"Арнаулы әлеуметтік қызметтер туралы" Қазақстан Республикасының 2008 жылғы 29 желтоқсандағы Заңы
7-бабының
2) тармақшасына сәйкес Қазақстан Республикасының Үкіметі
Қ
АУЛЫ ЕТЕДІ:
1. Қоса беріліп отырған арнаулы әлеуметтік қызметтердің кепілдік берілген көлемінің тізбесі бекітілсін.
2. Осы қаулы алғаш рет ресми жарияланған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
Қазақстан Республикасы
Үкіметінің
2009 жылғы 14 наурыздағы
N 330 қаулысымен
бекітілген
Арнаулы әлеуметтік қызметтердің кепілдік
берілген көлемінің тізбесі
1. Жалпы ережелер
1. Арнаулы әлеуметтік қызметтердің кепілдік берілген көлемі психоневрологиялық ауытқулары бар мүгедек балалар қатарынан дене және (немесе) ақыл-ой мүмкіндіктеріне байланысты организм функциялары тұрақты бұзылған тұлғаларға ұсынылады.
2. Арнаулы әлеуметтік қызметтердің кепілдік берілген көлемінің тізбесі:
әлеуметтік-тұрмыстық;
әлеуметтік-медициналық;
әлеуметтік-психологиялық;
әлеуметтік-педагогикалық;
әлеуметтік-экономикалық;
әлеуметтік-құқықтық қызметтерді қамтиды.
3. Азаматтардың тұрмыстағы тіршілік әрекеттерін қолдауға бағытталған әлеуметтік-тұрмыстық қызметтер балалардың стационарлық жағдайда тұрақты немесе уақытша тұруына арналған медициналық-әлеуметтік мекемелерде (ұйымдарда) (бұдан әрі - стационарлық үлгідегі әлеуметтік қызмет көрсету ұйымы), балалардың күндіз болуына арналған медициналық-әлеуметтік мекемелерде (ұйымдарда) (бұдан әрі - жартылай стационарлық үлгідегі әлеуметтік қызмет көрсету ұйымы) көрсетілетін болады.
Әлеуметтік-тұрмыстық қызметтер мыналарды қамтиды:
тұруға және (немесе) болуға, оңалту және емдеу іс-шараларын, емдеу-еңбек және оқу қызметін, мәдени және тұрмыстық қызмет көрсетуді жүргізуге арналған үй-жайлар мен жиһазды пайдалануға беру;
стационарлық үлгідегі ұйымдарда жасын және денсаулығының жай-күйін ескере отырып, оңтайлы және диеталық тамақтануды ұсыну;
стационарлық үлгідегі ұйымдарда тұрмыстық қызмет көрсетуді қамтамасыз ету (кір жуу, келтіру, үтіктеу, іш киімді, киім-кешектерді, төсек-орын құралдарын дезинфекциялау);
жеке-күтушіні және гигиеналық сипаттағы әлеуметтік-тұрмыстық қызметтерді көрсету;
санитарлық-гигиеналық талаптарға сәйкес тұру және (немесе) болу жағдайларын қолдау.
4. Азаматтардың денсаулығын қолдауға және жақсартуға бағытталған әлеуметтік-медициналық қызметтер стационарлық және жартылай стационарлық үлгідегі әлеуметтік қызмет көрсету ұйымдарында көрсетіледі.
Әлеуметтік-медициналық қызметтер тізбесі:
алғашқы медициналық тексеру мен алғашқы санитарлық өңдеу жүргізуді;
денсаулығының жай-күйін қадағалауды;
стационарлық үлгідегі ұйымдарда күтімді қамтамасыз етуді;
алғашқы медициналық және дәрігерге дейінгі көмек көрсетуді;
емдеу-сауықтыру іс-шараларын ұйымдастыруды;
медициналық-әлеуметтік сараптама жүргізуге жәрдемдесуді;
денсаулық сақтау ұйымдарында тегін медициналық көмектің және басқа да медициналық қызмет түрлерінің кепілдік берілген көлемін алуға жәрдем көрсетуді;
протездік-ортопедиялық және естуді протездеу көмегін алуға жәрдемдесуді;
мүгедектерді оңалтудың жеке бағдарламаларына сәйкес техникалық көмекші (орнын толтырушы) және міндетті гигиеналық құралдармен қамтамасыз етуге жәрдемдесуді;
мүгедектерді оңалтудың жеке бағдарламаларына сәйкес оңалту іс-шараларын жүргізуді қамтиды.
5. Азаматтардың психологиялық жай-күйін түзетуді көздейтін әлеуметтік-психологиялық қызметтер стационарлық және жартылай стационарлық үлгідегі әлеуметтік қызмет көрсету ұйымдарында көрсетіледі.
Әлеуметтік-психологиялық қызметтер:
психологиялық диагностиканы;
жеке тұлғаны тексеруді;
психологиялық түзетуді қамтиды.
6. Әлеуметтік-педагогикалық қызметтер психоневрологиялық ауытқулары бар балалардың физикалық мүмкіндіктері мен ақыл-ой қабілеттерін ескере отырып, педагогикалық түзетуге және білім беруге бағытталады және стационарлық, жартылай стационарлық үлгідегі әлеуметтік қызмет көрсету ұйымдарында және балаларға үйде қызмет көрсетуге арналған үйде әлеуметтік көмек көрсету бөлімшелерінде (бұдан әрі - үйде әлеуметтік көмек көрсету бөлімшелері) көрсетіледі.
Әлеуметтік-педагогикалық қызметтер:
жеке тұлғаны әлеуметтік-педагогикалық диагностикалау мен тексеруді;
әлеуметтік-педагогикалық консультация беруді;
педагогикалық түзетуді;
өз-өзіне қызмет көрсету, тұрмыста және қоғамдық орындарда жүріп-тұру, өзін бақылау, қарым-қатынас жасау дағдыларын үйретуді;
балаларды мектепке дейін тәрбиелеу үшін жағдайлар жасауға жәрдемдесуді;
арнайы білім беру оқыту бағдарламалары бойынша білім алуға жәрдемдесуді;
әлеуметтік-еңбекке, кәсіптік оңалтуға байланысты қызметтерді;
жұмыспен қамтуды ұйымдастыруға жәрдемдесуді;
бос уақытты өткізуді ұйымдастыруды;
мүгедектерді оңалтудың жеке бағдарламаларына сәйкес ымдау тіліне аудару жөніндегі қызметтерді қамтиды.
7. Әлеуметтік-экономикалық қызметтер психоневрологиялық ауытқулары бар балалардың өмір сүру деңгейін қолдау мен жақсартуға бағытталған және стационарлық, жартылай стационарлық үлгідегі әлеуметтік қызмет көрсету ұйымдарында және үйде әлеуметтік көмек көрсету бөлімшелерінде ұсынылады.
Әлеуметтік-экономикалық қызметтер:
әлеуметтік төлемдерді алуда, оның ішінде мемлекеттік органдарға өтініш беруде, қажетті құжаттарды жинауда, жәрдемақыларды, алименттер мен басқа да төлемдерді сенімхат бойынша алуда жәрдемдесуді;
сауда, коммуналдық-тұрмыстық қызмет көрсетуді, байланыс және халыққа қызмет көрсететін басқа да ұйымдардың қызмет көрсетуін ұсынуға жәрдемдесуді қамтиды.
8. Әлеуметтік-құқықтық қызметтер стационарлық, жартылай стационарлық үлгідегі әлеуметтік қызмет көрсету ұйымдарында және үйде әлеуметтік көмек көрсету бөлімшелерінде ұсынылады.
Әлеуметтік-құқықтық қызметтер:
әлеуметтік қызмет көрсету және өздерінің мүдделерін қорғау құқығына байланысты мәселелер бойынша консультация беруді;
жеке куәлікті, паспортты, әлеуметтік төлемдерді және заңдық маңызы бар басқа да құжаттарды алу үшін құжаттарды ресімдеуді қамтиды.