Рус | Қаз | Eng

Облыстық бюджеттердің, Астана және Алматы қалалары бюджеттерінің ауыл шаруашылығы жануарларын бірдейлендіруді ұйымдастыру мен жүргізуге 2011 жылға арналған республикалық бюджеттен берілетін ағымдағы нысаналы трансферттерді пайдалану қағидасын бекіту туралы

Қазақстан Республикасы Үкіметінің 2011 жылғы 1 шілдедегі № 750 Қаулысы

Қолданыстағы

      «2011 - 2013 жылдарға арналған республикалық бюджет туралы» Қазақстан Республикасының 2010 жылғы 29 қарашадағы Заңына сәйкес және ауыл шаруашылығы жануарларын және құстарды аса қауіпті инфекциялық және инвазиялық аурулардан қорғауды қамтамасыз ету мақсатында Қазақстан Республикасының Үкіметі ҚАУЛЫ ЕТЕДІ:
      1. Қоса беріліп отырған Облыстық бюджеттердің, Астана және Алматы қалалары бюджеттерінің ауыл шаруашылығы жануарларын бірдейлендіруді ұйымдастыру мен жүргізуге 2011 жылға арналған республикалық бюджеттен берілетін ағымдағы нысаналы трансферттерді пайдалану қағидасы бекітілсін.
      2. Осы қаулы 2011 жылғы 1 наурыздан бастап қолданысқа енгізіледі және ресми жариялануға тиіс.

      Қазақстан Республикасының
      Премьер-Министрі                                    К. Мәсімов

Қазақстан Республикасы
Үкіметінің     
2011 жылғы 1 шілдедегі
№ 750 қаулысымен   
бекітілген    

Облыстық бюджеттердің, Астана және Алматы қалалары
бюджеттерінің ауыл шаруашылығы жануарларын бірдейлендіруді
ұйымдастыру мен жүргізуге 2011 жылға арналған республикалық
бюджеттен берілетін ағымдағы нысаналы трансферттерді
пайдалану қағидасы

1. Жалпы ережелер

      1. Осы Облыстық бюджеттердің, Астана және Алматы қалалары бюджеттерінің ауыл шаруашылығы жануарларын бірдейлендіруді ұйымдастыру мен жүргізуге 2011 жылға арналған республикалық бюджеттен берілетін ағымдағы нысаналы трансферттерді пайдалану қағидасы (бұдан әрі - Қағида) 090 «Облыстық бюджеттерге, Астана және Алматы қалаларының бюджеттеріне ауыл шаруашылығы жануарларын бірдейлендіруді ұйымдастыру мен жүргізуге берілетін ағымдағы нысаналы трансферттер» (бұдан әрі - ағымдағы нысаналы трансферттер) республикалық бюджеттік бағдарламасы бойынша облыстық бюджеттердің, Астана және Алматы қалалары бюджеттерінің ауыл шаруашылығы жануарларын бірдейлендіруді ұйымдастыру мен жүргізуге республикалық бюджеттен берілетін ағымдағы нысаналы трансферттерді пайдалану тәртібін анықтайды.

2. Ауыл шаруашылығы жануарларын бірдейлендіруді ұйымдастыру
мен жүргізуге берілетін ағымдағы нысаналы трансферттерді
пайдалану тәртібі

      2. Ағымдағы нысаналы трансферттер ауыл шаруашылығы жануарларын бірдейлендіруді ұйымдастыру мен жүргізуге байланысты шығыстарды жабуға бағытталған және мыналарды көздейді:
      1) ауыл шаруашылығы жануарларына (ұсақ мал, жылқы, түйе, шошқа) арналған ветеринариялық паспорттарды дайындау жөніндегі қызметтерді сатып алуды жүзеге асыру;
      2) ауыл шаруашылығы жануарларын (ұсақ мал, түйе, шошқа) бірдейлендіруді жүргізуге арналған ветеринариялық мақсаттағы бұйымдар мен атрибуттарды (құлақ жапсырмалары) сатып алуды жүзеге асыру;
      3) ауыл шаруашылығы жануарларын бірдейлендіруді жүргізуге арналған (таңбалауға арналған) аппараттарды сатып алуды жүзеге асыру.
      3. Қандай да бір облыс, Астана және Алматы қалалары бөлінген қаражатты толығымен игермеген жағдайда Қазақстан Республикасы Ауыл шаруашылығы министрлігі (бұдан әрі - Министрлік) облыстардың, Астана және Алматы қалаларының жергілікті атқарушы органдарының ұсыныстары негізінде Қазақстан Республикасының заңнамасында белгіленген тәртіппен 2011 жылға арналған республикалық бюджеттегі қаражат шегінде игерілмеген қаражатты бұдан әрі пайдалану мәселесін қарастырады.
      4. Министрлік республикалық бюджеттік бағдарламаның әкімшісі ретінде төлемдер бойынша жеке қаржыландыру жоспарларына сәйкес, сондай-ақ қол қойылған Қазақстан Республикасының Ауыл шаруашылығы министрі мен облыстардың, Астана және Алматы қалаларының әкімдері арасындағы ағымдағы нысаналы трансферттер бойынша нәтижелер туралы Келісім шеңберінде облыстық бюджеттерге, Астана және Алматы қалаларының бюджеттеріне ағымдағы нысаналы трансферттерді аударады.
      5. Облыстардың, Астана және Алматы қалаларының жергілікті атқарушы органдары ауыл шаруашылығы жануарларына арналған ветеринариялық паспорттарды дайындау, ветеринариялық мақсаттағы бұйымдар мен атрибуттарды (құлақ жапсырмалары) және ауыл шаруашылығы жануарларын бірдейлендіруді жүргізуге арналған аппаратты (бұдан әрі - тауар) сатып алу бойынша қызметтерді (бұдан әрі - қызметтер) мемлекеттік сатып алуды ұйымдастырушы болып табылады.
      6. Сатып алынатын құлақ жапсырмалар, жануардың жеке нөмірі, сондай-ақ жануарларға арналған ветеринариялық паспорттың нысандары Қазақстан Республикасы Үкіметінің 2009 жылғы 31 желтоқсандағы № 2331 қаулысымен бекітілген Ауыл шаруашылығы жануарларын бірдейлендіру ережесінде (бұдан әрі - Бірдейлендіру ережесі) көрсетілген талаптарға, сондай-ақ осы Қағидаға 1-қосымшада көрсетілген сипаттамаларға сәйкес болуы тиіс.
      Жапсырмалардың бірдейлендіру нөмірлерінің реттік нөмірленуін анықтауды ветеринария саласындағы уәкілетті мемлекеттік орган тауарларды жеткізушілермен шарттар жасалғанға дейін жүзеге асырады.
      7. Облыстардың, Астана және Алматы қалаларының жергілікті атқарушы органдары мемлекеттік сатып алудың нәтижелері бойынша өзге де шарттардан басқа:
      1) жеткізілетін тауардың сапасына бақылау жүргізудің тәртібі мен мерзімдері;
      2) жеткізілетін тауарлар мен қызметтердің сапасына жеткізіп берушілердің жауапкершілігі;
      3) жеткізіп берушілердің сапасыз тауарларды ауыстыру мерзімдері қарастырылуы тиіс тауарларды жеткізіп берушілермен шарттар жасасады.
      8. Облыстардың және Астана, Алматы қалаларының жергілікті атқарушы органдарында құрамына Министрліктің Агроөнеркәсіптік кешендегі мемлекеттік инспекция комитетінің облыстың (Астана, Алматы қаласының) аумақтық инспекциясының өкілін енгізіп (келісім бойынша) құрамы кемінде 3 (үш) адамнан тұратын сатып алынатын тауарлардың және көрсетілген қызметтердің сандық-сапалық жағдайын бағалау жөніндегі Комиссиялар құрылады.
      9. Облыстардың және Астана, Алматы қалаларының ветеринария саласындағы қызметті жүзеге асыратын жергілікті атқарушы органдарының бөлімшелері Комиссияның жұмыс органдары болып табылады.
      Комиссия жеткізілген тауарлардың және көрсетілген қызметтердің жеткізілуі мен көрсетілуіне қарай оларды бағалап, осы Қағидаға 1-қосымшаға сәйкес нысан бойынша бағалау актісін жасайды.
      10. Облыстардың және Астана, Алматы қалаларының жергілікті атқарушы органдары облыстардың (республикалық маңызы бар қаланың, астананың) жергілікті атқарушы органдары бекітетін Ауыл шаруашылығы жануарларын бірдейлендіруді жүргізу жөніндегі іс-шаралар жоспарына сәйкес сатып алынған тауарларды бөлуді жүзеге асырады.
      Ауыл шаруашылығы жануарларын бірдейлендіру жүргізу Бірдейлендіру ережесіне сәйкес жүзеге асырылады.
      11. Тауарды жеткізіп берушілер 2011 жылғы 15 желтоқсаннан кешіктірмей облыстардың, Астана және Алматы қалаларының жергілікті атқарушы органдарына ақы төлеудің алдындағы мынадай құжаттарды:
      1) осы Қағидаға 2-қосымшаға сәйкес нысан бойынша жеткізілген тауарларды және көрсетілген қызметтерді бағалау актілерін;
      2) осы Қағидаға 3-қосымшаға сәйкес нысан бойынша жеткізілген тауарлардың, көрсетілген қызметтердің актілерін ұсынады.
      12. Облыстардың, Астана және Алматы қалаларының жергілікті атқарушы органдары құжаттардың түсуіне қарай бес жұмыс күні ішінде, бірақ 2011 жылғы 20 желтоқсаннан кешіктірмей осы Қағиданың 11-тармағында көрсетілген ұсынылған құжаттарды тексереді, олар осы Қағидада белгіленген талаптарға сәйкес келген жағдайда ақы төлеуге жібереді.
      13. Ұсынылған құжаттар осы Қағидада белгіленген талаптарға сәйкес келмеген жағдайда облыстардың, Астана және Алматы қалаларының жергілікті атқарушы органдары үш жұмыс күні ішінде сәйкес келмеу себептерін сипаттай отырып, оларды тауарларды жеткізіп берушілерге пысықтауға қайтарады.
      14. Тауарларды жеткізіп берген үшін тиісті тауарларды жеткізіп берушілердің банктік шоттарына қаржылай қаражат аударуды облыстардың, Астана және Алматы қалаларының жергілікті атқарушы органдары төлемдер бойынша жеке қаржыландыру жоспарларына сәйкес Қазақстан Республикасы Қаржы министрлігінің аумақтық қазынашылық бөлімшесіне екі данада төлем шоттарының тізілімін және төлем шоттарын ұсыну жолымен жүзеге асырады.
      15. Облыстардың, Астана және Алматы қалаларының жергілікті атқарушы органдары Министрлікке ай сайын, есепті кезеңнен кейінгі айдың 5-күніне дейінгі мерзімде, ал жылдың қорытындылары бойынша 2011 жылғы 25 желтоқсаннан кешіктірмей, ал қаражат толығымен игерілмеген жағдайдан себебі көрсетілген ағымдағы нысаналы трансферттер қаражатының пайдаланылуы туралы есептерді ұсынады.
      16. Облыстардың, Астана және Алматы қалаларының әкімдері Министрлікке жартыжылдықтың қорытындылары бойынша 30 шілдеден кешіктірмей аралық есепті, ал жылдың қорытындылары бойынша келесі қаржы жылының 15 ақпанынан кешіктірмей ағымдағы нысаналы трансферттер бойынша нәтижелер туралы келісімдерге сәйкес бөлінген ағымдағы нысаналы трансферттерді пайдалану есебінен қол жеткізілген тікелей және түпкілікті нәтижелерге іс жүзінде қол жеткізу туралы қорытынды есепті ұсынады.

Облыстық бюджеттердің, Астана және      
Алматы қалалары бюджеттерінің ауыл шаруашылығы
жануарларын бірдейлендіруді ұйымдастыру мен
жүргізуге 2011 жылғы республикалық бюджеттен 
берілетін ағымдағы нысаналы трансферттерді 
пайдалану қағидасына          
1 қосымша               

Сатып алынатын тауарларға сипаттама

№

Тауардың аты

Тауардың (жазылуы) толық сипаттамасы

1

2

3

1.

Түйелерге арналған жапсырмалар

Құлақ жапсырмалары және олардағы жануардың жеке нөмірі Қазақстан Республикасы Үкіметінің 2009 жылғы 31 желтоқсандағы № 2331 қаулысымен бекітілген Ауыл шаруашылығы жануарларын бірдейлендіру ережесінде көрсетілген ірі жануарларға (ірі қара мал, түйе) арналған талаптарға сәйкес болуы тиіс, бұл ретте құлақ жапсырмалары:
1) жапсырманың беткі жағында сақина тәріздес қатты ұшқа және жапсырманың сыртқы жағында құлақтағы жапсырманы шешкенде оның бұзылмауын қамтамасыз ететін тығыздағыш сақинаға ие болуы;
2) сары түсті болуы, жапсырманың әр бетінде өндірушінің сауда маркасы (сауда белгісі) және өндірілген күні (айы, жылы) жазылуы;
3) Жануарлар туралы жазбалар жүргізу жөніндегі халықаралық комитеттің (ICAR) www.icar.org сайтында орналасқан Өндірушілер тізіміндегі өндірушілер шығарған болуы тиіс.

2.

Ұсақ малға, шошқаға арналған жапсырмалар

Құлақ жапсырмалары және олардағы жануардың жеке нөмірі Қазақстан Республикасы Үкіметінің 2009 жылғы 31 желтоқсандағы № 2331 қаулысымен бекітілген Ауыл шаруашылығы жануарларын бірдейлендіру ережесінде көрсетілген ұсақ жануарларға (ұсақ мал, шошқа) арналған талаптарға сәйкес болуы тиіс, бұл ретте құлақ жапсырмалары:
1) жапсырманың беткі жағында сақина тәріздес қатты ұшқа және жапсырманың сыртқы жағында құлақтағы жапсырманы шешкенде оның бұзылмауын қамтамасыз ететін тығыздағыш сақинаға ие болуы;
2) сары түсті болуы, жапсырманың әр бетінде өндірушінің сауда маркасы (сауда белгісі) және өндірілген күні (айы, жылы) жазылуы;
3) Жануарлар туралы жазбалар жүргізу жөніндегі халықаралық комитеттің (ICAR) www.icar.org сайтында орналасқан Өндірушілер тізіміндегі өндірушілер шығарған болуы тиіс.

3.

Ветеринариялық паспорттар

1. Ветеринариялық- паспорт Қазақстан Республикасы Үкіметінің 2009 жылғы 31 желтоқсандағы № 2331 қаулысымен бекітілген Ауыл шаруашылығы жануарларын бірдейлендіру ережесінің 4-қосымшасында белгіленген үлгілерге сәйкес болуы тиіс.
2. Ветеринариялық паспорттың мынадай өлшемдері болуы тиіс: ұзындығы 20±1 см, биіктігі 15±1 см. Мұқабасы: тығыздығы - 280, жылтыр, түстілігі 4+0. Ішкі парақтары: ксерокс қағазы, түстілігі 1+1, офсеттік баспа.
Бірінші беті, яғни беткі жағының ортасында мемлекеттік тілде «Ветеринариялық паспорт» және орыс тілінде «Ветеринарный паспорт» деген атауы, төменгі сол жағында мемлекеттік және орыс
тілдерінде _______ аудан/район (қала/город) және ___________ облыс/область көрсетілуі тиіс.
Екінші бет Қазақстан Республикасы Үкіметінің 2009 жылғы 31 желтоқсандағы № 2331 қаулысымен бекітілген Ауыл шаруашылығы жануарларын бірдейлендіру ережесінің 4-қосымшасына сәйкес мемлекеттік және орыс тілдеріндегі жалпы мәліметтерден тұрады.
Үшінші және келесі беттер Қазақстан Республикасы Үкіметінің 2009 жылғы 31 желтоқсандағы № 2331 қаулысымен бекітілген Ауыл шаруашылығы жануарларын бірдейлендіру ережесінің 4-қосымшасына сәйкес мемлекеттік және орыс тілдерінде кесте түрінде бағандарға бөлінген.
Барлығы 20-беттен кем болмауы тиіс.

4.

Жануарларға бірдейлендіру жүргізуге арналған аппарат (таңба)

Жануарларды бірлейлендіруге арналған аппарат (таңба) жылқыларды ыстық және суық таңбалауға арналған жиынтықтардан тұрады:
Жылқыларды суық таңбалауға арналған жиынтық мыналардан тұрады: цифрлар мен әріптерге арналған матрицадан; кемінде 70 см жылу өткізбейтін тұтқасы бар матрицаға бекітілетін тұтқадан; цифрлық символдар жиынтығы 0, 1, 2, 3,4, 5, 6, 7, 8, 9; әріптік символдар жиынтығы К, С, В, D, Е, F, Н, L, Р, М, N, R, S, Т, X, A, Z. Цифрлар мен әріптердің мөлшерлері стандартты
1. Конкурстық құжаттың техникалық бөліміне дайындаушы-зауыт берген таңбаның техникалық сипаттамасы салынады.
Жылқыларды ыстық таңбалауға арналған жиынтықтың мынадай цифрлық символдардан: 0, 1, 2, 3, 4, 5, 6, 7, 8, 9 және әріптік символдардан К, С, В, D, E, F, H, L, P, M, N, R, S, Т, X, A, Z тұрады. Ересек жануарларға арналған таңбаның көлемі: биіктігі 8 см, ені 5 см; төлдер үшін: биіктігі 5 см, ені 3 см. Ыстық таңбалауға арналған таңба ені 18-30 мм, қалыңдығы 3 мм беті тегіс жолақты темірден дайындалады. Тұтқаның ұзындығы кемінде 70 см, жылу өткізбейтін тұтқасы бар.

Облыстық бюджеттердің,  
Астана және Алматы қалалары 
бюджеттерінің ауыл шаруашылығы
жануарларын бірдейлендіруді  
ұйымдастыру мен жүргізуге
2011 жылға арналған республикалық  
бюджеттен берілетін ағымдағы нысаналы
трансферттерді пайдалану қағидасына
2-қосымша             

Жеткізілген тауарларды, көрсетілген қызметтерді
бағалау актісі

_______________                     20______ ж. "______" _______
(облыс, аудан)
__________________________________________________ құрылған комиссия,
(Комиссия кімнің шешімімен құрылды, шешімнің күні және нөмірі көрсетілсін)
құрамында: Комиссия төрағасы, _______________________________________
                                   (Т.А.Ә., атқаратын қызметі)
Комиссия мүшелері ___________________________________________________
                              (Т.А.Ә., атқаратын қызметі)
сондай-ақ 20____ ж. "_____" № ____________________ сенімхатқа сәйкес  ______________________________________ мүдделерін білдіруге уәкілетті
(қызметтер көрсетушінің толық атауы)
______________________________________ мынадай қорытынды жасады:
      `            (Т.А.Ә.)

Тауардың/ қызметтердің толық атауы

Тауардың/ көрсетілген қызметтің қысқаша сипаттамасы

Өлшем бірлігі

Тауардың/ көрсетілген қызметтердің көлемі

Бір бірлігінің бағасы (теңге)

Сомасы (теңге)












Жеткізілген тауардың/көрсетілген қызметтердің қосымша сипаттамасы:
___________________________________________________________________
                              (атап шығыңыз)
Жеткізілген тауарларға наразылық жоқ (наразылық болған жағдайда атап шығыңыз).____________________________________________________________

Комиссия төрағасы                           _________________________
                                                   Т.А.Ә., қолы

Комиссия мүшелері                  __________________________________
                                             (Т.А.Ә., қолы)

Қызметтер көрсетушіден             __________________________________
                                             (Т.А.Ә., қолы)

Облыстық бюджеттердің,  
Астана және Алматы қалалары
бюджеттерінің ауыл шаруашылығы
жануарларын бірдейлендіруді 
ұйымдастыру мен жүргізуге  
2011 жылға арналған республикалық
бюджеттен берілетін ағымдағы нысаналы
трансферттерді пайдалану 
3-қосымша        

Жеткізілген тауарлардың/көрсетілген қызметтердің актісі

_______________                   20______ ж."_______" _________
(облыс, аудан)
Бұдан әрі «Тапсырыс беруші» деп аталатын ____________________________
                                                (мекеме атауы)
атынан 20____ ж. "______" ___________ бұйрығы негізінде әрекет ететін
____________________________________________ және бұдан әрі «Тауарлар
(Т.А.Ә. атқаратын қызметі)
жеткізуші» деп аталатын атынан ______________________________________
                  (тауарларды, қызметтер көрсетушінің толық атауы)
20__ ж. "______" № ________ Жарғы (сенімхат) негізінде әрекет ететін
________________ 20_____ ж. "____" _________ көрсетілген қызметтерді
(Т.А.Ә. атқаратын қызметі)
бағалау актісіне сәйкес төмендегі туралы осы Актіні жасады. Тауарларды/ қызметтерді жеткізуші өзі және Тапсырыс берушінің арасында жасалған 20___ ж. "_____" № _________ Шартқа сәйкес мынадай
сипаттамадағы қызметтерді көрсетті:

Тауардың/ қызметтердің толық атауы

Тауардың/ көрсетілген қызметтің қысқаша сипаттамасы

Өлшем бірлігі

Тауардың/ көрсетілген қызметтердің көлемі

Бір бірлігінің бағасы (теңге)

Сомасы (теңге)












Жеткізілген тауардың/көрсетілген қызметтердің қосымша сипаттамасы:
_____________________________________________________________________
                        (атап шығыңыз)
Жеткізілген тауарларға/көрсетілген қызметтерге наразылык жоқ (наразылық болған жағдайда атап шығыңыз)
____________________________________________________________________
1. Алынған тауарлардың/көрсетілген қызметтердің жалпы құны
_____________________________________________________________________

2. Аванс сомасы                        ______________________________
3. Бұрын актіленген сомасы             ______________________________
4. Төленуі тиіс                        ______________________________

Тапсырыс беруші үшін            Тауарларды/қызметтерді жеткізуші үшін
_________________________       _____________________________________
(Т.А.Ә. атқаратын қызметі)           (Т.А.Ә. атқаратын қызметі)
__________________________      ___________________________________
(қолы, мөртаңба бедері)                (қолы, мөртаңба бедері)