Батыс Тянь-Шань тау жүйесi Қаратау жотасының бiрегей табиғи кешендерiн сақтау және қалпына келтiру мақсатында Қазақстан Республикасының Yкіметi қаулы етеді:
1. Қазақстан Республикасының Ауыл шаруашылығы министрлiгi Орман және аңшылық шаруашылығы комитетiнiң "Қаратау мемлекеттік табиғи қорығы" мемлекеттiк мекемесi (бұдан әрi - Мекеме) құрылсын.
2. Қосымшаға сәйкес Оңтүстiк Қазақстан облысы Түркiстан қаласының аумағындағы ауыл шаруашылығы мақсатындағы жалпы алаңы 196 гектар жер учаскелерi, сондай-ақ жалпы алаңы 34104 гектар қордағы жерлер жер санатынан алынсын және олар тұрақты жер пайдалану құқығымен Мекемеге берілсін.
Көрсетілген жер учаскелерi ауыл шаруашылығы мақсатындағы және қордағы жерлер санатынан ерекше қорғалатын табиғи аумақтар жерлерi санатына көшiрiлсін, ал осы аумақта орналасқан ормандар "мемлекеттiк табиғи қорықтар ормандары" қорғаныштық санатына жатқызылсын.
3. Қазақстан Республикасының Жер ресурстарын басқару жөнiндегi агенттігi Қазақстан Республикасы Ауыл шаруашылығы министрлiгiнiң Орман және аңшылық шаруашылығы комитетімен бiрлесіп, белгiленген тәртiппен Мекеме жерлерінiң жергілiктi шекарасын белгiлесiн.
4. Оңтүстiк Қазақстан облысының әкiмi күзет аймағының шегінде бұл аумақтардың экологиялық жүйесiнiң жай-күйiне терiс әсер ететiн кез келген қызметке тыйым сала отырып, Мекеме жерлерінiң төңiрегiнде күзет аймағын белгілесін.
5. Қазақстан Республикасы Ауыл шаруашылығы министрлігiнің Орман және аңшылық шаруашылығы комитетi заңнамада белгiленген тәртіппен:
1) Мекеме туралы ереженi бекiтсiн және оның әдiлет органдарында мемлекеттiк тiркелуiн қамтамасыз етсін;
2) осы қаулыдан туындайтын өзге де шараларды қабылдасын.
6. Мекеменi қаржыландыру республикалық бюджетте ерекше қорғалатын табиғи аумақтарды ұстауға көзделетiн сомалар есебiнен және шегiнде жүзеге асырылады деп белгiленсін.
7. Қазақстан Республикасы Yкiметiнiң кейбiр шешiмдерiне мынадай толықтырулар енгiзілсін:
1) "Қазақстан Республикасының орталық атқарушы органдарына ведомстволық бағыныстағы мемлекеттiк мекемелер штат санының лимиттерiн бекiту туралы" Қазақстан Республикасы Үкiметінің 2000 жылғы 12 ақпандағы N 229
қаулысына
:
көрсетiлген қаулымен бекiтілген Республикалық бюджеттiң қаражаты есебiнен қаржыландырылатын Қазақстан Республикасының орталық атқарушы органдарына ведомстволық бағыныстағы мемлекеттiк мекемелер штат санының лимиттерiнде:
"Қазақстан Республикасының Ауыл шаруашылығы министрлiгi" деген 2-бөлiмде:
"Батыс Алтай мемлекеттiк табиғи қорығы 32" деген жолдан кейін мынадай мазмұндағы жолмен толықтырылсын:
"Қаратау мемлекеттiк
табиғи қорығы" 43";
2) "Қазақстан Республикасының Ауыл шаруашылығы министрлiгi Орман және аңшылық шаруашылығы комитетінiң кейбiр мәселелерi" туралы Қазақстан Республикасы Үкiметiнің 2002 жылғы 22 қарашадағы N 1239
қаулысына
(Қазақстан Республикасының ПYКЖ-ы, 2002 ж., N 42, 423-құжат):
көрсетілген қаулымен бекiтілген Қазақстан Республикасының Ауыл шаруашылығы министрлiгi Орман және аңшылық шаруашылығы комитетiнiң қарауындағы ұйымдардың тiзбесi:
мынадай мазмұндағы 26-1-тармақпен толықтырылсын:
"26-1. "Қаратау мемлекеттiк табиғи қорығы" мемлекеттiк мекемесi".
Қазақстан Республикасы
Yкiметінің
2004 жылғы 1 наурыздағы
N 249 қаулысына
қосымша
Оңтүстік Қазақстан облысы Түркiстан қаласының аумағында
құрылатын Қаратау мемлекеттік табиғи қорығына тұрақты жер
пайдалануға берiлетiн жер учаскелерiнiң
Экспликациясы
___________________________________________________________________
P/c |Жерлер санаты және ауыл шаруашылығы алқаптары |Алаңы, га
N | |
____|______________________________________________|_______________
1 Яссы ауылдық округі -
1) ауыл шаруашылығы мақсатындағы жерлер:
жайылымдар 196
жиыны: 196
2) қордағы жерлер 23850
жиыны: 23850
барлығы: 24046
2 Оранғай ауылдық округi - 10254
қордағы жерлер 10264
жиыны: 10264
Барлығы: 34300
___________________________________________________________________