Қазақстан Республикасы Ауыл шаруашылығы министрлігінің биоресурстарды қорғау жөніндегi жекелеген мемлекеттiк мекемелерiн қайта ұйымдастыру және қайта атау туралы

      Қазақстан Республикасының Үкiметi қаулы етеді:

      1. Қазақстан Республикасы Ауыл шаруашылығы министрлiгiнiң "Балқаш биоресурстарды қорғау жөніндегi аймақтық мекемесi" мемлекеттiк мекемесi Қазақстан Республикасы Ауыл шаруашылығы министрлігінің "Балқаш-Алакөл балық ресурстарын қорғау және балық аулауды реттеу жөнiндегi бассейндiк басқармасы" және Қазақстан Республикасы Ауыл шаруашылығы министрлiгiнің "Зайсан-Ертiс балық ресурстарын қорғау және балық аулауды реттеу жөнiндегi бассейндiк басқармасы" мемлекеттiк мекемелерiне бөлу жолымен қайта ұйымдастырылсын.

      2. Қазақстан Республикасы Ауыл шаруашылығы министрлiгiнiң "Солтүстiк Каспий биоресурстарды қорғау жөнiндегi аймақтық мекемесi" мемлекеттiк мекемесi Қазақстан Республикасы Ауыл шаруашылығы министрлiгінің "Орал-Каспий облысаралық балық ресурстарын қорғау және балық аулауды реттеу жөніндегi бассейндiк басқармасы" мемлекеттiк мекемесi болып қайта аталсын.

      3. <*>
       Ескерту. 3-тармақтың күші жойылды - ҚР Үкіметінің 2004.06.01. N 604   қаулысымен .

      4. Қазақстан Республикасының Ауыл шаруашылығы министрлiгi заңнамада белгiленген тәртiппен осы қаулыны iске асыру жөнiндегi қажеттi шараларды қабылдасын.

      5. Осы қаулы қол қойылған күнiнен бастап күшiне енедi.

       Қазақстан Республикасының
      Премьер-Министрі