Қазақстан Республикасы Ауыл шаруашылығы министрлiгi Орман және аңшылық шаруашылығы комитетiнiң "Көлсай көлдерi" мемлекеттiк ұлттық табиғи паркi" мемлекеттiк мекемесiн құру туралы

Қазақстан Республикасы Үкіметінің 2007 жылғы 7 ақпандағы N 88 Қаулысы

Жаңартылған

      Ерекше экологиялық, тарихи, ғылыми, эстетикалық және рекреациялық құндылығы бар Алматы облысының бiрегей табиғи кешендерiн сақтау және қалпына келтiру мен оларды одан әрi дамытуды қамтамасыз ету мақсатында Қазақстан Республикасының Үкiметi  ҚАУЛЫ ЕТЕДI :
      1. Қазақстан Республикасы Ауыл шаруашылығы министрлiгi Орман және аңшылық шаруашылығы комитетiнiң "Көлсай көлдерi" мемлекеттiк ұлттық табиғи паркi" мемлекеттiк мекемесi (бұдан әрi - мекеме) құрылсын. 
      2. Алматы облысы Райымбек және Талғар аудандарының аумағындағы мына санаттардағы жерден жалпы алаңы 161045 гектар жер учаскелерi:
      босалқы жерден - 96330 гектар;
      орман қоры жерiнен - Кеген мемлекеттiк орман шаруашылығы мекемесiнен - 64715 гектар алынсын және олар осы қаулыға қосымшаға сәйкес тұрақты жер пайдалану құқығында мекемеге берiлсiн.
      Көрсетiлген жер учаскелерi босалқы және орман қорының жерi санатынан ерекше қорғалатын табиғи аумақтар жерi санатына ауыстырылсын, ал осы аумақтағы ормандар "мемлекеттiк ұлттық табиғи парктер ормандары" санатына жатқызылсын.
      3. Алматы облысының әкiмдiгi қолданыстағы заңнамаға сәйкес осы аймақтың шегінде экологиялық жүйелердiң жай-күйiне және оларды қалпына келтiруге керi әсер ететiн кез келген қызметке тыйым салынатын және (немесе) шектеу қойылатын мекеме жерiнiң төңiрегiнде күзет аймағын белгiлесiн.
      4. Қазақстан Республикасы Жер ресурстарын басқару агенттiгi Қазақстан Республикасы Ауыл шаруашылығы министрлiгiнiң Орман және аңшылық шаруашылығы комитетiмен бiрлесiп, белгіленген тәртiппен жергiлiктi жерде мекеме жерiнiң шекараларын белгiлесiн.
      5. Қазақстан Республикасы Ауыл шаруашылығы министрлiгiнiң Орман және аңшылық шаруашылығы комитетi белгiленген тәртiппен:
      1) мекеме туралы ереженi бекiтсiн және оның әдiлет органдарында мемлекеттiк тiркелуiн қамтамасыз етсiн;
      2) осы қаулыдан туындайтын өзге де шараларды қабылдасын. 
      6. Мекеменi қаржыландыру ерекше қорғалатын табиғи аумақтарды ұстауға республикалық бюджетте көзделетiн сома есебiнен және соның шегiнде республикалық бюджеттен жүзеге асырылады деп белгiленсiн.
      7. Қазақстан Республикасы Үкiметiнiң кейбiр шешiмдерiне мынадай толықтырулар енгiзiлсiн:
      1)  (күші жойылды - Қазақстан Республикасы Үкіметінің 2008.04.15  N 339  Қаулысымен)
      2) "Қазақстан Республикасы Ауыл шаруашылығы министрлiгiнiң кейбiр мәселелерi" туралы Қазақстан Республикасы Yкіметiнiң 2005 жылғы 6 сәуiрдегi N 310  қаулысында  (Қазақстан Республикасының ПҮАЖ-ы, 2005 ж., N 14, 168-құжат):
      көрсетiлген қаулымен бекiтiлген Қазақстан Республикасы Ауыл шаруашылығы министрлiгi Орман және аңшылық шаруашылығы комитетiнiң қарамағындағы ұйымдардың тiзбесi мынадай мазмұндағы реттiк нөмiрi 21-2-жолмен толықтырылсын:
      "21-2. "Көлсай көлдерi" мемлекеттiк ұлттық табиғи паркi" мемлекеттiк мекемесi";
      3) "Республикалық маңызы бар ерекше қорғалатын табиғи аумақтардың тiзбесiн бекiту туралы" Қазақстан Республикасы Үкiметiнiң 2006 жылғы 10 қарашадағы N 1074  қаулысында  (Қазақстан Республикасының ПҮАЖ-ы, 2006 ж., N 42, 457-құжат):
      көрсетiлген қаулымен бекiтiлген Республикалық маңызы бар ерекше қорғалатын табиғи аумақтардың тiзбесi:
      "Алматы облысы" деген бөлiм мынадай мазмұндағы реттiк нөмiрi 21-1-жолмен толықтырылсын:
"21-1. "Көлсай көлдерi"   161045   Райымбек      Қазақстан
       мемлекеттiк                 және Талғар   Республикасы
       ұлттық табиғи               аудандары     Ауыл
       паркi                                     шаруашылығы
                                                 министрлігінің
                                                 Орман және
                                                 аңшылық
                                                 шаруашылығы
                                                 комитеті".

      8. Осы қаулы қол қойылған күнінен бастап қолданысқа енгізіледі.

       Қазақстан Республикасының
      Премьер-Министрі

Қазақстан Республикасы     
Үкiметiнiң           
2007 жылғы 7 ақпандағы    
N 88 қаулысына       
қосымша        

    Алматы облысының аумағында құрылатын "Көлсай көлдерi"
мемлекеттiк ұлттық табиғи паркiне тұрақты жер пайдалануға
     берiлетiн жер учаскелерiнiң экспликациясы

Р/с
N

Жердің санаты және ауыл шаруашылығы алқаптары

Алаңы, га

1

Райымбек ауданы:
  1) босалқы жер (жайылымдар);
  2) орман қоры жерi (Кеген мемлекеттiк орман шаруашылығы мекемесi);
соның iшiнде:
   Құрмет орманшылығы
   Қарабұлақ орманшылығы
         жиыны :

 
    96330
 
 
 
    51908
 
    36055
    15853
     148238

2

Талғар ауданы:
  орман қоры жерлерi (Кеген мемлекеттiк орман шаруашылығы мекемесi),
соның iшiнде:
 Құрмет орманшылығы

 
 
 
     12807
 
     12807

  

Барлығы:

161045