Қазақстан Республикасы Yкiметiнiң 2000 жылғы 7 маусымдағы N 867 және 2002 жылғы 24 қаңтардағы N 100 қаулыларына өзгерiстер енгiзу туралы

      "Қазақстан Республикасының кейбiр заңнамалық актiлерiне лицензиялау мәселелерi бойынша өзгерiстер мен толықтырулар енгiзу туралы" Қазақстан Республикасының 2005 жылғы 15 сәуiрдегi  Заңына  сәйкес Қазақстан Республикасының Үкiметi  ҚАУЛЫ ЕТЕДI:

      1. Қазақстан Республикасы Үкiметiнiң кейбiр шешiмдерiне мынадай өзгерiстер енгізiлсiн:

      1) "Өлшем құралдарын тексеру, шығару және жөндеу жөнiндегi қызметтi лицензиялау кезiндегі бiлiктiлiк талаптарын бекiту туралы" Қазақстан Республикасы Үкiметiнiң 2000 жылғы 7 маусымдағы N 867  қаулысында  (Қазақстан Республикасының ПҮКЖ-ы, 2000 ж., N 26, 302-құжат):
      тақырыбында "тексеру," деген сөз алынып тасталсын;
      1-тармақтың екiншi абзацы алынып тасталсын;

      2) "Жекелеген қызмет түрлерiмен айналысу құқығы үшiн лицензиялық алым ставкаларын бекiту туралы" Қазақстан Республикасы Үкiметiнiң 2002 жылғы 24 қаңтардағы N 100  қаулысында  (Қазақстан Республикасының ПҮКЖ-ы, 2002 ж., N 5, 30-құжат):
      көрсетiлген қаулымен бекiтiлген жекелеген қызмет түрлерiмен айналысу құқығы үшiн лицензиялық алым ставкаларында:
      4-тармақтың 25) тармақшасында "салыстырып тексеру," деген сөз алынып тасталсын.

      2. Осы қаулы алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi.

       Қазақстан Республикасының
      Премьер-Министрi