Сертификаттау және азаматтық әуе кемелерін пайдаланушы сертификатын беру қағидасын бекіту туралы

      «Қазақстан Республикасының әуе кеңістігін пайдалану және авиация қызметі туралы» Қазақстан Республикасының 2010 жылғы 15 шілдедегі Заңының 13-бабының 20) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
      1. Қоса беріліп отырған Сертификаттау және азаматтық әуе кемелерін пайдаланушы сертификатын беру қағидасы бекітілсін.
      2. Осы қаулыға қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.
      3. Осы қаулы 2011 жылғы 27 қаңтардан бастап қолданысқа енгізілетін Сертификаттау және азаматтық әуе кемелерін пайдаланушы сертификатын беру қағидасының 9-тармағын қоспағанда, алғашқы ресми жарияланған күнінен бастап күнтізбелік он күн өткен соң қолданысқа енгізіледі.

      Қазақстан Республикасының
      Премьер-Министрі                                   К.Мәсімов

Қазақстан Республикасы
Үкіметінің
2010 жылғы 18 қазандағы
№ 1070 қаулысымен
бекітілген

Сертификаттау және азаматтық әуе кемелерін пайдаланушы сертификатын беру қағидасы 1. Жалпы ережелер

      1. Осы Сертификаттау және азаматтық әуе кемелерін пайдаланушы сертификатын беру қағидасы (бұдан әрі - Қағида) «Қазақстан Республикасының әуе кеңістігін пайдалану және авиация қызметі туралы» Қазақстан Республикасының 2010 жылғы 15 шілдедегі Заңына және Халықаралық азаматтық авиация туралы конвенцияның (Чикаго, 1944 ж.) 6-қосымшасына сәйкес әзірленді.
      2. Осы Қағида коммерциялық әуе тасымалдарын жүзеге асыратын заңды тұлғаларға сертификаттау және азаматтық әуе кемелерін пайдаланушы сертификатын (бұдан әрі - пайдаланушы сертификаты) беру тәртібін белгілейді.
      3. Пайдаланушының сертификаты басқа тұлғаға беруге жатпайды.
      4. Пайдаланушы сертификаты қолданылу саласын және мерзімін көрсете отырып, 2 жылдан аспайтын мерзімге беріледі.
      Азаматтық әуе кемелерін пайдаланушыларды сертификаттау кезеңділігі 2 жылды құрайды.
      5. Коммерциялық әуе тасымалдарын жүзеге асыратын азаматтық авиацияны пайдаланушы Халықаралық азаматтық авиация ұйымында (ИКАО) тіркеледі, онда оған үш әріптік код пен шартты телефон белгісі беріледі.
      6. Азаматтық авиация саласындағы уәкілетті органның қолы қойылған және мөрімен расталған пайдаланушы сертификатының көшірмесі әуе кемесінің бортында болады.
      7. Қағидада мынадай терминдер мен анықтамалар пайдаланылады:
      1) өтінім - өтініш берушінің сертификаттау рәсімдерінен өту үшін азаматтық авиация саласындағы уәкілетті органға жазбаша өтініші;
      2) өтініш беруші - азаматтық әуе кемесін пайдаланушының
сертификатын алу үшін азаматтық авиация саласындағы уәкілетті органға
өтініш берген заңды тұлға;
      3) сертификаттық тексеру - азаматтық авиация саласындағы уәкілетті орган жүзеге асыратын, өтінім берушінің құралдарын, жабдықтарын, пайдалану рәсімдерін, технологиялық процестерін, құжаттамасын, ұйымдық құрылымын, әкімшілік, ұшу және жер бетіндегі персоналының құзыретін сертификаттау талаптарына сәйкестігіне тексеру;
      4) сертификаттық талаптар - азаматтық авиацияны сертификаттау саласындағы нормативтік құқықтық актілермен белгіленген талаптар;
      5) ұшуды орындау жөніндегі нұсқау - ұшу тәртібін, ұйымдастырылуын, қамтамасыз етілуін және орындалуын регламенттейтін құжат;
      6) техникалық қызмет көрсетуді реттеу бойынша пайдаланушының нұсқаулығы - осы пайдаланушының әуе кемесіне техникалық қызмет көрсету бойынша барлық жоспарлы және жоспардан тыс жұмыстарды уақтылы және қанағаттанарлық етіп орындауды басқару мүмкіндігін қамтамасыз ететін пайдаланушы рәсімдерінің сипаттамасын қамтитын құжат;
      7) сертификаттық тексеруге алдын ала қорытынды - сертификаттау объектісінің құжаттамасын сараптау және тексеру нәтижелері бойынша азаматтық авиация саласындағы уәкілетті органның қарамағындағы шаруашылық жүргізу құқығындағы мемлекеттік кәсіпорын берген құжат;
      8) сәйкессіздік (-1) - пайдаланушы сертификатын беруге кедергі болатын, сертификаттық тексеру кезінде айқындалған сәйкессіздік;
      9) сәйкессіздік (-2) - келісілген мерзімде сәйкессіздік деректерін жою немесе пайдаланушының қызметі бойынша шектеулер енгізу шартымен пайдаланушы сертификатын беруге кедергі болмайтын сертификаттық тексеру кезінде айқындалған сәйкессіздік;
      10) сәйкессіздік (-3) - пайдаланушы сертификатын беруге кедергі болмайтын және сертификаттық тексеріп қарау процесінде жоюға жататын сертификаттық тексеру кезінде айқындалған сәйкессіздік.

2. Сертификаттауды жүргізу тәртібі

      8. Сертификаттауды жүргізудің мынадай тәртібі белгіленеді:
      1) азаматтық авиация саласындағы уәкілетті органға өтініш берушінің құжаттармен бірге өтінімді беруі;
      2) азаматтық авиация саласындағы уәкілетті органның өтінімі бойынша алдын ала бағалау және өтінім жөнінде шешім қабылдау;
      3) азаматтық авиация саласындағы уәкілетті органның сертификаттық тексеру жүргізуі;
      4) шешім қабылдау және пайдаланушы сертификатын беру (беруден бас тарту).
      9. Сертификаттауды жүргізу алдында өтінім беруші азаматтық авиация саласындағы уәкілетті органға сертификаттық тексеруге алдын ала қорытынды береді.
      10. Пайдаланушы сертификатын алуға арналған сертификаттаудың жалпы мерзімі 3 (үш) айдан аспауы тиіс.

3. Алдын ала бағалау және өтінім бойынша шешім

      11. Өтінім беруші осы Қағиданың 1-қосымшасына сәйкес азаматтық авиация саласындағы уәкілетті органға өтінім жібереді.
      Өтінімге осы Қағиданың 2-қосымшасына сәйкес құжаттар қоса берілді.
      Келесі сертификаттаулар кезінде өтінім беруші азаматтық авиация саласындағы уәкілетті органға мәлімделген өзгерістерге қатысты (өзгерістер болған немесе жаңарту қажет етілетін) құжаттарымен өтінімді ұсынады.
      12. Азаматтық авиация саласындағы уәкілетті орган ұсынылған құжаттарды қарайды және 30 (отыз) күннен аспайтын мерзімде осы Қағидаға 3-қосымшаға сәйкес олар бойынша тиісті шешім қабылдайды, ол туралы өтінім берушіге хабарлайды.
      13. Өтінімді алдын ала бағалау рәсімдермен, өтініш берушінің құжаттарында ұсынылған практика және әдістермен жалпы танысуды және олардың сертификаттық талаптарға сәйкестігін тексеруді қамтиды.
      Бұл ретте мынадай мәселелер қаралады:
      1) басқарудың ұйымдық құрылымы, практика және негізгі қағидаттары;
      2) осы Қағиданың 4-қосымшасына сәйкес ұшуды ұйымдастыру мен қамтамасыз етудегі басшы құрамның тәжірибесі, сондай-ақ ұшу қауіпсіздігін қамтамасыз етумен тікелей байланысты басшы құрам мен мамандар бойынша деректердің болуы;
      3) штатының жинақталуы және авиациялық персонал дайындығының дәрежесі;
      4) өтініш берушінің басқа ұйымдармен әуе кемелерін техникалық қызмет көрсетуге және жөндеуге, сондай-ақ авиациялық персоналды оқытуға жасасқан келісімдерінің болуы;
      5) әуе кемелерін экипажымен немесе экипажынсыз (мұндай болған жағдайда) жалға алу келісімдерінің (шарттарының) болуы;
      6) авиациялық техникаға қызмет көрсетуге және әуе тасымалын жүзеге асыруға арналған үй-жайдың болуы;
      7) осы Қағиданың 5-қосымшасына сәйкес ұшу жүргізу жөніндегі нұсқаулықтың болуы және оның мазмұны;
      8) осы Қағиданың 6-қосымшасына сәйкес техникалық қызмет көрсетуді реттеу бойынша пайдаланушы нұсқаулығының болуы және оның мазмұны;
      9) ұсынылатын әуе тасымалдарының көлемін, әуе кемелерінің типін, басқару және басшылық ету әдістерін, өтінім берушінің басшы орындарындағы мамандардың құқықтары мен міндеттерін бағалау;
      10) өтінім беруші ұсынған әуе кемелеріне техникалық қызмет көрсету жүйелері мен бағдарламаларына (регламентіне) алдын ала талдау жүргізу және ұшу пайдалануын, әуе қозғалысын ұйымдастырды, әуе кемелерінің және басқада жабдықтарды сондай-ақ ұшуды қамтамасыз ететін, қызметтердің техникалық жай-күйін инспекциялау (бақылау).
      11) өтінім бойынша шешім қабылдау.
      14. Өтінім мен ұсынылған құжаттардың осы Қағиданың талаптарына сәйкес келмеуі жағдайында, өтінім шешімде қайтарылу себептері көрсетіліп қайтаруға жатады.
      15. Оң шешілген жағдайда азаматтық авиация саласындағы уәкілетті орган сертификаттық тексеруді жүргізу үшін комиссия құрады.
      Комиссия құрамына функцияларына әуе кемелерінің пайдалану, техникалық қызмет көрсету және ұшу жарамдылығын ұстау мәселелері жататын азаматтық авиация саласындағы уәкілетті органның қызметкерлері кіреді.

4. Сертификаттық тексеру

      16. Сертификаттық тексеру осы Қағиданың 7-қосымшасына сәйкес сертификаттық тексерудің үлгі бағдарламасына сәйкес жүргізіледі және бірінші кезекте ұшу қауіпсіздігін қамтамасыз ету мәселелерімен байланысты оның қызметінің барлық аспектілерін қамтиды.
      17. Өтініш беруші өзінің қызметін ұшуды қамтамасыз етудің барлық түрлері бойынша ұйымдастырады, оларға мыналар жатады:
      1) құқықтық қамтамасыз ету;
      2) қаржылық-экономикалық қамтамасыз ету;
      3) ұшу пайдаланылуын қамтамасыз ету;
      4) инженерлік-авиациялық қамтамасыз ету;
      5) аэронавигациялық қамтамасыз ету;
      6) метеорологиялық қамтамасыз ету;
      7) әуеайлақтық және әуежайлық қамтамасыз ету;
      8) медициналық қамтамасыз ету.
      18. Ұшу, жердегі қызметтерді тексеру қойылған міндеттерді шешу үшін авиациялық персоналдың, жердегі құралдардың және жабдықтардың дайындық деңгейін анықтау мақсатында жүргізіледі.
      Бұл ретте ғимараттар мен құрылыстардың тиісті түрде жабдықталғаны, күзет дабылы, хабардар ету құралдары бар екендігі және олардың тікелей мақсаты бойынша пайдаланылатындығы тексеріледі және расталады.
      Ангарлық құрылыстар, зертханалар, авиатехникаға қызмет көрсету жөніндегі цехтар, әкімшілік ғимараттар, жолаушы кешендері, қоймалар және басқа да құрылыстар белгіленген талаптарға сәйкестігіне тексеріледі.
      19. Ұшу жұмысын ұйымдастыру, ұшқыштар құрамын дайындау және біліктілік беру азаматтық авиация саласындағы нормативтік құжаттардың талаптарына сәйкес келуі тиіс.
      20. Өтінім берушінің барлық пайдаланатын әуе кемелерінің қолданыстағы ұшуға жарамдылық сертификаттары немесе Қазақстан Республикасында қолданыстағы деп танылған шетел мемлекеттерінің ұшуға жарамдылық сертификаттары болады.
      21. Халықаралық ұшуды орындаған кезде өтінім беруші басқа елдердің әуежайларында өз өкілдерінің немесе басқа елдердің әуежайларында өкілдігі бар азаматтық авиацияны ұйымдарымен шарт жасасу арқылы техникалық қызмет көрсетуді қамтамасыз етеді. Басқа елдердің әуежайларында техникалық қызмет көрсету тиісті мемлекеттің әуежайларында техникалық қызмет көрсетуді ұйымдастырудың белгіленген тәртібіне сәйкес жүзеге асырылуы тиіс.
      22. Сертификаттық тексеру нәтижелері бойынша осы Қағиданың 11-қосымшасына сәйкес сертификаттық тексеру актісі өтінім берушінің объектілерінің нақты жай-күйін, қорытындыларды, ұсыныстарды және пайдаланушының сертификатын беру мүмкіндігі (мүмкін еместігі) туралы қорытынды көрсетіле отырып жасалады. Актіге комиссияның барлық мүшелері қол қояды және танысу үшін өтініш берушіге беріледі.
      23. Сертификаттық тексеру кезінде Сертификат беруге кедергі болмайтын сәйкеспеушілік анықталған жағдайда өтініш беруші сертификаттау кезінде табылған кезде уақыты мен сәйкеспеушілікті жоюға жауапты тұлғалар көрсетілген сәйкеспеушілікті жою жөнінденгі іс-шаралар жоспарын құрады.
      Іс-шаралар жоспары өтініш берушімен бекітіледі және азаматтық авиация саласындағы уәкілетті органмен бекітіледі. Сәйкеспеушілік жойылғаннан кейін өтініш беруші азаматтық авиация саласындағы уәкілетті органға жойылғандығы туралы анықтаманы ұсынады.
      24. Уәкілетті орган, егер өтініш беруші әуе кемелерінің ұшуы, техникалық пайдалануы және ұшуды орындауды қамтамасыз ету үшін, сондай-ақ міндетті сақтандыруды жүзеге асыратын қажетті сертификатталған әуе кемесімен, дайындықтан өткен персоналмен, құжаттамамен, жабдықпен, құрылыспен, ғимаратпен қамтамасыз етілген болса пайдаланушы сертификатын беру туралы шешімді қабылдайды.

5. Пайдаланушы сертификатын беру, беруден бас тарту

      25. Пайдаланушы сертификатын беру үшін пайдаланушы сертификатын беру мүмкіндігі туралы қорытындысымен сертификаттық тексеру актісі негіз болып табылады.
      Азаматтық авиация саласындағы уәкілетті орган он күн мерзімде осы Қағиданың 9-қосымшасына сәйкес пайдаланушы сертификатын ресімдеуді және беруді жүргізеді.
      26. Пайдаланушы сертификатын беруден бас тарту мынадай жағдайларда жүргізіледі, егер:
      1) өтінім беруші ұсынған құжаттар осы Қағиданың талаптарына сәйкес келмегенде;
      2) өтініш беруші ұсынатын қызметтер көрсету сертификаттық талаптары сәйкес келмегенде;
      3) өтініш берушіге қатысты қызметтердің осы түрлерін көрсетуге тыйым салатын соттың шешімі болғанда.
      27. Пайдаланушы сертификатын және беруден бас тартқан кезде өтініш берушіге бас тарту себептері көрсетілген дәлелді жауап беріледі.
      28. Пайдаланушы сертификатында белгіленген талаптар мен шектеулерді пайдаланушы сақтайды.

6. Пайдаланушы сертификатының қолданылуын тоқтата тұру және кері қайтарып алу

      29. Азаматтық авиация саласындағы уәкілетті орган пайдаланушы сертификатының қолданылуын мынадай жағдайларда тоқтата тұрады:
      1) пайдаланушы сертификаттық талаптар мен шектеулерді сақтамағанда;
      2) Қазақстан Республикасының міндетті сақтандыру түрлері туралы  заңдарының талаптарына сәйкес сақтандырумен қамтамасыз етпегенде;
      3) инспекциялық тексеру кезінде, соның ішінде шетел мемлекеттерінде белгіленген ұшу қауіпсіздігіне әсерін тигізетін бұзушылықтар анықталғанда.
      30. Пайдаланушы сертификатының қолданылуы тоқтатыла тұрған жағдайда азаматтық авиация саласындағы уәкілетті орган тоқтатыла тұру себебін көрсетеді және пайдаланушы сертификатының қолданылуын тоқтата тұру мерзімін белгілейді.
      Егер әуе кемесін пайдаланушы белгіленген мерзімде анықталған бұзушылықтарды жоймаған болса, азаматтық авиация саласындағы уәкілетті орган пайдаланушы сертификатын қайтарып алады.
      31. Пайдаланушы сертификатының қолданылуын қайта қалпына келтіруді (оны тоқтата тұру жағдайында) азаматтық авиация саласындағы уәкілетті орган пайдаланушы анықталған кемшіліктерді жойғаннан және уәкілетті орган қажетті тексерулерді жүргізгеннен кейін ғана жүзеге асырады.
      32. Пайдаланушы сертификатының қолданылуын тоқтата тұру немесе қайтарып алу жағдайында азаматтық авиация саласындағы уәкілетті орган қабылданған шешім туралы пайдаланушыға және аэронавигациялық ақпарат қызметіне дереу хабарлайды.
      33. Пайдаланушы сертификатын кері қайтарып алу кезінде пайдаланушы азаматтық авиация саласындағы уәкілетті органға құжаттың түпнұсқасын дереу қайтарады.

7. Пайдаланушы сертификатына өзгерістер енгізу және телнұсқасын беру

      34. Пайдаланушы сертификаты пайдалану бойынша арнайы ережеге өзгерістер мен толықтырулар енгізген кезде өтінім беруші азаматтық авиация саласындағы уәкілетті органға осы Қағиданың 10-қосымшасына сәйкес құжаттары бар өтінімді жібереді.
      35. Пайдаланушының атауы, оның мәртебесі, ведомстволық тиесілілігі өзгерген жағдайда, егер олар сертификаттық талаптарға сәйкессіздіктерге әкеп соқтырмайтын болса, пайдаланушы сертификатына, пайдаланушы сертификатын пайдалану бойынша арнайы ережелерге тиісті өзгерістер енгізіледі. Өзгерістер енгізу мерзімі өтінім берген сәттен бастап 10 күнтізбелік күнді құрайды.
      36. Пайдаланушы бұрын ол пайдаланбаған басқа типтердегі әуе кемелерін сатып алынған (жалға алу, лизинг) жағдайда азаматтық авиация саласындағы уәкілетті орган инспекциялық тексеріп қарауды жүргізеді, олардың нәтижелері бойынша сертификаттың арнайы ережесіне тиісті толықтырулар (өзгерістер) енгізіледі.
      37. Пайдаланушы сертификаты бүлінген немесе жоғалған (ұрланған) жағдайда азаматтық авиация саласындағы уәкілетті орган 10 күнтізбелік күн ішінде пайдаланушы сертификатының телнұсқасын береді.
      38. Пайдаланушы телнұсқаны алу үшін бұрын берілген пайдаланушы сертификатын қажетті негіздемелерімен және қосымшаларымен, еркін нысандағы өтінішті азаматтық авиация саласындағы уәкілетті органға береді (жоғалғаннан (ұрланғаннан) басқа жағдайларда).

Сертификаттау және азаматтық
әуе кемелерін пайдаланушы
сертификатын беру қағидасына
1-қосымша

Нысан

Уәкілетті орган басшысына

Пайдаланушы сертификатын алуға арналған (пайдаланушы сертификатын пайдалану жөніндегі арнайы ережелерге өзгерістер енгізуге арналған) өтінім

_____________________________________________________________________
пайдаланушы сертификатын алу, қолданылу мерзімін ұзарту, пайдалану жөніндегі арнайы ережелерге өзгерістер енгізу) мақсатында _____________________________________сертификаттау жүргізуді сұраймын
(өтінім берушінің толық аты-жөні) ұшуды бастау жоспарланған күн ____________________________________________(ұзарту/өзгерістер енгізу кезінде тиісінше қолданыстағы сертификаттың аяқталу мерзімі немесе жаңа пайдалану жағдайындағы ұшуды бастау жоспарланған күн көрсетіледі)
      өтінім беруші:
      - сертификаттау рәсімдерін орындауға;
      - сертификаттау талаптарына жауап беруге;
      - уәкілетті органға ұшулардың ұйымдастырылуын, қамтамасыз етілуін және орындалуын бақылауды жүзеге асыруға мүмкіндік беруге міндеттенеді.

      Басшы___________________________
            (лауазымы / қолы / кұні)

М.О.

Сертификаттау және азаматтық
әуе кемелерін пайдаланушы
сертификатын беру қағидасына
2-қосымша

Нысан

Пайдаланушы сертификатын алуға арналған өтінімге қоса беріліп отырған құжаттардың тізбесі

      1. Азаматтық авиация саласындағы уәкілетті органның қарамағындағы ұйым берген сертификаттық тексеруге алдын ала қорытынды.
      2. Өтінім берушінің мыналарды қамтитын ақпараты:
      1) негізгі мәліметтер мен өтінім берушінің құрылтайшылары;
      2) өтінім берушінің тіркелген атауы;
      3) өтінім берушінің негізгі қызмет орнының мекенжайы;
      4) пайдаланушымен тікелей байланыс (байланыс ақпараты), қажет жағдайда ұшуды өндіру, ұшу жарамдылығы, ұшу және кабина экипаждары мүшелерінің біліктілігі, қауіпті жүктердің тасымалы және басқада сәйкесінше мәселелер бойынша жедел басшылығымен тез арада байланысқа шығуға қажетті телефон нөмірі мен факсі кіретін, соның ішінде елдің коды және электрондық поштасының мекенжайы (бар болса);
      5) жоспарлы коммерциялық әуе тасымалының түрлері;
      6) ұшу өңірлері (аудандары);
      7) әуе кемелеріне арналған мәліметтер және оларды пайдалану бойынша шектеулер;
      8) әуе кемесіне техникалық қызмет көрсетуді ұйымдастыру;
      9) ұшу жұмыстарын ұйымдастыру;
      10) ұшуды қамтамасыз ету.
      3. Өтінім беруші жарғысының көшірмесі және құрылтайшы шарты.
      4. Заңды тұлғаны мемлекеттік тіркеу (қайта тіркеу) туралы анықтаманың не куәліктің көшірмесі.
      Ескерту. 4-тармақ жаңа редакцияда - ҚР Үкіметінің 21.05.2013 № 507 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).
      5. Ұйымдастыру құрылымы, штат кестесі.
      6. Ұшу қауіпсіздігін қамтамасыз етуге тікелей байланысты басшылық құрамы мен авиациялық мамандардың міндеттерін белгілейтін лауазымдық нұсқаулықтар.
      7. Экипаждың жұмыс және демалыс уақыты туралы ереже, оның ішінде ұшу кезіндегі ең аз экипаж құрамымен және күшейтілген экипажбен немесе бір әуе кемесіндегі екі экипажбен.
      8. Ұшу қауіпсіздігін қамтамасыз етуге тікелей байланысты басшылық құрамы мен авиациялық мамандар жөніндегі мәлімет.
      9. Азаматтық авиация саласындағы уәкілетті органмен бірге ұшу қауіпсіздігін қамтамасыз ететін азаматтық авиация ұйымының басшы қызметкерлерінің лауазымдарын келісуді растайтын құжаттар: ұшу қызметінің басшысы, ұшу қауіпсіздігі жөніндегі инспекцияның бастығы, инженерлік-авиациялық қызметтің басшысы.
      10. Командалық-ұшу, нұсқаушы және ұшқыштар құрамы туралы деректер:
      1) лауазымы;
      2) тегі, аты, әкесінің аты;
      3) бастапқы дайындығы;
      4) ұшқыштар құрамы куәлігінің сыныбы, нөмірі, қолданылу мерзімі, кім берді;
      5) жалпы ұшу;
      6) кем дегенде әуе кемесінің командирімен әуе кемесі түрлері бойынша ұшу, қатарға қосу өткен (өтетін) құжаттың атауы, соңғы саралап тексерудің мерзімі (ұшуды басқару техникасы, ұшақты жүргізу, ұшудағы практикалық жұмысы);
      7) медициналық куәландыру, куәліктің әрекет ету мерзімі;
      8) ағылшын тілінде байланыс жүргізуге рұқсат беру, бітіргені туралы құжаттың нөмірі, кім және қашан берді;
      9) мамандық бойынша соңғы біліктілігін жетілдіру курстары
      10) ағылшын тілі бойынша соңғы біліктілігін жетілдіру курстары;
      11) авариялық жағдайда әрекет ету бойынша машықтануды үйрену және қуаттау;
      12) соңғы жұмыс орны (ұйымның атауы, лауазымы, жұмыс істеген кезеңі).
      11. Пайдаланушының басшылығы бекіткен ұшу қызметін жүзеге асыру құжаттарының тізбесі;
      12. Пайдаланушының басшылығы бекіткен және азаматтық авиация саласындағы уәкілетті органмен келісілген азаматтық әуе кемелерін пайдаланушының ұшуын жүргізу жөніндегі нұсқау.
      13. Техникалық қызмет корсету жүргізілетін құжаттардың тізбесі;
      14. Пайдаланушының басшылығы бекіткен техникалық қызмет көрсетуді реттеу жөніндегі пайдаланушының нұсқауы.
      15. Азаматтық әуе кемелерін мемлекеттік тіркеу туралы куәліктердің, ұшуға жарамдылық сертификаттарының, радиостанцияларға арналған рұқсаттың (лицензияның), әуе кемелерінің жергілікті жерлердегі шулы бойынша сертификаттардың көшірмелері.
      16. Қазақстан Республикасының міндетті сақтандыру түрлері туралы заңдарының талаптарына сәйкес міндетті сақтандырудың сақтандыру полисінің көшірмелері.
      17. Ұшуды қамтамасыз ету, әуе кемелерін бірлесе пайдалану, авиациялық қауіпсіздік шараларын қамтамасыз етуге арналған шарттардың көшірмелері.
      18. Пайдаланушының басшылығы бекіткен әуе кемелерінің бояуы мен мәтіндік сипаттамасының үлгілері.
      19. Азаматтық авиация қызметіне заңсыз араласу актілерін болдырмау жөніндегі шаралар туралы құжаттар.
      20. Халықаралық ұшулар үшін құжаттар:
      1) халықаралық ұшуларды орындау үшін нормативтік және ұшу құжаттамасының тізбесі және оның болуы;
      2) әуежайлардағы кедендік, паспорттық, санитарлық және карантиндік бақылау жөніндегі ақпарат;
      3) халықаралық рейстердің жолаушыларын орналастыру мен тамақтандыру үшін қонақ үй, мейрамхана, дәмханалар туралы ақпарат.
      21. Жүк және жолаушы тасымалын ресімдеу үшін тасымалдау құжаттамасының тізбесі, егер пайдаланушы дербес жұмыс істейтін болса (шарт бойынша емес):
      1) жиынтық тиеу ведомостары;
      2) бас декларациялар;
      3) жүктің нөмірлі биркасы;
      4) «аса маңызды кісі» биркасы;
      5) тіркеу ведомостары;
      6) купондар тізілімдері;
      7) жүк ведомостары;
      8) қону талондары;
      9) жолаушылар багажы мен жүктерді тасымалдау кезіндегі ақаулықтар туралы актілер;
      10) жолаушы манифесті;
      11) жүктің жүкқұжаты;
      12) жүк манифесті;
      13) 1,2 және одан көп тасымалдаушыларға арналған авиабилеттер;
      14) 1,2 тасымалдаушыға арналған әр түрлі жиын ордерлері;
      15) жүктің нөмірлі жүкқұжаты;
      16) 1,2 тасымалдаушыға арналған ақылы багаждың түбіртегі.
      22. Әуе кемелері туралы мәліметтер және әуе кемелері түрі, олардың жабдықтары бойынша техникалық қызмет көрсетуді ұйымдастыру сипаттамасы, сондай-ақ әрбір әуе кемесінің орналасқан жері туралы анықтама.
      23. Әуе кемелерін пайдалану бойынша шектеулер:
      1) әуе кемесінің түрі, моделі;
      2) тіркеу нөмірі;
      3) әуе кемесінің қонуына кіруге рұқсат қағазы және Азаматтық авиациясы халықаралық ұйымының I, II, III санаттары бойынша қону;
      4) қонуға кіру жүйесі бойынша әуе кемесі үшін белгіленген минимумдар: ILS, VОR/DME, РАR, 2NDB, РАR+2NDB, VOR, NDB;
      5) ұшуларды көзбен шолу және қонуға кіру үшін әуе кемелеріне арналған белгіленген минимумдар;
      6) (РВN) (RNAV 10, RNAV 5, RNAV 4, RNAV 1, RNР 4, RNР АРСН) сипаттамасымен негізделген навигация жағдайында ұшуға рұқсат беру;
      7) (GNSS, DME/DME, ІRU/IRS, VOR/DME, LRNS, MNPS) сипаттамасымен негізделген навигациялық санап теруге байланысты шектеулер;
      8) ұлғайтылған алыстық жағдайында әуе кемелеріне ұшуға рұқсат беру (ЕТ0РS) (қос қозғалтқышты әуе кемелері үшін);
      9) тік эшелондау жағдайында ұшуға рұқсат беру (RVSМ);
      10) аудандарда немесе (RСР) байланыстың сәйкес түрі белгіленген маршруттар бойынша ұшуға арналған жабдықтармен әуе кемелерін жабдықтау;
      11) соқтығысуды ескерту жүйесімен жабдықтау.
      24. Әуе кемелерін жалға беруге (жалдау) арналған шарттардың (келісімшарттардың) көшірмелері.
      25. Пайдаланушының ұшу қауіпсіздігін басқару жөніндегі нұсқаулық.
      Барлық жоғарыда көрсетілген құжаттардың көшірмелеріне өтінім берушінің қолы мен және мөрі мен басталады.

Сертификаттау және азаматтық
әуе кемелерін пайдаланушы
сертификатын беру қағидасына
3-қосымша

Нысан

Пайдаланушының сертификатын алуға арналған өтінім бойынша шешім

__________жылғы «___»__________ №_______
_____________________________________________________________________
                   (коммерциялық әуе тасымалдары)
_____________________________________________________________________
орындауға азаматтық әуе кемелерін пайдаланушы сертификатын алуға арналған
_____________________________________________________________________
                     (өтінім берушінің атауы)

      өтінімін қарап,
      Хабарлаймыз:
      Сіз ұсынған құжаттар Сертификаттау және азаматтық әуе кемелерін пайдаланушы сертификатын беру қағидасына сәйкес (сәйкес емес) (құжаттар сәйкес келмеген жағдайда сәйкессіздік тармағы/тармақтары көрсетіледі)
_____________________________________________________________________

      Мөр                               Уәкілетті органның, басшысы
                                        не ол уәкілеттік берген адам
                                      _____________      ____________
                                         (Т.А.Ә.)           (қолы)

      20 жылғы «____»___________

Сертификаттау және азаматтық
әуе кемелерін пайдаланушы
сертификатын беру қағидасына
4-қосымша

Нысан

Ұшу қауіпсіздігін қамтамасыз етумен тікелей байланысты басшылық құрам және мамандар жөніндегі деректер

      1. Тегі, аты, әкесінің аты, атқарып отырған қызметі.
      2. Туған жылы.
      3. *Білімі.
      4. *Арнайы білімі.
      5. Басшылық қызметтегі жұмысы (атқарып отырған қызметтегі жұмыс өтілін көрсетіп).
      6. Азаматтық авиация маманы куәлігінің нөмірі, оның қолданылу мерзімі.
      7. Біліктілікті жоғарылату (күні, оқу орны, біліктілікті жоғарылату бағдарламасы).
      8. Кезеңді аттестаттаудан өту, қорытынды

      Басшы______________________
               (күні, қолы)

      *Ескертпе: Өтініш берушінің білімі және арнайы дайындығы туралы құжаттардың көшірмелерін ұсынады.

Сертификаттау және азаматтық
әуе кемелерін пайдаланушы
сертификатын беру қағидасына
5-қосымша

Нысан

Ұшуды орындау жөніндегі үлгі нұсқау

      1. Ұшуды орындау жөніндегі нұсқауды қолданыстағы ережелерге, нұсқаулықтарға және ИКАО 9376-А1Ч/914 құжатын және төменде келтірілген Ұшуды орындау жөніндегі үлгі нұсқауды әдістемелік оқулық ретінде пайдалана отырып, әуе кемелерін пайдалануды реттейтін басқа да нормативтік құқықтық актілерге сәйкес өтініш беруші әзірлейді:
      Халықаралық азаматтық авиация туралы конвенцияға 6-қосымшаның В толықтыруында. Әуе кемелерін пайдалану, I бөлік. Халықаралық коммерциялық көлік. Ұшақтар - ұшақтарды пайдаланушы өтініш берушілер үшін;
      Халықаралық азаматтық авиация туралы конвенцияға 6-қосымшаның Н толықтыруында. Әуе кемелерін пайдалану, III бөлік. Халықаралық ұшу. Тікұшақтар - тікұшақтарды пайдаланушы өтініш берушілер үшін.
      2. Ұшуды орындау жөніндегі нұсқауда мынадай құрылым бар:
      А бөлігі. Жалпы ережелер;
      В бөлігі. Әуе кемесін пайдалану жөніндегі ақпарат;
      С бөлігі. Аудандар, бағыттар және әуеайлақтар;
      D бөлігі. Дайындық.
      3. Ұшақтарды пайдаланатын өтініш берушілер үшін Нұсқаулықта мынадай ақпарат болуы тиіс:

      А бөлігі. Жалпы ережелер.

      1-тарау. Әкімшілік және ұшуды орындау жөніндегі нұсқауды бақылау.
      2-тарау. Ұшуды орындауға қатысы бар персоналдың міндеттері жалпы түрде баяндалған нұсқаулықтар.
      3-тарау. Ұшу уақыты мен қызметтік ұшу уақытын нормалау ережесі және ұшу экипажы мүшелері мен бортсеріктер үшін жеткілікті демалу уақытын көздейтін ережелер.
      4-тарау. Сипаттамаларға негізделген навигацияны пайдалану ұйғарылған әуе кеңістігінде ұсынуды жүргізуге қатысты кез келген талаптарды қоса алғанда, бортта болуы тиіс навигациялық жабдықтың тізбесі.
      5-тарау. Тиісті ұшу үшін - қозғалтқыштың істен шығуына байланысты алыс навигация ережелерін ЕТОРS-ты орындау рәсімін пайдалануға жататын, сондай-ақ қосалқы әуеайлақтарды тағайындау және пайдалану.
      6-тарау. Радиожиіліктерді тыңдау қажет жағдайлар.
      7-тарау. Ұшудың ең төменгі абсолютті биіктіктерін анықтау әдісі.
      8-тарау. Әуеайлақтардың пайдалану минимумдарын анықтау әдістері.
      9-тарау. Бортта жолаушылар болғанда отын құю уақытында қабылданатын сақтық шаралары.
      10-тарау. Жер үстінде қызмет көрсетуді ұйымдастыру және оның рәсімдері.
      11-тарау. Халықаралық азаматтық авиация туралы конвенцияға 12-қосымшада айтылған оқиға куәлары болған әуе кемелері командирлерінің іс-қимыл тәртібі.
      12-тарау. Орындалатын ұшудың әрбір үлгісі үшін ұшу экипажының құрамы, оның ішінде басшылықтың сабақтастық тәртібі.
      13-тарау. Барлық ұшу шарттарын, оның ішінде бағытта бір немесе бірнеше қозғалтқыштардың ашылып кетуі мен істен шығу мүмкіндігін ескере отырып, бактарда болуы қажет отын мен май мөлшерінің есебі жөніндегі дәл нұсқаулар.
      14-тарау. Оттегі қолданылатын жағдайлар және оттегі қоры.
      15-тарау. Салмақ пен орталықтағышты бақылауға қатысты нұсқаулар.
      16-тарау. Мұздануды жоюға/алдын алуға және осы операциялардың орындалуын бақылауға қатысты нұсқаулар.
      17-тарау. Ұшудың жұмыс жоспарына қойылатын техникалық талаптар.
      18-тарау. Ұшудың әрбір кезеңіне арналған стандартты пайдалану рәсімдері (SOР).
      19-тарау. Қарапайым бақылау тізбелерін пайдалануға және оларды пайдалану уақытына қатысты нұсқаулар.
      20-тарау. Күтпеген жағдайларда ұшып шығу ережелері.
      21-тарау. Абсолюттік биіктік туралы ақпаратқа және абсолюттік биіктік туралы автоматтық құралдармен немесе ұшу экипажы мүшелерінің хабарлауына қатысты нұсқаулар.
      22-тарау. Қарапайым метеожағдайларда автопилоттарды және тартқыш автоматтарын пайдалануға қатысты нұсқаулар.
      23-тарау. Әуе қозғалысына қызмет көрсету органының рұқсаттарын, атап айтқанда елді мекеннен ұшып өтуге қатысты рұқсаттарды нақтылауға және қабылдауға қатысты нұсқаулар.
      24-тарау. Ұшуға және қонуға кіруге қатысты нұсқаулық өткізу.
      25-тарау. Аудандармен, бағыттармен және әуеайлақтармен танысу рәсімдері.
      26-тарау. Қонуға тұрақтандырылған кіру рәсімі.
      27-тарау. Жер бетіне таяу төмендеудің жоғары жылдамдықтарын шектеу.
      28-тарау. Қонуға аспаптар бойынша бет алуды бастау немесе жалғастыру үшін қажетті жағдайлар.
      29-тарау. Қонуға аспаптар бойынша дәл және дәл емес бет алуды орындауға қатысты нұсқаулар.
      30-тарау. Міндеттерді ұшу экипажы арасында бөлу және қонуға бет алуды және қонуды түнгі уақытта аспаптар бойынша және қарапайым метеожағдайларда орындау кезінде экипажға түсетін жұмыс жүктемесін реттеу рәсімдері.
      31-тарау. Жарамды әуе кемесінің жермен соқтығысуын болдырмау әдістеріне оқытуға арналған нұсқаулар және талаптар, сондай-ақ жердің таяу екені туралы ескерту жүйесін (GPWS) пайдалану қағидаттары.
      32-тарау. Соқтығысудың алдын алу әдістеріне оқытуға және соқтығысудың алдын алудың борттық жүйесін (БСПС) пайдалануға арналған қағидаттар, нұсқаулар, ережелер және талаптар.
      33-тарау. Азаматтық әуе кемелерін басып алуға қатысты ақпарат пен нұсқаулар, оның ішінде:
      а) Халықаралық азаматтық авиация туралы конвенцияға 2-қосымшада жазылған басып алынатын әуе кемелері командирлерінің іс-қимыл тәртібі;
      b) Халықаралық азаматтық авиация туралы конвенцияға 2-қосымшадан алынған басып алатын және басып алынатын әуе кемелерінің пайдалануы үшін көрінетін сигналдар.
      34-тарау. 15 000 м-ден (49 000 фут) астам биіктікте пайдалануға жататын ұшақтар үшін:
      а) ғарыштық күн радиациясы әсер еткен жағдайда ұшқышқа оңтайлы іс-қимыл барысын анықтауға мүмкіндік беретін ақпарат;
      b) төмендеу туралы шешім қабылданған жағдайда мыналарды көздейтін іс-қимыл тәртібі:
      1) әуе қозғалысына қызмет көрсететін тиісті органды қалыптасқан жағдай және төмендеуге уақытша рұқсат алу туралы ескертудің қажеттігі;
      2) әуе қозғалысына қызмет көрсететін органмен байланыс орнату мүмкін болмаған немесе бұл байланыс үзілген жағдайда, қабылдануы қажет іс-қимыл.
      35-тарау. Ұшу қауіпсіздігі жүйесі туралы егжей-тегжейлі мәліметтер.
      36-тарау. Авариялық ахуал туындаған жағдайда қабылдануы тиіс іс-қимылды қоса алғанда, қауіпті жүктерді тасымалдау жөніндегі ақпарат пен нұсқаулықтар.
      37-тарау. Қауіпсіздік жөніндегі нұсқаулықтар мен нұсқаулар.
      38-тарау. Ұшақты тінту ережесінің бақылау тізбесі.

      В бөлігі. Әуе кемесін пайдалану жөніндегі ақпарат.
      1-тарау. Сертификаттық шектеулер мен пайдаланудағы шектеулер. 2-тарау. Ұшу экипажының қалыпты, штаттық емес және авариялық жағдайлардағы іс-қимыл тәртібі және оған байланысты бақылау карталары.
      3-тарау. Барлық жұмыс істеп тұрған қозғалтқыштарымен бірге пайдалану және биіктікке көтерілу сипаттамалары туралы ақпарат жөніндегі нұсқаулық.
      4-тарау. Тартымның/қуаттың және жылдамдықтың әр түрлі белгіленген мәндері бар ұшу алдындағы ұшуды жоспарлау мен ұшуды жоспарлау деректері.
      5-тарау. Пайдаланылатын ұшақтардың әрбір үлгісі үшін желдің бүйірден соққан және бағыттас құрамдастарының ең жоғарғы мәндері және желдің екпінін, нашар көрінімді, ҰҚЖ бетінің жай-күйін, экипаждың тәжірибесін, авиапилотты пайдалануды, штаттық емес немесе авариялық жағдайларды немесе ұшуды орындауға байланысты кез келген басқа факторларды ескере отырып пайдалануға жататын азайтылған мәндері.
      6-тарау. Салмақты және орталықтағышты есептеуге арналған нұсқаулықтар мен деректер.
      7-тарау. Әуе кемесіне тиеу және жүкті арқандап байлау жөніндегі нұсқаулық.
      8-тарау. Әуе кемесінің жүйелері, тиісті басқару органдары мен оларды пайдалану жөніндегі нұсқаулықтар.
      9-тарау. Сипаттамаларға негізделген навигацияны пайдалануға нұсқама берілген, әуе кеңістігінде ұшуды орындауға қатысты кез келген талаптарды қоса алғанда, ұшақтардың пайдаланылатын үлгілері мен рұқсат етілген арнайы ұшулар үшін ең аз жабдықтың тізбесі мен конфигурациялардан ауытқулардың тізбесі.
      10-тарау. Авариялық және құтқару жабдығының бақылау тізбесі, сондай-ақ оны пайдалану жөніндегі нұсқаулықтар.
      11-тарау. Ахуал түрлері бойынша арнайы рәсімдерді, экипаждың іс-қимылын үйлестіруді, авариялық жағдайларда экипаж мүшелеріне олардың жұмыс орындарын бекітуді және экипаждың әрбір мүшесіне тапсырылған авариялық міндеттерді қоса алғанда, авариялық эвакуация ережесі.
      12-тарау. Қызмет көрсетуші экипаждың қалыпты, штаттық емес және авариялық жағдайлардағы іс-қимыл тәртібі, оған байланысты бақылау карталары, сондай-ақ ұшу және қызмет көрсетуші экипаждардың іс-қимылын үйлестірудің қажетті рәсімдерінің сипаттамасын қоса алғанда, белгіленген талаптарға сәйкес әуе кемесінің жүйелері туралы ақпарат.
      13-тарау. Түрлі бағыттарға арналған құтқару және авариялық жабдық пен оттегінің қолда бар және қажетті қорын анықтау рәсімін қоса алғанда, ұшып шығу алдындағы оның қалыпты жұмысын тексерудің қажетті рәсімдері.
      14-тарау. Халықаралық азаматтық авиация туралы конвенцияға 12-қосымшадан алынған, тірі қалғандардың пайдалануын арналған «жер-әуе» көрінетін сигналдарының коды.

      С бөлігі. Бағыттар мен әуеайлақтар
      1-тарау. Ұшу экипажын әрбір ұшу кезінде байланыс құралдары, навигация құралдары, әуеайлақтар, әрбір нақты ұшуды орындауға қажетті аспаптар бойынша қонуға бет алу, аспаптар бойынша ұшып келу және аспаптар бойынша ұшып шығу туралы мәліметтермен және пайдаланушы ұшудың дұрыс орындауы үшін қажет деп есептейтін басқа да мәліметтермен қамтамасыз етуге арналған бағыттың анықтамалық деректер.
      2-тарау. Әрбір белгіленген бағыттағы ұшудың ең төменгі абсолюттік биіктігі.
      3-тарау. Белгіленген қону айлақтары немесе қосалқы айлақтар ретінде пайдалану болжанатын әуеайлақтардың әрқайсысының пайдалану минимумдары.
      4-тарау. Қонуға бет алуды қамтамасыз ету құралдарының немесе әуеайлақ құралдарының жұмысы нашарлаған жағдайда әуеайлақтардың пайдалану минимумдарын ұлғайту туралы ақпарат.
      5-тарау. Алдын ала қарастырылатын ережелермен, барлық ұшу бағыты үшін қажетті ақпарат, оның ішінде, басқаларға қоса анықтайтын:
      1) ҰҚЖ беті құрғақ, ылғалды және ластанған жағдайларда ұшып көтерілген кезде ҰҚЖ ұзындығына қойылатын талаптарды, соның ішінде ұшып көтерілу қашықтығына әсер ететін жүйелердің істен шығуына негізделген талаптарды;
      2) ұшып көтерілген кезде биіктік алуды шектеулерді;
      3) бағыт бойынша ұшу кезінде биіктік алуды шектеулерді;
      4) қонуға бет алған және қонған кезде биіктік алуды шектеулерді;
      5) ҰҚЖ беті құрғақ, ылғалды және ластанған жағдайларда қонған кезде, оның ішінде қону қашықтығына әсер ететін жүйелер істен шыққан кезде ұҚЖ ұзындығына қойылатын талаптарды;
      6) қосымша ақпаратты, мысалы пневматик жылдамдығын шектеулерді айқындауды қоса алғанда, ережелерде көзделген ұшулардың барлық бейіндерінің сақталуын қамтамасыз ету үшін қажетті ақпарат.

      D бөлігі. Дайындық.
      1-тарау. Ұшу экипажын даярлау бағдарламасы туралы егжей-тегжейлі мәліметтер.
      2-тарау. Бортсеріктерді міндеттерін орындауға даярлау бағдарламасы туралы егжей-тегжейлі мәліметтер.
      3-тарау. Өз функцияларын ұшуды орындауды бақылауды жузеге асыру әдісіне сәйкес орындайтын ұшуды орындауды қамтамасыз ету жөніндегі қызметкерді/диспетчерді даярлау бағдарламасы туралы егжей-тегжейлі мәліметтер.
      4-тарау. Қауіпті жүктерді тасымалдау үшін авиациялық персоналды даярлау бағдарламасы.
      5-тарау. Авиациялық қауіпсіздік жөніндегі авиациялық персоналды даярлау бағдарламасы.
      4. Тікүшақтарды пайдаланатын өтініш берушілер үшін Нұсқау мынадай ақпаратты қамтуы тиіс:

      А бөлігі. Жалпы ережелер
      1-тарау. Әкімшілік және Ұшуды орындау жөніндегі нұсқауды бақылау.
      2-тарау. Ұшуды жүргізуге қатысы бар персоналдың міндеттері жалпы түрде баяндалған нұсқаулықтар.
      3-тарау. Ұшу уақыты мен қызметтік ұшу уақытын нормалау ережесі және ұшу экипажы мүшелері мен бортсеріктер үшін жеткілікті демалу уақытын көздейтін ереже.
      4-тарау. Сипаттамаларға негізделген навигацияны пайдалану ұйғарылған әуе кеңістігінде ұшуды жүргізуге қатысты кез келген талаптарды қоса алғанда, бортта болуы тиіс навигациялық жабдықтың тізбесі.
      5-тарау. Радиожиіліктерді тыңдау қажет жағдайлар.
      6-тарау. Ұшудың ең төменгі абсолютті биіктіктерін анықтау әдісі.
      7-тарау. Тікұшақ айлақтарының пайдалану минимумдарын анықтау әдістері.
      8-тарау. Бортта жолаушылар болғанда отын құю уақытында қабылданатын сақтық шаралары.
      9-тарау. Жер үстінде қызмет көрсетуді ұйымдастыру және оның рәсімдері.
      10-тарау. Халықаралық азаматтық авиация туралы конвенцияға
      12-қосымшада айтылған оқиға куәлары болған әуе кемелері командирлерінің іс-қимыл тәртібі.
      11-тарау. Орындалатын ұшудың әрбір үлгісі үшін ұшу экипажының құрамы, оның ішінде басшылықтың сабақтастық тәртібі.
      12-тарау. Барлық ұшу шарттарын, оның ішінде бағытта бір немесе бірнеше қозғалтқыштардың ашылып кетуі мен істен шығу мүмкіндігін ескере отырып, бақтарда болуы қажет отын мен май мөлшерінің есебі жөніндегі дәл нұсқаулар.
      13-тарау. Оттегі қолданылатын жағдайлар және оттегі қоры.
      14-тарау. Салмақ пен орталықтағышты бақылауға қатысты нұсқаулар.
      15-тарау. Мұздануды жоюға/алдын алуға және осы операциялардың орындалуын бақылауға қатысты нұсқаулар.
      16-тарау. Ұшудың жұмыс жоспарына қойылатын техникалық талаптар.
      17-тарау. Ұшудың әрбір кезеңіне арналған стандартты пайдалану рәсімдері (SOР).
      18-тарау. Әдеттегі бақылау тізбелерін пайдалануға және оларды пайдалану уақытына қатысты нұсқаулар.
      19-тарау. Күтпеген жағдайларда ұшып шығу ережелері.
      20-тарау. Абсолюттік биіктік туралы ақпаратты қамтамасыз етуге қатысты нұсқаулар.
      21-тарау. Әуе қозғалысына қызмет корсету органының рұқсаттарын, атап айтқанда елді мекеннен.ұшып өтуге қатысты рұқсаттарды нақтылауға және қабылдауға қатысты нұсқаулар.
      22-тарау. Ұшып шығуға және қонуға бет алуды орындауға қатысты нұсқама.
      23-тарау. Бағытпен және межелі пунктпен танысу.
      24-тарау. Қонуға аспаптар бойынша бет алуды бастау немесе жалғастыру үшін қажетті жағдайлар.
      25-тарау. Қонуға аспаптар бойынша дәл жэне дәл емес бет алуға қатысты нұсқаулар.
      26-тарау. Міндеттерді ұшу экипажы арасында бөлу және қонуға бет алуды және қонуды түнгі уақытта аспаптар бойынша және қарапайым метеожағдайларда орындау кезінде экипажға түсетін жұмыс жүктемесін реттеу рәсімі.
      27-тарау. Азаматтық әуе кемелерін басып алуға қатысты ақпарат пен нұсқаулар, оның ішінде:
      1) Халықаралық азаматтық авиация туралы конвенцияға 2-қосымшада жазылған басып алынған әуе кемелері командирлерінің іс-қимыл тәртібі;
      2) Халықаралық азаматтық авиация туралы конвенцияның 2-қосымшасындағы басып алатын және басып алынатын әуе кемелерінің пайдалануына арналған көрінетін сигналдар.
      28-тарау. Ұшу қауіпсіздігін басқару жүйесі туралы егжей-тегжейлі мәліметтер.
      29-тарау. Авариялық ахуал туындаған жағдайда қабылдануы тиіс іс-қимылды қоса алғанда, қауіпті жүктерді тасымалдау жөніндегі ақпарат пен нұсқаулар.
      30-тарау. Қауіпсіздік жөніндегі нұсқаулықтар мен нұсқаулар.
      31-тарау. Тікұшақты тінту ережелерінің бақылау тізбесі.

      В бөлігі. Әуе кемесін пайдалану жөніндегі ақпарат.
      1-тарау. Сертификаттық шектеулер және пайдаланудағы шектеулер.
      2-тарау. Ұшу экипажының әдеттегі, штаттық емес және авариялық жағдайлардағы іс-қимыл тәртібі және оған байланысты бақылау карталары.
      3-тарау. Тартымның/қуаттылықтың және жылдамдықтың әр түрлі белгіленген мәндері бар ұшу алдындағы және ұшуды жоспарлауға арналған ұшуды жоспарлау деректері.
      4-тарау. Салмақ пен орталықтағышты есептеуге арналған деректер мен нұсқаулықтар.
      5-тарау. Әуе кемесіне тиеу және жүкті арқандап байлау жөніндегі нұсқаулықтар.
      6-тарау. Әуе кемесінің жүйелері, тиісті басқару органдары және оларды пайдалану жөніндегі нұсқаулық.
      7-тарау. Сипаттамаларға негізделген навигацияны пайдалануға нұсқама берілген, әуе кеңістігінде ұшуды орындауға қатысты кез келген талаптарды қоса алғанда, тікұшақтардың пайдаланылатын үлгілері мен рұқсат етілген арнайы ұшуларға арналған ең аз жабдықтар тізбесі.
      8-тарау. Авариялық және құтқару жабдықтарының бақылау тізбесі, сондай-ақ оны пайдалану жөніндегі нұсқаулықтар.
      9-тарау. Ахуал түрлері бойынша арнайы рәсімдерді, экипаждың іс-қимылын үйлестіруді, авариялық жағдайларда экипаж мүшелеріне олардың жұмыс орындарын бекітуді және экипаждың әрбір мүшесіне тапсырылған авариялық міндеттерді қоса алғанда, авариялық эвакуация ережесі.
      10-тарау. Кабинадағы экипаждың қалыпты, штаттан тыс және апаттық жағдайлардағы іс-қимылдар тәртібі, оған байланысты бақылау карталары, сондай-ақ ұшу және қызмет көрсету экипаждарының іс-қимылын үйлестірудін қажетті рәсімдерін сипаттауды қоса алғанда, белгіленген талаптарға сәйкес әуе кемесінің жүйелері туралы ақпарат.
      11 -тарау. Әр түрлі бағыттарға арналған құтқару және авариялық жабдықтар мен оттегінің қажетті және қолда бар қорын айқындау рәсімдерін қоса алғанда, ұшып көтерілу алдындағы оның қалыпты жұмысын тексерудің қажетті рәсімдері.
      12-тарау. Халықаралық азаматтық авиация туралы конвенцияға 12-қосымшадан алынған, тірі қалғандардың пайдалануына арналған «жер-әуе» көрінетін сигналдарының коды.

      С бөлігі. Бағыттар мен әуеайлақтар
      1-тарау. Ұшу экипажын әрбір ұшуда нақты ұшуды орындау үшін қажетті байланыс құралдары, навигациялық құралдары, әуеайлақтары, аспаптар бойынша қонуға бет алулар, аспаптар бойынша ұшып келулер мен аспаптар бойынша ұшып шығулар туралы мәліметтермен және пайдаланушы ұшуларды дұрыс орындау үшін қажет деп есептейтін өзге де мәліметтермен қамтамасыз ету үшін бағыттық анықтамалық деректер.
      2-тарау. Әрбір белгіленген бағыттардағы ұшудың ең төменгі абсолютті биіктіктері.
      3-тарау. Қону белгіленген тікұшақ айлақтары немесе қосалқы тікұшақ айлақтары ретінде пайдалану жоспарланған тікұшақ айлақтарының әрқайсысының пайдалану минимумдары.
      4-тарау. Қонуға бет алуды қамтамасыз ететін құралдардың немесе тікұшақ айлағы құралдарының жұмыстары нашарлаған жағдайда тікұшақ айлақтарының пайдалану минимумдарын ұлғайту туралы ақпарат.

      D. Дайындық
      1-тарау. Ұшу экипажын дайындау бағдарламасы туралы егжей-тегжейлі мәліметтер және қойылатын талаптар.
      2-тарау. Бортсеріктерді міндеттерін орындауға даярлау бағдарламасы туралы егжей-тегжейлі мәліметтер.
      3-тарау. Өз функцияларын ұшуды орындалуды бақылауды жүзеге асыру әдісіне сәйкес орындайтын қызметкерді/диспетчерді даярлау бағдарламасы туралы егжей-тегжейлі мәліметтер.
      4-тарау. Қауіпті жүктерді тасымалдау үшін авиациялық персоналды даярлау бағдарламасы.
      5-тарау. Авиациялық қауіпсіздік бойынша авиациялық персоналды даярлау бағдарламасы.

Сертификаттау және азаматтық әуе
кемелерін пайдаланушы сертификатын
беру қағидасына         
6-қосымша             

Пайдаланушының техникалық қызмет көрсетуді реттеу жөніндегі
нұсқауы

       Пайдаланушының техникалық қызмет көрсетуді реттеу жөніндегі нұсқауы әрбір әуе кемесіне арналған жалпы құжаттамадан және ақпараттан тұрады.
      1. Жалпы құжаттамада:
      1) техникалық қызмет көрсету жөніндегі ұйымның ұйымдық құрылымы;
      2) азаматтық авиация саласындағы уәкілетті органды ұшу дайындығы бойынша өзгерістер туралы хабардар ету рәсімдері;
      3) авиация техникасына техникалық қызмет көрсету жөніндегі ұйым пайдаланатын технологиялардың, ұйымдастыру рәсімдерінің және сапаны қамтамасыз ету жүйесінің немесе ішкі бақылау жүйесінің сипаттау;
      4) техникалық қызмет көрсету жөніндегі ұйымның өндірістік базасын жалпы сипаттау;
      5) техникалық қызмет көрсету жөніндегі есептік деректерді тіркеу және сақтау әдістерін сипаттау;
      6) техникалық қызмет көрсету туралы куәлікті дайындау тәртібін(батыста шығарылған әуе кемелері үшін), осындай куәлік қол қойылуға жататын шарттар мен жағдайларды сипаттау;
      7) техникалық қызмет көрсету жөніндегі куәлікке қол қоюға уәкілетті персонал туралы мәліметтер (батыста шығарылған әуе кемелері үшін);
      8) сертификатталған ең жоғары ұшу салмағы 5700 кг-дан астам әуе кемелеріне қатысты істен шығу, жарамсыздық, ақаулар және басқа да оқиғалар туралы ақпаратты беру үшін пайдаланылатын рәсімдерді сипаттау;
      9) авиация техникасына техникалық қызмет көрсету және жөндеу жөніндегі ұйымда үлгі сертификатын ұстаушы немесе үлгі конструкциясына жауапты ұйым жіберетін ұшу жарамдығына қатысты барлық қажетті мәліметтерді алу, өзгерту және тарату рәсімдерін сипаттау;
      10) инженерлік-авиациялық қамтамасыз етуді жүзеге асыратын лауазымды адамдардың міндеттері, жауапкершілігі және өкілеттіктері;
      11) техникалық қызмет көрсету жөніндегі ұйымның басшы құрамын және құрылымдық бөлімшелердің басшыларын кәсіптік даярлау туралы қысқаша деректер;
      12) техникалық қызмет көрсету процесіне тікелей қатысатын инженерлік-техникалық құрам адамдарының тізбесі, олардың білімі, атқаратын қызметі, авиатехникаға техникалық қызмет көрсетуге рұқсатының болуы көрсетіледі;
      13) олардың негізінде техникалық қызмет көрсету жөніндегі ұйымның жұмысы ұйымдастырылған негізгі құжаттардың тізбесі;
      14) инженерлік-техникалық құрамды авиациялық техникада жұмыс істеуге жіберудің тәртібі, осы жұмыстарға рұқсат етуді растайтын құжаттардың бер екендігі туралы ақпарат;
      15) ұшу және инженерлік-техникалық құрамның авиациялық-техникалық дайындығын ұйымдастыру.
      16) инженерлік-техникалық құрамның қозғалтқышты іске қосу мен сынауға, әуе кемелерін тіркеп сүйреуге және т.б. жіберілуі туралы ақпарат.
      17) техникалық қызмет көрсету жөніндегі ұйым орындайтын техникалық қызмет көрсету түрлерінің тізбесі.
      18) халықаралық ұшуларды орындау үшін қосымша жабдықтарды орнатуға байланысты әуе кемелерінің әрбір үлгісіне техникалық қызмет көрсету регламенттерін және технологиялық нұсқауларды толықтыру туралы ақпарат;
      19) халықаралық ұшуларды орындау кезінде әуе кемелеріне техникалық қызмет көрсетуді ұйымдастыру туралы ақпарат;
      20) авиациялық техниканың жай-күйін бақылау, оның сенімділігін және әуе кемелеріне техникалық қызмет көрсетудің сапасын қамтамасыз ету туралы ақпарат;
      21) объективті бақылау құралдарын пайдаланып ұшу ақпаратын жинауды, ашуды және пайдалануды ұйымдастыру туралы ақпарат;
      22) басшылық, нөмірлік және өндірістік-техникалық құжаттаманы қоса алғанда, пайдалану құжаттамасын жүргізу туралы ақпарат. Басшылық құжаттамаға толықтырулардың түсуін ұйымдастыру.
      23) әуе кемелеріне басқа ұйымдардың техникалық қызмет көрсетуі жөнінде жұмыс жүргізілуін растайтын құжаттар (шарттар).
      24) техникалық қызмет көрсету кезіндегі ұшу қауіпсіздігін басқару жүйесі қамтылуы тиіс.
      2. Әуе кемесіне техникалық қызмет көрсету туралы деректерді пайдаланушының тіркеуі және сақтауы мыналарды қамтиды:
      1) әуе кемелерін және қызмет етуінің шектеулі мерзімі бар барлық агрегаттарды пайдаланудың жалпы уақыты;
      2) әуе кемелерін түрлендіру және жөндеу туралы егжей-тегжейлі деректер;
      3) ұшу жарамдылығын ұстау бойынша бюллетеньдердің, директивалардың және басқа да құжаттаманың орындалуы туралы мәліметтер.
      4) әуе кемелеріне техникалық қызмет көрсету бағдарламасын(регламентін) сақтау туралы мэліметтер.
      3. Техникалық қызмет көрсетуді орындау рәсімдері мыналарды қамтиды:
      1) формулярды, борттық техникалық журналды, конфигурацида жіберілетін ауытқулар тізбесін (СDL) және ең аз жабдықтардың тізбесін (МЕL) пайдалану;
      2) Техникалық қызмет көрсету бағдарламасы (регламенті).
      3) техникалық қызмет көрсету және жөндеу бойынша есептік деректерді жүргізу.
      4) Ұшу жарамдылығы бойынша директиваларды орындау және есепке алу.
      5) техникалық қызмет көрсету және жөндеу кезіндегі ақпаратты жинау және талдау.
      6) міндетті емес пысықтауларды орындау рәсімдері.
      7) конструкцияға басты өзгерістерді енгізу стандарттары.
      8) істен шығу мен зақымдануды есепке алу;
      9) әуе кемесін әзірлеуші мен азаматтық авиация саласындағы уәкілетті органның өзара іс-қимылы.
      10) жол берілген істен шығуды жою мерзімі бойынша шешімдер қабылдау рәсімдері.
      4. Планер, күш беретін қондырғы, жинақтаушы бұйымдар (құрауыштар) бойынша сенімділік деңгейін бақылау бағдарламалары.
      5. Әуе кемесінің ұшу алдындағы дайындығы.
      6. Әуе кемесіне жедел техникалық қызмет корсету.
      7. Келісімшарт бойынша берілген жер үстінде қызмет көрсету функциялары.
      8. Құйылатын отынның сапасы мен санын бақылау.
      9. Әуе кемесінің сыртқы бетін бақылау, мұздауға қарсы өңдеу.
      10. Әуе кемесінің ұшуларын бақылау рәсімдері.
      11. Құжаттарды, пайдаланылатын нысандар мен затбелгілерді толтыру үлгісі.
      12. Әрбір әуе кемесіне арналған ақпарат:
      1) халықаралық ұшуларды орындау үшін орнатылған қосымша жабдықтардың тізбесі.
      2) әуе кемесінің жеке ерекшеліктері (қажет болғанда).
      3) әуе кемесіне, оның қозғалтқыштарына тағайындалған, жөндеу аралық ресурстар. Әуе кемесін және оның қоғалтқыштарын нақты жөндеп шығу.

Сертификаттау және азаматтық әуе
кемелерін пайдаланушы сертификатын
беру қағидасына         
7-қосымша             

Азаматтық әуе кемелерін пайдаланушыны
сертификаттық тексеру бағдарламасы

      Ескерту. 7-қосымшаға өзгеріс енгізілді - ҚР Үкіметінің 21.05.2013 № 507 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).

      АӘК пайдаланушысының атауы:
      Тексеру күні, бұйрықтың №:
      тексерушілердің Т.А.Ә., лауазымы: _____________________
                                        _____________________

ЕСКЕРТПЕ:
      ( *) пайдаланушы үшін міндетті емес;
      (-1) пайдаланушы сертификатын беруге кедергі келтіретін сәйкессіздіктер;
      (-2) келісілген мерзімде жою немесе шектеу қою шартымен пайдаланушы сертификатын беруге кедергі болмайтын сәйкессіздіктер;
      (-3) өндіріс және сапа жүйесін жетілдіру кезінде пайдаланушы сертификатын беруге кедергі болмайтын және жоюға жататын сәйкессіздіктер.
ҚОСЫМША: Сәйкессіздіктер тізбесі______парақ.
Комиссия төрағасы: ________________________
                          (қолы, Т.А.Ә.)
Комиссия мүшелері: ________________________
                          (қолы, Т.А.Ә.)
ТАНЫСТЫМ: Пайдаланушының басшысы: ______  __________
                                  (қолы)   (Т.А.Ә.)

      Сертификаттық тексеруді
      жүргізу күні: 20 жылғы _________________

Сертификаттық тексеру бағдарламасына сәйкессіздіктер тізбесі (пайдаланушының атауы)

Тексерушілер:____________________________
             ____________________________
             ____________________________
             ____________________________
                     (қолы, Т.А.Ә.)

Таныстым: __________________________________
      (пайдаланушының басшысы, қолы, Т.А.Ә.)

Сертификаттау және азаматтық
әуе кемелерін пайдаланушы 
сертификатын беру қағидасына
8-қосымша        

Нысан

Сертификаттық тексеріп қарау актісінің үлгі нысаны

__________________________ 20__жылғы «__» ______ № _________
(уәкілетті органның атауы)
бұйрығына сәйкес комиссия құрамы:

      Төраға: _______________________
               (Т.А.Ә., лауазымы)

      Комиссия мүшелері: _____________________
                          (Т.А.Ә., лауазымы)
                         _____________________
                          (Т.А.Ө., лауазымы)
                         _____________________
                          (Т.А.Ө., лауазымы)
____________________________________________________ азаматтық
              (заңды тұлғаның атауы)
әуе кемелерін пайдаланушыны коммерциялық әуе тасымалдарын жүзеге асыруға сертификаттау жүргізілді.

      Қорытынды мәтіні ___________________________
      Төраға: ____________   _____________________
                (Т.А.Ә.)            (қолы)
      Комиссия мүшелері _______  __________________
                        (Т.А.Ә.)      (қолы)
                        _______  __________________
                        (Т.А.Ә.)      (қолы)

      Актімен таныстым:
      Ұйымның басшысы ______ _______________
                     (Т.А.Ә.)    (қолы)

Сертификаттау және азаматтық
әуе кемелерін пайдаланушы 
сертификатын беру қағидасына
9-қосымша       

Нысан

Елтаңба
_____________________________________________________
Уәкілетті органның атауы

ПАЙДАЛАНУШЫ СЕРТИФИКАТЫ

№______ 

      Осы сертификат пайдаланушыға ____________________________
                                    (пайдаланушының атауы)
қоса беріліп отырған пайдалану жөніндегі арнайы ережелерде белгіленгендей, ұшуды орындау жөніндегі нұсқаулыққа және Қазақстан Республикасы Үкіметінің 20_____жылғы _______ № ________ қаулысымен бекітілген Сертификаттау және азаматтық әуе кемелерін пайдаланушы сертификатын беру қағидасына сәйкес коммерциялық әуе тасымалдарын жүзеге асыру құқығы берілгенін куәландырады.
      Инспекциялық бақылауды _____________________________ жүзеге
асырады.                      (уәкілетті органның атауы)

      МО                     Уәкілетті органның басшысы
                             не ол уәкілеттік берген адам

                             _______ ______________________
                             (қолы)         (Т.А.Ә.)

      Берілген күні: 20_ж. "__"________

Уәкілетті орган
___________________________________________________
(пайдаланушының атауы, № сертификаты)

Пайдалану жөніндегі арнайы ережелер
(пайдалану талаптары мен шектеулері)

А бөлігі - Жалпы ережелер

      1. Қолданылуы. Осы пайдалану жөніндегі арнайы ережелер (шектеулер) Қазақстан Республикасы Үкіметінің 20_ жылғы_____ № _______ қаулысымен бекітілген Сертификаттау және азаматтық әуе кемелерін пайдаланушы сертификатын беру, пайдаланушыны авиациялық жұмыстарға жіберу қағидаларына және әуе кеңістігінде ұшулар орындалатын шетел мемлекетінің нормативтік құжаттарына сәйкес беріледі.
      2.____________________________________ берілген № _______
пайдаланушы сертификаты бар пайдаланушы «________» ұшуды орындауға даярланған.
      3. Әуе кемелерін пайдалануға рұқсат. Пайдаланушыға - «______» коммерциялық әуе тасымалдарын орындау үшін мынадай жасаушылары мен модельдердің әуе кемелерін пайдалануға рұқсат етіледі:
      Ішкі (халықаралық) әуе желілерінде ұшу үшін:

      1-бағанда әуе кемесін жасаушы зауыты көрсетіледі; 2-бағанда әуе кемесінің үлгісі және мемлекеттік тіркеу нөмірі көрсетіледі; 3-бағанда тонналық көрсеткіш және жолаушылар саны көрсетіледі.
_____________       ____________________  __________________
(уәкілетті органның     (қолы)                   (Т.А.Ә.)
басшысы
не ол уәкілеттік берген адам)

      МО

Берілген күні: 20___ж. «____» ______

Уәкілетті орган
________________________________________________
(пайдаланушының атауы, № сертификаты)

Пайдалану жөніндегі арнайы ережелер
(пайдалану талаптары мен шектеулері)

А бөлігі - Жалпы ережелер (жалғасы)

      Ұшуды орындау үшін экипажды пайдалану жөніндегі шектеулер.
      Пайдаланушыға - «_______» мәлімделген әуе кемелерін ішкі (халықаралық) әуе желілері бойынша төменде көрсетілген ұшу құрамымен ұшуды орындауы үшін пайдалануына рұқсат етіледі:

_______________________ __________________ __________________
(уәкілетті органның           (қолы)            (Т.А.Ә.)
басшысы
не ол уәкілеттік берген адам)

      МО
Берілген күні: 20____жылғы «______»

Уәкілетті орган      __________________________________________________
(пайдаланушының атауы, №__ сертификаты)

ПАЙДАЛАНУ ЖӨНІНДЕГІ АРНАЙЫ ЕРЕЖЕЛЕР
(пайдалану талаптары мен шектеулері)
В бөлігі - Бағыттардағы рұқсаттар және шектеулер

___________________  _______________ ______________________
(уәкілетті органның      (қолы)            (Т.А.Ә.)
басшысы не ол уәкілеттік
берген адам)

      МО
Берілген күні: 20___ жылғы "___________"

Уәкілетті орган
__________________________________________________
(пайдаланушының атауы, № сертификаты)

ПАЙДАЛАНУ ЖӨНІНДЕГІ АРНАЙЫ ЕРЕЖЕЛЕР
(пайдалану талаптары мен шектеулері)

      С бөлігі - Әуеайлақтардағы рұқсаттар мен шектеулер

      1. Жалпы ережелер. Пайдаланушыға - «_____» Азаматтық әуеайлақтар тізіліміне және аэронавигациялық ақпарат жинақтарына енгізілген Қазақстан Республикасының аумағындағы азаматтық авиация әуеайлақтарын пайдалануға рұқсат беріледі. Оның ішінде әуеайлақтар мемлекет аумағынан тыс жерде орналасқан жағдайда оларды пайдалану тәртібі сол мемлекеттің аэронавигациялық ақпарат құжаттарына сәйкес белгіленеді.
      2. Аспаптар бойынша қонуға кіру тәртібі және әуеайлақтарды пайдалану минимумдары.
      а) Аспаптар бойынша қонуға кіру жүйелері: Пайдаланушыға аспаптар бойынша қонуға кірудің мынадай жүйелерін қолдануға рұқсат етіледі:
      қонуға кірудің дәл емес жүйелері: VOR, VOR/DME, 2NDB, РАR, NDB
      қонуға кірудің дәл жүйелері:
      ILS, I санаты;
      ILS, II санаты;
      ILS, III санаты;
      б) Аспаптар бойынша қонуға кірудің рұқсат етілген минимумдары:

______________________ __________________ __________________
(уәкілетті органның           (қолы)           (Т.А.Ә.)
басшысы
не ол уәкілеттік берген адам)

             МО
Берілген күні: 20___жылғы «_____»

Уәкілетті орган
____________________________________________________
(пайдаланушының атауы, № сертификаты)

Пайдалану жөніндегі арнайы ережелер
(пайдалану талаптары мен шектеулері)

D бөлігі - Техникалық қызмет көрсету

      «________» пайдаланушының әуе кемелерінің техникалық қызметін көрсетуге Техникалық қызмет көрсету жөніндегі басшылық бекіткен Қазақстан Республикасының азаматтық авиациясында техникалық қызмет көрсетуді және регламенттік жұмыстарын жүргізуді реттейтін стандарттарға, нормалар мен ережелерге сәйкес және жылғы № техникалық қызмет көрсету шарты бойынша жүзеге асыруға рұқсат етіледі.
      Күрделі және қалпына келтіру жөндеулерін осы жұмыс түрлерін орындау құқығына сәйкестік куәлігі бар авиакәсіпорындар мен жөндеу зауыттарында ғана жүргізуге рұқсат етіледі.
      Шетелге ұшуларды жүзеге асыратын пайдаланушылар үшін мынадай толықтырулар жасалады:
      шетелдік әуежайларда техникалық қызмет көрсетуді орындау Халықаралық әуе желілеріндегі ұшуларды инженерлік-авиациялық қамтамасыз ету туралы ереженің талаптарына сәйкес мәлімделген әуе кемелерінің үлгілерінде дербес техникалық қызмет көрсетуге қолданыстағы рұқсаты бар инженерлік-техникалық персоналға техникалық қызмет көрсетулердің қолданылып жүрген регламенттеріне және технологияларына сәйкес рұқсат етіледі.

__________________________ ___________________ ___________________
(уәкілетті органның               (қолы)            (Т.А.Ә.)
басшысы
не ол уәкілеттік берген адам)

МО

Берілген күні: 20___жылғы «_____»

Уәкілетті орган
___________________________________________
(пайдаланушының атауы, № сертификаты)

Пайдалану жөніндегі арнайы ережелер
(пайдалану талаптары мен шектеулері)

      Е бөлігі - Әуе кемелері салмағының рұқсат етілген стандарттық сандық нормалары, орталықтандыру және олардың шектеулері

      Шектеулер: Әуе кемелерін шекті салмақтан және, шекті орталықтандырудан артық пайдалануға тыйым салынады.
      Ескертпе: Егер жекелеген әуе кемелерінің үлгілік әуе кемелерінен ерекше сипаттамасы болса, онда олар бөлек тізіммен көрсетіледі.

_____________________  __________________ ____________________
(уәкілетті органның          (қолы)              (Т.А.Ә.)
басшысы
не ол уәкілеттік берген адам)

МО

Берілген күні: 20___ жылғы «____»

Уәкілетті орган
____________________________________________________
(пайдаланушының атауы, № сертификаты)

Пайдалану жөніндегі арнайы ережелер
(пайдалану талаптары мен шектеулері)

      Ғ бөлігі - Әуе кемелерімен және жабдықтармен алмасу

      Пайдаланушы Әуе кемелерімен алмасу туралы А пайдаланушы _________  мен Б пайдаланушы арасындағы ______________(күні) шарттың талаптарына сәйкес рұқсат етілген ұшуларды пайдалану нормативтері мен ережелерінің қолданылатын қағидаларына сәйкес орындай алады.
      Мұндай ұшуларды жүзеге асыру және бағыттары бойынша алмасу пункттері арасында А пайдаланушының пайдалану талаптарының В бөлігінде көрсетілген бағыттары бойынша, Б пайдаланушының пайдалану талаптарында көрсетілген әуеайлақтарда және авиациялық персонал мен ӘК рұқсат етіледі.
      Ұшулар әуе кемелерінің үлгісін және Б пайдаланушының ұшу экипажын қолдану арқылы жүзеге асырылады.
      Б пайдаланушы осы ұшуларға басшылық ету үшін жауап береді.
      Мұндай ұшулар үшін пайдаланылатын әуе кемелерін пайдалану мен техникалық қызмет көрсету А пайдаланушының ұшуларды орындау және техникалық қызмет көрсету жөніндегі басшылығына және пайдалану талаптарына сәйкес жүзеге асырылады.

___________________ __________________ _____________________
(уәкілетті органның        (қолы)              (Т.А.Ә.)
басшысы
не ол уәкілеттік берген адам)

МО
Берілген күні: 20___жылғы «______»

Уәкілетті орган
________________________________________________________
(пайдаланушының атауы, № сертификаты)

Пайдалану жөніндегі арнайы ережелер
(пайдалану талаптары мен шектеулері)

G бөлігі - Жалға алынатын әуе кемелерін пайдалану (ӘК жалға алу бойынша шектеулер)

      _________________________________ пайдаланушыға _____________
___________________ әуе кемелерін пайдалануға, пайдалану нормативтері мен ережелеріне, сондай-ақ осы пайдалану талаптарына сәйкес______ жылғы «____» _____(А)_______ мен (Б)______ арасындағы жалдау туралы шарт бойынша жалға алу құқығымен рұқсат етіледі.
      Мұндай ұшуларды жүзеге асыру осы талаптардың В бөлігінде көрсетілген бағыттар бойынша және аудандарда және С бөлігінде аталған тиісті әуеайлақтарды пайдалана отырып және осы пайдалану талаптарында көрсетілген пайдалану минимумдарына сәйкес рұқсат етіледі.
      Мұндай ұшулар (А) пайдаланушының әуе кемелерінің үлгісін_____ және ұшу экипаждарын пайдалану арқылы жүзеге асырылады.
      (А) пайдаланушы осындай ұшуларға басшылық үшін жауап береді.
____________________________ ________________ __________________
(уәкілетті органның               (қолы)            (Т.А.Ә.)
басшысы
не ол уәкілеттік берген адам)

МО
Берілген күні: 20___жылғы «_____»

Сертификаттау және азаматтық
әуе кемелерін пайдаланушы
сертификатын беру ережесіне
10-қосымша         

Пайдаланушы сертификатын пайдалану жөніндегі арнайы ережелерге өзгерістер енгізуге арналған құжаттардың тізбесі

      1. Әуе кемесін пайдаланушы сертификатын пайдалану жөніндегі арнайы ережелерге енгізу кезінде өтінім беруші мынадай құжаттарды ұсынады:
      1) осы Қағидаға 1-қосымшаға сәйкес өтінім;
      2) әуе кемесіне техникалық қызмет көрсету туралы мәліметтер;
      3) ұшу және техникалық құрам туралы мәліметтер;
      4) әуе кемесін мемлекеттік тіркеу туралы куәліктің көшірмесі;
      5) ұшу жарамдылығы сертификатының көшірмесі, радиостанцияға арналған рұқсат (лицензия), әуе кемесі тұрған жердегі шу бойынша сертификат;
      6) жалға алу туралы шарттың көшірмесі (егер әуе кемесі жалға алынса) және әуе кемесін қабылдау-тапсыру актісі;
      7) Қазақстан Республикасының міндетті сақтандыру түрлері туралы заңдарының талаптарына сәйкес міндетті сақтандырудың сақтандыру полистерінің көшірмелері;
      8) санитарлық-эпидемиологиялық қорытындының көшірмесі;
      9) дезинсекция мен дератизация бойынша жұмыстар жүргізу туралы анықтама;
      10) әуе кемесінің техникалық жай-күйін тексеру және жарамдылығын анықтау актісі;
      11) Ұшуларды орындау жөніндегі нұсқаулыққа және техникалық қызмет көрсетуді реттеу жөніндегі пайдаланушы нұсқаулығына енгізілетін тиісті өзгеріс пен толықтыру;
      2. Экипаждарды пайдаланушы сертификатын және пайдалану жөніндегі арнайы ережелерге енгізу кезінде өтінім беруші мынадай құжаттарды ұсынады:
      1) осы Қағидаға 1-қосымшаға сәйкес өтінім;
      2) осы Қағидаға 2-қосымшаның 10-тармағына сәйкес ұшқыштар құрамы туралы деректер;
      3) авиациялық персоналға арналған сақтандыру полистерінің көшірмелері;
      4) мамандардың ұшу куәліктерінің көшірмелері;
      5) жұмысқа қабылданғаны туралы бұйрықтың көшірмесі;
      6) біліктілікті арттыру курстарынан өткені туралы құжаттардың көшірмесі.
      3. Әуе кемелерін пайдалануды және (немесе) ұшқыштар құрамын қысқартқан жағдайда пайдаланушы азаматтық авиация саласындағы уәкілетті органға осы әуе кемелерін және ұшқыштар құрамын пайдаланушы сертификатын пайдалану жөніндегі арнайы ережелерден шығару туралы өтінім жібереді.
      Жоғарыда көрсетілген құжаттардың көшірмелері өтінім берушінің қолымен және мөрімен куәландырылады.

Қазақстан Республикасы
Үкіметінің     
2010 жылғы 18 қазандағы
№ 1070 қаулысына 
қосымша      

Қазақстан Республикасы Үкіметінің күші жойылған кейбір шешімдерінің тізбесі

      1. «Азаматтық авиация саласындағы кейбір нормативтік құқықтық кесімдерді бекіту туралы» Қазақстан Республикасы Үкіметінің 2003 жылғы 30 қаңтардағы № 106 қаулысы (Қазақстан Республикасының ПҮАЖ-ы, 2003 ж., № 4, 53-құжат).
      2. «Қазақстан Республикасы Үкіметінің 2003 жылғы 30 қаңтардағы № 106 қаулысына өзгерістер мен толықтыру енгізу туралы» Қазақстан Республикасы Үкіметінің 2004 жылғы 3 желтоқсандағы № 1265 қаулысы (Қазақстан Республикасының ПҮАЖ-ы, 2004 ж., № 48, 607-құжат).
      3. «Қазақстан Республикасы Үкіметінің 2003 жылғы 30 қаңтардағы № 106 қаулысына өзгерістер енгізу және Қазақстан Республикасы Үкіметінің кейбір шешімдерінің күші жойылды деп тану туралы» Қазақстан Республикасы Үкіметінің 2007 жылғы 12 қазандағы № 934 қаулысы (Қазақстан Республикасының ПҮАЖ-ы, 2007 ж., № 38, 434-құжат).
      4. «Қазақстан Республикасы Үкіметінің 2003 жылғы 30 қаңтардағы № 106 қаулысына толықтырулар енгізу туралы» Қазақстан Республикасы Үкіметінің 2008 жылғы 26 қыркүйектегі № 891 қаулысы (Қазақстан Республикасының ПҮАЖ-ы, 2008 ж., № 39, 432-құжат).
      5. «Қазақстан Республикасы Үкіметінің 2003 жылғы 30 қаңтардағы № 106 қаулысына толықтырулар енгізу туралы» Қазақстан Республикасы Үкіметінің 2009 жылғы 28 қазандағы № 1695 қаулысы (Қазақстан Республикасының ПҮАЖ-ы, 2009 ж., № 46, 435-құжат).
      6. «Қазақстан Республикасы Үкіметінің 2003 жылғы 30 қаңтардағы № 106 қаулысына өзгерістер мен толықтыру енгізу туралы» Қазақстан Республикасы Үкіметінің 2009 жылғы 30 желтоқсандағы № 2310 қаулысы (Қазақстан Республикасының ПҮАЖ-ы, 2010 ж., № 4, 57-құжат).