Қазақстан Республикасы Үкiметiнiң кейбiр шешiмдерiне өзгерiстер мен толықтыру енгiзу туралы

Қазақстан Республикасы Үкіметінің 2004 жылғы 28 қаңтардағы N 73 Қаулысы

Жаңартылған

      Үкiметтің кейбiр шешiмдерiн қолданыстағы заңнамаға сәйкес келтiру мақсатында Қазақстан Республикасының Үкiметi  ҚАУЛЫ ЕТЕДI:

      1. Қоса берiлiп отырған Қазақстан Республикасы Үкiметiнiң кейбiр шешiмдерiне енгiзілетiн өзгерiстер мен толықтыру бекiтiлсiн.

      2. Осы қаулы қол қойылған күнiнен бастап күшiне енедi.

       Қазақстан Республикасының
      Премьер-Министрі

Қазақстан Республикасы 
Yкiметiнің       
2005 жылғы 28 қаңтардағы
N 73 қаулысымен    
бекiтiлген      

  Қазақстан Республикасы Үкiметiнiң кейбiр шешiмдеріне
енгiзiлетін өзгерiстер мен толықтыру

      1. "Қазақстан Республикасының Үкіметi мен Мемлекетаралық "Мир" телерадиокомпаниясының арасындағы бұдан арғы ынтымақтастық туралы" Қазақстан Республикасы Yкiметiнiң 1998 жылғы 9 сәуiрдегi N 306  қаулысында  (Қазақстан Республикасының ПYКЖ-ы, 1998 ж., N 11, 84-құжат):
      1, 3, 5, 6-тармақтардағы "Ақпарат" деген сөз "Мәдениет, ақпарат және спорт" деген сөздермен ауыстырылсын;
      2-тармақтағы "Ақпарат бiрiншi вице-министрi Олег Григорьевич Рябченко" деген сөздер "Мәдениет, ақпарат және спорт бiрiншi вице-министрi Рүстем Қабидоллаұлы Жоламан" деген сөздермен ауыстырылсын.

      2. "Мемлекеттiк органдарда мемлекеттік тiлдiң қолданылу аясын кеңейту туралы" Қазақстан Республикасы Yкiметiнiң 1998 жылғы 14 тамыздағы N 769  қаулысында  (Қазақстан Республикасының ПҮКЖ-ы, 1998 ж., N 28, 238-құжат):
      7-тармақтың екiншi абзацындағы "Ақпарат және қоғамдық келiсiм" деген сөздер "Мәдениет, ақпарат және спорт" деген сөздермен ауыстырылсын.

      3. "Қазақстан Республикасында халықты туберкулезден қорғаудың шұғыл шаралары туралы" Қазақстан Республикасы Үкіметінiң 1998 жылғы 4 қыркүйектегі N 839  қаулысында  (Қазақстан Республикасының ПYКЖ-ы, 1998 ж., N 30, 265-құжат):
      10-тармақтағы "Ақпарат" деген сөз "Мәдениет, ақпарат және спорт" деген сөздермен ауыстырылсын.

      4. "Акциялардың мемлекеттік пакеттерiне мемлекеттiк меншiктiң түрлерi және ұйымдарға қатысудың мемлекеттiк үлестерi туралы" Қазақстан Республикасы Yкiметiнiң 1999 жылғы 12 сәуiрдегi N 405  қаулысында  (Қазақстан Республикасының ПYКЖ-ы, 1999 ж., N 13, 124-құжат):
      көрсетiлген қаулымен бекiтiлген акцияларының мемлекеттік пакеттерi мен үлестерi республикалық меншiкке жатқызылған акционерлiк қоғамдар мен шаруашылық серiктестiктердiң тiзбесiнде:
      "Астана қаласы" деген бөлiмде:
      реттiк нөмiрi 21-29-жолдағы "ААҚ" деген аббревиатура "АҚ" деген аббревиатурамен ауыстырылсын.

      5. "Республикалық меншiктегi ұйымдар акцияларының мемлекеттiк пакеттерi мен мемлекеттiк үлестерiне иелік ету және пайдалану жөнiндегі құқықтарды беру туралы" Қазақстан Республикасы Үкiметiнiң 1999 жылғы 27 мамырдағы N 659  қаулысында :
      Иелiк ету және пайдалану құқығы салалық министрлiктерге, өзге де мемлекеттiк органдарға берiлетін республикалық меншiк ұйымдарындағы акциялардың мемлекеттiк пакеттерiнiң және қатысудың мемлекеттiк үлестерiнiң тiзбесiнде:
      "Қазақстан Республикасы Мәдениет, ақпарат және спорт министрлігінiң Ақпарат және мұрағат комитетiне" деген бөлiмде:
      реттiк нөмiрi 224-17-жолдағы "ААҚ" деген аббревиатура "АҚ" деген аббревиатурамен ауыстырылсын.

      6. "Шетелдiк ресми құжаттарды заңдастыруды талап етудiң күшiн жоятын конвенция (Гаага, 1961 жылғы 5 қазан) ережелерiн iске асыру жөнiндегі шаралар туралы" Қазақстан Республикасы Yкiметiнің 2001 жылғы 24 сәуiрдегі N 545  қаулысында  (Қазақстан Республикасының ПYКЖ-ы, 2001 ж., N 15, 191-құжат):
      2-тармақтың бесiнші абзацындағы "Мәдениет министрлігінiң Мұрағаттарды және құжаттаманы басқару жөнiндегі комитетi" деген сөздер "Мәдениет, ақпарат және спорт министрлiгiнiң Ақпарат және мұрағат комитетi" деген сөздермен ауыстырылсын.

      7. "Қазақстан Республикасында мұрағат iсiн дамытудың 2001-2005 жылдарға арналған бағдарламасын бекiту туралы" Қазақстан Республикасы Yкiметінiң 2001 жылғы 11 маусымдағы N 797  қаулысында  (Қазақстан Республикасының ПҮКЖ-ы, 2001 ж., N 21, 268-құжат):
      2-тармақтағы "Мәдениет" деген сөзден кейiн ", ақпарат және спорт" деген сөздермен толықтырылсын;
      көрсетiлген қаулымен бекiтiлген Қазақстан Республикасында мұрағат iсiн дамытудың 2001-2005 жылдарға арналған бағдарламасында:
      "Қазақстан Республикасында мұрағат iсiн дамытудың 2001-2005 жылдарға арналған бағдарламасының паспорты" деген 1-бөлiмде:
      "Негізгі iс-шараларды орындаушылар" деген жол мынадай редакцияда жазылсын:
      "Негiзгi іс-шараларды орындаушылар
      Қазақстан Республикасы Мәдениет, ақпарат және спорт министрлігі. Қазақстан Республикасы Мәдениет, ақпарат және спорт министрлігінiң Ақпарат және мұрағат комитетi.";
      "Қазақстан Республикасында мұрағат iсiн дамытудың 2001-2005 жылдарға арналған бағдарламасын iске асыру жөнiндегі іс-шаралар жоспары" деген 8-бөлiмде:
      "Орындалуына жауаптылар" деген 4-бағанда:
      реттік нөмiрлерi 9, 10, 11, 15, 16, 19-жолдар мынадай редакцияда жазылсын:
      "Қазақстан Республикасы Мәдениет, ақпарат және спорт министрлiгi, Ақпарат және мұрағат комитетi";
      реттік нөмiрлерi 5, 12, 13, 17, 18, 20-жолдар мынадай редакцияда жазылсын:
      "Ақпарат және мұрағат комитетi".

      8. "Қазақстан Республикасы Қарулы Күштерiнiң және әскери кәсiптің оң беделiн нығайту жөнiндегі 2001-2005 жылдарға арналған кешендi ақпараттық бағдарламасын бекiту туралы" Қазақстан Республикасы Yкiметінiң 2001 жылғы 29 желтоқсандағы N 1766  қаулысында  (Қазақстан Республикасының ПYКЖ-ы, 2001 ж., 49-50, 594-құжат):
      3-тармақтағы "Ақпарат" деген сөз "Мәдениет, ақпарат және спорт" деген сөздермен ауыстырылсын;
      4-тармақ алынып тасталсын;
      көрсетiлген қаулымен бекiтiлген Қазақстан Республикасы Қарулы Күштерінің және әскери кәсiптiң оң беделiн нығайту жөнiндегі 2001-2005 жылдарға арналған кешендi ақпараттық бағдарламасында:
      "Бағдарламаның паспорты" деген 1-бөлiмде:
      "Негiзгi орындаушылар" деген жолдағы "Қазақстан Республикасының Төтенше жағдайлар жөнiндегi агенттігi" деген сөздер "Қазақстан Республикасы Төтенше жағдайлар министрлігі" деген сөздермен ауыстырылсын;
      "Бағдарламаны iске асыру жөнiндегi iс-шаралардың жоспары" деген 9-бөлімде:
      "Iске асыруға жауаптылар" деген бағанда:
      реттік нөмiрлерi 1, 6, 7, 9, 12, 13, 16, 20, 21, 23, 24, 26-жолдардағы "ТЖА" деген аббревиатура "ТЖМ" деген аббревиатурамен ауыстырылсын;
      реттік нөмiрi 14-жолдағы "ТЖА" және "ТСА" деген аббревиатуралар "TЖM" және "МАСМ" деген аббревиатуралармен ауыстырылсын;
      реттік нөмiрi 15-жолдағы "Мәдминi" деген сөз және "ТЖА" деген аббревиатура тиiсiнше "МАСМ" және "ТЖМ" деген аббревиатуралармен ауыстырылсын;
      реттік нөмiрi 17-жолдағы "Ақпаратминi" деген сөз "MACM" деген аббревиатурамен ауыстырылсын;
      реттік нөмiрлерi 19, 22, 27-жолдардағы "Ақпаратмині" деген сөз және "ТЖА" деген аббревиатура тиiсiнше "MACM" және "ТЖМ" деген аббревиатуралармен ауыстырылсын;
      реттік нөмiрi 25-жолдағы "Ақпаратмині, Мәдениетминi" деген сөздер "МАСМ" деген аббревиатурамен ауыстырылсын.

      9. "Қазақстан Республикасында таратылатын шетелдiк бұқаралық ақпарат құралдарын есепке алу ережесiн бекiту туралы" Қазақстан Республикасы Үкiметінiң 2002 жылғы 29 шiлдедегi N 843  қаулысында  (Қазақстан Республикасының ПYКЖ-ы, 2002 ж., N 25, 265-құжат):
      2-тармақтағы "Ақпарат" деген сөз "Мәдениет, ақпарат және спорт" деген сөздермен ауыстырылсын.

      10. "Кейбiр акционерлiк қоғамдар - ұлттық компаниялардың директорлар кеңестерiнiң құрамдары туралы және Қазақстан Республикасы Yкiметiнiң кейбiр шешiмдерiне өзгерiстер енгiзу туралы" Қазақстан Республикасы Үкiметiнiң 2002 жылғы 25 қыркүйектегі N 1051  қаулысында  (Қазақстан Республикасының ПҮКЖ-ы, 2002 ж., N 32, 341-құжат):
      көрсетiлген қаулыға 1-қосымшада:
      8-тармақта:
      "ААҚ" деген аббревиатура "АҚ" деген аббревиатурамен ауыстырылсын;
      "Рябченко Олег Григорьевич - Қазақстан Республикасының Ақпарат бiрiншi вице-министрi, төраға;
      Өтеулина Хафиза Мұқтарқызы - Қазақстан Республикасы Премьер-Министрінің Кеңсесi Әлеуметтiк-мәдени даму бөлiмiнiң меңгерушiсi;
      Шалахметов Ғадiлбек Мiнәжұлы" деген жолдар мынадай редакцияда жазылсын:
      "Жоламан Рүстем Қабидоллаұлы - Қазақстан Республикасының Мәдениет, ақпарат және спорт бiрiншi вице-министрі, төраға;
      Қапақов Нұрлан Төлегенұлы - Қазақстан Республикасының Премьер-Министрі Кеңсесiнiң Әлеуметтік-мәдени даму бөлiмi Мәдениет секторының меңгерушісі;
      Омаров Жанай Сейiтжанүлы - "Қазақ ақпарат агенттігi (Қазақпарат)" ұлттық компаниясы" акционерлік қоғамының президентi".

      11. "Қазақстан Республикасының үкiметтiк емес ұйымдарын мемлекеттiк қолдаудың 2003-2005 жылдарға арналған бағдарламасы туралы" Қазақстан Республикасы Үкiметiнiң 2003 жылғы 17 наурыздағы N 253  қаулысында  (Қазақстан Республикасының ПYКЖ-ы, 2003 ж., N 11, 126-құжат):
      3, 4-тармақтардағы "Ақпарат" деген сөз "Мәдениет, ақпарат және спорт" деген сөздермен ауыстырылсын;
      көрсетілген қаулымен бекiтiлген Қазақстан Республикасының үкiметтік емес ұйымдарын мемлекеттiк қолдаудың 2003-2005 жылдарға арналған бағдарламасында:
      "Бағдарламаны iске асырудың негiзгi бағыттары мен тетiгі" деген 5-бөлiмнiң 5.8-бөлiмшесiнде:
      үшінші абзацтағы "қоғамдық келiсiм" деген сөздер "спорт" деген сөзбен ауыстырылсын;
      "Бағдарламаны iске асыру жөнiндегi іс-шаралар жоспары" деген 8-бөлiмде:
      "Орындалуына жауаптылар" деген бағанда:
      реттiк нөмiрлерi 4, 7, 8, 10, 11, 12, 14, 15, 17, 18, 19-жолдардағы "Ақпаратмині" деген сөз "МАСМ" деген аббревиатурамен ауыстырылсын;
      реттік нөмiрлерi 4, 14-жолдардағы "TуpCA" және "КДА" деген аббревиатуралар алынып тасталсын;
      "Болжамды шығыстар" деген бағанда:
      реттік нөмiрлерi 4, 15-жолдардағы "(Ақпаратминi)" деген сөз "(МАСМ)" деген аббревиатурамен ауыстырылсын;
      "Қабылданған қысқартулар" деген бөлiмде:
      "КДА - Қазақстан Республикасының Көші-қон және демография жөнiндегi агенттігi " және "ТурСА - Қазақстан Республикасының Туризм және спорт жөнiндегi агенттігі" деген жолдар алынып тасталсын;
      "Ақпаратмині" деген жол мынадай редакцияда жазылсын:
      "MACM - Қазақстан Республикасының Мәдениет, ақпарат және спорт министрлiгi".

      12. "Акциялардың мемлекеттік пакеттеріне дивидендтер мен ұйымдардағы қатысудың мемлекеттік үлестеріне кiрiс туралы" Қазақстан Республикасы Yкiметiнiң 2003 жылғы 25 сәуiрдегi N 404  қаулысында  (Қазақстан Республикасының ПYКЖ-ы, 2003 ж., N 18, 184-құжат):
      2-тармақтағы "Ақпарат" деген сөз "Мәдениет, ақпарат және спорт" деген сөздермен ауыстырылсын;
      көрсетiлген қаулыға 1-қосымшада:
      реттiк нөмiрi 11-жолдағы "ААҚ" деген аббревиатура "АҚ" деген аббревиатурамен ауыстырылсын.

      13. "Мемлекеттік органдардың шағын кәсіпкерлік субъектiлерiнiң қызметіне тексерулер жүргiзу ережесiн бекiту туралы" Қазақстан Республикасы Үкіметiнiң 2003 жылғы 17 маусымдағы N 572  қаулысында  (Қазақстан Республикасының ПYКЖ-ы, 2003 ж., N 27, 254-құжат):
      2-тармақтағы "Ақпарат" деген сөз "Мәдениет, ақпарат және спорт" деген сөздермен ауыстырылсын.

      14. <*>
       Ескерту. 14-тармақтың күші жойылды - ҚР Үкіметінің 2005.12.05. N  1197  қаулысымен.

      15. "Қазақстан Республикасы Yкiметінiң адамды сатуға қарсы күрес, қылмысты болдырмау және оның алдын алу жөнiндегі 2004-2005 жылдарға арналған iс-шаралар жоспары туралы" Қазақстан Республикасы Үкiметiнiң 2004 жылғы 24 ақпандағы N 219  қаулысында :
      көрсетілген қаулымен бекiтiлген Қазақстан Республикасы Үкiметiнiң адамды сатуға қарсы күрес, қылмысты болдырмау және оның алдын алу жөніндегі 2004-2005 жылдарға арналған iс-шаралар жоспарында:
      реттiк нөмiрi 1-жолдағы "Ақпаратминi" және "КБА" деген сөзбен аббревиатура "МАСМ" және "Қаржыминi" деген сөзбен және аббревиатурамен ауыстырылсын;
      реттiк нөмiрi 5-жолдағы "КБА" деген аббревиатура "Қаржыминi" деген сөзбен ауыстырылсын;
      реттiк нөмiрi 13-жолда:
      "Ақпаратминi", "КБА" және "ҚПA" деген аббревиатуралар "МАСМ", "Қаржыминi" және "ЭСЖҚА" деген аббревиатуралармен және сөзбен ауыстырылсын;
      "ҚДА" деген аббревиатура алынып тасталсын;
      "Ескертуде":
      "КБА - Кедендiк бақылау агенттігі" деген сөздер алынып тасталсын;
      "Ақпаратминi - Ақпарат министрлiгі" және "ҚПА - Қаржы полициясы агенттiгi" деген жолдар мынадай редакцияда жазылсын:
      "МАСМ - Мәдениет, ақпарат және спорт министрлiгi;
      ЭСЖҚА - Экономикалық қылмысқа және сыбайлас жемқорлыққа қарсы күрес агенттігi (қаржы полициясы)".

      16. "Қазақстан Республикасы Мәдениет, ақпарат және спорт министрлiгiнiң мәселелерi" туралы Қазақстан Республикасы Үкiметiнiң 2004 жылғы 29 қазандағы N 1130  қаулысында  (Қазақстан Республикасының ПҮКЖ-ы, 2004 ж., N 42, 538-құжат):
      көрсетілген қаулыға қосымшада:
      14-тармақтағы "қаулысының 4-тармағы" деген сөздер "қаулымен бекітiлген Қазақстан Республикасы Үкiметiнiң кейбiр шешiмдерiне енгiзiлетін өзгерiстер мен толықтырулардың 4-тармағы" деген сөздермен ауыстырылсын.