылық ескертулерінің сканерленген көшiрмелерiн алған күннен бастап 3 (үш) жұмыс күнi iшiнде қажеттi ақпаратты ұсынады немесе ақпарат ұсыну үшiн қосымша, бiрақ 10 (он) жұмыс күнiнен артық емес мерзiмнің қажеттiлiгi туралы хабарлайды. Мерзiмiн ұзарту туралы хабарламаны ББӘ жазбаша түрде мемлекеттiк жоспарлау жөнiндегi уәкiлеттi органға және:
      1) Инвестициялар республикалық бюджет қаражаты есебiнен болған жағдайда, Инвестициялардың экономикалық сараптамасын жүзеге асыруға Қазақстан Республикасының Үкiметi айқындаған заңды тұлғаға;
      2) Инвестициялар жергiлiктi бюджет қаражаты есебiнен болған жағдайда, Инвестициялардың экономикалық сараптамасын жүзеге асыруға жергiлiктi атқарушы орган айқындаған заңды тұлғаға жiбередi.
      Хабарламаға құзiретiне Инвестициялар ҚЭН-ін дайындау кiретiн ББӘ-нің құрылымдық бөлiмшесiнiң басшысы қол қояды. Хабарламаға күнi қойылады және оның шығыс нөмiрi болады.
      ББӘ қосымша ақпарат ұсыну үшiн қосымша мерзiмнiң қажеттiлiгi туралы хабарлама жiберген жағдайда, экономикалық сараптаманы жүргiзу мерзiмi тоқтатыла тұрады.
      Қосымша материалдар ұсынған кезде олардың толық тiзбесi көрсетiледi, оның iшiнде осы Қағидалардың 122-тармағында көрсетiлген құрылымға сәйкес Инвестициялар ҚЭН-і ұсынылған жағдайда, бұрын ұсынылған Инвестициялар ҚЭН-iнің қайтарып алынуы туралы көрсетiледi.
      Инвестициялар ҚЭН-інiң, қосымша ұсынылатын бөлiмдердің, тараулардың, параграфтар мен құжаттардың қағаз форматтағы түпнұсқалары Инвестициялардың экономикалық сараптамасын жүзеге асыруға Қазақстан Республикасының Үкiметi айқындаған заңды тұлғаға немесе жергiлiктi атқарушы органдар айқындаған заңды тұлғаға, электрондық форматта ұсынылғаннан кейін 2 (екі) жұмыс күнінен кешіктірілмейтін мерзімде осы Қағидалардың 144-тармағының талаптарын сақтай отырып жiберiледi.
      Белгiленген мерзiмде қосымша материалдардың ұсынылмауы Инвестициялар ҚЭН-iн Қорытындыны жасамай-ақ керi қайтару үшiн негiз болып табылады. Инвестициялар ҚЭН-і мемлекеттiк жоспарлау жөнiндегi орталық немесе жергiлiктi уәкiлеттi органға сканерленген көшiрмелердi ұсынудың белгiленген мерзiмi өткен күннен бастап 3 (үш) жұмыс күнiнен кешiктiрiлмейтiн мерзiмде хатпен қайтарылады.
      Осы Қағидалардың 122-138-тармақтарында көрсетілген құрылымға сәйкес келмеу және (немесе) бөлiмдердің, тараулар мен параграфтардың және (немесе) құжаттардың болмауы қайта анықталған жағдайда, Инвестициялар ҚЭН-і қосымша материалдардың сканерленген көшiрмелерi алынған күнiнен бастап 3 (үш) жұмыс күнi iшiнде мемлекеттiк жоспарлау жөнiндегi орталық немесе жергiлiктi уәкiлеттi органға, Толымдылық ескертулерді қоса бере отырып, Қорытынды жасалмай хатпен қайтарылады.
      161. Екiншi кезеңде іс-шаралардың негізділік және нәтижелілік критерийлеріне сәйкестiгiне сараптама жүргiзiледi.
      Іс-шаралардың бiр немесе екі критерийге сәйкес келмеуi анықталған жағдайда, Қорытынды және iлеспе хат дайындалады.
      Қорытынды дайындалған күннен бастап 1 (бiр) жұмыс күнiнен кешiктiрiлмейтiн мерзiмде ББӘ-ге жiберiледi, бұл ретте оның сканерленген көшiрмесі Инвестициялар паспортында көрсетiлген ББӘ мен қатысушылар өкiлдерiнiң электрондық почта мекенжайларына жiберiледi.
      ББӘ iлеспе хат пен Қорытындының сканерленген көшiрмесiн алған күннен бастап 7 (жетi) жұмыс күнi iшiнде (жарғылық капиталын ең аз мөлшерде қалыптастыруға арналған Инвестициялар жағдайында 5 (бес) жұмыс күнi iшiнде) Қорытындыға iлеспе хатта көрсетiлген экономикалық сараптаманы жүргiзуге уәкiлеттi Инвестициялардың экономикалық сараптамасын жүзеге асыруға Қазақстан Республикасының Үкiметi не жергілікті атқарушы органдар айқындаған заңды тұлға өкiлiнiң электрондық почтасының мекенжайына қосымша материалдарды және соңғы редакциядағы Инвестициялар ҚЭН-ін, қосымша материалдар ұсыну туралы хабарламаның сканерленген көшiрмелерiн жiбередi немесе пысықталған Инвестициялар ҚЭН-ін ұсыну үшін экономикалық сараптама жүргізуді 10 (он) жұмыс күнінен аспайтын мерзімге ұзарту мүмкіндігін көрсете отырып ұсынады немесе ақпаратты ұсыну үшін қосымша, бiрақ 25 (жиырма бес) жұмыс күнінен артық емес мерзiмнiң қажеттiлiгi туралы хабардар етеді.
      Инвестициялардың экономикалық сараптамасын жүзеге асыруға Қазақстан Республикасының Үкіметі немесе жергілікті атқарушы орган айқындаған заңды тұлға экономикалық сараптама жүргізу мерзімін ұзартқан жағдайда, мемлекеттік жоспарлау жөніндегі уәкілетті орталық немесе жергілікті органды экономикалық сараптама жүргізуді ұзарту туралы ББӘ хатын қоса отырып хабардар етеді.
      Инвестициялар ҚЭН-інің, тараулардың, бөлiмдер мен параграфтардың жаңа редакциясын, сондай-ақ Инвестициялар ҚЭН-інiң мынадай параметрлерiн: инвестициялар паспортындағы деректерді, инвестициялар нәтижелерiн, қатысушылар арасындағы бюджеттік қаражат ағымдары, шығыстар мен кiрiстер сомасын, нарық сыйымдылығын, сұраныс көлемiн, өндiрiс жоспары мен iске асыру жоспарының көрсеткiштерiн өзгертетiн ақпарат енгiзілген жағдайда, сараптама өткiзу мерзiмi ББӘ-нің қағаз форматтағы Инвестициялар ҚЭН-іне өзгерiстер енгiзу туралы хатын алған күннен бастап 10 (он) жұмыс күнiне дейiнгi мерзiмге ұзартылуы туралы Инвестициялардың экономикалық сараптамасын жүзеге асыруға Қазақстан Республикасының Үкіметі не жергілікті атқарушы орган айқындаған заңды тұлға, мемлекеттiк жоспарлау жөнiндегi орталық немесе жергілікті уәкiлеттi органға экономикалық сараптама жүргізуді ұзарту туралы ББӘ хатын қоса отырып хабардар етеді.
      Мерзiмiн ұзарту туралы хабарламаны ББӘ жазбаша түрде мемлекеттiк жоспарлау жөнiндегi уәкiлеттi органға және:
      1) Инвестициялар республикалық бюджет қаражаты есебiнен болған жағдайда, Инвестициялардың экономикалық сараптамасын жүзеге асыруға Қазақстан Республикасының Үкiметi айқындаған заңды тұлғаға;
      2) Инвестициялар жергiлiктi бюджет қаражаты есебiнен болған жағдайда, Инвестициялардың экономикалық сараптамасын жүзеге асыруға жергiлiктi атқарушы орган айқындаған заңды тұлғаға жiбередi.
      ББӘ пысықталған Инвестициялар ҚЭН-ін ұсыну үшiн қосымша мерзiмнiң қажеттiлiгi туралы хабарлама жiберген жағдайда, қосымша ақпарат ұсынғанға дейiн экономикалық сараптама жүргiзу мерзiмi тоқтатыла тұрады.
      Хабарламада ұсынылған қосымша материалдардың толық тiзбесi көрсетiледi.
      Хабарламаға құзiретiне Инвестициялар ҚЭН-ін дайындау кiретiн ББӘ құрылымдық бөлiмшесiнiң басшысы қол қояды. Хабарламаға күнi қойылады және оның шығыс нөмiрi болады.
      Қосымша материалдардың түпнұсқалары олар электрондық форматта ұсынылған күннен бастап 2 (екi) жұмыс күнiнен кешiктiрiлмейтiн мерзiмде қағаз форматта жiберiледi. Қосымша материалдарды ұсыну жөнiндегi талаптар осы Қағидалардың 144-тармағында баяндалған талаптарға сәйкес келедi.
      Қосымша материалдардың белгiленген мерзiмде ұсынылуы берілген ақпаратты ескере отырып Қорытынды дайындау үшiн негiз болып табылады.
      Қосымша материалдардың белгiленген мерзiмде ұсынылмауы қолда бар ақпараттың негiзiнде Қорытынды дайындау үшiн негiз болып табылады.
      Соңғы редакциядағы Инвестициялар ҚЭН-інің көшірмесі және Қорытынды мемлекеттiк жоспарлау жөнiндегi орталық немесе жергілікті уәкiлеттi органға сканерленген көшiрмелердi ұсынудың белгiленген мерзiмдерi өткен күннен бастап 3 (үш) жұмыс күнiнен кешiктiрiлмейтiн мерзiмде жiберiледi.
      162. Инвестициялардың экономикалық сараптамасының бiрiншi кезеңiнiң нәтижелерi бойынша, сондай-ақ Инвестициялар ҚЭН-ін қайтарған кезде, Толымдылық ескертулері (сәйкессіздіктер анықталған кезде) мынадай құрылымға сәйкес келедi:
      1) «Инвестициялар паспорты», онда Инвестициялар паспортында болатын деректердiң анықталған сәйкессiздiгi және (немесе) жетiспейтіндігi туралы ақпарат келтiрiледi;
      2) «Инвестициялар ҚЭН-і», онда бөлiмдердiң және (немесе) тараулардың және (немесе) параграфтардың болмауының анықталғаны туралы ақпарат келтiрiледi;
      3) «Құжаттама», онда осы Қағиданың 138-тармағында көрсетiлген құжаттардың болмауы туралы ақпарат келтiрiледi.
      163. Қорытынды мынадай мiндеттi элементтердi қамтиды:
      1) тақырыбы;
      2) «Инвестициялар паспорты» бөлiмi;
      3) «Қорытынды» бөлiмi;
      4) қойылатын қолдар;
      5) күнi;
      6) мекенжайы.
      7) 1-қосымша «Құжаттар»;
      8) 2-қосымша «Ретроперспектива»;
      9) 3-қосымша «Негiздiлiк»;
      10) 4-қосымша «Нәтижелiлiк».
      164. Қорытындының Инвестициялар атауы көрсетiлген тақырыбы, сондай-ақ Қорытындыны дайындаған ұйымның атауы болады.
      165. «Инвестициялар паспорты» бөлiмi осы Қағидаға 17-қосымшаға сәйкес нысанда ресiмделедi.
      166. «Қорытынды» бөлiмi мынадай құрылымға сәйкес келедi:
      1) «Негiзділік» тарауы, онда Инвестициялар көлемiн, оның ішінде жылдар бойынша растау немесе растамау туралы, сондай-ақ баламалы көздерден қаржыландыру мүмкiндiгi немесе мүмкін еместігі туралы ақпарат келтiрiледi;
      2) «Нәтижелілік» тарауында Инвестициялардың экономикалық, қаржылық және бюджеттік тиімділігі, тiкелей және түпкiлiктi нәтижелерге қол жеткізу мүмкiндiгi немесе мүмкін еместігі, сондай-ақ бар болған жағдайда тиiмдiлiк пен сапа көрсеткiштерi туралы ақпарат келтіріледі.
      Басқа ақпарат негізінде факторларды ашатын пікір айтылған жағдайда, осы ақпаратпен толықтырылуы мүмкін.
      167. «Қорытынды» бөлiмiнде Инвестициялардың, оның ішінде іс-шаралар және инвестициялық кезеңнің жылдар бөлінісінде расталған көлемін көрсете отырып, іс-шаралардың критерийлерге сәйкестiгіне қатысты пiкiр айтылады, бұл ретте:
      1) оң қорытынды, егер іс-шаралар критерийлерге сәйкес келсе;
      2) теріс қорытынды, іс-шаралар бір немесе екі критерийлерге сәйкес келмеген жағдайда немесе МИЖ жүзеге асырудың басқа түрлері мен тәсілдері анықталса;
      3) ескертпелері бар оң қорытынды, іс-шаралар өлшемдерге сәйкес келген, алайда, экономикалық сараптама жүргізу барысында төменде келтірілген тiзіммен шектелмей, мынадай фактілер анықталғанда:
      бұрын жасалған Инвестициялармен байланысты тікелей және (немесе) түпкілікті нәтижелерге қол жеткізілмегенде;
      Инвестициялар Алушының қызметiнiң үздiксiздігі мүмкiндiгiне күмән тудырылуы мүмкін.
      Төменде қатысушылар қызметiнiң үздiксiздiгiне жеке алғанда немесе жиынтығында күмән тудыруы мүмкiн оқиғалар мен жағдайлар мысалы келтiрiледi.
      Қаржылық оқиғалар немесе жағдайлар:
      1) ағымдағы мiндеттемелердiң ағымдағы активтерден артық болуы;
      2) өтеу мерзiмi жақындаған мiндеттемелердiң болуы, оларды өтеудiң немесе қарыз мерзiмiн ұзарту перспективасы нақты болмаған жағдайда;
      3) ағымдағы қарыздардың есебiнен ұзақ мерзiмдi активтердi қаржыландыру;
      4) борышкерлердiң өтеу мерзiмi өткен талаптарының елеулi сомасының болуы;
      5) қаржылық есептiлiкпен ұсынылған деректермен расталған операциялық қызмет бойынша терiс сальдо;
      6) қаржылық есептiлiкпен ұсынылған деректермен расталған жалпы пайданың және (немесе) шығындардың терiс мәні;
      7) ақша түсімдерін алудың негізі ретінде қолданылатын активтер құнының едәуір төмендеуі;
      8) орындалу мерзімі өткен міндеттердің елеулі сомасының болуы;
      9) өнімдерді жеткізу бойынша шарттардың талаптарын сақтау қабілетсіздігі;
      10) Инвестициялар Алушының қаржылық жағдайының талдауы Инвестициялар Алушыда ҚҚС-ты төлеу бойынша шығыстарды дербес төлеу мүмкіндігі бар екендігін көрсеткен жағдайда, сатып алынатын тауарлар мен көрсетілетін қызметтер бойынша ҚҚС сомасының Инвестициялар көлемінен алынып тасталуы;
      11) капиталдандырылатын болып табылмайтын шығыстардың Инвестициялар көлемінен алынып тасталуы.
      Операциялық оқиғалар немесе жағдайлар:
      1) лайықты ауысымы жоқ түйінді басқарушылық персоналдың кетуi;
      2) негiзгi нарықты, франшизаны, лицензияларды, негiзгi өнім берушілерді немесе тұтынушыларды жоғалту;
      3) өнімдер бағаларының төмендеуі немесе өнім берушілердің өніміне бағаны арттыру.
      Басқа да оқиғалар немесе жағдайлар:
      1) пруденциялық нормативтердің орындалмауы;
      2) жасалған шарттарға, оның iшiнде қарыздарға сәйкес белгiленген ковенанттардың орындалмауы;
      3) қатысушылардың қаржы-шаруашылық қызметіне теріс ықпал етуі мүмкін Қазақстан Республикасы заңнамасының талаптары.
      Түсіндіруі бар оң қорытындыда түсіндіруі бар пiкiр білдіруге ықпал еткен факторлар сипатталады.
      168. Қорытындыны оны дайындаған ұйымның басшысы немесе оған уәкiлеттi тұлға бекiтедi және оған Қорытындыны дайындаған ұйымның орындаушысы қолы қояды.
      Қойылған қолдар Қорытындыны дайындаған ұйымның мөрiмен бекітіледі.
      169. Қорытындыға олардың негізінде Инвестициялар ҚЭН-і іс-шараларының критерийлерге сәйкестігi жөнінде пiкiр қалыптастырылған, жеткiлiктi және сенiмдi дәлелдер алынған күннен ерте емес күн қойылады.
      170. Қорытындыға «Құжаттар» деген 1-қосымшада мыналардың әрқайсысының:
      1) осы Қағидалардың 138-тармағында жазылған талаптарға сәйкес ұсынылған құжаттың, сондай-ақ қосымша ұсынылған әр құжаттың атауы;
      2) орындаушы сараптама жүргiзу барысында басшылыққа алған техникалық және технологиялық стандарттары бар нормативтiк құқықтық актi мен нормативтiк актiнiң, сондай-ақ пайдаланылған ақпараттық және статистикалық материалдар, шолулар мен басқа да құжаттар атауы көрсетiледi.
      171. Қорытындыға «Ретроперспектива» деген 2-қосымшада бұрын бөлінген және игерілген қаражат жөніндегі, оның ішінде ағымдағы бағдарламалар бойынша, ақпараттың егжей-тегжейлі сипаттамасы келтіріледі.
      172. Қорытындыға «Негiздiлiк» деген 3-қосымшада негiздiлiк критерийі бойынша пікір білдіруге ықпал еткен факторлардың егжей-тегжейлі сипаттамасы келтіріледі;
      173. Қорытындыға «Нәтижелiлiк» деген 4-қосымшада нәтижелілік  критерийі бойынша пікір білдіруге ықпал еткен факторлардың егжей-тегжейлі сипаттамасы келтіріледі
      174. Түзетiлген Инвестициялар ҚЭН қорытындысының құрылымы және мазмұны осы Қағидалардың ережелерiне сәйкес болуы тиiс.
      175. Мемлекеттiк жоспарлау жөнiндегi орталық немесе жергілікті уәкiлеттi орган түзетiлген Инвестициялар ҚЭН-ін қарайды және осы Қағидаларға 25-қосымшаға сәйкес нысан бойынша экономикалық қорытынды дайындайды.
      Түзетiлген Инвестициялар ҚЭН-інің экономикалық қорытындысы Инвестициялардың экономикалық сараптамасын жүзеге асыруға Қазақстан Республикасының Үкіметі және жергілікті атқарушы органдар айқындайтын заңды тұлғалардың экономикалық сараптамалары негізінде Қорытындыны алған күннен бастап 10 (он) жұмыс күнi iшiнде дайындалады.
      176. Мемлекеттiк жоспарлау жөнiндегi орталық немесе жергілікті уәкiлеттi орган ББӘ-нің Инвестицияларды жүзеге асыру туралы ұсыныстарын және олардың Инвестициялар ҚЭН-ін стратегиялық және бағдарламалық құжаттарға, Қазақстан Республикасының заңнамасына сәйкестiгi тұрғысынан қарайды және олар бойынша осы Қағидаларға 25-қосымшаға сәйкес нысан бойынша экономикалық қорытынды дайындайды.
      Инвестициялар бойынша экономикалық қорытынды Инвестицияларды жүзеге асырудың экономикалық орындылығы, олардың ел экономикасына әсерi және стратегиялық және (немесе) бағдарламалық құжаттарға сәйкестiгi тұрғысынан дайындалады.
      Республикалық және жергiлiктi бюджет қаражаты есебiнен Инвестициялардың экономикалық қорытындысы Қорытындыны алған күннен бастап 10 (он) жұмыс күнi iшiнде Инвестициялардың экономикалық сараптамасын жүзеге асыруға Қазақстан Республикасының Үкiметi және жергiлiктi атқарушы органдар айқындаған заңды тұлғалардың экономикалық сараптамасы негiзiнде дайындалады.
      177. Инвестицияларды iрiктеуді және тиісті бюджет комиссиясының қарауына шығаруды бюджеттiк жоспарлау жөнiндегi орталық және жергiлiктi уәкiлеттi органдар ББӘ басым бюджеттік бағдарламалар тізбесін қалыптастыру шеңберінде Қазақстан Республикасы Бюджет кодексінің 66-бабында көрсетілген құжаттарды ұсынған жағдайда жүзеге асырады.
      178. Мемлекеттік жоспарлау жөніндегі орталық немесе жергілікті уәкілетті орган ББӘ-нің Инвестицияларды жүзеге асыру туралы ұсыныстарын және олардың ҚЭН-ін қаржы қаражатымен қамтамасыз етілуін растайтын құжаттарының болуы тұрғысынан қарайды және олар бойынша қорытындыны МИЖ-дің инвестициялық ұсынысына оң экономикалық қорытындыны, Инвестициялар бойынша экономикалық қорытындыны ескере отырып Қазақстан Республикасының бюджет заңнамасына сәйкес бюджет комиссиясының қарауына енгізеді.
      Жергілікті атқарушы органдарға нысаналы даму трансферттері мен бюджеттік кредиттер беруге бағытталған бюджеттік бағдарламаларға берілетін бюджеттік өтінімдер бойынша мемлекеттік жоспарлау жөніндегі орталық уәкілеттік органның қорытындылары өңірлік саясат мәселелері жөніндегі комиссияның ұсынымдары ескеріле отырып, өңірлік даму саласындағы орталық уәкілетті органның ұсыныстары негізінде қалыптастырылады.
      Ескерту. 178-тармаққа өзгеріс енгізілді - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      179. Инвестициялар бойынша оң экономикалық қорытынды мен тиiстi бюджет комиссиясының оң шешiмi негiзiнде Инвестициялар тиiстi бюджет жобасына қосылады.
      Мемлекеттік кәсіпорын нысанындағы заңды тұлғалардың жарғылық капиталына мемлекеттің қатысуы арқылы іске асырылуы жоспарланатын бюджеттік инвестициялар бойынша тиісті бюджет жобасына ТЭН мен ЖСҚ-ны дайындау шығыстары қосылады.
      Мемлекеттік кәсіпорын нысанындағы заңды тұлғалардың жарғылық капиталына мемлекеттің қатысуы арқылы іске асырылуы жоспарланатын бюджеттік инвестициялар бойынша ТЭН мен ЖСҚ-ға мемлекеттік сараптаманың нәтижелері бойынша тиісті бюджет жобасына жобаларды іске асырудың жалпы құны қосылады.
      180. Инвестициялар ҚЭН-ін осы ұлттық холдингтер мен ұлттық басқарушы холдингтер бекітетін бір ББӘ құзыретіне жатқызуға болмайтын экономиканың түрлі салаларындағы жобаларды іске асыруды көздейтін ұлттық холдингтер мен ұлттық басқарушы холдингтердің Инвестицияларын қоспағанда, оң экономикалық қорытынды және тиiстi бюджет комиссиясының оң шешiмiн алған Инвестициялар ҚЭН-і немесе түзетілген Инвеcтициялар ҚЭН-і Қазақстан Республикасының бюджет заңнамасына сәйкес ББӘ бекітуіне жатады.
      Ескерту. 180-тармақ жаңа редакцияда - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

5-тарау. Аса маңызды және жедел іске асыруды талап ететін
міндеттерді іске асыруға бағытталған, Республикалық бюджет
комиссиясының оң ұсыныстары бар бюджеттік инвестицияларды қарау
және іріктеу тәртіптері

      181. Қазақстан Республикасы Бюджет кодексінің 153 және 154-баптарында белгіленген жоспарлау кезеңдерінен өтпеген, бірақ РБК-нің оң ұсыныстары бар бюджеттік инвестициялар кейінге қалдыру шартымен республикалық бюджет жобасына немесе ағымдағы қаржы жылының бірінші жартыжылдығында нақтыланған жағдайда, нақтыланған республикалық бюджет жобасына енгізіледі.
      Ескерту. 181-тармақ жаңа редакцияда - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      182. Кейінге қалдыру шартымен бюджеттік инвестициялар:
      1) БИЖ-ді іске асыру;
      2) заңды тұлғалардың жарғылық капиталына мемлекеттің қатысуы арқылы жүзеге асырылады.
      183. Бюджеттік инвестицияларды аса маңызды және жедел іске асыруды талап ететін ретінде айқындау үшін инвестициялық жобалар және/немесе іс-шаралар жеке және заңды тұлғалардың қауіпсіздігі мен тыныс-тіршілігіне қатер төндіретін жағдайды болдырмауға, сондай-ақ елдің әлеуметтік-экономикалық және саяси тұрақтылығына қатер төндіретін жағдайды болдырмауға, елдің озық/жеделдетілген әлеуметтік-экономикалық дамуына бағытталуы және Қазақстан Республикасы Президентінің және/немесе Қазақстан Республикасы Премьер-Министрінің тапсырмаларына, бағдарламалық құжаттарға сәйкес жүзеге асырылуы тиіс.
      184. Мемлекеттік жоспарлау жөніндегі орталық уәкілетті орган орталық атқарушы және басқа да мемлекеттік органдардан алған бюджеттік өтінімдерді қарау нәтижесі бойынша бюджеттік инвестициялық басымдықтардың және орта мерзімді кезеңге арналған әлеуметтік-экономикалық дамудың болжамды көрсеткіштері негізінде кейінге қалдыру шартымен бюджеттік инвестицияларды іріктеуді жүргізеді.
      Кейінге қалдыру шартымен іріктелген бюджеттік инвестициялар үш жылдық кезеңге арналған басым республикалық бюджеттік инвестициялар тізбесінің жобасына қосылады және РБК-нің қарауына енгізіледі.
      185. Кейінге қалдыру шартымен бюджеттік инвестициялар РБК-нің қарауына мыналар:
      1) Қазақстан Республикасының Президенті және/немесе Қазақстан Республикасының Премьер-Министрі тапсырмаларының көшірмелері;
      2) жылдарға бөлінген жоба құнының негіздемесі бойынша есептеме;
      3) ББӘ-нің жобаны іске асырудың орындылығына қорытындысы;
      4) қажет болған жағдайда, мемлекеттік және бюджеттік жоспарлау жөніндегі орталық уәкілетті орган сұрататын басқа да құжаттар болған жағдайда енгізіледі.
      Егер кейінге қалдыру шартымен бюджеттік инвестициялар бойынша ТЭН және/немесе ЖСҚ болған жағдайда, құжаттаманы да РБК-нің қарауына енгізгенге дейін ұсыну қажет.
      186. РБК-і қарау қорытындысы бойынша РБК-нің оң қорытындысы бар кейінге қалдыру шартымен бюджеттік инвестициялар әлеуметтік-экономикалық даму болжамының құрамында үш жылдық кезеңге арналған басым республикалық бюджеттік инвестициялар тізбесіне қосылады және оны мемлекеттік жоспарлау жөніндегі орталық уәкілетті орган Қазақстан Республикасының Үкіметіне енгізеді.
      187. Тиісті жоспарлы кезеңге арналған республикалық бюджет туралы Қазақстан Республикасының Заңы қабылданғаннан кейін аса маңызды және жедел іске асыруды талап ететін міндеттерді іске асыруға бағытталған, Қазақстан Республикасы Бюджет кодексінің 153 және 154-баптарында белгіленген жоспарлау кезеңдерінен өтпеген, бірақ РБК-нің оң ұсыныстары бар объектілер бөлінісінде жоспарлы кезеңге арналған инвестициялық жобаларды, сондай-ақ облыстар, республикалық маңызы бар қалалар, астана бөлінісінде нысаналы даму трансферттері мен кредиттерді қоса алғанда, басым республикалық бюджеттік инвестициялардың тізбесіне енгізілп, Қазақстан Республикасы Үкіметінің республикалық бюджет туралы заңды іске асыру туралы қаулысы шеңберінде бекітіледі.
      188. Кейінге қалдыру шартымен бюджеттік инвестицияларды әзірлеу және қарау осы Қағидаларға сәйкес жүзеге асырылады.

6-тарау. Бюджеттік инвестициялық жобаларды іске асыруға
мониторинг және бағалау жүргізу тәртібі

1-параграф. Жоспарлау кезеңінде бюджеттік инвестициялық
жобаларға мониторинг жүргізу тәртібі

      189. Республикалық бюджеттік бағдарламалар әкімшілері және жергілікті бюджеттік бағдарламалар әкімшілері тиісінше мемлекеттік жоспарлау жөніндегі орталық немесе жергілікті уәкілетті органға есепті тоқсаннан кейінгі айдың 10 (он) күніне дейін тоқсан сайын осы Қағидаларға 26-қосымшаға сәйкес нысан бойынша қағаз және электрондық жеткізгіште мынадай ақпаратты көрсете отырып, іріктелген инвестициялық ұсыныстардың тізбесін ұсынады:
      1) БИЖ-дің атауы;
      2) инвестициялық ұсынысты енгізген ББӘ атауы;
      3) БИЖ-дің ТЭН-ін әзірлеу немесе түзету, сондай-ақ оған қажетті сараптамалар жүргізуге қажетті (бөлінген) ақша қаражатының мөлшері;
      4) БИЖ-дің ТЭН-ін әзірлеу немесе түзету, сондай-ақ оған қажетті сараптамалар жүргізу кезінде игерілген ақша қаражатының мөлшері;
      5) БИЖ-дің ТЭН-ін әзірлеу немесе түзету, сондай-ақ оған қажетті сараптамалар жүргізу мерзімдері;
      6) БИЖ-дің ТЭН-ін әзірлеу немесе түзету, сондай-ақ оған қажетті сараптамалар жүргізу барысы туралы ақпарат.

2-параграф. Бюджеттік инвестициялық жобаларды іске асыруға
мониторинг жүргізу тәртібі

      190. БИЖ-ді іске асыруға мониторинг БИЖ-ді тиімді басқаруды қамтамасыз ету мақсатында ықтимал ауытқуларды уақтылы анықтау үшін нақты алынған нәтижелерді есепті күнге жоспарланғандармен салыстыру арқылы жүргізіледі.
      191. БИЖ-ді іске асыруға мониторинг мыналарды көздейді:
      1) БИЖ-дің іске асырылу барысы туралы ақпаратты жинау;
      2) әрбір уақыт аралығында БИЖ-ді іске асырудың қол жеткізілген көлемдерін және ТЭН-ге және/немесе ЖСҚ-ға сәйкес шығындарды нақты қол жеткізілген сандық-сапалық нәтижелерді БИЖ-ді іске асырудың жоспар-кестесінде (бұдан әрі – Жоспар-кесте) көрсетілген көрсеткіштермен салыстыру арқылы талдау;
      3) БИЖ-ді мониторингілеу нәтижелері туралы есепті (бұдан әрі – мониторинг бойынша есеп) дайындау.
      Нақты көрсеткіштердің бұрын жоспарланғандардан (жоспар-кесте бойынша) ауытқуы анықталған БИЖ бойынша БИЖ-ді тиімді іске асыру жөнінде ұсынымдар мен шаралар қалыптастырылады.
      192. Республикалық бюджеттен берілетін нысаналы даму трансферттері мен кредиттер есебінен іске асырылатын республикалық БИЖ-ді және жергілікті БИЖ-ді іске асыру мониторингін республикалық бюджеттік бағдарламалар әкімшілері жүзеге асырады.
      Жергілікті БИЖ-ді іске асыру мониторингін мемлекеттік жоспарлау жөніндегі жергілікті уәкілетті орган жергілікті бюджеттік бағдарламалар әкімшілерінің есептері негізінде жүзеге асырады.
      193. БИЖ-ді дайындау мен іске асырудың жоспар-кестесі әрбір жоба бойынша есептік көрсеткіштерді айқындайтын құжат болып табылады және оны республикалық бюджеттік бағдарламалар әкімшілері мен жергілікті бюджеттік бағдарламалар әкімшілері электрондық порталға, сондай-ақ қағаз және электрондық жеткізгіште осы Қағидаларға 27-қосымшаға сәйкес нысан бойынша дайындайды.
      БИЖ жөніндегі ақпараттың нақтылануына немесе республикалық бюджет туралы заңның іске асырылуы не тиісті кезеңге арналған жергілікті бюджет туралы мәслихат шешімінің іске асырылуы туралы Қазақстан Республикасы Үкіметінің немесе жергілікті атқарушы органдардың қаулысымен бекітіліп іске асырылатын БИЖ тізбесінің нақтылануына қарай республикалық бюджеттік бағдарламалар әкімшілері мен жергілікті бюджеттік бағдарламалар әкімшілері БИЖ жөніндегі есеппен бірге нақтыланған жоспар-кестені дайындайды.
      Жоспар-кесте барлық жоба бойынша, оның құрамдауыштары және әрбір құрамдауышқа арналған іс-шаралар (жұмыс түрлері) бойынша белгіленген тәртіппен бекітілген жұмыстарды орындаудың және қаржыландырудың жоспарлы көлемдерін қамтиды.
      Бұл ретте жоспарланған жылға арналған орындау және қаржыландыру көлемдері тиісті бюджеттік бағдарламамен келісіледі.
      194. Жоспар-кестеде есепті жылдың басталуына дейінгі кезеңге, ағымдағы жылға арналған нақты көлемдер және келесі үш жылға арналған болжамды көлемдер де көрсетіледі.
      Жоспар-кесте бекітілген БИЖ-дің ТЭН-і және мақұлданған бюджеттік өтінімнің негізінде қалыптастырылады, ал ТЭН әзірлеуді талап етпейтін жобалар бойынша ЖСҚ және мақұлданған бюджеттік өтінім Жоспар-кестені дайындаудың негіздемесі болып табылады.
      Жоспар кестеде жобаны іске асыру кезеңі тиісті бюджет комиссиясы мақұлдаған бюджеттік өтінімге сәйкес көрсетіледі.
      Жоспар-кестеге, мониторинг бойынша есепке енгізілген жобалар тізбесі тиісті қаржы кезеңіне арналған республикалық бюджет туралы заңды іске асыру немесе жергілікті бюджет туралы мәслихаттың шешімін іске асыру туралы Қазақстан Республикасы Үкіметінің немесе жергілікті атқарушы органдардың қаулыларымен бекітілген Жобалар тізбесіне сәйкес келеді.
      Жоспар-кестені, мониторинг бойынша есепті және мониторинг бойынша жиынтық анықтаманы мониторингтеуді және дайындауды жүзеге асыратын мемлекеттік органдардың жауапты қызметкерлері жоспар-кестеде, мониторинг бойынша есепте және мониторинг бойынша жиынтық анықтамада көрсетілген ақпараттың сапасы мен толықтығы үшін заңнамаға сәйкес жауапты болады.
      195. Республикалық және жергілікті бюджеттен қаржыландырылатын БИЖ-дің іске асырылуын мониторингтеу жөніндегі есеп БИЖ бойынша орындалған жұмыстардың нақты және жоспарланған көлемі мен қаржы қаражатын игеру сомалары туралы ақпаратты қамтиды және республикалық бюджеттік бағдарламалар әкімшілері мен жергілікті бюджеттік бағдарламалар әкімшілері тоқсан сайынғы негізде есепті тоқсаннан кейінгі айдың 10 (он) күніне дейін осы Қағидаларға 28-29-қосымшаларына сәйкес нысан бойынша электрондық порталда, сондай-ақ қағаз және электрондық жеткізгіштерде дайындайды.
      Жергілікті бюджеттік бағдарламалар әкімшілері тоқсан сайынғы негізде есепті тоқсаннан кейінгі айдың 1 (бір) күніне дейін БИЖ-дің іске асырылуын мониторингтеу жөніндегі есепті мемлекеттік жоспарлау жөніндегі жергілікті уәкілетті органға ұсынады.
      Бұл ретте мониторинг бойынша есептің жоспарланған көрсеткіштері жоспар-кестенің көрсеткіштеріне сәйкес келеді.
      196. БИЖ-ді мониторингтеу бойынша жиынтық анықтама осы Қағидаларға 30-қосымшаға сәйкес нысан бойынша дайындалады.
      197. Қажетті ақпаратты республикалық бюджеттік бағдарламалар әкімшілері мен жергілікті бюджеттік бағдарламалар әкімшілері есепті тоқсаннан кейінгі айдың 10 (он) күніне дейін мемлекеттік және орыс тілдерінде, қағаз және электрондық жеткізгіштерде тоқсан сайын дайындайды және мыналарды қамтиды:
      1) жоспар-кесте;
      2) мониторинг бойынша есеп пен мониторинг бойынша жиынтық анықтама;
      3) ішкі бақылау қызметі анықтаған бұзушылықтарды жою фактілері бойынша қолданылған шаралар туралы ақпарат;
      4) БИЖ-ді іске асырудан экономикалық және әлеуметтік қайтарымдылықтың ұзақ мерзімді көрсеткіштеріне қол жеткізу бойынша ағымдағы жағдай ақпараты;
      5) осы Қағидаларға 31-қосымшаға сәйкес нысан бойынша жобаның паспорты;
      6) осы Қағидаларға 32-қосымшаға сәйкес нысан бойынша ТЭН әзірлеуді талап етпейтін жобаның паспорты;
      7) осы Қағидаларға 33-қосымшаға сәйкес нысан бойынша Гант диаграммасын құру үшін ақпарат;
      8) осы Қағидаларға 34-қосымшаға сәйкес нысан бойынша ресурстық және инфрақұрылымдық қамтамасыз ету;
      9) осы Қағидаларға 35-қосымшаға сәйкес нысан бойынша бюджеттік инвестициялар бойынша қаржыландыру көздері.
      198. Тоқсан қорытындылары бойынша облыстық бюджет, республикалық маңызы бар қала, астана бюджеттерінен қаржыландырылатын орталық мемлекеттік органдардың және атқарушы органдардың ішкі бақылау қызметінің БИЖ-ді іске асыру сатысында ықтимал бұзушылықтарды анықтау мақсатында объектілерге бару құқығы бар.
      Ішкі бақылау қызметінің қорытындысы анықталған бұзушылықтар фактілері туралы ақпаратты, сондай-ақ проблемаларды шешу немесе жою бойынша ұсынымдар мен шараларды қамтиды.
      Ішкі бақылау қызметі анықталған бұзушылықтар фактілері туралы ақпаратты тиісті органның бірінші басшысына береді.
      198-1. Жергілікті бюджеттік бағдарламалар әкімшілері республикалық бюджеттен берілетін нысаналы даму трансферттері мен кредиттер есебінен іске асырылатын жергілікті БИЖ-дер бойынша жылдық мониторингті мемлекеттік және орыс тілдерінде жыл сайын есепті жылдан кейінгі жылдың 10 наурызынан кешіктірмей тиісті орталық мемлекеттік органға ұсынады.
      Ескерту. 198-1-тармақпен толықтырылды - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      199. Республикалық бюджеттен берілетін нысаналы даму трансферттері мен ааатер есебінен іске асырылатын республикалық БИЖ және жергілікті БИЖ бойынша жылдық мониторингті республикалық бюджеттік бағдарламалар әкімшілері мемлекеттік және орыс тілдерінде мемлекеттік жоспарлау жөніндегі орталық уәкілетті органға, оның ішінде электрондық порталға жыл сайын есепті жылдан кейінгі жылдың 10 сәуірінен кешіктірмей ұсынады.
      Жиынтық ақпарат мыналарды:
      1) республикалық бюджет қаражаты есебінен іске асырылатын БИЖ туралы ақпаратты;
      2) нысаналы даму трансферттері және республикалық бюджеттен кредиттер есебінен іске асырылатын жергілікті БИЖ туралы ақпаратты қамтиды.
      200. Жергілікті бюджет қаражаты есебінен жүзеге асырылатын БИЖ-ді іске асыру барысы туралы жылдық мониторингті мемлекеттік жоспарлау жөніндегі жергілікті уәкілетті орган мемлекеттік және орыс тілдерінде дайындайды және облыстардың, республикалық маңызы бар қаланың, астананың әкімдіктеріне жыл сайын есепті жылдан кейінгі жылдың 10 сәуірінен кешіктірмей ұсынады.
      Жергілікті бюджеттік бағдарламалар әкімшілері БИЖ-ді іске асырудың жылдық мониторингін мемлекеттік жоспарлау жөніндегі жергілікті уәкілетті органға есепті жылдан кейінгі жылдың 1 сәуіріне дейін ұсынады.
      Жиынтық ақпарат мыналарды:
      1) жергілікті бюджет қаражаты есебінен іске асырылатын бюджеттік инвестициялық жобалар туралы ақпаратты;
      2) аяқталған және жалғастырылатын жобалар, әзірленетін ЖСҚ саны бойынша ақпаратты;
      3) ауданның (облыстық маңызы бар қаланың) бюджет қаражаты және облыстық бюджеттен берілетін нысаналы даму трансферттері мен кредиттер есебінен қаржыландырылатын БИЖ тізбесі, қаржыландыру жоспарының сомалары, іс жүзінде атқарылуы, аяқталған жобалардың саны, сомалары және игерілмеу себептері туралы ақпаратты қамтиды.
      201. Ішкі бақылау қызметінен анықталған бұзушылық фактілері туралы ақпаратты алған орталық атқарушы органдар мен жергілікті атқарушы органдар қабылданған шаралар және проблемаларды шешу тәсілдері туралы ақпаратты мемлекеттік қаржылық бақылау органдарына ұсынады.
      202. ББӘ БИЖ-ді іске асырудан экономикалық және әлеуметтік қайтарымдылықтың ұзақ мерзімді көрсеткіштеріне қол жеткізуді ескере отырып, республикалық БИЖ-ді, жергілікті БИЖ-ді сондай-ақ тиісті бюджетті жоспарлау (нақтылау) кезінде БИЖ-ді іске асырудан экономикалық және әлеуметтік қайтарымдылықтың ұзақ мерзімді көрсеткіштеріне қол жеткізу бойынша ағымдағы жағдай ақпаратын ескере отырып, республикалық бюджеттен берілетін нысаналы даму трансферттері мен кредиттер есебінен іске асырылатын жобаларды іске асыруды мониторингтеу нәтижелерін қолданады.

3-параграф. Бюджеттік инвестициялық жобалардың іске асырылуын
бағалау тәртібі

      203. БИЖ-дің іске асырылуын бағалау БИЖ-ді тиімді басқаруды қамтамасыз ету мақсатында ықтимал ауытқуларды уақтылы анықтау үшін нақты алынатын нәтижелерді есепті күнге жоспарланғандармен салыстыру арқылы жүргізіледі.
      Мемлекеттік жоспарлау жөніндегі орталық немесе жергілікті уәкілетті орган республикалық бюджеттік бағдарламалар әкімшілері немесе жергілікті бюджеттік бағдарламалар әкімшілері мониторингінің қорытындылары бойынша жылдық есеп негізінде БИЖ-дің іске асырылуын бағалауды жүзеге асырады.
      204. БИЖ-дің іске асырылуын бағалау объектіні пайдалануға енгізгеннен кейін жыл сайын жүргізіледі.
      Егер жоба белгіленген мерзімдерде пайдалануға енгізілмеген жағдайда республикалық бюджеттік бағдарламалар әкімшілері немесе жергілікті бюджеттік бағдарламалар әкімшілері БИЖ-ді іске асырылуын бағалау бойынша ақпаратты объектіні пайдалануға енгізгеннен кейін келесі жылы қайталап ұсынады.
      205. БИЖ-дің іске асырылуын бағалау мыналарды көздейді:
      1) БИЖ-дің іске асырылу барысы туралы ақпаратты ББӘ-ден жинау;
      2) оларды мемлекеттік органның стратегиялық жоспарларында және/немесе БИЖ ТЭН-інде көзделген көрсеткіштермен салыстыру арқылы БИЖ-дің қол жеткізілген тікелей нәтижелерін (өнімдер шығару, қызметтер көрсету) талдау;
      3) БИЖ-ді іске асырылуын бағалау жөнінде жиынтық есепті дайындау.
      Нақты көрсеткіштердің бұрын мемлекеттік органның стратегиялық жоспарларында және/немесе БИЖ ТЭН-інде жоспарланғандардан ауытқуы анықталған БИЖ бойынша БИЖ-ді тиімді басқару мақсатында жүйелі және жедел шаралар бойынша ұсынымдар қалыптастырылады.
      206. БИЖ-дің іске асырылуына бағалау жүргізу үшін мынадай есептілік құрамында мемлекеттік және орыс тілдерінде ақпарат ұсынылады:
      1) БИЖ-дің іске асырылу барысы туралы есеп;
      2) БИЖ-дің іске асырылу барысы туралы жиынтық анықтама.
      207. БИЖ-дің іске асырылуын бағалау туралы есеп есепті кезеңдегі БИЖ-ді іске асырудан экономикалық және әлеуметтік қайтарымдылықтың ұзақ мерзімді көрсеткіштеріне қол жеткізуді ескере отырып, өнімдердің (көрсетілетін қызметтердің) нақты және жоспарланған көлемдері туралы ақпаратты қамтиды және осы Қағидаларға 36-қосымшаға сәйкес нысан бойынша электрондық порталға, сондай-ақ қағаз және электрондық жеткізгіште мемлекеттік жоспарлау жөніндегі орталық немесе жергілікті уәкілетті органға ұсынылады.
      БИЖ-ді іске асырудан түсетін экономикалық және әлеуметтік қайтарымдылықтың ұзақ мерзімді көрсеткіштеріне қол жеткізу бойынша ақпарат инвестициялық ұсыныста салынған көрсеткіштер негізінде және/немесе Қазақстан Республикасы мемлекеттік органдары тиімділігінің түйінді көрсеткіштерінің байламы негізінде дайындалады.
      БИЖ-дің іске асырылу барысы туралы есепте құрылыс объектісінің баланс ұстаушысы, мемлекеттік меншік объектісін пайдалануға енгізу, мемлекеттік меншік объектісін уәкілетті органдарда тіркеу бойынша ақпарат көрсетіледі.
      «Ескертпелер» бағанында ақпарат болмаған жағдайда осы ақпараттың болмауының себебін көрсету қажет. БИЖ-дің іске асырылу барысы туралы жиынтық ақпарат осы Қағидаларға 37-қосымшаға сәйкес нысан бойынша қағаз жеткізгіште ұсынылады.
      208. Республикалық меншіктегі БИЖ-ді пайдалану жөніндегі, сондай-ақ республикалық бюджеттің қаражаты есебінен қаржыландырылатын аяқталуға жоспарланған, бірақ есепті кезеңде аяқталмаған БИЖ жөніндегі ақпаратты тиісті орталық уәкілетті орган береді.
      209. Коммуналдық меншіктегі БИЖ-ді пайдалану жөніндегі, сондай-ақ жергілікті бюджеттің қаражаты есебінен қаржыландырылатын аяқталуға жоспарланған, бірақ есепті кезеңде аяқталмаған БИЖ жөніндегі ақпаратты тиісті жергілікті атқарушы орган ұсынады.
      209-1. Жергілікті бюджеттік бағдарламалар әкімшілері республикалық бюджеттен берілетін нысаналы даму трансферттері мен кредиттер есебінен іске асырылатын жергілікті БИЖ-дің іске асырылуын бағалау жөніндегі ақпаратты мемлекеттік және орыс тілдерінде есепті жылдан кейінгі жылдың 1 мамырынан кешіктірмей тиісті орталық мемлекеттік органға ұсынады.
      Ескерту. 209-1-тармақпен толықтырылды - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      210. Республикалық БИЖ-ді және республикалық бюджеттен берілетін нысаналы даму трансферттері мен кредиттер есебінен іске асырылатын жергілікті БИЖ-дің іске асырылуын бағалау бойынша ақпаратты республикалық бюджеттік бағдарламалар әкімшісі болып табылатын тиісті орталық уәкілетті орган мемлекеттік жоспарлау жөніндегі орталық уәкілетті органға ұсынады.
      Жергілікті БИЖ-дің іске асырылуын бағалау бойынша ақпаратты жергілікті бюджеттік бағдарламалар әкімшісі болып табылатын тиісті уәкілетті жергілікті атқарушы орган мемлекеттік жоспарлау жөніндегі жергілікті уәкілетті органға ұсынады.
      211. Іске асырылу барысы туралы есеп пен жиынтық анықтама электрондық порталына, сондай-ақ қағаз және электрондық жеткізгіштерде жыл сайын жылына бір рет есепті жылдан кейінгі жылдың 1 маусымынан кешіктірмей ұсынылады.
      212. БИЖ-дің іске асырылуына бағалау жүргізу кезінде БИЖ-дің іске асырылуына бағалау жүргізуге мемлекеттік жоспарлау жөніндегі орталық уәкілетті орган Қазақстан Республикасының Үкіметі айқындайтын  заңды тұлғаны тартады.
      213. Қазақстан Республикасының Үкіметі айқындаған заңды тұлға БИЖ-дің жылдық мониторингін ескере отырып БИЖ-ді іске асыруға бағалау жүргізеді және ақпаратты есепті жылдан кейінгі жылдың 10 шілдесіне дейін мемлекеттік және орыс тілдерінде мемлекеттік жоспарлау жөніндегі орталық уәкілетті органға ұсынады.
      214. БИЖ-дің іске асырылуына бағалау жүргізуге Қазақстан Республикасының Үкіметі айқындаған заңды тұлға республикалық бюджеттік бағдарламалар әкімшілерінен қажетті ақпаратты дербес сұратуға және алуға құқылы.
      Мемлекеттік жоспарлау жөніндегі орталық уәкілетті орган өз құзыреті шегінде БИЖ-дің іске асырылуына бағалау жүргізуге Қазақстан Республикасының Үкіметі айқындаған заңды тұлғаға БИЖ-дің іске асырылуына бағалау жүргізу кезінде қосымша есептілік нысандарын белгілеуге құқылы.
      Қазақстан Республикасының Үкіметінен қайтарылған жағдайда және/немесе БИЖ-дің іске асырылуын бағалау бойынша есепті пысықтау қажет болған жағдайда БИЖ-дің іске асырылуына бағалау жүргізуге мемлекеттік жоспарлау жөніндегі орталық уәкілетті орган мен Қазақстан Республикасының Үкіметі айқындаған заңды тұлға Қазақстан Республикасы Үкіметінің ескертулерін ескере отырып жояды және есепті пысықтайды.
      215. Республикалық бюджеттен берілетін нысаналы даму трансферттері мен кредиттер есебінен іске асырылатын республикалық БИЖ және жергілікті БИЖ-дің іске асырылуын бағалау бойынша жиынтық есепті мемлекеттік жоспарлау жөніндегі орталық уәкілетті орган жыл сайын есепті жылдан кейінгі жылдың 25 шілдесіне дейін Қазақстан Республикасының Үкіметіне ұсынады.
      Жергілікті БИЖ-дің іске асырылуын бағалау бойынша жиынтық есепті бюджеттік жоспарлау жөніндегі жергілікті уәкілетті орган есепті жылдан кейінгі жылдың 25 шілдесіне дейін облыстардың, республикалық маңызы бар қаланың, астананың әкімдіктеріне ұсынады.
      216. БИЖ-дің іске асырылуын бағалау деректерінің негізінде мемлекеттік жоспарлау жөніндегі орталық уәкілетті орган ағымдағы және болжанатын әлеуметтік-экономикалық және саяси ахуалды ескере отырып, Қазақстан Республикасының Үкіметіне және жергілікті атқарушы органдарға БИЖ-ді тиімді жүзеге асыру шараларын іске асыру жөнінде ұсыныстар мен ұсынымдар енгізе алады.

7-тарау. Заңды тұлғалардың жарғылық капиталына мемлекеттің
қатысуы арқылы бюджеттік инвестициялардың іске асырылуына
мониторинг және бағалау жүргізу тәртібі

1-параграф. Заңды тұлғалардың жарғылық капиталына мемлекеттің
қатысуы арқылы бюджеттік инвестициялардың іске асырылуына
мониторинг жүргізу тәртібі

      217. Инвестициялардың мониторингі тұрақты және жүйелi түрде ақпарат жинау, Инвестициялардың тиімділігін қадағалау мақсатында көрсетілген іс-шаралардың түпкілікті іске асырылу сәтіне дейін заңды тұлғалардың акциялар пакетін (қатысу үлесін) сатып алу, бастапқы жарғылық капиталды қалыптастыру жолымен республикалық немесе жергiлiктi бюджеттен тартылған Инвестицияларды есепке алу мен олардың іске асырылуын талдау болып табылады.
      218. Инвестициялар мониторингі мыналарды:
      1) республикалық немесе жергiлiктi бюджеттен тартылған Инвестициялар есебінен іске асырылатын іс-шаралардың барысы туралы ақпарат жинауды;
      2) Инвестициялар есебінен заңды тұлға іске асыратын іс-шаралардың сапа көрсеткіштері мен тиімділік көрсеткіштерінің іс жүзінде қол жеткізілген тікелей нәтижелерін (сандық көрсеткіштері), түпкілікті нәтижелерін (нәтиже көрсеткіштері), Инвестициялардың ҚЭН және (немесе) мемлекеттiк органдардың стратегиялық жоспарларында және (немесе) заңды тұлғалардың стратегиялық даму құжаттарында жоспарланған тиісті нәтижелерімен салыстыру жолымен әрбір кезеңдегі қол жеткізілген шығындар мен іске асыру көлемдерін, сондай-ақ оларға қол жеткізілмеу себептерін талдауды;
      3) есепті кезеңдегі орындалған жұмыстардың нақты және жоспарланған көлемдері мен қаржы қаражатын игеру сомалары туралы ақпаратты қамтитын Инвестициялардың іске асырылуын мониторингтеу нәтижелері туралы есепті дайындауды қамтиды.
      219. Инвестициялар есебінен іс-шараларды іске асыратын квазимемлекеттiк сектор субъектiсі бюджеттiк бағдарламалардың әкімшісіне есепті кезең үшін Инвестициялар есебінен іске асырылатын іс-шаралардың іске асырылуын мониторингтеу бойынша есепті (бұдан әрі – квазимемлекеттiк сектор субъектiсінің есебі) осы Қағидаларға 38-қосымшаға сәйкес нысан бойынша, сондай-ақ түсіндірме жазбаны (нақты көрсеткіштердің жоспардағыдан теріс бағытталған ауытқуы жағдайында ауытқуды егжей-тегжейлі негіздей отырып), бір мезгілде соңғы есепті кезең үшін қаржылық есептілікті, квазимемлекеттiк сектор субъектiсінің стратегиялық даму құжаттарының көшірмелерін ұсынады.
      Квазимемлекеттiк сектор субъектiсінің есебі ББӘ-ге тоқсан сайын, есепті тоқсаннан кейінгі айдың 10 (он) күніне дейін беріледі.
      Квазимемлекеттiк сектор субъектiсінің есебінде:
      1) бюджеттік бағдарламаның сипаттамасы;
      2) Бюджеттік инвестициялар есебінен іске асырылатын іс-шараның әрбір кезеңінің құны;
      3) жарғылық капиталға мемлекет қатысатын заңды тұлғалардың жарғылық капиталдарын ұлғайтуға және заңды тұлғалардың жарияланған акцияларының төлеміне олардың еншілес ұйымдарының жарғылық капиталын ұлғайтуға ақша аудару кезінде акционердің (қатысушының) және директорлар кеңесінің шешімдері бағалы қағаздар нарығын реттеу мен қадағалауды жүзеге асыратын мемлекеттік органның тиісті куәлігімен расталатын акциялар (бағалы қағаздар) шығарылымын мемлекеттік тіркеу мәліметтері;
      4) заңды тұлғаны мемлекеттік қайта тіркеу мәліметтері;
      5) Инвестициялар есебінен іске асырылатын іс-шараның әрбір кезеңін іске асыру кестесі;
      6) іске асырылуы үшін Инвестициялар жүзеге асырылған Мемлекеттік жоспарлау жүйесі құжаттарының деректемелері;
      7) Инвестициялар есебінен іске асырылатын іс-шараны қаржыландыру схемасы;
      8) нысаналы индикаторларға сәйкес Инвестициялардың ҚЭН-де қол жеткізілуі жоспарланған Инвестициялар есебінен іске асырылатын іс-шараның сандық-сапалық көрсеткіштері;
      9) квазимемлекеттік сектор субъектісінің жауапты орындаушысының деректемелері көрсетіледі.
      Квазимемлекеттік сектор субъектісі есебінің әрбір парағына Инвестициялардың мониторингі және олардың іске асырылуы туралы есепті дайындау үшін жауапты заңды тұлғаның құрылымдық бөлімшесінің басшысы, ондайлар болмаған жағдайда – заңды тұлғаның басшысы не оны алмастыратын тұлға қол қояды.
      Квазимемлекеттік сектор субъектісінің есебіне заңды тұлғаның басшысы не оны алмастыратын тұлға қол қояды. Бұл ретте жауапты орындаушы, құрылымдық бөлімшенің басшысы және заңды тұлғаның басшысы ұсынылатын ақпараттың толықтығына және дұрыстығына жауапты болады.
      220. Есепті тоқсандағы Инвестициялар есебінен іске асырылатын іс-шаралардың іске асырылу мониторингі бойынша есепті (бұдан әрі – ББӘ есебі) осы Қағидаларға 39-қосымшаға сәйкес нысан бойынша, сондай-ақ түсіндірме жазбаны (нақты көрсеткіштердің жоспардағыдан теріс бағытталған ауытқуы жағдайында ауытқуды егжей-тегжейлі негіздей отырып) ұсынады, бір мезгілде соңғы есепті кезеңдегі квазимемлекеттік сектор субъектілерінің қаржылық есептіліктерін, заңды тұлғаларды дамытудың стратегиялық құжаттарының көшірмелерін ұсынады.
      221. Республикалық бюджеттен нысаналы даму трансферттері мен кредиттер есебінен іске асырылатын республикалық Инвестициялар мен Инвестициялар бойынша ББӘ есебін республикалық бюджеттік бағдарламалар әкімшілері жүргізеді.
      Жергілікті Инвестициялар бойынша ББӘ есебін жергілікті бюджеттік бағдарламалар әкімшілері жүргізеді.
      222. ББӘ есебінде:
      1) бюджеттік бағдарламаның сипаттамасы;
      2) Инвестициялар есебінен іске асырылатын іс-шараның әрбір кезеңінің құны;
      3) жарғылық капиталға мемлекет қатысатын заңды тұлғалардың жарғылық капиталдарын ұлғайтуға және заңды тұлғалардың жарияланған акцияларының төлеміне олардың еншілес ұйымдарының жарғылық капиталын ұлғайтуға ақша аудару кезінде акционердің (қатысушының) және директорлар кеңесінің шешімі, бағалы қағаздар нарығын реттеу мен қадағалауды жүзеге асыратын мемлекеттік органның тиісті куәлігімен расталатын акциялар (бағалы қағаздар) шығарылымын мемлекеттік тіркеу мәліметтері;
      4) заңды тұлғаны мемлекеттік қайта тіркеу мәліметтері;
      5) Инвестициялар есебінен іске асырылатын іс-шараның әрбір кезеңін іске асыру кестесі;
      6) іске асырылуы үшін Инвестициялар жүзеге асырылған Мемлекеттік жоспарлау жүйесі құжаттарының деректемелері;
      7) ББӘ тиісті бюджеттік бағдарламасы бойынша республикалық немесе жергілікті бюджеттен қаражат бөлу туралы ақпарат;
      8) Инвестициялар есебінен іске асырылатын іс-шараны қаржыландыру схемасы;
      9) Инвестициялардың ҚЭН-де қол жеткізілуі жоспарланған Инвестициялар есебінен іске асырылатын іс-шараның нысаналы индикаторларға сәйкес сандық-сапалық көрсеткіштері;
      10) ББӘ жауапты орындаушысының деректемелері;
      11) ішкі бақылау қызметі анықтаған бұзушылықтар фактілерін жою бойынша қабылданған шаралар туралы ақпарат;
      12) Инвестицияларды іске асырудан экономикалық және әлеуметтік қайтарымдылықтың ұзақ мерзімді көрсеткіштеріне қол жеткізу бойынша ағымдағы жағдай ақпараты көрсетіледі.
      Тікелей нәтиженің көрсеткіштері Инвестициялардың ҚЭН-де жоспарланған көрсеткіштермен салыстырғанда есепті тоқсандағы нақты орындалған сандық көрсеткіштермен айқындалады.
      Жоспарланған сандық көрсеткіштер орындалмаған (толық көлемде орындалмаған) жағдайда орындалмау немесе толық көлемде орындалмау себептері көрсетіле отырып, белгіленген мерзімде орындалмаған (толық көлемде орындалмаған) іс-шаралардың нақты тізбесі айқындалады.
      Бюджет қаражатын пайдалану тиімділігінің көрсеткішін айқындау кезінде тауарлар (жұмыстар, көрсетілетін қызметтер) бірлігіне нақты шығыстардың көлемін жоспарланған шығыстар көлемімен салыстырмалы талдау жүзеге асырылады, жоспарланғаннан іс жүзінде жүргізілген шығындардың ауытқу деңгейі айқындалады, ал нәтижелерге қол жеткізу тиімділігінің көрсеткішін айқындау кезінде тауарлар (жұмыстар, көрсетілетін қызметтер) бірлігіне жоспарланған көлем іс жүзінде ұсынылғанмен салыстырылады.
      Инвестициялар есебінен іске асырылатын іс-шаралар бойынша әрбір объекті бойынша заттай мәнде жоспарланған және іс жүзінде жүргізілген жұмыстардың көлемі туралы ақпарат беріледі.
      223. Тоқсанның қорытындылары бойынша орталық мемлекеттік органдардың және облыстық бюджеттен, республикалық маңызы бар қаланың, астананың бюджеттерінен қаржыландырылатын атқарушы органдардың ішкі бақылау қызметінің жобаларды іске асыру сатысында ықтимал бұзушылықтарды анықтау мақсатында объектілерге шығу құқығы бар.
      Ішкі бақылау қызметінің қорытындысы анықталған бұзушылық фактілері туралы ақпаратты, сондай-ақ проблемаларды шешу және жою бойынша ұсынымдар мен шараларды қамтиды.
      Анықталған бұзушылық фактілері туралы ақпаратты ішкі бақылау қызметі тиісті органның бірінші басшысына ұсынады.
      223-1. Жергілікті бюджеттік бағдарламалар әкімшілері республикалық бюджеттен нысаналы даму трансферттері мен кредиттер есебінен іске асырылатын Инвестициялардың іске асырылуы бойынша жылдық мониторингті мемлекеттік және орыс тілдерінде, жыл сайын, есепті жылдан кейінгі жылдың 20 наурызынан кешіктірмей тиісті орталық мемлекеттік органға ұсынады.
      Ескерту. 223-1-тармақпен толықтырылды - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      224. Республикалық Инвестициялар мен республикалық бюджеттен нысаналы даму трансферттері мен кредиттер есебінен іске асырылатын Инвестициялардың іске асырылуы бойынша жылдық мониторингті республикалық бюджеттік бағдарламалар әкімшілері мемлекеттік жоспарлау жөніндегі орталық уәкілетті органға мемлекеттік және орыс тілдерінде жыл сайын есепті жылдан кейінгі жылдың 20 сәуірінен кешіктірмей ұсынады.
      225. Жергілікті бюджет есебінен жүзеге асырылатын Инвестициялардың іске асырылу барысы туралы жылдық мониторингті мемлекеттік жоспарлау жөніндегі жергілікті уәкілетті орган мемлекеттік және орыс тілдерінде дайындайды және облыстардың, республикалық маңызы бар қаланың, астананың әкімдіктеріне жыл сайын есепті жылдан кейінгі жылдың 20 сәуірінен кешіктірмей ұсынады.
      226. Ішкі бақылау қызметінен анықталған бұзушылық фактілері туралы ақпарат алған орталық атқарушы органдар мен жергілікті атқарушы органдар мемлекеттік қаржылық бақылау органдарына проблемаларды шешу тәсілдері мен қабылданған шаралар туралы ақпарат ұсынады.
      227. ББӘ тиісті бюджетті жоспарлаған (нақтылаған) кезде Инвестицияларды іске асырудан экономикалық және әлеуметтік қайтарымдылықтың ұзақ мерзімді көрсеткіштеріне қол жеткізу бойынша ағымдағы жағдай ақпаратын ескере отырып, республикалық Инвестициялардың, жергілікті Инвестициялардың және республикалық бюджеттен нысаналы даму трансферттері мен кредиттер есебінен іске асырылатын Инвестициялардың іске асырылу мониторингінің нәтижелерін қолданады.

2-параграф. Заңды тұлғалардың жарғылық капиталына мемлекеттің
қатысуы арқылы бюджеттік инвестициялардың іске асырылуына
бағалау жүргізу тәртібі

      228. Инвестициялардың іске асырылуын бағалау заңды тұлға Инвестициялар есебінен іске асырған, ҚЭН-де көзделген іс-шараларды аяқтау нәтижелері бойынша жүзеге асырылады және мақсаттарға қол жеткізу дәрежесі мен іс жүзінде алынған нәтижелердің жоспарланғанға сәйкестігін айқындау бойынша шаралар кешенін қамтиды.
      Инвестициялардың іске асырылуын бағалауды республикалық бюджеттік бағдарламалар әкімшілері немесе жергілікті бюджеттік бағдарламалар әкімшілері мониторингінің қорытындылары бойынша жылдық есептің негізінде мемлекеттік жоспарлау жөніндегі орталық немесе жергілікті уәкілетті орган жүргізеді.
      229. Инвестициялар есебінен іске асырылған іс-шаралардың тиімділігін айқындау Инвестициялардың іске асырылуын бағалауды жүзеге асырудың мақсаты болып табылады.
      230. Инвестициялар есебінен іске асырылған іс-шараларды іске асыру тиімділігі мынадай критерийлер бойынша айқындалады:
      1) Инвестициялардың ҚЭН-де белгіленген көрсеткіштердің орындалу деңгейі (К1). Бұл критерийді Инвестициялар есебінен іске асырылған әрбір іс-шара үшін жеке заңды тұлға үшін ББӘ және ББӘ әрбірі үшін мемлекеттік жоспарлау жөніндегі уәкілетті орган айқындайды.
      Критерийді есептеу:

К1= Кн /Кж * 100, (1)

      формуласы бойынша жүзеге асырылады, мұндағы:
      Кн – көрсеткіштің іс жүзіндегі мәні;
      Кж – Инвестициялардың ҚЭН-де белгіленген мәні;
      2) іс жүзінде қол жеткізілген нәтижелердің Инвестициялардың ҚЭН-де белгіленген көрсеткіштерден абсолюттік ауытқуы (К2). Бұл критерийді Инвестициялар есебінен іске асырылған әрбір іс-шара үшін жеке заңды тұлға үшін ББӘ және ББӘ әрбірі үшін мемлекеттік жоспарлау жөніндегі уәкілетті орган айқындайды. Критерийді есептеу:

К2= Кн - Кж, (2)

      формуласы бойынша жүзеге асырылады;
      3) іс жүзінде қол жеткізілген нәтижелердің Инвестициялардың ҚЭН-де белгіленген көрсеткіштерден салыстырмалы ауытқуы (К3). Бұл критерийді Инвестициялар есебінен іске асырылған әрбір іс-шара үшін жеке заңды тұлға үшін ББӘ және ББӘ әрбірі үшін мемлекеттік жоспарлау жөніндегі уәкілетті орган айқындайды. Критерийді есептеу:

К3= Кн /Кж, * 100 – 100, (3)

      формуласы бойынша жүзеге асырылады.
      231. Инвестициялар есебінен іске асырылатын іс-шараны іске асыру тиімділігі мынадай:
      1) К1 критерийінің 100%-на тең немесе одан асатын мәндерімен және К2, К3 критерийлерінің оң мәндерімен;
      2) К1 критерийінің 100%-нан аспайтын мәндерімен және К2, К3 критерийлерінің теріс мәндерімен сипатталады. Бұл ретте есепті мәндердің қабылданғаннан елеулі (10 пайыздан астам) теріс бағытталған ауытқуы бюджеттiк инвестициялар есебінен іске асырылатын іс-шараны іске асыру тиімділігінің төмен дәрежесі туралы куәландырады.
      232. Инвестициялардың іске асырылуын бағалау:
      1) республикалық немесе жергiлiктi бюджеттен тартылған Инвестициялар есебінен іске асырылған іс-шаралар туралы ақпарат жинауды;
      2) заңды тұлғаның Инвестициялар есебінен іске асырылған іс-шараларының нақты қол жеткізілген тікелей нәтижелерінің (сан көрсеткіштерін), түпкі нәтижелерінің (нәтиже көрсеткіштерін) сапа көрсеткіштері мен тиімділік көрсеткіштерін және заңды тұлғалардың Қазақстан Республикасының заңнамасында белгіленген тәртіппен бекітілген Инвестициялардың ҚЭН-де және (немесе) стратегиялық даму құжаттарында және (немесе) мемлекеттiк органдардың стратегиялық жоспарларында жоспарланған тиісті көрсеткіштермен салыстыру жолымен әрбір уақыт аралығында қол жеткізілген іске асыру мен шығындар көлемін, сондай-ақ қол жеткізілмеу себептерін талдауды;
      3) Инвестицияларды іске асырудан экономикалық және экономикалық қайтарымдылықтың ұзақ мерзімді көрсеткіштеріне қол жеткізуді ескере отырып, жетекшілік ететін саланың дамуына Инвестициялардың іске асырылуының ықпалын бағалауды (бұл ретте, бағалау нәтижелер көрсеткіштерінің және тиімділік көрсеткіштерінің критерийлері бойынша жүзеге асырылады);
      Инвестицияларды іске асырудан түсетін экономикалық және әлеуметтік қайтарымдылықтың ұзақ мерзімді көрсеткіштеріне қол жеткізу бойынша ақпарат инвестициялық ұсыныста салынған көрсеткіштер негізінде және/немесе Қазақстан Республикасы мемлекеттік органдары тиімділігінің түйінді көрсеткіштерінің байламы негізінде дайындалады;
      4) Инвестициялардың іске асырылуын бағалау нәтижелері туралы есеп дайындауды көздейді.
      Тікелей нәтиже көрсеткіштері Инвестициялардың ҚЭН-де жоспарланған көрсеткіштермен салыстырғанда есепті жылда іс жүзінде орындалған сандық көрсеткіштермен айқындалады.
      Түпкілікті нәтиже көрсеткіштері қол жеткізілген тікелей нәтиженің мемлекеттік орган жетекшілік ететін бюджеттік бағдарламасы мен саланың (аяның, өңірдің) мақсаттарына қол жеткізуіне әсер ету деңгейін (дәрежесін) көздейді.
      Түпкілікті нәтижені айқындау кезінде Инвестициялар есебінен іске асырылатын іс-шараларды іске асырумен байланысты саладағы жағдайдың өзгерісін көрсету қажет.
      Сапа көрсеткіштері көрсетілетін мемлекеттік қызметтің оны алушылардың талаптарына және көрсетілетін мемлекеттік қызмет стандартына сәйкестік дәрежесін көрсетеді.
      Тиімділік көрсеткіштері бюджет қаражатының бекітілген көлемін пайдалана отырып, ең үздік тікелей нәтижеге қол жеткізуді немесе бюджет қаражатының аз көлемін пайдалана отырып, тікелей нәтижеге қол жеткізуді көрсетеді.
      233. Инвестициялардың іске асырылуына бағалау жүргізу үшін ББӘ және мемлекеттік жоспарлау жөніндегі жергілікті уәкілетті органдар осы Қағидаларға 40-45-қосымшаларға сәйкес нысан бойынша мемлекеттік және орыс тілдерінде есепті жылдан кейінгі жылдың 10 маусымынан кешіктірмей жыл сайын ұсынады.
      234. Республикалық инвестициялардың және республикалық бюджеттен нысаналы даму трансферттері мен кредиттер есебінен іске асырылатын Инвестициялардың іске асырылуын бағалау бойынша ақпаратты республикалық бюджеттік бағдарламалар әкімшісі болып табылатын тиісті орталық уәкілетті орган мемлекеттік жоспарлау жөніндегі орталық уәкілетті органға ұсынады.
      235. Жергілікті инвестициялардың іске асырылуын бағалау бойынша ақпаратты мемлекеттік жоспарлау жөніндегі жергілікті уәкілетті органға тиісті уәкілетті жергілікті атқарушы орган ұсынады.
      236. Инвестициялардың іске асырылуына бағалау жүргізу кезінде Инвестициялардың іске асырылуына бағалау жүргізуге мемлекеттік жоспарлау жөніндегі орталық уәкілетті орган Қазақстан Республикасының Үкіметі айқындаған заңды тұлғаны тартады.
      237. Инвестициялардың іске асырылуына бағалау жүргізуге Қазақстан Республикасының Үкіметі айқындаған заңды тұлға Инвестициялардың іске асырылуын бағалауды Инвестициялардың жылдық мониторингін ескере отырып жүргізеді және ақпаратты мемлекеттік жоспарлау жөніндегі орталық уәкілетті органға мемлекеттік және орыс тілдерінде есепті жылдан кейінгі жылдың 20 маусымынан кешіктірмей ұсынады.
      238. Инвестициялардың іске асырылуына бағалау жүргізуге Қазақстан Республикасының Үкіметі айқындаған заңды тұлға республикалық бюджеттік бағдарламалар әкімшілерінен қажетті ақпаратты дербес сұратуға және алуға құқылы.
      239. Мемлекеттік жоспарлау жөніндегі орталық уәкілетті орган Инвестициялардың іске асырылуына бағалау жүргізген кезде Қазақстан Республикасының Үкіметі Инвестициялардың іске асырылуына бағалау жүргізуге айқындаған заңды тұлғаға өз құзыреті шегінде қосымша есептілік түрлерін белгілеуге құқылы.
      Инвестициялардың іске асырылуын бағалау бойынша есепті Қазақстан Республикасының Үкіметі қайтарған және/немесе пысықтау қажет болған жағдайда, мемлекеттік жоспарлау жөніндегі орталық уәкілетті орган мен Қазақстан Республикасының Үкіметі Инвестициялардың іске асырылуына бағалау жүргізуге айқындаған заңды тұлға Қазақстан Республикасы Үкіметінің ұсыныстарын ескере отырып жояды және есепті пысықтайды.
      239-1. Жергілікті бюджеттік бағдарламалар әкімшілері республикалық бюджеттен берілетін нысаналы даму трансферттері мен кредиттер есебінен іске асырылатын Инвестициялардың іске асырылуын бағалау бойынша жиынтық есепті мемлекеттік және орыс тілдерінде есепті жылдан кейінгі жылдың 1 шілдесіне дейін тиісті орталық мемлекеттік органға ұсынады.
      Ескерту. 239-1-тармақпен толықтырылды - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      240. Республикалық Инвестициялар мен республикалық бюджеттен берілетін нысаналы даму трансферттері мен кредиттер есебінен іске асырылатын жергілікті Инвестициялардың іске асырылуын бағалау бойынша жиынтық есепті мемлекеттік жоспарлау жөніндегі орталық уәкілетті орган жыл сайын есепті жылдан кейінгі жылдың 1 тамызына дейін Қазақстан Республикасының Үкіметіне ұсынады.
      Жергілікті Инвестициялардың іске асырылуын бағалау бойынша жиынтық есепті мемлекеттік жоспарлау жөніндегі жергілікті уәкілетті орган жыл сайын есепті жылдан кейінгі жылдың 1 тамызына дейін облыстардың, республикалық маңызы бар қала мен астананың әкімдіктеріне ұсынады.
      241. Ағымдағы және жоспарланатын әлеуметтік-экономикалық және саяси жағдайды ескере отырып, Инвестициялардың іске асырылуын бағалау деректерінің негізінде мемлекеттік жоспарлау жөніндегі орталық уәкілетті орган Қазақстан Республикасының Үкіметіне және жергілікті атқарушы органдарға Инвестицияларды тиімді жүзеге асыру шараларын іске асыру бойынша ұсыныстар мен ұсынымдарды енгізе алады.

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
1-қосымша               

«Инвестициялық ұсыныстың ақпараттық парағы» нысаны

      Ескерту. 1-қосымшаға өзгеріс енгізілді - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

      1. Бюджеттік бағдарлама әкімшісі және іске асыруға ұсынылатын МИЖ жөніндегі деректер
Бюджеттік бағдарлама әкімшісі _______________________________________
МИЖ атауы ___________________________________________________________

Құрамында МИЖ-ді іске асыру көзделген Қазақстан Республикасының белгіленген мемлекеттік, салалық бағдарламаларының және аумақтарды дамыту бағдарламаларының атауы (нақты тармақтарға сілтемелер).

МИЖ-ді іске асыру болжанатын бюджеттік бағдарлама әкімшісінің мақсаттары мен міндеттері.

Инвестицияларды алушы (болған жағдайда) заңды тұлғаның атауы

      2. Ретроспектива (МИЖ бойынша бұрын бөлінген және игерілген қаражат туралы, оның ішінде ағымдағы бағдарламалар бойынша ақпарат)

3.Саланың маркетингтік талдауы

      1) объектілерді құру (салу) мен реконструкциялауды, сондай-ақ ақпараттық жүйелерді енгізу мен дамытуды болжайтын МИЖ үшін қаралатын өңірде жоба (жобалар) болжайтын өнімдерге (тауарларға, жұмыстарға, көрсетілетін қызметтерге) қазіргі кездегі және перспективадағы сұранысты немесе жобаның әлеуметтік-экономикалық қажеттігін талдауды көрсетеді.
      2) квазимемлекеттік сектор субъектілерін жарғылық капиталын қалыптастыру немесе ұлғайту арқылы саланы (салаларды) институционалдық дамытуды болжайтын МИЖ үшін іс-шараларды іске асыру ықпал ететін негізгі көрсеткіштер мен даму серпінін көрсете отырып, іс-шараларды іске асыру болжанатын маркетингтік ортаны талдауды көрсетеді.

      4. Іске асырылуы болжанатын МИЖ-дің жалпы сипаттамасы (МИЖ-ді
жалпы сипаттау басымдылық тәртібінде жеке (жоба бойынша) баяндалады.

      МИЖ-дің мақсаты мен міндеттері:
      1) мақсаты
      (мақсаты Қазақстан Республикасының стратегиялық бағдарламалық құжаттарында белгіленген экономика саласының (аясының) неғұрлым ауқымды міндеттерін / даму басымдықтарын көрсетуі тиіс).
      2) сандық міндеттері
      (жобаның ауқымын айқындауға болатын жобаның санмен өлшенетін міндеттерін көрсетіңіз.
      Белгілі бір сандық көрсеткіштерді ұсыныңыз, мысалы, жобалық қуаты және т.б.)
      3) тікелей және түпкілікті нәтижелер
      (жобаны іске асыру нәтижесінде оларды алушылар үшін өндірілетін өнімнен/көрсетілетін қызметтен болатын әсер, сондай-ақ бизнес (оның ішінде шағын және орта бизнес) субъектілеріне ықпалы. БИЖ-ді іске асырудан түсетін экономикалық және әлеуметтік қайтарымдылықтың ұзақ мерзімді көрсеткіштеріне қол жеткізу бойынша ақпарат инвестициялық ұсыныста салынған көрсеткіштер негізінде және/немесе Қазақстан Республикасы мемлекеттік органдары тиімділігінің түйінді көрсеткіштерінің байламы негізінде дайындалады.

      Жобаның негіздемесі:
      (осы жобаны іске асырудың қажеттігін негіздеңіз;
      аталған жоба іске асырылған жағдайда, осы сала қанша көрсеткішке жоғарылайтындығын көрсетіңіз).

      МИЖ іске асыру кезеңі (белгісіз болса, жобалап көрсетіңіз):
      Іске асыру ұзақтығы: _______________________________________ ай
      МИЖ іске асырудың басталуы: __________ жыл, ________________ ай
      МИЖ іске асырудың болжамды аяқталуы: _______ жыл, __________ ай

      МИЖ (қызметін) пайдалану кезеңі

      МИЖ-дің жалпы құны: ____ мың теңге, оның ішінде (қажет жағдайда толтырылады)
      ТЭН-ді әзірлеу құны _________________________________ мың теңге
      ТЭН-ді түзету құны __________________________________ мың теңге

      Объектіні ұстауға арналған жыл сайынғы шығындар, сондай-ақ постинвестициялық кезең (қаржыландыру көзін көрсете отырып)

      МИЖ-дің іске асырылу орны:
      (МИЖ-дің, оның негізгі құрамдауыштарының іске асырылу орнын көрсетіңіз және МИЖ бойынша шығындарды өңірлерге бөлу)
      1) Елді мекен (ауыл, аудан, қала, облыс, ел)
      2) Баланс ұстаушы* (қажет жағдайда толтырылады)
      3) МИЖ үшін бөлінген жердің болуы* (қажет жағдайда толтырылады)
      иә (жер учаскесі мен сол орында тұрған жылжымайтын мүліктің берілгені жөніндегі шешімнің нөмірі мен күні көрсетіледі);
      жоқ (жер учаскесін сатып алу үшін қажет сома көрсетіледі).
      4) инженерлік-көліктік инфрақұрылымның болуы (теміржол магистральдары, автомобиль жолдары, құбырлар, электр-, жылу желілері, су құбырлары, газ құбырлары және басқа да инфроқұрылым)
      иә (қандай екені көрсетіледі);
      жоқ (қанша қосымша шығындар қажет екені көрсетіледі)

      ескертпе:
      *егер жаңа объекті салынған (құрылысы) жағдайда, келешек меншік иесі көрсетіледі, ал реконструкцияланған жағдайда қазіргі меншік иесі көрсетіледі

      МИЖ сипаттамасы:
      (1 және 2-кестелерге сәйкес жобаның және оның барлық іс-шаралары мен құрамдауыштарының мазмұнын сипаттаңыз)

                                                              1-кесте

                                                              2-кесте

      5. МИЖ-ді институционалдық басқару схемасы
      Негізгі қатысушыларды сипаттау, олардың өзара іс-қимылының схемасы, пайдалар мен шығындарды бөлу, инвестициялық және инвестициялықтан кейінгі кезеңдерде жобаны басқару схемасы, сондай-ақ пайда алушылар (жобаның іске асырылуынан пайда табу мүмкіндігі бар нысаналы топтар мен адамдардың санын көрсетіңіз);

      6. Әлеуметтік және экологиялық әсер ету:
      (жобаның қоршаған орта мен тұрғындарға әсер етуін қысқаша сипаттаңыз)
      Тұрғындардың жұмыспен қамтылуына әсері
      (жобаның іске асырылуына тікелей немесе жанама қатысатын адамдар санын бағалауды ұсыныңыз).

      7. МИЖ-ді қаржыландырудың ықтимал түрлері мен тәсілдері бойынша іске асырудың балама нұсқалары.
      МИЖ-ді іске асыру мүмкіндігін (мүмкін еместігін) тиісті негізделген есептерді қоса бере отырып қаржыландырудың мынадай түрлері мен тәсілдерін жазыңыз:
      1) бюджеттік инвестициялық жоба (көзделген бюджет қаражаты шегінде орындалатын мемлекеттік функциялардың, өкілеттіктер мен көрсетілетін мемлекеттік қызметтер көлемінің сандық сипаттамасы, оларға қол жеткізу аталған функцияларды, өкілеттіктерді жүзеге асыратын немесе қызметтер көрсететін ұйымның қызметіне толық байланысты болады, теңгерім ұстаушысы тікелей бюджеттік бағдарлама әкімшісі болып табылатын әлеуметтік-экономикалық әсердің болуы);
      2) заңды тұлғалардың жарғылық капиталына мемлекеттің қатысуы арқылы іске асыру жоспарланатын бюджеттік инвестициялар (көзделген бюджет қаражаты шегінде орындалатын мемлекеттік функциялардың, өкілеттіктер мен көрсетілетін мемлекеттік қызметтер көлемінің сандық сипаттамасы, оларға қол жеткізу аталған функцияларды, өкілеттіктерді жүзеге асыратын немесе қызметтер көрсететін ұйымның қызметіне толық байланысты болады және/немесе Инвестицияларды алушының белгілі бір көлемдегі және сападағы өнімді өндіруі);
      3) бюджеттік кредит (ақпаратты бюджеттік кредиттеу қағидаттарына сәйкестігі тұрғысынан көрсету, оның ішінде:
      бюджеттік кредитті кредит шартына сәйкес өтеу міндеттілігін көздейтін қайтарымдылық;
      міндеттемелердің орындалуын Қазақстан Республикасының заңнамасында белгіленген тәсілдермен қамтамасыз етудің болуын көздейтін қамтамасыз етілу;
      бюджеттік кредитті бергені үшін қарыз алушының сыйақы төлеуін көздейтін ақылылық;
      бюджеттік кредитті беру мерзімін белгілеуді көздейтін мерзімділік);
      4) концессиялық жоба (ақпаратты мынаған сәйкес көрсету:
      «Концессиялар туралы» Қазақстан Республикасының Заңында белгіленген концессия қағидаттарын сақтау;
      жобаны концессия схемасы бойынша іске асырудың әлеуметтік тиімділігі;
      жобаны концессия схемасы бойынша іске асырудың экономикалық тиімділігі;
      концессия схемасы бойынша ұсынылатын шешімдердің негізделуі.);
      5) жеке инвестициялар (ақпаратты МИЖ-дің жоғары өтімділігіне сәйкестігі тұрғысынан көрсету).

Байланыс деректемелері
Т.А.Ә.: _____________________________________________________________
Лауазымы: ___________________________________________________________
Бөлімше/ұйым: _______________________________________________________
Мекенжайы: __________________________________________________________
Байланыс телефоны: __________________________________________________
Факс: _______________________________________________________________
Электрондық почта: __________________________________________________

______________________________________________________ М.О. _________
Мемлекеттік орган басшысының Т.А.Ә.                            қолы

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
2-қосымша               

      Ескерту. 2-қосымшаға өзгеріс енгізілді - ҚР Үкіметінің 26.09.2014 № 1029 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

                                                              1-кесте

«Жобаның қаржылық-экономикалық моделінің базалық параметрлері» нысаны

      Ескертпе:

      4-жолда қаржылық және экономикалық тиімділік көрсеткіштерін есептеуде қолданылатын Қазақстан Республикасының Ұлттық Банкінің қайта қаржыландыруын ТЭН әзірленген кездегі (бірақ 6 айдан аспайды) ресми мөлшерлемесі көрсетіледі.
      5-жолда қаржылық және экономикалық тиімділік көрсеткіштерін есептеуде қолданылатын Қазақстан Республикасының ақша-кредит саясаты көрсеткіштерінің және/немесе макроэкономикалық көрсеткіштерінің орта мерзімді болжамына сәйкес инфляция деңгейі көрсетіледі. Бұл ретте, келесі постинвестициялық кезең ішінде Қазақстан Республикасының ақша-кредит саясаты көрсеткіштерінің және/немесе макроэкономикалық көрсеткіштерінің орта мерзімді болжамына сәйкес көрсетілген соңғы жылға арналған инфляция деңгейі қабылданады.
      6-жолда қаржылық және экономикалық тиімділік көрсеткіштерін есептеуде қолданылатын Қазақстан Республикасының қолданыстағы Салық кодексіне сәйкес ТЭН әзірленген кездегі салық мөлшерлемелері көрсетіледі.
      7-жолда қаржылық және экономикалық тиімділік көрсеткіштерін есептеуде қолданылатын Қазақстан Республикасының қолданыстағы заңнамасына сәйкес ТЭН әзірленген кездегі амортизация нормалары көрсетіледі.

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
2-қосымша               

                                                              2-кесте

«Жобаның экономикалық тиімділігінің көрсеткіштерін есептеу»
нысаны

________________________________________________ М.О. _______________
Мемлекеттік орган басшысының Т.А.Ә.                          қолы

      Ескертпе:
      1-тармақтың 1) тармақшасында инвестициялықтан кейінгі кезең ішінде жобаны іске асыруға байланысты барлық ақша ағымдар мен төлемдер көрсетіледі.
      1-тармақтың 2) тармақшасында жобаны іске асырумен байланысты барлық пайдалар, оның ішінде барлық инвестициялықтан кейінгі кезеңге айқындалатын қосымша әлеуметтік-экономикалық, экономика саласында сабақтас салаларындағы (аяларындағы) экологиялық әсерлер көрсетіледі. Барлық пайдалар ақшалай балама түрінде келтіріледі (мың теңге).
      1-тармақта тікелей ақшалай ағымның және жанама экономикалық пайдалардың жиынтық бағасы көрсетілді.
      2-тармақтың 1) тармақшасында инвестициялық кезеңге салынатын барлық ақшалай салымдардың, оның ішінде жобалау-іздестіру жұмыстарының, жер учаскесін сатып алу немесе жалға алу, оның құрылысқа бөлінуі және игерілуінің құнын, аумақтарды құрылыс және құрылыс-монтаждау жұмыстарына дайындау бойынша жұмыстардың, жабдықтардың және басқалардың құны ескеріле отырып, жобаның құны көрсетіледі.
      2-тармақтың 2) тармақшасында объекті пайдалануға берілген сәттен бастап оны сүйемелдеуге және/немесе ұстауға бағытталған барлық ақшалай шығындар көрсетіледі.
      2-тармақтың 3) тармақшасында барлық болжалды, оның ішінде жобаны іске асырудың салдарларына байланысты әлеуметтік-экономикалық, экологиялық және пайдалану шығындарын қоспағанда, экономиканың сабақтас салаларындағы (аяларындағы) шығындар көрсетіледі. Барлық шығындар ақшалай баламасында келтіріледі (мың теңге).
      2-тармақта жобаның инвестициялық және пайдалану шығындарының, жанама экономикалық шығындардың жиынтық құны көрсетіледі.
      3-тармақта экономикалық пайда мен шығындардың арасындағы айырмашылықтар көрсетіледі.
      4-тармақта таза экономикалық ағынды мына формула бойынша есептелетін:

1
k = -------
(1+r)i

      коэффициентке көбейту жолымен алынған мәндер көрсетіледі.

      r – осы қосымшаның 1-кестесінде көрсетілген дисконтталған мөлшерлеме;
      i – жобаны іске асыру жылының реттік нөмірі (1-ден n-ге дейін).
      5-тармақта 4-тармақта келтірілген таза дисконтталған экономикалық ағымды қосу арқылы алынған мән көрсетіледі.
      6-тармақта экономикалық таза дисконтталған кіріс нөлге тең болған кездегі дисконттау мөлшерлемесін табу жолымен алынған мән көрсетіледі.

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
3-қосымша               

«Инвестициялық ұсынысқа экономикалық қорытынды» нысаны

      Тұжырымдар (мемлекеттік инвестициялық жобаларды бюджеттен қаржыландырудың ықтимал түрі мен тәсілдерін айқындау).

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
4-қосымша               

«Бюджеттік инвестициялық жобаның қысқаша сипаттамасы» нысаны

      Ескертпе:
      7-жолда әрбір іс-шара бойынша іс-шаралар мен жұмыс түрлері көрсетіледі.
      8-жолда: ауқымы – белгілі уақыт кезеңінде жобаның қуаттылығына қол жеткізу үшін қажетті, мәндердің сандық сипаттамасы; жобаның қуаттылығы – жобаның нысаналы мақсатын (халықтың өмір сүру, әлеуметтік саланың, экономиканың, қоғамдық қауіпсіздіктің және басқа мемлекеттік басқарудың салаларының (аяларының) деңгейі мен сапасын сипаттайтын және жоба ауқымына негізделген, инвестициялықтан кейінгі кезеңде қол жеткізілетін сандық шама (тауарлар шығару, жұмыстар мен қызметтер) көрсетіледі.
      10-жолда шеңберінде жобаны іске асыру жүзеге асырылатын нормативтік құқықтық актілер көрсетіледі.
      12-жолда:
      Республикалық бюджет – республикалық бюджеттік инвестициялық жобалар бойынша, сондай-ақ республикалық бюджеттен нысаналы даму трансфертер және республикалық бюджеттен кредиттер есебінен қаржыландырылуы жоспарланған жергілікті бюджеттік инвестициялық жобалар бойынша ТЭН іс-шараларын іске асыруға сұратылатын сома;
      жергілікті бюджет – жергілікті бюджеттік инвестициялық жобалар бойынша ТЭН іс-шараларын жүзеге асыруға, сондай-ақ жүзеге асырылуы үшін жоғарыда тұрған бюджеттен нысаналы даму трансферттері бөлінетін жергілікті бюджеттен жергілікті бюджеттік инвестициялық жобаларды қосымша қаржыландыру кезінде сұралатын (жоспарланатын) сома;
      өзге көздер – Қазақстан Республикасының мемлекеттік кепілдігімен берілетін мемлекеттік емес қарыздар қаражаты есебінен қаржыландырылуы болжанған инвестициялық жобалар бойынша жоспарланған сома.
      15-жолда ақпараттандыру саласындағы жобалар бойынша:
      жобаның өнімділігіне қойылатын талаптар, оның ішінде қажетті қайта жауап беру уақыты (жүйенің тұтынушының іс-қимылына жауап беруі), өткізу қабілеттілігі (жүйе қанша сұрату өңдей алады) және жобаның істен шығуына қойылатын талап уақытының бірлігіне сұратулардың ең көп саны, оның ішінде 1 жылдағы жоспарлы қызмет көрсету көлемі, 1 жылдағы істен шығуға орташа жұмыс атқаруы, істен шыққан жағдайда қосымшаның жұмысқа қабілеттілігін қалпына келтіру уақыты көрсетіледі.
      16-жолда ақпараттандыру саласындағы жобалар бойынша, ақпараттық жүйелерді әзірлеу/дамытуда қазақстандық қамтудың үлесін қоса алғанда, жобаның жұмысында, тауарлары мен қызметтерінде қазақстандық қамтудың жоспарланатын көлемі көрсетіледі.

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
5-қосымша               

«______________________ жобасының құрамдауыштары бойынша
қаржыландыруды бөле отырып,
жобаны іске асыру кестесі
(оның ішінде технологиялық кезеңдер бойынша)» нысаны

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
6-қосымша               

«______________ жобасының институционалдық схемасы» нысаны

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
7-қосымша               

«_______________________ жобасының қаржы-экономикалық
моделінің базалық параметрлері» нысаны

      Ескертпе:
      4-жолда қаржылық және экономикалық тиімділік көрсеткіштері есептеулерінде қолданылатын ТЭН-ді әзірлеген кезде (бірақ 6 айдан артық емес) Қазақстан Республикасының Ұлттық Банкін қайта қаржыландырудың ресми мөлшерлемесі көрсетіледі.
      5-жолда қаржылық және экономикалық тиімділік көрсеткіштері есептеулерінде қолданылатын Қазақстан Республикасының ақша-кредит саясаты көрсеткіштерінің және/немесе макроэкономикалық көрсеткіштерінің орта мерзімді болжамына сәйкес инфляция деңгейі көрсетіледі. Бұл ретте, келесі инвестициялық кезеңнен кейінгі кезең ішінде Қазақстан Республикасының ақша-кредит саясаты көрсеткіштерінің және/немесе макроэкономикалық көрсеткіштерінің орта мерзімді болжамына сәйкес көрсетілген соңғы жылға арналған инфляция деңгейі қабылданады;
      6-жолда қаржылық және экономикалық тиімділік көрсеткіштері есептеулерінде қолданылатын ТЭН-ді әзірлеген кезде Қазақстан Республикасының қолданыстағы Салық кодексіне сәйкес салық мөлшерлемелері көрсетіледі.
      7-жолда қаржылық және экономикалық тиімділік көрсеткіштері есептеулерінде қолданылатын ТЭН-ді әзірлеген кезде Қазақстан Республикасының қолданыстағы заңнамасына сәйкес амортизация нормалары көрсетіледі.
      8-жолда мынадай сипаттамаларға жауап беретін қаржылық және экономикалық тиімділік көрсеткіштері есептеулерінде қолданылатын көрсеткіштер көрсетіледі:
      ұлттық шоттар жүйесінде деректердің болуы;
      мемлекеттік, стратегиялық, бағдарламалық құжаттармен, оның ішінде мемлекеттік органның стратегиялық құжаттарында белгіленген нысаналы мәндердің болуы.
      9-жолда қаржылық және экономикалық тиімділік көрсеткіштері есептеулерінде қолданылатын Қазақстан Республикасының макроэкономикалық көрсеткіштерінің орта мерзімді болжамына сәйкес макроэкономикалық индикаторлардың мәндері көрсетіледі. Сондай-ақ экономиканың макроэкономикалық дамуының шешуші немесе интеграцияланған индикаторын қолдануға болады (егер оны көрсету мүмкін болған жағдайда). Мысалы, ауыл шаруашылығының жалпы өнімінің көлемі, өнеркәсіптік өнімдердің көлемі, мұнайдың әлемдік бағалары (Brent қоспасы) және басқалар.
      10-жолда қаржылық және экономикалық тиімділік көрсеткіштері есептеулерінде қолданылатын басқа да көрсеткіштер (параметрлер) көрсетіледі.

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
8-қосымша               

«_______________ жобасының қаржылық тиімділігі көрсеткіштерін
есептеу» нысаны

      Ескертпе:
      1-жолда инвестициялық кезеңнен кейінгі кезең ішінде жобаны іске асырумен байланысты барлық ақшалай түсімдер мен төлемдер көрсетіледі.
      2-жолда инвестициялық кезеңдегі барлық ақша салымдарын, оның ішінде жобалау-іздестіру жұмыстарының, жер учаскесін сатып алу немесе жалға алу, құрылыс салу үшін жерді бөлу және игеру құны, аумақты құрылысқа дайындау жөніндегі жұмыстардың және құрылыс-монтаж жұмыстарының, жабдықтардың және т.б. құнын ескере отырып, жобаның құны көрсетіледі.
      3-жолда объекті пайдалануға берілген кезден бастап, оны сүйемелдеуге және/немесе ұстауға бағытталған барлық ақшалай шығындар көрсетіледі.
      4-жолда 9-қосымшада келтірілген тәуекел құнының шамаларын қосу арқылы айқындалған ақша баламасындағы (мың теңге) жоба тәуекелдерінің жиынтық құны көрсетіледі.
      5-жолда тікелей ақша ағындары мен шығындары арасындағы айырмашылық көрсетіледі:

5-жол = 1-жол – 4-жол.

      6-жолда мынадай формула бойынша есептелетін коэффициентке таза ақша ағынын көбейту жолымен алынған шамалар көрсетіледі:

1
k = -------
(1+r)i

      r – 7-қосымшада келтірілген дисконттау мөлшерлемесі;
      i – жоба іске асырылатын жылдың (1-ден бастап n-ге дейін) реттік нөмірі.
      7-жолда 6-жолда келтірілген таза дисконтталған ақша ағынын жинақтау арқылы алынған шама көрсетіледі.
      8-жолда таза дисконтталған табыс (8-жол) нөлге тең болатын дисконттау мөлшерлемесін табу арқылы алынған шама көрсетіледі.
      9-жолда таза ақша ағынының есебінен инвестициялық шығындарды төлеу үшін талап етілетін уақыт кезеңін (жылдар, айлар) белгілеу арқылы алынған шама көрсетіледі.
      10-жолда таза дисконтталған ақша ағыны есебінен инвестициялық шығындарды жабу үшін талап етілетін уақыт кезеңін (жылдар, айлар) белгілеу арқылы алынған шама көрсетіледі.

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
9-қосымша               

«__________________ жобасының таза дисконтталған табыс
(NPV) және кірістіліктің ішкі нормасы (IRR) сезімталдығын
талдау нәтижелері» нысаны

«Өткізу көлемі» көрсеткіші бойынша

«Өткізу бағасы» көрсеткіші бойынша

«Инвестициялық шығасылар көлемі» көрсеткіші бойынша

«Пайдалану шығасыларының көлемі» көрсеткіші бойынша

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
10-қосымша               

«________________ жобасының ең аз шығындарын талдау
көрсеткіштері» нысаны

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
11-қосымша               

«Жоба шығындарының тиімділігін талдауға
арналған көрсеткіштер ______________________» нысаны

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
12-қосымша               

«_________________ жобасының экономикалық тиімділігінің
көрсеткіштерін есептеу» нысаны

      Ескертпе:
      1-жолда инвестициялық кезеңнен кейінгі кезең ішінде жобаны іске асырумен байланысты ақшалай барлық келіп түскен түсімдер мен төлемдер көрсетіледі.
      2-жолда жобаны іске асырумен байланысты барлық табыстар, оның ішінде инвестициялық кезеңнен кейінгі барлық кезең үшін айқындалатын қосымша әлеуметтік-экономикалық, аралас салалардағы (аялардағы) экологиялық әсерлер көрсетіледі. Барлық пайдалар ақша баламасында (мың теңге) келтіріледі.
      3-жолда тікелей ақша ағындары мен жанама экономикалық пайдалардың жиынтық сомасы көрсетіледі.
      4-жолда инвестициялық кезеңдегі барлық ақша салымдарын, оның ішінде жобалау-іздестіру жұмыстарының, жер учаскесін сатып алу немесе жалға алу, құрылыс салу үшін жерді бөлу және игеру құны, аумақты құрылысқа дайындау жөніндегі жұмыстардың және құрылыс-монтаж жұмыстарының, жабдықтардың және т.б. құнын ескере отырып, жобаның құны көрсетіледі.
      5-жолда объекті пайдалануға берілген кезден бастап, оны сүйемелдеуге және/немесе ұстауға бағытталған барлық ақшалай шығындар көрсетіледі.
      6-жолда барлық болжанатын шығындар, оның ішінде әлеуметтік-экономикалық, экологиялық және пайдалану шығындарын қоспағанда, жобаны іске асырудың салдарына байланысты, экономиканың аралас салаларындағы (аяларындағы) шығындар көрсетіледі. Барлық шығындар ақша баламасында (мың теңге) келтіріледі.
      7-жолда 9-қосымшада келтірілген тәуекел құнының шамаларын қосу арқылы айқындалған ақша баламасындағы (мың теңге) жоба тәуекелдерінің жиынтық құны көрсетіледі.
      8-жолда инвестициялық және пайдалану шығындарының, жанама экономикалық шығындардың және жоба тәуекелдерінің жиынтық құны көрсетіледі.
      9-жолда экономикалық пайдалар мен шығындар арасындағы айырмашылық көрсетіледі.
      10-жолда мынадай формула бойынша есептелетін коэффициентке таза экономикалық ағынды көбейту жолымен алынған шамалар көрсетіледі:

1
k = -------
(1+r)i

      r – 7-қосымшада келтірілген дисконттау мөлшерлемесі;
      i – жоба іске асырылатын жылдың реттік нөмірі (1-ден бастап n-ге дейін).
      11-жолда, 10-жолда келтірілген таза дисконтталған экономикалық ағынды жинақтау арқылы алынған шама көрсетіледі.
      12-жолда экономикалық таза дисконтталған табыс нөлге тең болатын дисконттау мөлшерлемесін табу арқылы алынған шама көрсетіледі.

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
13-қосымша               

«_______________________ жобасының экономикалық таза
дисконтталған табыс (ENPV) және кірістіліктің экономикалық
ішкі нормасы (EIRR) сезімталдығын талдау нәтижелері» нысаны

«Өткізу көлемі» (сұраныс) көрсеткіші бойынша

«Инвестициялық шығасылардың көлемі» көрсеткіші бойынша

«Пайдалану шығасыларының көлемі» көрсеткіші бойынша

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
14-қосымша               

«_______________________ жобасының тәуекелдері» нысаны

      Ескертпе:
      1-бағанда әрбір тәуекел үшін 0-ден 1-ге дейінгі үлестерде тәуекелдің (қолайсыз оқиғаның) басталу ықтималдығы көрсетіледі. Ықтималдық мынадай әдістердің біреуі арқылы айқындалады:
      сараптамалық бағалаулар әдісі;
      нормативтік әдіс (негіздемелік нормативтік және әдістемелік құжаттар негізінде);
      ұқсастықтар әдісі (ұқсас инвестициялық жобаларды талдау);
      статистикалық әдіс;
      басқалары.
      2-бағанда тәуекелдің басталуынан болатын залалдың шамасы ақшалай баламада (теңге) көрсетіледі. Залалдың шамасы мынадай әдістердің біреуі арқылы айқындалады;
      сараптамалық бағалаулар әдісі);
      нормативтік әдіс (негіздемелік нормативтік және әдістемелік құжаттар негізінде);
      ұқсастықтар әдісі (ұқсас инвестициялық жобаларды талдау;
      басқалары.
      3-бағанда ақшалай баламадағы (теңге) тәуекелдің құны көрсетіледі. Әрбір тәуекелдің құны басталу ықтималдығын тәуекелдің басталуынан болатын залалға көбейту арқылы айқындалады.
      4-бағанда әрбір тәуекелді азайту жөніндегі болжанған іс-шаралар көрсетіледі.
      5-бағанда әрбір тәуекелді азайту жөніндегі іс-шараларды іске асырудың институционалдық схемасына сәйкес жобаның жауапты қатысушылары көрсетіледі.
      «Жиыны» деген жолда жоба тәуекелдерінің ақшалай баламадағы (теңге) жиынтық құны көрсетіледі. Жоба тәуекелдерінің жиынтық құны тәуекел құнының шамаларын қосу арқылы айқындалады.

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
15-қосымша               

«Бюджеттік инвестициялық жобаға экономикалық қорытынды» нысаны

      Қорытындылар:
      (Саланың стратегиялық даму бағыттарын орындауға жобаның оң және теріс ықпалы көрсетіледі).

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
16-қосымша               

«Сметалық құнын ұлғайту болжанатын жоба бойынша салыстырма
кесте» нысаны

___________________________________________________ М.О. ____________ Мемлекеттік орган басшысының Т.А.Ә.                           қолы

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
17-қосымша               

«Инвестициялар паспорты» нысаны

      Ескертпе: * және ** - көрсетілген жолдар Қорытындыны ресімдеу кезінде толтырылмайды.

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
18-қосымша               

«Қатысушылар туралы ақпарат» нысаны

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
19-қосымша               

«Сатып алынатын (құрылатын) активтердiң құны мен
сипаттамалары» нысаны

      Ескертпе: * – Сатып алынатын (құрылатын) активтiң негiзгi техникалық сипаттамалары көрсетiледi, мысалы: қозғалтқыштың көлемi, қуат, жүк көтергiштiгi, ұзақтығы, өнімділiгi, ауданы және т.б. Сатып алынатын (құрылатын) активтiң бестен аспайтын негiзгi техникалық сипаттамалары келтiрiледi.

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
20-қосымша               

«Өнім өндіру бағдарламасы» нысаны

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
21-қосымша               

«Өнімді өткізу бағдарламасы» нысаны

      Ескертпе: - егер қаржылық қызмет көрсетiлетін болса, кредиттiк ресурстарды орналастырудың пайыздық мөлшерлемесі, бір жүзге дейiн дөңгелектей отырып, көрсетiледi, мысалы: 4,56 %

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
22-қосымша               

«Қаржы моделіне қойылатын талаптар» нысаны

      1. Қаржы моделінің функционалдық мүмкіндіктеріне қойылатын талаптар:
      1) қаржы моделі Microsoft Excel форматында (97 немесе одан кейінгі нұсқада) жасалуы тиіс. Қаржы моделі файлының атауы дайындалған күнін анық көрсетуі тиіс;
      2) қаржы моделінің ешбір бөлігі жасырылған, қорғалған, тосқауыл қойылған немесе өзге де жолмен қарауға және өзгерістер енгізуге қолжетімсіз болмауы тиіс;
      3) қаржы моделінің құрылымы түсінікті және қисынды болуы керек. Бастапқы деректер (жорамалдар), қаржы болжамдары мен аралық есептеулер, қаржы болжамдардың нәтижелері дәйекті түрде ұсынылуы тиіс; көрсетілген элементтер көрнекі түрде бір-бірінен бөлек тұруы, алайда есептеу формулаларымен өзара байланысты болуы тиіс;
      4) формулалардың құрамындағы есептеулерде пайдаланылатын барлық элементтер жорамалдарды (бастапқы деректерді) қамтитын ұяшықтарға немесе формулаларды қамтитын ұяшықтарға қолданыстағы сілтемелер болуы тиіс. Сыртқы файлдарға (ҚЭН құрамында ұсынылмаған) сілтемелер болмауы тиіс. Ерекше жағдайларда, осы қағидалардан шегіну фактісі мен себебі қаржы моделінің сипаттамасында көрсетілуі тиіс;
      5) қаржы моделі бастапқыда қалыптасқан жорамалдарға өзгерістер енгізуге жол бере отырып, мұндай өзгерістер енгізілген жағдайда қаржы болжамдарын автоматты түрде түзетуі тиіс. Қаржы моделі модельдің барлық жорамалдарының (бастапқы деректерінің) өзгеруіне қаржы болжамдары нәтижелерінің сезімталдығына талдау жүргізуге мүмкіндік беру үшін құрылуы тиіс;
      6) егер қаржы моделінде алынған қаржы көрсеткіштері бір немесе одан да көп базалық модельдерге негізделсе, онда бұл базалық модельдер мен қаржы моделі арасындағы серпінді байланыстарды кез-келген базалық модельге өзгерістер енгізген кезде қаржы моделінің жаңартылуы үшін қамтамасыз ету қажет;
      7) қаржы моделі жеткілікті дәрежеде нақтыланған болуы, яғни өнімнің негізгі түрлері, өңірлер, өндірістік бірліктер, кезеңдер, кірістер мен шығындар баптары және т.б. (егер орынды болса) бойынша бөліністерді қамтуы тиіс. Сонымен бірге, қаржы моделі ақпаратты интеграцияланған түрде беруі тиіс, нақты айтқанда, оның құрамында бір-бірімен өзара байланысты пайдалар мен шығындар туралы болжамды есеп, болжамды теңгерім, ақша қаражатының қозғалысы туралы болжамды есеп болуы тиіс;
      8) болжамды қаржы есептілігінің нысандары мен аралық есептер бір-біріне қайшы келмеуі тиіс;
      9) қаржы моделі есептеулер мен форматтауда біркелкілік және дәйектілік қағидатына жауап беруі тиіс. Қаржы моделіндегі қаржы көрсеткіштерін (коэффициентерін) есептеу формулалары қаржы моделінің барлық бөліктері мен кезеңдері үшін өзгеріссіз болуы тиіс;
      10) сыртқы файлдардың санын азайту қажет (кем дегенде 5-уіне (бесеуіне) жол беріледі). Қаржы моделімен формулалар арқылы байланысқан барлық сыртқы файлдар, сондай-ақ ҚЭН-нің мәтіндік бөлігіндегі графиктер, кестелер және диаграммалар құрастырылған сыртқы файлдар қаржы моделіне қосымша ретінде ұсынылуы тиіс. Сыртқы файлдар мен қаржы моделі арасындағы байланыс және сыртқы файлдардың арналуы қаржы моделінің сипаттамасында ашылуы тиіс.
      2. Қаржы моделінің бастапқы деректерінің (жорамалдарының) құрамына қойылатын талаптар:
      1) қаржы болжамдарына негіз болған бастапқы деректер (жорамалдар) қаржы моделінің сипаттамасында немесе ҚЭН мәтіндік бөлігінде ұсынылуы тиіс;
      2) қаржы моделінің бастапқы деректерінің (жорамалдарының) қатарында мыналар (олар ҚЭН іс-шараларына қолданылған жағдайда) көрсетілуі тиіс:
      Қаржы болжамдарын құруда пайдаланылатын негізгі әдістемелік болжамдар, оның ішінде:
      жобаның қолданылу мерзімі;
      болжамды кезең ұзақтығы;
      болжамды кезеңнің алғашқы сәті;
      болжам қадамы (ең аз: инвестициялық кезең үшін – бір тоқсан;
      операциялық кезең үшін - бір жыл);
      ақша ағындарының типі (номиналды) және ақша ағындарының қорытынды валютасы;
      дисконттау мөлшерлемесінің түрі және оны есептеу әдісі;
      қорытынды құнды есептеу әдістемесі (болжамды кезеңнен кейінгі болжамды өсу қарқынын көрсете отырып);
      өзге де түйінді әдістемелік болжамдар.
      Макроэкономикалық деректер (инфляция, айырбас бағамдарын, нақты жалақының өсуі және с.с. болжамдары).
      Күрделі салымдар болжамы.
      Сату көлемінің және өндіріс көлемінің (түсімді айқындайтын өзге де сандық факторлардың) болжамы.
      Дайын өнімдер/көрсетілетін қызметтер бағаларының/тарифтерінің болжамы.
      Шығарылатын бірлікке ресурстар шығысының нормалары.
      Өзіндік құнына елеулі үлес қосатын негізгі шикізат пен материалдар және басқа да шығындар бағаларының болжамы, өзге де ауыспалы шығындардың болжамы.
      Персоналға шығындардың болжамы (штат кестесі немесе еңбекақы төлеудің жоспарланатын индексациялары мен штаттың ұлғаюын ескере отырып персоналға шығындар бюджеті).
      Шартты түрде тұрақты шығындар болжамы.
      Контрагенттермен есеп айырысу шарттары (өнім берушілермен және мердігерлермен, сатып алушылармен, бюджетпен, персоналмен есеп айырысудың мерзімін ұзарту және алдын-ала төлемдер) және/немесе айналымдылық нормативтері.
      Салық алғышарттары: салық заңнамасында күтілетін өзгерістерді ескере отырып қолданыстағы заңнамаға сәйкес (салық, база, мөлшерлеме, төлеу тәртібі) төлеуге жататын салық және басқа да міндетті төлемдер (баждар, міндетті сақтандыру жарналары және т.б.) туралы ақпарат.
      Есепке алу саясатының алғышарттары (амортизация, шығындарды капиталдандыру, резервтерді құру, түсімді тану бойынша саясат).
      Қаржыландырудың болжамды құрылымы, қарыздық қаржыландыру шарттары (пайыздық мөлшерлемелер, қарызды алу және қызмет көрсету кестесі).
      Осы сала мен жоба типі үшін маңызды өзге де бастапқы деректер мен алғышарттар.
      3. Қаржы болжамдары нәтижелерінің құрамына қойылатын талаптар:
      1) болжамды қаржы есептілігі Инвестицияларды алушы үшін жасалады және басқарушылық есептілік сипатына ие, атап айтқанда:
      көлемі жоба ауқымдарында салыстырмалы түрде елеусіз болып табылатын кейбір баптар біріктірілуі мүмкін;
      амортизация бөлек көрсетілуі тиіс және жалпы пайданы есептеу кезінде түсімнен шегерілмеуі тиіс;
      2) болжамды қаржы есептілігінің мынадай нысандары міндетті түрде ұсынылуы тиіс: ақша қаражатының қозғалысы туралы болжамды есеп, кірістер мен шығындар туралы болжамды есеп, болжамды теңгерім.
      Кірістер мен шығындар туралы болжамды есеп есептеу тәсілімен (accrual base) жасалуы тиіс және оның ішінде мынадай қаржы көрсеткіштерін қамтуы тиіс: түсім, жалпы пайда, жалпы рентабельділік, EBITDA (амортизация, пайыздар мен салықтар шегерілгенге дейін операциялық пайда), EBIT (пайыздар мен салықтар шегерілгенге дейін операциялық пайда), таза пайда, таза рентабельділік. Егер жобаның салалық немесе өзге ерекшеліктеріне байланысты осы көрсеткіштер ұсынылмаса, қаржы моделінің сипаттамасында олардың болмау фактісі мен себептерін көрсету қажет.
      Ақша қаражатының қозғалысы туралы болжамды есеп операциялық, инвестициялық және қаржылық қызметтен ақша ағындарын қамтуы тиіс. Пайыздар мен дивидендтер төлеу және алуға байланысты ақша ағындары бөлек жолмен көрсетілуі тиіс.
      Болжанатын борыштық қаржыландыру жағдайында анықтама ретінде қарызға қызмет көрсеткенге дейінгі бос ақша ағындары (CFADS) келтірілуі тиіс.
      Сондай-ақ өзге есептер ұсынылуы мүмкін.
      4. Қаржы болжамдарын құрастыру бойынша әдістемелік нұсқаулар:
      1) тек Инвестицияларды Алушының (-мен) билігіне келіп түсетін (жұмсалатын) ақша ағындары болжанады;
      2) жобаға байланысты, болжамды кезеңнің алғашқы сәтіне дейін жүзеге асырылған шығындар болжамды қаржы ағындарында ескерілмеуі тиіс, бірақ Инвестицияларды Алушының теңгерімінде активтер түрінде ескерілуі мүмкін;
      3) қаржыландыруды тарту кестесі ҚЭН іс-шараларын іске асыру кестесіне байланыстырылуы тиіс, қаржы қызметі бойынша ақша ағындары операциялық және инвестициялық қызметтен ақша ағындарының негізінде болжануы тиіс;
      4) қарыздық қаржыландыруды тарту кезінде қарызға қызмет көрсету бойынша төлемдер болжануы тиіс (есептелген пайыздардың төлемін кейінге қалдыру мүмкіндігін ескере отырып);
      5) ақша ағындарын олар іске асырылатын (түсімдер және төлемдер жүргізіледі) валюталарда болжау және содан кейін оларды бірыңғай қорытынды валютаға келтіру ұсынылады. Ақша ағындарының көп бөлігі түсетін валютаны қорытынды валюта ретінде таңдау ұсынылады;
      6) пайыздар мен дивидендтерді алу және төлеумен негізделген ақша қаражатының қозғалысы туралы ақпаратты бөлек жолдармен ашқан жөн;
      7) егер жобаның қолданылу мерзімінің соңында Инвестицияларды Алушыны немесе инвестициялау объектісін жою немесе инвестициялау объектісін пайдаланудан түсетін кірістерді алуға және шығындарды көтеруге құқықтарды өзге адамға беру болжанады, көрсетілген жою немесе құқықтарды беруге байланысты (оның ішінде экология және жер қойнауын пайдалану туралы заңнаманың, сондай-ақ еңбек заңнамасының талаптарына сәйкес) шығындар мен кірістер Инвестицияларды Алушының ақша ағындарында ескерілуі тиіс;
      8) Инвестицияларды Алушының ұсынылатын болжамды шоғырландырылған және жеке қаржы есептілігін, сондай-ақ қаржы моделін жоспарлау шегі:
      9) Инвестициялар есебiнен сатып алуға жоспарланатын активтердің қызметі немесе бірінші күрделі жөндеу мерзіміне дейін;
      10) Инвестицияларды қаржы қызметтерін көрсету үшін айналым қаражатын толықтыруға бағыттаған жағдайда жобаның өтімділік мерзімінен кем болмауы тиіс.
      Жобаның қолданылу мерзімін инвестициялау объектісін құру, кейіннен пайдалану және (егер заңнамаға немесе қатысушылардың арасында жасалған шарттарға сәйкес талап етілсе) жою немесе инвестициялау объектісін пайдаланудан түсетін кірістерді алу мен шығындарды көтеруге құқықтарды өзге адамға беру болжанатын, экономикалық тұрғыдан орынды (жобаның таза дисконтталған кірісін (NPV) барынша арттыратын), техникалық тұрғыдан жүзеге асырылатын және заңды түрде жол берілетін кезеңде айқындау ұсынылады.
      Дисконттау мөлшерлемесі және дисконтталатын ақша ағындары бір типке (жалпы жобаға немесе тек қана жеке меншік иелеріне есептелген) және түрге (инфляцияны ескере отырып немесе ескермей) жатуы тиіс. Дисконттау мөлшерлемесі ақша ағындарының валютасы сияқты валютада көрсетілген инвестициялар үшін талап етілетін кірістілікті қамтуы тиіс.
      Жобаның таза дисконтталған кірісі (NPV) есептеу кезінде барлық ақша ағындары, қорытынды құнды (қорытынды ақша ағыны) қоса алғанда, дисконттау арқылы болжамды кезеңнің бастапқы сәтіне келтірілуі тиіс.
      5. Қаржы көрсеткіштерінің (коэффициенттерінің) тұрақтылығын бағалау:
      1) қаржы көрсеткіштерінің (коэффициенттерінің) тұрақтылығын бағалау үшін сезімталдықты талдау - сезімталдықтың шешуші факторлары өзгеруінің қаржылық болжамдардың нәтижелеріне әсер ету дәрежесін бағалау тәсілі қолданылады. Егер сезімталдықты талдау жеке қауіптерді өлшеуге/көрсетуге мүмкіндік бермесе, өзге тәсілдер, оның ішінде зиянсыздық нүктесін есептеу, Монте-Карло тәсілі, сценарийлік талдау, факторлық талдау және т.б. қолданылады;
      2) сезімталдықтың шешуші факторларына қаржы моделінің жорамалдары (бастапқы деректері) жатады, олардың нақты мәндері жобаны іске асыру барысында (оларды нақты бағалау мүмкінсіздігіне немесе оларға тән құбылмалылыққа байланысты) қаржы моделіне салынған мәндерден айтарлықтай ауытқуы мүмкін. Атап айтқанда, сезімталдықтың әдеттегі факторларына мыналарды жатқызуға болады:
      дайын өнім бағасы және көрсетілетін қызметтерге тарифтер;
      сату көлемі (пайдалану қарқыны, сатып алушылардың/пайдаланушылардың саны);
      күрделі шығындар көлемі;
      инвестициялық объектіні пайдалануға берудің және жобалық қуатқа шығуының кешігуі;
      негізгі шикізат пен материалдардың, жанармайдың, еңбек ресурстарының бағасы;
      тұрақты операциялық шығындар көлемі;
      дисконттау мөлшерлемесі;
      инфляцияның болжамды қарқыны;
      валюталардың айырбас бағамы және т.б;
      3) дисконттау мөлшерлемесінің, өнімді өткізу бағасының, шешуші ресурстың бағасының және сату көлемінің өзгеруіне сезімталдыққа міндетті түрде талдау жүргізу қажет.
      6. Қаржы моделінің сипаттамасына қойылатын талаптар:
      1) қаржы моделінің сипаттамасы қаржы моделіне қосымша ретінде ресімделеді;
      2) сипаттамада мыналар:
      қаржы моделі құрылымының сипаттамасы;
      қаржы моделінде пайдаланылған макростардың жұмыс тетігінің сипаттамасы (егер қолданылса);
      қаржы болжамдары үшін негізгі жорамалдар (болжамдар) және бастапқы деректер, ақпарат көздерін көрсете отырып, егер олар ҚЭН-де келтірілмесе;
      қаржы көрсеткіштерін (коэффициентерін) есептеу формулалары, егер олар ҚЭН-де келтірілмесе;
      қаржы моделінің құрылымын, құру қағидаттарын, жұмыс тетігін және өзге де ерекшеліктерін түсіну үшін қажетті өзге де ақпарат қамтылуы тиіс.

Инвестициялық ұсынысты әзірлеу және   
түзету, қажетті сараптамаларды жүргізу, 
сондай-ақ бюджеттік инвестицияларды   
жоспарлау, қарау, іріктеу, мониторингтеу
және іске асырылуын бағалау қағидаларына
23-қосымша