Қазақстан Республикасының Yкiметi қаулы етеді:
1. Қазақстан Республикасы Yкiметiнiң кейбiр шешiмдерiне мынадай өзгерiстер енгiзiлсiн:
1) "Қылмыстық-атқару жүйесiнiң мемлекеттiк мекемелерi ұсынатын қызмет көрсетулер мен тауарларды сатудан түскен қаражатты пайдаланудың ережесiн бекiту туралы" Қазақстан Республикасы Yкiметiнiң 2001 жылғы 3 ақпандағы N 182
қаулысында
(Қазақстан Республикасының ПҮКЖ-ы, 2001 ж., N 6, 59-құжат):
көрсетiлген қаулымен бекiтiлген Қылмыстық-атқару жүйесiнiң мемлекеттiк мекемелерi ұсынатын қызмет көрсетулер мен тауарларды сатудан түскен қаражатты пайдаланудың ережесiнде:
7-тармақтағы "табиғи монополияларды реттеу, бәсекелестiкті қорғау және шағын бизнесті қолдау жөнiндегi аумақтық (уәкiлеттi) органдардың келiсiмi бойынша" деген сөздер "заңнамада белгіленген тәртіппен" деген сөздермен ауыстырылсын;
2) "Мемлекеттiк кiтапханалар мен мемлекеттiк мұражай-қорықтар ұсынатын тауарларды сатудан және қызметтер көрсетуден түскен қаражатты пайдалану ережесiн бекiту туралы" Қазақстан Республикасы Үкiметiнiң 2002 жылғы 8 тамыздағы N 884
қаулысында
(Қазақстан Республикасының ПYКЖ-ы., 2002 ж., N 26, 285-құжат):
көрсетiлген қаулымен бекiтiлген Мемлекеттiк кiтапханалар мен мемлекеттiк мұражай-қорықтар ұсынатын тауарларды сатудан және қызметтер көрсетуден түскен қаражатты пайдалану ережесiнде:
3-тармақ мынадай редакцияда жазылсын:
"3. Республикалық бюджеттен қаржыландырылатын мемлекеттiк кiтапханалар мен мемлекеттiк мұражай-қорықтар ұсынатын тауарлар мен қызметтер көрсетуге арналған тарифтердi заңнамада белгiленген тәртiппен Қазақстан Республикасының мәдениет саласындағы мемлекеттiк уәкiлеттi органы; заңнамада белгiленген тәртiппен жергiлiктi бюджеттен қаржыландырылатын мекемелер ұсынатын тауарлар мен қызметтер көрсетуге арналған тарифтердi - жергiлiктi атқарушы органдар бекiтедi".
2. Осы қаулы қол қойылған күнiнен бастап күшiне енедi.
Қазақстан Республикасының
Премьер-Министрі