Қазақстан Республикасы Білім және ғылым министрлігіне ведомстволық бағынысты жекелеген ұйымдардың мәселелері

      Қазақстан Республикасының Үкіметі  ҚАУЛЫ ЕТЕДІ:
      1. Қазақстан Республикасы Білім және ғылым министрлігінің "Ы. Алтынсарин атындағы Қазақ білім академиясы" және "12 жылдық білім беру проблемалары республикалық ғылыми-практикалық орталығы" республикалық мемлекеттік қазыналық кәсіпорындары оларды Қазақстан Республикасы Білім және ғылым министрлігінің "Ы. Алтынсарин атындағы Ұлттық білім беру академиясы" республикалық мемлекеттік қазыналық кәсіпорнына (бұдан әрі - кәсіпорын) қосу жолымен қайта ұйымдастырылсын.

      2. Қазақстан Республикасы Білім және ғылым министрлігінің "Білім беру мен тестілеудің мемлекеттік стандарттарының ұлттық орталығы" республикалық мемлекеттік қазыналық кәсіпорны Қазақстан Республикасы Білім және ғылым министрлігінің "Ұлттық тестілеу орталығы" (бұдан әрі - орталық) республикалық мемлекеттік қазыналық кәсіпорны болып қайта аталсын.

      3. Кәсіпорын қызметінің негізгі мәні:

      1) білім және ғылым саласындағы өндірістік-шаруашылық қызметті жүзеге асыру;

      2) білім саласында, оның ішінде 12 жылдық білім беруге көшу проблемалары бойынша іргелі және қолданбалы ғылыми зерттеулер жүргізу;

      3) білім беру жүйесін, оның ішінде 12 жылдық білім беру мазмұнының теориясын реформалауды әдіснамалық және әдістемелік қамтамасыз ету;

      4) білім берудің барлық деңгейлерінің мемлекеттік жалпыға міндетті стандарттарын әзірлеу, енгізу және жетілдіру болып белгілесін.

      4. Қазақстан Республикасы Білім және ғылым министрлігі Қазақстан Республикасының заңнамасында белгіленген тәртіппен:

      1) Қазақстан Республикасы Қаржы министрлігінің Мемлекеттік мүлік және жекешелендіру комитетіне кәсіпорынның жарғысын және орталықтың жарғысына тиісті өзгерістерді бекітуге енгізсін;

      2) әділет органдарында кәсіпорынның тіркелуін және орталықтың қайта тіркелуін қамтамасыз етсін;

      3) осы қаулыдан туындайтын өзге де шараларды қабылдасын.

      5. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер мен толықтырулар бекітілсін.

      6. Осы қаулы қол қойылған күнінен бастап қолданысқа енгізіледі.

       Қазақстан Республикасының
      Премьер-Министрі                                    К.Мәсімов

Қазақстан Республикасы 
Үкіметінің       
2008 жылғы 18 сәуірдегі
N 365 қаулысымен    
бекітілген      

  Қазақстан Республикасы Үкіметінің кейбір шешімдеріне енгізілетін өзгерістер мен толықтырулар

      1. "Республикалық мемлекеттік кәсіпорындардың тізбесі туралы" Қазақстан Республикасы Үкіметінің 1996 жылғы 25 маусымдағы N 790  қаулысында  (Қазақстан Республикасының ПҮАЖ-ы, 1996 ж., N 29, 256-құжат):
      көрсетілген қаулымен бекітілген Республикалық мемлекеттік кәсіпорындардың тізбесінде:
      "Қазақстан Республикасының Білім және ғылым министрлігі" деген бөлімде:
      реттік нөмірі 470-1-жол мынадай редакцияда жазылсын:
      "470-1 "Ұлттық тестілеу орталығы" республикалық мемлекеттік қазыналық кәсіпорны                             Астана қаласы";
      реттік нөмірлері 470-144 және 470-168-жолдар алынып тасталсын;
      мынадай мазмұндағы реттік нөмірі 470-206-жолмен толықтырылсын:
      "470-206 "Ы. Алтынсарин атындағы Ұлттық білім беру академиясы" республикалық мемлекеттік қазыналық кәсіпорны     Алматы қаласы".

      2. "Қазақстан Республикасы Білім және ғылым министрлігінің "Білім беру мен тестілеудің мемлекеттік стандарттарының ұлттық орталығы" республикалық мемлекеттік қазыналық кәсіпорнын құру туралы" Қазақстан Республикасы Үкіметінің 1999 жылғы 3 желтоқсандағы N 1850  қаулысында :
      тақырыбында және 1-тармағында "Білім беру мен тестілеудің мемлекеттік стандарттарының ұлттық орталығы" деген сөздер "Ұлттық тестілеу орталығы" деген сөздермен ауыстырылсын;
      2-тармақтың үшінші абзацы алынып тасталсын.

      3. "Қазақстан Республикасы Білім және ғылым министрлігінің мәселелері" туралы Қазақстан Республикасы Үкіметінің 2004 жылғы 28 қазандағы N 1111  қаулысында  (Қазақстан Республикасының ПҮАЖ-ы, 2004 ж., N 40, 522-құжат):
      көрсетілген қаулымен бекітілген Қазақстан Республикасы Білім және ғылым министрлігінің қарамағындағы ұйымдардың тізбесінде:
      "1. Республикалық мемлекеттік кәсіпорындар" деген бөлімде:
      реттік нөмірлері 40 және 41-жолдар алынып тасталсын;
      реттік нөмірі 43-жол мынадай редакцияда жазылсын:
      "43. Ұлттық тестілеу орталығы";
      мынадай мазмұндағы реттік нөмірі 77-10-жолмен толықтырылсын:
      "77-10. Ы. Алтынсарин атындағы Ұлттық білім беру академиясы".

      4. "Мемлекеттік монополия субъектілерінің және осы субъектілер монополиялық жағдайда болатын салалардың тізбесін бекіту туралы" Қазақстан Республикасы Үкіметінің 2005 жылғы 4 сәуірдегі N 304  қаулысында  (Қазақстан Республикасының ПҮАЖ-ы, 2005 ж., N 14, 164-құжат):
      көрсетілген қаулымен бекітілген Мемлекеттік монополия субъектілерінің және осы субъектілер монополиялық жағдайда болатын салалардың тізбесінде:
      реттік нөмірі 14-жолдың 3-бағаны мынадай редакцияда жазылсын:
      "Қазақстан Республикасы Білім және ғылым министрлігі "Ұлттық тестілеу орталығы" республикалық мемлекеттік қазыналық кәсіпорны".

      5. "Республикалық мемлекеттік меншіктің кейбір мәселелері туралы" Қазақстан Республикасы Үкіметінің 2007 жылғы 11 маусымдағы N 483  қаулысында  (Қазақстан Республикасының ПҮАЖ-ы, 2007 ж., N 19, 214-құжат):
      көрсетілген қаулымен бекітілген Жалпымемлекеттік міндеттерді орындау үшін қажетті республикалық мемлекеттік кәсіпорындардың тізбесінде:
      "Қазақстан Республикасы Білім және ғылым министрлігі" деген бөлімде:
      реттік нөмірі 117-жол мынадай редакцияда жазылсын:
      "117. "Ұлттық тестілеу орталығы" республикалық мемлекеттік қазыналық кәсіпорны";
      реттік нөмірлері 135 және 170-жолдар алынып тасталсын;
      мынадай мазмұндағы реттік нөмірі 186-2-жолмен толықтырылсын:
      "186-2. "Ы. Алтынсарин атындағы Ұлттық білім беру академиясы" республикалық мемлекеттік қазыналық кәсіпорны".