Президент пен Үкімет
актілерінің жинағында
(ПҮАЖ) жариялануға тиіс
1. "Қазақстан Республикасы Президентiнiң бұқаралық ақпарат құралдары саласындағы сыйлықтары мен гранттарын тағайындау туралы" Қазақстан Республикасы Президентiнiң 1997 жылғы 19 маусымдағы N 3556 өкiмiне (Қазақстан Республикасының ПҮАЖ-ы, 1997 ж., N 27, 239-құжат; 1999 ж., N 39, 331-құжат) мынадай өзгерiстер мен толықтыру енгізiлсiн:
өкiм мәтiнiнiң тақырыбы бұрынғы редакцияда қалдырылсын;
1-тармақта "Қазақстан Республикасы Президентiнiң бұқаралық ақпарат құралдары саласындағы сыйлықтарын және жас журналистерге арналған гранттарын (стипендияларын)" деген сөздер "Қазақстан Республикасы Президентiнiң бұқаралық ақпарат құралдары саласындағы сыйлықтары мен гранттарын" деген сөздермен ауыстырылсын;
мынадай мазмұндағы 1-1 тармақпен толықтырылсын:
"1-1. Қоса беріліп отырған, Қазақстан Республикасы Президентiнiң бұқаралық ақпарат құралдары саласындағы сыйлықтары мен гранттары туралы ереже бекiтiлсiн.";
Қазақстан Республикасы Президентiнiң бұқаралық ақпарат құралдары саласындағы сыйлықтары мен гранттары туралы ереже осы өкiмге қосымшаға сәйкес жаңа редакцияда жазылсын;
3-тармақ мынадай редакцияда жазылсын:
"3. Қазақстан Республикасының Үкiметi Қазақстан Республикасы Президентiнiң бұқаралық ақпарат құралдары саласындағы сыйлықтары мен гранттарының тағайындалуына, сыйлық лауреаттарының дипломдарын және гранттар алғандығы туралы куәлiктердi дайындауға байланысты мақсаттарға республикалық бюджеттен қаражат бөлiнуiн қамтамасыз етсiн.".
2. Мыналардың күшi жойылды деп танылсын:
1) "Қазақстан Республикасы Президентiнiң бұқаралық ақпарат құралдары саласындағы сыйлықтары мен гранттарын (стипендияларын) тағайындау туралы қоғамдық комиссия туралы" Қазақстан Республикасы Президентiнiң 1997 жылғы 19 маусымдағы N 3557 өкiмi;
2) "Қазақстан Республикасы Президентiнiң Бұқаралық ақпарат құралдары саласындағы сыйлықтары туралы және Қазақстан Республикасы Президентiнiң жас публицистердiң неғұрлым терең шығармашылық iзденiстерiн қолдауға арналған гранттарын (стипендияларын) тағайындау туралы ереженi бекiту туралы" Қазақстан Республикасы Президентiнiң 1999 жылғы 21 шiлдедегi N 60 өкiмi (Қазақстан Республикасының ПҮАЖ-ы, 1999 ж., N 39, 331-құжат).
Қазақстан Республикасының
Президентi
Қазақстан Республикасы
Президентiнiң
2005 жылғы 30 мамырдағы
N 550 өкiмiне
ҚОСЫМША
Қазақстан Республикасы
Президентiнiң
1997 жылғы 19 маусымдағы
N 3556 өкiмiмен
БЕКIТIЛГЕН
Қазақстан Республикасы Президентiнiң
бұқаралық ақпарат құралдары саласындағы
сыйлықтары және гранттары туралы
ЕРЕЖЕ
1. Қазақстан Республикасы Президентінiң бұқаралық ақпарат құралдары саласындағы сыйлықтары (бұдан әрi - сыйлықтар) журналистерге (журналистер ұжымдарына):
"Қазақстан - 2030" ұзақ мерзiмдi даму Стратегиясын , Президенттің Қазақстан халқына жыл сайынғы жолдауларын, мемлекеттік бағдарламаларды iске асыру барысын көрсетуге және жариялауға, қазақстандық патриотизмдi қалыптастыруға, қоғамда ұлтаралық және конфессияаралық келiсiмдi нығайтуға;
демократиялық саяси мәдениеттi қалыптастыруға және азаматтық қоғам институттарын дамытуға;
Қазақстан журналистикасының, ұлттық бұқаралық ақпарат құралдарының дамуына;
шетелдiк бұқаралық ақпарат құралдарындағы мемлекеттiң жағымды бейнесiн нығайтуға;
журналистиканың стильдерi мен жанрларын инновациялық дамытуға қосқан елеулi шығармашылық үлесi үшiн беріледi.
2. Қазақстан Республикасы Президентiнiң бұқаралық ақпарат құралдары саласындағы гранттары (бұдан әрi - гранттар) журналистерге (журналистер ұжымдарына) олардың шығармашылық өсуi мен Қазақстан журналистикасының дамуын ынталандыру мақсатында тапсырылады.
3. Сыйлықтарды беру және гранттарды тапсыру Баспа, теледидар және радио күнiне орай жүргiзіледi.
4. Сыйлықтарды берудi және гранттарды тапсыруды Қазақстан Республикасы Президентiнiң бұқаралық ақпарат құралдары саласындағы сыйлықтарын беру және гранттарын тапсыру жөнiндегi Қоғамдық комиссияның (бұдан әрi - Қоғамдық комиссия) ұсынысымен Қазақстан Республикасының Президентi жүзеге асырады.
5. Қазақстан Республикасының Мемлекеттiк хатшысы Қоғамдық комиссияның төрағасы болып табылады.
6. Қоғамдық комиссияның құрамына республикалық бұқаралық ақпарат құралдарының, шығармашылық одақтардың, журналистердiң қоғамдық бiрлестіктерiнiң және мүдделi мемлекеттiк органдардың өкiлдерi кiредi.
7. Қоғамдық комиссияның құрамын жыл сайын бұқаралық ақпарат құралдарының, шығармашылық одақтардың, журналистердiң қоғамдық бiрлестiктерiнiң және мүдделi мемлекеттiк органдардың ұсынысы бойынша Қазақстан Республикасының Мемлекеттiк хатшысы бекiтедi.
8. Қоғамдық комиссия сыйлыққа үмiткерлер мен грант алушыларды таңдауда мынадай өлшемдердi:
жарияланымдардың әділдiгiн;
көтерілген проблемалардың тереңдiгiн және оның шығармашылық тұрғыдан талдануын;
жұмыстардың әлеуметтiк мәндiлiгiн;
жарияланымдар туындатқан қоғамдық пiкiрдi;
журналистiң тәуелсiздiгiн, принципшiлдiгiн;
жұмыстың шығармашылық толымдылығын басшылыққа алады.
9. Бұқаралық ақпарат құралдарының, шығармашылық одақтар мен журналистердiң қоғамдық бiрлестiктерiнiң басшылары үмiткерлiкке ұсынылған жұмыстарды жеке өздерi беруге құқылы. Сыйлыққа үмiткерлiкке және грант алуға өз кандидаттарын ұсынған бұқаралық ақпарат құралдарының басшылары Қоғамдық комиссияның отырысына шақырыла алады.
10. Қоғамдық комиссияның жұмыс отырыстары төрағаның немесе комиссия мүшелерiнiң қатарынан ол тағайындайтын адамның басшылығымен өткiзіледi. Қоғамдық комиссияның сыйлыққа үмiткерлер мен грант алушылар анықталатын қорытынды отырысы төрағаның басшылығымен өткiзiледi. Сыйлыққа үмiткерлер мен грант алушыларды анықтау Қоғамдық комиссия мүшелерiнiң ашық дауыс беруi арқылы қарапайым көпшілiк дауыспен жүзеге асырылады.
11. Қорытынды отырысқа қатысуға мүмкiндiгi болмайтын Қоғамдық комиссия мүшелерi:
Қоғамдық комиссияның хатшысынан қарауға ұсынылған материалдарды сұратып алуға;
өзi қол қойған өтiнiшi арқылы сырттай дауыс беруге құқылы.
12. Сыйлыққа үмiткерлер мен грант алушыларға ұсыныстарды бұқаралық ақпарат құралдары, шығармашылық одақтар, қоғамдық бiрлестiктер, мемлекеттiк органдар Қоғамдық комиссияның мекенжайына сыйлықтар берілетiн және гранттар тапсырылатын жылдың 20 маусымынан кешiктiрiлмей жiберілуге тиiс.
13. Ұсыныста кандидаттың шығармашылық жұмыстарының тақырыбын көрсету және оған қысқаша мiнездеме берілуi қажет. Ұсынысқа конкурстық жарияланымдар немесе аудио және (немесе) бейне материалдар қоса берілуге тиiс.
14. Барлық ұсыныстар Қоғамдық комиссияда әділ түрде қаралуы тиiс.
Қоғамдық комиссияның сыйлықтар беру және гранттар тапсыру туралы ұсынысы хаттамамен ресiмделедi және ол Қазақстан Республикасының Президентiне ұсыным болып табылады.
15. Берілетiн сыйлықтар мен тапсырылатын гранттар мөлшерiн және санын жыл сайын Қазақстан Республикасының Үкiметi белгiлейдi.
Сыйлықтар мен гранттар Қазақстан Республикасының заңнамасында белгіленген тәртiппен аударылады немесе тапсырылады. Сыйлықты беру немесе грантты тапсыру авторлар ұжымына берiлген жағдайда, сомасы ұжымның барлық мүшелерi арасында тең бөлiнедi.
16. Сыйлыққа үмiткерлiкке немесе грант алуға кандидат екi реттен артық ұсынылмайды. Сыйлық лауреаты немесе грант алушы алдыңғы сыйлық берiлген немесе грант тапсырылған уақыттан бес жыл өткеннен кейiн ғана қайта ұсыныла алады.
17. Сыйлыққа үмiткерлiкке және грант алуға ұсынылып, сыйлық лауреаты немесе грант алушы болмаған журналистер және (немесе) шығармашылық ұжымдар Қоғамдық комиссияның ұсынысымен Қазақстан Республикасы Президентiнiң Алғысымен аталуы мүмкiн.
18. Сыйлық лауреатының дипломын және грант алғаны туралы куәлiктi салтанатты жағдайда Қазақстан Республикасының Президентi не оның тапсырмасы бойынша Қазақстан Республикасының Мемлекеттiк хатшысы тапсырады.
19. Сыйлықтар беру және гранттар тапсыру туралы Қазақстан Республикасы Президентiнiң актiлерi республикалық баспасөзде жарияланады.