1. Қазақстан Республикасы Мәдениет, ақпарат және қоғамдық келiсiм министрлiгiнің "Қазақстан Республикасының мемлекеттiк мұражайы" және "Сәкен Сейфуллин атындағы республикалық көпшiлiк кiтапханасы" республикалық мемлекеттiк мекемелерiн қосу жолымен "Қазақстан Республикасының Президенттiк мәдениет орталығы" мемлекеттiк мекемесi (бұдан әрi - Мекеме) болып қайта ұйымдастырылсын.
2. Қазақстан Республикасының Мәдениет, ақпарат және қоғамдық келiсiм министрлiгi Қазақстан Республикасының заңнамасында белгiленген тәртiппен:
1) Мекеменiң жарғысын бекiтсiн және оның мемлекеттiк тiркелуiн қамтамасыз етсiн;
2) осы қаулыдан туындайтын өзге де шараларды қабылдасын.
3. Мекеменi қаржыландыру Қазақстан Республикасының Мәдениет, ақпарат және қоғамдық келiсiм министрлiгiне республикалық бюджетте 41 "Тарихи-мәдени құндылықтарды республикалық деңгейде сақтау" бағдарламасы бойынша көзделген қаражат есебiнен және шегiнде жүзеге асырылады деп белгiленсiн.
4. Қазақстан Республикасы Yкiметiнiң кейбiр шешiмдерiне мынадай өзгерiстер мен толықтыру енгiзiлсiн:
1) "Қазақстан Республикасының Мәдениет, ақпарат және қоғамдық келiсiм министрлiгi Мәдениет комитетiнiң мәселелерi туралы" Қазақстан Республикасы Үкiметiнiң 1999 жылғы 29 сәуiрдегi N 500 P990500_ қаулысына (Қазақстан Республикасының ПYКЖ-ы, 1999 ж., N 16, 164-құжат):
көрсетiлген қаулымен бекiтiлген Қазақстан Республикасы Мәдениет, ақпарат және қоғамдық келiсiм министрлiгiнiң Мәдениет комитетiне ведомстволық бағыныстағы ұйымдардың тiзбесiнде:
реттiк нөмiрi 24-1-жолы мынадай редакцияда жазылсын:
"24-1 Қазақстан Республикасының Президенттiк мәдениет орталығы";
2) "Қазақстан Республикасының орталық атқарушы органдарына ведомстволық бағыныстағы мемлекеттiк мекемелер штат санының лимиттерiн бекiту туралы" Қазақстан Республикасы Yкiметiнiң 2000 жылғы 12 ақпандағы N 229 P000229_ қаулысына:
көрсетiлген қаулымен бекiтiлген республикалық бюджеттiң қаражаты есебiнен қаржыландырылатын Қазақстан Республикасының орталық атқарушы органдарына ведомстволық бағыныстағы мемлекеттiк мекемелердiң штат санының лимитiндегi:
6 "Қазақстан Республикасы Мәдениет, ақпарат және қоғамдық келiсiм
министрлiгi" бөлiмi мынадай мазмұндағы жолмен толықтырылсын:
"Қазақстан Республикасының Президенттiк мәдениет орталығы 350"
"Қазақстан Республикасы Ұлттық кiтапханасының Астана қаласындағы
С.Сейфуллин атындағы филиалы 100" және "Қазақстан Республикасының
Мемлекеттiк мұражайы 350" деген жолдар алынып тасталсын.
5. Осы қаулы қол қойылған күнiнен бастап күшiне енедi.
Қазақстан Республикасының
Премьер-Министрі
Оқығандар:
Багарова Ж.А.
Омарбекова А.Т.