Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңына сәйкес, Қарағанды облысы әкімдігінің 2015 жылғы 9 қаңтардағы № 01/04 "Қарағанды облысының жергілікті мемлекеттік басқару құрылымын және атқарушы органдарының штат санының лимитін бекіту туралы" қаулысы негізінде, Приозерск қаласының әкімдігі ҚАУЛЫ ЕТЕДІ:
      1. Приозерск қаласы әкімдігінің 2015 жылғы 2 наурыздағы № 9/5 "Приозерск қаласының білім беру бөлімі" мемлекеттік мекемесінің ережесін бекіту туралы" қаулысына (нормативтік құқықтық актілерді мемлекеттік тіркеу Тізілімінде № 3065 болып тіркелген, "Приозерский вестник" газетінде 2015 жылдың 3 сәуірінде жарияланған) келесі өзгерістер енгізілсін:
      1) аталған қаулының мемлекеттік тілдегі тақырыбы келесі редакцияда мазмұндалсын:
      "Приозерск қаласының білім бөлімі" мемлекеттік мекемесінің ережесін бекіту туралы";
      2) мемлекеттік тілдегі қаулының 1 тармағы келесі редакцияда мазмұндалсын:
      "1. Қоса берілген "Приозерск қаласының білім бөлімі" мемлекеттік мекемесінің ережесі бекітілсін.";
      3) мемлекеттік тілдегі ережеде тақырыбы келесі редакцияда мазмұндалсын:
      "Приозерск қаласының білім бөлімі" мемлекеттік мекемесінің ережесі";
      4) мемлекеттік тілдегі ережеде 1 тармақ келесі редакцияда мазмұндалсын:
      "1. "Приозерск қаласының білім бөлімі" мемлекеттік мекемесі (бұдан әрі – Бөлім) білім беру саласында басшылықты жүзеге асыратын Қазақстан Республикасының мемлекеттік органы болып табылады.";
      5) ережеде 9 тармақ келесі редакцияда мазмұндалсын:
      "Мемлекеттік органның толық атауы:
      мемлекеттік тілде - "Приозерск қаласының білім бөлімі" мемлекеттік мекемесі;
      орыс тілінде - государственное учреждение "Отдел образования города Приозерск".".
      2. Осы қаулының орындалуын бақылау Приозерск қаласы әкімінің орынбасары Б.Ә. Қазиеваға жүктелсін.
      3. Осы қаулы алғаш ресми жарияланған күннен бастап қолданысқа енгізіледі.