"Ақпараттандыру туралы" Қазақстан Республикасы Заңының 7-бабы 19) тармақшасына сәйкес БҰЙЫРАМЫН:

      1. Қоса беріліп отырған инвестициялық ұсыныстарға, бюджеттік инвестициялардың қаржылық-экономикалық негіздемелеріне ақпараттандыру саласындағы сараптаманы жүргізу қағидалары осы бұйрықтың қосымшасына сәйкес бекітілсін.

      2. "Инвестициялық ұсыныстарға, бюджеттік инвестициялардың техникалық-экономикалық негіздемелеріне және қаржылық-экономикалық негіздемелеріне ақпараттандыру саласындағы сараптама жүргізу қағидаларын бекіту туралы" Қазақстан Республикасы Инвестициялар және даму министрінің міндетін атқарушының 2016 жылғы 28 қаңтардағы № 122 бұйрығының (Нормативтік құқықтық актілерді мемлекеттік тіркеу тізілімінде № 13322 болып тіркелген, 2016 жылғы 10 наурызда "Әділет" ақпараттық-құқықтық жүйесінде жарияланған) күші жойылды деп танылсын.

      3. Қазақстан Республикасы Цифрлық даму, инновациялар және аэроғарыш өнеркәсібі министрлігінің Цифрландыру департаменті:

      1) осы бұйрықты Қазақстан Республикасының Әділет министрлігінде мемлекеттік тіркеуді;

      2) осы бұйрықты мемлекеттік тіркелген күннен бастап күнтізбелік он күн ішінде қазақ және орыс тілдерінде ресми жариялау үшін Қазақстан Республикасы Әділет министрлігінің "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына және Қазақстан Республикасы нормативтік құқықтық актілерінің эталондық бақылау банкіне енгізу үшін жіберуді;

      3) осы бұйрықты Қазақстан Республикасы Цифрлық даму, инновациялар және аэроғарыш өнеркәсібі министрлігінің интернет-ресурсына орналастыруды;

      4) осы бұйрық мемлекеттік тіркелгеннен кейін күнтізбелік он күн ішінде Қазақстан Республикасы Цифрлық даму, инновациялар және аэроғарыш өнеркәсібі министрлігінің Заң департаментіне осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасының Цифрлық даму, инновациялар және аэроғарыш өнеркәсібі вице-министріне жүктелсін.

      5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгiзiледi.

Инвестициялық ұсыныстарға, бюджеттік инвестициялардың қаржылық-экономикалық негіздемелеріне ақпараттандыру саласындағы сараптаманы жүргізу қағидалары

1-тарау. Жалпы ережелер

      1. Осы Инвестициялық ұсыныстарға, бюджеттік инвестициялардың қаржылық-экономикалық негіздемелеріне ақпараттандыру саласындағы сараптаманы жүргізу қағидалары (бұдан әрі – Қағидалар) "Ақпараттандыру туралы" Қазақстан Республикасы Заңының (бұдан әрі – Заң) 7-бабы 19) тармақшасына сәйкес әзірленді және ақпараттандыру саласындағы инвестициялық ұсыныстарға, бюджеттік инвестициялардың қаржылық-экономикалық негіздемелеріне (бұдан әрі – ҚЭН) сараптама (бұдан әрі – сараптама) жүргізу тәртібін белгілейді.

      2. Осы Қағидаларда мынадай негізгі ұғымдар пайдаланылады:

      1) ақпараттандыру және ақпараттық қауіпсіздікті қамтамасыз ету салаларындағы бюджеттік инвестициялардың қаржылық-экономикалық негіздемелеріне қорытынды – бюджеттік инвестициялардың қаржы-экономикалық негіздемелерінің әкімшілері ұсынған жобаның мақсаттылығына, пайдаланылатын техникалық шешімдердің оңтайлығына, "электрондық үкіметтің" сервистік интеграторы және мемлекеттік техникалық қызмет сараптамаларының қорытындылары негізінде жүргізілетін ақпараттық қамтамасыз ету нысанына ақпараттандыру саласындағы уәкілетті органның кешендік бағасы;

      2) ақпараттандыру және ақпараттық қауіпсіздікті қамтамасыз ету салаларындағы инвестициялық ұсыныстарға қорытынды – инвестициялық ұсыныстардың бюджеттік бағдарламаларының әкімшілері ұсынған жобаның мақсаттылығына, пайдаланылатын техникалық шешімдердің оңтайлығына, "электрондық үкіметтің" сервистік интеграторы және мемлекеттік техникалық қызмет сараптамаларының қорытындылары негізінде жүргізілетін ақпараттық қамтамасыз ету нысанына ақпараттандыру саласындағы уәкілетті органның кешендік бағасы;

      3) ақпараттандыру саласындағы инвестициялық ұсыныс (бұдан әрі – инвестициялық ұсыныс) – ақпараттандыру объектісін құруға және дамытуға арналған инвестициялық ұсыныс;

      4) бюджеттік бағдарламалар әкімшісі (бұдан әрі – әкімші) – бюджеттік бағдарламаларды жоспарлауға, негіздеуге, іске асыруға және нәтижелерге қол жеткізуге жауапты мемлекеттік орган;

      5) мемлекеттік техникалық қызмет – Қазақстан Республикасы Үкіметінің шешімі бойынша құрылған акционерлік қоғам;

      6) реинжиниринг – ұйым қызметінің тиімділігін, сапасын және нәтижелілігін арттыру мақсатында ағымдағы жұмыс процесін қайта өзгерту;

      7) "электрондық үкіметтің" архитектурасы – тиісті салалар (аялар) бөлінісінде мемлекеттік басқарудың міндеттерін, функцияларын қоса алғанда, "электрондық үкіметтің" ақпараттандыру объектілерінің цифрлық нысандағы сипаттамасы;

      8) "электрондық үкiметтiң" сервистік интеграторы – "электрондық үкіметтің" архитектурасын дамытуды әдістемелік қамтамасыз ету жөніндегі функциялар, сондай-ақ Заңда көзделген өзге де функциялар жүктелген, Қазақстан Республикасының Үкiметi айқындайтын заңды тұлға.

      3. Ақпараттандыру және ақпараттық қауіпсіздікті қамтамасыз ету салаларындағы уәкілетті органға (бұдан әрі – уәкілетті орган):

      бюджеттiк инвестициялық жобалар бойынша "электрондық үкіметтің" ақпараттандыру объектісін құру мен дамытуға арналған техникалық тапсырма қоса беріле отырып, инвестициялық ұсыныс енгізіледі;

      заңды тұлғалардың жарғылық капиталына мемлекеттің қатысуы арқылы бюджеттік инвестициялар бойынша инвестициялық ұсыныстар, бюджеттік инвестициялардың ҚЭН-і енгізіледі;

      мемлекеттік-жекешелік әріптестік жобалары, оның ішінде концессиялық жобалар бойынша инвестициялық ұсыныс немесе Қазақстан Республикасының мемлекеттік-жекешелік әріптестік саласындағы заңнамаға сәйкес бизнес-жоспар, конкурстық құжаттама енгізіледі.

      4. Инвестициялық ұсыныстың құжаттарын өткізу және сараптамасын жүргізу, бюджеттік инвестицияның ҚЭН электрондық құжаттар нысанындағы "электрондық үкіметтің" архитектуралық порталы (бұдан әрі – архитектуралық портал) арқылы жүзеге асырылады.

      "Қазақстан Республикасының кейбір заңнамалық актілеріне қорғаныс және аэроғарыш өнеркәсібі, ақпараттандыру саласындағы ақпараттық қауіпсіздік мәселелері бойынша өзгерістер мен толықтырулар енгізу туралы" Қазақстан Республикасы Заңының 2-бабы 2-тармағында көрсетілген түзетілген техникалық-экономикалық негіздемелер бойынша ақпараттандыру саласындағы сараптама бюджеттік инвестицияның ҚЭН үшін көзделген тәртіпте жүзеге асырылады.

      5. Әкімшіні құжаттардың қабылданғаны туралы хабардар ету, әкімшімен, сервистік интегратормен, мемлекеттік техникалық қызметпен, уәкілетті органмен құжаттар алмасу архитектуралық портал арқылы жүзеге асырылады.

2-тарау. Инвестициялық ұсыныстардың сараптамасын жүргізу тәртібі

      6. Инвестициялық ұсыныстарды әкімші уәкілетті органға ақпараттандыру және ақпараттық қауіпсіздікті қамтамасыз ету саласындағы қорытындыларды алу үшін жібереді.

      7. Инвестициялық ұсынысты әзірлеу немесе түзету Қазақстан Республикасы Ұлттық экономика министрінің 2014 жылғы 5 желтоқсандағы № 129 бұйрығымен бекітілген (Нормативтік құқықтық актілерді мемлекеттік тіркеу тізілімінде № 9938 болып тіркелген) Мемлекеттік инвестициялық жобаның инвестициялық ұсынысын әзірлеу немесе түзету, оған қажетті сараптамаларды жүргізу, сондай-ақ бюджеттік инвестицияларды жоспарлау, қарау, іріктеу, іске асырылуын мониторингілеу, бағалау және бюджеттік инвестициялардың орындылығын айқындау қағидаларына сәйкес жүзеге асырылады (бұдан әрі – Мемлекеттік инвестициялық жобаның инвестициялық ұсынысын әзірлеу немесе түзету, қажетті сараптамаларды жүргізу, сондай-ақ бюджеттік инвестицияларды жоспарлау, қарау, іріктеу, мониторингтеу және іске асырылуын бағалау қағидалары).

      Егер әкімші инвестициялық ұсыныстарды бюджеттік инвестициялық жобалар арқылы іске асыруды көздесе инвестициялық ұсынысқа "электрондық үкіметтің" ақпараттандыру объектісін құруға және дамытуға арналған техникалық тапсырма электрондық форматта келісуге бір мезгілде жіберіледі, оларды жасау және қарау Заңның 7-бабы 20) тармақшасында бекітілетін қағидаларға сәйкес жүзеге асырылады.

      "Электрондық үкіметтің" ақпараттандыру объектілерін құруға және дамытуға арналған техникалық тапсырманы қарау нәтижесінде пысықтауға жіберіліп жатқан қорытынды инвестициялық ұсынысқа теріс қорытынды беру үшін негіз болып табылмайды.

      8. Инвестициялық ұсынысты уәкілетті орган келіп түскен күннен бастап он бес жұмыс күнінен аспайтын мерзімде қарайды.

      9. Уәкілетті орган 3 (үш) жұмыс күні ішінде ұсынылған инвестициялық ұсынысын толықтығын Мемлекеттік инвестициялық жобаның инвестициялық ұсынысын әзірлеу немесе түзету, қажетті сараптамаларды жүргізу, сондай-ақ бюджеттік инвестицияларды жоспарлау, қарау, іріктеу, мониторингтеу және іске асырылуын бағалау қағидаларына сәйкес тексереді.

      Ұсынылған инвестициялық ұсыныс толық болған жағдайда сараптама жүргізуге "электрондық үкіметтің" сервистік интеграторына (бұдан әрі – сервистік интегратор) және мемлекеттік техникалық қызметке жіберіледі.

      Ұсынылған инвестициялық ұсыныс толық болмаған жағдайда осы тармақтың бірінші бөлігінде көрсетілген мерзім ішінде қайтару себептері көрсетіле отырып, әкімшіге қайтарылады.

      10. Инвестициялық ұсынысты сервистік интегратор және мемлекеттік техникалық қызмет алған күннен бастап он екі жұмыс күні ішінде сараптама жүргізеді.

      11. Сервистік интегратор инвестициялық ұсыныстың сараптамасын:

      1) осы Қағидаларға;

      2) Заңның 7-бабы 10) тармақшасында бекітілген "электрондық үкіметтің" архитектурасын дамыту бойынша талаптарға;

      3) Заңның 6-бабы 3) тармақшасында бекітілген ақпараттық – коммуникациялық технологиялар және ақпараттық қауіпсіздікті қамтамасыз ету саласындағы бірыңғай талаптарға;

      4) "электрондық үкіметтің" архитектурасына;

      5) "электрондық үкіметтің" ақпараттандыру объектілерін құру және дамыту кезінде көп рет пайдалануға жататын стандартты шешімдерді пайдалану мүмкіндігіне;

      6) "электрондық үкіметтің" ақпараттандыру объектілерін құруға және дамытуға бағытталған бюджеттік инвестициялық жобаның жүзеге асырылуы мен тиімділігін айқындау, шығыстарды есептеулер негіздемесін бағалау, тұрғысынан бағалауға;

      7) осы Қағидаларға 1-қосымшаға сәйкес инвестициялық ұсынысты, бюджеттік инвестициялардың қаржылық-экономикалық негіздемелеріні бағалау өлшемшарттарына;

      8) инвестициялық ұсыныста белгіленген техникалық-экономикалық параметрлеріне сәйкес жүргізеді.

      11-1. Сервистік интегратор инвестициялық ұсыныстар сараптамаға қайта келіп түскен кезде сараптаманы осы Қағидалардың 10-тармағында көрсетілген мерзімге сәйкес өтеусіз негізде жүргізеді.

      12. Мемлекеттік техникалық қызмет инвестициялық ұсыныстың Заңның 6-бабының 3) тармақшасына сәйкес бекітілетін ақпараттық-коммуникациялық технологиялар және ақпараттық қауіпсіздікті қамтамасыз ету саласындағы бірыңғай талаптарға сәйкестігіне сараптама жүргізеді.

      12-1. Мемлекеттік техникалық қызмет инвестициялық ұсыныстар сараптамаға қайта келіп түскен кезде сараптаманы осы Қағидалардың 10-тармағында көрсетілген мерзімге сәйкес өтеусіз негізде жүргізеді.

      13. Уәкілетті орган сервистік интегратор мен мемлекеттік техникалық қызметтен сараптама қорытындыларын алған күннен бастап 2 (екі) жұмыс күні ішінде осы Қағидаларға 2-қосымшаға сәйкес инвестициялық ұсынысқа ақпараттандыру және ақпараттық қауіпсіздікті қамтамасыз ету саласындағы қорытындыны дайындайды және оны әкімшіге жібереді.

3-тарау. Бюджеттік инвестициялар қаржылық-экономикалық негіздемелеріне ақпараттандыру саласында сараптама жүргізу тәртібі

      14. Әкімші бюджеттік инвестициялардың ҚЭН-ін уәкілетті органға мынадай құжаттарды қоса жібереді:

      1) әкімшінің салалық қорытындысы;

      2) мемлекеттік жоспарлау жөніндегі уәкілетті орган берген инвестициялық ұсынысқа оң экономикалық қорытындысы.

      15. Бюджеттік инвестициялардың ҚЭН-інде ақпараттандыру және ақпараттық қауіпсіздікті қамтамасыз ету саласындағы қорытындылар, құжаттардың толық пакеті келіп түскен күннен бастап жиырма жұмыс күнінен кешіктірілмей беріледі.

      16. Уәкілетті орган бюджеттік инвестициялардың ҚЭН-ін алған күннен бастап 3 (үш) жұмыс күні ішінде ұсынылған құжаттардың толықтығын тексереді.

      Құжаттардың толық пакеті ұсынылған жағдайда сараптама жүргізу үшін уәкілетті орган бюджеттік инвестициялар ҚЭН-ін сервистік интеграторға және мемлекеттік техникалық қызметке жібереді.

      Құжаттарының толық пакеті ұсынылмаған жағдайда, бюджеттік инвестициялар ҚЭН-і осы тармақтың бірінші бөлігінде көрсетілген мерзім ішінде қайтару себептері көрсетіле отырып, әкімшіге қайтарылады.

      17. Сервистік интегратор және мемлекеттік техникалық қызмет бюджеттік инвестициялар ҚЭН-і жобасын алған күннен бастап он бес жұмыс күні ішінде оған сараптама жүргізеді.

      17-1. Сервистік интегратор және мемлекеттік техникалық қызмет бюджеттік инвестициялар ҚЭН-і жобасы сараптамаға қайта келіп түскен кезде сараптаманы осы Қағидалардың 17-тармағында көрсетілген мерзімде, өтеусіз негізде жүргізеді.

      18. Сервистік интегратор осы Қағидалардың 11-тармағының 1)-7)-тармақшаларына сәйкес бюджеттік инвестициялардың ҚЭН-іне сараптама жүргізеді.

      19. Мемлекеттік техникалық қызмет осы Қағидалардың 12-тармағына сәйкес бюджеттік инвестициялар ҚЭН жобасына сараптама жүргізеді.

      20. Уәкілетті орган сервистік интегратор мен мемлекеттік техникалық қызметтен сараптама қорытындыларын алған күннен бастап 7 (жеті) жұмыс күнінен кешіктірмей, осы Қағидаларға 3-қосымшаға сәйкес нысан бойынша бюджеттік инвестициялардың ҚЭН-іне ақпараттандыру және ақпараттық қауіпсіздікті қамтамасыз ету саласындағы қорытындыны дайындайды және оны әкімшіге жібереді.

Инвестициялық ұсынысты, бюджеттік инвестициялардың қаржылық-экономикалық негіздемелеріні бағалау өлшемшарттары

      Ескерту. 1-қосымшаға өзгеріс енгізілді – ҚР Цифрлық даму, инновациялар және аэроғарыш өнеркәсібі министрінің 30.09.2022 № 359/НҚ (алғашқы ресми жарияланған күнінен кейін күнтізбелік он күн өткен соң қолданысқа енгiзiледi) бұйрығымен.

Инвестициялық ұсынысқа ақпараттандыру және ақпараттық қауіпсіздікті қамтамасыз ету саласындағы қорытынды

      Ескерту. 2-қосымшаға өзгеріс енгізілді – ҚР Цифрлық даму, инновациялар және аэроғарыш өнеркәсібі министрінің 30.09.2022 № 359/НҚ (алғашқы ресми жарияланған күнінен кейін күнтізбелік он күн өткен соң қолданысқа енгiзiледi) бұйрығымен.

      1. Қарауға ұсынылған құжаттар: ____________________________________

      ________________________________________________________________

      ________________________________________________________________

      ________________________________________________________________

      ________________________________________________________________

      ________________________________________________________________

      ________________________________________________________________

      2. Инвестициялық ұсынысты қарау кезінде назарға алынған құжаттар:

      ________________________________________________________________

      ________________________________________________________________

      ________________________________________________________________

      ________________________________________________________________

      ________________________________________________________________

      3. Пайдаланылатын қысқартулар:

      ________________________________________________________________

      ________________________________________________________________

      ________________________________________________________________

      ________________________________________________________________

      4. Жобаның қысқаша сипаттамасы:

      ________________________________________________________________

      ________________________________________________________________

      ________________________________________________________________

      ________________________________________________________________

      ________________________________________________________________

      5. Тұжырымдар.

Бюжеттік инвестициялардың қаржылық-экономикалық негіздемесіне ақпараттандыру және ақпараттық қауіпсіздікті қамтамасыз ету салаларындағы қорытынды

      Ескерту. 3-қосымшаға өзгеріс енгізілді – ҚР Цифрлық даму, инновациялар және аэроғарыш өнеркәсібі министрінің 30.09.2022 № 359/НҚ (алғашқы ресми жарияланған күнінен кейін күнтізбелік он күн өткен соң қолданысқа енгiзiледi) бұйрығымен.

      1. Қарауға ұсынылған құжаттар: ____________________________________

      ________________________________________________________________

      ________________________________________________________________

      ________________________________________________________________

      ________________________________________________________________

      ________________________________________________________________

      2. Жобаның бюджеттік инвестицияларының ҚЭН-ін қарау кезінде назарға алынған құжаттар:

      ________________________________________________________________

      ________________________________________________________________

      ________________________________________________________________

      3. Қолданылатын қысқартулар: _____________________________________

      ________________________________________________________________

      ________________________________________________________________

      ________________________________________________________________

      4. Жобаның қысқаша сипаттамасы: _________________________________

      ________________________________________________________________

      ________________________________________________________________

      ________________________________________________________________

      ________________________________________________________________

      ________________________________________________________________

      5. Бюджеттік инвестициялардың ҚЭН-інің осы қағидаға сәйкестігін тексеру.

      6. Бюджеттік инвестициялардың ҚЭН-інің құрылымы мен мазмұнын ескере отырып, бюджеттік инвестициялардың техникалық-экономикалық негіздемесін және ҚЭН-ніне мынадай ескертулер бойынша түзету жүргізу:

      7. Тұжырымдар.