Қазақстан Республикасы Әлеуметтік кодексінің 110-бабының 3-тармағына және "Мемлекеттік статистика туралы" Қазақстан Республикасы Заңының 16-бабы 3-тармағының 2) тармақшасына сәйкес БҰЙЫРАМЫН:

      1. Қоса беріліп отырған Кәсіпкерлік бастамаға жәрдемдесу жөніндегі шараларды ұйымдастыру және қаржыландыру қағидалары осы бұйрыққа 1-қосымшаға сәйкес бекітілсін.

      2. Осы бұйрыққа 2-қосымшаға сәйкес Қазақстан Республикасы Еңбек және халықты әлеуметтік қорғау министрлігінің кейбір бұйрықтарының күші жойылды деп танылсын.

      3. Қазақстан Республикасы Еңбек және халықты әлеуметтік қорғау министрлігінің Халықты жұмыспен қамту департаменті Қазақстан Республикасының заңнамасында белгіленген тәртіппен:

      1) осы бұйрықты Қазақстан Республикасының Әділет министрлігінде мемлекеттік тіркеуді;

      2) осы бұйрық ресми жарияланғаннан кейін оны Қазақстан Республикасы Еңбек және халықты әлеуметтік қорғау министрлігінің интернет-ресурсында орналастыруды;

      3) осы бұйрық мемлекеттік тіркелгеннен кейін он жұмыс күні ішінде Қазақстан Республикасы Еңбек және халықты әлеуметтік қорғау министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасының Еңбек және халықты әлеуметтік қорғау вице-министріне жүктелсін.

      5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Ауыл шаруашылығы министрлігі

      "КЕЛІСІЛДІ"

      Қазақстан Республикасының

      Қаржы министрлігі

      "КЕЛІСІЛДІ"

      Қазақстан Республикасының

      Ұлттық экономика министрлігі

      "КЕЛІСІЛДІ"

      Қазақстан Республикасының

      Стратегиялық жоспарлау және

      реформалар агенттігі төрағасы

Кәсіпкерлік бастамаға жәрдемдесу жөніндегі шараларды ұйымдастыру және қаржыландыру қағидалары

1-тарау. Жалпы ережелер

      1. Осы Кәсіпкерлік бастамаға жәрдемдесу жөніндегі шараларды ұйымдастыру және қаржыландыру қағидалары (бұдан әрі – Қағидалар) Қазақстан Республикасы Әлеуметтік кодексінің (бұдан әрі – Кодекс) 110-бабының 3-тармағына және "Мемлекеттік статистика туралы" Қазақстан Республикасы Заңының 16-бабы 3-тармағының 2) тармақшасына сәйкес әзірленді және кәсіпкерлік бастамаға жәрдемдесу жөніндегі шараларды ұйымдастыру және қаржыландыру тәртібін айқындайды.

      2. Осы Қағидаларда мынадай негізгі ұғымдар пайдаланылады:

      2) әлеуметтік-еңбек саласының бірыңғай ақпараттық жүйесі (бұдан әрі – "Еңбек нарығы" ААЖ) – халықты жұмыспен қамту мәселелері жөніндегі уәкілетті органның, халықты әлеуметтік қорғау және жұмыспен қамту мәселелері жөніндегі жергілікті атқарушы органдардың, еңбек мобильділігі орталықтарының, мансап орталықтарының, Еңбек ресурстарын дамыту орталығының қызметін автоматтандыруға және әлеуметтік-еңбек саласында халыққа мемлекеттік қызметтерді көрсету мақсатында ведомствоаралық өзара іс-қимыл жасауға арналған ақпараттандыру объектісі;

      4) еңбек мобильділігі орталығы – жұмыспен қамтуға жәрдемдесу шараларын әзірлеу және іске асыру мақсатында облыстың, республикалық маңызы бар қаланың және астананың жергілікті атқарушы органы құратын заңды тұлға;

      5) жақын туыстар – ата-аналар (ата-ана), балалар, асырап алушылар, асырап алынғандар, ата-анасы бір және ата-анасы бөлек аға-інілері мен апа-сіңлілері (қарындастары), ата, әже, немерелер;

      6) жұмыссыз – жұмыс іздеуді жүзеге асыратын және жұмысқа кірісуге дайын жеке тұлға;

      7) кредиттік серіктестік (бұдан әрі – КС) – қатысушыларының ақшаларын шоғырландыру жолымен және Қазақстан Республикасының заңнамасында тыйым салынбаған басқа да көздер есебінен кредиттерге және басқа да қаржылық, оның ішінде банк қызметтеріне қажеттіліктерін қанағаттандыру үшін жеке және/немесе заңды тұлғалар құрған заңды тұлға;

      8) мансап орталығы – еңбек мобильділігі орталығының функцияларын аудандарда, облыстық және республикалық маңызы бар қалаларда, астанада орындауды жүзеге асыратын филиалы;

      9) микрокредит беру ұйымы – кредит беруге уәкілетті "Бәйтерек" ұлттық басқарушы холдингі" акционерлік қоғамының еншілес ұйымы;

      10) сенім білдірілген өкіл (агент) – тапсырма шартының негізінде жергілікті атқарушы органның атынан және оның есебінен және оның нұсқауларына сәйкес бюджеттік кредит беруге байланысты белгілі бір тапсырмаларды орындайтын тұлға;

      11) халықты әлеуметтік қорғау және жұмыспен қамту мәселелері жөніндегі жергілікті атқарушы орган – облыстың, республикалық маңызы бар қалалардың, астананың халықты әлеуметтік қорғау және жұмыспен қамту саласындағы бағыттарын айқындайтын жергілікті атқарушы органы;

      12) халықты жұмыспен қамту мәселелері жөніндегі уәкілетті мемлекеттік орган – Қазақстан Республикасының заңнамасына сәйкес халықты әлеуметтік қорғау саласындағы басшылықты және салааралық үйлестіруді, Мемлекеттік әлеуметтік сақтандыру қорының қызметін реттеу, бақылау функцияларын жүзеге асыратын орталық атқарушы орган.

2-параграф. Жаңа бизнес-идеяларды іске асыруға қайтарымсыз гранттар беру және олардың нысаналы пайдаланылуына мониторингті жүзеге асыру тәртібі

      Ескерту. 2-параграфының тақырыбы - ҚР Еңбек және халықты әлеуметтік қорғау министрінің 28.05.2026 № 207 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-параграф. Кәсіпкерлік негіздеріне оқыту тәртібі

      3. Мыналар:

      1) жұмыссыздар;

      2) Кодекстің 207-бабының 1-тармағында белгіленген зейнеткерлік жасқа жетпеген қысқартылатын жұмыскерлер;

      3) дара кәсіпкерлер ретінде тіркелмей кіріс алу мақсатында тауарларды, жұмыстар мен көрсетілетін қызметтерді өндіру (өткізу) жөніндегі қызметті дербес жүзеге асыратын адамдар және (немесе) әрекетсіз дара кәсіпкерлер;

      4) отбасылық кәсiпкерлiкте еңбекақы төленбейтін қызметті дербес жүзеге асыратын адамдар;

      5) жеке қосалқы шаруашылықта сату (айырбастау) үшін өнім өндіру жөніндегі қызметті дербес жүзеге асыратын, табысы ең төменгі күнкөріс деңгейiнен аз адамдар;

      6) табысы ең төменгі күнкөріс деңгейiнен аз өндірістік кооператив мүшелері;

      7) ісін жаңадан бастаған және/немесе жұмыс істеп жүрген дара кәсіпкерлер болып табылатын адамдар кәсіпкерлік негіздеріне оқудан өтеді.

      4. Кәсіпкерлік негіздеріне оқыту үшін осы Қағидалардың 3-тармағына сәйкес келетін адамдар business.enbek.kz порталында (бұдан әрі – Портал) тіркеледі.

      Осы Қағидалардың 3-тармағына сәйкес келетін адамдардың санаттарға сәйкестігін тексеру Порталда автоматты режимде жүзеге асырылады, одан кейін skills.enbek.kz платформасында (бұдан әрі – платформа) "Бастау Бизнес" жобасы шеңберінде кәсіпкерлік негіздеріне оқыту" онлайн курсына қолжетімділік беріледі.

      5. Онлайн оқыту курсының ұзақтығы оқу курсы басталған сәттен бастап күнтізбелік 14 (он төрт) күн.

      6. Онлайн оқыту курсы өтеусіз негізде ұсынылады және оқу материалдарын өз бетінше игеру жолымен жеке тәртіппен өткізіледі.

      7. Онлайн оқытудың әрбір модулін аяқтау қорытындысы бойынша қатысушының алған білімі мен дағдыларын меңгеруін анықтау үшін аралық тестілеу өткізіледі.

      Келесі модульді оқуға көшу үшін аралық тестілеудегі сұрақтардың жалпы санының кемінде 70 (жетпіс) пайызына дұрыс жауап беру қажет.

      Онлайн оқыту курсын өту кезеңінде аралық тестілеуді тапсыру әрекеттерінің саны шектелмеген.

      Курс қорытындысы бойынша қорытынды тестілеу өткізіледі.

      Сұрақтардың жалпы санының 70 (жетпіс) пайызынан көп дұрыс жауап алған адамға платформада бірегей нөмір беріле отырып, оқуды аяқтағаны туралы электрондық сертификат беріледі. Сертификат жеке кабинетте көрсетіледі.

      8. Оқуды аяқтағаны туралы электрондық сертификат алған адам оқуды аяқтағаннан кейін үш жыл өткен соң онлайн оқытудың курсына қайта жіберіледі.

      Оқуды аяқтау туралы сертификат оны алған күннен бастап үш жыл бойы жарамды.

      9. Сұрақтардың жалпы санының 70 (жетпіс) пайызынан кем дұрыс жауап алған адамға онлайн оқыту курсы ішінде қорытынды тестілеуден екі реттен артық емес қайта өту мүмкіндігі беріледі.

      10. Оқуды тоқтатқан немесе қорытынды тестілеуден өтпеген адамға күнтізбелік жыл ішінде 2 (екі) реттен артық емес онлайн оқытуға қайта қатысу мүмкіндігі беріледі.

2-параграф. Жаңа бизнес-идеяларды іске асыруға гранттар беру және олардың нысаналы пайдаланылуына мониторингті жүзеге асыру тәртібі

      11. Жаңа бизнес-идеяларды іске асыруға арналған қайтарымсыз гранттар (бұдан әрі - гранттар) халықтың әлеуметтік осал топтары қатарындағы адамдарға конкурстық негізде 400 еселенген айлық есептік көрсеткіштің мөлшеріне дейін беріледі, оларға мыналар:

      1) мемлекеттік атаулы әлеуметтік көмек алушылар;

      2) төрт және одан да көп бірге тұратын кәмелетке толмаған балалары бар көп балалы отбасылар, оның ішінде жалпы орта, техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдарында жалпы білім беретін немесе кәсіптік бағдарламалар бойынша күндізгі оқу нысанында оқитын балалары бар, олар он сегіз жасқа толғаннан кейін білім беру ұйымдарын бітірген уақытқа дейін ай сайынғы мемлекеттік жәрдемақы алушылар (бірақ жиырма үш жасқа толғанға дейін) және (немесе) оның жұбайы (зайыбы);

      3) асыраушысынан айырылу жағдайы бойынша әлеуметтік төлем алушылар;

      4) қоныс аударушылар;

      5) қандастар;

      6) еңбек етуге қарсы көрсетілімдері жоқ мүгедектігі бар адамдар;

      7) мүгедектігі бар бала (мүгедектігі бар балаларды) тәрбиелеп отырған адамдар және (немесе) оның жұбайы (зайыбы) жатады.

      Гранттар жұмыссыз немесе дара кәсіпкер ретінде мемлекеттік тіркеу мерзімі 1 (бір) жылдан аз дара кәсіпкер ретінде гранттар алуға өтініш бергенге дейін тіркелген жағдайда халықтың әлеуметтік осал топтарына беріледі.

      Бұл ретте, тиісті қаржы жылының республикалық бюджеті туралы заңда белгіленген айлық есептік көрсеткіштің мөлшері қолданылады.

      12. Гранттар бір рет беріледі және нысаналы мақсаты бойынша қажетті еңбек құралдарын, мүкәммалды, технологиялық жабдықты, жануарларды, малды, құстарды, көшеттерді, бұталарды, тұқымдарды, көшеттерді сатып алу, коммерциялық жылжымайтын мүлік объектілерінің, сондай-ақ сауда объектілерінің, оның ішінде жалға алу, пайдалану, сенімгерлік басқару құқығындағы сауда объектілерінің аумағында жаңа бизнес идеяларды іске асыруға арналған үй-жайларды жалдау ақысын төлеу үшін беріледі.

      Бұл ретте жұбайынан (зайыбынан), жақын туыстарынан еңбек құралдары, мүкәммал, технологиялық жабдық, жануарлар, мал, құстар, көшеттер, бұталар, тұқымдар, көшеттер сатып алынбайды, сондай-ақ жаңа бизнес идеяларды іске асыруға үй-жайлар жалға алынбайды.

      Гранттар тұтынушылық мақсаттарға, кредиттік қарыздарды өтеуге, жылжымайтын тұрғын үй сатып алуға және салуға, жер учаскелерін сатып алуға, акцизделетін өнімдер өндіруге, ұлттық және (немесе) шетелдік валюта, бағалы қағаздар, цифрлық активтер сатып алуға, сондай-ақ Қазақстан Республикасының заңнамасында тыйым салынған қызметті жүзеге асыруға берілмейді.

      13. Гранттар алуға өтініштерді қабылдаудың басталғаны туралы хабарландыру өтініштер қабылданғанға дейін күнтізбелік 10 (он) күн бұрын еңбек мобильділігі орталығының ресми интернет-ресурсында жарияланады.

      Гранттар алу үшін өтініштерді қабылдау лектер бойынша жүзеге асырылады. Жыл сайын 3 (үш) ай аралығымен кемінде 2 (екі) лек ұйымдастырылады. Порталда өтініштерді қабылдау мерзімі әр лекте 10 (он) жұмыс күнін құрайды.

      14. Грант алуға үміткер осы Қағидаларға 1-қосымшаға сәйкес нысан бойынша электрондық цифрлық қолтаңбамен куәландырылған электрондық өтініш береді.

      Грант алуға өтініш берген кезде үміткер Порталда осы Қағидалардың 11-тармағында көрсетілген халықтың әлеуметтік осал топтарының оған сәйкес санаттарының бірін таңдайды.

      15. Портал автоматты түрде үміткердің осы Қағидалардың 11-тармағында көрсетілген халықтың әлеуметтік осал топтарының біріне сәйкестігін және мерзімі жүгінген сәтте үш жылдан аспайтын "Бастау Бизнес" жобасы бойынша кәсіпкерлік негіздерін аяқтау туралы электрондық сертификаттың немесе бұрын қатысқаны туралы сертификаттың болуына тексеруді жүзеге асырады.

      Тексеруден кейін үміткер Порталда осы Қағидаларға 2-қосымшаға сәйкес бизнес-жоба үлгісін жүктейді, оны толтырады және Порталда жеке кабинетіне тіркейді.

      16. Портал:

      1) қатысу мерзімі 12 айдан аспайтын ерікті түрде қоныс аударуға қатысушыларды қоспағанда, жұмыспен қамтуға жәрдемдесу шараларының қатысушылары болып табылатын;

      2) соңғы 12 ай ішінде дәлелді себептерсіз жұмыспен қамтуға жәрдемдесу шараларына қатысуды тоқтатқан;

      3) бұрын басқа мемлекеттік бағдарламалар немесе мемлекеттік қолдау шаралары шеңберінде жаңа бизнес-идеяларды іске асыруға гранттар және (немесе) микрокредиттер алған;

      4) дара кәсіпкердің қызметін тоқтата тұрған грант алуға өтінім бергенге дейінгі соңғы 6 айдағы жұмыссыздар;

      5) бұрын алынған кредиттер (қарыздар) бойынша мерзімі өткен берешегі бар;

      6) Кодекстің 207-бабының 1 және 3-тармақтарында белгіленген зейнеткерлік жасқа толған дара кәсіпкерлер;

      7) өтініш берген сәтте қолданыстағы еңбек шарттары бар дара кәсіпкерлер;

      8) банкроттық не тарату рәсіміне жататын дара кәсіпкерлер;

      9) "Рұқсаттар және хабарламалар туралы" Қазақстан Республикасының Заңына сәйкес лицензияланатын қызмет түрлері бойынша бизнес-жобаны іске асыру үшін лицензиясы жоқ;

      10) терроризм мен экстремизмді қаржыландыруға байланысты ұйымдар мен тұлғалар тізбесіне енгізілген үміткерлердің грант алуға берген өтініштерін қабылдаудан бас тартады.

      17. Грант алуға үміткерлердің өтініші мен бизнес-жобасын мансап орталығы жаңа бизнес-идеяларды іске асыру үшін гранттарды алуға үміткерлердің өтініштерін қарастыру бойынша комиссияның отырысына қарауға шығарады (бұдан әрі – комиссия).

      Халықты әлеуметтік қорғау және жұмыспен қамту мәселелері жөніндегі жергілікті атқарушы орган өңірлік кәсіпкерлер палатасының филиалдары, жергілікті атқарушы органдар, қоғамдық бірлестіктер, ғылыми-білім беру мекемелері өкілдерінің, бизнес, өңірлік масс-медиа өкілдерінің, салалық сарапшылардың қатысуымен аудандар, облыстық маңызы бар қалалар, республикалық маңызы бар қалалар, астана деңгейінде комиссияны құрады.

      Комиссия төрағадан, төрағаның орынбасарынан және комиссия мүшелерінен тұрады.

      Комиссия хатшысы оның құрамына кірмейді және шешім қабылдау кезінде дауыс бермейді.

      Комиссия хатшысы мансап орталығының өкілі болып табылады. Комиссия хатшысы комиссия отырысын ұйымдастыруды жүзеге асырады, төрағамен келісім бойынша отырыстың өткізілетін орнын, күнін және уақытын айқындайды, комиссия мүшелеріне алдағы отырыс туралы хабарлайды, комиссия мүшелеріне отырысты өткізу үшін қажетті материалдарды ұсынады.

      Комиссияның құрамы әрбір лек сайын, сондай-ақ конкурстық комиссияның бір немесе бірнеше мүшесінде мүдделер қақтығысы туындаған жағдайда жаңартылып отырады.

      17-1. Комиссия өз жұмысын алқалылық, ашықтық, жариялылық және бейтараптық қағидаттарында ұйымдастырады.

      Комиссия отырыстарына бизнес, үкіметтік емес ұйымдардың, масс-медианың өкілдері және аудан (қала) мәслихатының депутаттары болып табылатын дауыс беру құқығы жоқ байқаушылар қатысуға жіберіледі.

      Комиссия отырыстарын өткізу кезеңінде комиссия мүшесінде мүдделер қақтығысы туындаған кезде ол екі жұмыс күні ішінде комиссияның төрағасын және қалған мүшелерін мүдделер қақтығысы толығымен жойылғанға дейін комиссия қызметіне қатысудан өздігінен бас тарта отырып жазбаша еркін нысанда хабардар етеді.

      Комиссия төрағасында мүдделер қақтығысы туындаған кезде оның өкілеттіктері оның орынбасарына өтеді.

      Мүдделер қақтығысы деп комиссия мүшелерінің жеке мүдделілігі олардың өз міндеттерін орындамауына немесе тиісінше орындамауына әкеп соғуы мүмкін жағдай ұғынылады.

      18. Комиссия отырысы Порталда аудио және (немесе) бейне тіркеуді қолдану арқылы өтініштерді қабылдау аяқталған күннен кейін 10 (он) жұмыс күні ішінде өткізіледі.

      Комиссия отырысының өтетін орны, күні және уақыты туралы хабарлама грант алуға үміткердің жеке кабинетінде көрсетіледі.

      Комиссия отырысына оның мүшелерінің жартысынан астамы қатысса, құқылы болып саналады.

      Комиссияның шешімі, егер оған отырысқа қатысқан комиссия мүшелерінің жартысынан астамы дауыс берсе, қабылданады.

      Дауыстар тең болған жағдайда комиссия төрағасының дауысы шешуші болып табылады.

      Комиссия төрағасы орнында болмағанда, шешуші дауыс құқығына төрағаның орынбасары ие.

      Комиссия отырысы мансап орталықтарының әлеуметтік желілерінде тікелей эфирде трансляцияланады және ақпараттық-коммуникациялық технологияларды қолдана отырып түсіріледі. Комиссия отырысының жазбасы еңбек мобильділігі орталығында он екі ай бойы электрондық жеткізгіште сақталады. Үміткердің бизнес-жобаны онлайн қорғауына жол беріледі.

      Комиссия отырысында грант алуға үміткер жаңа бизнес-идеялардың жобасын таныстырады.

      Комиссия осы Қағидаларға 3-қосымшаға сәйкес бағалау парағында грант беру (бермеу) себептері бар шешімді көрсетеді.

      Осы Қағидаларға 4-қосымшаға сәйкес комиссия шешімінде бизнес-идеялардың ендірілуге дайын екені туралы ақпарат көрсетіледі.

      Комиссияның шешімі бағалау парағына сәйкес грант алушылардың тізімі көрсетіле отырып, комиссия отырысының хаттамасымен ресімделеді және оған қатысып отырған комиссия мүшелері қол қояды.

      Комиссия отырысы аяқталғаннан кейін мансап орталығының қызметкері 2 (екі) жұмыс күні ішінде комиссия шешімін отырыс хаттамасына және грант алушылардың қалыптастырылған тізіміне сәйкес "Еңбек нарығы" ААЖ-ға енгізеді.

      Комиссияның шешімі еңбек мобильділігі орталығының интернет-ресурсында орналастырылады.

      19. Комиссия отырысының шешімі "Еңбек нарығы" ААЖ-ға енгізілгеннен кейін грант алуға үміткер Порталдағы "Жеке кабинет" арқылы грант беру/бермеу туралы тиісті хабарлама алады.

      20. Комиссия грант беру туралы шешім қабылдаған кезде грант алуға үміткер тиісті хабарламаны алған сәттен бастап 5 (бес) жұмыс күні ішінде Қазақстан Республикасының салық заңнамасына сәйкес салық органдарында өз қызметін тіркейді және Порталдағы дара кәсіпкердің банк деректемелері бар банк шотын ұсынады, ол "Еңбек нарығы" ААЖ-ға жіберіледі.

      Көрсетілген мерзімде Қазақстан Республикасының салық заңнамасына сәйкес салық органдарында өз қызметін тіркемеген және дара кәсіпкердің банк шотын ұсынбаған грант алуға үміткерге Комиссияның грант беру туралы бұрын алған шешіміне қарамастан грант берілмейді. Бұл ретте үміткер келесі лектерде грантқа қайта өтінім бере алады.

      21. Еңбек мобильділігі орталығы осы Қағидалардың 20-тармағына сәйкес грант алушыға тіркелген дара кәсіпкердің банк деректемелері бар банк шотын алған күннен бастап 3 (үш) жұмыс күні ішінде жаңа бизнес идеяларды іске асыруға грант беру туралы шартқа (бұдан әрі – Шарт) қол қояды және грант алушының Порталдағы жеке кабинетіне жібереді.

      22. Грант алушы осы Қағидалардың 21-тармағына сәйкес шартты алған сәттен бастап 5 (бес) жұмыс күні ішінде Порталда, жеке кабинетте Шартқа электрондық цифрлық қолтаңбамен қол қояды, ол "Еңбек нарығы" ААЖ-ға жіберіледі.

      Егер грант алушы белгіленген мерзімде Порталдағы жеке кабинетте Шартқа қол қоймаса, онда автоматты түрде грант алмайды, сондай-ақ ағымдағы қаржы жылында грант алуға одан әрі өтініш бере алмайды.

      23. Еңбек мобильділігі орталығы Шарт жасалғаннан кейін 5 (бес) жұмыс күні ішінде грант алушыға тіркелген дара кәсіпкердің ағымдағы банк шотына ақша қаражатын аударуды жүзеге асырады және грант алушының деректерін ауданның, облыстық маңызы бар қаланың, республикалық маңызы бар қаланың, астананың салық органына береді.

      Грант қаражатын пайдалану тек қолма-қол ақшасыз нысанда жүзеге асырылады.

      23-1. Еңбек мобильділігі орталығы жыл сайын 10 сәуірге дейін өзінің ресми интернет-ресурсында грант алушылар, қаржыландырылған бизнес-жобалар, берілген гранттардың сомалары және грант алушылар құрған жұмыс орындары туралы толық ақпаратты жариялайды.

      24. Грант қаражатын нысаналы пайдалануды грант алушы бизнес-жобаға сәйкес Порталда растайтын құжаттарды ұсыну арқылы грант алған күннен бастап үш ай ішінде растайды.

      Грант алушы Порталда растайтын құжаттарды ұсына отырып, бизнес-жоспардың іске асырылу барысы туралы 24 (жиырма төрт) ай ішінде тоқсан сайын есеп тапсырады.

      Грант қаражатының нысаналы пайдаланылуын растайтын құжаттар:

      1) Шартта көзделген мақсаттарға тауар, жұмыс, қызмет үшін ақы төлеу немесе қаражат жіберу фактісін растайтын құжаттар: төлем тапсырмалары, фискалдық чектер, кіріс кассалық ордерге түбіртектер, банктік шоттан үзінді көшірмелер (грант берілген күннен бастап грант қаражаты нақты игерілген күнге дейін) және (немесе) Қазақстан Республикасының заңнамаларына қайшы келмейтін басқа төлем құжаттары;

      2) тауарларды алуды, жұмыстарды орындауды, қызметтер көрсетуді және грант беру туралы шартта көзделген басқа да мақсаттарға қол жеткізуді растайтын құжаттар: шарттар, келісімшарттар, шот-фактуралар, жүкқұжаттар, жүк кедендік декларациялар және (немесе) қабылдау-беру актілері;

      3) бизнес-жобаның іске асырылу барысын растайтын құжаттар, оның ішінде бизнес-жоба шеңберінде өндірілген өнімнің, орындалған жұмыстардың, көрсетілген қызметтердің өткізілуін растайтын құжаттар.

      4) жаңа тұрақты жұмыс орындарын құруды және мансап орталығының жолдамасы бойынша құрылған жұмыс орындарына ізденушілерді жұмысқа орналастыруды растайтын құжаттар;

      5) бизнес-жобаның іске асырылу барысын растайтын құжаттар, оның ішінде бизнес-жоба шеңберінде өндірілген өнімнің, орындалған жұмыстардың, көрсетілген қызметтердің өткізілуін растайтын құжаттар болып табылады.

      Еңбек мобильділігі орталығы (мансап орталығы) грант қаражатын нысаналы пайдалану туралы растайтын құжаттар немесе бизнес-жобаны іске асыру барысы туралы есеп Порталға келіп түскен күннен бастап 10 (он) жұмыс күні ішінде оларды бизнес-жобаға сәйкестігі тұрғысынан тексеруді жүзеге асырады.

      Грант алушының Шарт талаптарын орындамау фактілері анықталған жағдайда еңбек мобильділігі орталығы бір жақты тәртіппен Шартты бұзады және Қазақстан Республикасының заңнамасында көзделген тәртіпте, оның ішінде сот тәртібінде грант қаражатын қайтару бойынша шаралар қабылдайды.

      25. Грант алушы грант алған күннен бастап 12 ай ішінде, бизнесті кеңейтуге бағытталған шараларды қоспағанда, жұмыспен қамтуға жәрдемдесу шараларына қатысуға жіберілмейді.

      25-1. Грант алушы грант алған күннен бастап 18 (он сегіз) ай ішінде кемінде 1 (бір) жаңа тұрақты жұмыс орнын құрады және мансап орталығының жолдамасы бойынша құрылған жұмыс орындарына ізденушілерді жұмысқа орналастырады.

      26. Грант алушы гранттық қаражаттың нысаналы мақсаты бойынша пайдаланылғанын немесе грант қаражатының пайдаланылмағанын растау болмаған кезде шарт жасалған күннен бастап 3 ай ішінде Портал арқылы қаражатты толық ерікті түрде қайтаруға өтінім береді.

      27. Грант алушы Шарт жасалған күннен бастап 3 (үш) ай ішінде:

      1) грант қаражаты толық көлемде пайдаланылмаған жағдайда қаражатты толық қайтаруды жүзеге асырады;

      2) ішінара пайдаланған жағдайда Порталдағы жеке кабинетте тиісті өтініш беру арқылы қалған қаражатты қайтаруды жүзеге асырады.

      28. Бизнес-жобаны іске асыруды нысаналы пайдалануды растау:

      1) жаза шартты түрде тағайындалған жағдайларды қоспағанда, жұмыссызды бас бостандығынан айыру түріндегі жазаға соттау;

      2) заңды күшіне енген сот шешімі бойынша мәжбүрлеп емдеуге жіберу;

      3) грант алушының қайтыс болуы;

      4) грант алушыны хабар-ошарсыз кетті деп тану немесе қайтыс болды деп жариялау;

      5) сот грант алушыны әрекетке қабілетсіз деп тану жағдайларында талап етілмейді.

      Қарулы Күштерде, Қазақстан Республикасының басқа да әскерлері мен әскери құралымдарында мерзімді әскери қызметке шақыру кезінде грант алушыға әскери қызмет өткеру мерзіміне кейінге қалдыру беріледі.

      29. Гранттар нысанында қолдау шараларын қаржыландыру жергілікті бюджеттің қаражаты, сондай-ақ Қазақстан Республикасының заңнамасында тыйым салынбаған көздерден жүзеге асырылады.

3-тарау. Қайтарымды негізде микрокредит беру тәртібі

      30. Алып тасталды - ҚР Еңбек және халықты әлеуметтік қорғау министрінің 28.05.2026 № 207 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
      31. Алып тасталды - ҚР Еңбек және халықты әлеуметтік қорғау министрінің 28.05.2026 № 207 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
      32. Алып тасталды - ҚР Еңбек және халықты әлеуметтік қорғау министрінің 28.05.2026 № 207 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
      33. Алып тасталды - ҚР Еңбек және халықты әлеуметтік қорғау министрінің 28.05.2026 № 207 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
      34. Алып тасталды - ҚР Еңбек және халықты әлеуметтік қорғау министрінің 28.05.2026 № 207 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен. 

1-параграф. Қайтарымды негізде жастарға микрокредит беру тәртібі

      35. Жастарға микрокредит беру мақсатында халықты жұмыспен қамту мәселелері жөніндегі уәкілетті орган жергілікті атқарушы органға мынадай шарттармен бюджеттік кредит береді:

      1) 0,01 (нөл бүтін жүзден бір) пайыз жылдық сыйақы мөлшерлемесімен қайтарымдылық, мерзімділік және ақылылық қағидаттарында 10 (он) жылға;

      2) бюджеттік кредиттің нысаналы мақсаты – бизнес жобаларды іске асыру үшін үміткерлерге микрокредит беру;

      3) 28 (жиырма сегіз) айдан аспайтын мерзімге негізгі борышты өтеу бойынша жеңілдікті кезең;

      4) бюджеттік кредитті игеру кезеңі 12 (он екі ай) айды құрайды және ол бюджеттік кредитті халықты әлеуметтік қорғау және жұмыспен қамту мәселелері жөніндегі жергілікті атқарушы органға аударған сәттен бастап есептеледі.

      36. Микрокредиттер сенім білдірілген өкіл (агент) арқылы беріледі.

      37. Халықты әлеуметтік қорғау және жұмыспен қамту мәселелері жөніндегі жергілікті атқарушы орган бюджеттік кредит қаражатын сенім білдірілген өкілге (агентке) тапсырма шарты бойынша азаматтық заңнамаға сәйкес береді.

      38. Жастар қатарындағы үміткерлерге мерзімділік, ақылылық, қайтарымдылық, қамтамасыз етілу, нысаналы пайдалану қағидаттарын сақтай отырып, мынадай шарттарда:

      1) микрокредит мерзімі – 5 (бес) жылға дейін, мал шаруашылығы саласындағы жобалар үшін микрокредит мерзімі – 7 (жеті) жылға дейін;

      2) микрокредиттің ең жоғары сомасы – 5 (бес) миллион теңгеге дейін;

      3) номиналды сыйақы мөлшерлемесі – жылдық 2,5 (екі жарым) пайыздан аспайды;

      4) кепілмен қамтамасыз етудің болуы;

      5) негізгі борыш пен сыйақыны өтеу бойынша жеңілдікті кезең микрокредит беру мерзімі ұзақтығының 1/3 (үштен бірінен) аспайды;

      6) Қазақстан Республикасы Салық Кодексінің 94-бабына сәйкес сенім білдірілген өкілге (агентке) микрокредит алу үшін жүгінген кезде дара кәсіпкер ретінде тіркелу мерзімі бес жылдан аз кәсіпкерлер;

      7) Қазақстан Республикасы Салық Кодексінің 94-бабына сәйкес салық органдарында тіркеу мерзімі үш жылдан астам мерзімді құрайтын жұмыс істеп жүрген кәсіпкерлер үшін соңғы 2 (екі) жылда жеке табыс салығы мен әлеуметтік төлемдер бойынша оң динамикасының болуы;

      8) Қазақстан Республикасы Салық Кодексінің 94-бабына сәйкес салық органдарында тіркелу мерзімі бір жылдан кем емес мерзімді құрайтын жұмыс істеп жүрген кәсіпкерлер үшін микрокредит алған күннен бастап 1 (бір) жыл ішінде кемінде 1 (бір) жаңа тұрақты жұмыс орнын құру;

      9) Қазақстан Республикасы Салық Кодексінің 94-бабына сәйкес салық органдарында тіркеу мерзімі бір жылдан астам мерзімді құрайтын жұмыс істеп жүрген кәсіпкерлер үшін кемінде 2 (екі) тұрақты жұмыс орнын құру;

      10) терроризм мен экстремизмді қаржыландыруға байланысты ұйымдар мен тұлғалар тізбесінде болмаған кезде;

      11) банкроттық не тарату рәсімі болмаған кезде микрокредиттер беріледі.

      Үміткер микрокредит алуға өтініш берілген жылға дейін соңғы 2 (екі) жыл ішінде жеке табыс салығы мен әлеуметтік төлемдердің көлемін ұлғайтуды қамтамасыз еткен кезінде осы Қағидалардың 38-тармағының 7) тармақшасына сәйкес деп есептеледі.

      Үміткер микрокредит алуға өтініш берілген жылға дейін соңғы 2 (екі) жыл ішінде жеке табыс салығы мен әлеуметтік төлемдердің көлемі төмендеген кезде осы Қағидалардың 38-тармағының 7) тармақшасына сәйкес келмейді деп есептеледі.

      39. Микрокредитті қамтамасыз етудің негізгі талаптары, тәсілдері Қазақстан Республикасы Бюджет кодексінің 154-бабына сәйкес тапсырма шартында белгіленеді.

      40. Сенім білдірілген өкіл (агент) үміткерлердің микрокредит бойынша шарт міндеттемелерін бұзу себебі бойынша алынатын комиссияларды, алымдарды және/немесе өзге де төлемдерді қоспағанда, үміткерлердің микрокредитімен байланысты қандай да бір комиссияларды, алымдарды және/немесе өзге де төлемдерді алмайды.

      Сенім білдірілген өкілге (агентке) тапсырма шартын орындағаны үшін сыйақы төлеуді халықты әлеуметтік қорғау және жұмыспен қамту мәселелері жөніндегі жергілікті атқарушы орган жергілікті бюджет қаражаты есебінен жүзеге асырады.

      Сенім білдірілген өкілдің (агенттің) тапсырмаларды орындағаны үшін сыйақы төлеу мөлшері тапсырма шартында белгіленеді.

      41. Сенім білдірілген өкіл (агент) ағымдағы бюджеттік кредит бойынша қаражат толық игерілген кезде бұрын берілген микрокредиттер бойынша үміткерлер қайтарған қаражат есебінен осы Қағидалардың 38-тармағына сәйкес талаптарда сенім білдірілген өкіл (агент) мен халықты әлеуметтік қорғау және жұмыспен қамту мәселелері жөніндегі жергілікті атқарушы орган арасында жасалған тапсырма шартының қолданылу мерзімінен аспайтын мерзімге үміткерлерге қайта микрокредит беруді жүзеге асырады.

      42. Микрокредит алу үшін үміткерлер сенім білдірілген өкілге (агентке) осы Қағидаларға 6-қосымшаға сәйкес құжаттарды ұсынады.

      43. Микрокредит алуға үміткер ұсынған құжаттардың мазмұны мен мәліметтерді сенім білдірілген өкілдің (агенттің) тексеру мерзімі барлық қажетті құжаттармен бірге өтініш тіркелген күннен бастап 3 (үш) жұмыс күнін құрайды.

      Құжаттар мен олардағы мәліметтер микрокредиттеу шарттарына сәйкес келмеген жағдайда, сенім білдірілген өкіл (агент) қайтару себептерін көрсете отырып, микрокредит алуға арналған құжаттар топтамасын қайтарады.

      44. Сенім білдірілген өкіл (агент) өтініш тіркелген күннен бастап 10 (он) жұмыс күні ішінде барлық қажетті құжаттармен және олардың микрокредит беру талаптарына сәйкестігімен өзінің ішкі құжаттарына сәйкес ұсынылған бизнес жобаға бағалау жүргізеді.

      Бизнес-жобаны бағалаудан кейін сенім білдірілген өкіл (агент) 3 (үш) жұмыс күні ішінде құжаттарды және бағалау нәтижелерін жастарға микрокредит беру жөніндегі конкурстық комиссияға (бұдан әрі – Комиссия) ұсыну үшін халықты әлеуметтік қорғау және жұмыспен қамту мәселелері жөніндегі жергілікті атқарушы органға жібереді.

      Бизнес-жобаларды іріктеу критерийлері өзектілік және жобаның негізділігі, аргументтілік, экономикалық тиімділік және орындылық, қоғамдық маңыздылық, бизнестің нақты іс-қимыл жоспары мен дамыту стратегиясының болуы, бизнес-жобаның өміршеңдігі, жаңа тұрақты жұмыс орындарын құру, бизнес-жобаны іске асырудан болжамды пайда деңгейі болып табылады.

      Комиссия құрамында 7 (жеті) адам, кәсіпкерлік мәселелері жөніндегі жергілікті атқарушы органдардың, ауыл шаруашылығы мәселелері жөніндегі жергілікті атқарушы органдардың, өңірлік кәсіпкерлер палатасы филиалдарының, қоғамдық бірлестіктердің, бизнес, өңірлік масс-медиа өкілдерінен және мәслихат депутаттарынан тұратын облыс, республикалық маңызы бар қалалар және астана әкімінің шешімімен құрылады.

      Комиссия төрағадан, төрағаның орынбасарынан және комиссия мүшелерінен тұрады.

      Комиссия төрағасы Комиссияның бірінші отырысында оның мүшелері арасынан ашық дауыс беру арқылы көпшілік дауыспен сайланады.

      Комиссия хатшысы оның құрамына кірмейді және шешім қабылдау кезінде дауыс бермейді.

      Комиссия хатшысы комиссия отырысын ұйымдастыруды жүзеге асырады, төрағамен келісу бойынша отырыстың өткізілетін орнын, күнін және уақытын айқындайды, комиссия мүшелеріне алдағы отырыс туралы хабарлайды, комиссия мүшелеріне отырысты өткізу үшін қажетті материалдарды ұсынады.

      45. Жастарға микрокредит беру жөніндегі конкурстық комиссияның отырысы кемінде айына бір рет өткізіледі.

      Микрокредиттер беру мақсатында бизнес-жобаларды іріктеу үшін конкурс өткізу туралы хабарландыру конкурс өткізілгенге дейін күнтізбелік 5 (бес) күн бұрын халықты әлеуметтік қорғау және жұмыспен қамту мәселелері жөніндегі жергілікті органның ресми интернет-ресурсында жарияланады.

      Комиссия отырысына оның мүшелерінің жартысынан астамы қатысса, құқылы болып саналады.

      Комиссия отырысы бейнежазбаның техникалық құралдарының көмегімен тіркеледі.

      Үміткер өзінің бизнес-жобасын комиссия отырысында, оның ішінде бейнеконференцбайланыс арқылы таныстырады.

      Комиссияның шешімі, егер оған отырысқа қатысқан комиссия мүшелерінің жартысынан астамы дауыс берсе, қабылданады.

      Дауыстар тең болған жағдайда комиссия төрағасының дауысы шешуші болып табылады.

      Комиссия төрағасы орнында болмағанда, шешуші дауыс құқығына төрағаның орынбасары ие.

      Жұмыстың ашықтығы мен объективтілігін қамтамасыз ету үшін комиссия отырысына байқаушылар шақырылады.

      Байқаушылар ретінде Комиссия отырысына масс-медиа, қоғамдық бірлестіктер, коммерциялық ұйымдар мен саяси партиялар өкілдерінің, барлық деңгейдегі мәслихаттар депутаттарының және басқа да мемлекеттік органдардың қатысуына жол беріледі.

      Аудандағы бизнес-жобаның өзектілігін айқындау мақсатында комиссия отырысына аудандардың кәсіпкерлік және (немесе) ауыл шаруашылығы мәселелері жөніндегі жергілікті атқарушы органдардың өкілдері шақырылады.

      Комиссия отырысы барысында байқаушылар үміткерлерге сұрақтар қоймайды, бұл ретте олар Комиссияның жұмысына кедергі келтіретін іс-әрекеттер жасауға, үміткерлердің дербес деректеріне қатысты мәліметтерді жария етуге жол бермейді.

      Комиссия осы Қағидаларға 7-қосымшаға сәйкес бағалау парағында микрокредит беру (бермеу) себептерін көрсете отырып, шешімді көрсетеді.

      Комиссияның шешімі негіздемелерге сәйкес микрокредит алушылардың тізімі көрсетіле отырып, комиссия отырысының хаттамасымен ресімделеді және оған қатысып отырған комиссия мүшелері қол қояды.

      Үміткерлер шешімге сот тәртібімен шағымдана алады.

      46. Микрокредит беру жөніндегі үздік бизнес-жобасы бар іріктелген үміткер халықты әлеуметтік қорғау және жұмыспен қамту мәселелері жөніндегі жергілікті атқарушы органмен және сенім білдірілген өкілмен (агентпен) микрокредит беру туралы шартқа, кепіл шартына қол қояды, кепіл шартын уәкілетті органда тіркегеннен кейін сенім білдірілген өкіл (агент) бес жұмыс күні ішінде оның ағымдағы шотына микрокредит сомасын аударады.

      47. Сенім білдірілген өкіл (агент) ай сайын, есепті айдан кейінгі айдың 10-күніне дейінгі мерзімде халықты әлеуметтік қорғау және жұмыспен қамту мәселелері жөніндегі жергілікті атқарушы органға осы Қағидаларға 8-қосымшаға сәйкес микрокредиттердің нысаналы пайдаланылуы туралы есеп береді.

      48. Микрокредиттік қарыздың және (немесе) түпкілікті қарыз алушылардың төлем тәртібін нысаналы пайдаланылу мониторингісін бақылауды халықты жұмыспен қамту мәселелері жөніндегі жергілікті атқарушы орган қол қойылған қарыз шартының талаптары бойынша сенім білдірілген өкіл (агент) арқылы жүзеге асырады.

      Сенім білдірілген өкіл (агент) тапсырма шартында көрсетілген мерзімдерде түпкілікті қарыз алушылардың микрокредиттік қарызды нысаналы пайдалануына және олардың төлем тәртібіне мониторингті жүзеге асырады.

      Мониторингті жүзеге асыру үшін сенім білдірілген өкіл (агент) түпкілікті қарыз алушыдан мониторинг нысанасына қатысты құжаттарды және (немесе) ақпаратты сұратады.

      Сенім білдірілген өкіл (агент) мониторинг жүзеге асырылған күннен бастап 5 (бес) жұмыс күні ішінде мониторинг есебін жасайды және оны халықты әлеуметтік қорғау және жұмыспен қамту мәселелері жөніндегі жергілікті атқарушы органға жібереді.

      Мониторинг есебіне сенім білдірілген өкілдің (агенттің) бірінші басшысы не оның міндетін атқарушы тұлға қол қояды.

      48-1. Төтенше жағдайлар кезінде қарыз алушыларға төлемдерді кейінге қалдыру ұсынылады. Ағымдағы жылғы кесте бойынша барлық төлемдер шарттың қолданысын тиісті ұзарта отырып, біркелкі төлемдермен қаржыландыру мерзімі аяқталғанға дейін келесі жылдың төлемдеріне бөлінеді.

      48-2. Қарыз алушылардың кредиттері бойынша төтенше жағдайларға байланысты туындаған төлемдерді кешіктіргені үшін айыппұлдар мен өсімпұлдар есептелмейді.

2-параграф. Микрокредит беру ұйымдары арқылы қайтарымды негізде микрокредит беру тәртібі

      Ескерту. 2-параграф алып тасталды - ҚР Еңбек және халықты әлеуметтік қорғау министрінің 28.05.2026 № 207 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

3-параграф. Сенім білдірілген өкіл (агент) арқылы қайтарымды негізде микрокредит беру тәртібі

      Ескерту. 3-параграф алып тасталды - ҚР Еңбек және халықты әлеуметтік қорғау министрінің м.а. 17.04.2024 № 107 (алғашқы ресми жарияланған күнінен кейін күнтізбелік он күн өткен соң қолданысқа енгізіледі.) бұйрығымен.

Жаңа бизнес-идеяларды іске асыруға қайтарымсыз гранттар алуға өтініш

      Ескерту. 1-қосымша жаңа редакцияда - ҚР Еңбек және халықты әлеуметтік қорғау министрінің 28.05.2026 № 207 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Грант беруді сұраймын:

      1. Жобаның атауы_________________________________________.

      2. Жобаның болжамды құны _________________________ теңге.

      3. Грант алу мақсаты _______________ (анықтамалықтан таңдалады).

      4. Үміткердің жұмыспен қамту санаты (автоматты түрде қойылады).

      5. Білім деңгейі (анықтамалықтан таңдалады).

      6. Жұмыс орындарын құру бойынша жоспарлы көрсеткіш.

      7. Үміткердің әлеуметтік санаты (автоматты түрде қойылады).

      Бұрын берілген кредиттер (қарыздар) бойынша мерзімі өткен берешектің жоқтығын растаймын.

      Әзірленген бизнес-жобаны қоса беремін.

      Ескертпе:

      Қазақстан Республикасының "Дербес деректер және оларды қорғау туралы" Заңына сәйкес дербес деректерді жинауға және өңдеуге келісім беремін.

      Банктік құпияны қамтитын мәліметтерге мемлекеттік аудит және қаржылық бақылау органдарына қол жеткізуге келісім беремін.

"Бизнес-жобаның атауы" бизнес-жоба

      Жобаның бастамашысы: _________________________________________

      тегі, аты, әкесінің аты (бар болса)

      1. Жобаның бастамашысы

      2. Бизнес-жобаның мақсаты

      3. Жоба туралы қысқаша ақпарат

      4. Бизнес-жобаны іске асыру үшін қажетті тауарлардың/қызметтердің тізбесі

      Ескерту:

      Бизнес-жобаны іске асыру кезінде сатып алуды жоспарлаған тауарлар/қызметтер тізімін көрсетіңіз

      5. Көрсетілетін қызметтердің / өткізілетін өнімнің бағасы

      Ескерту:

      Сіз өндіруді/көрсетуді жоспарлап отырған тауарлардың/қызметтердің тізімін көрсетіңіз

      6. Жоғарыда көрсетілген бағаларды ескере отырып, айына кіріс

      Ескерту:

      Ұсынылатын қызметтер/сатылатын өнімдердің бағасын ескере отырып, болжалды кірісті есептеңіз

      7. Пайда болжамы

      Ескерту:

      Пайда "Жалпы кіріс – жалпы шығыс = пайда" формуласы бойынша есептеледі

      8. Нарықтағы жағдай және бәсекелестер

      9. Әлеуетті тұтынушыларды талдау

      10. Әлеуетті клиенттермен өзара әрекеттесу арналары

Жаңа бизнес-идеяларды іске асыруға грант алуға үміткердің бағалау парағы

      Үміткердің тегі, аты, әкесінің аты (бар болған жағдайда): ____________

      Бизнес-жобаның атауы: _________________

      Облыстың, ауданның атауы: ________________

      Өтінімді қарау күні: ____________________

      Комиссия мүшесінің шешімі (грант беру / грант беруден бас тарту)

      ____________________

      Комиссия мүшесінің қолы: ______________

Жаңа бизнес-идеяларды іске асыруға грант алуға үміткерлердің өтініштерін қарау жөніндегі комиссияның шешімі

      Грант алуға үміткерлердің өтініштерін қарау жөніндегі комиссия (бұдан әрі – Комиссия):

      1. Комиссия төрағасы _____________________;

      тегі, аты, әкесінің аты (бар болса)

      2. Комиссия мүшесі ____________________________;

      тегі, аты, әкесінің аты (бар болса)

      3. Комиссия мүшесі ____________________________;

      тегі, аты, әкесінің аты (бар болса)

      4. Комиссия мүшесі ____________________________;

      тегі, аты, әкесінің аты (бар болса)

      5. Комиссия мүшесі ____________________________;

      тегі, аты, әкесінің аты (бар болса)

      Жаңа бизнес-идеяларды іске асыруға арналған грантты алуға үміткер

      _________________________________________________ өтінішін және ұсынған,

      тегі, аты, әкесінің аты (бар болған жағдайда)

      құжаттарын қарап:

      Комиссия мынадай шешім қабылдады: ______________________________

      _____________________________________________________________________

      Комиссия негіздемесі (бастапқы бизнестің енгізуге әзірлігі туралы, жаңа жұмыс

      орындарын құру туралы) _______ парақта.

      Комиссия төрағасы                                           Комиссия хатшысы

      _______________________                               _______________________

      тегі, аты, әкесінің аты (бар болса)                         тегі, аты, әкесінің аты

      (бар болса)

      _______________ қолы                               _______________ қолы

      Ескерту. 5-қосымша алып тасталды - ҚР Еңбек және халықты әлеуметтік қорғау министрінің 28.05.2026 № 207 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Микрокредит алуға арналған құжаттар тізбесі

      Ескерту. 6-қосымша жаңа редакцияда - ҚР Еңбек және халықты әлеуметтік қорғау министрінің 28.05.2026 № 207 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Жастарға арналған микрокредитті алуға үміткердің бағалау парағы

      Үміткердің тегі, аты, әкесінің аты (бар болған жағдайда): ____________

      Бизнес-жобаның атауы: _________________

      Облыстың, ауданның атауы: ________________

      Өтінімді қарау күні: ____________________

      Комиссия мүшесінің шешімі (микрокредит беру / беруден бас тарту)

      ____________________

      Комиссия мүшесінің қолы: ______________

Әкімшілік деректерді жинауға арналған нысан

      Ескерту. 8-қосымша жаңа редакцияда - ҚР Еңбек және халықты әлеуметтік қорғау министрінің 28.05.2026 № 207 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ұсынылады: халықты әлеуметтік қорғау және жұмыспен қамту мәселелері жөніндегі жергілікті атқарушы органға

      Әкімшілік деректерді өтеусіз негізде жинауға арналған нысан интернет-ресурста орналастырылған: www.enbek.gov.kz

      Әкімшілік нысанның атауы: Микрокредитті нысаналы пайдалану туралы есеп

      Әкімшілік деректерді өтеусіз негізде жинауға арналған нысанның индексі: 2-МК

      Кезеңділік: ай сайын

      Есепті кезең: 20__ жылғы ________ ай

      Әкімшілік деректерді өтеусіз негізде жинауға арналған нысанды ұсынатын адамдар тобы: сенім білдірілген өкіл (агент)

      Әкімшілік деректерді өтеусіз негізде жинауға арналған нысанды ұсыну мерзімі: есепті кезеңнен кейінгі айдың 10-күніне дейін

      (деректерді жеке адамдар ұсынған жағдайда, сондай-ақ агрегирленген түрде толтырылмайды)

      Жинау әдісі: электронды түрде

      Кесте

      Кестенің жалғасы:

      Кестенің жалғасы:

      Атауы _______________________________________________________

      Мекенжайы __________________________________________________

      Телефоны ___________________________________________________

      Электрондық пошта мекенжайы __________________________________

      Орындаушы:

      _____________________________________ ________________

      (Тегі, аты, әкесінің аты (бар болса) (қолы)

      Басшы немесе қол қоюға уәкілетті адам:

      _____________________________________ ________________

      (Тегі, аты, әкесінің аты (бар болса) (қолы)

      Күні: 20__ жылғы "___"____________________.

      Мөрдің орны (бар болса)

"Микрокредитті нысаналы пайдалану туралы есеп" әкімшілік деректер нысанын толтыру жөніндегі түсініктеме 1-тарау. Жалпы ережелер

      1. Осы түсіндірме "Микрокредитті нысаналы пайдалану туралы есеп" әкімшілік деректерін жинауға арналған нысанын (бұдан әрі – Нысан) толтыру бойынша бірыңғай талаптарды айқындайды.

      2. Нысанды сенім білдірілген өкіл (агент) толтырады және халықты әлеуметтік қорғау және жұмыспен қамту мәселелері жөніндегі жергілікті атқарушы органға ұсынады.

      3. Нысан ай сайын есепті кезеңнен кейінгі айдың 10 (оныншы) күніне дейінгі мерзімде ұсынылады.

      4. Нысан мемлекеттік және орыс тілдерінде толтырылады.

      5. Нысанға тегі мен аты-жөнін көрсете отырып, басшы не оның міндетін атқаратын адам қол қояды.

2-тарау. Нысанды толтыру бойынша түсініктеме

      6. Нысан төмендегідей толтырылады:

      Нысанның 1-бағанында реттік нөмір көрсетіледі;

      Нысанның 2-бағанында кредитордың атауы көрсетіледі;

      Нысанның 3-бағанында қарыз алушының атауы көрсетіледі;

      Нысанның 4-бағанында қарыз алушының жеке сәйкестендіру нөмірі немесе бизнес сәйкестендіру нөмірі көрсетіледі;

      Нысанның 5-бағанында қарыз алушының бизнес-жобасының атауы көрсетіледі;

      Нысанның 6-бағанында қарыз алушыға микрокредит берілген күн көрсетіледі;

      Нысанның 7-бағанында микрокредиттің мерзімі көрсетіледі;

      Нысанның 8-бағанында микрокредиттің сомасы көрсетіледі;

      Нысанның 9-бағанында микрокредит бойынша сыйақы мөлшерлемесі көрсетіледі;

      Нысанның 10-бағанында қарыз қаражатының әрбір бағытының атауы мен сомасын көрсете отырып, қарыз қаражатының нысаналы мақсаты көрсетіледі;

      Нысанның 11-бағанында қарыз қаражатының әрбір бағытының атауын және сомасын көрсете отырып, қаражатты мақсатқа сай пайдалану фактісі көрсетіледі;

      Нысанның 12-бағанында бизнес-жобаның іске асырылатын орны көрсетіледі;

      Нысанның 13-бағанында ЭҚЖЖ кодын көрсете отырып, қарыз алушының бизнес-жобасы экономиканың қай саласына жататыны көрсетіледі;

      Нысанның 14-бағанында бастапқы бизнеске (стартап жобаларға) берілген микрокредиттердің сомасы көрсетіледі (теңге);

      Нысанның 15-бағанында ісін жаңа бастаған және жұмыс істеп жүрген кәсіпкерлерге берілген микрокредиттердің сомасы көрсетіледі (теңге);

      Нысанның 16-бағанында қарыз алушылар құрылған жұмыс орындарының саны көрсетіледі.

Қазақстан Республикасы Еңбек және халықты әлеуметтік қорғау министрлігінің күші жойылған кейбір бұйрықтардың тізімі

      1. "Кәсіпкерлік бастамашылыққа жәрдемдесу жөніндегі шараларды ұйымдастыру және қаржыландыру қағидаларын бекіту туралы" Қазақстан Республикасы Еңбек және халықты әлеуметтік қорғау министрінің м.а. 2022 жылғы 7 ақпандағы № 47 бұйрығы (Нормативтік құқықтық актілерді мемлекеттік тіркеу тізілімінде № 26747 болып тіркелген).

      2. "Кәсіпкерлік бастамашылыққа жәрдемдесу жөніндегі шараларды ұйымдастыру және қаржыландыру қағидаларын бекіту туралы" Қазақстан Республикасы Еңбек және халықты әлеуметтік қорғау министрі міндетін атқарушының 2022 жылғы 7 ақпандағы № 47 бұйрығына өзгерістер енгізу туралы" Қазақстан Республикасы Еңбек және халықты әлеуметтік қорғау министрінің 2022 жылғы 14 шiлдедегi № 263 бұйрығы (Нормативтік құқықтық актілерді мемлекеттік тіркеу тізілімінде № 28818 болып тіркелген).

      3. "Кәсіпкерлік бастамашылыққа жәрдемдесу жөніндегі шараларды ұйымдастыру және қаржыландыру қағидаларын бекіту туралы" Қазақстан Республикасы Еңбек және халықты әлеуметтік қорғау министрі міндетін атқарушының 2022 жылғы 7 ақпандағы № 47 бұйрығына өзгерістер мен толықтырулар енгізу туралы" Қазақстан Республикасы Еңбек және халықты әлеуметтік қорғау министрінің 2022 жылғы 29 желтоқсандағы № 536 бұйрығы (Нормативтік құқықтық актілерді мемлекеттік тіркеу тізілімінде № 31492 болып тіркелген).