2003 жылғы 20 маусымдағы Қазақстан Республикасы Жер кодексінің 13-бабына және «Ерекше қорғалатын табиғи аумақтар туралы» 2006 жылғы 7 шілдедегі Қазақстан Республикасы Заңының 7-бабына сәйкес Қазақстан Республикасының Үкіметі ҚАУЛЫ ЕТЕДІ:
1. Осы қаулыға қосымшаға сәйкес Ақмола облысының Бурабай ауданындағы «Қазақстан Республикасы Президентi Iс басқармасының «Бурабай» мемлекеттiк ұлттық табиғи паркi» мемлекеттiк мекемесiнің жалпы алаңы 33,0 га жері ерекше қорғалатын табиғи аумақтар жерлері санатынан босалқы жерлер санатына ауыстырылсын.
2. Ақмола облысының әкімі Қазақстан Республикасының заңнамасында белгіленген тәртіппен осы қаулының 1-тармағында көрсетілген жер учаскелерін «ҚазТрансОйл-Сервис» акционерлік қоғамына беруді қамтамасыз етсін.
3. «ҚазТрансОйл-Сервис» акционерлік қоғамы ерекше қорғалатын табиғи аумақтардың жерлерін босалқы жерлерге ауыстыруға байланысты қолданыстағы заңнамаға сәйкес орман шаруашылығы өндiрiсiнiң шығындарын республикалық бюджеттiң кiрiсiне өтесiн және алынған сүректі Қазақстан Республикасының Президенті Іс басқармасының «Бурабай» мемлекеттік ұлттық табиғи паркі» мемлекеттік мекемесінің теңгеріміне бере отырып, алаңдарды тазалау бойынша шаралар қабылдасын.
4. Күші жойылды - ҚР Үкіметінің 04.09.2015 № 745 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
5. Осы қаулы қол қойылған күнiнен бастап қолданысқа енгiзiледi.
Қазақстан Республикасының
Премьер-Министрі К. Мәсімов
Қазақстан Республикасы
Үкіметінің
2014 жылғы 13 мамырдағы
№ 487 қаулысына
қосымша
«Қазақстан Республикасының Президентi Iс басқармасының
«Бурабай» мемлекеттiк ұлттық табиғи паркi» мемлекеттік
мекемесінің ерекше қорғалатын табиғи аумақтары жерлер санатынан
босалқы жерлер санатына ауыстырылатын жерлердің экспликациясы
р/с |
Жер пайдаланушының атауы |
Жалпы алаңы, гектар |
оның ішінде: |
|||||
орманды жерлер |
алаңдар |
жайылым |
шабындық |
жолдар |
құмдар және алқаптар |
|||
1 |
2 |
3 |
4 |
5 |
6 |
7 |
8 |
9 |
1 |
«Қазақстан Республикасының Президентi Iс басқармасының «Бурабай» мемлекеттiк ұлттық табиғи паркi» мемлекеттік мекемесі |
33,0 |
33,0 |
- |
- |
- |
- |
- |
2 |
Жиыны |
33,0 |
33,0 |
- |
- |
- |
- |
- |