Заңды тұлғалардың жарғылық капиталына мемлекеттің қатысуы арқылы бюджеттік инвестициялардың іске асырылуына бағалау жүргізу қағидаларын бекіту туралы

      Қазақстан Республикасының 2008 жылғы 4 желтоқсандағы Бюджет кодексiнің 159-бабының 3-тармағына сәйкес Қазақстан Республикасының Үкіметі ҚАУЛЫ ЕТЕДІ:
      1. Қоса беріліп отырған Заңды тұлғалардың жарғылық капиталына мемлекеттiң қатысуы арқылы бюджеттiк инвестициялардың іске асырылуына бағалау жүргізу қағидалары бекітілсін.
      2. Осы қаулы алғашқы ресми жарияланғанынан кейін күнтізбелік он күн өткен соң қолданысқа енгізіледі.

      Қазақстан Республикасының
      Премьер-Министрі                                     К.Мәсімов

Қазақстан Республикасы 
Үкіметінің      
2012 жылғы 28 сәуірдегі
№ 558 қаулысымен  
бекітілген     

Заңды тұлғалардың жарғылық капиталына мемлекеттің қатысуы
арқылы бюджеттік инвестициялардың іске асырылуын бағалау
қағидалары

1. Жалпы ережелер

      1. Осы Заңды тұлғалардың жарғылық капиталына мемлекеттің қатысуы арқылы бюджеттік инвестициялардың іске асырылуына бағалау жүргізу қағидалары (бұдан әрі – Қағидалар) Қазақстан Республикасының 2008 жылғы 4 желтоқсандағы Бюджет кодексінің (бұдан әрі – Бюджет кодексі) 159-бабының 3-тармағына сәйкес әзірленді.
      2. Осы Қағидалар заңды тұлғалардың жарғылық капиталына мемлекеттің қатысуы арқылы бюджеттік инвестициялардың (бұдан әрі – бюджеттік инвестициялар) іске асырылуына бағалау жүргізу тәртібін анықтайды.
      3. Осы Қағидаларда мынадай ұғымдар қолданылады:
      1) бюджеттiк инвестицияларды бағалау – мақсаттарға қол жеткiзу дәрежесi мен іс жүзінде алынған нәтижелердiң мемлекеттiк органдардың стратегиялық жоспарларында және заңды тұлғалардың Қазақстан Республикасының заңнамасында белгіленген тәртіппен бекітілген стратегиялық даму құжаттарында жоспарланғанмен сәйкестігін анықтау бойынша шаралар жиынтығы;
      2) іс-шара – бюджеттiк инвестициялар шеңберінде орындалатын және бюджеттiк инвестициялардың қаржы-экономикалық негіздемесінде көзделетін міндеттерді орындауға бағытталған өзара байланысты іс-қимылдар кешені;
      3) мемлекеттік жоспарлау жөніндегі орталық уәкілетті орган (бұдан әрі – уәкілетті орган) – стратегиялық және экономикалық жоспарлау, бюджет саясатын тұжырымдау мен қалыптастыру саласында басшылықты және салааралық үйлестіруді жүзеге асыратын орталық атқарушы орган;
      4) мемлекеттік жоспарлау жөніндегі жергілікті уәкілетті орган – жергілікті бюджеттен қаржыландырылатын, тиісті әкімшілік-аумақтық бірлікте стратегиялық, экономикалық және бюджеттік жоспарлау саласындағы функцияларды жүзеге асыратын атқарушы орган;
      5) есепті кезең – күнтізбелік жылдың іс-шара бюджеттiк инвестициялар есебінен іске асырылған 1 қаңтарынан бастап 31 желтоқсанды қоса алғандағы кезең;
      6) квазимемлекеттiк сектор субъектiлерi – мемлекеттiк кәсiпорындар, жауапкершiлiгi шектеулi серiктестiктер, акционерлiк қоғамдар, оның iшiнде мемлекет қатысушысы немесе акционерi болып табылатын ұлттық басқарушы холдингтер, ұлттық холдингтер, ұлттық компаниялар, сондай-ақ Қазақстан Республикасының заңнамалық актiлерiне сәйкес олармен аффилиирленген болып табылатын еншiлес, тәуелдi және өзге де заңды тұлғалар;
      7) заңды тұлғалардың стратегиялық даму құжаттары – Қазақстан Республикасының заңнамасында белгіленген тәртіппен бекітілген ұлттық басқарушы холдингтердің, ұлттық холдингтердің, жарғылық капиталына мемлекет қатысатын ұлттық компаниялардың 10 жылға арналған даму стратегиялары мен 5 жылға арналған даму жоспарлары, сондай-ақ мемлекеттік сектордың өзге де субъектілері қызметінің қаржы-шаруашылық жоспарлары;
      8) тікелей нәтиже - қол жеткізілуі осы функцияларды, өкілеттіктерді жүзеге асыратын немесе қызметтер көрсететін ұйымдардың қызметіне толық байланысты болатын, көзделген бюджет қаражаты шегінде атқарылатын мемлекеттік функциялар, өкілеттіктер және көрсетілетін мемлекеттік қызметтер көлемінің сандық сипаттамасы;
      9) түпкілікті нәтиже - белгілі бір мемлекеттік орган қызметінің, басқа да мемлекеттік органдар қызметінің тікелей нәтижелеріне қол жеткізумен ұштасатын, халықтың өмір сүру деңгейі мен сапасының, әлеуметтік саланың, экономиканың, қоғамдық қауіпсіздіктің және мемлекеттік басқарудың басқа да салаларының мақсатты жай-күйі (жай-күйінің өзгерісі);
      10) алушы – жарғылық капиталды ұлғайту немесе қалыптастыру үшін қаражатты түпкілікті алушы болып табылатын, инвестициялар есебінен іс-шараларды іске асыратын заңды тұлға.

2. Заңды тұлғалардың жарғылық капиталына мемлекеттің қатысуы
арқылы бюджеттік инвестициялардың іске асырылуына бағалауды
жүргізу тәртібі

      4. Бюджеттiк инвестициялардың іске асырылуын бағалау заңды тұлға бюджеттiк инвестициялар есебінен іске асырған, қаржылық-экономикалық негіздемесінде көзделген іс-шараларды аяқтау нәтижелері бойынша жүзеге асырылады және мақсаттарға қол жеткізу дәрежесі мен іс жүзінде алынған нәтижелердің жоспарлағанға сәйкестігін анықтау бойынша шаралар кешенін қамтиды.
      5. Бюджеттiк инвестициялардың есебінен іске асырылған іс-шаралардың тиімділігін анықтау бюджеттiк инвестициялардың іске асырылуын бағалауды жүзеге асырудың мақсаты болып табылады.
      6. Бюджеттiк инвестициялар есебінен іске асырылған іс-шараларды іске асыру тиімділігі мынадай критерийлермен анықталады:
      1) бюджеттік инвестициялардың қаржы-экономикалық негіздемелерінде белгіленген көрсеткіштердің орындалу деңгейі (К1). Бұл – өлшемді бюджеттiк инвестициялар есебінен іске асырылған әрбір іс-шара үшін, жеке заңды тұлға үшін бюджеттік бағдарламалардың әкімшісі және бюджеттік бағдарламалардың әрбір әкімшісі үшін бюджеттік жоспарлау жөніндегі уәкілетті орган айқындайды. Өлшемді есептеу:

К1= Кн /Кж * 100, (1)

      формуласы бойынша жүзеге асырылады, мұнда:
      Кн – көрсеткіштің іс жүзіндегі мәні;
      Кж – бюджеттік инвестициялардың қаржы-экономикалық негіздемесінде белгіленген мәні;
      2) іс жүзінде қол жеткізілген нәтижелердің бюджеттік инвестициялардың қаржы-экономикалық негіздемесінде белгіленген көрсеткіштерден абсолюттік ауытқуы (К2). Бұл өлшемді бюджеттiк инвестициялар есебінен іске асырылған әрбір іс-шара үшін жеке заңды тұлға үшін бюджеттік бағдарламалардың әкімшісі және бюджеттік бағдарламалардың әрбір әкімшісі үшін уәкілетті орган айқындайды. Өлшемді есептеу:

К2= Кн - Кж, (2)

      формуласы бойынша жүзеге асырылады;
      3) іс жүзінде қол жеткізілген нәтижелердің бюджеттік инвестициялардың қаржы-экономикалық негіздемесінде белгіленген көрсеткіштерден салыстырмалы ауытқуы (К3). Бұл өлшемді бюджеттiк инвестициялар есебінен іске асырылған әрбір іс-шара үшін жеке заңды тұлға үшін бюджеттік бағдарламалардың әкімшісі және бюджеттік бағдарламалардың әрбір әкімшісі үшін уәкілетті орган айқындайды. Өлшемді есептеу:

К3= Кн /Кж, * 100 – 100, (3)

      формуласы бойынша жүзеге асырылады.
      7. Бюджеттiк инвестициялар есебінен іске асырылатын іс-шараны іске асыру тиімділігі мынадай:
      1) К1 өлшемінің 100%-на тең немесе одан асатын мәндерімен және К2, К3 өлшемдерінің оң мәндерімен;
      2) К1 өлшемінің 100%-нан аспайтын мәндерімен және К2, К3 өлшемдерінің теріс мәндерімен сипатталады. Бұл ретте есепті мәндердің қабылданғаннан елеулі (10 пайыздан астам) теріс бағытталған ауытқуы бюджеттiк инвестициялар есебінен іске асырылатын іс-шараны іске асыру тиімділігінің төмен дәрежесі туралы куәландырады.
      8. Бюджеттiк инвестициялардың іске асырылуын бағалау:
      1) республикалық немесе жергiлiктi бюджеттен тартылған бюджеттік инвестициялар есебінен іске асырылған іс-шаралар туралы ақпарат жинауды;
      2) заңды тұлғаның бюджеттік инвестициялар есебінен іске асырылған іс-шараларының нақты қол жеткізілген тікелей нәтижелерінің (сан көрсеткіштерін), түпкі нәтижелерінің (нәтиже көрсеткіштерін) сапа көрсеткіштері мен тиімділік көрсеткіштерін және заңды тұлғалардың Қазақстан Республикасының заңнамасында белгіленген тәртіппен бекітілген стратегиялық даму құжаттарында жоспарланған және (немесе) мемлекеттiк органдардың мемлекеттік бағдарламаларында және (немесе) стратегиялық жоспарларында бекітілген сомалар шегіндегі түпкілікті көрсеткіштермен салыстыру жолымен әрбір уақыт аралығында қол жеткізілген іске асыру мен шығындар көлемін, сондай-ақ қол жеткізілмеу себептерін талдауды;
      3) жетекшілік етілетін саланың дамуына бюджеттiк инвестициялардың іске асырылуының ықпалын бағалауды (бұл ретте, бағалау нәтижелер көрсеткіштерінің және тиімділік көрсеткіштерінің өлшемдері бойынша жүзеге асырылады);
      4) бюджеттiк инвестициялардың іске асырылуын бағалау нәтижелері туралы есеп дайындауды көздейді.
      Тікелей нәтиже көрсеткіштері бюджеттiк инвестициялардың қаржы-экономикалық негіздемесінде жоспарланған көрсеткіштермен салыстырғанда есепті жылда іс жүзінде орындалған сандық көрсеткіштермен анықталады.
      Түпкілікті нәтиже көрсеткіштері қол жеткізілген тікелей нәтиженің мемлекеттік орган жетекшілік ететін бюджеттік бағдарламасы мен саланың (аяның, өңірдің) мақсаттарына қол жеткізуіне әсер ету деңгейін (дәрежесін) көздейді.
      Түпкілікті нәтижені анықтау кезінде бюджеттік инвестициялар есебінен іске асырылатын іс-шараларды іске асырумен байланысты саладағы жағдайдың өзгерісін көрсету қажет.
      Сапа көрсеткіштері көрсетілетін мемлекеттік қызметтердің оны алушылардың талабына және мемлекеттік қызметтер стандартына сәйкестік дәрежесін көрсетеді.
      Тиімділік көрсеткіштері бюджет қаражатының бекітілген көлемін пайдалана отырып, ең үздік тікелей нәтижеге қол жеткізуді немесе бюджет қаражатының аз көлемін пайдалана отырып, тікелей нәтижеге қол жеткізуді көрсетеді.
      9. Бюджеттiк инвестициялардың іске асырылуына бағалау жүргізу үшін бюджетттік бағдарлама әкімшісі және мемлекеттік жоспарлау жөніндегі жергілікті уәкілетті органдар мемлекеттік жоспарлау жөніндегі уәкілетті органға осы Қағидаларға 1-6-қосымшаларға сәйкес нысандары бойынша есепті жылдан кейінгі жылдың 15 сәуірінен кешіктірмей жылына бір рет ұсынады.
      10. Бюджеттік инвестицияларды іске асыруды бағалау жөніндегі ақпаратты республикалық бюджеттік бағдарламаның әкімшісі болып табылатын тиісті орталық уәкілетті орган мемлекеттік жоспарлау жөніндегі уәкілетті органға ұсынады.
      11. Жергілікті бюджет қаражатынан қаржыландырылатын жергілікті бюджеттік инвестицияларды, сондай-ақ жоғары тұрған бюджеттен берілетін нысаналы даму трансферттері мен кредиттер есебінен қаржыландыру жоспарланатын бюджеттік инвестицияларды бағалау жөніндегі ақпаратты мемлекеттік жоспарлау жөніндегі тиісті жергілікті уәкілетті органдар мемлекеттік жоспарлау жөніндегі орталық уәкілетті органға ұсынады.
      12. Бюджеттік инвестициялардың іске асырылуына бағалау жүргізу кезінде мемлекеттік жоспарлау жөніндегі орталық уәкілетті орган Қазақстан Республикасының Үкіметі айқындайтын заңды тұлғаны тартады.
      13. Қазақстан Республикасының Үкіметі айқындайтын заңды тұлға бюджеттiк инвестициялардың іске асырылуын бағалау бойынша жинақ есепті мемлекеттік жоспарлау жөнiндегi орталық уәкiлеттi органға есепті жылдан кейінгі жылдың 15 мамырынан кешіктірмей жылына бір рет ұсынады.
      14. Мемлекеттік жоспарлау жөніндегі уәкілетті орган және мемлекеттік жоспарлау жөніндегі жергілікті уәкілетті орган бюджеттік инвестицияларды бағалау бойынша есептерін бюджеттік бағдарламалар әкімшілерінің стратегиялық жоспары бойынша тиісті қорытындыны әзірлеген кезде пайдаланады.

Заңды тұлғалардың жарғылық капиталына 
мемлекеттің қатысуы арқылы бюджеттік 
инвестициялардың іске асырылуына бағалау
жүргізу қағидаларына      
1-қосымша           

"Бюджеттік бағдарлама" нысаны

* - әрбір алушы жеке көрсетіледі

Басшы       _____________        ______________       _______________
               қолы                Т.А.Ә.                 күні

Заңды тұлғалардың жарғылық капиталына 
мемлекеттің қатысуы арқылы бюджеттік 
инвестициялардың іске асырылуына бағалау
жүргізу қағидаларына        
2-қосымша             

"Қаржылық-активтерін сатып алу, жарғылық капиталды ұлғайту"
нысаны

Басшы       _____________        ______________       _______________
               қолы                Т.А.Ә.                күні

Заңды тұлғалардың жарғылық капиталына 
мемлекеттің қатысуы арқылы бюджеттік 
инвестициялардың іске асырылуына бағалау
жүргізу қағидаларына       
3-қосымша            

"Сатып алынған активтердің құны және сипаттамасы" нысаны*

"Іс-шара … **" тарауы

      * - қаржылық активтерден басқа, алынған активтер туралы ақпарат
      ** - іс-шараның атауы. ҚЭН белгіленген және активтерді алуды көздейтін тараудың саны мен атауы іс-шараның саны мен атауына сәйкес келуі қажет
      *** - алынған активтің негізгі техникалық сипаттамасы көрсетіледі, мысалы: двигатель көлемі, қуаты, жүккөтерімділігі, ұзындығы, өнімділігі, ауданы және т.б. Алынған активтердің 7-ден көп емес негізгі техникалық сипаттамасы көрсетіледі

Басшы       _____________        ______________       _______________
               қолы                Т.А.Ә.                күні

Заңды тұлғалардың жарғылық капиталына 
мемлекеттің қатысуы арқылы бюджеттік 
инвестициялардың іске асырылуына бағалау
жүргізу қағидаларына        
4-қосымша             

"Нәтиже" нысаны

"Тікелей нәтиже (сан көрсеткіштері)"

"Түпкілікті нәтиже (нәтиже көрсеткіштері)"

"Сапа көрсеткіштері"

"Тиімділік көрсеткіштері"

Басшы       _____________        ______________       _______________
               қолы                Т.А.Ә.                күні

Заңды тұлғалардың жарғылық капиталына 
мемлекеттің қатысуы арқылы бюджеттік 
инвестициялардың іске асырылуына бағалау
жүргізу қағидаларына        
5-қосымша              

Есептік мерзімде бюджеттік инвестициялық жобаларды
іске асыру бойынша есеп

РББӘ және ЖАО
Есепті кезең: 20__ жылғы _________________

Басшы       _____________        ______________       _______________
               қолы                Т.А.Ә.                күні
Заңды тұлғалардың жарғылық капиталына 
мемлекеттің қатысуы арқылы бюджеттік 
инвестициялардың іске асырылуына бағалау
жүргізу қағидаларына        
6-қосымша              

20 ___ жылғы ________________
заңды тұлғалардың жарғылық капиталына мемлекеттің қатысуы
арқылы бюджеттік инвестицияларды бағалау жөніндегі
АНЫҚТАМА

____________________________________________________________________
                        (РББӘ немесе ЖАО)

      Есепті кезеңде жалпы құны ___________________________ мың теңге
                              (жобалардың құны көрсетіледі)
___________ заңды тұлғалардың жарғылық капиталына мемлекеттің қатысуы (саны)
арқылы бюджеттік инвестициялар жүзеге асырылды.

      Жалпы құны ___________________________________ мың теңге заңды
                    (жобалардың құны көрсетіледі)

тұлғалардың жарғылық капиталына мемлекеттің қатысуы арқылы бюджеттік инвестициялар, олардың орындалу деңгейі 100 % - _____________ тең .                                                       (саны)
немесе одан жоғары

      Жалпы құны ___________________________________ мың теңге заңды
                    (жобалардың құны көрсетіледі)
тұлғалардың жарғылық капиталына мемлекеттің қатысуы арқылы бюджеттік инвестициялар, олардың орындалу деңгейі 100 % - ____________ аспаған,
                                                  (саны)
оның ішінде орындалу деңгейі 10 % - төмен __________________________.
                                                (саны)

      Құрылған жұмыс орындарының саны _______________ адамды құрайды.

      ___________________                         ___________________
        Басшының Т.А.Ә.                                      Қолы