Қазақстан Республикасының Үкіметі қаулы етеді:
1. Қазақстан Республикасының Табиғи ресурстар және қоршаған ортаны қорғау министрлігі Орман, балық және аңшылық шаруашылығы комитетінің "Қазақ орман шаруашылығы басшы қызметкерлері мен мамандарының біліктілігін арттыру институты" республикалық мемлекеттік қазыналық кәсіпорны (бұдан әрі - Кәсіпорын) таратылсын.
2. Қазақстан Республикасы Табиғи ресурстар және қоршаған ортаны қорғау министрлігінің Орман, балық және аңшылық шаруашылығы комитеті заңнамада белгіленген тәртіппен Кәсіпорынды таратуды жүзеге асырсын.
3. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер бекітілсін.
4. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Қазақстан Республикасы Үкіметінің
2001 жылғы 6 сәуірдегі
N 454 қаулысымен бекітілген
Қазақстан Республикасы Үкіметінің
кейбір шешімдеріне енгізілетін өзгерістер
1. <*>
Ескерту. 1-тармақтың күші жойылды - ҚР Үкіметінің 2004.03.09.
N 291
қаулысымен
.
2. "Қазақстан Республикасы ормандарының жай-күйіне, өсірілуіне, қорғалуына, сақталуымен пайдалануына мемлекеттік бақылау жөніндегі ережені бекіту туралы" Қазақстан Республикасы Министрлер Кабинетінің 1995 жылғы 21 наурыздағы N 317
қаулысына
(Қазақстан Республикасының ПҮКЖ-ы, 1995 ж., N 10, 117-құжат):
көрсетілген қаулымен бекітілген Қазақстан Республикасы ормандарының жай-күйіне, өсірілуіне, қорғалуына, сақталуы мен пайдалануына мемлекеттік бақылау жөніндегі ережеде:
6-тармақтың екінші абзацында "мамандықты арттыру институты" деген сөздер алынып тасталсын.
3. "Қазақстан Республикасы Табиғи ресурстар және қоршаған ортаны қорғау министрлігінің Орман, балық және аңшылық шаруашылығы комитеті мен оның қарауындағы жекелеген ұйымдардың мәселелері" туралы Қазақстан Республикасы Үкіметінің 2000 жылғы 10 ақпандағы N 198
қаулысына
(Қазақстан Республикасының ПҮКЖ-ы, 2000 ж., N 5-6, 74-құжат):
көрсетілген қаулының 2-қосымшасында:
"Қазақ орман шаруашылығы басшы қызметкерлері мен мамандарының біліктілігін арттыру институты" республикалық мемлекеттік қазыналық кәсіпорны" деген жол алынып тасталсын.
4. "2000-2001 жылдары жекешелендіруге жататын республикалық мемлекеттік кәсіпорындар мен мекемелердің тізбесі туралы" Қазақстан Республикасы Үкіметінің 2000 жылғы 17 маусымдағы N 912
қаулысына
(Қазақстан Республикасының ПҮКЖ-ы, 2000 ж., N 27, 312-құжат):
көрсетілген қаулымен бекітілген 2000-2001 жылдары жекешелендіруге жататын республикалық мемлекеттік кәсіпорындар мен мекемелердің тізбесінде:
"Қазақстан Республикасының Табиғи ресурстар және қоршаған ортаны қорғау министрлігі" бөлімі және 35-жол алынып тасталсын.