Ескерту. Бұйрықтың күші жойылды – ҚР Әділет министрінің 29.05.2020 № 69 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-бабы 1) тармақшасына сәйкес БҰЙЫРАМЫН:

      1. Мыналар:

      1) "Тағылымдамадан өткен және жеке сот орындаушысы қызметімен айналысу құқығына үміткер адамдарды аттестаттаудан өткізу" мемлекеттік көрсетілетін қызмет стандарты осы бұйрықтың 1-қосымшасына сәйкес;

      2) "Жеке сот орындаушысының қызметімен айналысу құқығына лицензия беру" мемлекеттік көрсетілетін қызмет стандарты осы бұйрықтың 2-қосымшасына сәйкес бекітілсін.

      2. Қазақстан Республикасы Әділет министрінің кейбір бұйрықтарының күші осы бұйрықтың 3-қосымшасына сәйкес жойылды деп танылсын.

      3. Қазақстан Республикасы Әділет министрлігінің Сот актілерін орындау департаменті:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрықтың мемлекеттік тіркелуден өткеннен кейін күнтізбелік он күн мерзімінде ресми түрде жариялау және Қазақстан Республикасының нормативтік құқықтық актілерінің эталондық бақылау банкіне қосу үшін қазақ және орыс тілдеріндегі қағаз және электрондық түрдегі көшірмелерін "Республикалық құқықтық ақпарат орталығы" шаруашылық жүргізу құқығындағы Республикалық мемлекеттік кәсіпорнына жолдауын;

      3) осы бұйрықтың Қазақстан Республикасы Әділет министрлігінің ресми интернет-ресурсында орналастырылуын қамтамасыз етсін.

      4. Осы бұйрықтың орындалуына бақылау Қазақстан Республикасы Әділет министрінің жетекшілік ететін орынбасарына жүктелсін.

      5. Осы бұйрық алғаш ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Ақпарат және коммуникациялар министрі

      ________________ Д. Абаев

      2018 жыл "___" ______________

      "КЕЛІСІЛДІ"

      Қазақстан Республикасының

      Ұлттық экономика министрі

      ________________ Т. Сулейменов

      2018 жыл "___" ______________

"Тағылымдамадан өткен және жеке сот орындаушысы қызметімен айналысу
құқығына үміткер адамдарды аттестаттаудан өткізу" мемлекеттік көрсетілетін
қызметтер стандарты
1. Жалпы ережелер

      1. "Тағылымдамадан өткен және жеке сот орындаушысы қызметімен айналысу құқығына үміткер адамдарды аттестаттаудан өткізу" мемлекеттік көрсетілетін қызмет (бұдан әрі - мемлекеттік көрсетілетін қызмет).

      2. Мемлекеттік көрсетілетін қызмет стандартын Қазақстан Республикасының Әділет министрлігі (бұдан әрі – Министрлік) әзірледі.

      3. Мемлекеттік көрсетілетін қызметті облыстардың, республикалық маңызы бар қаланың және астананың аумақтық әділет органдары (бұдан әрі - көрсетілетін қызметті беруші) көрсетеді.

      Өтініштерді қабылдау және мемлекеттік қызмет көрсету нәтижесін беру "электрондық үкіметтің" www.egov.kz веб-порталы (бұдан әрі - портал) арқылы жүзеге асырылады.

2. Мемлекеттік қызмет көрсету тәртібі

      4. Мемлекеттік қызмет көрсету мерзімдері:

      1) көрсетілетін қызметті берушіге құжаттар топтамасын тапсырған сәттен бастап:

      аттестаттауға жіберуден бас тарту туралы шешім шығарылған жағдайда – 15 (он бес) жұмыс күнінен кешіктірмей;

      аттестаттаудан өту не өтпеу туралы комиссия шешімі шығарылған кезде – аттестаттау өткізілгеннен кейінгі күннен кешіктірмей.

      Көрсетілетін қызметті беруші көрсетілетін қызметті алушының құжаттарын алған уақыттан бастап екі жұмыс күні ішінде тапсырған құжаттарының толықтығын тексеруге міндетті.

      Құжаттар тиiсiнше ресiмделмеген не құжаттар топтамасы толық берiлмеген жағдайда, көрсетілетін қызметті берушінің кеңсесiне келiп түскен өтініш ұсынылған құжаттармен қоса түскен күнiнен бастап екі жұмыс күнiнен кешiктiрiлмей, қайтару себебi туралы жазбаша хабарламамен бiрге үмiткерге қаралмай қайтарылады.

      5. Мемлекеттік қызмет көрсету нысаны: электрондық.

      6. Мемлекеттік қызмет көрсету нәтижесі – жеке сот орындаушысының қызметімен айналысуға үміткер тұлғаларды аттестаттаудан өткізу комиссиясының осы мемлекеттік көрсетілетін қызмет стандартының 1-қосымшасына сәйкес мемлекеттік қызмет берушінің жеке сот орындаушысының қызметімен айналысуға үміткер тұлғалардың аттестаттаудан өткендігі туралы шешімі немесе осы стандарттың 10-қосымшасында көрсетілген нысанда ресімделген мемлекеттік қызмет көрсетуден негізделген бас тарту.

      Мемлекеттік қызмет көрсету нәтижесін ұсыну нысаны - электрондық.

      Көрсетілетін қызметті алушы мемлекеттік қызмет көрсету нәтижесін алу үшін портал арқылы жүгінген жағдайда мемлекеттік көрсетілетін қызмет нәтижесі көрсетілетін қызметті берушінің уәкілетті тұлғасының электрондық цифрлық қолтаңбасымен (бұдан әрі – ЭЦҚ) куәландырылған электрондық құжат нысанында ресімделеді.

      Көрсетілетін қызметті беруші аттестаттаудан өтуге жіберілген көрсетілетін қызметті алушыға аттестаттау өткізілгенге дейін күнтізбелік он күннен кешіктірмей оның өтетін орны, күні, уақыты, тәртібі туралы жазбаша түрде хабарлайды.

      Көрсетілетін қызметті беруші аттестаттау өткізілгенге дейін күнтізбелік он күннен кешіктірмей өзінің интернет-ресурсында аттесттаудан өтуге жіберілген үміткерлердің тізімін, оны өткізу тәртібін, үміткерлерді іріктеу ұзақтығы мен мазмұнын орналастырады.

      7. Мемлекеттік көрсетілетін қызмет жеке тұлғаларға ақысыз негізде көрсетіледі.

      8. Жұмыс кестесі:

      1) көрсетілетін қызметті беруші – еңбек заңнамасына сәйкес демалыс және мереке күндерін қоспағанда, 13.00-ден 14.30-ға дейінгі түскі үзіліспен, дүйсенбіден жұманы қоса алғанда, сағат 9.00-ден 18.30-ға дейiн.

      Көрсетілетін қызметті беруші өтінішті қабылдауды еңбек заңнамасына сәйкес демалыс және мереке күндерін қоспағанда, 13.00-ден 14.30-ға дейінгі түскі үзіліспен, дүйсенбіден жұманы қоса алғанда, сағат 9.00-ден 18.30-ға дейiн жүзеге асырады.

      Аттестаттауды өткізу қажеттiлiгiне қарай, бiрақ тоқсанына кемiнде бiр рет жүзеге асырылады.

      2) портал – жөндеу жұмыстарының жүргізілуімен байланысты техникалық үзілістерді қоспағанда, тәулік бойы (көрсетілетін қызметті алушы жұмыс уақыты аяқталғаннан кейін, Қазақстан Республикасының Еңбек кодексіне сәйкес демалыс және мереке күндері жүгінген кезде өтінішті қабылдау және мемлекеттік қызмет көрсету нәтижесін беру келесі жұмыс күні жүзеге асырылады).

      9. Көрсетілетін қызметті алушы (немесе оның өкілі) жүгінген кезде мемлекеттік қызметті көрсету үшін қажетті құжаттар тізбесі:

      1) осы мемлекеттік көрсетілетін қызмет стандартының 2-қосымшасына сәйкес нысан бойынша жеке сот орындаушысының қызметімен айналысу үшін аттестаттаудан өтуге жіберу туралы өтініш;

      2) мынадай ақпараты бар осы мемлекеттік көрсетілетін қызметтер стандартының 3-қосымшасына сәйкес мәліметтер нысаны;

      3) наркологиялық және психиатриялық диспансерлерден үмiткердiң тұрғылықты жерi бойынша, оларды ұсынғанға дейін бір айдан аспайтын мерзімде берiлген анықтамалар;

      Көрсетілетін қызметті алушы барлық қажетті құжаттарды портал арқылы тапсырған кезде көрсетілетін қызметті алушының "жеке кабинетінде" мемлекеттік қызмет көрсету үшін сұрау салудың қабылданғаны туралы белгі көрсетіледі.

      Мемлекеттік қызмет көрсету кезінде, қызмет алушы мемлекеттік ақпараттық жүйеде қамтылған заңмен қорғалатын құпияларды құрайтын құжаттарды пайдалануға келісім береді, егер Қазақстан Республикасының заңдарында өзге көзделмесе.

      10. Мемлекеттік қызмет көрсетуден бас тарту үшін негіздер:

      1) көрсетілетін қызметті алушының мемлекеттік көрсетілетін қызметті алу үшін ұсынған құжаттардың және (немесе) олардағы деректердің (мәліметтердің) анық еместігін анықтау;

      2) көрсетілетін қызметті алушының және (немесе) мемлекеттік қызмет көрсету үшін қажетті ұсынылған материалдардың, объектілердің, деректердің және мәліметтердің Қазақстан Республикасының нормативтік құқықтық актілерінде белгіленген талаптарға сәйкес келмеуі;

3. Көрсетілетін қызметті берушінің және (немесе) оның лауазымды адамдарының
мемлекеттік қызметтер көрсету мәселелері бойынша шешімдеріне, әрекетіне
(әрекетсіздігіне) шағымдану тәртібі

      11. Көрсетілетін қызметті берушінің және (немесе) оның лауазымды адамдарының мемлекеттік қызметтер көрсету мәселелері бойынша шешімдеріне, әрекетіне (әрекетсіздігіне) шағымдану: шағым көрсетілетін қызметті берушінің басшысының атына осы мемлекеттік көрсетілетін қызметтер стандартының 12-тармағында көрсетілген мекенжай бойынша не Министрліктің басшысының атына 010000, Астана қаласы, Есіл ауданы, Мәңгілік Ел даңғылы, № 8 үй, "Министрліктер үйі" ғимараты, 13-кіреберіс мекенжайы бойынша беріледі.

      Шағымдар жазбаша түрде пошталық байланыс, Министрліктің кеңсесі (А-022 кабинет), телефоны 8 (7172) 74-07-95, 74-07-96 арқылы қолма-қол немесе портал арқылы қабылданады.

      Шағымда көрсетілетін қызметті алушының аты, әкесінің аты (бар болған жағдайда) тегі, пошталық мекенжайы көрсетіледі.

      Шағымды қабылдаған тұлғаның тегі мен аты-жөнін, берілген шағымға жауапты алу мерзімі мен уақытын көрсетумен оны көрсетілетін қызметті берушінің немесе Министрліктің кеңсесінде тіркеу (мөртабан, кіріс нөмірі мен күні) шағымның қабылданғанын растау болып табылады.

      Портал арқылы шағымданған жағдайда көрсетілетін қызметті алушыға "жеке кабинетінен" өтініш туралы ақпарат қолжетімді болады, ол көрсетілетін қызметті берушіде өтініштерді өңдеу барысында жаңартылып отырады (жеткізілуі, тіркелуі, орындалуы туралы белгілер, қарау немесе қараудан бас тарту туралы жауап).

      Көрсетілетін қызметті берушінің немесе Министрліктің мекенжайына түскен көрсетілетін қызметті алушының шағымы тіркелген күнінен бастап бес жұмыс күні ішінде қаралуға жатады. Шағымды қарау нәтижелері туралы жауап көрсетілетін қызметті алушыға пошталық байланыс арқылы немесе көрсетілетін қызметті алушының электрондық мекенжайына беріледі.

      Көрсетілген мемлекеттік қызмет нәтижелерімен келіспеген жағдайда, көрсетілетін қызметті алушы шағымымен мемлекеттік қызметтерді көрсету сапасын бағалау және бақылау жөніндегі уәкілетті органға жүгіне алады.

      12. Көрсетілген мемлекеттік қызмет нәтижелерімен келіспеген жағдайда, көрсетілетін қызметті алушы Қазақстан Республикасының заңнамасында белгіленген тәртіппен сотқа жүгінуге құқылы.

      13. Мемлекеттік көрсетілетін қызметтерге шағым түсіру мәселелері бойынша 8 (7172) 55-89-34 телефон нөміріне хабарласу қажет.

4. Мемлекеттік қызмет көрсету ерекшеліктері ескерілген өзге де талаптар

      14. Көрсетілетін қызметті берушінің мекенжайы: облыстардың, республикалық маңызы бар қаланың және астананың аумақтық әділет органдары.

      15. Көрсетілетін қызметті алушының ЭЦҚ болған жағдайда мемлекеттік қызметті электрондық нысанда портал арқылы алу мүмкіндігі бар.

      16. Көрсетілетін қызметті алушының мемлекеттік қызмет көрсетудің тәртібі және мәртебесі туралы ақпаратты порталда көрсетілетін қызметті алушының "жеке кабинетінен", сондай-ақ көрсетілетін қызметті берушінің және Мемлекеттік қызмет көрсету мәселелері жөніндегі бірыңғай байланыс орталығының телефондары арқылы алу мүмкіндігі бар.

      17. Мемлекеттік қызмет көрсету мәселелері бойынша анықтама қызметтерінің байланыс телефондары көрсетілетін қызметті берушінің интернет-ресуртарында көрсетілген, мемлекеттік қызмет көрсету мәселелері жөніндегі бірыңғай байланыс орталығы: 1414, 8 800 080 7777.

Жеке сот орындаушысы қызметімен айналысу құқығына үміткер адамдарды
аттестаттаудан өткені туралы шешім

      ________________________________________ жеке сот орындаушысы
      (Т.А.Ә. бар болса)
      қызметімен айналысуға аттестаттау ____________________ деп есептелсін.
      (өтті, не өтпеді)
      Уәкілетті органның басшысы _______________________________________
      (лауазымы, Т.А.Ә.)
      20___жыл "____" ____________

Жеке сот орындаушысы қызметімен айналысу үшін аттестаттауға
жіберу туралы өтініш

      Маған жеке сот орындаушысы қызметімен айналысуға лицензия алу үшін аттестаттаудан өтуге рұқсат етуді сұраймын.
      Өтініш берушіге заңмен көзделген лицензияланған қызметтердің түрлерімен айналысуға сотпен тыйым салынбағанын, қосымшаға тіркелген барлық құжаттар шындыққа жанасатынын және жарамды екенін растаймын.
      Мемлекеттік қызмет көрсету кезінде, қызмет алушы мемлекеттік ақпараттық жүйеде қамтылған заңмен қорғалатын құпияларды құрайтын құжаттарды пайдалануға келісім беремін, ұсынылған жеке мәліметтердің жарамдылығы және шынайылығы үшін жеке жауапкершілік аламын.
      __________________________________________________________
      (тегi, аты, әкесiнiң аты (болған кезде)

Жеке сот орындаушысы қызметімен айналысуға аттестаттаудан
өту үшін мәліметтер нысаны

"Жеке сот орындаушысының қызметімен айналысу құқығына лицензия беру"
мемлекеттік көрсетілетін қызмет стандарты
1. Жалпы ережелер

      1. "Жеке сот орындаушысының қызметімен айналысу құқығына лицензия беру" мемлекеттік көрсетілетін қызмет (бұдан әрі - мемлекеттік көрсетілетін қызмет).

      2. Мемлекеттік көрсетілетін қызмет стандартын Қазақстан Республикасының Әділет министрлігі (бұдан әрі – Министрлік) әзірледі.

      3. Мемлекеттік көрсетілетін қызметті Министрлік көрсетеді (бұдан әрі - көрсетілетін қызметті беруші).

      Өтініштерді қабылдау және мемлекеттік қызмет көрсету нәтижесін беру "электрондық үкіметтің" www.egov.kz веб-порталы (бұдан әрі - портал) арқылы жүзеге асырылады.

2. Мемлекеттік қызмет көрсету тәртібі

      4. Мемлекеттік қызмет көрсету мерзімдері:

      1) көрсетілетін қызметті берушіге құжаттар топтамасын тапсырған сәттен бастап, сондай-ақ портал арқылы жүгінген жағдайда:

      лицензия беру кезінде немесе бас тарту – 15 (он бес) жұмыс күні;

      лицензияны қайта ресімдеу кезінде – 3 (үш) жұмыс күні;

      Көрсетілетің қызметті беруші Көрсетілетің Қызметті алушының құжаттарын алған уақыттан бастап екі жұмыс күні ішінде тапсырған құжаттарының толықтығын тексереді.

      Ұсынылған құжаттардың толық болмау фактісі анықталған жағдайда көрсетілетін қызметті беруші көрсетілген мерзімде өтінішті одан әрі қараудан жазбаша дәлелді бас тартады.

      5. Мемлекеттік қызмет көрсету нысаны: электрондық (автоматтандырылған).

      6. Мемлекеттік қызмет көрсетудің нәтижесісы – жеке сот орындаушысы қызметімен айналысуға лицензия беру, қайта ресімдеу, осы мемлекеттік қызмет көрсету стандартының 10-тармағымен қарастырылған негіздер бойынша мемлекеттік қызмет көрсетуден бас тарту туралы дәлелді жауап беру.

      Мемлекеттік қызмет көрсету нәтижесін ұсыну нысаны: электрондық.

      Көрсетілетін қызметті алушы портал арқылы жүгінген кезде мемлекеттік көрсетілетін қызмет нәтижесі көрсетілетін қызметті берушінің уәкілетті тұлғасының ЭЦҚ-мен куәландырылған электрондық құжат нысанында көрсетілетін қызметті алушының "жеке кабинетіне" жіберіледі.

      7. Мемлекеттік көрсетілетін қызмет жеке тұлғаларға ақылы негізде көрсетіледі.

      Жеке сот орындаушыcының қызметiмен айналысуға лицензия беру, қайта ресімдеу, лицензияның телнұсқаларын беру үшін қызметтің жекелеген түрлерімен айналысу құқығының лицензиялық алымы алынады, ол "Салық және бюджетке төленетін басқа да міндетті төлемдер туралы (Салық кодексі)" 2017 жылғы 25 желтоқсандағы Қазақстан Республикасы Кодексінің 554-бабына сәйкес мынаны құрайды:

      1) лицензия беру – 6 айлық есептік көрсеткіш;

      2) лицензияны қайта ресімдеу – лицензия беру кезіндегі мөлшерлеменің 10 %-ы, бірақ 4 айлық есептік көрсеткіштен көп емес.

      Мемлекеттік қызмет көрсету үшін төлемақы қолма-қол және (немесе) қолма-қол ақшасыз есеп айырысу бойынша екінші деңгейдегі банктер және банк операцияларының жекелеген түрлерін жүзеге асыратын ұйымдар арқылы жүргізіледі, олар төлемақы мөлшері мен күнін растайтын құжат (түбіртек) береді.

      Мемлекеттік көрсетілетін қызмет көрсету үшін портал арқылы электрондық сұрау салынған кезде төлем "электрондық үкіметтің" төлем шлюзі (бұдан әрі – ЭҮТШ) арқылы жүзеге асырылады.

      8. Жұмыс кестесі:

      1) көрсетілетін қызметті беруші – еңбек заңнамасына сәйкес демалыс және мереке күндерін қоспағанда, 13.00-ден 14.30-ға дейінгі түскі үзіліспен, дүйсенбіден жұманы қоса алғанда, сағат 9.00-ден 18.30-ға дейiн.

      Өтінішті қабылдау және мемлекеттік қызмет көрсету нәтижесін беру көрсетілетін қызметті берушіде сағат 13.00-ден 14.30-ға дейінгі түскі үзіліспен, сағат 9.00-ден 18.30-ға дейiн жүзеге асырылады.

      2) портал – жөндеу жұмыстарының жүргізілуімен байланысты техникалық үзілістерді қоспағанда, тәулік бойы (көрсетілетін қызметті алушы жұмыс уақыты аяқталғаннан кейін, Қазақстан Республикасының Еңбек кодексіне сәйкес демалыс және мереке күндері жүгінген кезде өтінішті қабылдау және мемлекеттік қызмет көрсету нәтижесін беру келесі жұмыс күні жүзеге асырылады).

      9. Қызмет алушының мемлекеттік қызмет көрсетуге жүгінген кездегі тиісті құжаттар тізбесі:

      Лицензия алу үшін:

      1) осы мемлекеттік қызмет көрсету стандартының 1-ші қосымшасына сәйкес нысан бойынша арыз;

      2) қызметтің жекелеген түрлерімен айналысу құқығына лицензиялық алымның бюджетке төленгенін растайтын құжаттың көшірмесі;

      4) 2-қосымшаға сәйкес ақпараты бар мәліметтер формасы:

      дипломның болуы туралы;

      5) шетел білім беру мекемелерімен берілген дипломдар үшін, "Білім туралы" Қазақстан Республикасы Заңына сәйкес нострификациялау және тану рәсімдерінен өткенін растайтын құжаттар мәліметтер;

      6) уәкілетті органға ұсынылғанға дейін бір айдан ерте емес наркологиялық және психиатриялық ұйымнан берілген медициналық анықтамалар;

      7) жеке сот орындаушыларының өңірлік палатасымен куәландырылған тағылымдамадан өткені туралы қорытындысының көшірмесі, "Атқарушылық іс жүргізу және сот орындаушыларының мәртебесі туралы" ҚР Заңының 142-бабының 7-тармағында көрсетілген тұлғалардан басқа.

      Қазақстан Республикасы Әділет министрлігінің деректер базасынан алынған үш айдан көп атқарушылық өндіріс және кезеңді өндіру бойынша қарыздардың жоқтығы туралы мәлімет тапсырылады.

      Лицензияны қайта ресімдеу үшін:

      көрсетілетін қызметті берушіге:

      1) осы мемлекеттік қызмет көрсету стандартының 2-қосымшасына сәйкес нысан бойынша арыз;

      2) жеке куәлігі және жеке тұлға өкілінің өкілеттігін растайтын құжат (идентификациялау үшін);

      3) лицензияны қайта ресімдеу үшін лицензиялық алымның бюджетке төленгенін растайтын құжаттың көшірмесі;

      4) лицензияны немесе лицензия қосымшасын қайта рәсімдеу үшін негіз болған өзгерістер туралы ақпараттары бар құжаттар көшірмесі, ақпараты мемлекеттік ақпараттық жүйеде қамтылған құжаттардан басқа.

      Еңбекке жарамдылығына шек қойылмағаны немесе еңбекке жарамдылығына шек қойылғаны туралы, сыбайлас жемқорлық құқық бұзушылықтар жасағаны туралы, яғни жеке сот орындаушы лауазымына тағайындалғанға дейін үш жыл ішінде сот тәртібімен әкімшілік жазаға тартылғаны, заңда көзделген тәртіпте соттылығы өтелмегені немесе алынбағаны туралы, бұрын теріс қылықтар жасағаны үшін мемлекеттік, әскери қызметтен, құқық қорғау органдарынан және арнайы мемлекеттік органдардан, соттан және әділет органдарынан қызметтен босатылған туралы мәліметтердің жоқтығы туралы, мемлекеттік ақпараттық жүйесінде қамтылған тұлғаны жеке сот орындаушысы қызметімен айналысу лицензиясынан айыру туралы ақпарат қамтылған құжаттарды қызмет беруші "электрондық үкімет" шлюзі арқылы тиісті мемлекеттік ақпараттық жүйеден алады.

      Мемлекеттік қызмет көрсету кезінде, қызмет алушы мемлекеттік ақпараттық жүйеде қамтылған заңмен қорғалатын құпияларды құрайтын құжаттарды пайдалануға келісім береді, егер Қазақстан Республикасының заңдарында өзге көзделмесе.

      Көрсетілетін қызметті алушы барлық қажетті құжаттарды портал арқылы тапсырған кезде көрсетілетін қызметті алушының "жеке кабинетінде" мемлекеттік қызмет көрсету үшін сұрау салудың қабылданғаны туралы белгі көрсетіледі.

      10. Мемлекеттік қызмет көрсетуден бас тарту үшін негіздер:

      1) Қазақстан Республикасының заңдарында жеке немесе заңды тұлғалардың осы санаты үшін қызмет түрімен айналысуға тыйым салынған;

      2) лицензиялық алым енгізілмеген;

      3) өтініш беруші біліктілік талаптарына сәйкес келмеген;

      4) лицензиар тиісті мемлекеттік органнан өтініш берушінің лицензиялау кезінде қойылатын талаптарға сәйкес келмейтіні туралы жауап алған;

      5) өтініш берушіге қатысты лицензиялауға жататын қызметті немесе жекелеген қызмет түрлерін тоқтата тұру немесе оларға тыйым салу туралы заңды күшіне енген сот шешімі (үкімі) болған;

      6) сот орындаушысының ұсынуы негізінде сот өтініш беруші-борышкерге лицензия беруге уақытша тыйым салған жағдайларда жүзеге асырылады.

3. Көрсетілетін қызметті берушінің және (немесе) оның лауазымды тұлғаларының
мемлекеттік қызметтер көрсету мәселелері бойынша шешімдеріне, әрекетіне
(әрекетсіздігіне) шағымдану тәртібі

      11. Қызмет берушінің және (немесе) оның лауазымды тұлғаларының шешіміне, әрекетіне (әрекетсіздігіне) шағымданған жағдайда, шағым қызмет берушінің басшысының атына немесе Министрліктің құрылымдық бөлімшесі басшысының атына, осы мемлекеттік қызмет көрсету стандартының 13-тармағында көрсетілген мекенжай бойынша беріледі.

      Шағымдар жазбаша түрде пошталық байланыс, Министрліктің кеңсесі (А-022 кабинет), телефоны 8 (7172) 74-07-95, 74-07-96 арқылы қолма-қол немесе портал арқылы қабылданады.

      Күні, уақыты, шағымды қабылдаған тұлғаның аты-жөні мен тегі көрсетілген талонды алу шағымның қабылданғанын растау болып табылады.

      Көрсетілетін қызметті алушының шағымында оның аты-жөні, тегі, пошталық мекен-жайы көрсетіледі. Шағымда көрсетілетін қызметті алушының қолы қойылуы қажет.

      Портал арқылы шағымданған жағдайда көрсетілетін қызметті алушыға "жеке кабинетінен" өтініш туралы ақпарат қолжетімді болады, ол көрсетілетін қызметті беруші өтініштерді өңдеу барысында жаңартылып отырады (жеткізілуі, тіркелуі, орындалуы туралы белгілер, қарау немесе қараудан бас тарту туралы жауап).

      Министрліктің атына келіп түскен көрсетілетін қызметті алушының шағымы тіркелген күнінен бастап бес жұмыс күні ішінде қаралуға жатады. Шағымды қарау нәтижелері туралы жауап пошталық байланыс арқылы немесе көрсетілетін қызметті алушының электрондық мекенжайына жіберіледі.

      Көрсетілген мемлекеттік қызмет нәтижелерімен келіспеген жағдайда, көрсетілетін қызметті алушы мемлекеттік қызметтерді көрсету сапасын бағалау және бақылау жөніндегі уәкілетті органға жүгіне алады.

      Мемлекеттік қызметтерді көрсету сапасын бағалау және бақылау жөніндегі уәкілетті органға келіп түскен көрсетілетін қызметті алушының шағымы тіркелген күннен бастап он бес жұмыс күні ішінде қарауға жатады.

      12. Көрсетілген мемлекеттік қызмет нәтижелерімен келіспеген жағдайда, көрсетілетін қызметті алушы Қазақстан Республикасының заңнамасында белгіленген тәртіппен сотқа жүгіне алады.

      13. Мемлекеттік көрсетілетін қызметтерге шағым түсіру мәселелері бойынша 8 (7172) 55-88-11 телефон нөміріне хабарласу қажет.

4. Мемлекеттік қызмет көрсету ерекшеліктері ескерілетін өзге де талаптар

      13. Көрсетілетін қызметті берушінің мекенжайы: Астана қаласы, Мәңгілік Ел даңғылы, № 8 үй, "Министрліктер үйі" ғимараты, 13-кіреберіс.

      14. Көрсетілетін қызметті алушының ЭЦҚ болған жағдайда мемлекеттік қызметті электрондық нысанда портал арқылы алу мүмкіндігі бар.

      15. Көрсетілетін қызметті алушының мемлекеттік қызмет көрсетудің тәртібі және мәртебесі туралы ақпаратты порталда көрсетілетін қызметті алушының "жеке кабинетінен", сондай-ақ көрсетілетін қызметті берушінің және Мемлекеттік қызмет көрсету мәселелері жөніндегі бірыңғай байланыс орталығының телефондары арқылы алу мүмкіндігі бар.

      16. Мемлекеттік қызмет көрсету мәселелері бойынша көрсетілетін қызметті берушінің байланыс телефондары: 8 (7172) 74-04-52, 74-06-30. Мемлекеттік қызмет көрсету мәселелері жөніндегі бірыңғай байланыс орталығы: 1414, 88000807777.

Жеке тұлғаның лицензияны және (немесе) лицензияға қосымшаны
алуға арналған өтiнiші

      Жеке сот орындаушысы қызметімен айналысуға лицензия беруді сұраймын.

      Өтініш берушіге заңмен көзделген лицензияланған қызметтердің түрлерімен айналысуға сотпен тыйым салынбағанын, қосымшаға тіркелген барлық құжаттар шындыққа жанасатынын және жарамды екенін растаймын.

      Мемлекеттік қызмет көрсету кезінде, қызмет алушы мемлекеттік ақпараттық жүйеде қамтылған заңмен қорғалатын құпияларды құрайтын құжаттарды пайдалануға келісім беремін, ұсынылған жеке мәліметтердің жарамдылығы және шынайылығы үшін жеке жауапкершілік аламын.

      _______________________________________

      (тегi, аты, әкесiнiң аты (болған кезде)

Жеке сот орындаушысының қызметімен айналысу үшін біліктілік талаптарының
сәйкестігі туралы мәліметтер нысаны

Лицензияны және (немесе) лицензияға қосымшаны қайта ресімдеуге арналған
жеке тұлғаның өтiнiші

      Жеке сот орындаушысы қызметін жүзеге асыруға 20___ жылғы "__"___________

      № ____________, _______________ берілген лицензияны _______________________

      (себебін көрсету қажет) байланысты қайта ресімдеуді сұраймын.

      Өтініш берушіге заңмен көзделген лицензияланған қызметтердің түрлерімен айналысуға сотпен тыйым салынбағанын, қосымшаға тіркелген барлық құжаттар шындыққа жанасатынын және жарамды екенін растаймын.

      Мемлекеттік қызмет көрсету кезінде, қызмет алушы мемлекеттік ақпараттық жүйеде қамтылған заңмен қорғалатын құпияларды құрайтын құжаттарды пайдалануға келісім беремін, ұсынылған жеке мәліметтердің жарамдылығы және шынайылығы үшін жеке жауапкершілік аламын.

      __________________________________

      (тегi, аты, әкесiнiң аты (болған кезде)

Қазақстан Республикасы Әділет министрінің күші жойылған кейбір
бұйрықтарының тізбесі

      1. "Тағылымдамадан өткен және жеке сот орындаушысы қызметімен айналысу құқығына үміткер адамдарды аттестаттаудан өткізу" және "Жеке сот орындаушысы қызметімен айналысуға лицензия беру" мемлекеттік көрсетілетін қызметтер стандарттарын бекіту туралы" Қазақстан Республикасы Әділет министрінің 2015 жылғы 30 сәуірдегі № 249 бұйрығы (Нормативтік құқықтық актілерді мемлекеттік тіркеу тізілімінде № 11383 болып тіркелген, 2015 жылғы 24 маусымда "Әділет" ақпараттық-құқықтық жүйесінде жарияланған).

      2. "Жеке сот орындаушысы қызметімен айналысу құқығына лицензия алу үшін біліктілік емтиханын өткізу" және "Жеке сот орындаушысы қызметімен айналысуға лицензия беру" мемлекеттік көрсетілетін қызметтер стандарттарын бекіту туралы" Қазақстан Республикасы Әділет министрінің 2015 жылғы 30 сәуірдегі № 249 бұйрығына өзгерістер енгізу туралы" Қазақстан Республикасы Әділет министрінің 2016 жылғы 23 мамырдағы № 340 бұйрығы (Нормативтік құқықтық актілерді мемлекеттік тіркеу тізілімінде № 13779 болып тіркелген, 2016 жылғы 4 маусымда "Әділет" ақпараттық-құқықтық жүйесінде жарияланған).