БҰЙЫРАМЫН:

      1. Қазақстан Республикасы Ауыл шаруашылығы министрінің өзгерістер енгізілетін кейбір бұйрықтарының тізбесі осы бұйрыққа қосымшаға сәйкес бекітілсін.

      2. Қазақстан Республикасы Ауыл шаруашылығы министрлігінің Егіншілік департаменті заңнамада белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық ресми жарияланғаннан кейін оның Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының ауыл шаруашылығы вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасы

      Жасанды интеллект және

      цифрлық даму министрлігі

      "КЕЛІСІЛДІ"

      Қазақстан Республикасы

      Өнеркәсіп және

      құрылыс министрлігі

      "КЕЛІСІЛДІ"

      Қазақстан Республикасы

      Сауда және интеграция

      министрлігі

      "КЕЛІСІЛДІ"

      Қазақстан Республикасы

      Ұлттық экономика министрлігі

Қазақстан Республикасы Ауыл шаруашылығы министрінің өзгерістер енгізілетін кейбір бұйрықтарының тізбесі

      1. "Астық қолхаттарын шығара отырып, қойма қызметі бойынша қызметтер көрсету жөніндегі қызметке қойылатын бiлiктiлiк талаптарын және оларға сәйкестікті растайтын құжаттар тізбесін бекіту туралы" Қазақстан Республикасы Ауыл шаруашылығы министрінің 2015 жылғы 16 сәуірдегі № 4-1/339 бұйрығына (Нормативтік құқықтық актілерді мемлекеттік тіркеу тізілімінде № 32618 болып тіркелген) мынадай өзгерістер енгізілсін:

      2-тармақтың 2) тармақшасы алып тасталсын;

      көрсетілген бұйрықпен бекітілген Астық қолхаттарын шығара отырып, қойма қызметі бойынша қызметтер көрсету жөніндегі қызметке қойылатын бiлiктiлiк талаптарында және оларға сәйкестікті растайтын құжаттардың тізбесінде:

      көрсетілген талаптарға қосымша осы Тізбеге 1-қосымшаға сәйкес жаңа редакцияда жазылсын;

      2. "Астықты сақтау қағидаларын бекіту туралы" Қазақстан Республикасы Ауыл шаруашылығы министрінің 2015 жылғы 26 маусымдағы № 4-1/573 бұйрығына (Нормативтік құқықтық актілерді мемлекеттік тіркеу тізілімінде № 11839 болып тіркелген) мынадай өзгерістер енгізілсін:

      2-тармақтың 2) тармақшасы алып тасталсын;

      көрсетілген бұйрықпен бекітілген Астық сақтау қағидаларында:

      2-тармақтың 1) және 2) тармақшалары мынадай редакцияда жазылсын:

      "1) өндірістік-технологиялық зертхана (бұдан әрі – ӨТЗ) – өлшем бірлігін қамтамасыз ету саласындағы заңнамаға сәйкес қолдануға рұқсат етілген тиісті аспаптармен, зертханалық жабдықпен және сынамаларды іріктеу және астық талдауларын жүргізу үшін қызмет көрсететін персоналмен қамтамасыз етілген;

      2) өлшем бірлігін қамтамасыз ету саласындағы заңнамаға сәйкес тексеруден өткен таразы жабдығы мен салмақ өлшеу аспаптары (тексеру туралы сертификаты және салыстырып тексеру таңбасы бар)";

      3. "Астық қолхаттарын шығару арқылы қойма қызметі бойынша қызметтер көрсетуге лицензия беру" мемлекеттік қызметін көрсету қағидаларын бекіту туралы және кейбір нормативтік құқықтық актілердің күші жойылды деп тану туралы" Қазақстан Республикасы Ауыл шаруашылығы министрінің м.а. 2021 жылғы 1 маусымдағы № 178 бұйрығына (Нормативтік құқықтық актілерді мемлекеттік тіркеу тізілімінде № 22952 болып тіркелген) мынадай өзгерістер енгізілсін:

      "Астық қолхаттарын шығару арқылы қойма қызметі бойынша қызметтер көрсетуге лицензия беру" мемлекеттік қызметін көрсетуге қойылатын негізгі талаптардың тізбесіне 2-қосымша осы Тізбеге 2-қосымшаға сәйкес жаңа редакцияда жазылсын.

Астық қолхаттарын шығара отырып, қойма қызметі бойынша қызметтер көрсету жөніндегі қызметке қойылатын бiлiктiлiк талаптарына сәйкестік туралы мәліметтер нысаны

      Астық сақтау қоймасының (элеватордың, астық қабылдау пунктінің) атауы:

      ____________________________________________________________________

      Құқық иеленушінің бизнес-сәйкестендіру нөмірі___________________________

      Астық сақтау қоймасының мекенжайы және кадастрлық нөмірі

      _______________________________________________________________

      Меншік иесі (құқық иеленуші) ________________________________________

      Технологиялық жабдықтың болуы туралы мәліметтер

      Интернет желісіне қолжетімділік туралы мәліметтер

      Өткізу режимінің, аумақтың қоршалуының, асфальтталған және (немесе) бетондалған

      алаңдардың болуы туралы мәліметтер__________________________________________

      __________________________________________________________________________

      (асфальтталған және (немесе) бетондалған алаңдар бойынша көлемдер шаршы метрмен көрсетіледі)

      Өлшем құралдарының типін бекіту немесе өлшем құралдарын метрологиялық аттестаттау туралы сертификаттардың болуы туралы мәліметтер, "Өлшем бірлігін қамтамасыз ету туралы" Қазақстан Республикасының Заңына сәйкес өлшем құралдарын салыстырып тексеру туралы мәліметтер _______________________________________

      Астықтың сапасын айқындауға арналған өндірістік-техникалық зертхананың жарамды жабдықпен және аспаптармен жарақталуы туралы мәліметтер

      Техникалық басшылар мен мамандардың бiлiктi құрамының болуы туралы мәліметтер

Астық қолхаттарын шығару арқылы қойма қызметі бойынша қызметтер көрсету жөніндегі қызметке қойылатын біліктілік талаптарына сәйкестік туралы мәліметтер нысаны

      Астық сақтау орнының (элеватордың, астық қабылдау пунктінің)

      атауы:______________________________________________________________

      Құқық иеленушінің бизнес сәйкестендіру нөмірі: _____________________

      Астық сақтау орнының орналасқан жері және кадастрлық

      нөмірі _____________________________________________________________

      Меншік иесі (құқық иеленуші)______________________________________

      Технологиялық жабдықтың бар-жоғы туралы мәліметтер

      Интернет желісіне қолжетімділік туралы мәліметтер

      Өткізу режимінің, аумақ қоршауының, асфальтталған және (немесе) бетондалған

      алаңдардың бар жоғы туралы мәліметтер______________________________________

      ____________________________________________________________________

      (асфальтталған және (немесе) бетондалған алаңдар бойынша шаршы метрдегі алаң көрсетіледі)

      Өлшем құралдарының типін бекіту немесе өлшем құралдарын метрологиялық аттестаттау туралы сертификаттардың болуы туралы мәліметтер, "Өлшем бірлігін қамтамасыз ету туралы" Қазақстан Республикасының Заңына сәйкес өлшем құралдарын салыстырып тексеру туралы мәліметтер _______________________________________

      Астық сапасын айқындауға арналған өндірістік-техникалық зертхананың жарамды жабдықпен және аспаптармен жарақталуы туралы мәліметтер

      Техникалық басшылар мен мамандардың білікті құрамының бар-жоғы туралы мәліметтер