"Тұрғын үй қатынастары туралы" 1997 жылғы 16 сәуірдегі Қазақстан Республикасы Заңының 10-2-бабының 10-6), 10-26) тармақшаларына және "Құқықтық актілер туралы" 2016 жылғы 6 сәуірдегі Қазақстан Республикасы Заңының 27-бабына сәйкес БҰЙЫРАМЫН:

      1. Мыналар:

      1) осы бұйрыққа 1-қосымшаға сәйкес кондоминиум объектісін басқару және кондоминиум объектісінің ортақ мүлкін күтіп-ұстау бойынша қызметтер көрсету туралы шарттың үлгілік нысаны;

      2) осы бұйрыққа 2-қосымшаға сәйкес кондоминиум объектісін басқару және кондоминиум объектісінің ортақ мүлкін күтіп-ұстау жөніндегі ай сайынғы және жылдық есептердің нысандары бекітілсін.

      2. "Кондоминиум объектісін басқару шартының үлгі нысанын бекіту туралы" Қазақстан Республикасы Ұлттық экономика министрінің 2015 жылғы 20 наурыздағы № 242 бұйрығының (Қазақстан Республикасының Нормативтік құқықтық актілерді мемлекеттік тіркеу тізілімінде № 10574 болып тіркелген, 2015 жылғы 3 маусымда "Әділет" ақпараттық-құқықтық жүйесінде жарияланған) күші жойылды деп танылсын.

      3. Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті заңнамада белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрықты Қазақстан Республикасы Индустрия және инфрақұрылымдық даму министрлігінің интернет-ресурсында орналастыруды қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасының Индустрия және инфрақұрылымдық даму вице-министріне жүктелсін.

      5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Кондоминиум объектісін басқару және кондоминиум объектісінің ортақ мүлкін күтіп-ұстау жөніндегі қызметтерді көрсету туралы шарттың үлгілік нысаны

      ______ қ.                                     _____ 20 __ жылғы "__" ________

1. Шарттың мәні мен мақсаты

      1. Осы Шарт "Тұрғын үй қатынастары туралы" 1997 жылғы 16 сәуірдегі Қазақстан Республикасының Заңын іске асыру, сондай-ақ кондоминиум объектісін басқаруды және кондоминиум объектісінің ортақ мүлкін күтіп-ұстауды қамтамасыз ету мақсатында әзірленді.

      2. Кондоминиум объектісін басқару және кондоминиум объектісінің ортақ мүлкін күтіп-ұстау бойынша құқық беру Меншік иесінің Орындаушыға мынадай ақпарат ұсынған кезде жүргізіледі:

      1) жылжымайтын мүлікке тіркелген құқықтар және меншік иесіне тиесілі объектінің техникалық сипаттамасы туралы мәліметтер;

      2) пәтер, тұрғын емес үй-жай меншік иесінің (жалдаушының) байланыс деректері;

      3) Орындаушы тиісті деңгейде кондоминиум объектісін басқаруды және кондоминиум объектісінің ортақ мүлкін күтіп-ұстауды қамтамасыз етеді. Осы Шартқа сәйкес көрсетілетін кондоминиум объектісін басқару және кондоминиум объектісінің ортақ мүлкін күтіп-ұстау жөніндегі қызметтер мен жұмыстардың тізбесі Шарттың ажырамас бөлігі болып табылатын қосымшада көрсетілген. Осы тізбе жиналыс шешімінің негізінде өзгеруі мүмкін.

      3. Шарттың қолданылу мерзімі – ______ жыл.

2. Кондоминиум объектісін басқару және кондоминиум объектісінің ортақ мүлкін күтіп-ұстау шартын жасасу негіздері

      4. Пәтер, тұрғын емес үй-жай меншік иелерінің 20__ жылғы "__" _______________ № ____ шешімі осы Шартты жасасуға негіздеме болып табылады.

3. Тараптардың міндеттері

      5. Меншік иесінің міндеттері:

      1) осы Шартқа 3-қосымшада белгіленген кондоминиум объектісін басқаруға және кондоминиум объектісінің ортақ мүлкін күтіп-ұстауға арналған шығыстарды пәтер, тұрғын емес үй-жай меншік иелерінің жиналысында бекітілген мөлшерде, есепті айдан кейінгі айдың ___ күніне дейінгі мерзімде ұсынылған шотқа сәйкес уақытылы төлеу;

      2) электрмен, жылумен, газбен, сумен жабдықтау, су бұру қондырғыларына профилактикалық және жөндеу жұмыстарын жүргізуге құқығы бар ұйымдардың лауазымды тұлғаларын аварияларды жою, инженерлік жабдықтарды, есепке алу аспаптарын қарау және бақылау үшін меншік құқығына тиесілі пәтерге, тұрғын емес үй-жайға кіргізу;

      3) электр-тұрмыстық аспаптарды және үй ішіндегі желілердің техникалық мүмкіндіктерінен артық қуаты бар машиналарды, жылыту аспаптарының қосымша секцияларын, реттейтін және жапқыш арматураларды орнатуға, қосуға және пайдалануға, коммуналдық қызметтерді жеткізуді есепке алудың қолданыстағы схемасын өзгертуге, жүйелердегі жылу көздерін тікелей мақсаты бойынша пайдаланбауға (жылыту жүйесі мен аспаптарынан суды ағызуды жүргізу) рұқсат алу;

      4) ортақ мүліктің және дара (бөлек) меншіктегі үй-жайлардың сақталуына және қауіпсіз пайдаланылуына көмек көрсету;

      5) өзіне тиесілі пәтерді, тұрғын емес үй-жайды мүліктік жалдауға (жалға) беру туралы хабардар ету;

      6) кондоминиум объектісінің ортақ мүлкін күтіп-ұстауға арналған шығыстарға қатысу;

      7) "Тұрғын үй қатынастары туралы" 1997 жылғы 16 сәуірдегі Қазақстан Республикасының Заңында көзделген міндеттерді орындау.

      6. Орындаушының міндеттері мыналарды қамтиды:

      1) пәтерлер, тұрғын емес үй-жайлар меншік иелерінің тізімін қалыптастыру;

      2) жиналыс пен үй кеңесі шешімдерінің орындалуын ұйымдастыру;

      3) жиналыс пен үй кеңесі қабылдаған шешімдер туралы ақпаратты жалпыға қолжетімді жерлерде орналастыру;

      4) коммуналдық қызметтерді ұсынатын ұйымдармен кондоминиум объектісінің ортақ мүлкін күтіп-ұстауға арналған коммуналдық қызметтерді көрсету және олардың ақысын төлеу, сондай-ақ сервистік қызмет субъектілерімен қызметтер көрсету туралы шарттар жасасу және оларды орындау;

      5) кондоминиум объектісін басқару және кондоминиум объектісінің ортақ мүлкін күтіп-ұстау мәселері бойынша пәтерлер, тұрғын емес үй-жайлар меншік иелерінің мүдделерін таныту;

      6) пәтерлер, тұрғын емес үй-жайлар меншік иелерінен және жалға берушілерден кондоминиум объектісінің ортақ мүлкін басқару жөніндегі қызметтерге жарналар, сондай-ақ кондоминиум объектісінің ортақ мүлкін күтіп-ұстауға және күрделі жөндеуге жарналар жинауды қамтамасыз ету;

      7) жиналыста ТКШ ақпараттандыру объектісіне таңдау жасалмаған жағдайды қоспағанда, барлық пәтерлер, тұрғын емес үй-жайлар меншік иелері үшін ТКШ ақпараттандыру объектілерінде кондоминиум объектісінің ортақ мүлкіне қызмет көрсететін ұйымдар және коммуналдық қызметтерді жеткізушілер туралы ақпаратты (атауы, байланыс телефоны, авариялық қызметтің телефоны) жалпыға қолжетімді жерлерде орналастыру;

      8) осы Шарттың талаптарын орындау үшін жасалған шарттардың есебін қамтамасыз ету;

      9) жиналыста ТКШ ақпараттандыру объектісіне таңдау жасалмаған жағдайды қоспағанда, барлық пәтерлердің, тұрғын емес үй-жайлардың барлық меншік иелеріне жиналыста айқындалған жалпыға қолжетімді орында, ТКШ ақпараттандыру объектілерінде ақпаратты орналастыру арқылы ағымдағы шот бойынша ақша қозғалысы және кондоминиум объектісін басқаруға және кондоминиум объектісінің ортақ мүлкін күтіп-ұстауға арналған ақшаның жұмсалуы туралы ақпаратты ай сайын беру;

      10) кондоминиум объектісінің ортақ мүлкін алдағы күрделі жөндеу, кондоминиум объектісіндегі ортақ пайдаланылатын жерлерді жөндеу туралы, инженерлік желілерді ажырату, сынау немесе олардың жұмыс режимінің басқа да өзгеруі туралы хабарлау;

      11) Шарт тоқтатылған жағдайда иелігіндегі болған КПТҮ-нің жобалау құжаттамасы (сметалық бөлімінсіз), атқарушы техникалық құжаттама, қосымшаларымен бірге объектіні пайдалануға қабылдау актісі, КПТҮ пайдалану жөніндегі нұсқаулықтар және оның технологиялық жабдығының паспорты (түпнұсқалары), КПТҮ-ге қаржылық және техникалық құжаттама мен кондоминиум объектісінің ортақ мүлкін пайдалануға және күтіп-ұстауға байланысты өзге де құжаттар көшірмелерінің, мөрдің (ол болған кезде), кондоминиум объектісі ортақ мүлкінің құрамына кіретін үй-жайлар кілттерінің, кондоминиум объектісі ортақ мүлкінің құрамына кіретін жабдыққа қол жеткізудің электрондық кодтарының және көппәтерлі тұрғын үйді пайдалану үшін қажетті өзге де техникалық құралдар мен жабдықтардың сақталуын қамтамасыз ету;

      12) "Тұрғын үй қатынастары туралы" 1997 жылғы 16 сәуірдегі Қазақстан Республикасының Заңында және Қазақстан Республикасының тұрғын үй қатынастары саласындағы өзге заңнамаларында көзделген міндеттерді орындау.

4. Тараптардың құқықтары

      7. Меншік иесі:

      1) Орындаушыдан осы Шарттың ережелерін негізге ала отырып, қызметтерді сапасыз көрсетуге немесе уақтылы көрсетпеуге байланысты ұсынылған қызметтер үшін төлемдерді қайта есептеуді талап етуге;

      2) Орындаушының кінәсінен келтірілген залалдарды өтеуді талап етуге;

      3) Үй кеңесінен жыл сайынғы және ай сайынғы есептерді алуға;

      4) Орындаушыдан банк шоттары бойынша ақшаның, кондоминиум объектісін басқаруға және кондоминиум объектісінің ортақ мүлкін күтіп-ұстауға арналған қаражаттың қозғалысы туралы ақпаратты талап етуге құқылы.

      8. Орындаушы:

      1) Үй кеңесінің келісімі бойынша осы Шартта көзделген міндеттерді орындау мақсатында жұмыстарды, көрсетілетін қызметтерді орындауға жеке және заңды тұлғалармен шарттар жасасуға;

      2) Меншік иесінің төлемдер бойынша міндеттемелерді бұзуының нәтижесінде олар келтірген шығындарды және Меншік иесі осы Шарттың талаптарын орындамағандықтан келтірілген өзге де шығындарды өтеуді талап етуге;

      3) жеке немесе заңды тұлғаның меншігіндегі пәтерде, тұрғын емес үй-жайда авариялық жағдай туындаған, басқа Меншік иелерінің мүлкін бұзу қаупі пайда болған (Меншік иелері, олардың жұмыс орны, тұрақты тұрғылықты жері немесе авария кезінде қайда болғандары туралы мәліметтер болмағанда) кезде оны өз күшімен және барлық мүмкін құралдармен жоюға;

      4) Меншік иесінен өзінің кінәсінен зақымдалған ортақ мүлікті жөндеуге жұмсалған шығындарды өтеуді талап етуге;

      5) пәтер, тұрғын емес үй-жайлар меншік иелерінің жалпы жиналысында айқындалған шарттарда берілген қызметтік үй-жайларды және олардың мақсатына сәйкес басқа да мүлікті пайдалануға;

      6) кондоминиум объектісінің ағымдағы және (немесе) жинақ шоттарындағы ақша қаражатын олардың нысаналы мақсатына және "Тұрғын үй қатынастары туралы" 1997 жылғы 16 сәуірдегі Қазақстан Республикасы Заңының талаптарына сәйкес ресімделген меншік иелері жиналысының шешіміне сай пайдалануға;

      7) тапсырыс беруші ретінде сөз сөйлеуге және конкурстық негізде көппәтерлі тұрғын үйге қызмет көрсету және оны пайдалану үшін басқарушы компанияны (мердігерді) таңдауға құқылы.

5. Тараптардың жауапкершілігі

      9. Меншік иесі осы Шарттың 5-тармағының талаптарын бұзған немесе басқа пәтерлер, тұрғын емес үй-жайлар меншік иелерінің құқықтары мен мүдделерін жүйелі түрде бұзған кезде Орындаушы Меншік иесіне ескерткеннен кейін күнтізбелік отыз күн өткеннен соң тиісті уәкілетті органға өтініш жасауға құқылы;

      Меншік иесі осы Шарттың 5-тармағының талаптарын орындамаған жағдайда ол пәтердегі, тұрғын емес үй-жайдағы авариялардың және (немесе) төтенше жағдайлардың нәтижесінде туындаған барлық салдар үшін Орындаушы мен үшінші тұлғалардың алдында жауапты болады.

      10. Орындаушы:

      осы Шарттың 6-тармағында көзделген міндеттемелерді орындамағаны немесе тиісті дәрежеде орындамағаны үшін пәтерлер, тұрғын емес үй-жайлар меншік иелерінің мен үшінші тұлғалардың алдында Қазақстан Республикасының қолданыстағы заңнамасында белгіленген жауапкершілікте болады.

6. Ерекше шарттар

      11. Орындаушы осы Шартқа қол қойылған күнінен бастап оны орындауға кіріседі.

      12. Орындаушының осы Шартта айтылмаған жұмыстарды орындауға байланысты, оның ішінде тарифтердің өзгеруіне, Орындаушының кінәсінен болмаған авариялық және (немесе) төтенше жағдайларға байланысты объективті себептер бойынша туындаған шығындарды Меншік иесі қосымша өтейді.

      13. Кондоминиум объектісін басқару және кондоминиум объектісінің ортақ мүлкін күтіп-ұстау жөніндегі қызметтер мен жұмыстардың тізбесін Тараптардың келісімі бойынша өзгерту мүмкін және осы Шартқа қосымша келісім түрінде ресімделуге жатады.

      14. Тараптар арасындағы даулар сот тәртібімен келісімге қол жеткізілмеген жағдайда, келіссөздер жолымен шешіледі.

      15. Осы Шарт қазақ және орыс тілдерінде екі данада жасалады.

7. Тараптардың қолдары мен мекенжайлары

      Меншік иесі                         Орындаушы ______________

      Т.А.Ә. _______________             Т.А.Ә., лауазымы,

      ЖСН __________                   БСН ________________

      жеке куәлігінің № ___             БСК __________________

      Мекенжайы                         Мекенжайы

      Байланыс телефоны                   Байланыс телефоны

      Электрондық мекенжайы             Электрондық мекенжайы

Кондоминиум объектісін басқару және кондоминиум объектісінің ортақ мүлкін күтіп-ұстау жөніндегі қызметтер мен жұмыстардың тізбесі

      *Ескертпе: жиналыстағы пәтер, тұрғын емес үй-жай меншік иелерінің шешімі бойынша.

Кондоминиум объектісін басқару және кондоминиум объектісінің ортақ мүлкін күтіп-ұстау жөніндегі ай сайынғы есептің үлгілік нысаны

Кондоминиум объектісін басқару және кондоминиум объектісінің ортақ мүлкін күтіп-ұстау жөніндегі ай сайынғы есеп
20___ жылғы "__"______ мен 20_ жылғы "___"_______ аралығында

      Көп пәтерлі тұрғын үйдің орналасқан жері (мекенжайы):___________________________
      ____________________________________________________________________________
      Кондоминиум объектісін басқару нысаны: _______________________________________
      (қажеттісін көрсету, мүлік иелерінің бірлестігі немесе жай серіктестік)
      Кондоминиум объектісін басқаруды жүзеге асыратын ұйымның атауы, заңды мекенжайы:
      _________________________________________________________________

      *Жинақ шотында күрделі жөндеуге жинақталған ақшаны жұмсау жиналыстың шешімі

      бойынша ғана жүзеге асырылады.

      Бухгалтер: ________________________________________________________________

      (Т.А.Ә., қолы, М.О.)

      (Т.А.Ә., қолы, М.О.)

Кондоминиум объектісін басқару және кондоминиум объектісінің ортақ мүлкін күтіп-ұстау жөніндегі жылдық есептің үлгілік нысаны

Кондоминиум объектісін басқару және кондоминиум объектісінің ортақ мүлкін күтіп-ұстау жөніндегі жылдық есеп
20___ жылғы "__"______ мен 20_ жылғы "___"_______ аралығында

      Көп пәтерлі тұрғын үйдің орналасқан жері (мекенжайы):
      ___________________________________________________________________________
      Кондоминиум объектісін басқару нысаны: _______________________________________
      (қажеттісін көрсету, мүлік иелерінің бірлестігі немесе жай серіктестік)
      Кондоминиум объектісін басқаруды жүзеге асыратын ұйымның атауы, заңды мекенжайы:
      ___________________________________________________________