Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасы Жер ресурстарын басқару агенттігінің "Астанатопография", "Шығысгеодезия", "Батысгеодезия", "Қазгеокарт", "Солтүстікгеодезия", "Оңтүстікгеодезия", "Орталықмаркшейдерия" республикалық мемлекеттік қазыналық кәсіпорындары Қазақстан Республикасы Жер ресурстарын басқару агенттігінің "Қазгеодезия" республикалық мемлекеттік қазыналық кәсіпорнына (бұдан әрі - "Қазгеодезия" РМҚК) қосылу жолымен қайта ұйымдастырылсын.
2. Мыналар:
1) Қазақстан Республикасы Жер ресурстарын басқару агенттігі "Қазгеодезия" РМҚК-нің мемлекеттік басқару органы;
2) "Қазгеодезия" РМҚК қызметінің негізгі мәні топографиялық-геодезиялық және картографиялық жұмыстарды жүргізу болып белгіленсін.
3. Қазақстан Республикасы Жер ресурстарын басқару агенттігі заңнамада белгіленген тәртіппен:
1) Қазақстан Республикасы Қаржы министрлігінің Мемлекеттік мүлік және жекешелендіру комитетіне "Қазгеодезия" РМҚК-нің жарғысын бекітуге ұсынуды;
2) "Қазгеодезия" РМҚК-ні Қазақстан Республикасының әділет органдарында мемлекеттік тіркеуді;
3) осы қаулыдан туындайтын басқа да шараларды қабылдауды қамтамасыз етсін.
4. Қазақстан Республикасы Үкіметінің кейбір шешімдеріне мынадай өзгерістер енгізілсін:
1) "Республикалық мемлекеттік кәсіпорындардың тізбесі туралы" Қазақстан Республикасы Үкіметінің 1996 жылғы 25 маусымдағы № 790 қаулысында (Қазақстан Республикасының ПҮАЖ-ы, 1996 ж., № 29, 256-құжат):
көрсетілген қаулымен бекітілген республикалық мемлекеттік кәсіпорындардың тізбесінде:
"Қазақстан Республикасының Жер ресурстарын басқару жөніндегі агенттігі" деген бөлімде:
мынадай мазмұндағы реттік нөмірі 108-1-жолмен толықтырылсын:
"108-1 "Қазгеодезия" республикалық
мемлекеттік қазыналық кәсіпорны Астана қаласы";
"Қазақстан Республикасының Жер ресурстарын басқару жөніндегі агенттігі" деген бөлім және реттік нөмірлері 110, 111, 114, 116, 117, 118 және 120-жолдар алынып тасталсын;
2) "Қазақстан Республикасы Жер ресурстарын басқару агенттігінің ережесін бекіту туралы" Қазақстан Республикасы Үкіметінің 2005 жылғы 14 қаңтардағы № 14 қаулысында (Қазақстан Республикасының ПҮАЖ-ы, 2005 ж., № 1, 7-құжат):
1) көрсетілген қаулымен бекітілген Қазақстан Республикасы Жер ресурстарын басқару агенттігі туралы ережеде:
8-тармақтағы "Сол жағалау, 35-көше, 8-үй" деген сөздер "Есіл ауданы, Орынбор көшесі, 10-үй" деген сөздермен ауыстырылсын;
2) көрсетілген қаулымен бекітілген Қазақстан Республикасы Жер ресурстарын басқару агенттігінің қарамағындағы ұйымдардың тізбесінде:
реттік нөмірі 4-жолда "Батысгеодезия" деген сөз "Қазгеодезия" деген сөзбен ауыстырылсын;
реттік нөмірлері 5, 6, 7, 8, 9 және 10-жолдар алынып тасталсын;
3) "Республикалық мемлекеттік меншіктің кейбір мәселелері туралы" Қазақстан Республикасы Үкіметінің 2007 жылғы 11 маусымдағы № 483 қаулысында (Қазақстан Республикасының ПҮАЖ-ы, 2007 ж., № 19, 214-құжат):
көрсетілген қаулымен бекітілген жалпымемлекеттік міндеттерді орындау үшін қажетті республикалық мемлекеттік кәсіпорындардың тізбесінде:
"Қазақстан Республикасы Жер ресурстарын басқару агенттігі" деген бөлімде:
тақырыбының мемлекеттік тілдегі мәтіні өзгеріссіз қалдырылсын;
реттік нөмірі 283-жолда "Батысгеодезия" деген сөз "Қазгеодезия" деген сөзбен ауыстырылсын;
реттік нөмірлері 284, 285, 286, 287, 288 және 289-жолдар алынып тасталсын.
5. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов