Индустриялық-инновациялық қызметті мемлекеттік қолдау туралы» Қазақстан Республикасының 2012 жылғы 9 қаңтардағы Заңының 4-бабының 14) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
Ескерту. Кіріспе жаңа редакцияда - ҚР Үкіметінің 2012.06.25 № 831 Қаулысымен.
1. Осы қаулыға қосымшаға сәйкес құрамда Технологиялық саясат жөніндегі кеңес құрылсын.
2. Қоса беріліп отырған Технологиялық саясат жөніндегі кеңес туралы ереже бекітілсін.
3. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
Қазақстан Республикасы
Үкіметінің
2011 жылғы 29 қарашадағы
№ 1386 қаулысына
қосымша
Технологиялық саясат жөніндегі кеңестің құрамы
Ескерту. Құрам жаңа редакцияда - ҚР Үкіметінің 09.04.2014 N 329 қаулысымен.
Қазақстан Республикасының Премьер-Министрi, төраға
Қазақстан Республикасы Премьер Министрінің орынбасары – Қазақстан Республикасының Индустрия және жаңа технологиялар министрі, төрағаның орынбасары
Қазақстан Республикасының Индустрия және жаңа технологиялар вице-министрі, хатшы
Қазақстан Республикасы Премьер Министрінің орынбасары – Қазақстан Республикасының Қаржы министрі
Қазақстан Республикасының Қоршаған орта және су ресурстары министрi
Қазақстан Республикасының Қорғаныс министрi
Қазақстан Республикасының Көлiк және коммуникация министрi
Қазақстан Республикасының Бiлiм және ғылым министрi
Қазақстан Республикасының Денсаулық сақтау министрi
Қазақстан Республикасының Экономика және бюджеттік жоспарлау министрі
Қазақстан Республикасының Ауыл шаруашылығы министрi
Қазақстан Республикасының Мұнай және газ министрі
Қазақстан Республикасы Ұлттық ғарыш агенттігінің төрағасы
Қазақстан Республикасының Өңірлік даму вице-министрі
«Парасат» ұлттық ғылыми-технологиялық холдингі» акционерлік қоғамының басқарма төрағасы (келісім бойынша)
«Самұрық-Қазына» ұлттық әл-ауқат қоры» акционерлік қоғамының басқарма төрағасы (келісім бойынша)
«Технологиялық даму жөніндегі ұлттық агенттік» акционерлiк қоғамының басқарма төрағасы (келiсiм бойынша)
«Назарбаев Университетi» дербес білім беру ұйымының атқарушы кеңесінің төрағасы (келiсiм бойынша)
Металлургия және тау-кен ісі
Қазақстан Республикасы Индустрия және жаңа технологиялар министрлігінің «Қазақстан Республикасының минералдық орталығы» республикалық мемлекеттік кәсіпорнының бас директоры
«Қазмырыш» жауапкершілігі шектеулі серіктестігінің басқарма төрағасы (келісім бойынша)
«Тау-кен өндіруші және тау-кен металлургиялық кәсіпорындарының республикалық қауымдастығы» заңды тұлғалар бірлестігінің атқарушы директоры (келісім бойынша)
Энергетика
«ENRC Kazakhstan» жауапкершілігі шектеулі серіктестігінің операциялық қызмет бойынша вице-президенті (келісім бойынша)
«KEGOC» электр желілерін басқару жөніндегі қазақстандық компаниясы» акционерлік қоғамының басқарма төрағасы (келісім бойынша)
«Қазақстан электр энергетикалық қауымдастығы» заңды тұлғалар бірлестігінің төрағасы (келісім бойынша)
Агроөнеркәсіптік кешен
«ҚазАгро» ұлттық басқарушы холдингі» акционерлiк қоғамының басқарма төрағасы (келiсiм бойынша)
«ҚазАгроИнновация» акционерлік қоғамының президенті (келісім бойынша)
Ақпараттық-коммуникациялық технологиялар
«Зерде» ұлттық инфокоммуникациялық холдингі» акционерлік қоғамының басқарма төрағасы (келісім бойынша)
«IT-компаниялардың қазақстандық қауымдастығы» заңды тұлғалар бірлестігінің президенті (келісім бойынша)
Атом энергетикасы
«Қазатомөнеркәсіп» ұлттық атом компаниясы» акционерлік қоғамының президенті (келісім бойынша)
Мұнай және газ
«Қазақ мұнай және газ институты» акционерлік қоғамының бас директоры (келісім бойынша)
«Шелл Қазақстан Девелопмент Б.В.» компаниясының басқарушы директоры (келісім бойынша)
«Теңізшевройл» жауапкершілігі шектеулі серіктестігі бас директорының орынбасары (келісім бойынша)
Химия және фармацевтика
«Фитохимия» халықаралық ғылыми-өндірістік холдингі» акционерлік қоғамының басқарма төрағасы (келісім бойынша)
Қазақстан Республикасы Білім және ғылым министрлігі Ғылым комитетінің «Ұлттық биотехнология орталығы» республикалық мемлекеттiк кәсiпорнының бас директоры
«Қазфосфат» жауапкершілігі шектеулі серіктестігінің директоры (келісім бойынша)
«Біріккен химия компаниясы» жауапкершілігі шектеулі серіктестігі төрағасының орынбасары (келісім бойынша)
«Қазақстанның ФармМедИндустриясы» қауымдастығының президенті (келісім бойынша)
Машина жасау
«Қазақстан инжиниринг» ұлттық компаниясы» акционерлік қоғамының басқарма төрағасы – президенті (келісім бойынша)
«Қазақстан темір жолы» ұлттық компаниясы» акционерлік қоғамының вице-президенті (келісім бойынша)
«Белкамит» акционерлік қоғамының бас директоры (келісім бойынша)
Қазақстанның машина жасаушылар одағының атқарушы директоры (келісім бойынша)
Қазақстан Республикасы
Үкіметінің
2011 жылғы 29 қарашадағы
№ 1386 қаулысымен
бекітілген
Технологиялық саясат жөніндегі кеңес туралы ереже 1. Жалпы ережелер
1. Технологиялық саясат жөніндегі кеңес (бұдан әрі – Кеңес) Қазақстан Республикасы Үкіметінің жанындағы консультативтік-кеңесші органы болып табылады.
2. Кеңес мемлекетті технологиялық дамыту басымдықтарын, индустриялық-инновациялық қызметті мемлекеттік қолдаудың негізгі бағыттарын қалыптастыру бойынша ұсынымдарды әзірлеу үшін құрылады.
3. Кеңес өз қызметінде Қазақстан Республикасының Конституциясын, «Инновациялық қызметті мемлекеттік қолдау туралы» Қазақстан Республикасының Заңын, Қазақстан Республикасының Президенті мен Үкіметінің актілерін, Қазақстан Республикасының өзге де нормативтік құқықтық актілерін және осы ережені басшылыққа алады.
Ескерту. 3-тармақ жаңа редакцияда - ҚР Үкіметінің 2012.06.25 № 831 Қаулысымен.
2. Кеңестің негізгі міндеттері және функциялары
4. Кеңестің негізгі міндеттері мен функциялары:
1) индустриялық-инновациялық қызмет саласындағы мемлекеттік саясаттың негізгі бағыттарын айқындау;
2) салааралық ғылыми-технологиялық жоспарды және әзірлеуге ұсынылатын нысаналы технологиялық бағдарламалар тізбесін бекіту және өзектілендіру, сондай-ақ оларды мемлекеттік бюджеттен қаржыландыру;
3) инновациялық қызметті ынталандыру;
4) инновациялық-технологиялық даму бағдарламаларын әзірлеу және іске асыру;
5) индустриялық-инновациялық қызмет саласындағы заңнаманы жетілдіру жөнінде ұсыныстар әзірлеу болып табылады.
Ескерту. 4-тармақ жаңа редакцияда - ҚР Үкіметінің 2012.06.25 № 831 Қаулысымен.
5. Алып тасталды - ҚР Үкіметінің 2012.06.25 № 831 Қаулысымен.
6. Алып тасталды - ҚР Үкіметінің 2012.06.25 № 831 Қаулысымен.
7. Кеңес өз қызметін жүзеге асыру үшін:
орталық мемлекеттік, жергілікті атқарушы органдардан және басқа ұйымдардан қажетті ақпаратты белгіленген тәртіппен сұрауға және алуға;
орталық мемлекеттік, жергілікті атқарушы органдардың және басқа ұйымдардың өкілдерін шақыртуға және тыңдауға;
Қазақстан Республикасының аумағында жаңа өндірістерді орналастыру орындылығының сараптамасын және консультациялар жүргізу үшін қажетті болған жағдайда белгіленген тәртіппен орталық мемлекеттік және жергілікті атқарушы органдардың, ведомстволардың, ұйымдардың мамандарын, шетелдік мамандарды тартуға;
жекелеген мәселелерді қарау үшін жұмыс топтарын құруға құқығы бар.
3. Кеңес қызметін ұйымдастыру
8. Кеңесті төраға (бұдан әрі – төраға) – Қазақстан Республикасының Премьер-Министрі басқарады.
Ескерту. 8-тармаққа өзгеріс енгізілді - ҚР Үкіметінің 2012.06.25 № 831 Қаулысымен.
9. Кеңес төрағасы болмаған жағдайда оның функциялары Кеңес төрағасының орынбасарына жүктеледі.
10. Қазақстан Республикасы Индустрия және жаңа технологиялар министрлігі Кеңестің жұмыс органы болып табылады.
Жұмыс органы Кеңес жұмысын ұйымдастырушылық-техникалық қамтамасыз етуді жүзеге асырады, оның ішінде Кеңес отырысының күн тәртібі бойынша ұсыныстарды, қажетті құжаттарды, материалдарды дайындайды, олар Кеңес отырысы өткізілгенге дейін үш жұмыс күні қалғанда хаттама жобасымен қоса Кеңес мүшелеріне жіберілуі тиіс.
Ескерту. 10-тармақ жаңа редакцияда - ҚР Үкіметінің 09.04.2014 N 329 қаулысымен.
11. Жұмыс органы Кеңестің жұмысын ұйымдастырушылық-техникалық қамтамасыз етуді жүзеге асырады, оның ішінде:
1) алынып тасталды - ҚР Үкіметінің 09.04.2014 N 329 қаулысымен;
2) Кеңестің шешімдерінің орындалуын қамтамасыз етеді және бақылайды;
3) Кеңес мүшелерінің және оның қызметіне тартылған мамандардың жұмысын үйлестіреді.
Ескерту. 11-тармаққа өзгеріс енгізілді - ҚР Үкіметінің 09.04.2014 N 329 қаулысымен.
12. Кеңес отырысы өткізілгеннен кейін Кеңес хатшысы хаттама ресімдейді. Хатшы Кеңес мүшесі болып табылмайды.
Ескерту. 12-тармақ жаңа редакцияда - ҚР Үкіметінің 09.04.2014 N 329 қаулысымен.
13. Отырыс қажеттілігіне қарай, бірақ жарты жылда кемінде бір рет өткізіледі және Кеңес мүшелерінің жалпы санының кемінде жартысы қатысқан жағдайда, заңды болып саналады.
14. Кеңес шешімдері ашық дауыс беру арқылы қабылданады және оларға Кеңес мүшелерінің жалпы санының көпшілігі дауыс берсе, қабылданды деп есептеледі. Дауыс беру Кеңес отырысында Қазақстан Республикасы Үкіметінің 1999 жылғы 16 наурыздағы № 247 қаулысымен бекітілген Қазақстан Республикасы Үкіметінің жанындағы консультативтік-кеңесші органдар мен жұмыс топтарын құру тәртібі, қызметі мен таратылуы туралы нұсқаулыққа (бұдан әрі – Нұсқаулық) қосымшаға сәйкес нысан бойынша дауыс беру парағын толтыру жолымен өткізіледі. Дауыстар тең болған жағдайда, төраға дауыс берген шешім қабылданды деп есептеледі.
Кеңес мүшелерiнiң ерекше пiкiр білдіруге құқығы бар, оны бiлдiрген жағдайда, ол жазбаша түрде жазылуы және Нұсқаулықтың 24-тармағында көзделген Кеңес отырысының есеп-хатына қоса берілуі тиiс.
Кеңес отырыстарын өткізу нәтижелері бойынша және дауыс беру парақтары негізінде үш жұмыс күні ішінде хаттама жасалады, оған төраға мен хатшы қол қояды.
Дауыс беру қорытындысы бойынша хаттама жобасының мазмұны өзгерген жағдайда, Кеңес хатшысы қабылданған шешімнің нақтыланған редакциясы бар дауыс беру парағын Кеңес мүшелеріне келісу үшін жібереді.
Кеңес мүшелері дауыс беру парағын алғаннан кейін бір жұмыс күні ішінде келісу не себептерін негіздей отырып, келіспеу туралы жауап береді.
Ескерту. 14-тармақ жаңа редакцияда - ҚР Үкіметінің 09.04.2014 N 329 қаулысымен.
15. Дауыс беру парақтарымен қоса, Кеңес материалдары мен хаттамалық шешімдерін есепке алуды және сақтауды Кеңестің жұмыс органы жүзеге асырады.
Ескерту. 15-тармақ жаңа редакцияда - ҚР Үкіметінің 09.04.2014 N 329 қаулысымен.
4. Кеңес қызметінің тоқтатылуы
16. Кеңес өз қызметін Қазақстан Республикасы Үкіметінің шешіміне сәйкес тоқтатады.