Үкіметтік емес секторды, оның мемлекеттік органдармен сындарлы өзара іс-қимылын одан әрі дамыту мақсатында Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасының Үкіметі жанындағы Үкіметтік емес ұйымдармен өзара іс-қимыл жөніндегі үйлестіру кеңесі (бұдан әрі - Үйлестіру кеңесі) құрылсын.
2. Қоса беріліп отырған:
1) Үйлестіру кеңесі туралы ереже;
2) Үйлестіру кеңесінің құрамы бекітілсін.
3. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі
Қазақстан Республикасы
Үкіметінің
2005 жылғы 21 желтоқсандағы
N 1262 қаулысымен
бекітілген
Қазақстан Республикасының Үкіметі жанындағы
Үкіметтік емес ұйымдармен өзара іс-қимыл жөніндегі
үйлестіру кеңесі туралы ереже
1. Үкіметтік емес ұйымдармен өзара іс-қимыл жөніндегі үйлестіру кеңесі (бұдан әрі - Үйлестіру кеңесі) Қазақстан Республикасының Үкіметі жанындағы консультативтік-кеңесші орган болып табылады.
2. Үйлестіру кеңесі өз қызметінде Қазақстан Республикасының
Конституциясын
, Қазақстан Республикасының "
Қоғамдық бірлестіктер
туралы
", "
Коммерциялық емес ұйымдар туралы
" заңдарын, өзге де
нормативтік құқықтық кесімдерді және осы Ережені басшылыққа алады.
3. Үйлестіру кеңесінің негізгі міндеттері:
мемлекеттік органдар мен үкіметтік емес ұйымдардың өзара іс-қимылы мен ынтымақтастығы жүйесін жетілдіру;
үкіметтік емес ұйымдарды мемлекеттің әлеуметтік саясатын қалыптастыруға және жүзеге асыруға тарту;
азаматтық бастаманың өсуі үшін жағдай жасау;
үкіметтік емес ұйымдардың қызметі мәселелері бойынша нормативтік құқықтық базаны жетілдіру жөнінде ұсыныстар әзірлеу болып табылады.
4. Үйлестіру кеңесі жүктелген міндеттерді іске асыру мақсатында, мынадай функцияларды орындайды:
үкіметтік емес ұйымдардың дамуы үшін қолайлы жағдай жасау жөнінде ұсыныстар әзірлейді;
мемлекеттік органдар мен үкіметтік емес ұйымдар арасындағы өзара қарым-қатынасты нығайту және кеңейту жөнінде ұсынымдар әзірлейді;
мемлекеттік органдар мен үкіметтік емес ұйымдарға қарау үшін талдамалық, әдістемелік және өзге де материалдарды жібереді.
5. Үйлестіру кеңесінің:
Қазақстан Республикасының Үкіметіне өзінің құзыретіне жататын мәселелер жөнінде ұсыныстар енгізуге;
Үйлестіру кеңесінің отырыстарына мемлекеттік органдар мен өзге де ұйымдардың өкілдерін шақыруға және тыңдауға;
мемлекеттік органдар мен өзге де ұйымдардан қажетті материалдар мен құжаттарды сұратуға;
үкіметтік емес ұйымдар мен мемлекеттік органдардың өзара іс-қимылын қамтамасыз ету жөніндегі шараларды қабылдауға байланысты өзге де өкілеттікті жүзеге асыруға құқығы бар.
7. Төраға:
Үйлестіру кеңесінің қызметіне басшылықты жүзеге асырады;
Үйлестіру кеңесінің отырыстарында төрағалық етеді;
Үйлестіру кеңесінің жұмыс қорытындылары туралы Қазақстан Республикасы Үкіметінің алдында есеп береді.
Төраға болмаған жағдайда оның функцияларын орынбасары атқарады.
8. Үйлестіру кеңесінің Хатшысы Үйлестіру кеңесінің жоспарын әзірлеуді қамтамасыз етеді, отырыстың күн тәртібі бойынша қажетті құжаттар мен материалдарды дайындайды және отырыстардың хаттамаларын ресімдейді.
9. Үйлестіру кеңесінің отырыстары қажеттілігіне қарай, кемінде тоқсанына бір рет өткізіледі және егер оларға Үйлестіру кеңесі мүшелерінің жалпы санының үштен екісі қатысса заңды болып саналады.
11. Үйлестіру кеңесінің жұмыс органы Қазақстан Республикасы Мәдениет, ақпарат және спорт министрлігі болып саналады.
Қазақстан Республикасы
Үкіметінің
2005 жылғы 21 желтоқсандағы
N 1262 қаулысымен
бекітілген
Қазақстан Республикасының Үкіметі жанындағы Үкіметтік емес
ұйымдармен өзара іс-қимыл жөніндегі үйлестіру кеңесінің
құрамы
Үйлестіру кеңесінің мүшелері:
Құл-Мұхаммед - Қазақстан Республикасының Мәдениет және
Мұхтар Абрарұлы ақпарат министрі, төраға
Мыңбай - Қазақстан Республикасының Мәдениет және
Дархан Қамзабекұлы ақпарат вице-министрі, төрағаның
орынбасары
Сайыров - Қазақстан Республикасы Мәдениет және
Ерлан Бияхметұлы ақпарат министрлігі Қоғамдық-саяси жұмыс
департаменті директорының міндетін
атқарушы, хатшы
Мамытбеков - Қазақстан Республикасының Индустрия және
Еділ Құламқадырұлы сауда вице-министрі
Сәрсембаев - Қазақстан Республикасының Қоршаған
Зейнолла Сәкенұлы ортаны қорғау вице-министрi
Бекетаев - Қазақстан Республикасының Әділет
Марат Бақытжанұлы вице-министрі
Құрманғалиева - Қазақстан Республикасы Экономика және
Аида Дәденқызы бюджеттік жоспарлау министрлігі
Әлеуметтік саланы дамыту департаментінің
директоры
Калюжный - Адам құқықтары жөніндегі ұлттық
Вячеслав Афанасьевич орталық басшысы (келісім бойынша)
Ақпенова - "Қазақстан телерадио хабарларын
Раушан Төлеқызы таратушылар қауымдастығы" қоғамдық
бірлестігінің директоры (келісім бойынша)
Гуляев - "Десента" қоғамдық қорының бас
Сергей Николаевич директоры (Үкіметтік емес ұйымдарды
дамыту және қолдау орталығы)
(келісім бойынша)
Котенко - Қазақстан Республикасы Премьер-
Наталья Леонидовна Министрінің Кеңсесі Әлеуметтік-
экономикалық бөлімінің меңгерушісі
Нәубетова - Қазақстан Республикасының Президенті
Рашида Аронқызы жанындағы Отбасы істері және гендерлік
саясат жөніндегі ұлттық комиссия
хатшылығының бас инспекторы
Перуашев - "Атамекен" Одағы" Қазақстанның ұлттық
Азат Тұрлыбекұлы экономикалық палатасы" заңды тұлғалар
бірлестігінің төрағасы (келісім бойынша)
Сыдықов - "Қазақстан жастар конгресі" заңды
Нұрлан Ерболатұлы тұлғалар бірлестігінің атқарушы
директоры (келісім бойынша)
Ақынжанов - Қазақстан Республикасы Сыртқы істер
Еркін Қадырбекұлы министрлігі Жалпыеуропалық ынтымақтастық
департаментінің директоры
Дүйсенова - Қазақстан Республикасы Еңбек және
Тамара Босымбекқызы халықты әлеуметтік қорғау министрлігінің
жауапты хатшысы
Ерғожин - Қазақстан Республикасының Қаржы
Дәулет Еділұлы вице-министрі
Оразаев - Қазақстан Республикасының Ауыл шаруашылығы
Марат Әбілахатұлы вице-министрі
Омаров - Қазақстан Республикасының Денсаулық
Қадыр Тоқтамысұлы сақтау вице-министрі
Қуанғанов - Қазақстан Республикасының Білім және ғылым
Фархад Шаймұратұлы вице-министрі
Байсақова - "Қазақстан дағдарыс орталықтары одағы"
Зүлфия заңды тұлғалар бірлестігінің басқарма
Мұхамедбекқызы төрайымы (келісім бойынша)
Соловьева - "Қазақстан азаматтық альянсы" заңды
Айгүл Сағадыбекқызы тұлғалар бірлестігінің президенті
(келісім бойынша)
Цеховой - "Халықаралық ақпараттандыру академиясы"
Алексей Филиппович қоғамдық бірлестігінің бас директоры
(келісім бойынша)
Ескерту. Құрамға өзгерту енгізілді - ҚР Үкіметінің 2006.06.27 N 588 , 2007.07.17 N 603 , 2008.06.11 N 577 Қаулыларымен.