Қазақстан Республикасының кейбір заң актілеріне мүлікті бағалау мәселелері бойынша өзгерістер енгізу туралы

Қазақстан Республикасының 2000 жылғы 8 қарашадағы N 96-II Заңы

       Ескерту. Қаулының күші жойылды - ҚР Үкіметінің 2007 жылғы 21 тамыздағы  N 725 Қаулысымен.

      Қазақстаннан мұнай мен газ экспортын қамтамасыз ететiн сенiмдi әрi экономикалық тиiмдi мұнай және газ тасымалы инфрақұрылымын құру жөнiнде Қазақстан Республикасының жұмдасқан, теңдестiрiлген және бәсекеге қабiлеттi саясатын әзiрлеу және Каспий теңiзi қайраңында коммерциялық өндiру басталғанға дейiнгi кезеңге жаңа экспорттық құбырөткiзгіштер салудың басым жобаларын таңдап алу мақсатында Қазақстан Республикасының Yкiметi қаулы етеді: 
      1. Қосымшаға сәйкес құрамда Экспорттық мұнай-газ құбырлары мәселелерi жөнiндегі ведомствоаралық комиссия (бұдан әрi - Ведомствоаралық комиссия) құрылсын.
     2. Қоса берiлiп отырған Ведомствоаралық комиссия туралы ереже бекiтiлсiн.
     3.  күші жойылды - 2005.12.01. N  1180 қаулысымен. 
     4. "Құбыр желiсi көлiгін дамыту жөнiндегi кейбiр мәселелер" туралы Қазақстан Республикасы Премьер-Министрiнiң 1999 жылғы 7 маусымдағы N 77  өкiмiнiң күшi жойылды деп танылсын.
     5. Осы қаулы қол қойылған күнiнен бастап күшiне енедi.     

     Қазақстан Республикасының
     Премьер-Министрі

Қазақстан Республикасы Үкiметiнің        
2000 жылғы 9 қарашадағы            
N 1686 қаулысына               
қосымша                    

  Экспорттық мұнай-газ құбырлары мәселелерi жөнiндегі
ведомствоаралық комиссияның құрамы
 

      Ахметов                     - Қазақстан Республикасының Премьер-
Даниал Кенжетайұлы            Министрi, төраға

Школьник                    - Қазақстан Республикасының
Владимир Сергеевич            Энергетика және минералдық
                              ресурстар министрi, төрағаның
                              орынбасары

Қиынов                      - Қазақстан Республикасының Энергетика
Ләззат Кетебайұлы             және минералдық ресурстар вице-
                              министрi

Қарабалин                   - "ҚазМұнайГаз" ұлттық компаниясы"
Ұзақбай Сүлейменұлы           акционерлiк қоғамының президентi
                             (келiсiм бойынша)       

Школьник                    - Қазақстан Республикасының Индустрия
Владимир Сергеевич            және сауда министрi

Қабылдин                    - "ҚазМұнайГаз" акционерлiк
Қайыргелдi Мақсұтұлы          қоғамының басқарушы директоры,
                              хатшы 

Досаев                      - Қазақстан Республикасының Табиғи
Ерболат Асқарбекұлы           монополияларды реттеу,
                              бәсекелестiктi қорғау және шағын
                              бизнестi қолдау жөнiндегi
                              агенттiгiнiң төрағасы

Тоқаев                      - Қазақстан Республикасының Сыртқы
Қасымжомарт Кемелұлы          істер министрі

Балиева                     - Қазақстан Республикасының Әділет
Зағипа Яхияқызы               министрі

Құлмаханов                  - Қазақстан Республикасының Төтенше
Шалбай Құлмаханұлы            жағдайлар министрі

Сағынтаев                   - Қазақстан Республикасының Табиғи
Бақытжан Әбдірұлы             монополияларды реттеу агенттігінің
                              төрағасы

Iзмұхамбетов               - Қазақстан Республикасы Энергетика және
Бақтықожа Салахатдинұлы      минералдық ресурстар министрi,
                             төрағаның орынбасары

Коржова                    - Қазақстан Республикасы Қаржы министрi
Наталья Артемовна

Мусин                      - Қазақстан Республикасы Экономика және
Аслан Есболайұлы             бюджеттік жоспарлау министрi

Ысқақов                    - Қазақстан Республикасы Қоршаған
Нұрлан Әбдiлдаұлы            ортаны қорғау министрi

Шабдарбаев                 - Қазақстан Республикасы Ұлттық
Амангелдi Смағұлұлы          қауiпсiздiк комитетiнiң төрағасы

Ахметов                    - Қазақстан Республикасының Көлiк және
Серiк Нығметұлы              коммуникация министрi

       Ескерту. Құрамға өзгерту енгізілді - ҚР Үкіметінің 2002.04.16. N  438 , 2003.11.29. N  1213 , 2005.12.01. N  1180 ,  2006.12.23. N  1278 қаулыларымен .  

Қазақстан Республикасы Үкiметінің       
2000 жылғы 9 қарашадағы            
N 1686 қаулысымен               
бекiтiлген                  

  Экспорттық мұнай-газ құбырлары мәселелерi жөніндегі
ведомствоаралық комиссия туралы
ЕРЕЖЕ 

  1. Жалпы ережелер 

       1. Ведомствоаралық комиссия Қазақстан Республикасы Үкiметiнiң жанындағы консультативтiк-кеңесшi орган болып табылады. 
      2. Ведомствоаралық комиссия қызметiнiң басты мақсаты - экспорттық мұнай-газ құбырлары мәселелерi бойынша келiсiлген тиiмдi саясат әзiрлеу жөнiнде ұсыныстар даярлау. 

  2. Ведомствоаралық комиссияның жұмыс тәртiбi 

      3. Комиссияны Төраға басқарады. 
      4. Ведомствоаралық комиссияның отырысы қажеттiлiгiне қарай, бiрақ жарты жылда кемiнде бiр рет өткiзiледi және егер оған ведомствоаралық комиссия мүшелерi жалпы санының кемінде үштен екiсi қатысса, құқылы деп саналады. 
      5. Ведомствоаралық комиссия шешiмi ведомствоаралық комиссия мүшелерi жалпы санының жай көпшiлiк дауысымен қабылданады. Хаттамамен ресiмделедi және ұсыныстық сипатта болады. Ведомствоаралық комиссия мүшелерiнiң дауыстары тең болған кезде Төрағаның дауысы шешушi болып табылады. Ведомствоаралық комиссияның жұмыс органы қызметiн Қазақстан Республикасы Энергетика және минералдық ресурстар министрлігі орындайды.
       Ескерту. 5-тармаққа өзгерту енгізілді - ҚР Үкіметінің 2005.12.01. N  1180 қаулысымен

  3. Ведомствоаралық комиссияның мiндеттерi 
мен қызметi

        6. Ведомствоаралық комиссияның негізгi мiндеттерi мен қызметi: 
      1) Экспорттық мұнай және газ құбырларын дамытудың бас жоспарын әзiрлеу; 
      2) Қазақстан Республикасының стратегиялық мүдделерiн ескере отырып, мұнай және газ тасымалы инфрақұрылымы объектiлерi құрылысының басым жобаларын белгiлеу; 
      3) экспорттық мұнай-газ құбырлары жобаларының техникалық-экономикалық құжаттамаларының дайындалу барысын және осындай жобаларды iске асыру жөнiндегі келіссөздердi қарау; 
      4) экспорттық мұнай-газ құбырларын салудан балама жобаларын iске асырудың экономикалық, саяси, экологиялық, әлеуметтiк және басқа да астарларын талдау; 
      5) басым жобалар бойынша келiссөздер жүргiзу стратегиясын белгiлеу; 
      6) таңдап алынған басым жобалар бойынша келiссөздердi, соның iшiнде мүдделi елдермен, инвесторлармен және мұнай компанияларымен болатын техникалық-экономикалық негіздемелер дайындау және мұнай-газ құбырларын салуға байланысты мәселелер бойынша барлық келiссөздер мен консультацияларды үйлестiру; 
      7) мұнай-газ тасымалы инфрақұрылымын дамытудың ұзақ мерзiмдi стратегиясын және басым жобаларды iске асыруға жауапты мемлекеттiк басқару органдары мен ұйымдарының қызметiн үйлестіру. 

  4. Ведомствоаралық комиссияның құқықтары 

      7. Ведомствоаралық комиссияның белгіленген тәртiпте және өз құзыретiне кiретiн мәселелер бойынша: 
      1) Қазақстан Республикасының экспорттық мұнай-газ құбырларын дамыту жөнiндегі саясатын бекiту және оған түзету енгізу, осы мәселе бойынша басқа елдермен, мұнай компанияларымен және инвесторлармен өзара қарым-қатынас жөнiнде ұсыныстар енгізуге; 
      2) экспорттық мұнай-газ құбырларын салудың басым жобаларын таңдап алу, таңдап алынған жобалар бойынша келiссөздер жүргiзу стратегиясы жөнiнде ұсыныстар енгiзуге; 
      3) Комиссия құрамын өзгерту жөнiнде туралы ұсыныстар енгiзуге; 
      4) мұнай-газ құбырларын салу жобаларын дайындау және iске асыру жөнiнде уақытша және тұрақты жұмыс iстейтiн сараптамалық және жұмыс топтарын ұйымдастыруға; 
      5) Қазақстан Республикасының мүдделi мемлекеттiк органдары мен ұйымдарының мамандарын және консультанттарды экспорттық мұнай-газ құбырларының балама жобаларын iске асырудың экономикалық, саяси, экологиялық және әлеуметтiк астарларына баға беру, Қазақстан Республикасының стратегиялық мүдделерiне жауап беретiн басым жобаларды таңдап алу жөнiнде ұсыныстар әзiрлеу және енгізу үшiн тартуға; 
      6) Ведомствоаралық комиссияның құзыретiне жататын мәселелер бойынша заңды тұлғалардан қажеттi ақпарат сұратып алуға; 
      7) Ведомствоаралық комиссия отырыстарында Қазақстан Республикасы мемлекеттік органдары мен ұйымдарының жауапты өкiлдерiн, сараптамалық және жұмыс топтарының басшыларын тыңдауға;
      8) қажеттi зерттеулердi орындау үшiн гранттар және техникалық көмек түрiнде қаржыландыру тарту туралы ұсыныстар енгiзуге;
      9) экспорттық мұнай-газ құбырларын дамыту мәселелерi бойынша мүдделi мұнай компанияларының, ассоциациялардың және мұнай компаниялары топтарының ұсыныстары мен пiкiрлерiн тыңдауға құқығы бар.     

  5. Ведомствоаралық комиссия жұмыс органының мiндеттерi
мен қызметі 

      8. Ведомствоаралық комиссия жұмыс органының негізгі мiндеттерi мен қызметi:
     1) Ведомствоаралық комиссия отырыстарын дайындау;
     2) ақпараттарды қажеттi зерттеулер мен талдау жүргізу;
     3) Ведомствоаралық комиссия құзыретiне жататын мәселелер бойынша Ведомствоаралық комиссия шешiмдерiн дайындау;
     4) басқа елдердiң мүдделi мемлекеттiк органдарымен, мұнай компанияларымен және инвесторлармен техникалық-экономикалық негiздемелер дайындау және мұнай мен газ тасымалы инфрақұрылымы объектiлерi құрылысы жобаларын iске асыру мақсатында келiссөздер мен консультациялар өткiзу.     

  6. Ведомствоаралық комиссия қызметiн тоқтату 

      9. Ведомствоаралық комиссия қызметiн тоқтатуға:
     1) Ведомствоаралық комиссияға жүктелген мiндеттердiң орындалуы;
     2) Ведомствоаралық комиссияға бұрын жүктелген міндеттерді жүзеге асыратын мемлекеттік органның немесе өзге Ведомствоаралық комиссияның құрылуы;
     3) Ведомствоаралық комиссияның мiндетi орындалмайтын не оның орындалуын тиiмсiз ететiн өзге де мән-жайлар негіз болады.