Қазақстан Республикасы Үкіметінің 2007 жылғы 30 маусымдағы № 561 қаулысына өзгеріс пен толықтырулар енгізу туралы және мемлекеттік қызмет стандарттарын бекіту туралы

      Қазақстан Республикасының 2008 жылғы 4 желтоқсандағы Бюджет кодексінің 34-бабының 2-тармағына сәйкес Қазақстан Республикасының Үкіметі ҚАУЛЫ ЕТЕДІ:
      1. «Жеке және заңды тұлғаларға көрсетілетін Мемлекеттік қызметтердің тізілімін бекіту туралы» Қазақстан Республикасы Үкіметінің 2007 жылғы 30 маусымдағы № 561 қаулысына (Қазақстан Республикасының ПҮАЖ-ы, 2007 ж., № 23, 266-құжат) мынадай өзгеріс пен толықтырулар енгізілсін:
      көрсетілген қаулымен бекітілген жеке және заңды тұлғаларға көрсетілетін мемлекеттік қызметтердің тізілімінде:
      «Кәсіпкерлердің заңды және жеке тұлғаларын тіркеу» деген 2-бөлімде:
      реттік нөмірі 39-жолдың 2-бағаны мынадай редакцияда жазылсын:
      «Қазақстан Республикасында таратылатын шетелдік бұқаралық ақпарат құралдарын есепке алу»;
      «Анықтамалар беру» деген 5-бөлімнің реттік нөмірлері 93 және 94-жолдарының 3-бағанында «Жеке» деген сөзден кейін «және заңды» деген сөздермен толықтырылсын.
      2. Қоса беріліп отырған мемлекеттік қызмет стандарттары бекітілсін:
      1) «Бұқаралық ақпарат құралдарын есепке қою»;
      2) «Қазақстан Республикасында таратылатын шетелдік бұқаралық ақпарат құралдарын есепке алу»;
      3) «Қазақстан Республикасының мемлекеттік мұрағаттарынан шығатын және шетелге жіберілетін мұрағаттық анықтамалар мен мұрағаттық құжаттардың көшірмелерін апостильдеу»;
      4) «Мұрағаттық анықтамалар беру».
      3. Қазақстан Республикасы Мәдениет және ақпарат министрлігі осы қаулыдан туындайтын шараларды қабылдасын.
      4. Осы қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі.

      Қазақстан Республикасының
      Премьер-Министрі                                     К. Мәсімов

Қазақстан Республикасы  
Үкіметінің        
2009 жылғы 30 желтоқсандағы
№ 2315 қаулысымен     
бекітілген        

«Бұқаралық ақпарат құралдарын есепке қою»
мемлекеттік қызмет стандарты

1. Жалпы ережелер

      1. Осы «Бұқаралық ақпарат құралдарын есепке қою» стандарты (бұдан әрі - стандарт) Қазақстан Республикасының ақпараттық кеңістігін дұрыс әрі уақтылы статистикалық есепке алу және оның жай-күйін талдауды жүзеге асыру мақсатында мерзімді баспасөз басылымын және (немесе) ақпарат агенттігін есепке қою, қайта есепке қою және мерзімді баспасөз басылымын және (немесе) ақпарат агенттігін есепке қою, қайта есепке қою туралы куәлік (куәлік телнұсқасын) беру жөнінде мемлекеттік қызмет көрсетудің (бұдан әрі - мемлекеттік қызмет) тәртібін анықтайды.
      2. Мемлекеттік қызметтің көрсетілетін түрі автоматтандырылмаған.
      3. Мемлекеттік қызмет «Бұқаралық ақпарат құралдары туралы» Қазақстан Республикасының 1999 жылғы 23 шілдедегі Заңының 4-3-бабы 2) тармақшасы негізінде көрсетіледі.
      4. Мемлекеттік қызметті Қазақстан Республикасы Мәдениет және ақпарат министрлігінің Ақпарат және мұрағат комитеті (бұдан әрі - Комитет) көрсетеді.
      Мемлекеттік қызметті көрсету орны: Астана қаласы, «Министрліктер үйі» ғимараты, А блогы, 15-кіреберіс, интернет-ресурсы: www.mki.gov.kz.
      5. Мемлекеттік қызметтің аяқталу нысаны мерзімді баспасөз басылымын және (немесе) ақпарат агенттігін есепке қою туралы куәлік беру болып табылады.
      6. Мемлекеттік қызмет жеке және заңды тұлғаларға (бұдан әрі - тұтынушы) көрсетіледі.
      7. Мемлекеттік қызмет мынадай мерзімдерде көрсетіледі:
      өтініш Комитет кеңсесінде тіркелген күннен бастап 15 күн ішінде;
      мемлекеттік қызмет көрсету үшін қажетті құжаттарды тапсырған кезде, сондай-ақ құжаттарды алу кезіндегі кезек күтудің рұқсат етілген ең ұзақ уақыты - 5 минут.
      8. «Салық және бюджетке төленетін басқа да міндетті төлемдер туралы (Салық кодексі)» Қазақстан Республикасының Кодексіне сәйкес мемлекеттік қызметті көрсеткені үшін алынатын алым ставкасы мынаны құрайды:
      1) балалар және ғылыми тақырыптағы мерзімді баспасөз басылымын және (немесе) ақпарат агенттігін құратын жеке немесе заңды тұлғалардан алымды төлеу күні қолданылатын екі айлық есептік көрсеткіш;
      2) өзге тақырыптағы мерзімді баспасөз басылымын және (немесе) ақпарат агенттігін құратын жеке немесе заңды тұлғалардан - алымды төлеу күні қолданылатын бес айлық есептік көрсеткіш.
      Мерзімді баспасөз басылымын және (немесе) ақпарат агенттігін есепке қою туралы куәліктің телнұсқасын беру үшін төленетін алым ставкасы мынаны құрайды:
      осы тармақтың 1) тармақшасында көрсетілген жеке немесе заңды тұлғалардан - алымды төлеу күні қолданылатын бір бүтін оннан алты айлық есептік көрсеткіш;
      осы тармақтың 2) тармақшасында көрсетілген жеке немесе заңды тұлғалардан - алымды төлеу күні қолданылатын төрт айлық есептік көрсеткіш.
      Мерзімді баспасөз басылымын және (немесе) ақпарат агенттігін қайта есепке қою тегін жүзеге асырылады.
      Алым Қазақстан Республикасының банктері арқылы төленеді, олар төлемнің мөлшері мен күнін растайтын түбіртек береді.
      9. Мемлекеттік қызметті көрсету тәртібі мен қажетті құжаттар туралы толық ақпарат электрондық Үкімет порталында: www.e.gov.kz, Қазақстан Республикасы Мәдениет және ақпарат министрлігінің интернет-ресурсында: www.mki.gov.kz, ресми ақпарат көздерінде, «Министрліктер үйі» ғимаратындағы ақпараттық тақталарда орналастырылады.
      10. Мемлекеттік қызмет сенбі мен жексенбіден басқа күндері күн сайын көрсетіледі. Құжаттарды қабылдау сағат 9.00-ден 18.30-ға дейін жүргізіледі, түскі үзіліс сағат 13.00-ден 14.30-ға дейін.
      Қабылдау кезекке тұру тәртібімен жүзеге асырылады, алдын ала жазылусыз және жедел қызмет көрсетусіз жүзеге асырылады.
      11. Қызмет мына мекенжайда көрсетіледі: Астана қаласы, «Министрліктер үйі» ғимараты, А блогы, 15-кіреберіс, 227-кабинет. Үй-жайдың жұмыс істеу режимі: күн сайын сенбі мен жексенбіден басқа күндері сағат 9-00-ден бастап 18-30-ға дейін. Түскі үзіліс сағат 13.00-ден 14.30-ға дейін. Құқықтық тәртіпті қолдау үшін үй-жайда тәуліктік күзет бекеті, өртке қарсы сигнализация және басқа да қауіпсіздік шаралары бар. Кіреберіс дене мүмкіндіктері шектеулі адамдарға арналған пандустармен жабдықталған.

2. Мемлекеттік қызметті көрсету тәртібі

      12. Мемлекеттік қызметті алу үшін тұтынушы мына құжаттарды ұсынады:
      1) осы стандарттың 1-қосымшасына сәйкес белгіленген үлгідегі өтініш;
      2) жеке тұлғалар үшін - кәсіпкерлік қызметпен айналысу құқығын растайтын құжаттың нотариалды куәландырылған көшірмесі;
      3) заңды тұлғалар үшін - заңды тұлғаны мемлекеттік тіркеу (қайта тіркеу) туралы куәліктің, құрылтай құжаттарының нотариалды куәландырылған көшірмелері;
      4) мерзімді баспасөз басылымын және (немесе) ақпарат агенттігін есепке қою үшін бюджетке алым төленгенін растайтын құжат.
      Мерзімді баспасөз басылымын және (немесе) ақпарат агенттігін қайта есепке қою үшін (меншік иесінің ұйымдық-құқықтық нысанының, атауының, тілінің, таралу аумағының, негізгі тақырыптық бағытының және шығару мерзімділігінің өзгеруіне байланысты) тұтынушы мыналарды ұсынады:
      1) осы стандарттың 1-қосымшасына сәйкес белгіленген үлгідегі өтініш;
      2) жеке тұлғалар үшін - кәсіпкерлік қызметпен айналысу құқығын растайтын құжаттың нотариалды куәландырылған көшірмесі;
      3) заңды тұлғалар үшін - заңды тұлғаны мемлекеттік тіркеу (қайта тіркеу) туралы куәліктің, құрылтай құжаттарының нотариалды куәландырылған көшірмелері;
      4) бұрын берілген мерзімді баспасөз басылымын және (немесе) ақпарат агенттігін есепке қою туралы куәліктің түпнұсқасы;;
      5) меншік иесі өзгерген жағдайда осы өзгерістерді растайтын  құжат талап етіледі;
      6) мерзімді баспасөз басылымын және (немесе) ақпарат агенттігін иелену құқығын басқа тұлғаға беруді растайтын шарт.
      Мерзімді баспасөз басылымын және (немесе) ақпарат агенттігін есепке қою туралы куәлікті жоғалтып алуға байланысты телнұсқа алу үшін тұтынушы мыналарды ұсынады:
      1) жоғалу себептерін көрсете отырып, еркін нысанда жазылған өтініш;
      2) жеке тұлғалар үшін - кәсіпкерлік қызметпен айналысу құқығын растайтын құжаттың нотариалды куәландырылған көшірмесі;
      3) заңды тұлғалар үшін - заңды тұлғаны мемлекеттік тіркеу (қайта тіркеу) туралы куәліктің, құрылтай құжаттарының нотариалды куәландырылған көшірмелері;
      4) мерзімді баспасөз басылымын және (немесе) ақпарат агенттігін есепке қою туралы куәліктің телнұсқасын бергені үшін бюджетке алым төленгенін растайтын құжат.
      13. Мемлекеттік қызметті алу үшін өтініш бланкісін Комитет қызметкерлері мына мекенжайда береді: Астана қаласы, «Министрліктер үйі» ғимараты, А блогы, 15-кіреберіс, 227-кабинет, телефон: (7172) 74-04-73, сондай-ақ Қазақстан Республикасының Мәдениет және ақпарат министрлігінің интернет-ресурсында: www.mki.gov.kz орналастырылады.
      14. Мемлекеттік қызметті алу үшін құжаттар мына мекенжай бойынша тіркеледі: Астана қаласы, «Министрліктер үйі» ғимараты, А блогы, 15-кіреберіс, 227-кабинет, телефон: (7172) 74-04-73.
      15. Тұтынушының мемлекеттік қызметті алғанын Комитеттің осы стандарттың 12-тармағында көрсетілген барлық қажетті құжаттарды қабылдап алғанын көрсете отырып, оларды тіркеу кітабына (журналына) тіркеуі растайды.
      16. Мерзімді баспасөз басылымын және (немесе) ақпарат агенттігін есепке қою туралы куәлік тұтынушының жеке өзіне беріледі не пошта арқылы жіберіледі.
      Тұтынушыға дайын құжаттар мына мекенжайда беріледі: Астана қаласы, «Министрліктер үйі» ғимараты, А блогы, 15-кіреберіс, 227-кабинет, телефон: (7172)74-04-73.
      17. Өтініш берушінің осы стандарттың 12-тармағында көрсетілген құжаттардың біреуін өткізбеуі мемлекеттік қызметті көрсетуден бас тартуға негіз болады.

3. Жұмыс қағидаттары

      18. Комитеттің қызметі адамның конституциялық құқықтарын, қызметтік борышты орындау кезінде заңдылықты сақтауға негізделеді және сыпайылық, жеткілікті әрі толық ақпаратты ұсыну, оның сақталуын, қорғалуын және құпиялылығын қамтамасыз ету қағидаттарымен жүзеге асырылады.

4. Жұмыс нәтижелері

      19. Тұтынушыға мемлекеттік қызмет көрсету жұмысының нәтижелері осы стандарттың 2-қосымшасына сәйкес сапа және қол жетімділік көрсеткіштерімен өлшенеді.
      20. Мемлекеттік қызметтің сапасы мен қол жетімділігінің мақсатты көрсеткіштерін жыл сайын Комитеттің жауапты қызметкерлерінен арнайы құрылған жұмыс тобы бекітеді.

5. Шағымдану тәртібі

      21. Комитеттің уәкілетті лауазымды тұлғаларының әрекетіне (әрекетсіздігіне) шағымдану тәртібін Комитеттің мемлекеттік сатып алулар және ұйымдастыру құқықтық жұмыс басқармасының бастығы мына мекенжай бойынша түсіндіреді: Астана қаласы, «Министрліктер үйі» ғимараты, А блогы, 15-кіреберіс, 221-кабинет, телефон: (7172) 74-04-79.
      22. Мемлекеттік қызмет көрсету сапасына наразылық болған жағдайда Комитет төрағасының атына шағым беріледі.
      Шағым жазбаша түрде поштамен, не қолдан Комитет кеңсесі арқылы мына мекенжай бойынша қабылданады: Астана қаласы, «Министрліктер үйі» ғимараты, А блогы, 15-кіреберіс, 224-кабинет, жұмыс күндері сағат 9-00-ден бастап 18-00-ге дейін, түскі үзіліс сағат 13.00-ден 14.30-ға дейін.
      Егер тұтынушы қабылданған шараларға қанағаттанбаса немесе мәселе жоғары сатыда қарауды талап етсе, тұтынушы шағымды жазбаша, сондай-ақ электронды түрде Қазақстан Республикасы Мәдениет және ақпарат министрлігі басшылығының атына мына мекенжайға жібере алады, Астана қаласы, «Министрліктер үйі» ғимараты, А блогы, 15-кіреберіс, 309 кабинет, телефон: (7172)74-01-63.
      Даулы мәселелер азаматтық сот ісі тәртібімен шешіледі.
      23. Қабылданған шағым Комитеттің кіріс хат-хабарды есепке алу журналында тіркеледі және «Жеке және заңды тұлғалардың өтініштерін қарау тәртібі туралы» Қазақстан Республикасының Заңында белгіленген мерзімде қаралады.
      Шағымның екінші данасы не шағымның көшірмесі шағымды қабылдағанын растайтын құжат болып табылады, онда шағымды қабылдайтын тұлға берілген шағымға жауап алу мерзімі мен орнын және шағымның қаралу барысы туралы білуге болатын лауазымды адамдардың байланыс деректерін көрсетеді.
      Шағымды қарау нәтижелері туралы тұтынушыға жазбаша түрде пошта арқылы, не электронды поштамен хабарланады.

6. Байланыс ақпараты

      24. Комитет басшыларының жұмыс істеу және қабылдау кестесі осы стандарттың 10-тармағында белгіленген Комитеттің жұмыс кестесіне сәйкес анықталады.
      Комитеттің мекенжайы: 010000, Астана қаласы, «Министрліктер үйі» ғимараты, А блогы, 15-кіреберіс, 225-кабинет.
      Комитет төрағасының қабылдау бөлмесінің телефоны: (7172) 74-02-51.
      25. Ұсынылатын мемлекеттік қызмет туралы қосымша ақпаратты Қазақстан Республикасы Мәдениет және ақпарат министрлігінің интернет-ресурсынан алуға болады: www.mki.gov.kz.

«Бұқаралық ақпарат құралдарын
есепке алу» мемлекеттік қызмет
стандартына 1-қосымша   

Қазақстан Республикасы    
Мәдениет және ақпарат министрлігі
Ақпарат және мұрағат     
комитетінің төрағасына    
_____________ -дан/ден, -тан/тен

Өтініш

      Сізден ___________________________ мерзімді баспасөз басылымын
                   (атауы)
немесе ақпарат агенттігін есепке алуды (қайта есепке алуды, телнұсқа
беруді жүзеге асыруды) сұраймын (мерзімді баспасөз басылымы үшін түрі
көрсетіледі). (Қайта есепке алу және телнұсқа беруді жүзеге
асырғанда себебі көрсетіледі).
      Меншік иесінің атауы, заңды мекен жайы (телефоны) _____________
      Мерзімді баспасөз басылымының немесе ақпарат агенттігінің атауы
_____________________________________________________________________
      Мерзімді баспасөз басылымының немесе ақпарат агенттігінің тілі
_____________________________________________________________________
      Жиілігі _______________________________________________________
      Тақырыптық бағыты ____________________________________________
      Таралу аумағы _________________________________________________
      Редакцияның мекен жайы ________________________________________
      Бас редактордың тегі, аты, әкесінің аты _______________________

      Қолы, күні, мөрі

      Ескертпе: Мерзімді баспасөз басылымның түрі деп газет немесе журнал танылады.

«Бұқаралық ақпарат құралдарын
есепке алу» мемлекеттік қызмет
стандартына 2-қосымша    

Сапа және қол жетімділік көрсеткіштері

Қазақстан Республикасы  
Үкіметінің       
2009 жылғы 30 желтоқсандағы
№ 2315 қаулысымен    
бекітілген       

«Қазақстан Республикасында таратылатын
шетелдік бұқаралық ақпарат құралдарын есепке алу»
мемлекеттік қызмет стандарты

1. Жалпы ережелер

      1. Осы «Қазақстан Республикасында таратылатын шетелдік бұқаралық ақпарат құралдарын есепке алу» стандарты (бұдан әрі - стандарт) Қазақстан Республикасының ақпараттық кеңістігінің жай-күйін дұрыс  және уақтылы талдау мақсатында Қазақстан Республикасында таратылатын шетелдік бұқаралық ақпарат құралдарын (бұдан әрі - шетелдік БАҚ-тар) есепке алу тәртібін (бұдан әрі - мемлекеттік қызмет) анықтайды.
      2. Көрсетілетін мемлекеттік қызметтің нысаны автоматтандырылмаған.
      3. Мемлекеттік қызмет «Бұқаралық ақпарат құралдары туралы» Қазақстан Республикасының 1999 жылғы 23 шілдедегі Заңының 4-4-бабы 2) тармақшасы негізінде көрсетіледі.
      4. Мемлекеттік қызметті тізбесі осы стандарттың 1 және  2-қосымшаларында көрсетілген облыстардың, Астана және Алматы қалаларының жергілікті атқарушы органдары (бұдан әрі - уәкілетті орган) көрсетеді, сондай-ақ баламалы негізде халыққа қызмет көрсету орталықтары (бұдан әрі - Орталық) арқылы көрсетіледі.
      5. Мемлекеттік қызметтің аяқталу нысаны Қазақстан Республикасы аумағында таратылатын шетелдік БАҚ-тарды есепке алу туралы анықтама беру болып табылады.
      6. Мемлекеттік қызмет жеке және заңды тұлғаларға (бұдан әрі - тұтынушы) көрсетіледі.
      7. Мемлекеттік қызмет мынадай мерзімдерде көрсетіледі:
      уәкілетті органға өтініш білдірген кезде:
      1) құжаттарды ресімдеу мерзімі - уәкілетті органға түскен күнінен бастап 15 күнтізбелік күн;
      2) мемлекеттік қызмет көрсету үшін қажетті құжаттарды тапсырған кезде, сондай-ақ құжаттарды алу кезінде кезекте күтудің рұқсат етілген ең ұзақ уақыты - 10 минут;
      Орталыққа өтініш білдірілген кезде:
      1) құжаттарды ресімдеу мерзімі - уәкілетті органға құжаттарды жіберген сәттен бастап 15 күнтізбелік күн;
      2) мемлекеттік қызмет көрсету үшін қажетті құжаттарды тапсырған кезде, сондай-ақ құжаттарды алу кезіндегі кезекте күтудің рұқсат етілген ең ұзақ уақыты - 30 минут;
      8. Мемлекеттік қызмет тегін көрсетіледі.
      9. Мемлекеттік қызмет көрсету тәртібі мен қажетті құжаттар туралы толық ақпарат электрондық Үкімет порталында: www.е.gov.kz, уәкілетті органдардың интернет-ресурстарында, ресми ақпарат көздерінде, тізбесі осы стандартқа 1 және 2-қосымшаларда көрсетілген уәкілетті органдар мен Орталықтардың стендтерінде орналастырылады.
      10. Мемлекеттік қызмет:
      уәкілетті органға өтініш білдірген кезде:
      сенбі мен жексенбіні қоспағанда, күн сайын белгіленген жұмыс кестесіне сәйкес сағат 9.00-ден 18.00-ге дейін жүргізіледі, түскі үзіліс сағат 13.00-ден 14.00-ге дейін. Қабылдау кезекке тұру тәртібімен жүзеге асырылады, алдын ала жазылусыз және жеделдетілген қызмет көрсетусіз жүзеге асырылады;
      Орталыққа өтініш білдірген кезде:
      жексенбі және мереке күндерінен басқа, аптасына алты күн, белгіленген жұмыс кестесіне сәйкес сағат 9-00-ден 20-00-ге дейін үзіліссіз, филиалдар мен өкілдіктер үшін сағат 9-00-ден 19-00-ге дейін бір сағаттық түскі үзіліспен жұмыс кестесі белгіленеді. Қабылдау «электронды» кезек тәртібімен, алдын ала жазылусыз және жедел қызмет көрсетусіз жүзеге асырылады.
      11. Мемлекеттік қызмет дене мүмкіндіктері шектеулі адамдарға қызмет көрсету шарттары көзделген, сондай-ақ қажетті құжаттардың тізбесі бар стендтермен жарақтандырылған үй-жайлары бар уәкілетті органның ғимаратында жүзеге асырылады.
      Мемлекеттік қызмет сондай-ақ тұтынушының тұрғылықты жері бойынша Орталықтың ғимаратында көрсетіледі, онда дене мүмкіндіктері шектеулі тұтынушыларға қызмет көрсету шарттары көзделген. Залда анықтама бюросы, күту орындары, толтырылған бланкілердің үлгілері бар ақпараттық стендтер орналастырылады.

2. Мемлекеттік қызмет көрсету тәртібі

      12. Мемлекеттік қызметті алу үшін тұтынушы мынадай құжаттарды ұсынады:
      1) шетелдік БАҚ-ты есепке алу туралы өтініш, онда мыналар көрсетілуі тиіс:
      өтініш берілетін уәкілетті органның атауы;
      тұтынушының мәртебесі (жеке кәсіпкер немесе заңды тұлға), оның ұйымдық-құқықтық нысаны, атауы (заңды тұлға үшін), аты, әкесінің аты, тегі (жеке тұлғалар үшін) орналасқан жері (тұрғылықты жері);
      шетелдік БАҚ-тың таралу аумағы;
      таратылатын шетелдік БАҚ-тың тілі (тілдері);
      таратылатын шетелдік БАҚ-тың негізгі тақырыптық бағыты;
      шетелдік БАҚ-тар мерзімді баспасөз басылымдарының таратылатын даналарының болжамды саны, хабарларын тарату көлемі;
      2) тұтынушы жеке тұлға үшін - кәсіпкерлік қызметпен айналысуға құқығын растайтын құжаттың көшірмесі;
      3) тұтынушы заңды тұлға (филиал немесе өкілдік) үшін - заңды тұлғаны (филиалды немесе өкілдікті) мемлекеттік тіркеу (есепке алу) туралы куәліктің көшірмесі;
      4) мемлекеттік қызметті алу үшін құжаттарды ұсынған тұлғаның жеке басын куәландыратын құжат түпнұсқасы мен көшірмесі.
      Құжаттар пакетін қабылдау кезінде уәкілетті орган немесе Орталық қызметкері көшірменің түпнұсқамен сәйкестігін тексеріп, түпнұсқаны тұтынушыға қайтарып береді.
      13. Мемлекеттік қызметті алу үшін қажетті құжаттар тізбесін және өтініш бланкісін уәкілетті орган қызметкерлері береді.
      Орталықта бланкілер күту залындағы арнайы тағанда орналастырылады не Орталықтың консультанттарында болады.
      14. Өтініштің толтырылған бланкілері, сондай-ақ осы стандарттың 12-тармағында көрсетілген құжаттар уәкілетті органға тапсырылады.
      Уәкілетті орган құжаттарды алған соң осы стандарттың 12-тармағына сәйкестігін тексереді, түскен құжаттарды есепке алу кітабына (журналына) тіркейді.
      Орталықта құжаттарды қабылдау «терезелер» арқылы жүзеге асырылады, онда «терезелердің» мақсаттары, орындайтын функциялары туралы ақпарат орналастырылады, сондай-ақ Орталық инспекторының аты, әкесінің аты, тегі және лауазымы көрсетіледі.
      Орталық инспекторы осы стандарттың 12-тармағына сәйкестігіне құжаттардың толықтығын тексеруді, журналға тіркеуді және құжаттарды жинақтаушы бөлімнің инспекторына беруді жүзеге асырады.
      Орталықтың жинақтаушы бөлімінің инспекторы құжаттарды жинауды, тізілім жасауды және уәкілетті органға жіберуді жүзеге асырады.
      Орталық өтініштерді қоса берілген құжаттармен бірге уәкілетті органға осы өтініштерді қабылдаған күні арнайы байланыс арқылы кемінде екі мәрте жеткізіп отырады.
      Орындалған (дайын) құжаттар уәкілетті органнан Орталыққа тиісті құжаттардың қабылданғаны туралы қолхатта көрсетілген беру мерзімінің аяғына дейінгі бір жұмыс күнінен кешіктірілмей келіп түседі.
      15. Тұтынушының мемлекеттік қызметті алғанын уәкілетті органның осы стандарттың 12-тармағында көрсетілген барлық қажетті құжаттарды қабылдап алғанын көрсете отырып құжаттарды тіркеуі растайды.
      Құжаттарды Орталық арқылы қабылдаған жағдайда тұтынушыға:
      1) сұраудың нөмірі мен қабылдау күні;
      2) сұратылған мемлекеттік қызмет түрі;
      3) қоса берілген құжаттардың саны мен атаулары;
      4) құжаттарды беру күні (уақыты) мен орны;
      5) Орталықтың құжаттарды ресімдеуге арналған өтінішті қабылдаған инспекторының аты, әкесінің аты, тегі көрсетілген тиісті құжаттарды қабылдау туралы қолхат беріледі.
      16. Уәкілетті органда шетелдік БАҚ-ты есепке алу туралы анықтама тұтынушының өз қолына беріледі, не поштамен жіберіледі.
      Орталықта тұтынушыға дайын құжаттарды беруді Орталық инспекторы қолхаттың негізінде онда көрсетілген мерзімде «терезелер» арқылы жүзеге асырады.
      17. Мемлекеттік қызмет көрсетуді тоқтата тұруға немесе қызметті көрсетуден бас тартуға мына жағдайлар негіз болады:
      1) осы стандарттың 12-тармағында көрсетілген барлық қажетті құжаттардың ұсынылмауы;
      2) осы стандарттың 12-тармағында көрсетілген құжаттарда толық емес немесе дәйексіз ақпараттың берілуі;
      3) шетелдік БАҚ-тар матариалдарында Қазақстан Республикасының конституциялық құрылысын күшпен өзгертуді, оның тұтастығын бұзуды, мемлекет қауіпсіздігіне нұқсан келтіруді, соғысты, әлеуметтік, таптық, діни, нәсілдік, ұлттық және рулық басымдықты, қатыгездік пен зорлық-зомбылықты және порнографияны насихаттауды немесе үгіттеуді қамтыса;
      4) тұтынушыға қатысты осы қызмет түрімен айналысуға тыйым салатын сот шешімінің болуы;
      5) шетелдік БАҚ өніміне қатысты оны Қазақстан Республикасының аумағында таратуға тыйым салу туралы сот шешімінің болуы.
      Тұтынушыға шетелдік БАҚ-ты есепке алудан бас тартылған ретте Қазақстан Республикасының заңнамасында белгіленген тәртіппен жазбаша түрде дәлелді жауап беріледі.
      Уәкілетті орган құжаттарды ресімдеуде қателіктер тапқан кезде, осы стандарттың 12-тармағында көрсетілген құжаттар пакеті толық ұсынылмаған немесе құжаттар тиісінше ресімделмеген, сондай-ақ ұсынылған құжаттар түпнұсқаға сай келмеген кезде құжаттар пакетін алғаннан кейін үш жұмыс күні ішінде оларды қайтару себептерін жазбаша негіздемемен Орталыққа қайтарады.
      Орталық құжаттар пакетін қабылдаған соң бір жұмыс күні ішінде тұтынушыға уәкілетті органның қайтару себептерін негіздеп хабарлайды.
      Егер тұтынушы құжаттарды мерзімінде алуға келмеген жағдайда Орталық оларды 1 ай бойы сақтауды қамтамасыз етеді, одан кейін оларды Орталық мұрағатына береді.

3. Жұмыс қағидаттары

      18. Уәкілетті органның және Орталықтың қызметі адамның конституциялық құқықтарын, қызметтік парызды орындау барысында заңдылықты сақтауға негізделеді және сыпайылық, жеткілікті және толық ақпаратты ұсыну, оны қорғау және құпиялылығын қамтамасыз ету қағидаттарымен жүзеге асырылады.

4. Жұмыс нәтижелері

      19. Тұтынушыларға мемлекеттік қызмет көрсетудің нәтижелері осы стандарттың 3-қосымшасына сәйкес сапа мен қол жеткізу көрсеткіштерімен өлшенеді.
      20. Мемлекеттік қызметтің сапасы мен қол жетімділігінің мақсатты көрсеткіштерін облыстардың, Астана және Алматы қалаларының әкімдіктерінің ішкі саясат басқармаларының басшы қызметкерлерінен арнайы құрылған жұмыс тобы жыл сайын бекітеді.

5. Шағымдану тәртібі

      21. Уәкілетті органның лауазымды адамдарының әрекетіне (әрекетсіздігіне) шағымдану тәртібін осы стандартқа 1-қосымшада көрсетілген уәкілетті органның басшылығы түсіндіреді.
      Орталық инспекторының әрекетіне (әрекетсіздігіне) шағымдану тәртібі туралы ақпаратты Орталықтың ақпараттық-анықтамалық қызметінің телефоны бойынша алуға болады: 58-00-58.
      22. Мемлекеттік қызмет көрсету сапасына наразылық болған жағдайда осы стандартқа 1-қосымшада көрсетілген мекенжайлар бойынша уәкілетті орган басшысының атына шағым беріледі.
      Шағымдар жазбаша түрде поштамен, не қолдан уәкілетті орган кеңсесі арқылы қабылданады.
      Орталық арқылы мемлекеттік қызмет көрсету сапасына қатысты шағым Орталық директорының атына беріледі. Орталық мекенжайлары мен телефондары осы стандарттың 2-қосымшасында көрсетілген.
      Даулы мәселелер азаматтық сот ісі тәртібімен шешіледі.
      23. Қабылданған шағым уәкілетті органның және Орталықтың кіріс хат-хабарды есепке алу журналында тіркеледі және «Жеке және заңды тұлғалардың өтініштерін қарау тәртібі туралы» Қазақстан Республикасының Заңында белгіленген мерзімде қаралады.
      Шағымның екінші данасы не шағымның көшірмесіне шағымды қабылдайтын тұлға берілген шағымға жауап алу мерзімі мен орнын және шағымның қаралу барысы туралы білуге болатын лауазымды тұлғалардың байланыс деректерін көрсетуі шағымды қабылдағанын растайтын құжат болып табылады.
      Шағымды қарау нәтижесі туралы тұтынушыға жазбаша түрде пошта арқылы, не электронды поштамен хабарланады.

6. Байланыс ақпараты

      24. Уәкілетті орган мен Орталық басшыларының жұмыс істеу және қабылдау кестесі осы стандарттың 10-тармағында көзделген уәкілетті орган мен Орталықтың жұмыс кестесіне сәйкес анықталады.
      Уәкілетті орган мен Орталықтың мекенжайлары, байланыс телефондары осы стандартқа 1 және 2-қосымшасында, сондай-ақ ресми ақпарат көздерінде және уәкілетті орган мен Орталықтардың үй-жайларында орналастырылған стендтерде көрсетілген.
      25. Ұсынылатын мемлекеттік қызмет туралы қосымша ақпаратты Қазақстан Республикасы Мәдениет және ақпарат министрлігінің интернет-ресурсынан алуға болады: www.gov.mki.kz.

«Қазақстан Республикасында 
таратылатын шетелдік бұқаралық
ақпарат құралдарын есепке алу»
мемлекеттік қызмет стандартына
1-қосымша        

Уәкілетті органдардың мекенжайы

«Қазақстан Республикасында 
таратылатын шетелдік бұқаралық
ақпарат құралдарын есепке алу»
мемлекеттік қызмет стандартына
2-қосымша         

Халыққа қызмет көрсету орталықтарының мекенжайлары

«Қазақстан Республикасында 
таратылатын шетелдік бұқаралық
ақпарат құралдарын есепке алу»
мемлекеттік қызмет стандартына
3-қосымша        

Сапа және қол жетімділік көрсеткіштері

Қазақстан Республикасы 
Үкіметінің      
2009 жылғы 30 желтоқсандағы
№ 2315 қаулысымен   
бекітілген      

«Қазақстан Республикасының мемлекеттік мұрағаттарынан шығатын
және шет елге жіберілетін мұрағаттық анықтамалар мен
мұрағаттық құжаттардың көшірмелерін апостильдеу»
мемлекеттік қызмет стандарты

1. Жалпы ережелер

      1. Осы «Қазақстан Республикасының мемлекеттік мұрағаттарынан шығатын және шет елге жіберілетін мұрағаттық анықтамалар мен мұрағаттық құжаттардың көшірмелерін апостильдеу» стандарты (бұдан әрі - стандарт) Қазақстан Республикасының мемлекеттік мұрағаттарынан шығатын және шет елге жіберілетін мұрағаттық анықтамалар мен мұрағаттық құжаттардың көшірмелеріне апостиль қою жөніндегі мемлекеттік қызмет көрсету - қол қойған адамның қолының түпнұсқалылығын және оның уәкілеттілігін, сондай-ақ осы құжатты куәландыратын мөрдің немесе мөртабанның түпнұсқалылығын растау (бұдан әрі - мемлекеттік қызмет) тәртібін анықтайды.
      2. Көрсетілетін мемлекеттік қызметтің нысаны автоматтандырылмаған.
      3. Мемлекеттік қызмет «Қазақстан Респубикасының шетелдік ресми құжаттарды заңдастыру талаптарын жоятын конвенцияға қосылуы туралы» Қазақстан Республикасының 1999 жылғы 30 желтоқсандағы Заңы, «Ұлттық мұрағат қоры және мұрағаттар туралы» Қазақстан Республикасының 1998 жылғы 22 желтоқсандағы Заңының 18-бабы 1-тармағының 15) тармақшасы, «Шетелдік ресми құжаттарды заңдастыру талаптарын жоятын конвенция (Гаага, 1961 жылғы 5 қазан) ережелерін іске асыру жөніндегі шаралар туралы» Қазақстан Республикасы Үкіметінің 2001 жылғы 24 сәуірдегі № 545 қаулысы негізінде көрсетіледі.
      4. Мемлекеттік қызмет Астана қаласы, «Министрліктер үйі» ғимараты, А блогы, 15-кіреберіс мекенжайында орналасқан Қазақстан Республикасы Мәдениет және ақпарат министрлігінің Ақпарат және мұрағат комитеті (бұдан әрі - Комитет), интернет-ресурсы: www.mki.gov.kz, сондай-ақ баламалы негізде тізбесі осы стандартқа 1-қосымшада көрсетілген халыққа қызмет көрсету орталықтары (бұдан әрі - Орталық) арқылы көрсетіледі.
      5. Мемлекеттік қызметтің аяқталу нысаны Қазақстан Республикасының мемлекеттік мұрағаттарынан шығатын және шет елге жіберілетін мұрағаттық анықтамалар мен мұрағаттық құжаттардың көшірмелеріне апостиль мөртабанын қою болып табылады.
      6. Мемлекеттік қызмет жеке және заңды тұлғаларға (бұдан әрі - тұтынушы) көрсетіледі.
      7. Мемлекеттік қызмет мынадай мерзімдерде көрсетіледі:
      Комитетке өтініш білдірген кезде:
      1) жеке өзі келгенде мемлекеттік баж төленгені туралы түбіртек ұсынылған кезде құжаттар тапсырған күні;
      2) почта арқылы жазбаша өтініш берілгенде мемлекеттік баж төленгені туралы түбіртек бар болса, келіп түскен күнінен бастап үш жұмыс күні ішінде;
      3) мемлекеттік қызмет көрсету үшін қажетті құжаттарды тапсырған кезде, сондай-ақ құжаттарды алу кезіндегі кезек күтудің рұқсат етілген ең ұзақ уақыты - 10 минут;
      Орталыққа өтініш білдірген кезде:
      1) құжаттарды ресімдеу мерзімі - Орталық құжаттарды Комитетке жіберген сәттен бастап 30 күнтізбелік күн;
      2) мемлекеттік қызмет көрсету үшін қажетті құжаттарды тапсырған кезде, сондай-ақ құжаттарды алу кезіндегі кезек күтудің рұқсат етілген ең ұзақ уақыты - 30 минут.
      8. Мемлекеттік қызмет көрсеткені үшін «Салық және бюджетке  төленетін басқа да міндетті төлемдер туралы (Салық кодексі)» Қазақстан Республикасының 2008 жылғы 10 желтоқсандағы Кодексіне сәйкес мемлекеттік бажды төлеу күніне белгіленген айлық есептік көрсеткіш мөлшерінің 50 %-ын құрайтын мемлекеттік баж алынады.
      Мемлекеттік баж Қазақстан Республикасының банктері арқылы төленеді, оған төлем мөлшері мен күнін растайтын түбіртек беріледі.
      9. Мемлекеттік қызмет көрсету тәртібі мен қажетті құжаттар туралы толық ақпарат электронды Үкімет порталында: www.e.gov.kz, Қазақстан Республикасы Мәдениет және ақпарат министрлігінің интернет-ресурсында: www.mki.gov.kz, ресми ақпарат көздерінде, тізбелері осы стандартқа 1-қосымшада көрсетілген Орталықтардағы стенділерде орналастырылады.
      10. Мемлекеттік қызмет:
      Комитетке өтініш білдірген кезде:
      сенбі мен жексенбіні қоспағанда, күн сайын. Құжаттарды қабылдау сағат 9.00-ден 18.30-ға дейін, түскі үзіліс сағат 13.00-ден 14.30-ға дейін. Қабылдау кезекке тұру тәртібімен, алдын ала жазылусыз және жеделдетілген қызмет көрсетусіз жүзеге асырылады;
      Орталыққа өтініш білдірген кезде:
      жексенбі және мереке күндерін қоспағанда, аптасына алты күн, оның сағат 9-00-ден 20-00-ге дейін үзіліссіз жұмыс істеуін қамтамасыз ететін кесте белгіленеді, филиалдар мен өкілдіктер үшін бір сағаттық түскі үзіліспен сағат 9-00-ден 19-00-ге дейін жұмыс кестесі белгіленеді. Қабылдау «электронды» кезек тәртібімен, алдын ала жазылусыз және жедел қызмет көрсетусіз жүзеге асырылады.
      11. Қызмет мына мекенжайда көрсетіледі: Астана қаласы, «Министрліктер үйі» ғимараты, А блогы, 15-кіреберіс, 221-кабинет. Үй-жайдың жұмыс істеу режимі: сенбі мен жексенбіден басқа күндері күн сайын сағат 9-00-ден бастап 18-30-ға дейін. Түскі үзіліс сағат 13.00-ден 14.30-ға дейін. Құқықтық тәртіпті қорғау үшін үй-жайда тәуліктік күзет бекеті, өртке қарсы сигнализация және басқа қауіпсіздік шаралары бар. Кіреберіс дене мүмкіндіктері шектеулі адамдарға арналған пандустармен жабдықталған.
      Мемлекеттік қызмет тұтынушының тұрғылықты жері бойынша Орталық ғимаратында да көрсетіледі, мұнда дене мүмкіндіктері шектеулі тұтынушыларға қызмет көрсету үшін жағдайлар көзделген. Залда анықтама бюросы, тосып отыратын креслолар, толтырылған бланк үлгілері бар ақпараттық стенділер орналастырылады.

2. Мемлекеттік қызмет көрсету тәртібі

      12. Қазақстан Республикасының мемлекеттік мұрағаттарынан шығатын және шет елге жіберілетін мұрағаттық анықтамалар мен мұрағаттық құжаттардың көшірмелерін апостильдеу үшін тұтынушы мыналарды ұсынады:
      Комитетке өтініш білдірген кезде:
      1) мемлекеттік мұрағаттың ілеспе хатымен бірге мемлекеттік мұрағат мекемесі берген, апостиль қойылатын мұрағаттық анықтама немесе мұрағаттық құжаттар көшірмелері;
      2) тұтынушының жеке басын немесе сенім білдірілген тұлғаның (жеке өзі келгенде) өкілеттілігін куәландыратын құжат;
      3) мемлекеттік баж төлем туралы түбіртек.
      Орталыққа өтініш білдірген кезде:
      1) қызмет көрсету туралы өтініш;
      2) мемлекеттік мұрағаттың ілеспе хатымен бірге мемлекеттік мұрағат мекемесі берген, апостиль қойылатын мұрағаттық анықтама немесе мұрағаттық құжаттар көшірмелері;
      3) тұтынушының жеке басын куәландыратын құжат немесе сенім білдірілген тұлғаның (жеке өзі келгенде) өкілеттілігін куәландыратын құжат;
      4) мемлекеттік баж төлем туралы түбіртек.
      Құжаттар пакетін қабылдаған кезде Орталық қызметкері көшірмелердің түпнұсқамен сәйкестігін салыстырып, түпнұсқаны тұтынушыға қайтарып береді.
      13. Мемлекеттік қызметті Комитет арқылы алу үшін бланкілер, өтініштер толтыру талап етілмейді.
      Орталықта өтініш бланкілері күту залындағы арнайы тағанда, не Орталықтың консультанттарында болады.
      14. Мемлекеттік қызметті Комитет арқылы алу үшін құжаттар мына мекенжайға тіркеуге беріледі: Астана қаласы, «Министрліктер үйі» ғимараты, А блогы, 15-кіреберіс, 221-кабинет, телефон: (7172) 74-05-29.
      Орталықта құжаттарды қабылдау «терезелердің» мақсаты мен орындайтын функциялары туралы ақпарат орналасқан, сондай-ақ Орталық инспекторының аты, әкесінің аты, тегі және лауазымы көрсетілген «терезелер» арқылы жүзеге асырылады.
      Орталық инспекторы осы стандарттың 12-тармағына сәйкес құжаттардың толықтығын тексеруді, журналға тіркеуді және құжаттарды жинақтаушы бөлімнің инспекторына беруді жүзеге асырады.
      Орталықтың жинақтаушы бөлімінің инспекторы құжаттарды жинауды, тізілім жасауды және оны Қазақстан Республикасының мемлекеттік мұрағаттары арқылы Комитетке жіберуді жүзеге асырады.
      Орталық қоса берілген құжаттармен бірге өтініштерді мемлекеттік мұрағатқа жеткізуді өтініш деректері қабылданған күні арнайы байланыс арқылы кем дегенде екі мәрте жүзеге асырады.
      Мемлекеттік мұрағаттар Орталықтан құжаттарды алғаннан кейін олардың осы стандарттың 12-тармағына сәйкестігін тексереді, түскен құжаттарды есепке алу кітабына (журналына) тіркейді.
      Мемлекеттік мұрағат құжаттарды тексергеннен кейін, құжаттар пакетін бір күн ішінде Комитетке жібереді.
      Комитет мемлекеттік мұрағаттан құжаттардың осы стандарттың 12-тармағына сәйкестігін тексеруді жүзеге асырады, түскен құжаттарды апостиль қою үшін ұсынылған құжаттарды тіркеу кітабына (журналына) тіркейді.
      Құжаттарды дайындау және Орталыққа жіберу олар Комитетке түскен күннен бастап үш жұмыс күні ішінде жүзеге асырылады.
      15. Тұтынушының мемлекеттік қызметті алғанын Комитеттің осы стандарттың 12-тармағында көрсетілген барлық қажетті құжаттарды қабылдап алғанын көрсете отырып, апостиль қоюға ұсынылған құжаттарды тіркеу кітабына (журналына) тіркеуі растайды.
      Құжаттарды Орталық арқылы қабылдаған жағдайда тұтынушыға:
      1) сұраудың нөмірі мен қабылданған күні;
      2) сұратылған мемлекеттік қызмет түрі;
      3) қоса берілген құжаттардың саны мен атаулары;
      4) құжаттарды беру күні (уақыты) мен орны;
      5) Орталықтың құжаттарды ресімдеуге арналған өтінішті қабылдаған инспекторының тегі, аты, әкесінің аты көрсетілген тиісті құжаттарды қабылдау туралы қолхат беріледі.
      16. Комитет қызметкері апостильденген мұрағаттық анықтамаларды, мұрағаттық құжаттардың көшірмелерін тұтынушы (сенімді тұлға) жеке өзі келгенде тұтынушыға (сенімді тұлғаға) береді не пошта арқылы тұтынушыға жібереді.
      Тұтынушыға дайын құжаттарды беру мына мекенжайда жүргізіледі: Астана қаласы, «Министрліктер үйі» ғимараты, А блогы, 15-кіреберіс, 221-кабинет, телефон: (7172) 74-05-29.
      Орталықта тұтынушыға дайын құжаттарды беруді Орталық инспекторы қолхаттың негізінде онда көрсетілген мерзімде «терезелер» арқылы жүзеге асырады.
      17. Тұтынушының осы стандарттың 12-тармағында көрсетілген құжаттардың біреуін ұсынбауы мемлекеттік қызмет көрсетуді тоқтата тұруға негіз болып табылады.
      Тұтынушыдан немесе Орталықтан түсетін құжаттарды ресімдеудегі қателіктер анықталған кезде не осы стандарттың 12-тармағында көрсетілген құжаттардың толық пакеті ұсынылмаған кезде Комитет құжаттар пакетін қабылдағаннан кейін үш жұмыс күні ішінде бас тарту себептерін жазбаша негіздей отырып, оларды тұтынушыға немесе Орталыққа қайтарады.
      Егер тұтынушы құжаттарды мерзімінде алмаған жағдайда, Орталық оларды 1 ай ішінде сақтауды қамтамасыз етеді, одан кейін оларды Орталықтың мұрағатына тапсырады.

3. Жұмыс қағидаттары

      18. Комитеттің және Орталықтың қызметі адамның конституциялық құқықтарын, қызметтік борышты орындау көзінде заңдылықты сақтауға негізделеді және сыпайылық, жеткілікті әрі толық ақпаратты ұсыну, оның сақталуын, қорғалуын және құпиялылығын қамтамасыз ету қағидаттарымен жүзеге асырылады.

4. Жұмыс нәтижелері

      19. Тұтынушыларға мемлекеттік қызмет көрсету жұмысының нәтижелері осы стандарттың 2-қосымшасына сәйкес сапа және қол жетімділік көрсеткіштерімен өлшенеді.
      20. Мемлекеттік қызметтің сапасы мен қол жетімділігінің мақсатты көрсеткіштерін жыл сайын Комитеттің жауапты қызметкерлері қатарынан арнайы құрылған жұмыс тобы бекітеді.

5. Шағымдану тәртібі

      21. Комитеттің уәкілетті лауазымды адамдарының әрекетіне (әрекетсіздігіне) шағымдану тәртібін Комитеттің мұрағаттар мен құжаттама басқармасының бастығы мына мекенжай бойынша түсіндіреді: Астана қаласы, «Министрліктер үйі» ғимараты, А блогы, 15-кіреберіс, 221-кабинет, телефон: (7172) 74-05-31.
      Орталық инспекторының әрекетіне (әрекетсіздігіне) шағым беру тәртібі туралы ақпаратты Орталықтың ақпараттық-анықтамалық қызметінің телефоны бойынша алуға болады: 58-00-58.
      22. Мемлекеттік қызмет көрсету сапасына наразылық болған жағдайда Комитет төрағасының атына шағым беріледі.
      Шағымдар жазбаша түрде поштамен, не қолдан Комитет кеңсесі арқылы, 224-кабинетте жұмыс күндері сағат 9-00-ден бастап 18-30-ге дейін, түскі үзіліс сағат 13.00-ден 14.30-ке дейін сенбі мен жексенбі күндерін қоспағанда, күн сайын қабылданады.
      Егер тұтынушы қабылданған шараларға қанағаттанбаса немесе  мәселе жоғары тұрған сатыда қарауды талап етсе, тұтынушы шағымды жазбаша, сондай-ақ электронды түрде Қазақстан Республикасы Мәдениет және ақпарат министрлігі басшылығының атына мына мекенжайға жібере алады: Астана қаласы, «Министрліктер үйі» ғимараты, А блогы, 15-кіреберіс, 309-кабинет, телефон: (7172) 74-01-63.
      Орталық арқылы мемлекеттік қызметті ұсыну сапасына қатысты шағым Орталық директорының атына беріледі. Орталық мекенжайлары мен телефондары осы стандарттың 1-қосымшасында көрсетілген.
      Даулы мәселелер азаматтық сот ісі тәртібімен шешіледі.
      23. Қабылданған шағым Комитеттің немесе Орталықтың кіріс хат-хабарды есепке алу журналында тіркеледі және «Жеке және заңды тұлғалардың өтініштерін қарау тәртібі туралы» Қазақстан Республикасының Заңында белгіленген мерзімде қаралады.
      Шағымның екінші данасы не шағымның көшірмесі шағымды қабылдағанын растайтын құжат болып табылады, онда шағымды қабылдайтын тұлға берілген шағымға жауап алу мерзімі мен орнын және шағымның қаралу барысы туралы білуге болатын лауазымды адамдардың байланыс деректерін көрсетеді.
      Шағымды қарау нәтижелері туралы тұтынушыға жазбаша түрде пошта арқылы, не электронды поштамен хабарланады.

6. Байланыс ақпараты

      24. Комитет пен Орталықтар басшыларының жұмыс істеу және қабылдау кестелері Комитет пен Орталықтардың осы стандарттың 10-тармағында белгіленген жұмыс кестесіне сәйкес анықталады.
      Комитеттің мекенжайы: 010000, Астана қаласы, «Министрліктер үйі» ғимараты, А блогы, 15-кіреберіс, 225-кабинет. Комитет төрағасының қабылдау бөлмесінің телефоны: (7172) 74-02-51.
      Орталықтардың байланыс телефондары, мекенжайлары, осы стандарттың 1-қосымшасында, сондай-ақ ресми ақпарат көздерінде және Орталықтардың үй-жайларында орналастырылған стенділерде көрсетілген.
      25. Ұсынылатын мемлекеттік қызмет туралы қосымша ақпаратты Қазақстан Республикасы Мәдениет және ақпарат министрлігінің интернет-ресурсынан алуға болады: www.mki.gov.kz.

«Қазақстан Республикасының 
мемлекеттік мұрағаттарынан 
шығатын және шет елге   
жіберілетін мұрағаттық   
анықтамаларға және мұрағаттық
құжаттардың көшірмелеріне 
апостильдеу» мемлекеттік 
қызмет стандартына    
1-қосымша        

Халыққа қызмет көрсету орталықтарының мекенжайлары

«Қазақстан Республикасының 
мемлекеттік мұрағаттарынан
шығатын және шет елге   
жіберілетін мұрағаттық   
анықтамаларға және мұрағаттық
құжаттардың көшірмелеріне 
апостильдеу» мемлекеттік  
қызмет стандартына     
2-қосымша          

Сапа және қол жетімділік көрсеткіштері

Қазақстан Республикасы  
Үкіметінің        
2009 жылғы 30 желтоқсандағы
№ 2315 қаулысымен     
бекітілген        

«Мұрағаттық анықтамалар беру» мемлекеттік қызмет стандарты

1. Жалпы ережелер

      1. Осы «Мұрағаттық анықтамалар беру» стандарты (бұдан әрі - стандарт) заңдық күші бар және оның негізінде құжаттарды іздеу деректерін көрсете отырып сұраныстың мәні туралы құжаттық ақпаратты қамтитын мұрағаттың ресми құжаты - мұрағаттық анықтама беру жөнінде мемлекеттік қызмет көрсету (бұдан әрі - мемлекеттік қызмет көрсету) тәртібін анықтайды.
      2. Көрсетілетін мемлекеттік қызметтің нысаны автоматтандырылмаған.
      3. Мемлекеттік қызмет Ұлттық мұрағат қоры және мұрағаттар туралы» Қазақстан Республикасының 1998 жылғы 22 желтоқсандағы Заңының 15-бабы 5-тармағының негізінде көрсетіледі.
      4. Мемлекеттік қызмет тізбесі осы стандарттың 1 және  2-қосымшаларындакөрсетілген мемлекеттік мұрағаттар (бұдан әрі - Мұрағат), сондай-ақ баламалы негізде халыққа қызмет көрсету орталықтары (бұдан әрі - Орталық) арқылы көрсетіледі.
      5. Мемлекеттік қызметтің аяқталу нысаны мұрағаттық анықтаманы, мұрағат құжаттарының көшірмелерін немесе үзінділерін (бұдан әрі - мұрағаттық анықтама) беру болып табылады.
      6. Мемлекеттік қызмет жеке және заңды тұлғаларға (бұдан әрі - тұтынушы) көрсетіледі.
      7. Мемлекеттік қызмет мынадай мерзімдерде көрсетіледі:
      Мұрағатқа өтініш білдірген кезде:
      құжаттар Мұрағат кеңсесінде тіркелген күнінен бастап он бес күнтізбелік күн ішінде;
      мемлекеттік қызметті көрсету үшін екі немесе одан да көп ұйымдардың, сондай-ақ уақыты бес жылдан астам құжаттарды зерделеу қажет болған жағдайларда Мұрағат басшысы, не осыған уәкілеттік берілген тұлға мемлекеттік қызметті көрсету мерзімін отыз күнтізбелік күннен аспайтын мерзімге ұзартуы мүмкін, бұл туралы құжаттар тіркелген күнінен бастап үш күнтізбелік күн ішінде тұтынушыға хабарланады;
      едәуір уақыт шығыны мен еңбекті қажет ететін генеалогиялық және тақырыптық сипаттағы ақпаратты анықтау жөнінде мемлекеттік қызмет көрсету ол түпкілікті орындалғанға дейін қосымша бақылауға қойылады, бұл туралы құжаттар тіркелген күнінен бастап үш күнтізбелік күн ішінде тұтынушыға хабарланады.
      Мемлекеттік қызметті көрсету үшін қажетті құжаттарды тапсырған кезде, сондай-ақ құжаттарды алу көзінде кезек күтудің рұқсат етілген ең ұзақ уақыты - 15 минут.
      Орталыққа өтініш білдірген кезде:
      Мүрағатқа Орталық құжаттарды жіберген сәттен бастап 30 күнтізбелік күн ішінде;
      мемлекеттік қызметті көрсету үшін қажетті құжаттарды тапсырған кезде, сондай-ақ құжаттарды алу көзінде кезек күтудің рұқсат етілген ең ұзақ уақыты - 30 минут.
      Генеалогиялық және тақырыптық сипаттағы мұрағаттық анықтама беру жөніндегі мемлекеттік қызметті тек Мұрағаттар ғана көрсетеді.
      8. Ұлттық мұрағат қоры және мұрағаттар туралы» Қазақстан Республикасы Заңының 17-бабының 1-тармағына сәйкес тапсырыс бойынша генеалогиялық және тақырыптық сипаттағы ақпаратты айқындауды тапсырыс бойынша жүргізуді және мұрағат құжаттарын кешіріп алуды қоспағанда мемлекеттік қызмет ақысыз болып табылады.
      Бұл жағдайда, мемлекеттік қызмет көрсетуге арналған шарт жасалады, онда орындалған жұмыс үшін ақы төлеу тәртібі келісіледі. Қызмет көрсетуге ақы төлеу Қазақстан Республикасы Мәдениет және ақпарат министрінің бұйрығымен бекітілген баға прейскурантында белгіленген есептеулерге және Қазақстан Республикасы Үкіметінің 2002 жылғы 8 ақпандағы № 183 қаулысымен бекітілген Мемлекеттік бюджет есебінен қаржыландырылатын мемлекеттік және ведомстволық мұрағаттардың ақылы қызмет көрсету және одан түскен қаржыны пайдалану ережесіне сәйкес жүргізіледі.
      Төлем Қазақстан Республикасының банктері арқылы жүргізіледі, оған төлем мөлшері мен күнін растайтын түбіртек беріледі.
      9. Мемлекеттік қызметті көрсету тәртібі мен оған қажетті құжаттар туралы толық ақпарат электронды Үкімет порталында: www.е.gov.kz, Қазақстан Республикасы Мәдениет және ақпарат министрлігініқ интернет-ресурсында: www.mki.gov.kz, ресми ақпарат көздерінде, тізбесі осы стандартқа 1 және 2-қосымшаларда көрсетілген мемлекеттік қызмет көрсету орындарындағы ақпараттық тақталар мен стенділерде орналастырылады.
      10. Мемлекеттік қызмет:
      Мұрағатқа өтініш білдірген кезде:
      сенбі мен жексенбіні қоспағанда, күн сайын. Құжаттарды қабылдау сағат 9.00-ден 18.30-ға дейін, түскі үзіліс сағат 13.00-ден 14.30-ға дейін. Қабылдау кезекке тұру тәртібімен, алдын ала жазылусыз және жеделдетілген қызмет көрсетусіз жүзеге асырылады;
      Орталыққа өтініш білдірген кезде:
      жексенбі және мереке күндерін қоспағанда, аптасына алты күн, оның сағат 9-00-ден 20-00-ге дейін үзіліссіз жұмыс істеуін қамтамасыз ететін, филиалдар мен өкілдіктер үшін сағат 9-00-ден 19-00-ге дейін бір сағаттық түскі үзіліспен жұмыс кестесі белгіленеді. Қабылдау «электронды» кезек тәртібімен, алдын ала жазылусыз және жедел қызмет көрсетусіз жүзеге асырылады.
      11. Қызмет дене мүмкіндіктері шектеулі адамдарға қызмет көрсету шарттары көзделген, сондай-ақ қажетті құжаттардың тізбесі бар стендтермен жарақтандырылған үй-жайлары бар Мұрағат ғимаратында көрсетіледі.
      Мұрағат үй-жайында құқықтық тәртіпті сақтау үшін тәулік бойына күзет бекеті, өртке қарсы сигнализация және басқа да қауіпсіздік шаралары бар.
      Мемлекеттік қызмет тұтынушының тұрғылықты жері бойынша Орталық ғимаратында да көрсетіледі, мұнда дене мүмкіндіктері шектеулі тұтынушыларға қызмет көрсету үшін жағдайлар көзделген. Залда анықтама бюросы, тосып отыратын креслолар, толтырылған бланк үлгілері бар ақпараттық стенділер орналастырылады.

2. Мемлекеттік қызмет көрсету тәртібі

      12. Тұтынушы мемлекеттік қызметті алу үшін мыналарды ұсынады:
      Мұрағатқа өтініш білдірген кезде:
      1) расталуы қажет мәліметтер көрсетілген өтінішті (хатты);
      2) тұтынушының жеке басын куәландыратын құжатты немесе сенім білдірілген тұлғаның (жеке қабылдау көзінде) өкілеттігін куәландыратын құжатты;
      Орталыққа өтініш білдірген кезде:
      1) мемлекеттік қызмет көрсету туралы өтінішті;
      2) расталуы қажет мәліметтер көрсетілген өтінішті (хатты);
      3) тұтынушының жеке басын куәландыратын немесе сенім білдірілген тұлғаның өкілеттігін куәландыратын құжаттың түпнұсқасы мен көшірмесі.
      Құжаттар пакетін қабылдаған кезде Орталық қызметкері көшірмелерді түпнұсқамен сәйкестігін тексеріп, түпнұсқаны тұтынушыға қайтарады.
      Қажет болған жағдайда тұтынушы өтінішке (хатқа) тиісті құжаттар мен материалдарды, не оның көшірмелерін қоса береді.
      13. Мемлекеттік қызметті алу үшін бланкілерді толтыру талап етілмейді, өтініштер еркін нысан бойынша қабылданады.
      Орталықта мемлекеттік қызмет көрсету туралы өтініштердің бланкілері күту залындағы арнайы тағанда орналастырылады, не Орталықтың консультанттарында болады.
      14. Мемлекеттік қызметті Мұрағат арқылы алу үшін осы стандарттың 12-тармағында көрсетілген құжаттар тізбесі осы стандарттың 1-қосымшасында көрсетілген Мұрағаттарға тапсырылады.
      Орталықта құжаттарды қабылдау «терезелер» арқылы жүзеге асырылады, онда «терезелердің» мақсаттары, орындайтын функциялары туралы ақпарат орналастырылады, сондай-ақ Орталық инспекторының аты, әкесінің аты, тегі және лауазымы көрсетіледі.
      Орталық инспекторы осы стандарттың 12-тармағына сәйкестігіне құжаттардың толықтығын тексеруді, журналға тіркеуді және құжаттарды жинақтаушы бөлімнің инспекторына беруді жүзеге асырады.
      Орталықтың жинақтаушы бөлімінің инспекторы құжаттарды жинауды, тізілім жасауды және Мұрағатқа жіберуді жүзеге асырады.
      Орталық өтініштерді қоса берілген құжаттармен бірге Мұрағатқа осы өтініштерді қабылдаған күні арнайы байланыс арқылы кемінде екі мәрте жеткізіп отырады.
      Мұрағат құжаттарды алған соң осы стандарттың 12-тармағына сәйкестігін тексереді, түскен құжаттарды жеке және заңды тұлғалардың сұраныстарын тіркеу кітабына (журналына) тіркейді.
      Орындалған (дайын) құжаттар Мұрағаттан Орталыққа тиісті құжаттардың қабылданғаны туралы қолхатта көрсетілген беру мерзімінің аяғына дейінгі бір жұмыс күнінен кешіктірілмей келіп түседі.
      15. Тұтынушының мемлекеттік қызметті алғанын Мұрағаттың осы стандарттың 12-тармағында көрсетілген барлық қажетті құжаттарды қабылдап алғанын көрсете отырып, қызмет алуға ұсынылған құжаттарды тіркеу кітабына (журналына) тіркеуі растайды.
      Құжаттарды Орталық арқылы қабылдаған жағдайда тұтынушыға:
      1) сұраудың нөмірі мен қабылданған күні;
      2) сұратылған мемлекеттік қызмет түрі;
      3) қоса берілген құжаттардың саны мен атаулары;
      4) құжаттарды беру күні (уақыты) мен орны;
      5) Орталықтың құжаттарды ресімдеуге арналған өтінішті қабылдаған инспекторының аты, әкесінің аты, тегі көрсетілген тиісті құжаттарды қабылдау туралы қолхат беріледі.
      16. Мұрағат қызметкері мұрағаттық анықтаманы тұтынушыға (сенімді тұлғаға) жеке өзі келгенде береді, не пошта арқылы немесе Орталыққа жібереді.
      Тұтынушыға дайын құжаттарды беру осы стандарттың 1-қосымшасында көрсетілген мекенжайлар бойынша Мұрағаттарда жүргізіледі.
      Орталықта тұтынушыға дайын құжаттарды беруді Орталық инспекторы қолхаттың негізінде онда көрсетілген мерзімде «терезелер» арқылы жүзеге асырады.
      17. Тұтынушының осы стандарттың 12-тармағында көрсетілген құжаттардың біреуін ұсынбауы мемлекеттік қызмет көрсетуді тоқтата тұруға негіз болып табылады.
      Сұрауды орындау үшін қажетті мәліметтердің болмауы мемлекеттік қызмет көрсетуден бас тартуға негіз болып табылады.
      Мұрағаттар құжаттарды ресімдеу көзінде жіберілген қателіктер анықталғанда, не осы стандарттың 12-тармағында көрсетілген құжаттардың толық пакеті ұсынылмаған кезде құжаттар пакетін қабылдағаннан кейін үш жұмыс күні ішінде қайтару (бас тарту) себептерін жазбаша негіздей отырып тұтынушыға немесе Орталыққа қайтарады.
      Орталық құжаттар пакетін қабылдаған соң тұтынушыға бір жұмыс күні ішінде хабарлайды және Мұрағаттың қайтару (бас тарту) себебі туралы жазбаша негіздемесін береді.
      Егер тұтынушы құжаттарды мерзімінде алмаған жағдайда, Орталық оларды 1 ай мерзімде сақтауды қамтамасыз етеді, одан кейін оларды Орталық мұрағатына тапсырады.

3. Жұмыс қағидаттары

      18. Мұрағаттың және Орталықтың қызметі адамның конституциялық құқықтарын, қызметтік борышты орындау көзінде заңдылықты сақтауға негізделеді және сыпайылық, жеткілікті әрі толық ақпаратты ұсыну, оның сақталуын, қорғалуын және құпиялылығын қамтамасыз ету қағидаттарымен жүзеге асырылады.

4. Жұмыс нәтижелері

      19. Тұтынушыларға мемлекеттік қызмет көрсету жұмысының нәтижелері осы стандарттың 3-қосымшасына сәйкес сапа және қол жетімділік көрсеткіштерімен өлшенеді.
      20. Мемлекеттік қызметтің сапасы мен қол жетімділігінің мақсатты көрсеткіштерін облыстардың, Астана, Алматы қалаларының мұрағаттар мен құжаттама басқармаларының басшы қызметкерлерінен арнайы құрылған жұмыс тобы жыл сайын бекітеді.

5. Шағымдану тәртібі

      21. Мұрағаттың уәкілетті лауазымды тұлғаларының әрекетіне (әрекетсіздігіне) шағымдану тәртібін Мұрағат директорлары мен облыстардың, Астана, Алматы қалаларының мұрағаттар мен құжаттама басқармаларының басшылары түсіндіреді.
      Орталық инспекторының әрекетіне (әрекетсіздігіне) шағым беру тәртібі туралы ақпаратты Орталықтың ақпараттық-анықтамалық қызметінің телефоны бойынша алуға болады: 58-00-58.
      22. Мемлекеттік қызмет көрсету сапасына наразылық болған жағдайда Мұрағат директорының атына, облыстардың, Алматы, Астана қалаларының мұрағаттар мен құжаттама басқармаларының басшыларына шағым беріледі.
      Шағым жазбаша түрде поштамен, не қолдан Мұрағат кеңсесі арқылы осы стандарттың 1-қосымшасында көрсетілген мекенжайларда қабылданады.
      Орталық арқылы мемлекеттік қызметті көрсету сапасына қатысты шағым Орталық директорының атына беріледі. Орталық мекенжайлары мен телефондары осы стандарттың 2-қосымшасында көрсетілген.
      Даулы мәселелер азаматтық сот ісі тәртібімен шешіледі.
      23. Қабылданған шағым Мұрағаттың және Орталықтың кіріс хат-хабарды есепке алу журналында тіркеледі және «Жеке және заңды тұлғалардың өтініштерін қарау тәртібі туралы» Қазақстан Республикасының Заңында белгіленген мерзімде қаралады.
      Шағымның екінші данасы не шағымның көшірмесі шағымды қабылдағанын растайтын құжат болып табылады, онда шағымды қабылдайтын тұлға берілген шағымға жауап алу мерзімі мен орнын және шағымның қаралу барысы туралы білуге болатын лауазымды адамдардың байланыс деректерін көрсетеді.
      Шағымды қарау нәтижелері туралы тұтынушыға жазбаша түрде пошта арқылы не электронды поштамен хабарланады.

6. Байланыс ақпараты

      24. Мұрағат пен Орталық басшыларының жұмыс істеу және қабылдау кестелері осы стандарттың 10-тармағында көзделген Мұрағат пен Орталықтың жұмыс кестесіне сәйкес анықталады.
      Мұрағаттар пен Орталықтардың мекенжайлары, байланыс телефондары осы стандарттың 1 және 2-қосымшасында, сондай-ақ ресми ақпарат көздерінде  және Мұрағат пен Орталықтың үй-жайларында орналастырылған стенділерде көрсетілген.
      25. Ұсынылатын мемлекеттік қызмет туралы қосымша ақпаратты Қазақстан Республикасы Мәдениет және ақпарат министрлігінің интернет- ресурсынан алуға болады: www.mki.gov.kz.

«Мұрағаттық анықтамалар беру»
мемлекеттік қызмет стандартына
1-қосымша         

Мемлекеттік мұрағаттардың мекенжайы

«Мұрағаттық анықтамалар
беру» мемлекеттік қызмет
стандартына      
2-қосымша       

Халыққа қызмет көрсету орталықтарының мекенжайлары

«Мұрағаттық анықтамалар
беру» мемлекеттік қызмет
стандартына    
3-қосымша     

Сапа және қол жетімділік көрсеткіштері