1. Қоса беріліп отырған Қазақстан Республикасы түзеу мекемелерiнiң
материалдық-техникалық базасын жақсартудың 2001-2005 жылдарға арналған
бағдарламасы бекітілсін.
2. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Қазақстан Республикасы Үкіметінің
2001 жылғы 22 қаңтардағы
N 92 қаулысымен бекітілген
Қазақстан Республикасы түзеу мекемелерiнiң
материалдық-техникалық базасын жақсартудың
2001-2005 жылдарға арналған
БАҒДАРЛАМАСЫ
1. Паспорт
Бағдарламаның атауы және оны iске асыру мерзiмi:
"Қазақстан Республикасы түзеу мекемелерiнiң материалдық-техникалық базасын жақсартудың 2001-2005 жылдарға арналған бағдарламасы".
Бағдарламаның мақсаты мен мiндеттерi:
Қылмыстық-атқару заңнамасының ережелерiн одан әрi іске асыру үшiн жағдай жасау, сондай-ақ Қазақстан Республикасы Iшкiiсминiнiң қылмыстық-атқару жүйесiнiң түзеу мекемелерi мен тергеу изоляторларының материалдық-техникалық базасын жақсарту.
Жаңа құрылыстар салу және жұмыс iстеп тұрған түзеу мекемелерi мен тергеу изоляторларын қайта жаңарту, сондай-ақ оларды күзеттiң қазiргi заманғы инженерлiк-техникалық құралдарымен жабдықтау, қылмыстық-атқару жүйесiнiң материалдық-техникалық базасын нығайту.
2. Кiрiспе
Ұсынылып отырған Бағдарлама Қазақстан Республикасы Yкiметiнiң 1999 жылғы 30 желтоқсандағы N 2028-124 қаулысымен бекiтiлген Қазақстан Республикасының 1999-2005 жылдарға арналған ұлттық қауiпсiздiк стратегиясын iске асыру жөнiндегi iс-шаралар жоспарының 4.3.5.2-тармағына сәйкес әзiрлендi.
Бағдарламаны әзiрлеу сотталғандарды және қылмыстың жасалуына сезiктiлер мен айыпталушы адамдарды ұстаудың жағдайларын Қазақстан Республикасының қолданыстағы қылмыстық-атқару заңнамасымен сәйкестендiру, жаңа құрылыстар салу және қолда бар түзеу мекемелерi мен тергеу изоляторларының материалдық-техникалық базасын нығайту қажеттiлiгiнен туындап отыр, сондай-ақ мұның алдындағы Қазақстан Республикасы Yкiметiнiң 1996 жылғы 1 қазандағы қаулысымен бекiтiлген "Қазақстан Республикасындағы қылмыстық-атқару жүйесi мекемелерiнiң және алдын-ала қамауға алу орындарының қызметiн тұрақтандыру жөнiндегi шаралар туралы" P961199_ Yкiмет бағдарламасы негізiнен орындалды және оның қолданылу мерзiмi өтiп кеттi.
3. Қазақстан Республикасы қылмыстық-атқару жүйесiнiң
қазiргi жағдайын талдау
Қазақстан Республикасы Iшкi iстер министрлiгінiң (бұдан әрi - Қазақстан Республикасының Iшкіісминi) қылмыстық-атқару жүйесi республика iшкi iстер органдары жүйесiнiң құрамдас бөлiгi болып табылады және қылмыстық жазаны атқаруды жүзеге асыратын, сондай-ақ қылмыстың жасалуына сезiктiлер мен айыпталушы адамдарды күзет қамауында ұстауды қамтамасыз ететiн ұйымдардың, мекемелердiң және құрылымдық бөлiмшелердiң жиынтығын құрайды.
Бүгiнгi күнi республикадағы қылмыстық-атқару жүйесiнiң құрамына 91 бөлiмше кiредi, оның iшiнде: 21 жалпы, 15 қатаң және 3 айрықша қатаң режимдегі түзеу колониясы, 23 колония-қоныстары, кәмелетке толмағандарға арналған 3 тәрбие колониясы, 1 түрме, 8 арнайы емдеу мекемесi және оларға қатысты бұлтартпау шарасы ретiнде қамауға алу таңдалған қылмыстың жасалуына сезiктiлер мен айыпталушылар күзет қамауында ұсталатын 17 тергеу изоляторы бар.
Барлық аталған мекемеде 85 мың 744 адам ұсталуда. Оның iшiнде: жалпы
режимдегi колонияларда - 33 556 адам, қатаң режимдегi колонияларда -
18 730; айрықша қатаң режимдегі колонияларда - 2 001; колония-қоныстарда -
4 839; түрмелерде - 292; 3 268 - әйелдер; 1 128 - кәмелетке толмағандар;
тергеу изоляторларында - 17 141 сезiктiлер мен айыпталушылар жазаларын
өтеуде. Бұл ретте, сотталғандардың және қылмыстың жасалуына сезiктiлер мен
айыпталушы адамдардың саны мынадай:
1-кесте
әрбiр жылдың 1 қаңтарындағы жағдай бойынша
түзеу мекемелерiндегі сотталғандар санының динамикасы
---------------------------------------------------------------------------
Жылы ! 1995 ! 1996 ! 1997 ! 1998 ! 1999 ! 2000 ! 2001
! ! ! ! ! ! ! Болжам
---------------------------------------------------------------------------
Саны 65 165 73 687 65 329 67 906 61 924 58 961 70 800
---------------------------------------------------------------------------
1997 және 2000 жылдарғы 1 қаңтардағы жағдай бойынша сотталғандар
санының азаюы сотталғандардың кейбiр санаттарына рақымшылық жасауды
қолдануға, ал 1999 жылдың 1 қаңтарындағы дейiнгi жағдай Қазақстан
Республикасының жаңа Қылмыстық кодексiнiң енгiзiлуiне сәйкес үкiмдердiң
қайта қаралуына байланысты болып отыр.
2-кесте
2000 жылдың iшiнде әр ай бойынша сотталғандардың саны
---------------------------------------------------------------------------
! I ! II !III ! IV ! V ! VI ! VII!VIII! IX ! X ! XI !XII
--------------------------------------------------------------------------
! ! ! ! ! ! ! ! ! ! ! Болжам
---------------------------------------------------------------------------
Саны 58 59 60 60 62 63 64 66 67 68 69 70
961 559 337 995 995 392 919 150 200 603 600 800
---------------------------------------------------------------------------
Жоғарыда келтiрiлген деректер сотталғандар санының орташа есеппен ай
сайын 1000 адамға өсiп отырғандығын айғақтайды, бұл сотталғандар санының
2001 жылдың 1 қаңтарында 12 мың адамға өсетiндiгi және сондай-ақ кейiнгі
5 жылда да өсе беретiндiгi туралы қорытынды жасауға мүмкiндiк бередi.
3-кесте
2001-2005 жж. кезеңiнде сотталғандар санының өсу болжамы
---------------------------------------------------------------------------
Жылы ! 2001 ! 2002 ! 2003 ! 2004 ! 2005
--------------------------------------------------------------------------
Саны ! 70 800 82 800 94 800 106 800 118 800
--------------------------------------------------------------------------
Қазақстан Республикасының қылмыстық-атқару заңнамасына сәйкес бас бостандығынан айыруға сотталған адамдар тұтқындалғанға немесе сотталғанға дейiн тұрған облыс аумағындағы түзеу мекемелерiнде жазаларын өтеулерi тиiс. Бiрақ та қолда бар мекемелердiң әр қилы орналасуы бұл талаптың орындалуын қамтамасыз ете алмай отыр. Қызылорда облысында жалпы режимдегi колониялар, Ақтөбе, Алматы, Атырау, Батыс Қазақстан және Қостанай облыстарында қатаң режимдегi колониялар жоқ, соның нәтижесiнде осы облыстардағы қатаң режимдегі түзеу колонияларында жазаларын өтеуге сотталғандар республиканың басқа аймақтарындағы қатаң режимдегi колонияларда жазаларын өтеуде.
Қолда бар айрықша қатаң режимдегi үш түзеу колониясы Ақмола, Қостанай және Солтүстiк Қазақстан облыстарында орналасқан, осыған байланысты республиканың барлық аймақтарындағы сотталғандар жоғарыда аталған облыстардағы түзеу колонияларына жiберiлуде.
Әйелдер мен кәмелетке толмағандарды ұстауға арналған колониялар жеткiлiксiз. Республиканың барлық облыстарындағы сотталған әйелдер Алматы және Қарағанды облыстарындағы екi түзеу колониясында, ал кәмелетке толмағандар Ақтөбе, Алматы және Солтүстік Қазақстан облыстарындағы үш тәрбие колониясында жазаларын өтеуде.
Мұндай жағдай республикадағы тергеу изоляторларында да қалыптасқан. Олардың көбi санитарлық және техникалық талаптарға жауап бермейтiн ескi ғимараттарға орналасқан. Олардың қатарына 18-19 ғасырларда салынған, қазiргi кезде апаттық жағдайда тұрған Алматы, Қарағанды, Семей, Орал, Өскемен, Шымкент қалаларындағы тергеу изоляторы жатады. Маңғыстау облысында тергеу изоляторы мүлде жоқ, саны 400 адам болатын сезiктiлер мен айыпталушылар Атырау қаласындағы тергеу изоляторында ұсталуда. Астана және
Алматы қалаларындағы тергеу изоляторлары шектен тыс толған, санының лимит
шегiнен шығуы тиiсiнше 22 және 132% құрайды. Республиканың тергеу
изоляторларында ұсталатын арнайы контингент саны ай сайын 700-800 адамға
өсiп отыр. Осылайша, ондағы арнайы контингенттiң саны 2001 жылдың 1
қаңтарында шамамен 18 300 адамды құрайтын болады.
4-кесте
тергеу изоляторларын жоспарлы және нақты толтыру
---------------------------------------------------------------------------
Тергеу изоляторлары ! Пайдалануға ! Орын ! Нақты
(бұдан әрі - ТИ) ! берілген жылы! лимиті ! толтыру
---------------------------------------------------------------------------
1-ТИ Алматы қаласы 1952 жыл 1 690 3 888
2-ТИ Семей қаласы 1773 жыл 760 698
3-ТИ Шымкент қаласы 1964 жыл 550 905
4-ТИ Орал қаласы 1858 жыл 530 553
5-ТИ Ақтөбе қаласы 1954 жыл 1 230 1 033
6-ТИ Талдықорған қаласы 1954 жыл 660 566
7-ТИ Қостанай қаласы 1912 жыл 1 010 918
9-ТИ Атырау қаласы 1971 жыл 510 351
10-ТИ Қызылорда қаласы 1810 жыл 700 277
12-ТИ Астана қаласы 1977 жыл 880 1 036
13-ТИ Тараз қаласы 1870 жыл 1 300 1 451
14-ТИ Павлодар қаласы 1980 жыл 760 920
16-ТИ Қарағанды қаласы 1946 жыл 1 370 1 773
17-ТИ Өскемен қаласы 1720 жыл 760 981
18-ТИ Петропавл қаласы 1954 жыл 570 610
20-ТИ Көкшетау қаласы 1981 жыл 510 457
21-ТИ Жезқазған қаласы 1993 жыл 765 545
Арқалық қаласының 300 179
N 1 түрмесі жанындағы
жергілікті учаске
Жиыны 14 855 17 141
--------------------------------------------------------------------------
5-кесте
2001-2005 жылдар кезеңiнде республиканың тергеу
изоляторларындағы арнайы контингент санының болжамы
---------------------------------------------------------------------------
Жылы ! 2001 ! 2002 ! 2003 ! 2004 ! 2005
---------------------------------------------------------------------------
Саны 17 300 18 000 18 700 19 400 20 100
---------------------------------------------------------------------------
Қазiргi сәтте сот үкiмдерiне сәйкес сотталғандарды тергеу изоляторларынан түзеу мекемелерiне режимнiң түрлерi бойынша тасымалдау темiр жол көлiгiмен жүзеге асырылады. Айына ұзақтығы жолда жүрудiң 1 тәулiгiнен 6 тәулiгiне дейiнгi 36 рейске дейiн жасалатын 12 жоспарлы бағыт көзделген. Осы мақсаттар үшiн қылмыстық-атқару жүйесiнiң тиiстi қызметтерi "Қазақстан Темiр Жолы" республикалық мемлекеттiк кәсiпорнынан 16 арнайы вагонды және Ресей Федерациясының "Темiржол көлiгi кәсiпорнынан" 3 арнайы вагонды жалға алып отыр. Жоғарыда аталған арнайы вагондар күрделi жөндеудi қажет етедi және оларды пайдалану мерзiмiнiң өтiп кетуiне байланысты толық ауыстыруға жатады. Арнайы контингентті тасымалдауға арналған арнайы автомобильдер де дәл осындай жағдайға ұшырап отыр, бұл ақыр аяғында сотталғандарды және қылмыстың жасалуына сезiктiлер мен айыпталушы адамдарды автомобиль және темiр жол көлiгiмен тасымалдау кезiнде төтенше жағдайлардың туындауына әкелiп соғуы мүмкiн.
Жабық үлгiдегi түзеу мекемелерiн күзеттiң қазiргі инженерлiк-техникалық құралдарымен жабдықтау проблемалық мәселе болып отыр. Қазiргi уақытта республиканың түзеу мекемелерiнде орнатылған "Ночь-12", "Пион", "Мимоза-4" сияқты күзеттiң тағы басқа техникалық құралдары олардың ұзақ уақыт пайдаланылуына байланысты жөндеудi немесе қайта орнатуды қажет етедi. Бұл ретте бас бостандығынан айыру орындарында жазасын өтеп жатқан адамдардың мiнез-құлқын бақылауды және қылмыстық-атқару жүйесiнiң бөлiмшелерi қызметкерлерiнiң қауiпсiздiгiн жүзеге асыру үшiн түзеу мекемелерi мен тергеу изоляторларын қосымша өндiрiстiк теледидар қондырғыларымен жабдықтау қажет.
"Қазақстан Республикасының Қылмыстық-атқару кодексiн күшiне енгiзу туралы" Қазақстан Республикасының 1997 жылғы 13 желтоқсандағы Заңын iске асыру мақсатында 2003 жылдан бастап бас бостандығынан шектеу түрiндегi жазаны қолданысқа енгiзу қажет. Бұл үшiн қажеттi жағдайлар жасау жаңа құрылыстар салуды немесе қолда бар ғимараттарды Түзеу орталықтары ретiнде қайта жаңартуды, оларды сотталғандарды және мекеме әкiмшiлiктерiн қабылдау мен орналастыру үшiн қажеттi жабдықтармен және мүкәммалмен жарақтауды көздейдi.
4. Бағдарламаның мақсаты мен мiндеттерi
Бағдарламаның мақсаты Қазақстан Республикасы Iшкiiсминiнiң қылмыстық-атқару жүйесiнiң түзеу мекемелерi мен тергеу изоляторларының материалдық-техникалық базасын жақсарту, күзеттiң инженерлiк-техникалық құралдарын жаңарту, сотталғандар мен қылмыстың жасалуына сезiктiлер мен айыпталушы адамдардың коммуналдық-тұрмыстық жағдайын, сондай-ақ оларды тасымалдауды қолданыстағы қылмыстық-атқару заңнамасының талаптарына сәйкес келтiру болып табылады.
Осы Бағдарламаны орындау бойынша қылмыстық-атқару жүйесiнiң алдындағы мiндеттер мыналардан тұрады:
1) жаңа құрылыстар салу және қолданыстағы түзеу мекемелерi мен тергеу изоляторларын қайта жаңарту жолымен түзеу мекемелерiндегi және тергеу изоляторларындағы сотталғандарды ұстаудың орналасу тығыздығын азайту;
2) сотталғандардың барлық санаттарына сотталғанға немесе тұтқындалғанға дейiн тұрған аймағының шегiнде жазасын өтеу үшiн жағдай жасау;
3) сотталғандарды республика бойынша тасымалдау санын азайту;
4) түзеу мекемелерiнде жазаларын өтеу кезiнде сотталғандарды ұстаудың қауiпсiздiгiн арттыру;
5) сотталғандардың арасындағы қылмыстар санын, олардың күзетiлетiн түзеу мекемелерiнен қашу санын азайту.
5. Бағдарламаның негiзгi бағыттары және оны iске асырудың тетіктерi
Сотталғандардың тұтқындалғанға немесе сотталғанға дейiн тұрған облыс аумағында жазаларын өтеу туралы заңнамалық талаптарды iске асыру мақсатында барлық санаттағы бас бостандығынан айыруға сотталған ерлерге, әйелдерге және кәмелетке толмағандарға, сондай-ақ жұқпалы аурулармен ауыратындарға жазаларын өтеу үшiн әрбiр облыста тиiстi жағдай жасау жөнiндегi жұмысты жалғастыру.
Прогрессивтi жаза өтеудiң сотталғандарды тиiмдi қайта әлеуметтiк бейiмдеудi барынша ынталандыратын, сотталғандарды бiр түзеу мекемесiнiң шегiнде саралап ұстауды және жеңiлдеу режимдегi өзге де түзеу мекемелерiне ауыстыруды, тiптен шартты түрде мерзiмiнен бұрын босатуды қамтитын қалыпты жүйесiн құру жөнiндегi жұмысты жалғастыру.
Жазаларды өтеудiң режимiн, ғылым мен техника саласындағы соңғы жетiстiктер негізiнде жасалған күзеттiң қазiргi заманғы инженерлiк-техникалық құралдарын пайдалана отырып, бас бостандығынан айыру орындарын күзетудiң сенiмдi болуын нығайту. Қызметкерлердiң қауiпсiздiгiн қамтамасыз ету мақсатында оларды қазіргі заманғы жеке қорғаныс және байланыс құралдарымен, қару-жарақпен қамтамасыз ету.
Бағдарламаны iске асыру алғашқы кезеңде Қазақстан Республикасының
Iшкi істер министрлiгiне жүктеледi.
Пенитенциарлық жүйенiң Қазақстан Республикасының Әдiлет министрлiгiне
берiлуiне байланысты Бағдарламаны одан әрi iске асыруды аталған
министрлiкке жүктеу жоспарланып отыр.
6. Қажетті ресурстар және бағдарламаны қаржыландыру көздерi
Бағдарламаны жылдар бойынша қаржыландыру қажеттiлiгi
---------------------------------------------------------------------------
Жұмыстар бағыты ! Барлығы ! Оның ішінде жылдар бойынша
! млн. !-----------------------------------
! теңге ! 2001 ! 2002 ! 2003 ! 2004 ! 2005
---------------------------------------------------------------------------
ТМ мен ТИ-дің құрылысын 4 870 870 1000 1000 1000 1000
салу және оларды қайта
жаңарту
Жаңадан іске қосылатын 1 208.9 - 161.1 313.4 112.0 622.4
ТМ мен ТИ-ді ұстау
ТМ мен ТИ-ді КИТҚ-мен 1 000 - 250 250 250 250
жабдықтау
Сатып алу: -
1) арнайы автомобильдер; 31.3 5.2 8.7 8.7 8.7
2) арнайы вагондар 200 - 50 50 50 50
Түзеу орталықтары мен 2 050 - 1 000 350 350 350
тұтқындау үйлерін құру
және ұстау
Жиыны 9360.2 870 2466.3 1972.1 1770.7 2281.1
---------------------------------------------------------------------------
Бағдарламаны қаржыландыру республикалық және жергiлiктi бюджет қаражаттары есебiнен жүзеге асырылады. 2001-2005 жылдарға арналған осы Бағдарламаны iске асыруға арналған бюджеттiк қаражаттың ең төменгi есеппен қажеттiлiгi 9360,2 млн. теңге. Жыл сайынғы көлемi тиiстi жылға арналған республикалық бюджет туралы Қазақстан Республикасының Заңына сәйкес нақтыланатын болады.
7. Бағдарламаны іске асырудан күтiлетiн нәтижелер
Бағдарламаны орындау сотталғандар мен қылмыстың жасалуына сезiктiлер
мен айыпталушы адамдарды ұстаудың жағдайын Қазақстан Республикасының
қолданыстағы қылмыстық-атқару заңнамасына сәйкестендiруге, түзеу
мекемелерi мен тергеу изоляторлары қызметкерлерiнiң қауiпсiздiгiн
қамтамасыз етуге мүмкіндік бередi, мұның өзi түпкi нәтижесiнде
республикадағы бас бостандығынан айыру орындарында тұрақты және болжамды
жағдайды қолдауға жәрдемдеседi.
8. Қазақстан Республикасы түзеу мекемелерінің материалдық-техникалық
базасын жақсарту бағдарламасын іске асыру жөніндегі
Іс-шаралар жоспары
---------------------------------------------------------------------------
р/р! Іс-шараның атауы ! Аяқтау нысаны ! Жауапты ! Іске асыру
N ! ! ! орындау.! мерзімі
! ! ! шылар !
---------------------------------------------------------------------------
1 Жобалау-іздестіру жұмыстарын Қазақстан ІІМ 2001-2005
жүргізу Республикасының
Үкіметіне есеп
беру
2 Мыналарды: Қазақстан ІІМ
1) Ақтөбе облысының Жем Республикасының 2001
кентіндегі әскери объектіні Үкіметіне есеп
толтыру лимиті 1500 орындық беру
қатаң режимдегі түзеу
колониясы ретінде қайта
жаңартуды;
2) Алматы қаласында толтыру 2001
лимиті 1500 орындық тергеу
изоляторының құрылысын;
3) Шымкент қаласында толтыру 2001
лимиті 1000 орындық тергеу
изоляторының құрылысын;
4) Қарағанды қаласында толтыру 2001
лимиті 600 орындық тергеу
изоляторының режимдік
корпусының құрылысын;
5) Шығыс Қазақстан облысының 2001
Солнечный кентіндегі әскери
қалашықты толтыру лимиті 300
орындық сотталған әйелдерді
ұстауға арналған түзеу
колониясы ретінде қайта
жаңартуды аяқтау.
Мыналарды:
1) Өскемен қаласындағы бұрынғы 2001
тәрбие колониясын толтыру
лимиті 300 орындық сотталған
кәмелетке толмағандарды
ұстауға арналған тәрбие
колониясы ретінде күрделі
жөндеуді;
2) Алматы облысының Заречный 2001-2002
кентінде жұмыс істейтін түзеу
колония-қонысының базасында
толтыру лимиті 1500 орындық
қатаң режимдегі түзеу
колониясы ретінде қайта
жаңартуды;
3) Орал қаласындағы жұмыс 2001-2002
істейтін түзеу колония-
қонысының базасында толтыру
лимиті 900 орындық қатаң
режимдегі түзеу колониясы
ретінде қайта жаңартуды;
4) Қызылорда қаласындағы 2001
қабырға материалдарды
зауытының базасында толтыру
лимиті 1000 орындық жалпы
режимдегі түзеу колониясы
ретінде қайта жаңартуды;
5) Атырау қаласындағы 2001
бұрынғы КТУ ғимаратын толтыру
лимиті 300 орындық сотталған
әйелдерді ұстауға арналған
түзеу колониясы ретінде
қайта жаңартуды;
6) Жамбыл облысындағы 2001-2002
объектіні толтыру лимиті
1200 орындық жалпы режимдегі
түзеу колониясы ретінде
қайта жаңартуды жүргізу;
7) Павлодар облысындағы 2002-2003
объектіні толтыру лимиті
1200 орындық жалпы режимдегі
түзеу колониясы ретінде
қайта жаңартуды;
8) Ақтау қаласындағы 2002
әскери-техникалық мектепті
толтыру лимиті 510 орындық
тергеу изоляторы ретінде
қайта жаңартуды;
9) Астана қаласында 2000 2002-2003
орындық тергеу изоляторын
қайта жаңарту мен кеңейтуді;
10) Қарағанды облысының 2002
Долинка кентіндегі бұрынғы
балалар санаторийін толтыру
лимиті 300 орындық сотталған
кәмелетке толмағандарды
ұстауға арналған тәрбие
колониясы ретінде қайта
жаңартуды жүргізу;
11) Солтүстік Қазақстан 2003-2004
облысындағы объектіні
толтыру лимиті 1200 орындық
қатаң режимдегі түзеу
колониясы ретінде қайта
жаңартуды;
12) Қостанай облысындағы 2003-2004
түзеу колония-қонысын
толтыру лимиті 1200 орындық
қатаң режимдегі түзеу
колониясы ретінде қайта
жаңартуды жүргізу;
13) Алматы облысындағы 2004
объектіні толтыру лимиті
1200 орындық қатаң режимдегі
түзеу колониясы ретінде
қайта жаңартуды;
14) Оңтүстік Қазақстан 2004-2005
облысындағы объектіні толтыру
лимиті 1200 орындық қатаң
режимдегі түзеу колониясы
ретінде қайта жаңартуды;
15) Алматы облысындағы 2004-2005
объектіні толтыру лимиті
1500 орындық жалпы режимдегі
түзеу колониясы ретінде
қайта жаңартуды;
16) Өскемен қаласындағы 2004-2005
тергеу изоляторының құрылысын;
17) Семей қаласындағы тергеу 2004-2005
изоляторының құрылысын
жүргізу;
18) Атырау облысындағы 2004-2005
объектіні толтыру лимиті
500 орындық айрықша режимдегі
түзеу колониясы ретінде
қайта жаңартуды;
19) Солтүстік Қазақстан 2005
облысындағы ғимаратты толтыру
лимиті 300 орындық сотталған
әйелдерді ұстауға арналған
түзеу колониясы ретінде қайта
жаңартуды жүргізу;
3 Түзеу мекемелері мен тергеу Қазақстан ІІМ 2001-2005
изоляторларын мемлекеттік Республикасы
мекеме нысанында құру жөнінде Үкіметінің
нормативтік құқықтық кесімді қаулысы
дайындау
4 Қазақстан Республикасының Қазақстан ІІМ, Облыс, 2002
барлық облыс орталықтарында Республикасының Астана және
үй-жайларды түзеу орталықтары Үкіметіне есеп Алматы
ретінде қайта жаңартуды жүргізу беру қалаларының
әкімдері
5 Бостандығын шектеу түріндегі Қазақстан ІІМ 2003
жазалау туралы Қазақстан Республикасының
Республикасы Қылмыстық-атқару Заңы
кодексінің ережелерін
қолданысқа енгізу туралы
Қазақстан Республикасы
Заңының жобасын дайындау
6 Мынадай арнайы көліктерді: Қазақстан ІІМ 2002-2005
1) арнайы контингентті Республикасының
тасымалдауға арналған арнайы Үкіметіне есеп
автомобильдерді; беру
2) арнайы контингентті
тасымалдауға арналған арнайы
вагондарды сатып алуды жүргізу
7 Мынадай түзеу мекемелерінің: Қазақстан ІІМ
1) ЛА-155/4; ЕЦ-166/4; Республикасының 2002
ЕЦ-166/25; КА-168/2; Үкіметіне есеп
ОВ-156/2; ЖД-158/2; беру
РУ-170/3; АК-159/21.
2) ЛА-155/12; ЕЦ-166/10; 2003
ЕЦ-166/11; УГ-157/9;
ОВ-156/6; ОВ-156/14;
АК-159/7; ИЧ-167/2;
АК-159/9; АП-162/4.
3) ОВ-156/3; АК-159/22; 2004
УК-161/3; УК-161/4;
АК-159/5; АП-162/5;
ГМ-172/7; ЕС-164/3;
ЕС-164/4; ЕС-164/8.
4) ОВ-156/15; АК-159/17; 2005
УК-161/2; АП-162/3;
АП-162/2; ГМ-172/1;
ГМ-172/6; ЖД-158/6;
ЛА-155/8; ИЧ-167/3
инженерлік-техникалық
құрылыстарын қайта
жаңартуды және жөндеуді
жүргізу
---------------------------------------------------------------------------
Мамандар:
Багарова Ж.А.
Қасымбеков Б.А.