Қазақстан Республикасы Президентiнiң "Салық және бюджетке төленетiн басқа да мiндеттi төлемдер туралы" 1995 жылғы 24 сәуiрдегi N 2235 Z952235_ Заң күшi бар Жарлығына (Қазақстан Республикасы Жоғарғы Кеңесiнiң Жаршысы, 1995 ж., N 6, 43-құжат; N 12, 88-құжат; N 23, 152-құжат; Қазақстан Республикасы Парламентiнiң Жаршысы, 1996 ж., N 1, 180-құжат, 181-құжат; N 11-12, 257-құжат; N 15, 281-құжат; N 23-24, 416-құжат; Қазақстан Республикасы Президентiнiң "Салық және бюджетке төленетiн басқа да мiндеттi төлемдер туралы" Заң күшi бар Жарлығына өзгерiстер мен толықтырулар енгiзу туралы" 1997 жылғы 28 ақпандағы Қазақстан Республикасының Заңы, "Егемен Қазақстан" және "Казахстанская правда" газеттерi, 1997 жылдың 1 наурыз) мынадай өзгерiстер мен толықтырулар енгiзiлсiн:
      1. 49-бапта:
      баптың атауы мынадай редакцияда жазылсын:
      "49-бап. Кiрiстер туралы декларациялар және кiрiстер мен мүлiк туралы мәлiметтер беру";
      1-тармақ мынадай мазмұндағы 6)-тармақшамен толықтырылсын:
      "6) Қазақстан Республикасы Парламентiнiң және мәслихаттардың депутаттары, сондай-ақ заңдардың мемлекеттiк қызметшiлер үшiн көзделген нормалары қолданылатын адамдар, мерзiмдiк әскери қызметiн өткерiп жүрген әскери қызметшiлердi қоспағанда";
      мынадай мазмұндағы жаңа 2-тармақпен толықтырылсын:
      "2. Қазақстан Республикасы Парламентiнiң және мәслихаттардың депутаттары сайланған кезде, сондай-ақ заңдардың мемлекеттiк қызметшiлер үшiн көзделген нормалары қолданылатын адамдар, мерзiмдi әскери қызметiн өткерiп жүрген әскери қызметшiлердi қоспағанда, мемлекеттiк қызметке кiрiскен кезде, мемлекеттiк қызметтерге тағайындалған кезде, мемлекеттiк қызмет бойынша өскен кезде, салық қызметi органдарына өздерiне меншiк құқығымен тиесiлi, салық салу объектiлерi болып табылатын кiрiстер мен мүлiк туралы мәлiметтер табыс етедi";
      2, 3, 4, 5, 6-тармақтар тиiсiнше 3, 4, 5, 6, 7-тармақтар болып саналсын;
      7-тармақ мынадай редакцияда жазылсын:
      "7. Кiрiстер туралы декларация және кiрiстер мен мүлiк туралы мәлiметтер Қазақстан Республикасының заңдарында белгiлеген нысанда және тәртiппен берiледi".
      2. 144-бапта:
      баптың атауы мынадай редакцияда жазылсын:
      "144-бап. Салық декларацияларын және кiрiстер мен мүлiк туралы мәлiметтер беру";
      2, 3-тармақтар мынадай редакцияда жазылсын:
      "2. Салық декларациясына және кiрiстер мен мүлiк туралы мәлiметтерге салық төлеушi немесе ол болмаған не оның әрекет қабiлетi болмаған жағдайда, оның заңды өкiлi қол қоюға тиiс.
      3. Салық декларацияларын және салық төлеушiнiң кiрiстерi мен мүлкi туралы мәлiметтердi жасау жөнiндегi қызметтердi көрсеткен аудитор аталған декларацияға және кiрiстер мен мүлiк туралы мәлiметтерге қол қоюға, мөр басуға және салық төлеушiнiң өз тiркелу нөмiрiн көрсетуге мiндеттi".
 

     Қазақстан Республикасының

           Президентi