БҰЙЫРАМЫН:

      1. "Ветеринариялық (ветеринариялық-санитариялық) қағидаларды бекіту туралы" Қазақстан Республикасы Ауыл шаруашылығы министрінің 2015 жылғы 29 маусымдағы № 7-1/587 бұйрығына (Нормативтік құқықтық актілерді мемлекеттік тіркеу тізілімінде № 11940 болып тіркелген, 2015 жылғы 30 қыркүйекте "Әділет" ақпараттық-құқықтық жүйесінде жарияланған) мынадай өзгерістер мен толықтырулар енгізілсін:

      көрсетілген бұйрықпен бекітілген Ветеринариялық (ветеринариялық-санитариялық) қағидаларда:

      2-тармақ мынадай редакцияда жазылсын:

      "1) ауру жануар – жануардан немесе жануарды сою кезінде (лимфа түйіндерін және ішкі (паренхиматозды) органдарды зерттеу) немесе түсіктен алынған биологиялық (патологиялық) материалды серологиялық, бактериологиялық әдістермен немесе полимеразды-тізбектік реакциямен (бұдан әрі – ПТР) зерттеу нәтижесінде анықталған, ағзасында ауру қоздырғышы табылған жануар;

      2) вакциналанатын саламатты эпизоотологиялық бірлік – диагностикалық зерттеулердің топтық теріс нәтижесіне қол жеткізілген, бруцеллез инфекциясының бар екендігін білдіретін басқа белгілер жоқ, бірақ қоздырғыштың ену қаупі бар және осыған байланысты вакциналау жүргізілген эпизоотологиялық бірлік (үйір, мал тобы, отар, табын);

      3) қосымша диагностикалық зерттеулер – ПТР әдісімен зерттеу немесе биологиялық сынамамен (бұдан әрі – биосынама) бактериологиялық зерттеу жүргізу нәтижесінде эпизоотологиялық бірліктің саламатсыздық мәртебесі анықталмаған, бірақ алғашқы диагностикалық зерттеулер нәтижелері бойынша бруцеллезге оң нәтиже берген жануарлар бар, бруцеллезге қарсы вакцина қолдана отырып сауықтырылған эпизоотологиялық бірліктегі жануарлар басына зертханалық бақылау жүргізу.

      Бұл жағдайларда жануарларды қосымша диагностикалық зерттеу шектеу іс-шараларын енгізе отырып, ветеринариялық режимді белгілеудің баламасы ретінде енгізілетін шара болып табылады.

      4) қосымша диагностикалық зерттелетін саламатты эпизоотологиялық бірлік – алғашқы және екінші диагностикалық зерттеулердің қорытындысы бойынша оң нәтиже берген жануарлары бар эпизоотологиялық бірлік немесе бруцеллезге қарсы вакцина қолдана отырып сауықтырылған эпизоотологиялық бірлік;

      5) мал қорымы (биотермиялық шұңқыр) – эпизоотиядан өлген немесе таралуының алдын алу мақсатында сойылған ауыл шаруашылығы және үй жануарларының өлекселерін ұзақ мерзімді сақтауға арналған орын. Сібір жарасы көмінділері қорғау мен есепке алудың ерекше мәртебесіне ие;

      6) саламатсыз пункт – аумағында саламатсыз эпизоотологиялық бірлік бар елді мекен;

      7) саламатсыз эпизоотологиялық бірлік – ауру жануар анықталған үйір, мал тобы, отар, табын;

      8) саламатты пункт – ауру жануар және оң нәтиже берген жануар анықталмаған эпизоотологиялық бірлік (үйір, мал тобы, отар, табын), саламатты шаруашылық субъектісі және саламатты елді мекен;

      9) шаруашылық жүргізуші субъект – жануарлар өсірумен айналысатын жеке және заңды тұлғалар;

      10) эпизоотологиялық бірлік – эпизоотиялық тұрғыдан байланысты, бір жерде (бір өрісте, жайылымда және басқа жерлерде) болуы себепті ауру қоздырғыштың әсер етуі тәуекеліне ұшырау ықтималдығы бірдей жануарлар тобы (үйір, мал тобы, отар, табын).";

      85-тармақ мынадай редакцияда жазылсын:

      "85. Рикетсиоздар бойынша эпизоотиялық жай-күйді бақылау үшін ветеринария саласындағы мамандар және халықтың санитариялық-эпидемиологиялық саламаттылығы саласындағы мамандар саламатсыз аумақтарда кеміргіштерді аулап, кенелерді жинап, оларды рикетсиоздар қоздырғыштарын тасып жүруіне диагностикалық зерттеу жүргізеді, аурудың табиғи ошақтарын қатаң есепке алады.";

      99-тармақ мынадай редакцияда жазылсын:

      "99. Халықтың санитариялық-эпидемиологиялық саламаттылығы саласындағы мамандар:

      1) жануарларға қызмет көрсететін персоналға тұрақты түрде медициналық қадағалау жүргізеді;

      2) халық пен мал шаруашылығы жұмыскерлері арасында туберкулездің зияны мен зардаптары, жеке профилактика және онымен күресу туралы түсіндірме жұмысын жүргізуді тұрақты негізде ұйымдастырады.";

      101-тармақ мынадай редакцияда жазылсын:

      "101. Адамдар туберкулезінің профилактикасы және оларды емдеу бойынша санитариялық-эпидемиологиялық және басқа да арнайы іс-шараларды, сондай-ақ, осы іс-шаралардың орындалуын бақылауды халықтың санитариялық-эпидемиологиялық саламаттылығы саласындағы мамандар жүзеге асырады.";

      мынадай мазмұндағы 212-1-тармақпен толықтырылсын:

      "212-1. Нодулярлы дерматиттің пайда болуының алдын алу мақсатында ветеринариялық-санитариялық саламатты аумақта іс-шаралар жүргізу кезінде Қазақстан Республикасында және (немесе) Еуразиялық экономикалық одаққа мүше мемлекеттерде тіркелген препараттармен жануарларды вакциналауға жол беріледі.";

      мынадай мазмұндағы 214-1-тармақпен толықтырылсын:

      "214-1. Нодулярлы дерматит кезінде мынадай іс-шаралар жүргізіледі:

      ауру және ауруға күдікті жануарларды жедел оқшаулау;

      Қазақстан Республикасында және (немесе) Еуразиялық экономикалық одаққа мүше мемлекеттерде тіркелген дезинсекциялық құралдарды пайдалана отырып, қансорғыш жәндіктермен күресу;

      қора-жайларды, серуендеу алаңдарын және жануарлар топтасатын басқа да орындарды дезинфекциялау.";

      мынадай мазмұндағы 215-1-тармақпен толықтырылсын:

      "215-1. Эпизоотиялық ошақта және нодулярлы дерматит бойынша саламатсыз пунктте іс-шаралар жүргізу кезінде Қазақстан Республикасында және (немесе) Еуразиялық экономикалық одаққа мүше мемлекеттерде тіркелген препараттармен жануарларды вакциналауға жол беріледі.";

      425-тармақ мынадай редакцияда жазылсын:

      "425. Ветеринариялық бақылау бекеттерінің мемлекеттік ветеринариялық-санитариялық инспекторлары тиісті әкімшілік-аумақтық бірліктің мемлекеттік ветеринариялық-санитариялық инспекторларымен бірлесіп, шошқалардың африкалық обасы бойынша саламаттылығына қарамастан, шет мемлекеттерден келген теңіз және өзен кемелерінен, ұшақтардан, вагон-мейрамханалардан, рефрижераторлардан және басқа да көлік құралдарынан түсірілген қоқыстың, тамақ және басқа да қалдықтардың жиналуына және залалсыздандырылуына бақылау жүргізеді. Бұл қалдықтар тиісті әкімшілік-аумақтық бірліктің бас мемлекеттік ветеринариялық-санитариялық инспекторымен және халықтың санитариялық-эпидемиологиялық саламаттылығы саласындағы уәкілетті органмен келісім бойынша қаланың қоқыс тастайтын жерлерінен тыс арнайы жабдықталған орында өртеу арқылы жойылуы тиіс.";

      775-тармақ мынадай редакцияда жазылсын:

      "775. Шошқа мен аңдар ұшаларының бұлшықет сынамаларында трихинелл личинкалары табылған жағдайда, аталған ұшалар ет-сүйек ұнына өңделеді немесе өртеледі, оларды жерге көмуге жол берілмейді. Жануарлар арасында трихинеллез қоздырғышының табылғаны туралы тиісті ақпарат халықтың санитариялық-эпидемиологиялық саламаттылығы саласындағы уәкілетті органның аумақтық бөлімшесіне беріледі.";

      99-тараудың атауы мынадай редакцияда жазылсын:

      "99-тарау. Бруцеллез бойынша ветеринариялық іс-шараларды жүргізу тәртібі";

      99-тараудың 1, 2, 3, 4 және 5-параграфтары мынадай редакцияда жазылсын:

"1-параграф. Жануарлар бруцеллезінің диагностикасы жөніндегі ветеринариялық іс-шараларды жүргізу тәртібі

      1079. Бруцеллезге диагноз қою үшін эпизоотологиялық, клиникалық, серологиялық, бактериологиялық әдістерді (биосынама қоя отырып) және ПТР қолданады.

      1080. Жануарларды бруцеллезге диагностикалық зерттеу жүргізу кезінде Дүниежүзілік жануарлар саулығы ұйымы (бұдан әрі – ХЭБ) ресми түрде ұсынған мынадай серологиялық тестілерді қолданады: комплементті байланыстыру реакциясы немесе комплементті ұзақ байланыстыру реакциясы – CF (КБР/КҰБР), Бруцелланың буферден тыс антигенімен тест – ВВАТ (ПРА/РБС), иммундық ферментті талдау – Elіsa (ИФТ) және флуоресцентті поляризация – FPA (ФПА). Бруцеллез бойынша табынның (отардың) мәртебесін анықтау үшін бактериологиялық (биосынама қоя отырып) әдіс немесе ПТР қолданылады.

      1081. Овис Бруцелласы тудыратын ауруға күдіктенген кезде ұсақ малды овистік антигені бар КҰБР-мен немесе ИФТ-мен зерттейді. Түсіктер болған кезде биосынама қоя отырып, бактериологиялық зерттеулер немесе ПТР жүргізеді.

      1082. Бактериологиялық зерттеуді (биосынама қоюды қоса алғанда) немесе ПТР-ны бруцеллез ауруына күдік тудыратын клиникалық белгілері бар жануарлардан алынған патологиялық материалдарға, сондай-ақ серологиялық мониторинг кезінде диагнозды растау үшін мәжбүрлі түрде өлтірілген жануардан алынған материалға жүргізеді. Ветеринариялық зертханаға трихомонозға, кампилобактериозға, сальмонеллезге, лептоспирозға, хламидиоздық іш тастауға, листериозға, иерсиниозға зерттелуге келіп түскен түсіктер міндетті түрде бруцеллезге зерттелуі тиіс.

2-параграф. Бруцеллез бойынша саламатты пункттерде, эпизоотологиялық бірліктерде ветеринариялық іс-шараларды жүргізу тәртібі

      1083. Саламатты пункте, эпизоотологиялық бірлікте қосымша зертханалық зерттеулерді, вакциналауды қоса алғандағы ветеринариялық іс-шаралар Бруцеллезге қарсы ветеринариялық-профилактикалық іс-шаралар жоспарына (бұдан әрі – Жоспар) сәйкес жүргізіледі.

      1084. Жоспарды ЖАО құрған ветеринариялық пункттерімен (бұдан әрі – ВП) мемлекеттік ветеринариялық ұйымдардың (бұдан әрі – МВҰ) ветеринариялық мамандары құрады. Әрбір ВП немесе МВҰ бойынша эпизоотологиялық бірліктерді қамтитын бір Жоспар құрылуы тиіс.

      1085. Ауыл шаруашылығы құралымдарының, шаруа, фермерлік қожалықтардың (бұдан әрі – АШТӨ, ШҚ, ФҚ) ветеринариялық дәрігерлері өздері қызмет көрсететін эпизоотологиялық бірліктерге арналған өздерінің Жоспарын өздері әзірлей алады және бұл жоспар осы АШТӨ, ШҚ, ФҚ орналасқан аумақтағы МВҰ-ның, ВП-ның Жоспарының құрамдас бөлігі болып табылады.

      1086. Жеке қосалқы шаруашылықтар үшін профилактикалық іс-шараларды МВҰ-ның, ВП-ның осы эпизоотологиялық бірлікке қызмет көрсететін ветеринариялық дәрігерлері құрады және ол міндетті түрде МВҰ-ның, ВП-ның Жоспарының құрамдас бөлігі болып табылады. Жоспарда барлық іс-шаралар эпизоотологиялық бірліктер бойынша бөлінеді. Эпизоотологиялық бірліктердің саны өзгерген жағдайда, ветеринариялық дәрігер Жоспарға өзгеріс енгізеді.

      Әрбір ВП Жоспарды МВҰ-ға жолдайды. МВҰ ауданға арналған жиынтық Жоспарды жасайды және аудандағы ЖАО-ның ветеринария саласындағы қызметті жүзеге асыратын бөлімшесімен бірлесіп бекітеді.

      Аудандағы МВҰ-ның ветеринария саласындағы қызметті жүзеге асыратын бөлімшесі Жоспарды облыстағы ЖАО-ның ветеринария саласындағы қызметті жүзеге асыратын бөлімшесіне жолдайды. Аудандағы, облыстағы ЖАО-ның ветеринария саласындағы қызметті жүзеге асыратын бөлімшелері тиісінше ветеринария саласындағы уәкілетті орган ведомствосының аудандағы, облыстағы аумақтық бөлімшелеріне келісуге жолдайды. Облыстағы, республикалық маңызы бар қалалардағы, астанадағы ЖАО-ның ветеринария саласындағы қызметті жүзеге асыратын бөлімшесі Жоспарды ветеринария саласындағы уәкілетті органның ведомствосына облыс әкімінің жетекшілік ететін орынбасарының қолымен жолдайды. Ветеринария саласындағы уәкілетті органның ведомствасы облыстардың, республикалық маңызы бар қалалардың, астананың Жоспарларының негізінде ветеринария саласындағы уәкілетті орган ведомствосының төрағасы бекітетін және ветеринария саласындағы уәкілетті органның жетекшілік ететін вице-министрімен келісілетін республикалық Жоспарды әзірлейді.

      1087. Республика, облыс, республикалық маңызы бар қала, астана, аудан, облыстық маңызы бар қала деңгейіндегі Жоспар эпизоотологиялық бірліктер саны мен олардың саламаттылық мәртебесі көрсетілген іс-шаралар тізбесін құрауы тиіс және мынадай үш бөлімді:

      1) ұйымдастырушылық-шаруашылық іс-шараларды (жануарларды бірдейлендіру, эпизоотологиялық бірліктерді, қажетті объектілер болған жағдайда жануарларды мал шаруашылығы технологиясымен күтіп-бағу жағдайын қалыптастыру);

      2) ветеринариялық-санитариялық іс-шараларды (дезинфекция, дератизация, дезинсекция);

      3) арнайы ветеринариялық іс-шараларды (диагностика, профилактика, сауықтыру) қамтуы тиіс.

      Сондай-ақ, Жоспар мынадай үш бөлімге бөлінеді: саламатты пункт, саламатты эпизоотологиялық бірлік, қосымша зертханалық зерттелетін, вакциналанатын саламатты пункт немесе эпизоотологиялық бірлік, саламатсыз пункт.

      Аталған Жоспар адамдардың бруцеллезбен ауыруына жол бермеу жөніндегі профилактикалық іс-шаралардың бірлескен республикалық жоспарын дайындау үшін халықтың санитариялық-эпидемиологиялық саламаттылығы саласындағы уәкілетті органға жолданады. Эпизоотологиялық бірлік деңгейіндегі кез келген өзгерістер тиісті әкімшілік-аумақтық бірліктің Жоспарына енгізіледі, сосын бұл өзгерістер ауданның, облыстық маңызы бар қаланың, облыстың, республикалық маңызы бар қаланың, астананың, республиканың Жоспарларына енгізіледі. Аудан, облыстық маңызы бар қала, облыс, республикалық маңызы бар қала, астана деңгейінде Жоспарға өзгерістер енгізу облыстар, республикалық маңызы бар қалалар, астана, аудандар, облыстық маңызы бар қала деңгейінде – облыстағы, республикалық маңызы бар қаладағы, астанадағы, аудандағы, облыстық маңызы бар қаладағы ЖАО-ның ветеринария саласындағы қызметті жүзеге асыратын бөлімшелерімен, республикалық деңгейде – ветеринария саласындағы уәкілетті органның ведомствосымен жүзеге асырылады.

      1088. Қазақстан Республикасының аумағында бруцеллезге қарсы вакциналауға жол беріледі.

      Кеден одағы Комиссиясының 2010 жылғы 18 маусымдағы № 317 шешімімен бекітілген Ветеринариялық бақылауға (қадағалауға) жататын тауарларға қойылатын бірыңғай ветеринариялық (ветеринариялық-санитариялық) талаптарға сәйкес Еуразиялық экономикалық одаққа мүше мемлекеттер арасында вакциналанған ірі қара малдың, қой мен ешкінің, вакциналанған жануарлардан алынған тұқымдық жануарлар ұрықтарының орнын ауыстыруға жол берілмейді. Үшінші елдерге тірі вакциналанған жануарларды және вакциналанған жануарлардан алынған өнімдерді экспорттау импорттаушы елдің талаптарына сәйкес келген кезде жүзеге асырылады.

      Қазақстан Республикасының аумағы ішінде мәртебелері әртүрлі эпизоотологиялық бірліктер арасында жануарлардың орнын ауыстыруға жол берілмейді. Вакциналанған жануарларды вакциналау жүргізілген эпизоотологиялық бірліктен вакциналау жүргізілмеген эпизоотологиялық бірлікке орнын ауыстыруға рұқсат етілмейді. Вакциналанған жануарды эпизоотологиялық бірліктерден вакциналау жүргізілетін эпизоотологиялық бірлікке орнын ауыстыруға рұқсат етіледі.

      Бруцеллезге қарсы вакцина Қазақстан Республикасында немесе Еуразиялық экономикалық одаққа мүше мемлекеттерде тіркелген болуы және www.oіe.іnt сайтында жарияланған Дүниежүзілік жануарлар саулығы ұйымы ұсынған тізімде болуы тиіс.

      Бруцеллезге қарсы вакцинаны таңдауды жануарлар иелері жүзеге асырады. Бұл ретте, жануарлар иесі ЖАО-ның ветеринариялық дәрігерін жануарларды вакциналау басталғанға дейін күнтізбелік 7 күнтізбелік күн бұрын вакциналаудың жүргізілетіндігі туралы, сондай-ақ таңдалған бруцеллезге қарсы вакцина және оны қолдану әдісі туралы хабарлайды.

      МВҰ-ның және ВП-ның ветеринариялық дәрігері және/немесе өндірістік бақылау бөлімшесінің ветеринариялық дәрігері өндіруші айқындаған бруцеллезге қарсы вакцинаны қолдану жөніндегі мерзім ішінде жануарлардың орнын ауыстыруға, жануарларды, жануарлардан алынатын өнімдер мен шикізатты өткізуге арналған ветеринариялық анықтаманы ресімдемейді. МВҰ-ның және ВП-ның ветеринариялық дәрігері және/немесе өндірістік бақылау бөлімшесінің ветеринариялық дәрігері жануарларды вакциналау туралы деректерді/мәліметтерді тиісті ақпараттық жүйеге және ауыл шаруашылығы жануарларын бірдейлендіру дерекқорына енгізеді.

      Жануарына вакциналау жүргізілген эпизоотологиялық бірлік 3 жылдық мерзіммен қосымша диагностикалық зерттелетін саламатты эпизоотологиялық бірлік мәртебесіне өтеді. Бұл жағдайда, қосымша диагностикалық зерттеулер жануарлар иелерінің есебінен жүргізіледі. Қосымша диагностикалық зерттелетін саламатты эпизоотологиялық бірлік өзінің мәртебесін жануарларды бруцеллезге қарсы соңғы вакциналаған сәттен бастап 3 жыл бойы сақтайды.

      Мемлекеттік ветеринариялық ұйымның ветеринариялық дәрігері вакцинаны қолдану туралы ақпарат алғаннан кейін 2 жұмыс күні ішінде ақпаратты аудандық аумақтық инспекцияға (бұдан әрі – ААИ) жолдайды, ААИ аудандық ветеринариялық зертханамен бірлесіп бруцеллезге қарсы вакцинаны қолдану жөніндегі тәлімдемеге сәйкес Жоспарды және диагностикалық зерттеу әдістерін түзетеді, вакцинаны әзірлеушілердің тәлімдемесінде көрсетілген мерзімге сәйкес жануарлар бруцеллезге диагностикалық зерттеуге тартылмауы тиіс.

      Бруцеллезге қарсы вакцина қолданылғанға дейін 20 күнтізбелік күн бұрын ауыл шаруашылығы жануарлары диагностикалық зерттеулерден өтеді. Егер, диагностикалық зерттеулерді жүргізу мерзімдері вакциналау жүргізгенге дейін 15-20 күнтізбелік күннен аспайтын болса, вакциналауды жоспарлы диагностикалық зерттеулердің нәтижелері бойынша жүргізуге болады. Осы диагностика олардың көлемінен артығы Заңның 35-бабының 2-тармағына сәйкес мемлекеттік ветеринариялық-санитариялық бақылау және қадағалау объектілері иелерінің есебінен осы эпизоотологиялық бірліктің алдыңғы жоспарлы диагностикалық зерттеулері жүргізілген зертханаларда ақылы негізде жүргізіледі. Егер, жануарлар иесі вакцина қолдану мерзімі аяқталғаннан кейін тексерілетін вакциналанған жануарларды қайталама диагностикалық зерттеу нәтижелерімен келіспесе, онда жануарлар иесі штамды (далалық немесе вакциналанған) айқындауға сараланған диагностикалық зерттеулер жүргізу үшін Заңның 11-бабы 1-тармағының 3) тармақшасына сәйкес құрылған ветеринариялық зертханаға жүгінуге құқығы бар. Бруцеллезге қарсы вакциналарды сатып алу және оларды қолдану жануарлар иелерінің есебінен жүзеге асырылады.

      Жануарларды диагностикалық зерттеулермен зерттеуге болмайтын мерзім аяқталғаннан кейін диагностикалық зерттеу эпизоотологиялық бірліктің саламаттылығына байланысты жүргізіледі.

      1089. Саламатты шаруашылық жүргізуші субъектілерде инфекцияланған жануарларды уақтылы анықтау үшін және кейіннен ауру табылған жағдайда, оның таралуын болдырмау үшін жалпы ветеринариялық-санитариялық іс-шаралар кешенінде жоспарлы серологиялық зерттеулер жүргізіледі.

      Бруцеллезге қарсы вакциналанған (иммундалған) жануарларды жоспарлы серологиялық зерттеу вакцинларды қолдану жөніндегі тәлімдемелерде көзделген тәртіппен және мерзімдерде жүргізіледі.

      Саламатты пункттерде, эпизоотологиялық бірліктерде жоспарлы түрде диагностикалық зерттеу мыналарға жүргізіледі:

      1) ірі қара мал:

      жасы 12 айдан басталатын барлық мал басы – екі рет (көктемде және күзде);

      аналық мал басы – екі рет (көктемде және күзде). Бұл ретте, диагностикалық зерттеулердің бірі бұзаулағаннан кейін 14 пен 21 күнтізбелік күн аралығында жүргізілуі тиіс (қаңтар мен маусым аралығындағы кезеңде зерттеу кезінде көктемгі диагностикалық зерттеу, шілде мен желтоқсан аралығындағы кезеңде диагностикалық зерттеу кезінде күзгі зерттеу ретінде есептеледі);

      союға жөнелтілетін 24 айдан асқан тұқымдық бұқалар – жануарлар сойылғанға дейін 15-20 күнтізбелік күннен кешіктірмей жоспарлы диагностикалық зерттелген жағдайларды қоспағанда, қосымша сою алдында;

      2) ұсақ мал (қой мен ешкі):

      жасы 12 айдан басталатын барлық мал басы – екі рет (көктемде және күзде);

      аналық мал басы – екі рет (көктемде және күзде). Бұл ретте, диагностикалық зерттеулердің бірі қозылағаннан кейін 1 мен 2 ай аралығында жүргізілуі тиіс (қаңтар мен маусым аралығындағы кезеңде зерттеу кезінде көктемгі диагностикалық зерттеу, шілде мен желтоқсан аралығындағы кезеңде зерттеу кезінде күзгі диагностикалық зерттеу ретінде есептеледі);

      3) шошқалар:

      негізгі мегежіндер – бруцеллезге күдіктенуге негіз болатын белгілері анықталған кезде;

      еркек шошқалар – жылына бір рет;

      4) жылқылар:

      бруцеллезге (бурсит) күдіктенуге негіз болатын белгілері анықталған кезде;

      5) маралдар (бұғылар):

      жылына бір рет аталықтардың мүйіздерін кесу кезінде (маралдардың (бұғылардың) жастық-жыныстық тобы);

      6) түйелер:

      жасы 12 айдан асқан барлық мал басы жылына бір рет;

      7) иттер:

      шаруашылық жүргізуші субъектілердің аумағында (отар, табын маңында) мекендейтін ересек иттерді жылына бір рет зерттейді.

      Жануарлар бруцеллезге, тұқымдық қошқарлар/текелер инфекциялық эпидидимитке де диагностикалық зерттеледі:

      экспорттау алдында жануарлардың жасына және жастық-жыныстық тобына қарамастан оларды карантиндеу кзінде;

      бруцеллезге қосымша диагностикалық зерттелетін саламатты шаруашылық жүргізуші субъектіден (табыннан) жануарларды тасымалдау (орнын ауыстыру) алдында.

      Республикадағы эпизоотиялық ахуалға байланысты жануарларды жоспарлы диагностикалық зерттеудің стратегиясы мен тактикасы (жануарлар түрі, диагностикалық зерттеулердің жиілігі мен әдістері) түзетіледі, оның ішінде жануарлардың жалпы санының кемінде 10 %-ын қамти отырып, скринингтік (іріктеп) диагностикалық зерттеулерді пайдалана отырып түзетіледі.

      Саламатты пункттерде, эпизоотологиялық бірліктерде диагностикалық зерттеулерді жүргізу кезінде жоспарлы диагностикалық зерттеулерді:

      қосымша диагностикалық зерттеулер жүргізілген;

      шектеу іс-шараларын енгізе отырып, ветеринариялық режимді белгілеу немесе алып тастау туралы шешім қабылдаған;

      жануарларға бруцеллезге қарсы вакциналау жүргізілген жағдайларда түзетуге жол беріледі.

      1090. Жануарлардың жекелеген түрлерін диагностикалық зерттеу үшін бруцеллездің мынадай диагностикалау әдістері қолданылады:

      ірі қара мал, ұсақ мал, жылқылар, түйелер, маралдар – агглютинация реакциясы (бұдан әрі – АР), КБР, Роз-бенгал сынамасы (бұдан әрі – РБС);

      тұқымдық қошқар/теке – КҰБР;

      шошқалар – РБС, КБР;

      иттер, мысықтар, терісі бағалы аңдар – АР, КБР.

      Табынның саламаттылық мәртебесін растау үшін ПТР тәсілін қолдана отырып, биологиялық материал, түсік (іш тастау жағдайында) зерттеледі.

      Тәуекелдерді бағалау және талдау нәтижелері бойынша тиісті әкімшілік-аумақтық бірліктің бас мемлекеттік ветеринариялық-санитариялық инспекторының шешімі бойынша табынның саламаттылық мәртебесін растау үшін биосынама қоя отырып, бактериялогиялық әдіс қолдану арқылы биологиялық материалды, түсікті (іш тастау жағдайында) зерттеуге жол беріледі.

      1091. Иттер мен мысықтарды қоспағанда, бруцеллезге диагноз қою үшін алғашқы диагностикалық зерттеу екі кезеңде де бір сынамаға жүргізіледі:

      1) бірінші кезең – РБС, КБР (жануарлардың барлық түрі үшін 1:5 езіндімен КБР қою) қолдана отырып диагностикалық зерттеу.

      Егер, диагностикалық зерттеудің бірінші кезеңінің қорытындылары бойынша РБС және КБР нәтижелері теріс болса, онда жануар сау деп танылады және алғашқы диагностикалық зерттеулердің екінші кезеңін жүргізу қажет етілмейді.

      Алғашқы диагностикалық зерттеулердің нәтижелері бойынша сараптама актісі (сынақ хаттамасы) ресімделеді және нәтижелер диагностикалық зерттеулердің екі әдісі (РБС және КБР) бойынша теріс болған жағдайда беріледі.

      2) екінші кезең – АР (ірі қара мал, жылқылар, түйелер үшін 1:50, 1:100, 1:200, 1:400, қойлар, ешкілер, маралдар, қодастар үшін 1:25, 1:50, 1:100, 1:200, терісі бағалы аңдар үшін 1:10, 1:20, 1:40, 1:80 езіндімен АР қою) және КБР (жануарлардың барлық түрі үшін 1:5 және 1:10 езіндімен КБР қою) қолдана отырып диагностикалық зерттеу.

      Егер, алғашқы диагностикалық зерттеулердің бірінші кезеңінің нәтижелері:

      диагностикалық зерттеу әдістерінің бірі (РБС немесе КБР) бойынша оң немесе күдікті;

      диагностикалық зерттеу әдістерінің екеуі (РБС және КБР) бойынша күдікті немесе оң болса, диагностикалық зерттеудің екінші кезеңі міндетті түрде жүргізіледі.

      Алғашқы диагностикалық зерттеулердің екінші кезеңінің нәтижелері бойынша сараптама актісі (сынақ хаттамасы) ресімделеді және осы Қағидаларға 1-қосымшада көрсетілген Ауыл шаруашылығы жануарларының бруцеллезін диагностикалау нәтижелеріне сәйкес диагностикалық зерттеулер нәтижелерін сипаттай отырып беріледі.

      осы Қағидаларға 1-қосымшада көрсетілген Ауыл шаруашылығы жануарларының бруцеллезін диагностикалау нәтижелерінің реттік саны 29, 38, 47-жолдарында көрсетілген алғашқы диагностикалық зерттеулердің нәтижелерін сипаттай отырып ресімделген сараптама актісі (сынақ хаттамасы) берілмейді, ветеринариялық зертханадағы сол сынамаларға (қайта қан сынамаларын алмай) қайта диагностикалық зерттеу жүргізу мақсатында ветеринариялық зертханада қалдырылады. Сараптама актісі (сынақ хаттамасы) қайта диагностикалық зерттеулер жүргізу нәтижелері бойынша ресімделеді және беріледі.

      Диагностикалық зерттеулердің қорытындылары бойынша ауыл шаруашылығы жануарларын бірдейлендіру жөніндегі дерекқорға диагностикалық зерттеулердің нәтижелері туралы белгі енгізіледі.

      Сынамаларды іріктеп алу кезінде ветеринариялық дәрігер клиникалық белгілері болған жағдайда, қан алу тізімдемесіндегі арнайы белгілерде жануарлардың бруцеллезге клиникалық белгілері бар екендігін көрсетеді, мұндай жануарлар үшін алғашқы диагностикалық зерттеулердің бірінші кезеңі жүргізіледі. Алғашқы диагностикалық зерттеулердің бірінші кезеңінің қорытындылары бойынша оң немесе күмәнді нәтиже алынған жағдайда, аталған жануар алғашқы диагностикалық зерттеулердің екінші кезеңін жүргізбей-ақ ауру деп танылады және міндетті түрде биосынамасы бар бактериологиялық әдіспен зерттей отырып, санитариялық союға жіберіледі. Алғашқы диагностикалық зерттеулердің бірінші кезеңінің қорытындылары бойынша теріс нәтиже алынған жағдайда, диагностикалық зерттеулердің екінші кезеңі жүргізіледі.

      1092. Алғашқы диагностикалық зерттеулердің қорытындылары бойынша күмәнді нәтиже анықталған жағдайда, берілген сараптама актілеріне (сынақ хаттамаларына) сәйкес саламатты пункттерде (эпизоотологиялық бірліктерде):

      1) күнтізбелік 15-20 күнтізбелік күннен кейін күмәнді әсер еткен жануарларды осы Қағидалардың 1090-тармағында көрсетілген әдістерді қолдана отырып, диагностикалық зерттеулердің кешенімен қайта тексеру жолымен диагнозды нақтылауды;

      2) "Мемлекеттік ветеринариялық-санитариялық инспекторлардың, мемлекеттік ветеринариялық дәрігерлердің нұсқамаларының нысандарын, оларды жасау және беру қағидаларын бекіту туралы" Қазақстан Республикасы Ауыл шаруашылығы министрінің 2013 жылғы 22 шілдедегі № 16-07/333 бұйрығына (Нормативтік құқықтық актілерді мемлекеттік тіркеу тізілімінде № 8662 болып тіркелген) сәйкес берілген нұсқама бойынша диагноз толық нақтыланғанға дейін барлық күмәнді әсер беретін жануарларды қалған жануарлардан оқшаулауды жүргізеді.

      1093. Осы Қағидалардың 1091 және 1092-тармақтарына сәйкес диагностикалық зерттеулердің оң нәтижелері алынған кезде тиісті әкімшілік-аумақтық бірліктің мемлекеттік ветеринариялық дәрігері:

      1) 3 (үш) жұмыс күні ішінде бруцеллезге оң әсер беретін жануарлар иелерін диагностикалық зерттеулердің нәтижелерімен таныстырады;

      2) сараптама актісі (сынақ хаттамасы) негізінде жануарлар иелеріне барлық оң әсер беретін жануарларды қалған жануарлардан оқшаулау жөніндегі шарттарды сипаттай отырып, Қазақстан Республикасының ветеринария саласындағы заңнамасының талаптарын бұзушылықтарды жою туралы нұсқама (бұдан әрі – оқшаулау туралы нұсқама) береді.

      Диагностикалық зерттеулердің нәтижелерін осы Қағидалардың 1090-тармағында көрсетілген әдістерді қолдана отырып, сол жануарлардың ветеринариялық зертханадағы бақылау сынамаларын қайта диагностикалық зерттеу жолымен даулауға жол беріледі:

      1) жануарлар иелері оқшаулау туралы нұсқаманы алған болса және алғашқы диагностикалық зерттеулердің немесе оқшаулау туралы нұсқаманың "Ерекше белгілер" бағанында көрсетілген болса, осы Қағидалардың 1092-тармағына сәйкес диагностикалық зерттеудің нәтижелерімен танысқан сәттен бастап 3 (үш) жұмыс күні ішінде. Қайта диагностикалық зерттеулер алғашқы диагностикалық зерттеулер жүргізген ветеринариялық зертханада бюджет қаражаты есебінен жүргізіледі;

      2) уәкілетті орган ведомствосы аумақтық бөлімшесінің және тиісті әкімшілік-аумақтық бірліктегі ЖАО бөлімшесінің шешімі бойынша тәуекелдерді бағалау және талдау нәтижелері бойынша алғашқы диагностикалық зерттеулердің немесе осы Қағидалардың 1092-тармағына сәйкес диагностикалық зерттеудің нәтижелерімен танысқан сәттен бастап 3 (үш) жұмыс күні ішінде. Қайта диагностикалық зерттеулер Заңның 11-бабы 1-тармағының 2) тармақшасына сәйкес құрылған ветеринариялық зертханада бюджет қаражаты есебінен жүргізіледі.

      Қайта диагностикалық зерттеулердің нәтижелерін алғанға дейін жануарлар қалған жануарлардан оқшауланып ұсталады.

      1094. Егер, осы Қағидалардың 1093-тармағында көрсетілген мерзімдерде диагностикалық зерттеулердің нәтижелері дауланбаса немесе осы Қағидалардың 1093-тармағына сәйкес қайта диагностикалық зерттеу нәтижелері бойынша бруцеллезге оң әсер беретін жануарлар анықталған жағдайда, тиісті әкімшілік-аумақтық бірліктің бас мемлекеттік ветеринариялық дәрігері сараптама актісі (сынақ хаттамасы) негізінде:

      1) жануарлар иелеріне жануарларды санитариялық тазалау, санитариялық сою жүргізу туралы нұсқама береді;

      2) күнтізбелік 15 күнтізбелік күннен аспайтын мерзім ішінде ауру жануарларды санитариялық сою үшін жануарларды союды жүзеге асыратын өндіріс объектілеріне (ет комбинаты, сою пункті) (бұдан әрі – сою объектісі) жібереді.

      1095. Ауру жануарларды жақ немесе сауыр аймағында "Б" әрпін жазу жолымен ыстық немесе суық таңбалау әдістерімен белгілейді.

      1096. Санитариялық союды жүзеге асыру үшін ЖАО бөлімшесі сою объектілерінің басшыларымен бірлесіп, бруцеллезбен ауыратын жануарларды сою үшін аптасына бір санитариялық күн белгілейді.

      1097. Жануарларды санитариялық союды жүзеге асыратын сою объектісінде ЖАО бөлімшесі тиісті қаржы жылына арналған бюджет қаражаты есебінен жүзеге асырылатын диагностикалық зерттеулер көлемі шеңберінде сойылған жануарлардан биологиялық (патологиялық) материалдың сынамаларын іріктеп алуды ұйымдастырады және ауыл шаруашылығы жануарларының бруцеллезі бойынша саламатсыз пункттерді, саламатсыз эпизоотологиялық бірліктерді қоспағанда, пункттің (эпизоотологиялық бірліктің) мәртебесін анықтау мақсатында ПТР әдісімен диагностикалық зерттеулер жүргізу үшін оны мемлекеттік ветеринариялық зертханаға жібереді.

      Биосынама қойылатын бактериологиялық әдісті қолдануға тиісті әкімшілік-аумақтық бірліктің бас мемлекеттік ветеринариялық-санитариялық инспекторының шешімі бойынша тәуекелдерді бағалау мен талдау нәтижелері бойынша жол беріледі.

      1098. Осы Қағидалардың 1097-тармағында көрсетілген әдістер бойынша оң нәтиже алынған жағдайда, тиісті әкімшілік-аумақтық бірліктің бас мемлекеттік ветеринариялық дәрігері:

      1) эпизоотиялық ошақтың және эпизоотиялық процестің сипаттамасын, ауру қоздырғышының берілу көзі мен факторларын анықтау мақсатында шаруашылық жүргізуші субъектіге эпизоотологиялық зерттеп-қарау жүргізеді;

      2) эпизоотиялық ошақтың және саламатсыз эпизоотологиялық бірліктің, саламатсыз пункттің шекараларын белгілейді.

      Эпизоотологиялық зерттеп-қарау аяқталғаннан кейін "Эпизоотиялық мониторинг жүргізу қағидаларын бекіту туралы" Қазақстан Республикасы Ауыл шаруашылығы министрінің 2014 жылғы 27 қарашадағы № 7-1/618 бұйрығымен (Нормативтік құқықтық актілерді мемлекеттік тіркеу тізілімінде № 10021 болып тіркелген) бекітілген нысан бойынша екі данада акт ресімделеді. Актінің бір данасы бас мемлекеттік ветеринариялық дәрігерде қалады және екінші данасы тиісті әкімшілік-аумақтық бірліктің бас мемлекеттік ветеринариялық-санитариялық инспекторына жіберіледі.

      1099. Бас мемлекеттік ветеринариялық-санитариялық инспектор мемлекеттік ветеринариялық дәрігерден Қазақстан Республикасы Ауыл шаруашылығы министрінің 2014 жылғы 27 қарашадағы № 7-1/618 бұйрығымен (Нормативтік құқықтық актілерді мемлекеттік тіркеу тізілімінде № 10021 болып тіркелген) бекітілген Эпизоотиялық мониторинг жүргізу қағидаларының қосымшасына сәйкес нысан бойынша эпизоотологиялық зерттеп-қарау актісін алғаннан кейін тиісті әкімшілік-аумақтық бірліктің ЖАО-сына шектеу іс-шараларын енгізе отырып, ветеринариялық режимді белгілеу туралы ұсыныс жібереді.

      Тиісті әкімшілік-аумақтық бірліктің ЖАО-сы ұсынысты алған сәттен бастап 3 жұмыс күнінен аспайтын мерзім ішінде шектеу іс-шараларын енгізе отырып, ветеринариялық режимді белгілеу туралы шешім қабылдайды.

      ЖАО шектеу іс-шараларын енгізе отырып, ветеринариялық режимді белгілеу туралы шешімді белгіленген мерзімдерде қабылдамаса, бас мемлекеттік ветеринариялық-санитариялық инспектор ЖАО-ның лауазымды адамдарына қатысты "Әкімшілік құқық бұзушылық туралы" Қазақстан Республикасы Кодексінің (бұдан әрі – Кодекс) 406-бабы 7 және 8-тармақтарына сәйкес әкімшілік шаралар қабылдайды және ветеринария саласындағы уәкілетті органның ведомствосына жедел хабарлама түрінде хабарлайды. Уәкілетті органның ведомствосы облыстың, республикалық маңызы бар қаланың, астананың тиісті ЖАО-сына жазбаша түрде шектеу іс-шараларын енгізе отырып, ветеринариялық режимді белгілеу туралы шешім қабылдау қажеттігі туралы хабарлайды. Облыстың, республикалық маңызы бар қаланың, астананың тиісті ЖАО-сы шектеу іс-шараларын енгізе отырып, ветеринариялық режимді белгілеу туралы шешім қабылдамаған кезде бас мемлекеттік ветеринариялық-санитариялық инспектор ЖАО-ның лауазымды адамдарына қатысты Кодекстің 406-бабының 7 және 8-тармақтарына сәйкес әкімшілік шаралар қабылдайды.

      Саламатсыз пункттегі, саламатсыз эпизоотологиялық бірліктегі ветеринариялық іс-шаралар осы Қағидалардың осы тарауының 3, 4, 5, 6 және 7-параграфтарына сәйкес жүргізіледі.

      1100. Осы Қағидалардың 1097-тармағында көрсетілген әдістер бойынша теріс нәтиже алынған кезде мемлекеттік ветеринариялық дәрігер:

      1) жануарлар иелеріне мал шаруашылығы қора-жайлары мен олардың аумақтарына санитариялық тазарту (механикалық тазарту), дезинфекциялау, дезинсекциялау және дератизациялау жүргізу туралы нұсқама береді;

      2) күнтізбелік 15-20 күнтізбелік күннен кейін жануарларға қосымша диагностикалық зерттеулер жүргізуді ұйымдастырады.

      Қосымша диагностикалық зерттеулер жүргізу үшін ветеринариялық зертханаға қан сынамалары жіберіледі. Ветеринариялық зертханада қан сынамаларын диагностикалық зерттеу РА, КБР, РБС әдістері қолданыла отырып жүргізіледі. Қосымша диагностикалық зерттеудің нәтижелері осы Қағидаға 2-қошымда көрсетілген жануарлар бруцеллезін қосымша диагностикалық зерттеу нәтижелеріне сәйкес ресімделеді.

      Мемлекеттік ветеринариялық дәрігер қосымша диагностикалық зерттеулер нәтижелері бойынша оң әсер беретін жануарларды анықтаған жағдайда:

      оң әсер беретін жануарлар бойынша осы Қағидалардың 1094, 1097-тармақтарында көрсетілген іс-шаралар жүргізіледі;

      теріс әсер беретін жануарлар бойынша осы тармақтың 1) және 2) тармақшаларында көрсетілген іс-шаралар жүргізіледі.

      Егер, қатарынан екі диагностикалық зерттеу жүргізу қорытындылары бойынша оң әсер беретін жануарлар анықталса, онда осы Қағидалардың 1098 және 1099-тармақтарында көрсетілген іс-шаралар жүргізіледі.

      1101. Еуразиялық экономикалық одақтың талаптарына сәйкес саламатты аймаққа жаңадан келіп түскен жануарларды (оның ішінде асыл тұқымды) кемінде күнтізбелік 21 күнтізбелік күн мерзімінде қалған жануарлардан оқшаулап ұстау (профилактикалық бақылау) және бруцеллезге, сондай-ақ тұқымдық қошқарларды инфекциялық эпидидимитке де диагностикалық зерттеулер жүргізу қажет.

      Жануарлардың бруцеллезіне оң нәтиже алынған жағдайда, аумақтық бірліктің бас мемлекеттік ветеринариялық дәрігері кейіннен сою және өнеркәсіптік өңдеу үшін жеткізушіге кері қайтару туралы шешім қабылдайды.

      1102. Профилактикалық іс-шараларды жүргізу кезінде қора-жайларды, серуендету аулаларын механикалық тазарту, сондай-ақ профилактикалық дезинфекциялау және дератизациялау жануарлар иелерінің есебінен жүзеге асырылады.

3-параграф. Бруцеллез бойынша саламатсыз пункттердегі, эпизоотологиялық бірліктердегі эпизоотиялық ошақтарда ветеринариялық іс-шаралар жүргізу тәртібі

      1103. Шектеу іс-шараларын жариялау туралы шешім қабылданғаннан кейін қызмет көрсету аумағына бруцеллез бойынша саламатсыз пункт кіретін ЖАО бөлімшесінің бас мемлекеттік ветеринариялық дәрігері ұйымдастырушылық-шаруашылық, ветеринариялық-санитариялық және арнайы ветеринариялық шаралар кешенін қамтитын сауықтыру іс-шараларының жоспарын құрайды.

      1104. Жоспарды тиісті әкімшілік-аумақтық бірліктің бас мемлекеттік ветеринариялық-санитариялық инспекторының келісімі бойынша әкім бекітеді.

      1105. Осы жоспарды іске асыру бойынша эпизоотиялық ошақтарда және бруцеллез бойынша саламатсыз пункттерде, эпизоотологиялық бірліктерде ветеринариялық (ветеринариялық-санитариялық) іс-шаралар республикалық бюджет қаражаты есебінен Заңның 11-бабы 1-тармағының 1) тармақшасына сәйкес құрылған мемлекеттік ветеринариялық ұйымның күшімен жүргізіледі.

      1106. Тиісті әкімшілік-аумақтық бірліктің ЖАО эпизоотиялық ошақты анықтау және саламатсыз пункттің, эпизоотологиялық бірліктің шекараларын белгілеу кезінде тиісті әкімшілік аумақтық-бірліктің бас мемлекеттік ветеринариялық-санитариялық инспекторының ұсынымы бойынша шектеу іс-шараларын енгізе отырып ветеринариялық режимді белгілеу туралы шешім қабылдайды.

      1107. Шектеу шарттары бойынша:

      1) шектеу қойылған аумақ арқылы жануарларды алып өтуге (айдап өтуге), бұл аумаққа сау жануарларды тасып әкелуге (кіргізуге), союға жөнелту жағдайларын қоспағанда, осы аумақтан жануарларды тасып әкетуге (шығаруға);

      2) эпизоотиялық ошақтар белгіленген саламатсыз аумақта пішен, сабан және басқа да ірі азықтарды басқа аумаққа әкету үшін дайындауға, сондай-ақ жануарларды немесе адамдарды жинаумен байланысты іс-шараларды жүргізуге жол берілмейді.

      1108. Бруцеллез бойынша саламатсыз табынның жануарларын саламатты топтардың жануарларынан оқшаулап ұстайды.

      1109. Бұрын ауру жануарлар (саламатсыз мал басы) ұсталған қора-жайларға сау малды кіргізуге серуендету аулалары мен басқа объектілерді мұқият дезинфекциялағаннан, санациялағаннан кейін, сондай-ақ дезинсекциялағаннан және дератизациялағаннан кейін ғана жол беріледі.

      1110. Бруцеллез бойынша саламатсыз жануарлар тобы жайылған жайылымдық учаскелерден жиналған пішен үш ай бойы сақталуы тиіс. Бұдан кейін онымен осы аумақта ұсталатын жануарларды азықтандырады.

      1111. Бруцеллез бойынша саламатсыз пункттерде ұсталып отырған қойлар мен ешкілердің сүтін саууға, дезинфекцияланбаған елтірі терілерін өңдеуге (кептіруге, тазалауға), сондай-ақ қойлар мен ешкілердің сүтінен тұзды ірімшік пен ірімшіктер әзірлеу үшін ұлтабарлар дайындауға жол берілмейді. Елтірі терілерді ұшадан ажырата салысымен дереу дезинфекциялайды және консервілейді.

      1112. Бруцеллез бойынша саламатсыз шаруашылық жүргізуші субъектілердегі қойлар мен ешкілердің жүнін ең соңынан қырқады. Қора-жайларды, алаңдар мен қырқу құралын, персоналдың арнайы киімін қырқу аяқталғаннан кейін тазартады және дезинфекциялайды. Жұмысшылар (қырқушылар және басқалар) жұмыстан кейін санитариялық өңдеуден өтеді. Бруцеллез бойынша саламатсыз отардың (табынның) қойларынан (ешкілерінен) алынған жүн шаруашылықта зарарсыздандырылады, одан кейін оны шектеусіз өнеркәсіптік өңдеуге әкетеді.

      1113. Бруцеллезбен ауыратын (әсер беретін) жануарларды осы Қағидаларды сақтай отырып союға әкететін жағдайларды қоспағанда, мұндай жануарларды тасымалдауға және айдап әкетуге жол берілмейді. Бруцеллезбен ауыратын жануарларды сою үшін ветеринариялық (ветеринариялық-санитариялық) қағидаларды қатаң түрде сақтай отырып және тиісті әкімшілік-аумақтық бірліктің ветеринариялық дәрігерінің бақылауымен, жануарларды ерекше жағдайларда тасымалдау кезінде ветеринариялық (ветеринариялық-санитариялық) талаптарды басшылыққа ала отырып, теміржолмен, су көлігімен және шанағы қымтап жабылған автомашиналармен тасымалдауға рұқсат етіледі.

      1114. Бруцеллезбен ауыратын жануарларды сою жануарлар союды жүзеге асыратын өндіріс объектісінде осы Қағидаларды сақтай отырып, арнайы белгіленген күндері жүргізіледі.

      1115. Бруцеллезбен ауыратын жануарларды және олардан алынған төлді басқа жануарлардан дереу оқшаулап, кемінде 15 күнтізбелік күннен аспайтын мерзімде асыл тұқымдық және өндірістік құндылығына, салмақ кондицияларына, жасына, физилогиялық жай-күйіне қарамастан, бордақыламай және серуендетпей союға тапсыру қажет.

      1116. Бруцеллезбен ауыратын жануарларды сою кезінде алынған етті, ет өнімдері мен басқа да өнімдерді залалсыздандырылмаған түрінде аңдарды азықтандыру үшін пайдалануға жол берілмейді.

      1117. Жануарлардың өлекселері мен түсіктері дереу жойылуы тиіс.

      1118. Бруцеллезбен ауыратын сиырларды саууға жол берілмейді.

      1119. Саламатсыз пункттегі сиырлардан алынған залалсыздандырылмаған сүтті сүт өңдеу кәсіпорындарына, базарларда сату үшін, қоғамдық тамақтандыру желілерінде пайдалану үшін әкетуге жол берілмейді.

      1120. Саламатсыз пункттегі әсер бермейтін сиырлардан алынған сүтті (кілегейді) 70 С⁰ температурада 30 минут бойы немесе 85-90 С⁰ температурада 20 секунд бойы, сондай-ақ қайнату немесе ерітілген майға өңдеу жолымен залалсыздандырады. Дәл осындай тәртіппен шаруашылық ішіндегі мұқтаждықтарға қажетті (оның ішінде қаймағы алынбаған сүтті алмастырғышты дайындау үшін) сүтті залалсыздандырады.

      1121. Ерітілген майды әзірлеу кезінде алынған шайқалған май мен көк сүтті тек осы шаруашылық жүргізуші субъектідегі жануарларды азықтандыру үшін пайдаланады.

      1122. Объектілерді дезинфекциялау үшін Қазақстан Республикасында және Евразиялық экономикалық одаққа мүше мемлекеттерде тіркелген дезинфекциялау құралдарын қолданады. Жұмыс ерітінділерін дайындау мен дезинфекциялау режимдері оларды қолдану жөніндегі тәлімдемелерде жазылған талаптарға сәйкес келеді.

      1123. Бруцеллезбен ауыратын немесе күдікті жануарлардың қиын, төсеніштерін және азық қалдықтарын жояды немесе залалсыздандырады. Бұл жануарлардың қиын алдын ала залалсыздандырылғаннан кейін ғана шаруашылықта пайдалануға жол беріледі. Қиды биологиялық, химиялық немесе физикалық тәсілдермен залалсыздандырады.

4-параграф. Эпизоотиялық ошақтарда және ірі қара малдың бруцеллезі бойынша саламатсыз пункттерде, эпизоотологиялық бірліктерде ветеринариялық іс-шаралар жүргізу (сауықтыру) тәртібі

      1124. Бруцеллез бойынша саламатсыз пункттерді, эпизоотологиялық бірліктерді сауықтыру эпизоотиялық ошақты жоюға және саламатсыз пунктте ұйымдастырушылық-шаруашылық, ветеринариялық-санитариялық және арнайы ветеринариялық іс-шаралар кешенін жүргізуге алып келеді.

      1125. Бұған дейін саламатты болған табындарда, шаруашылық жүргізуші субъектілерде жануарлардың іш тастауға алып келген бруцеллезбен ауыратыны анықталған жағдайда, диагнозы расталса, осы табындағы барлық ауру жануарларды күнтізбелік 15 (он бес) күнтізбелік күн ішінде союға тапсырады.

      1126. Саламатсыз пунктті сауықтыруды:

      1) ауру жануарларды жүйелі түрде диагностикалық зерттеу, кейіннен оқшаулау және сою;

      2) бруцеллезге қарсы вакциналарды қолдану;

      3) барлық саламатсыз жануарларды сою жолымен жүргізеді.

      1127. Саламатсыз пунктті сауықтыру қатарынан екі рет теріс нәтиже алғанға дейін әрбір күнтізбелік 15-20 күнтізбелік күн сайын РБС-да, КБР-да жүйелі түрде диагностикалық серологиялық зерттеу, кейіннен ауру жануарларды оқшаулау және сою жолымен жүзеге асырылады, бруцеллезбен ауыратын жануарлар анықталған шаруашылық жүргізуші субъектілерде жануарлар болған жағдайда да теріс нәтиже алғанға дейін әрбір күнтізбелік 15-20 күнтізбелік күн сайын жүйелі түрде диагностикалық серологиялық зерттеу жүргізіледі, кейіннен ауру жануарлар оқшауланады және сойылады және ауру мысықтар мен иттер жойылады.

      Осы Қағидаға 2-қошымда көрсетілген жануарлар бруцеллезін қосымша диагностикалық зерттеу нәтижелеріне сәйкес оң нәтиже алынған жағдайда, жануар бруцеллезге оң әсер береді деп саналады.

      1128. Саламатсыз пункті сауықтыру кезеңінде осы Қағидалардың 1127-тармағына сәйкес қатарынан екі рет жүйелі түрде диагностикалық зерттеулер жүргізу қорытындылары бойынша оң әсер беретін жануарларлар анықталған жағдайда, уәкілетті орган ведомствосының аумақтық бөлімшесі құрамына уәкілетті орган ведомствасының, ЖАО бөлімшелерінің, ғылыми мекемелердің, ветеринариялық зертхананың, қоғамдық бірлестіктердің, ұйымдардың өкілдерін қоса отырып, саламатсыз пунктті сауықтыру нәтижелеріне қол жеткізбеу себептерін анықтау жөніндегі комиссияны құрады. Саламатсыз пунктті сауықтыру нәтижелеріне қол жеткізбеу себептерін анықтау нәтижелері бойынша мемлекеттік ветеринариялық ұйымның басшысына және жануарлар иелеріне қатысты Кодекстің 406-бабының 3 және 4 тармақтарына сәйкес әкімшілік шаралар қабылданады.

      Комиссияның жұмысына қарамастан, саламатсыз пунктте осы Қағидалардың 1127-тармағына сәйкес одан әрі жүйелі диагностикалық зерттеу жолымен сауықтыру іс-шараларын жүргізу жалғасады. Осы Қағидалардың 1127-тармағына сәйкес қосымша қатарынан екі рет диагностикалық зерттеулер жүргізілгеннен кейін саламатсыз пунктті сауықтыру нәтижелеріне қол жеткізілмеген жағдайда:

      мемлекеттік ветеринариялық ұйымның басшысына және жануарлар иелеріне қатысты Кодекстің 406-бабының 3 және 4-тармақтарына сәйкес әкімшілік шаралар қабылданады;

      саламатсыз пунктті одан әрі сауықтыру саламатсыз пункттегі барлық жануарларды санитариялық союға тапсыру жолымен жүргізіледі.

      1129. Оң әсер беретін жануарларға осы Қағидалардың 1096-тармағында көрсетілген әдістермен белгі салады, оларды дереу табыннан оқшаулайды және ауру табылған уақыттан бастап күнтізбелік 15 (он бес) күнтізбелік күннен кешіктірмей сояды. Ауру жануарлар ұсталған қора-жайларға мұқият дезинфекциялау жүргізеді (ауру жануар анықталған әрбір оқиғадан кейін).

      1130. Саламатсыз пунктті бруцеллезге қарсы вакциналар қолдану жолымен сауықтыру былайша жүзеге асырылады:

      1) саламатсыз пункттегі ауруға сезімтал жануарлар басын бруцеллез жұқтырған жануарларды барынша анықтау мақсатында кемінде екі рет серологиялық әдістермен (РБП, РСК) зерттейді;

      2) мал басын Қазақстан Республикасында және (немесе) Кеден одағына мүше мемлекеттерде тіркелген бруцеллезге қарсы вакциналармен вакциналайды (иммундайды).

      1131. Бруцеллез бойынша саламатсыз пункттен, эпизоотологиялық бірліктен шектеу іс-шаралары:

      1) барлық ірі қара мал басы қатарынан екі рет теріс нәтиже және эпизотиялық ошақтағы (бұдан бұрын бруцеллезбен ауырған жануарлар анықталған шаруашылық жүргізуші субъектілердегі) жануарлардың басқа түрлерінен теріс нәтиже алу және қорытынды дезинфекция жүргізу (осы Қағидалардың 1127-тармағына қатысты);

      2) саламатсыз пункттегі барлық мал басын санитариялық союға тапсыру және қорытынды дезинфекция жүргізу (осы Қағидалардың 1128-тармағына қатысты);

      3) бруцеллезге қарсы вакциналар қолдану және қорытынды дезинфекция жүргізу (осы Қағидалардың 1130-тармағына қатысты) жолымен сауықтырылғаннан кейін алып тасталады.

      1132. Бруцеллезге қарсы вакциналар қолдану жолымен сауықтырылғаннан және бруцеллез бойынша саламатсыз пункттен, эпизоотологиялық бірліктен шектеу іс-шаралары алып тасталғаннан кейін бұл пункт, эпизоотолгиялық бірлік қосымша диагностикалық зерттелетін саламатты пункт болып танылады. Вакциналанған жануарларды қосымша диагностикалық зерттеу диагностикалық зерттелетін саламатты пункт, эпизоотологиялық бірлік болып танылғаннан кейінгі бірінші жылы осы Қағидалардың 1100-тармағында көзделген шарттар сақтала отырып, вакциналарды қолдану жөніндегі тәлімдемеде көзделген мерзімдерде және әдістермен жүргізіледі. Одан кейінгі жылдары диагностикалық зерттеулер осы Қағидалардың 1089-тармағына сәйкес жоспарлы түрде жүргізіледі.

      1133. Егер, жүйелі серологиялық зерттеулер жолымен және вакциналар қолдана отырып, бір жыл ішінде табынды сауықтыруға қол жеткізілмесе, тиісті әкімшілік-аумақтық бірліктің бас мемлекеттік ветеринариялық-санитариялық инспекторы ЖАО бөлімшесінің бас мемлекеттік ветеринариялық дәрігерімен бірлесіп эпизоотологиялық зерттеу нәтижелері бойынша толық ауыстыру әдісімен шаруашылық жүргізуші субъектіні сауықтырудың орындылығы туралы шешім қабылдайды.

5-параграф. Ұсақ малдың бруцеллезі бойынша саламатсыз пункттердің, эпизоотологиялық бірліктердің эпизоотиялық ошақтарында ветеринариялық іс-шаралар жүргізу (сауықтыру) тәртібі

      1134. Мал шаруашылығы субъектілерінде (оның ішінде аулаларда) қойдың (ешкінің) бруцеллезбен ауыратыны анықталған жағдайда, эпизоотиялық ошақтағы оң әсер беретін жануарларды, сондай-ақ басқа да жануарлар түрлерін физиологиялық жай-күйіне, асыл тұқымдық және шаруашылық құндылығына қарамастан, олардан алынған 4 айлық жасқа дейінгі төлімен бірге дереу союға жібереді, ауру мысықтар мен иттерді жояды.

      1135. Саламатсыз пунктті сауықтыру қатарынан екі рет теріс нәтиже алғанға дейін әрбір күнтізбелік 15-20 күнтізбелік күн сайын РБС-да, КБР-да жүйелі түрде диагностикалық серологиялық зерттеу, кейіннен ауру жануарларды оқшаулау және сою жолымен жүзеге асырылады, бруцеллезбен ауыратын жануарлар анықталған шаруашылық жүргізуші субъектілерде жануарлар болған жағдайда да теріс нәтиже алғанға дейін әрбір күнтізбелік 15-20 күнтізбелік күн сайын жүйелі түрде диагностикалық серологиялық зерттеу жүргізіледі, кейіннен ауру жануарлар оқшауланады және сойылады және ауру мысықтар мен иттер жойылады.

      Осы Қағидаға 2-қошымда көрсетілген жануарлар бруцеллезін қосымша диагностикалық зерттеу нәтижелеріне сәйкес оң нәтиже алынған жағдайда, жануар бруцеллезге оң әсер береді деп саналады.

      1136. Саламатсыз пункті сауықтыру кезеңінде осы Қағидалардың 1135-тармағына сәйкес қатарынан екі рет жүйелі түрде диагностикалық зерттеулер жүргізу қорытындылары бойынша оң әсер беретін жануарларлар анықталған жағдайда, уәкілетті орган ведомствосының аумақтық бөлімшесі құрамына уәкілетті орган ведомствасының, ЖАО бөлімшелерінің, ғылыми мекемелердің, ветеринариялық зертхананың, қоғамдық бірлестіктердің, ұйымдардың өкілдерін қоса отырып, саламатсыз пунктті сауықтыру нәтижелеріне қол жеткізбеу себептерін анықтау жөніндегі комиссияны құрады. Саламатсыз пунктті сауықтыру нәтижелеріне қол жеткізбеу себептерін анықтау нәтижелері бойынша мемлекеттік ветеринариялық ұйымның басшысына және жануарлар иелеріне қатысты Кодекстің 406-бабының 3 және 4-тармақтарға сәйкес әкімшілік шаралар қабылданады.

      Комиссияның жұмысына қарамастан, саламатсыз пунктте осы Қағидалардың 1135-тармағына сәйкес одан әрі жүйелі түрде диагностикалық зерттеу жолымен сауықтыру іс-шараларын жүргізу жалғасады. Осы Қағидалардың 1135-тармағына сәйкес қосымша қатарынан екі рет диагностикалық зерттеулер жүргізілгеннен кейін саламатсыз пунктті сауықтыру нәтижелеріне қол жеткізілмеген жағдайда:

      мемлекеттік ветеринариялық ұйымның басшысына және жануарлар иелеріне қатысты Кодекстің 406-бабының 3 және 4-тармақтарына сәйкес әкімшілік шаралар қабылданады;

      саламатсыз пунктті одан әрі сауықтыру саламатсыз пункттегі барлық жануарларды санитариялық союға тапсыру жолымен жүргізіледі.

      1137. Cay жануарлардың залалдануы және эпизоотиялық қауіпті аймақта инфекцияның таралуы қаупі туындаған кезде шаруашылық жүргізуші субъектілердің барлық мал басын диагностикалық зерттеуден (РБС, КБР) кейін Қазақстан Республикасында және Кеден одағына мүше мемлекеттерде қолдануға рұқсат берілген вакциналармен иммундайды, кейіннен қолдану жөніндегі тәлімдемеге сәйкес зерттейді.

      1138. Бруцеллезге қарсы вакциналар қолдану жолымен сауықтырылғаннан және бруцеллез бойынша саламатсыз пункттен, эпизоотологиялық бірліктен шектеу іс-шаралары алып тасталғаннан кейін бұл пункт, эпизоотолгиялық бірлік қосымша диагностикалық зерттелетін саламатты пункт болып танылады. Вакциналанған жануарларды қосымша диагностикалық зерттеу диагностикалық зерттелетін саламатты пункт, эпизоотологиялық бірлік болып танылғаннан кейінгі бірінші жылы осы Қағидалардың 1100-тармағында көзделген шарттар сақтала отырып, вакциналарды қолдану жөніндегі тәлімдемеде көзделген мерзімдерде және әдістермен жүргізіледі. Одан кейінгі жылдары диагностикалық зерттеулер осы Қағидалардың 1089-тармағына сәйкес жоспарлы түрде жүргізіледі.

      1139. Вакциналанған және қайта вакциналанған қойдың (ешкінің) саламаттылығын мониторингтеуді түсіктер мен өлі туылған қозыларды (лақтарды) бактериологиялық зерттеудің, тұқымдық қошқарлар мен күйек қошқарларды шағылыстыру науқанына дейін және кейін, осы отардан алынған ұрғашы тоқтыларды, отар жанындағы иттерді және олармен бірге ұсталатын басқа да жануар түрлерін серологиялық зерттеудің нәтижелері бойынша жүзеге асырады, сондай-ақ қызмет көрсетуші персоналдың бруцеллезбен ауыруы жағдайларын ескереді.

      1140. Бруцеллез бойынша саламатсыз пункттен, эпизоотологиялық бірліктен шектеу іс-шаралары, егер:

      1) араларында ауруы бар қойлар (ешкілер) қалмаса және барлық ұсақ мал басынан әрбір күнтізбелік 15-20 күнтізбелік күн сайын теріс нәтижелер алынса және эпизотиялық ошақтағы (бұдан бұрын бруцеллезбен ауырған жануарлар анықталған шаруашылық субъектілеріндегі) басқа да жануар түрлерінің мал басынан теріс нәтиже алынса және қорытынды дезинфекция жүргізілсе (осы Қағидалардың 1135-тармағына қатысты);

      2) саламатсыз пункттегі барлық мал басы санитариялық союға тапсырылса және қорытынды дезинфекция жүргізілсе (осы Қағидалардың 1136-тармағына қатысты);

      3) бруцеллезге қарсы вакциналар қолданылса және қорытынды дезинфекция жүргізілсе (осы Қағидалардың 1137-тармағына қатысты) алып тасталады.

      1141. Қойларды (ешкілерді) ұрықтандыру үшін бруцеллез бен инфекциялық эпидидимитке қатысты сау қошқарлардың (текелердің) ұрығын пайдаланады.";

      1145-тармақ мынадай редакцияда жазылсын:

      "1145. Одан әрі осы Қағидалардың 1087-тармағында көзделген әдістермен және мерзімдерде тұқымдық қошқарларға міндетті жоспарлы диагностикалық зерттеулер жүргізеді.";

      1151-тармақ мынадай редакцияда жазылсын:

      "1151. Шегінде инфекция қоздырғышының көздері бар және оның берілу тетіктері әрекет ететін жануарлар мен адамдар залалдануы мүмкін аумақ бруцеллез инфекциясының эпизоотиялық ошағы болып табылады. Эпизоотиялық ошақты зерттеп-қарауды тиісті әкімшілік-аумақтық бірліктің мемлекеттік ветеринариялық дәрігері және дәрігер-эпидемиолог Қазақстан Республикасы Денсаулық сақтау министрінің 2018 жылғы 14 желтоқсандағы № ҚР ДСМ-40 бұйрығымен (Нормативтік құқықтық актілердің мемлекеттік тіркеу тізілімінде № 17995 болып тіркелген) бекітілген "Аса қауіпті инфекциялық аурулардың алдын алу бойынша санитариялық-эпидемияға қарсы, санитариялық-профилактикалық іс-шараларды ұйымдастыруға және жүргізуге қойылатын санитариялық-эпидемиологиялық талаптар" санитариялық қағидаларына сәйкес жүргізеді. Ветеринариялық қызмет жануарларды бруцеллезге зерттеп-қарауды ұйымдастырады және ауру жануарлар табылған кезде оларды оқшаулау, союға тапсыру және басқа да ветеринариялық-санитариялық іс-шаралар жүргізу бойынша шұғыл шаралар қабылдайды.";

      1152, 1153, 1154 және 1155-тармақтар алып тасталсын;

      1158-тармақ мынадай редакцияда жазылсын:

      "1158. Шаруашылық жүргізуші субъектілерде, жануардан алынатын өнімдер мен шикізатты өңдейтін кәсіпорындарда, вирулентті өскіндермен жұмыс істейтін зертханаларда бруцеллезге қарсы іс-шараларды ұйымдастыруға және өткізуге және бруцеллезге қарсы режимді сақтауға мемлекеттік санитариялық қадағалау тәртібіндегі бақылауды халықтың санитариялық-эпидемиологиялық саламаттылығы саласындағы мемлекеттік органның аумақтық басқармасы жүзеге асырады.";

      1159-тармақ алып тасталсын;

      1160-тармақ мынадай редакцияда жазылсын:

      "1160. Бруцеллезбен залалдану қатері бар шаруашылық жүргізуші субъектілерде, шалғайдағы жайылымдарда, сою пункттерінде, қой қырқу пункттерінде, ет комбинаттары мен сүт зауыттарында және басқа да кәсіпорындарда бруцеллезге қарсы режимнің сақталуы бойынша жоспарлы зерттеп-қарауды эпидемиологтар осы объектілерге жетекшілік ететін санитариялық дәрігерлермен, сондай-ақ тиісті әкімшілік-аумақтық бірліктердің ветеринариялық-санитариялық инспекторларымен бірлесіп жүргізгені жөн.";

      99-тараудың 10 және 11-параграфтары алып тасталсын;

      1390-тармақ мынадай редакцияда жазылсын:

      "1390. Жануарларды, жануарлардан алынатын өнімдер мен шикізатты өткізуді жүзеге асыратын сауда объектілерінде (бұдан әрі – сауда объектілері) тамақ өнімдерінің ветеринариялық-санитариялық сараптамасын ветеринариялық-санитариялық сараптама зертханалары (бұдан әрі – зертханалар) жүзеге асырады.

      Зертханада жануарлардан алынатын өнімдер мен шикізаттың ветеринариялық-санитариялық сараптамасы осы Қағидаларға 3-қосымшаға сәйкес сауда объектілеріндегі зертханалар жүргізетін міндетті және қосымша диагностикалық зерттеулер тізбесіне сәйкес жүзеге асырылады.";

      1399 және 1400-тармақтар мынадай редакцияда жазылсын:

      "1399. Сопақша және тік тікбұрышты нысандағы ветеринариялық таңбаларда, сондай-ақ ветеринариялық мөртабандарда осы Қағидаларға 4-қосымшаға сәйкес ақпарат қамтылады.

      1400. Етті, ет өнімдерін (субөнімдерін) таңбалау үшін осы Қағидаларға 4-қосымшаға сәйкес ветеринариялық таңбалар мен мөртабандар белгіленеді.";

      1-қосымшада:

      оң жақтағы жоғарғы бұрыш мынадай редакцияда жазылсын:

      осы бұйрыққа 1 және 2-қосымшаларға сәйкес 1 және 2-қосымшалармен толықтырылсын;

      көрсетілген Қағидаларға 2-қосымша осы бұйрыққа 3-қосымшаға сәйкес жаңа редакцияда жазылсын.

      2. Қазақстан Республикасы Ауыл шаруашылығы министрлігінің Ветеринариялық, фитосанитариялық және тамақ қауіпсіздігі департаменті заңнамада белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық мемлекеттік тіркелген күннен бастап күнтізбелік 10 (он) күн ішінде оның қазақ және орыс тілдерінде ресми жариялау және Қазақстан Республикасы Нормативтік құқықтық актілерінің эталондық бақылау банкіне енгізу үшін "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберілуін;

      3) осы бұйрық мемлекеттік тіркелгеннен кейін күнтізбелік 10 (он) күн ішінде оның көшірмесінің мерзімді баспа басылымдарына ресми жариялауға жіберілуін;

      4) осы бұйрықтың Қазақстан Республикасы Ауыл шаруашылығы министрлігінің интернет-ресурсында орналастырылуын;

      5) осы бұйрық мемлекеттік тіркелгеннен кейін 10 (он) жұмыс күні ішінде Қазақстан Республикасы Ауыл шаруашылығы министрлігінің Заң қызметі департаментіне осы тармақтың 1), 2), 3) және 4) тармақшаларында көзделген іс-шаралардың орындалуы туралы мәліметтердің ұсынылуын қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Ауыл шаруашылығы вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік 10 (он) күн өткен соң қолданысқа енгізіледі.

      "КЕЛІСІЛДІ"

      Қазақстан Республикасы

      Денсаулық сақтау министрлігі

      "КЕЛІСІЛДІ"

      Қазақстан Республикасы

      Қаржы министрлігі

      "КЕЛІСІЛДІ"

      Қазақстан Республикасы

      Ұлттық экономика министрлігі

Ауыл шаруашылығы жануарларының бруцеллезін диагностикалау нәтижелері

      Ескертпе: + - оң нәтиже; – - теріс нәтиже; + - күмәнді нәтиже;

Жануарлар бруцеллезін қосымша диагностикалық зерттеу нәтижелері

      Ескертпе: + - оң нәтиже; – - теріс нәтиже;

Ет пен сойылғаннан кейін алынған өнімдерді таңбалауға арналған ветеринариялық таңбалардың және мөртабандардың үлгілері

      1. Сопақша нысандағы 1-таңба.

      2. KZ F 01/U2-0001 – жануарларды сою жүргізілген сою пунктінің немесе ет өңдейтін кәсіпорынның есептік нөмірі; Қазақстан Республикасы Ауыл шаруашылығы министрінің 2015 жылғы 23 қаңтардағы № 7-1/37 бұйрығымен (Нормативтік құқықтық актілерді мемлекеттік тіркеу тізілімінде № 10466 болып тіркелген) бекітілген (бұдан әрі – Бұйрық) Жануарлар өсіруді, жануарларды, жануарлардан алынатын өнім мен шикізатты дайындауды (союды), сақтауды, қайта өңдеуді және өткізуді жүзеге асыратын өндіріс объектілеріне, сондай-ақ ветеринариялық препараттарды, жемшөп пен жемшөп қоспаларын өндіру, сақтау және өткізу жөніндегі ұйымдарға есептік нөмірлер беру қағидаларына сәйкес берілген:

      бірінші символ – елдің коды – КZ;

      екінші символ – облыстың литерлік коды;

      үшінші символ – ауданның реттік нөмірі;

      төртінші символ – өндіріс объектісінің қызмет түрінің коды;

      бесінші символ – өндіріс объектісінің реттік нөмірі;

      1 – таңба басуды жүзеге асыратын ветеринар дәрігердің жеке нөмірі.

      Өлшемі: 40(± 5)х60(± 5) миллиметр.

      Жиегінің ені – 1,5(± 0,3) миллиметр.

      Әріптердің және сандардың биіктігі – 10(± 0,2) миллиметр.

      Сопақша нысандағы 2-таңба.

      3. "ЖК ВЕТСАРАПТАМА" – ветеринариялық-санитариялық сараптама зертханасының атауы;

      KZ – Қазақстан Республикасының литерлік коды;

      F 01 – аумағында ветеринариялық-санитарлық сараптама зертханасы орналасқан облыстың және ауданның коды, Қағидаға 3-қосымшаға сәйкес берілген:

      1 – таңба басуды жүзеге асыратын ветеринар дәрігердің жеке нөмірі.

      Өлшемі: 40(± 5)х60(± 5) миллиметр.

      Жиегінің ені – 1,5(± 0,3) миллиметр.

      Әріптердің және сандардың биіктігі – 10(± 2) миллиметр.

      Құстардың, үй қоянының, сазқұндыздың және басқа да ұсақ жануарлардың еттерін таңбалауға арналған сопақша нысандағы (кішірек көлемді) таңба.

      4. KZ F 01/U2-0001 – Бұйрыққа сәйкес берілген сою пунктінің немесе ет өңдейтін кәсіпорындардың есептік нөмірі:

      бірінші белгі – елдің коды – КZ;

      екінші белгі – облыстың литерлік коды;

      үшінші белгі – ауданның реттік нөмірі;

      төртінші белгі – өндіріс объектісінің қызмет түрінің коды;

      бесінші белгі – өндіріс объектісінің реттік нөмірі;

      1 – таңба басуды жүзеге асыратын ветеринар дәрігердің жеке нөмірі.

      Өлшемі: 25(± 3)х40(± 5) миллиметр.

      Жиегінің ені – 1(± 0,2) миллиметр.

      Әріптердің және сандардың биіктігі – 6 миллиметр.

      4. Тік бұрышты нысанды таңба.

      KZ F 01/U2-0001 – жануарды сою жүргізілген, Бұйрыққа сәйкес берілген сою алаңының уақытша есептік нөмірі:

      бірінші белгі – елдің коды – КZ;

      екінші белгі – облыстың литерлік коды;

      үшінші белгі – ауданның реттік нөмірі;

      төртінші белгі – өндіріс объектісінің қызмет түрінің коды;

      бесінші белгі – өндіріс объектісінің реттік нөмірі;

      1 – таңба басуды жүзеге асыратын ветеринар дәрігердің жеке нөмірі.

      Өлшемі: 40(± 5)х70(± 5) миллиметр;

      Жиегінің ені – 1,5(± 0,3) миллиметр;

      Әріптердің және сандардың биіктігі – 10(± 2) миллиметр.

      5. Ветеринариялық мөртабандар.

      KZ F 01/U2-0001 – жануарды сою жүргізілген, Бұйрыққа сәйкес берілген өндіріс объектісінің есептік нөмірі:

      бірінші белгі – елдің коды – КZ;

      екінші белгі – облыстың литерлік коды;

      үшінші белгі – ауданның реттік нөмірі;

      төртінші белгі – өндіріс объектісінің қызмет түрінің коды;

      бесінші белгі – өндіріс объектісінің реттік нөмірі;

      1 – таңба басуды жүзеге асыратын ветеринар дәрігердің жеке нөмірі.

      Өлшемі: 40(± 5)х70(± 5) миллиметр;

      Жиегінің ені – 1,5(± 0,3) миллиметр;

      Әріптердің және сандардың биіктігі – 10(± 2) миллиметр.

      6. Қосымша мөртабандар.

      Өлшемі: 20 (± 3)х50(± 5) миллиметр;

      Жиегінің ені – 1,5(± 0,3) миллиметр;

      Әріптердің биіктігі – 10(± 2) миллиметр.

      7. Құс өңдейтін кәсіпорындарда құс ұшаларына қойылатын электротаңба.

      1) 1; 2) 2; 3) Қ;

      1 – бірінші санаттағы құс;

      2 – екінші санаттағы құс;

      Қ – өнеркәсіптік қайта өңдеуге.

      Әріптердің және сандардың биіктігі – 20(± 4) миллиметр