"Әскери қызметшiлер мен олардың отбасы мүшелерiнiң мәртебесi және әлеуметтiк қорғау туралы" Қазақстан Республикасының 1993 жылғы 20 қаңтардағы Заңына сәйкес Қазақстан Республикасының Үкiметi қаулы етеді:
1. Әскери қызмет өткеру кезiнде қаза тапқан немесе мертiгу (жаралану, жарақат алу, контузия), ауру салдарынан қайтыс болған әскери қызметшілердiң, әскери жиындарға шақырылған әскери мiндеттілердің мәйiттерiн жеткiзудi әзiрлеуге, мәйiттерiн жеткiзуге, жерлеуге, құлпытас дайындауға және оны орнатуға байланысты шығыстар айлық есептiк көрсеткiштiң сексен еселiк мөлшерiнде жүзеге асырылады деп белгiленсiн.