Ескерту. Күші жойылды - ҚР Қаржылық мониторинг агенттігі Төрағасының 06.01.2022 № 5 (алғашқы ресми жарияланған күннен кейін күнтізбелік он күн өткен соң қолданысқа енгізіледі) бұйрығымен.
Ескерту. Тақырып жаңа редакцияда - ҚР Қаржы министрінің 19.02.2019 № 121 (алғашқы ресми жарияланған күннен кейін күнтізбелік он күн өткен соң қолданысқа енгізіледі) бұйрығымен.
"Құқық қорғау қызметі туралы" 2011 жылғы 6 қаңтардағы Қазақстан Республикасының Заңы 31-бабының 4-тармағына сәйкес БҰЙЫРАМЫН:
1) осы бұйрыққа 1-қосымшаға сәйкес Ротацияға жататын қаржы мониторингі органдарының жедел-тергеу бөлімшелерінің (экономикалық тергеу қызметі) басшылық лауазымдардың тізбесі;
2) осы бұйрыққа 2-қосымшаға сәйкес Ротацияға жататын қаржы мониторингі органдарының жедел-тергеу бөлімшелерінің (экономикалық тергеу қызметі) басшылық лауазымдарын атқаратын қызметкерлерін ауыстыру қағидалары бекітілсін.
Ескерту. 1-тармақ жаңа редакцияда - ҚР Қаржы министрінің 19.02.2019 № 121 (алғашқы ресми жарияланған күннен кейін күнтізбелік он күн өткен соң қолданысқа енгізіледі) бұйрығымен.2. Қазақстан Республикасы Қаржы министрлігінің Мемлекеттік кірістер комитеті (Д.Е. Ерғожин) заңнамада белгіленген тәртіппен:
1) осы бұйрықтың Қазақстан Республикасының Әділет министрлігінде мемлекеттік тіркелуін;
2) осы бұйрық мемлекеттік тіркелгеннен кейін күнтізбелік он күн ішінде оның мерзімді баспа басылымдарында және "Әділет" ақпараттық-құқықтық жүйесінде ресми жариялануға, сондай-ақ Қазақстан Республикасы нормативтік құқықтық актілерінің эталондық бақылау банкінде орналастыру үшін Қазақстан Республикасы Әділет министрлігінің "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жолдануын;
3) осы бұйрықтың Қазақстан Республикасы Қаржы министрлігінің интернет-ресурсында орналастырылуын қамтамасыз етсін.
3. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Қаржы министрі |
Б. Сұлтанов |
| Қазақстан Республикасы Қаржы министрінің 2015 жылғы 29 желтоқсандағы № 724 бұйрығына 1-қосымша |
Ротацияға жататын мемлекеттік кірістер органдарының жедел-тергеу бөлімшелерінің (экономикалық тергеу қызметі) басшылық лауазымдарының тізбесі
Ескерту. 1-қосымша жаңа редакцияда - ҚР Қаржы министрінің 19.02.2019 № 121 (алғашқы ресми жарияланған күннен кейін күнтізбелік он күн өткен соң қолданысқа енгізіледі) бұйрығымен.
Қазақстан Республикасы Қаржы министрлігі Қаржы мониторингі комитетінің (бұдан әрі - Комитет) орталық аппаратында басқарма басшысы;
Комитеттің аумақтық органдарында:
құқық қорғау қызметіне жетекшілік ететін облыстар, республикалық маңызы бар қалалар және астана бойынша экономикалық тергеу департаменттері басшысының орынбасары;
басқарма басшысы.
| Қазақстан Республикасы Қаржы министрінің 2015 жылғы 29 желтоқсандағы № 724 бұйрығына 2-қосымша |
Ротацияға жататын қаржы мониторингі органдарының жедел-тергеу бөлімшелерінің (экономикалық тергеу қызметі) басшылық лауазымдарын атқаратын қызметкерлерін ауыстыру қағидалары
Ескерту. Қағидалардың тақырыбы жаңа редакцияда - ҚР Қаржы министрінің 19.02.2019 № 121 (алғашқы ресми жарияланған күннен кейін күнтізбелік он күн өткен соң қолданысқа енгізіледі) бұйрығымен.
1. Осы Ротацияға жататын, басшылық лауазымдарын атқаратын қызметкерлерді ауыстыру қағидалары (бұдан әрі - Қағида) "Құқық қорғау қызметі туралы" 2011 жылғы 6 қаңтардағы Қазақстан Республикасының Заңы 31-бабының 4-тармағына сәйкес әзірленді.
2. Ротация – қызмет мүддесіне орай кадрлық әлеуетті ұтымды пайдалану мақсатында жүзеге асырылатын, басшылық лауазымдарды атқаратын қызметкерлерді жоспарлы ауыстыру.
Қаржы мониторингі органдарының жедел-тергеу бөлімшелерінің (экономикалық тергеу қызметі) қызметкерлерін ауыстыру тәртібі
Ескерту. Бөлімнің тақырыбы жаңа редакцияда - ҚР Қаржы министрінің 19.02.2019 № 121 (алғашқы ресми жарияланған күннен кейін күнтізбелік он күн өткен соң қолданысқа енгізіледі) бұйрығымен.
3. Қаржы мониторингі органдарының жедел-тергеу бөлімшелерінде (экономикалық тергеу қызметі) (бұдан әрі – ЭТҚ) қызмет өткеру кезінде кәсіби әлеуеттің тиімді пайдалануын қамтамасыз ету мақсатында басшылық лауазымын атқаратын қызметкерлердің ротациясы жүзеге асырылады.
Ескерту. 3-тармақ жаңа редакцияда - ҚР Қаржы министрінің 19.02.2019 № 121 (алғашқы ресми жарияланған күннен кейін күнтізбелік он күн өткен соң қолданысқа енгізіледі) бұйрығымен.4. Ротацияға Комитеттің және оның аумақтық органдарының ЭТҚ қызметкерлері жатады.
5. ЭТҚ қызметкерлерінің ротациясы Комитет төрағасының шешімі бойынша жоспарлы негізде бес жылда бір рет жүзеге асырылады.
6. ЭТҚ қызметкерлерін ротациялау мынадай схема бойынша жүйелі негізде өткізіледі:
1) деңгейаралық ("орталық-өңір", "өңір-орталық");
2) өңірааралық ("өңір-өңір");
3) сектораралық ("орталық-орталық").
7. ЭТҚ қызметкерлеріне ротациялауды жүргізу бойынша, оның ішінде қызметкерлерді ротациялау бойынша жоспар жобаларын жасау бойынша іс-шараларды ұйымдастыру Комитеттің кадр қызметіне кемінде бес жылға жүктеледі.
8. Ротациялау жоспар жобасында ЭТҚ қызметкерлері туралы мынадай мәліметтер көрсетіледі:
1) ЭТҚ қызметкерінің тегі, аты, әкесінің аты (ол болған кезде);
2) ЭТҚ қызметкерінің лауазымы, біліктілік сыныбы;
3) аталған басшылық лауазымда ротациялаудың жоспарланған мерзімі;
4) отбасы жағдайы және отбасы мүшелерінің саны;
5) ЭТҚ қызметкерін қызметтік тұрғын үй-жаймен қамтамасыз ету қажеттілігі туралы ақпарат.
9. ЭТҚ қызметкерлеріне ротациялауды жүргізу жоспары құқық қорғау қызметіне жетекшілік ететін Комитет төрағасы орынбасарымен, аумақтық қаржы мониторингі органдарының басшыларымен келіседі және Комитет төрағасы бекітеді.
Ескерту. 9-тармақ жаңа редакцияда - ҚР Қаржы министрінің 19.02.2019 № 121 (алғашқы ресми жарияланған күннен кейін күнтізбелік он күн өткен соң қолданысқа енгізіледі) бұйрығымен.10. Жоспарды бекіту ЭТҚ қызметкерлеріне ротациялауды жүргізу кезеңі болғанға дейін кемінде үш ай бұрын жүзеге асырылады.
Ескерту. 10-тармақ жаңа редакцияда – ҚР Қаржы министрінің 05.01.2017 № 3 (алғашқы ресми жарияланған күнінен бастап қолданысқа енгізіледі) бұйрығымен.11. ЭТҚ қызметкерлерін ротациялау бойынша шешім қабылдаған кезде олардың қызметін бағалау нәтижесі есепке алынады (жұмыс тәжірибесі, кәсіби жетістіктері, кәсіби құзыреттілік деңгейі, біліктілігін арттыруы).
12. Ротациялау жоспарына енгізілген ЭТҚ қызметкерлері ол бекітілгеннен кейін үш күндік мерзімде жоспармен таныстырылады.
Ротациялау бойынша қабылданған шешім жеке құрам бойынша Комитет төрағасының бұйрығымен ресімделеді.
13. ЭТҚ қызметкерін ротациялау тәртібінде басқа елді-мекенге тағайындау туралы мәселені шешкен кезде, тиісті қаржы мониторингі органының кадр қызметі ЭТҚ қызметкерін тағайындағанға дейін кем дегенде 10 күнтізбелік күн бұрын қызметкердің тағайындалуы жоспарланған тиісті қаржы мониторингі органына (Комитетке немесе аумақтық органына) тұрғын үй қажеттілігі туралы уәжді ақпаратты жолдайды.
Ескерту. 13-тармақ жаңа редакцияда - ҚР Қаржы министрінің 19.02.2019 № 121 (алғашқы ресми жарияланған күннен кейін күнтізбелік он күн өткен соң қолданысқа енгізіледі) бұйрығымен.14. Жоспардан тыс жүзеге асырылатын ЭТҚ басшылық лауазымдарына ЭТҚ қызметкерін тағайындау ротация болып табылмайды.
15. ЭТҚ қызметкерін басқа елді-мекендегі қызметке ротациялауға қызметкердің жазбаша келісімімен, ал қызмет мүддесінде – лауазымында болу мерзіміне қарамастан және қызметкердің жазбаша келісімінсіз жол беріледі.
16. Басқа елді-мекенге көшумен байланысты ротациялауға мүгедек балалары (қамқоршы болып табылатын), оның ішінде асырап алған ұлдары (қыздары) немесе асырауында қарт ата-аналары, не онымен бірге тұрақты тұратын және 1 және 2-топ мүгедектігі бар отбасы мүшелері бар қызметкерлер жатпайды.
Көрсетілген мән-жайлар құжаттармен расталуы тиіс.
17. ЭТҚ қызметкерін ауыстыру, бір басшылық лауазымнан ЭТҚ басшылық лауазымы бойынша бұрынғы лауазымдағы бірдей біліктілік сыныбы мен жалақысын көздейтін басқа тең дәрежелі лауазымға жүргізіледі.
