Мемлекет басшысының "Қазақстан экономикалық, әлеуметтiк және саяси жедел жаңару жолында" атты Қазақстан халқына 2005 жылғы 18 ақпандағы Жолдауын iске асыру мақсатында Қазақстан Республикасының Үкiметi ҚАУЛЫ ЕТЕДI:
1. Қоса беріліп отырған Екiншi деңгейдегi банктердiң студенттерге берген кредиттерiне "Қаржы орталығы" акционерлiк қоғамының кепiлдiк беру ережесi бекiтiлсiн.
2. Осы қаулы алғаш рет ресми жарияланғаннан кейiн он күнтiзбелiк күн өткен соң қолданысқа енгізiледi.
Қазақстан Республикасының
Премьер-Министрі
Қазақстан Республикасы
Үкiметінің
2005 жылғы 19 шілдедегі
N 746 қаулысымен
бекiтiлген
Екінші деңгейдегі банктердiң студенттерге берген кредиттеріне
"Қаржы орталығы" акционерлiк қоғамының кепілдiк беру
ережесi
1. Осы Екiншi деңгейдегi банктердiң студенттерге берген кредиттерiне "Қаржы орталығы" акционерлiк қоғамының кепiлдiк беру ережесi (бұдан әрi - Ереже) Мемлекет Басшысының "Қазақстан экономикалық, әлеуметтік және саяси жедел жаңару жолында" атты Қазақстан халқына 2005 жылғы 18 ақпандағы Жолдауына сәйкес әзiрлендi және екiншi деңгейдегі банктердiң студенттерге беретiн кредиттерiне (бұдан әрi - кредит) "Қаржы орталығы" акционерлiк қоғамының (бұдан әрi - Қаржы орталығы) кепiлдiк беру тәртiбiн реттейдi.
2. Ереже кредиттер бойынша сыйақы ставкаларын төмендетуге, жоғары бiлiмге қол жеткiзудi қамтамасыз етуге, кредит шарттары бойынша қарыз алушылардың мiндеттемелердi орындамауына байланысты кредиторлардың тәуекелiн төмендетуге, берілетiн кредиттер көлемiн ұлғайту үшiн қолайлы жағдайлар қалыптастыруға, қарыз алушылар ауқымын кеңейтуге мүмкiндiк беретiн жүйенi құру мақсатында әзiрлендi.
3. Ережеде мынадай ұғымдар пайдаланылады:
1) қарыз алушының андеррайтингi - қарыз алушының төлем қабiлеттiлiгiн бағалау жолымен кредиттi қайтармау тәуекелiн бағалау рәсiмi;
2) кепiлдiктi мiндеттеме - Қаржы орталығының кредитор алдында бас келiсiмде көзделген тәртiппен айқындалған кепiлдiктер мөлшерi шегiнде кредит шарты бойынша қарыз алушының мiндеттемелердi орындағаны үшін жауап беру мiндеттемесi;
3) бас келiсiм - кредитор мен Қаржы орталығының арасында жасалған, олардың кредиттерге кепiлдiк беру жөнiндегi өзара қарым-қатынас жасау тәртiбiн белгiлейтiн шарт;
4) дефолт - қарыз алушының кредит шарты бойынша мiндеттемелердi орындамауы, соның нәтижесiнде Қазақстан Республикасының заңнамасына сәйкес кепiлдiкте мiндеттемелердi орындау рәсiмi басталады;
5) қарыз алушы - кредитор кредит берген жеке тұлға;
6) кредит - қарыз, яғни жоғары оқу орнында оқуға ақы төлеу үшiн мақсатты пайдалану, жеделділік, төлемдiк, қайтарымдылық шарттарында кредитор қарыз алушыға беретiн ақша;
7) кредитор - қарыз операцияларын жүргiзуге қаржы нарығы мен қаржы ұйымдарын реттеу және қадағалау жөнiндегі уәкiлетті органның лицензиясы бар екiншi деңгейдегі банк;
8) кепiлдiк беру жоспары - қарыз алушылар үшiн Қаржы орталығы айқындаған өлшемдерге байланысты кредиттер бойынша кепiлдiктер мөлшерiн белгiлейтiн, бұқаралық ақпарат құралдарында мiндеттi жариялануға жататын Қаржы орталығы бекiткен тарифтік кесте.
Ескерту. 3-тармаққа өзгерту енгізілді - ҚР Үкіметінің 2006.06.30. N
619
(қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.
4. Әлеуеттi қарыз алушы кредитор белгiлеген талаптарға сәйкес Қаржы орталығы кепiлдiк берген кредиттi алуға кредиторға өтiнiм бередi.
5. Қаржы орталығы өз қызметiне қарай қарыз алушымен тiкелей өзара қарым-қатынас жасамайды.
6. Қаржы орталығы мен кредиторлардың өзара қарым-қатынасы бас келiсiммен реттеледi.
7. Қаржы орталығы қарыз алушылар мен кредиттер үшiн бұқаралық ақпарат құралдарында мiндетті жариялануға жататын өлшемдердi айқындайды.
8. Қаржы орталығымен бас келiсiмдi жасасу үшiн кредитор Қаржы орталығы бекiткен нысан бойынша қол қойылған және мөрмен куәландырған өтiнiш бередi. Өтінішке кредитор Қаржы орталығы бекiткен және бұқаралық ақпарат құралдарында жарияланған тiзбеге сәйкес құжаттарды қоса бередi.
9. <*>
Ескерту. 9-тармақ алынып тасталды - ҚР Үкіметінің 2006.06.30. N
619
(қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.
10. Қаржы орталығы Ереженiң 8-тармағына сәйкес талап етiлетiн құжаттарды ұсынбаған немесе оларды тиiстi үлгiде ресiмдемей ұсынған жағдайда кредитордың өтiнiшiн қараудан бас тартады.
11. Бас келiсiмдi жасасу туралы не өтiнiштi қараудан бас тарту туралы шешiмдi Қаржы орталығы ол келiп түскен күннен бастап бес күн iшiнде қабылдайды.
12. Бас келiсiм:
1) кредитордың қарыз алушының андеррайтингiн уақтылы және сапалы өткізуi;
2) кредитордың Қаржы орталығын кредит шарты бойынша қарыз алушының мiндеттемелерін орындауға, кредит шартында көзделген қарыз алушының сақтандыру шарттары бойынша сақтандыру жағдайларының басталуына байланысты кредит шартының тоқтатылғаны туралы уақтылы хабардар ету;
3) кредитордың Қаржы орталығына кредит шарттары жөнiндегi мiндеттемелердiң ағымдағы орындалуы туралы ақпаратты ұсынуы;
4) кредитордың Қаржы орталығына кепілдiк берілген кредиттер бойынша талап ету құқығын беру кезiнде жазбаша хабардар ету туралы ережелердi қамтуы тиiс.
14. Қаржы орталығы бұқаралық ақпарат құралдарында онымен бас келiсiм жасасқан кредиторлардың тiзбесiн жариялайды.
15. Бас келiсiм жасасқан кредитор Қаржы орталығы кепiлдiк берген кредитті алуға әлеуетті қарыз алушы оған өтiнiш бiлдiргеннен кейiн ол бекiткен нысан бойынша Қаржы орталығына кредитке кепiлдiк беруге өтінiм жiбередi.
16. Қаржы орталығы кредитордың өтiнiшiн алған күннен бастап үш жұмыс күнi iшiнде ұсынылған құжаттардың Қаржы орталығының талаптарына сәйкестiгiн қарайды және кредиторға қол қойылған және мөрмен куәландырылған кепiлдiк беру мiндеттемесiн екi данада не кепiлдiк беруден дәлелдi бас тартуды жiбередi.
Кепілдікті міндеттемелер Қаржы орталығының Директорлар кеңесі бекіткен кепілдік беру көлемі шегінде беріледі.
Ескерту. 16-тармаққа өзгерту енгізілді - ҚР Үкіметінің 2006.06.30. N
619
(қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.
17. Қаржы орталығы мынадай:
1) дұрыс толтырылмаған өтінім нысанын ұсынған;
2) қарыз алушы және/немесе кредит Қаржы орталығы айқындаған өлшемдерге сәйкес келмеген;
3) егер кредиторға қатысты ықпал етудiң шектелген шаралары және/немесе Қазақстан Республикасының заңнамасында көзделген санкциялар қолданылған;
4) Бас келісіммен көзделген өзге де.
Ескерту. 17-тармаққа өзгерту енгізілді - ҚР Үкіметінің 2006.06.30. N
619
(қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.
18. Кредитор Қаржы орталығы қол қойған және мөрмен куәландырған кепiлдiк беру мiндеттемелерін алғаннан кейiн кредитор мен қарыз алушы кредит шартын жасасады, кредитор кепiлдiк беру Мiндеттемесiн толтырады және оның бір данасына бас келiсiмде белгiленген тәртiппен Қаржы орталығына жiбередi.
Кепiлдiк беру мiндеттемесi кредит шартын жасасқан күннен бастап қолданысқа енгiзіледi.
19. Дефолт туындаған кезде кредитор бас келiсiмде белгiленген тәртiппен қарыз алушының негiзгi мiндеттемелердi орындамағаны туралы Қаржы орталығын хабардар етедi.
20. Кредитор бас келiсiмде белгіленген тәртiппен төлем құжаттарын және кредит бойынша құжаттарды қоса бере отырып, кепілдiк сомасын төлеудi талап ететiн құжатты ұсынады.
21. Кредитті беру кезiнде кредитор талаптарға сәйкес келетiн қарыз алушының андеррайтингін өткiзген жағдайда Қаржы орталығы белгiленген мөлшер шегiнде кепiлдiк сомасын төлейдi.
22. Барлық төлемдер Қазақстан Республикасының ұлттық валютасында (төленетiн күнгі Қазақстан Республикасы Ұлттық Банкiнiң бағамы бойынша) жүзеге асырылады.
23. Кредит бойынша кепiлдiк мөлшерi кепiлдiк беру жоспарымен белгiленедi және негiзгi қарыз сомасының 50 пайызынан кем және 95 пайызынан артық болмайды.
Ескерту. 23-тармаққа өзгерту енгізілді - ҚР Үкіметінің 2006.06.30. N
619
(қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.
25. Кредит бойынша кепiлдiк беру мiндеттемесi бас келiсiмде көзделген тәртiппен Қаржы орталығы кепiлдiк сомасын төлеусiз мынадай:
1) қарыз алушы мiндеттемелердi орындай отырып, кредит шарты тоқтатылған;
2) кредит шартымен көзделген қарыз алушыны сақтандыру шарттарының кез келгенi бойынша сақтандыру жағдайлары туындаған;
3) кредитор кепiлдiк берiлген кредит жөнiндегi бас келiсiмнiң шарттарын орындамаған;
4) Қаржы орталығымен бас келiсiм жасаспаған кредиторға кредит бойынша талап ету құқығын берген;
5) осы Ереженiң немесе бас келiсiмнiң талаптарына сәйкес келмейтiн қарыз алушы андеррайтингiн өткiзу фактілерi анықталған жағдайларда;
6) Қазақстан Республикасының заңнамалық кесiмдерiнде және бас келiсiмде көзделген өзге де жағдайларда тоқтатылады.
26. Бас келiсiмге кез-келген өзгерiстер мен толықтырулар енгiзу қосымша келiсiмге қол қою жолымен жүргiзіледi.