"Л.Н.Гумилев атындағы Еуразия ұлттық университетi" республикалық мемлекеттiк қазыналық кәсiпорны студенттерiнiң қатарынан Қазақстан Республикасының Қарулы Күштерi үшiн запастағы офицерлер даярлау мақсатында Қазақстан Республикасының Yкiметi қаулы етеді:
1. Қазақстан Республикасы Бiлiм және ғылым министрлiгiнiң "Л.Н.Гумилев атындағы Еуразия ұлттық университетi" республикалық мемлекеттiк қазыналық кәсiпорнында оқу орнының қаражаты және штат саны шегiнде әскери кафедра құрылсын.
2. Қазақстан Республикасының Бiлiм және ғылым министрлiгi Қазақстан Республикасының Қорғаныс министрлiгiмен бiрлесiп, осы қаулыны iске асыру жөнiнде Қазақстан Республикасының заңнамасында көзделген шараларды қабылдасын.
3. <*>
Ескерту. 3-тармақтың күші жойылды - ҚР Үкіметінің 2006.05.24. N
449
(қаулы алғаш рет ресми жарияланғаннан кейiн он күнтiзбелiк күн өткен соң қолданысқа енгiзiледi) қаулысымен.
4. Осы қаулы қол қойылған күнiнен бастан күшiне енедi.
Қазақстан Республикасының
Премьер-Министрі