БҰЙЫРАМЫН:

      1. "Кеме экипажы мүшелерін медициналық қарап-тексеру қағидаларын, олардың денсаулығы мен дене жарамдылығына қойылатын талаптарды, сондай-ақ медициналық қорытындының нысанын бекіту туралы" Қазақстан Республикасы Инвестициялар және даму министрінің міндетін атқарушының 2015 жылғы 27 наурыздағы № 364 бұйрығына (Нормативтік құқықтық актілерді мемлекеттік тіркеу тізілімінде № 11546 болып тіркелген, 2015 жылғы 9 қыркүйекте "Әділет" ақпараттық-құқықтық жүйесінде жарияланған) мынадай өзгерістер енгізілсін:

      көрсетілген бұйрықпен бекітілген Кеме экипажы мүшелерін медициналық қарап-тексеру қағидалары осы бұйрыққа 1-қосымшаға сәйкес редакцияда жазылсын;

      көрсетілген бұйрықпен бекітілген Кеме экипажы мүшелерінің денсаулық жағдайына және дене жарамдылығына қойылатын талаптар осы бұйрыққа 2-қосымшаға сәйкес редакцияда жазылсын;

      көрсетілген бұйрықпен бекітілген медициналық қорытындының нысаны осы бұйрыққа 3-қосымшаға сәйкес редакцияда жазылсын.

      2. Қазақстан Республикасы Инвестициялар және даму министрлігінің Көлік комитеті Қазақстан Республикасының заңнамасымен белгіленген тәртіпте:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрық мемлекеттік тіркелген күнінен бастап күнтізбелік он күн ішінде қазақ және орыс тілдерінде Қазақстан Республикасы Нормативтік құқықтық актілерінің эталондық бақылау банкіне ресми жариялау және енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;

      3) осы бұйрықты Қазақстан Республикасы Инвестициялар және даму министрлігінің интернет-ресурсында орналастыруды;

      4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Инвестициялар және даму министрлігінің Заң департаментіне осы тармақтың 1), 2) және 3) тармақшаларына сәйкес іс-шаралардың орындалуы туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛГЕН"

      Қазақстан Республикасының

      Денсаулық сақтау министрі

      ________________ Е. Біртанов

      2018 жылғы "____" ___________

Кеме экипажы мүшелерін медициналық қарап-тексеру қағидалары

1-тарау. Жалпы ережелер

      1. Осы Кеме экипажы мүшелерін медициналық қарап-тексеру қағидалары (бұдан әрі - Қағидалар) "Сауда мақсатында теңізде жүзу туралы" 2002 жылғы 17 қаңтардағы Қазақстан Республикасы Заңының 4-бабы 3-тармағының 55-28) тармақшасына, түзетулер енгізілген 1978 жылғы Теңізшілерді даярлау және диплом беру және вахта жұмысын атқару туралы халықаралық конвенцияның (бұдан әрі – Конвенция) I/9 қағидаларына сәйкес әзірленген және кеме экипажы мүшелерін медициналық қарап-тексеруді жүргізу (бұдан әрі - медициналық қарап-тексеру) тәртібін белгілейді.

      2. Қағидалардың талаптары теңіз кемелері экипажының мүшелеріне қолданылады.

      3. Медициналық қарап-тексеру зертханалық және функционалдық зерттеулерді толық көлемде жүргізу үшін білікті мамандарға, материалдық-техникалық ресурстарға ие медициналық ұйымдарда жүзеге асырылады.

      4. Медициналық қарап-тексеруді жүзеге асыратын медициналық ұйым басшысының бұйрығымен бес жыл мерзімге кәсіби патология бойынша қайта даярлаудан өткен және маман (кәсіби патолог) сертификаты бар, медициналық қарап-тексеруге және медициналық қорытындыны беруге жауапты дәрігер (бұдан әрі – Дәрігер) тағайындалады.

      Дәрігерді тағайындау немесе оны ауыстыру туралы бұйрық (себебін көрсете отырып) оны бекіткен күннен бастап бес жұмыс күні ішінде сауда мақсатында теңізде жүзу саласындағы уәкілетті органға жіберіледі.

      Сауда мақсатында теңізде жүзу саласындағы уәкілетті орган Дәрігерлердің тізімін құрайды және өзінің: www.mid.gov.kz интернет ресурсында жариялайды.

      5. Медициналық қарап-тексеру осы Қағидаларға сәйкес жүргізіледі.

      Дәрігер Кеме экипажы мүшелерінің денсаулық жағдайына және дене жарамдылығына қойылатын талаптарды басшылыққа алады.

      6. Дәрігер медициналық қарап-тексеру барысында толық кәсіби еркіндігін қолданады.

      7. Кеме экипажының мүшелеріне үміткерлерді медициналық тексеріп қараудың мақсаты кәсібі бойынша денсаулық жағдайы бойынша олардың жұмысқа жарамдылығын анықтау болып табылады.

      Жұмыс істейтін кеме экипажының мүшелерін медициналық тексеріп қараудың мақсаты:

      1) кемелерде жұмыс істейтін адамдардың денсаулық жағдайын динамикалық қадағалау;

      2) ауруларды, оның ішінде кемелерде жұмысты жалғастыруға кедергі келтіретін кәсіби ауруларды уақытында анықтау;

      3) жұмыскерлердің денсаулығын сақтауға және еңбекке қабілеттілігін қалпына келтіруге бағытталған профилактикалық және оңалтушылық іс-шараларды жүргізуді бақылау;

      4) инфекциялық және паразиттік арулардың таралуын диагностикалау және алдын алу болып табылады.

      8. Медициналық қарап-тексеру екі жылда бір рет өткізіледі, он сегіз жасқа толмаған адамдар жыл сайын өтіп тұрады.

      9. Медициналық ұйым үш жұмыс күні ішінде Порттың теңіз әкімшілігіне Қазақстан Республикасы Инвестициялар және даму министрінің 2015 жылғы 31 наурыздағы № 417 бұйрығымен бекітілген Қазақстан Республикасы теңізшісінің жеке куәліктерінің, кәсіби дипломдардың, кәсіби дипломдар растамаларының, жеңілдік рұқсаттарының, теңізде жүзу кітапшаларының тізілімдерін жүргізу қағидаларына (Нормативтік құқықтық актілерді мемлекеттік тіркеу тізілімінде № 11033 болып тіркелген) сәйкес Кәсіби дипломдардың, кәсіби дипломдар растамаларының және жеңілдік рұқсаттардың тізіліміне енгізу үшін ұсынады.

      10. Порттың теңіз әкімшілігі шетелдік медициналық қорытындыларды Қазақстан Республикасы және аталған қорытындыны берген мемлекеттің арасында Конвенцияның I/10 қағидаларына сәйкес, егер аталған келісімде өзгеше көрсетілмесе, тиісті келісім болған жағдайларда таниды.

2-тарау. Медициналық қарап-тексеру тәртібі

      11. Медициналық қарап-тексеруге он алты жастан асқан кеме экипажы мүшелері және кемеде жұмыс істейтін экипаж мүшелері жатады.

      12. Медициналық тексеріп қарау кезінде функционалдық және зертханалық зерттеулер мыналарды қамтиды:

      1) клиникалық қан талдауы, глюкозаға қан талдауы;

      2) адамның иммун тапшылығы вирусына (АИТВ) қан талдауы;

      3) есірткі заттары мен ішімдік белгілеріне қан мен несеп талдауы;

      4) көру өткірлігін зерттеу, көз іші қысымын өлшеу;

      5) естуін зерттеу.

      13. Медициналық тексеріп қарау процесінде анықталған медициналық көрсеткіштер кезінде зерттеудің қосымша зертханалық-инструменталдық және функционалдық әдістері жүргізіледі.

      14. Медициналық қарап-тексеруді жүргізу кезінде Дәрігер осы Қағидаларға қосымшаға сәйкес кеме экипажы мүшесінің дене жарамдылығын есепке алудың медициналық картасында кеме экипажының мүшесі туралы мәліметтер және келесі шешімдердің біреуін енгізеді:

      1) кемедегі жұмысқа шектеусіз жарамды;

      2) кемедегі жұмысқа шектеулі жарамды;

      3) кемедегі жұмысқа жарамсыз.

      Егер кеме экипажының мүшесі кемедегі жұмысқа шектеулі жарамды деп танылса, Дәрігер осы шектеулерді көрсетеді.

      15. Кеме экипажы мүшесі кемедегі жұмысқа жарамды деп танылған жағдайда Медициналық қорытынды беріледі.

      16. Медициналық қорытынды мынадай шешімдердің біреуін қамтиды:

      1) денсаулық жағдайы бойынша кемедегі жұмысқа шектеусіз жарамды (міндеттер түрін көрсете отырып);

      2) денсаулық жағдайы бойынша кемедегі (міндеттер түрін көрсете отырып) жұмысқа шектеулі жарамды (жүзудің аудандары, рейстердің ұзақтығы, басқа да шектеулер);

      17. Денсаулық жағдайы бойынша кемелердегі жұмысқа жарамсыз адамдарға медициналық қорытынды берілмейді.

      18. Медициналық қорытынды Дәрігердің қолымен және мөрімен расталады.

      Медициналық қорытынды:

      1) он сегіз жасқа толмаған кеме экипажы мүшелері үшін бір жыл;

      2) он сегіз жастағы және одан үлкен кеме экипажы мүшелері үшін екі жыл;

      3) медициналық қарап-тексеру кезіндегі кеме экипажы мүшесінің денсаулық жағдайы негізінде шектеулі кезең ішінде жарымды болады.

      Егер медициналық қорытындының жарамдылық мерзімі рейс кезінде аяқталатын болса, онда ол осы мерзім үш айдан аспайтын шартпен, Дәрігері бар келесі портқа дейін жарамды болып қала береді.

      19. Қағидалардың 14-тармағында көрсетілген қорытындымен келіспеген жағдайда кеме экипажының мүшесі Порттың теңіз әкімшілігіне үш жұмыс күні ішінде жүгінеді. Порттың теңіз әкімшілігі бес жұмыс күні ішінде басқа медициналық ұйымнан Дәрігерді тартады.

      Басқа медициналық ұйымнан тартылған Дәрігер қайта жүргізген тексеріс негізінде жоғарыда көрсетілген қорытындыны растайды немесе жоққа шығарады, ол туралы Порттың теңіз әкімшілігіне хабарлайды.

      Қайта жүргізген тексеріс нәтижесімен келіспеген жағдайда, кеме экипажының мүшесі тексеріс нәтижесіне сот тәртібінде шағым жасай алады.

      20. Кеме экипажының мүшесі кемедегі жұмыстан:

      1) тиісті медициналық қорытындысы болмағанда;

      2) ауруын жасыру салдарынан сәйкес келмейді деген медициналық қорытынды берілген жағдайларда шеттетіледі.

Кеме экипажы мүшесінің дене жарамдылығын есептеудің медициналық картасы

      1. Кеме экипажының мүшесі туралы ақпарат

      2. Кеме экипажының мүшесі туралы жеке ақпарат

      (толтырған кезде қажет болғанда медициналық персонал көмек көрсетеді)

      ЕСКЕРТУ:

      Жалған немесе анық емес ақпаратты беру қатаң қылмыстық-жазалаушылық әрекет болып саналады және қылмыстық қудалауға әкелуі мүмкін.

      Осымен жоғарыда көрсетілген ақпараттың нақтылығын растаймын

      Қолы: _____________ Дата (күні/айы/жылы): ___ / ___ / ___

      Тегі, аты, әкесінің аты (бар болса) (баспаханалық әріптерімен):

      ____________________________________________________________________

      Осымен медициналық мекемелерден және қоғамдық ұйымдардан менің медициналық

      картамдағы бұрынғы барлық жазбаларды

      ___________________________ (бекітілген дәрігеріне) ұсынуға рұқсат беремін

      Қолы: _____________ Дата (күні/айы/жылы): ___ / ___ / ___

      Тегі, аты, әкесінің аты (бар болса) (баспаханалық әріптерімен):

      ____________________________________________________________________

      Бұрынғы медициналық тексерістер бойынша байланыс деректері және өту күні

      (белгілі болса):

      ____________________________________________________________________

      3. Медициналық тексеріс:

      Клиникалық нәтижелер

      4. Теңізде қызмет атқаруға жарамдылығын бағалау:

      Сынақтан өтіп отырған адамның жеке өтініші, менің клиникалық тексеруім және жоғарыда жазылған диагностикалық тестілеу нәтижелері негізінде медициналық көрсеткіштер бойынша Мен, сынақтан өтушіні растаймын:

      Медициналық қорытындының

      жарамдылық мерзімі (күні/айы/жылы): ___ / ___ / ___

      Медициналық қорытындыны беру мерзімі (күні/айы/жылы): ___ / ___ / ___

      Медициналық қорытындының нөмірі: ________________________________

      Дәрігердің қолы: ________________________________

      Дәрігер туралы деректер (аты, лицензиясының нөмірі, мекенжайы):

Кеме экипажы мүшелерінің денсаулық жағдайына және дене жарамдылығына қойылатын талаптар

      1. Осы кеме экипажы мүшелерінің денсаулық жағдайына және дене жарамдылығына қойылатын талаптар (бұдан әрі – Талаптар) Қазақстан Республикасы Министрлер Кабинетінің 1994 жылғы 2 наурыздағы № 244 қаулысымен ратификацияланған Теңізшілерді даярлау мен диплом беру және вахта жұмысын атқару туралы халықаралық конвенцияға сәйкес белгіленген және кеме экипажы мүшелерінің ең аз дене қабілеттерінің негізінде Талаптарға 1-кестеге сәйкес анықталған.

      2. Кеме экипажы мүшелерін тексеріп қарау кезінде өлшеуге жататын буынның қызметі мен қозғалыс көлемін бағалау Талаптарға 2-кестеге сәйкес жүргізіледі.

      3. Қашықтықтан және түрлі-түсті көруді бағалау Талаптарға 3-кестеге сәйкес кеме экипажы мүшелері үшін ең төменгі қолданыстағы көру стандарттары негізінде жүргізіледі.

      Талап етілетін стандартқа сәйкес болуы үшін көруді түзету құрылғыларын пайдалану қажеттілігі туралы жазу кемелердегі жұмыс үшін денсаулық жағдайы бойынша жарамдылығы туралы медициналық қорытындыға енгізілуі тиіс.

      Кемедегі өз міндеттерін орындау үшін көзілдірікті немесе көру линзаларын пайдалануы қажет кеме экипажы мүшесінің бортта қосымша көзілдірігі немесе көру линзалары болуы тиіс.

      4. Кеме экипажы мүшесінің естуі (қосалқы құралдарсыз) 500, 1000, 2000 және 3000 Гц жиілігі шегінде (тиісінше 3 м және 2 м қашықтықта сөйлеуді естуге сәйкес келеді) ең азы жақсы еститін құлақта 30 дБ және нашар еститін құлақта 40 дБ болуы тиіс. Палубада/көпіршікте жұмыс істейтін кеме экипажының мүшелері 3 метр қашықтықта сыбырлап сөйлеуді естулері тиіс.

      Естуді тексеріп қарау таза есту дыбысының аудио өлшегішінің көмегімен жүргізіледі. Сондай-ақ сөйлеуді қабылдаудың нашарлауын өлшейтін ұқсас тәсілдерді қолдануға болады. Гуілдің әсерінен естуден айырылу диагностикаласа, басқа өлшем шарттар және бағалаудың әдістері пайдаланылады.

      Қосалқы есту құралдары, кеме экипажының мүшесі өз міндеттерін, оның ішінде авариялық жағдайларда, қауіпсіз және тиімді орындай алу жағдайында медициналық куәлігі қолданысы кезеңінде пайдаланады. Кемеде аталған құралдардың қосалқы даналары және шығыс материалдары болу тиіс.

      Кемедегі авариялық дабылдың жұмысы кеме экипажы мүшесінің ұйқыдан оятуды кепілдеуі тиіс.

Кеме экипажы мүшелерінің ең төменгі физикалық қабілеті

      Ескертпе:

      1. Осы кестенің 1 және 2-қатары мыналарды сипаттайды: (a) қарапайым кеме тапсырмалары, функциялары, оқиғалары және талаптары; (b) кеме экипажы мүшелерінің, экипаждың және кеменің басқа мүшелерінің қауіпсіздігі үшін қажетті деп саналуы мүмкін тиісті физикалық қабілетілігі; (c) кеме экипажы мүшесінің түрлі міндеттерін және олар жұмысқа жалданған бортта олардың жұмыс мәнін назарға ала отырып, медициналық жарамдығын бағалау кезінде тәжірибеленуші дәрігерді пайдалану үшін жоғары өлшемшарттар.

      2. Жоғарыда көрсетілген кестенің 3-қатары мыналарды сипаттайды: (a) авария жағдайында борттағы тапсырмалар, функциялар, қиындықтар және көрсеткіштер (талаптар); (b) теңізшінің, экипаждың және кеменің басқа мүшелерінің қауіпсіздігі үшін қажетті деп саналуы тиіс, тиісті физикалық қабілетілігі; және (c) кеме экипажы мүшелерінің түрлі міндеттерін және олар жұмысқа жалданған бортта олардың жұмыс мәнін назарға ала отырып, медициналық жарамдығын бағалау кезінде тәжірибеленуші дәрігерді пайдалану үшін жоғары өлшемшарттар.

      3. Осы кесте борттағы мүмкін көрсеткіштерге көрсетуге немесе әлеуетті біліктілігін жоғалтқан медициналық жағдайға көрсетуге ниетті емес. Тараптар кеме экипажы мүшелерінің белгілі бір санатына қолданатын физикалық қабілетті нақтылауы тиіс (капитан көмекшісі және машина бөлімінің қатардағы қызметкері ретінде). Жеке тұлғалар және арнайы немесе шектеулі міндеттері барлар үшін ерекше жағдайлар тиісті түрде қаралуы тиіс.

      4. Егер күмән туындаған жағдайда, тәжірибеленуші дәрігер кез келген тиісті нашарлаудың дәрежесін немесе деңгейін объективті тестілерді жүргізу, егер тестілер қолданылған және қолжетімді болған жағдайда, немесе кандидатты одан әрі тексеруге жіберу арқылы есептеуі тиіс.

      5. "Көмекші" термині тапсырманы орындау үшін басқа адамды пайдалануды білдіреді.

      6. "Авариялық жағдайлар кезіндегі міндет" термині жеке күн көрінісін қамтамасыз ету үшін әр теңізші орындауы тиіс рәсімдер ретінде кемені тастап кету немесе өрт сөндіру тәрізді авариялық жағдайға жен қоюдың барлық стандартты жағдайларын қамту үшін пайдаланылады.

Кеме экипаждары мүшелерін тексеріп қарау кезінде өлшеуге жататын буынның қызметі мен қозғалыс көлемі

Кеме экипаждары мүшелерін үшін ең төменгі қолданыстағы көру стандарттары

      Ескертпе:

      1. Мәндер он сандық Snellen жүйесінде көрсетілген.

      2. Бір көздегі кем дегенде 0,7 ретінде мәні көз ауруы негізінде жатқан белгісіздік тәуекелін төмендету үшін ұсынылады.

      3. Жарықтандыру жөніндегі халықаралық комиссияның көлігі үшін түрлі түсті көру талаптарына қойылатын халықаралық ұсынымдармен айқындалғандай (кез келген кейінгі нұсқаларды қоса алғанда, CIE-143-2001).

      4. Бастапқы тексеріп қарау кезінде анықталғаны көрсетілген клиникалық көру маманы бағалауға тиіс.

      5. Машина бөлімінің персоналы кемінде 0.4. көруі араласқан болуы тиіс.

      6. CIE 1 немесе 2 түрлі түсті көру стандарты.

      7. CIE 1, 2 немесе 3 түрлі түсті көру стандарты.

Seafarer medical fitness certification Медициналық қорытынды

      Осы куәлік Қазақстан Республикасының атынан теңізшілерді медициналық тексеріп қарау қағидалары және түзетілген, 1978 жылғы Теңізшілерді даярлау, диплом беру және вахтаны атқару туралы халықаралық конвенциясына (бұдан әрі ДДВА Конвенциясы) сәйкес беріледі.

      This certificate is issued on behalf of the Government of the Republic of Kazakhstan in compliance with the requirements of the Regulations on Medical Examination of Seafarers and the International Convention on Standards of Training 6 Certification and Watchkeeping for Seafarers6 1978, as amended (STCW Convention), and the Maritime Labour Convention, 2006

      1.ТЕҢІЗШІ ТУРАЛЫ АҚПАРАТ / DATA OF SEAFARER

      2. ШЕКТЕУЛЕР/ LIMITATIONS

      3. ДДВА КОНВЕНЦИЯСЫНА СӘЙКЕС ДЕНЕ ЖАРАМДЫЛЫҒЫН АНЫҚТАУ /

      JUDGEMENT MEDICAL FITNESS SEAFARER UNDER STCW CODE

      2.ТЕҢІЗШІНІҢ ДЕКЛАРАЦИЯСЫ / DECLARATION OF THE SEAFARER

      5. ДӘРІГЕРДІҢ ДЕКЛАРАЦИЯСЫ / DECLARATION OF THE RECOGNIZED MEDICAL PRACTITIONER

      6. КУӘЛІКТІ БЕРУ ЖӘНЕ ОНЫҢ ЖАРАМДЫЛЫҚ МЕРЗІМІНІҢ АЯҚТАЛУЫ /

      ISSUE AND EXPIRY DATE OF CERTIFICATE

      7. ҚОЛЫ / SUBSCRIPTION

      Ескертпе:

      1. Медициналық ұйымдарды Теңізшінің денсаулығы жағдайы туралы медициналық қорытындының бланкілерімен (бұдан әрі – Қорытынды бланкілері) қамтамасыз ету орталықтан жүзеге асырылады.

      Корытынды бланкілерінде нөмірлер мен сериялар болуы қажет.

      2. Қорытынды бланкілер және сертификаттардың тапсырушысы – сауда мақсатында теңізде жүзу саласындағы уәкілетті орган, оларды медициналық ұйымдардың берген өтінімдері және олармен жасасқан шарттар негізінде полиграфиялық қорғау дәрежесі бар баспа өнімдерін шығаруға рұқсаты бар ұйымдарға тапсырыс береді.

      3. Сериялардың нөмірлері сандардан немесе әріптер мен сандардан құралады.

      Қорытынды бланкілерінің нөмірлері сандардан құралады, бланктердің нөмірлері толассыз, сандар бірігіп көрсетіледі. Қорытынды бланкілерінің нөмірлеріндегі белгілердің саны оның қажеттілігін қанағаттандыратын нақты медициналық ұйым үшін болуы тиіс.

      4. Қорытынды бланкілері қатаң заттай-сандық есепке жатқызылады.

      Қорытынды бланкілерін сақтау, есепке алу және беру медициналық ұйымның басшысы бұйрығымен тағайындалған жауапты тұлғамен жүзеге асырылады.