"Білім туралы" 2007 жылғы 27 шілдедегі Қазақстан Республикасының Заңы 5-1-бабының 11) тармақшасына сәйкес БҰЙЫРАМЫН:

      1. Қоса беріліп отырған Қазақстан Республикасы Бас прокуратурасының жанындағы Құқық қорғау органдары академиясында (бұдан әрі – Академия) білім алушылардың кәсіптік практикасын және тағылымдамасын ұйымдастыру және одан өту қағидалары бекітілсін.

      2. Академияның Ректоры Ұ.С. Байжанов:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты Қазақстан Республикасы Әділет министрлігінде мемлекеттік тіркегеннен кейін күнтізбелік он жұмыс күні ішінде мерзімді баспа басылымдарында және "Әділет" ақпараттық-құқықтық жүйесінде ресми жариялауға жолдауды;

      3) осы бұйрықты Қазақстан Республикасы Әділет министрлігінде алған күннен бастап бес жұмыс күні ішінде Қазақстан Республикасы нормативтік құқықтық актілерінің эталондық бақылау банкіне орналастыру үшін "Қазақстан Республикасы Әділет министрлігінің республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жолдауды;

      4) осы бұйрықты Қазақстан Республикасы Бас прокуратурасының интернет-ресурсында орналастыруды қамтамасыз етсін.

      3. Осы бұйрықтың орындалуын бақылау Қазақстан Республикасы Бас Прокурорының бірінші орынбасары И.Д. Меркельге жүктелсін.

      4. Осы бұйрық алғашқы ресми жарияланғаннан кейін күнтізбелік он күн өткен соң қолданысқа енгізіледі.

Қазақстан Республикасы Бас прокуратурасының жанындағы Құқық қорғау органдары
академиясында білім алушылардың кәсіптік практикасын және тағылымдамасын
ұйымдастыру және одан өту қағидалары 1. Жалпы ережелер

      1. Осы Қазақстан Республикасы Бас прокуратурасының жанындағы Құқық қорғау органдары академиясында білім алушылардың кәсіби практикадан және тағылымдамадан өтуін ұйымдастырудың қағидалары (бұдан әрі – Қағидалар) "Білім туралы" 2007 жылғы 27 шілдедегі Қазақстан Республикасының Заңы 5-1 бабының 11) тармақшасына сәйкес әзірленді.

      2. Қағидалар Қазақстан Республикасы Бас прокуратурасының жанындағы Құқық қорғау органдары академиясының (бұдан әрі – Академия) магистратурасы және докторантурасында білім алушылардың кәсіптік практикасы мен тағылымдамасын ұйымдастыру және өткізу тәртібін анықтайды.

      3. Кәсіптік практикасын және тағылымдамасын ұйымдастыру мен өткізу Академияның кафедра меңгерушілеріне, Академияның оқу-әдістемелік жұмыс және халықаралық ынтымақтастық бөлімшелерінің басшыларына, сонымен қатар жоғары оқу орнынан кейінгі білім беру Институты директорына жүктеледі (бұдан әрі – ЖООКБИ).

      4. Кәсіптік практика және тағылымдама қорытындысы Академияның Оқу-әдістемелік кеңесінің (бұдан әрі - ОӘК) отырысында қарастырылады.

      5. Білім алушылар кәсіптік практика және тағылымдамадан өту кезінде қабылдайтын ұйымның ішкі жұмыс тәртібінің ережесін сақтайды.

2. Кәсіптік практикадан өту тәртібі және ұйымдастырылуы

      6. Кәсіптік практика "Жоғары және жоғары оқу орнынан кейінгі білім берудің мемлекеттік жалпыға міндетті стандарттарын бекіту туралы" Қазақстан Республикасы Ғылым және жоғары білім министрінің 2022 жылғы 20 шілдедегі № 2 бұйрығына (Нормативтік құқықтық актілерді мемлекеттік тіркеу тізілімінде № 28916 болып тіркелген) 2-қосымшаға сәйкес (бұдан әрі - МЖБС) өткізіледі.

      Практикадан өту мерзімі академиялық күнтізбеге сәйкес айқындалады.

      Кәсіптік практика мынадай түрлерге бөлінеді: педагогикалық, зерттеу, өндірістік.

      Кәсіптік практика теориялық оқытумен қатар немесе жеке кезеңде жүргізіледі. Кәсіптік практиканың нәтижелері аралық аттестаттау қорытындыларын жасау кезінде ескеріледі.

      Барлық практика түрлерінің (тағылымдамалардың) ұзақтығын Академия дербес анықтайды.

      7. Практика көлемі мен еңбек сыйымдылығы МЖМБС талаптарына сәйкес Академия дербес анықтайды.

      8. Кәсіптік практиканың тиісті базасы айқындалатын кәсіптік практикадан өтудің әрбір түрінің мақсаты, міндеті және бағдарламасы болады.

      8-1. Оқу процесін ұйымдастыру кезінде кәсіптік практиканы академиялық кезеңнен тыс та, академиялық кезеңмен қатар да енгізуге болады.

      9. Академия кәсіптік практикадан өту туралы кәсіптік практиканың әрбір түрі бойынша құжаттарды әзірлейді.

      10. Кәсіптік практиканы өткізу үшін базалар ретінде (бұдан әрі - практикалар базасы) кадрларды даярлау бейініне және білім беру бағдарламасының талаптарына сәйкес келетін құқық қорғау органдары, өзге мемлекеттік органдар, ұйымдар және мекемелер анықталады.

      Академия ректорының бұйрығымен ЖООКБИ-дың тиісті кафедрасына кәсіптік практиканы ұйымдастыру бекітіледі (бұдан әрі – жауапты кафедра).

      11. Кәсіптік практика:

      1) құқық қорғау органдарының және (немесе) өзге мемлекеттік органдардың базасында олардың жазбаша растауы негізінде;

      2) ұйымдар және мекемелер базасында Академия және практика базалары арасында жасалған шарттар (меморандумдар, келісімдер) негізінде өткізіледі.

      13. Кәсіптік практиканы өткізу үшін ЖОКБИ-дың директоры практика базаларымен келісілген бағдарламаны бекітеді.

      14. Кәсіптік практика бағдарламасы, кадрларды даярлау бағытын, практика базаларын ұйымдастыру қызметінің сипатын ескере отыра жауапты кафедрамен әзірленеді және ОӘК отырысында қарастырылады.

      Кәсіптік практика бағдарламасының мазмұнын және құрылымын Академия дербес анықтайды.

      15. Кәсіптік практиканың бағдарламасы кадрларды даярлау бейінін, кәсіптік практика түрінің және білім беру бағдарламасының ерекшелігін айқындайды.

      16. Практикадан өтуді бастамас бұрын білім алушыларды кәсіптік практика бағдарламасымен, есеп құжаттамасына қойылатын талаптармен таныстырылатын жауапты кафедраның отырысы өткізіледі.

      Отырыс нәтижелері хаттамамен ресімделеді.

      17. Кәсіптік практиканы өтуі үшін білім алушылар осы Қағидаларға 1-қосымшаға сәйкес нысан бойынша кәсіптік практикадан өтудің жеке жоспарын құрастырады.

      18. Кәсіптік практиканы өту бойынша білім алушыларға Академияның жауапты кафедраларынан және практика базаларынан жетекшілер тағайындалады.

      Жетекшілердің қызметтері, міндеттері мен жауапкершіліктерін Академия және практика базалары өздігінше немесе келісім бойынша анықтайды.

      19. Білім алушыларды кәсіптік практикаға жіберу практикадан өту мерзімі, базасы, жетекшісі көрсетіле отырып Академия ректорының бұйрығымен ресімделеді.

      20. Кәсіптік практикадан өту қорытындысы бойынша білім алушылар Академияның кәсіптік практика жетекшісі тексеретін есеп дайындайды. Тексеру қорытындысы бойынша Академия жетекшісі осы Қағидаларға 3-қосымшаға сәйкес нысан бойынша жазбаша түрде кәсіптік практика жетекшісінің пікірін дайындайды.

      21. Практика базаларының жетекшілері білім алушылардың кәсіптік практикасын аяқтағаннан кейін Академияға ұсынылатын кәсіптік практика нәтижесі туралы, жеке жоспардың орындалуы туралы жазбаша түрде пікір дайындайды.

      22. Білім алушылардың кәсіптік практика нәтижесі туралы есебін жауапты кафедра меңгерушісі және оның оқытушыларынан, кәсіптік практика жетекшілерінен тұратын ЖООКБИ директорымен құрылатын комиссия қарастырады.

      Комиссия отырысына ұсынылған есепті қорғау үшін білім алушылар шақыртылады. Есепті қорғау нәтижесі балдық-рейтингтік әріптік бағалау жүйесі бойынша бағаланады.

      Комиссия шешімі хаттамамен ресімделеді.

      23. Кәсіптік практикадан өту бойынша бағалары кәсіптік практика базаларының жетекшілерінің бағаларын есепке ала отыра яғни қорытынды баға 40% құрайды, және есепті қорғау қорытындысы бойынша комиссияның бағалауы 60% құрайды. Әрбір баға 100 балдық шкала бойынша қойылады.

      24. Білім алушының кәсіптік практикадан өтуі бойынша есептік құжаттары (кәсіптік практикадан өту туралы жеке жоспар, есебі, практика жетекшісінің пікірі) Академияда оның оқуы аяқталғаннан кейін екі жыл бойы кафедрада сақталады.

      25. Кәсіптік практика бағдарламасы, кәсіптік практиканың жеке жоспары талаптарын орындамаған, кәсіптік практикадан өту базасынан теріс пікір алған немесе есепті қорғаған кезде қанағаттанарлықсыз баға алған білім алушылар келесі академиялық кезеңде теориялық оқумен қатар немесе жазғы (қосымша) семестрде осы практика түрін қайта өтуге жіберіледі.

      26. Сырқаттануына немесе басқада себепті жағдайларға байланысты курспен бір мезгілде кәсіптік практикадан өтпеген білім алушылар Академия Ректорының бұйрығына сәйкес басқа уақытта өтеді.

3. Педагогикалық практиканы өткізу және ұйымдастырудың
әдістемелік қамтамасыз етілуіне қойылатын талаптар

      27. Ғылыми-педагогикалық бағыт бойынша магистратурада және докторантурада білім алушылардың педагогикалық практикасы МЖБС, білім беру бағдарламалары мен жұмыс оқу жоспарларына сәйкес ұйымдастырылады.

      28. Магистранттардың педагогикалық практикасы басқа ЖОО-лардың базасында өткізіледі. Докторанттар үшін педагогикалық практиканы ЖОКБИ-дың базасында өтуге жол беріледі.

      29. Педагогикалық практиканы өткізу мақсаты практикалық дағдылар мен оқыту әдістерін қалыптастыруға бағытталған.

      30. Педагогикалық практика теориялық оқыту кезеңінде оқу процесінен қол үзбей жүзеге асырыла отыра магистранттар мен докторанттар бакалавриатта және магистратурада сабақтар жүргізуге тартылады.

      31. Педагогикалық практиканың негізгі міндеттері мыналар болып табылады:

      1) педагогикалық шеберлік негіздерін меңгеру;

      2) оқу-тәрбиелік және оқыту жұмысын өзі меңгеру қабілеті мен дағдысы;

      3) педагогикалық зерттеудің дағдыларын игеру.

      32. Педагогикалық практика бағдарламасы білім беру бағдарламасының талаптарына сәйкес әзірленеді және білім алушыларда педагогтің кәсіби құзыреттілігін қалыптастыруға бағытталған.

4. Зерттеу практикасын өткізу мен ұйымдастырудың
әдістемелік қамтамасыз етілуіне қойылатын талаптар

      33. Ғылыми-педагогикалық бағыт бойынша магистратурада және докторантурада білім алушылардың зерттеу практикасы МЖБС, білім беру бағдарламалары мен жұмыс оқу жоспарларына сәйкес өткізіледі.

      34. Зерттеу практикасы отандық және шетелдік ғылымның жаңа теориялық, әдістемелік және технологиялық жетістіктерін игере отыра, ғылыми зерттеулердің заманауи әдістерімен, эксперименттік деректерді өңдеу және интерпретациялаумен танысу мақсатында өткізіледі.

      35. Зерттеу практикасының негізгі міндеті зерттеулердің заманауи әдістемесін игеру.

      36. Зерттеу практикасының базалары:

      1) Ұлттық ғылыми-техникалық ақпарат орталығында тіркелген немесе Академияның Ғылыми кеңесінің шешімімен бекітілген тақырыптар бойынша ғылыми зерттеулерді жүзеге асыратын ЖОКБИ-дың кафедралары;

      2) Академияның ведомствоаралық ғылыми-зерттеу институты;

      3) ғылыми-зерттеу орталықтары, ЖОО институттары;

      4) ведомстволық ЖОО ғылыми-зерттеу институттары болып табылады.

      37. Зерттеу практикасының бағдарламасы білім беру бағдарламасының талаптарына, диссертациялық зерттеудің тақырыбына сәйкес әзірленеді және ғылыми зерттеулер өткізу дағдыларын игеруге бағытталған.

      38. Зерттеу практикасының мазмұны білім алушылардың диссертациялық зерттеу тақырыбымен анықталады.

5. Өндірістік практиканы өткізу мен ұйымдастырудың
әдістемелік қамтамасыз етілуіне қойылатын талаптар

      39. Бейіндік бағыт бойынша магистратурада және докторантурада білім алушылардың өндірістік практикасы МЖБС, білім беру бағдарламалары мен жұмыс оқу жоспарларына сәйкес ұйымдастырылады.

      40. Өндірістік практиканың мақсаты оқу барысында алған теориялық білімдерін бекіту, оқытылатын кадрларды даярлау бағыты бойынша тәжірибелік дағдыларды, құзіреттіліктерді және кәсіптік қызмет тәжірибесін меңгеру болып табылады.

      41. Өндірістік практиканың негізгі міндеті болып табылады:

      1) кәсіби біліктіліктері мен дағдыларын жетілдіру;

      2) кәсіби қызметтің озық әдістерін меңгеру;

      3) ұйымдастырушылық тәжірибе алу.

      42. Өндірістік практика бағдарламасы білім беру бағдарламасының талаптарына, диссертацияның (жобаның) тақырыбына сәйкес әзірленеді және білім алушының кәсіби дағдыларын қалыптастыруға және біліктілік талаптарына сәйкес арнайы құзыреттіліктерін қалыптастыруға бағытталған.

      43. Өндірістік практиканың базалары бейіндік бағыттағы магистратура және докторантура білім алушыларының зерттеу тақырыптарын ескере отырып, құқық қорғау органдары және (немесе) басқа да мемлекеттік органдар, ұйымдар және мекемелер болып табылады.

      44. Өндірістік практикасының мазмұны диссертацияның (жобаның) тақырыбымен анықталады.

6. Тағылымдамадан өту тәртiбi мен мерзімдері

      45. Магистранттардың тағылымдамадан өтуі оқу жылының екінші және төртінші семестр аралығында, докторанттардың тағылымдамадан өтуі оқу жылының екінші мен алтыншы семестр аралықтарында жүргізіледі.

      45-1. Теориялық оқыту кезеңінде оқу процесінен қол үзбей тағылымдамадан, оның ішінде қашықтан өтуге жол беріледі.

      46. Тағылымдама МЖБС, білім беру бағдарламаларына және жұмыс оқу жоспарларына сәйкес өткізіледі.

      47. Тағылымдама диссертациялық зерттеу тақырыптарын есепке ала отырып:

      1) мемлекеттік және (немесе) құқық қорғау органдарында олардың жазбаша растауы негізінде;

      2) Қазақстан Республикасының білім беру және (немесе) ғылыми ұйымдарында және (немесе) шет мемлекеттерде Академия мен көрсетілген білім беру және (немесе) ғылыми ұйымдар арасында жасалған шарттарға (меморандумдарға, келісімдерге) сәйкес немесе білім алушылардың жеке шақырулары негізінде жүргізіледі.

      Мемлекеттік және құқық қорғау органдарындағы, ел ішіндегі білім беру және (немесе) ғылыми ұйымдардағы тағылымдама базаларының тізбесін жауапты кафедра жасайды.

      Шет мемлекеттердегі тағылымдамалар базаларының тізбесін Академияның халықаралық ынтымақтастық бөлімшесі (бұдан әрі – бөлімше) жасайды.

      48. Тағылымдама базалары білім беру бағдарламаларының ғылыми бағытына, диссертациялық зерттеу тақырыбына, материалдық-техникалық базаға сәйкес, сондай-ақ білікті профессорлық-оқытушылық құрамды, ғылыми қызметкерлерді және практикалық қызметкерлерді ескере отырып анықталады.

      48-1. Тағылымдама бағдарламасын кадрларды даярлау бағыттарын ескере отырып жауапты кафедра әзірлейді және ОӘК отырысында қаралады.

      49. Білім алушы тағылымдамадан өту үшін ғылыми жетекшінің (ғылыми кеңесшінің) қатысуымен осы Қағидаларға 4-қосымшаға сәйкес нысан бойынша жоспар жасайды, ол тағылымдама базасымен келісіледі және жауапты кафедра отырысында қаралады.

      Білім алушы шетелдік тағылымдамадан өту кезінде тағылымдамадан өту жоспарын шетелдік тағылымдамадан өту базасымен тағылымдаманың кезеңін, мерзімін, орнын және тақырыбын келісу үшін бөлімшеге береді.

      50. Тағылымдамадан өту базасымен білім алушыларды тағылымдамаға қабылдау расталған жағдайда, жоспар Академия ЖОКБИ-ы директорымен бекітіледі.

      Шетелдік тағылымдамадан өту кезінде бекітілген жоспар бөлімшеге тағылымдаманың болжамды кезеңіне дейін кемінде 4 апта (таяу шетел) және 6 апта (алыс шетел) бұрын жіберіледі.

      51. Білім алушы тағылымдаманы шет елде өту кезінде ЖОКБИ оқу-әдістемелік жұмыс бөлімшесіне мынадай құжаттарды:

      1) Академия ректорының атына ғылыми жетекшінің/кеңесшінің, кафедра меңгерушісінің, ЖОКБИ директорының және Академияның жетекшілік ететін проректорының қолы бар баянат;

      2) тағылымдамадан өту үшін тағылымдамадан өту базасынан мемлекеттік немесе орыс тілдеріне аудармасы бар шақыру-хаттың көшірмесі (қажет болған жағдайда);

      3) тағылымдамадан өту жоспарын ұсынады.

      51-1. Білім алушылар мемлекеттік және құқық қорғау органдарында, ел ішіндегі білім беру және (немесе) ғылыми ұйымдарда тағылымдамадан өткен кезде жауапты кафедра ЖОКБИ-ның оқу-әдістемелік жұмыс бөлімшесіне мынадай құжаттарды:

      1) тағылымдамадан өту үшін тағылымдама базасынан шақыру-хаттың көшірмесі;

      2) тағылымдамадан өту жоспарын ұсынады.

      52. Білім алушыны тағылымдамаға жіберу тағылымдама басшыларын, өту базасы мен мерзімдерін көрсете отырып Академия ректорының бұйрығы негізінде жүзеге асырылады.

      53. Білім алушылар Қазақстан Республикасынан тысқары шығуға бес жұмыс күні қалғанда мемлекеттік құпияны сақтау бойынша Академияның бөлімшесінде нұсқаулықтан өтеді.

      54. Алыс шетелге шығатын болса визаларды ресімдеу Бөлімшемен қамтамасыз етіледі.

      55. Білім алушылар тағылымдамадан өту кезеңінде қабылдайтын білім беру және (немесе) ғылыми ұйымының Жарғысын сақтайды.

      56. Сырқаттануына немесе басқада себепті жағдайларға байланысты тағылымдамадан өтпеген білім алушылар Академия Ректорының шешімімен кейінгі мерзімге ауыстырылады.

      57. Білім алушылар тағылымдаманы аяқтағаннан кейін ЖОКБИ-дың оқу-әдістемелік жұмыс бөлімшесіне тағылымдамадан өткенін растайтын құжатты (сертификат, куәлік, анықтама және т.б.) ұсынады.

      58. Білім алушы тағылымдама аяқталғаннан кейін осы Қағидаларға 6-қосымшаға сәйкес нысан бойынша тағылымдамадан өткені туралы есеп жасайды.

      Есеп ғылыми жетекшімен (кеңесшімен), жауапты кафедра меңгерушісімен расталады.

      Білім алушының тағылымдама нәтижелері туралы есебін жауапты кафедра меңгерушісі және оның оқытушылары арасынан ЖОКБИ директорымен құрылған комиссия қарайды.

      Есепті қорғау үшін білім алушы комиссия отырысына шақырылады. Есепті қорғау нәтижелері бағалаудың балдық-рейтингтік әріптік жүйесіне сәйкес бағаланады.

      Комиссия шешімі хаттамамен ресімделеді.

      Ескерту. 1-қосымша жаңа редакцияда – ҚР Бас Прокурорының 10.07.2019 № 65 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Нысан

      Қазақстан Республикасы Бас прокуратурасы жанындағы

      Құқық қорғау органдарының академиясы

      Кәсіптік практикадан өтудің жеке жоспары

      ________________________________________

      (магистранттың/докторанттың тегі, аты, әкесінің аты (болған жағдайда))

      ________________________________________

      (білім беру бағдарламасының коды және атауы)

      Практиканың басталуы: 20__ж. "____" _________

      Практиканың аяқталуы : 20__ж. "____" _________

      Практика базасы ___________________________________________________________

      Кафедра отырысында талқыланды және мақұлданды ___________________________

      20__ж. "____" _________ №__ хаттама

      Кафедра меңгерушісі _______________________________________________________

      (сыныптық шені, тегі, аты, әкесінің аты (болған жағдайда))

      Магистрант (докторант) ______________ 20__ж . "____" _________

      Практика жетекшісі ______________ 20__ж. "____" _________

      * Жұмыстың атауы практика түрін ескере отырып, құрастырылады.

      Ескерту. 2-қосымша алып тасталды - ҚР Бас Прокурорының 08.06.2022 № 123 (алғашқы ресми жарияланған күнiнен кейін күнтізбелік он күн өткен соң қолданысқа енгізіледі) бұйрығымен.

      Нысан

      Кәсіптік практика жетекшісінің пікірі

      _____________________________________________________________________

      _____________________________________________________________________

      _____________________________________________________________________

      _____________________________________________________________________

      _____________________________________________________________________

      _____________________________________________________________________

      _____________________________________________________________________

      _____________________________________________________________________

      _____________________________________________________________________

      Кәсіптік практика жетекшісі _______________________________

      "___" ____________ 20__ ж.

      Магистрант/докторант_______________________________________

      "___" ____________ 20__ ж.

      Ескерту. 4-қосымша жаңа редакцияда – ҚР Бас Прокурорының 08.06.2022 № 123 (алғашқы ресми жарияланған күнiнен кейін күнтізбелік он күн өткен соң қолданысқа енгізіледі) бұйрығымен.

Қазақстан Республикасы Бас прокуратурасының жанындағы Құқық қорғау органдары академиясы Жоғары оқу орнынан кейінгі білім беру институты Тағылымдамадан өту жоспары _______________________________________________________ (білім алушының тегі, аты, әкесінің (бар болған жағдайда))

      Білім беру бағдарламасы _____________________________________

Тағылымдамадан өту кестесі

      Кафедра отырысында қарастырылды

      20__ж. "__" __________ № _ хаттама

      Магистрант/докторант Т.А.Ә. (болған кезде)____________________________________

      Ғылыми жетекші/ғылыми кеңесші Т.А.Ә. (болған кезде) __________________________

      Кафедра меңгерушісі Т.А.Ә. (болған кезде) _____________________________________

      Ескерту. 5-қосымша алып тасталды - ҚР Бас Прокурорының 08.06.2022 № 123 (алғашқы ресми жарияланған күнiнен кейін күнтізбелік он күн өткен соң қолданысқа енгізіледі) бұйрығымен.

      Нысан

      Тағылымдамадан өту туралы магистранттың/докторанттың есебі

      _____________________________________________________________________

      _____________________________________________________________________

      _____________________________________________________________________

      _____________________________________________________________________

      _____________________________________________________________________

      _____________________________________________________________________

      _____________________________________________________________________

      _____________________________________________________________________

      _____________________________________________________________________

      _____________________________________________________________________

      Құқық қорғау органдары академиясы магистранты/докторантының есебі кафедра отырысында талқыланды және мақұлданды

      20__ж. "__" __________ № "__" хаттамасы

      Кафедра меңгерушісі ___________________________ Т.А.Ә. (болған кезде)

      Магистрант /докторант________________________________________________

      "___" ____________ 20__ ж.

      Тағылымдама жетекшісі _______________________________________________

      "___" ____________ 20__ ж.