Ескерту. Күші жойылды – ҚР Инвестициялар және даму министрінің Құрылыс және тұрғын үй коммуналдық шаруашылық істері комитеті төрағасының 14.11.2017 № 249-нқ (алғашқы ресми жарияланған күнінен кейін қолданысқа енгізіледі) бұйрығымен.

      Қазақстан Республикасы Үкіметінің 2014 жылғы 24 қыркүйектегі № 1011 қаулысымен бекітілген Қазақстан Республикасы Ұлттық экономика министрлігі туралы ереженің 17-тармағының 12) тармақшасына, Қазақстан Республикасы Ұлттық экономика министрінің 2014 жылғы 29 қыркүйектегі № 30 бұйрығымен бекітілген Қазақстан Республикасы Ұлттық экономика министрлігінің Құрылыс, тұрғын үй-коммуналдық шаруашылық істері және жер ресурстарын басқару комитеті туралы ереженің 19-тармағына сәйкес (№ 9778 нормативтік құқықтық актілерді мемлекеттік тіркеу тізілімінде тіркелген) БҰЙЫРАМЫН:

      1. Мыналар:

      1) осы бұйрыққа 1-қосымшаға сәйкес Қазақстан Республикасында құрылыстың сметалық құнын айқындау жөніндегі мемлекеттік норматив;

      2) осы бұйрыққа 2-қосымшаға сәйкес Құрылыстағы үстеме шығындардың шамасын айқындау жөніндегі мемлекеттік норматив;

      3) осы бұйрыққа 3-қосымшаға сәйкес Құрылысты ұйымдастыру жобасының шешімімен байланысты қосымша шығындарды айқындау жөніндегі мемлекеттік норматив;

      4) осы бұйрыққа 4-қосымшаға сәйкес Құрылыс ресурстарының ағымдағы бағалар мониторингі және сметалық бағалар есебі жөніндегі мемлекеттік норматив;

      5) осы бұйрыққа 5-қосымшаға сәйкес Құрылыс үшін жүктерді тасымалдау кезіндегі көлік шығыстарының шамасын айқындау жөніндегі мемлекеттік норматив;

      6) осы бұйрыққа 6-қосымшаға сәйкес Құрылыс машиналарын, тетіктерін және автокөлік құралдарын пайдалануға арналған ресурстық сметалық нормаларды әзірлеу және сметалық бағаларды айқындау жөніндегі мемлекеттік норматив;

      7) осы бұйрыққа 7-қосымшаға сәйкес Құрылыста сметалық жалақыны есептеу жөніндегі мемлекеттік норматив.

      2. Құрылыс, тұрғын үй-коммуналдық шаруашылық істері және жер ресурстарын басқару комитетінің Құрылыстағы сметалық нормалар басқармасы заңнамамен белгіленген тәртіппен мыналарды:

      1) осы бұйрықты Қазақстан Республикасының Әділет министрлігінде мемлекеттік тіркеуді;

      2) осы бұйрықты мемлекеттік тіркеуден кейін он күнтізбелік күн ішінде оны мерзімді баспа басылымдарында және "Әділет" ақпарттық-құқықтық жүйесінде ресми жариялауға жіберуді;

      3) осы бұйрықты Қазақстан Республикасы Ұлттық экономика министрлігінің интернет-ресурсында орналастыруды қамтамасыз етсін.

      3. Осы бұйрықтың орындалуын бақылауды өзіме қалдырамын.

      4. Осы бұйрық алғаш ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасында құрылыстың сметалық құнын айқындау
жөніндегі мемлекеттік норматив
1. Жалпы ережелер

      1. Осы "Қазақстан Республикасында құрылыстың сметалық құнын айқындау жөніндегі мемлекеттік норматив" (бұдан әрі – Мемлекеттік норматив) Қазақстан Республикасының сәулет, қала құрылысы және құрылыс қызметі саласындағы заңнама талаптарына сәйкес әзірленді және мемлекеттік инвестициялар есебінен немесе квазимемлекеттік сектор субъектілерінің қаражаты есебінен тұрғызылатын объектілер бойынша жобалау (жобалау-сметалық) құжаттамасын әзірлеу кезінде құрылыстың сметалық құнын айқындауға арналған.

      2. Мемлекеттік норматив құрылыс құнын айқындау үшін нормативтік негіз болып табылады және құрылыстағы баға белгілеу және объектілерді салуға арналған сметаларды (сметалық есептерді) жасау бойынша негізгі қағидаттардан және әдістемелік ережелерден тұрады.

      3. Осы Мемлекеттік нормативтің нормативтік-әдістемелік ережелері ағымдағы бағалардағы құрылыстың құнын айқындаудың ресурстық әдісі негізінде жасалған.

      4. Осы Мемлекеттік нормативте мынадай негізгі ұғымдар пайдаланылады:

      1) ағымдағы бағалар – нақты кезеңге (тоқсанға, жарты жылға, жылға) арналған құрылыс ресурстарының бағалары;

      2) ғимараттар мен құрылыстарды күрделі жөндеу – физикалық тұрғыдан тозуына және бұзылуына байланысты ғимараттардың (құрылыстардың) жекелеген бөліктерін немесе тұтас конструкцияларын, бөлшектерін және инженерлік-техникалық жабдығын қалпына келтіру немесе олардың пайдалану көрсеткіштерін жақсартатын неғұрлым ұзақ уақытқа төзімді және үнемділерғе ауыстыру жөніндегі жұмыстар;

      3) жабдық – объектілердің технологиялық және инженерлік жабдығы;

      4) жаңа құрылыс – жаңа объекті немесе өндірістік қуат жасау мақсатында жаңа алаңдарда жүзеғе асырылатын, пайдалануға енгізілгеннен кейін дербес теңгерімде болатын жаңадан құрылатын кәсіпорындардың, жеке өндірістердің жеке объектілерінің, ғимараттар мен құрылыстардың, негізгі, қосалқы және қызмет көрсету объектілері кешенінің құрылысы, таратылатын кәсіпорынның орнына жаңа алаңға сондай немесе одан да көп қуаттағы (өнімділігі, өткізу қабілеті, ғимараттың немесе құрылыстың сыйымдылығы) кәсіпорынның құрылысы;

      5) жұмыс істеп тұрған кәсіпорынды, ғимаратты немесе құрылысты (бұдан әрі - объект) кеңейту — жұмыс істеп тұрған объектіде қосымша өндірістерді, алаңдарды, қуаттылықтарды салу, сондай-ақ, қосымша немесе жаңа өндірістік қуаттар жасау мақсатында жұмыс істеп тұрған объектілердің немесе оларға жақын орналасқан алаңдардың аумағына негізгі, қосалқы және қызмет көрсету мақсатындағы жаңа жеке цехтар мен объектілер салу немесе жұмыс істеп тұрғандарын кеңейту. Жұмыс істеп тұрған объектілерді кеңейтуге, сондай-ақ олардың құрамына кіретін филиалдар мен өндірістердің құрылысы жатады, олар пайдалануға енгізілгеннен кейін дербес теңгерімде болмайды. Егер жобалық пысықтау процесінде объектіні кеңейтумен бір уақытта негізгі, қосалқы және қызмет көрсету мақсатындағы жұмыс істеп тұрған цехтар мен объектілерді қайта жөндеуді жүзеге асыру қажеттілігі және оның экономикалық тиімділігі анықталса, тиісті жұмыстар мен шығындар объектіні кеңейту жобасының құрамына енгізіледі. Бұл ретте, жұмыс істеп тұрған цехтар мен объектілерді қайта жөндеу жөніндегі жұмыстар мен шығындар сметалық және жиынтық сметалық есептерге жеке жолмен енгізіледі;

      6) жұмыс істеп тұрған кәсіпорынды, ғимаратты немесе құрылысты қайта жаңарту – негізгі мақсаттағы жаңа объектілер мен цехтар салынбайтын және жұмыс істеп тұрғандары кеңейтілмейтін, жаңа өнімді алуға, өндірісті жетілдіруге және ғылыми-техникалық прогрестің осы заманғы жетістіктерінің негізінде оның техникалық-экономикалық деңгейін жақсартуға бағытталған объектіні бірыңғай кешенді жоба бойынша қайта жарақтау; - ғимараттарды немесе құрылыстарды оның негізгі техникалық-экономикалық көрсеткіштерін (пәтерлердің саны мен аумағы, құрылыс көлемі және ғимараттың жалпы алаңы, сыйымдылығы немесе өткізу қабілеті немесе оның мақсаты) жақсарту үшін қайта жарақтау, үй-жайларды жоспарлауды өзгерту, қондырғыны, жапсарласты, қосымшаны тұрғызу;

      7) инженерлік жабдық – тұрмыстың қажетті жағдайларын және сумен жабдықтау (суық және ыстық), кәріз, жылу, ауаны желдету, баптау, газбен жабдықтау, электр жабдығы жүйелері құрылғыларын, көтеру-көлік құрылғыларын (лифтілер, эскалаторлар), қоқыс жинау, шаң жинау, өрт сөндіру, дабыл, телефонизация, радиофикация және ішкі абаттандырудың басқа да түрлерін қамтитын өндірістік қызметтің техникалық құрылғылар кешені;

      8) құрылыстағы баға белгілеу – құрылыс өнімінің құнын белгілеу тетігі;

      9) құрылыстың жоба алды сметалық құны – құрылыс жобасын сараптамаға оны ұсыну алдында, әзірлеуді аяқтау сатысына айқындалған және тиісті жиынтық сметалық есепте көрініс берген құрылыстың сметалық құны;

      10) құрылыс кезегі – ғимараттар немесе құрылыстар тобының бір немесе бірнеше іске қосу кешендерінен тұратын құрылыстың бір бөлігі, оларды пайдалануға беру жобада көзделген өнімдерді шығаруды немесе қызметтер көрсетуді қамтамасыз етеді. Құрылыс кезегіне арналған жобалық-сметалық құжаттама құрылыс құрамында да және жеке жобамен де белгіленген тәртіппен бекітуге жатады;

      11) құрылыс – құрылысы, құрылыс құнының жиынтық сметалық есебімен бірге бірыңғай жобалық-сметалық құжаттама бойынша жүзеге асырылатын әртүрлі мақсаттағы (өндірістік, әлеуметтік, көлік және басқа да инфрақұрылым) ғимараттар мен құрылыстардың (объектілердің) жиынтығы;

      12) құрылыс ресурстары – жұмысшылар мен машинстердің еңбек шығындары, құрылыс машиналары мен тетіктері, құрылыс материалдары, бұйымдар мен конструкциялар, жабдық;

      13) құрылыстың сараптама алды сметалық құны – тиісті жиынтық сметалық есепте көрініс берген құрылыс жобасы бойынша мемлекеттік сараптаманың қорытындысымен бекітуге ұсынылған құрылыстың сметалық құны;

      14) материалдық ресурстар – құрылыс материалдары, бұйымдар, конструкциялар және инженерлік жабдық;

      15) мердігердің сметасы (оферта) – мердігерлік жұмыстар мен қызметтерді сатып алу бойынша конкурстарға қатысу үшін меншікті ұйымдастырушылық-технологиялық мүмкіндікті ескере отырып, олар жасайтын мердігердің конкурстық ұсынысының құрамындағы сметалық құжаттама;

      16) объект – оған жататын барлық жайластырулары, жабдықтары, жиһазы, мүкәммалы, оған жататын қосалқы және қосымша құрылғылары бар, оған жақын жерде орналасқан инженерлік желілері және жалпы алаңдық материалдары бар жеке тұрған ғимарат немесе жалпы мақсаты бар ғимараттар мен құрылыстардың жиынтығы;

      17) объектілерді салу – жаңа құрылыс, жаңғырту, кәсіпорындарды, ғимараттарды және құрылыстарды кеңейту, кәсіпорындарды техникалық қайта жарақтандыру, ғимараттар мен құрылыстарды күрделі жөндеу;

      18) прайс-парақ – кәсіпорындар (өндірушілер, жеткізушілер) ұсынатын материалдық ресурстарға арналған бағалар тізбесі;

      19) ресурстық әдіс – құрылыс жобасын іске асыру үшін шығындар (ресурстар) элементтерінің ағымдағы бағаларында және тарифтерінде калькуляциялау жолымен құрылыстың құнын айқындау әдісі;

      20) салалық нормативтік-техникалық құжаттар – Қазақстан Республикасының сәулет, қала құрылысы және құрылыс саласындағы заңнамасымен реттелмейтін мемлекеттік инвестициялық жобаларды іске асыруға арналған шығындарды айқындау әдістемесі мен ережесін белгілейтін орталық мемлекеттік органдардың және (немесе) ведомстволардың нормативтік-техникалық құжаттары;

      21) сәулет, қала құрылысы және құрылыс істері жөніндегі уәкілетті орган–сәулет, қала құрылысы және құрылыс қызметін мемлекеттік басқару саласындағы басшылықты жүзеге асыратын орталық мемлекеттік орган;

      22) сметалық құн – құрылысқа арналған жобалық құжаттаманы әзірлеу кезінде сметалық нормативтерге сәйкес айқындалатын объектіні салу құны;

      23) сметалық құжаттама - құрылыстағы сметалық құнды айқындайтын құрылыс жобасы құрамындағы құжаттама;

      24) сметалық нормативтер – құрылыстың сметалық құнын айқындау үшін баға белгілеу мен сметалар бойынша және мыналарды қамтитын нормативтік құжаттар кешені:

      объектілерді салудың құнын айқындау жөніндегі әдістемелік нұсқамалар, қағидалар мен ұсынымдар;

      қабылданған өлшеуішке белгіленген құрылыстағы жұмыстарға арналған сметалық нормалар;

      есептеудің қабылданған базасынан проценттерде көрініс берген құрылыстағы жекелеген шығыстар мен шығындарға арналған сметалық нормалар;

      ірілендірілген сметалық нормалар;

      құрылыс ресурстарына арналған сметалық бағалар;

      25) сметалық нормалар – құрылыс, монтаж және басқа да жұмыстардың қабылданған өлшеуішіне белгіленген ресурстардың (құрылыс қызметкерлері еңбегінің, құрылыс машиналарының жұмыс істеу уақытының, материалдарға, бұйымдарға және конструкцияларға қажеттіліктің шығындары) жиынтығы немесе есептеудің қабылданған базасынан процентте көрініс берген құрылыс кезіндегі жекелеген шығыстар мен шығындардың мөлшерін көрсететін салыстырмалы шамалар;

      26) сметалық-нормативтік база – белгіленген тәртіпте қолданысқа енгізілетін және құрылыстың сметалық құнын айқындау үшін нормативтік-құқықтық негізді құрайтын, уақыттың белгілі бір кезеңінде бірлесіп іс-әрекет жасайтын бірыңғай тұжырымдамалық-әдістемелік негізде әзірленген мемлекеттік сметалық нормативтік құжаттардың жиынтығы;

      27) сметалық пайда – жұмыстардың өзіндік құнына, мердігерлік ұйымды дамытуға, оның қызметкерлерін қосымша материалдық ынталандыруға жатқызылмайтын шығыстарды өтеуге арналған құрылыстың сметалық құнының нормативтік бөлігі болып табылатын қаражат сомасы;

      28) тапсырыс берушінің (инвестордың, құрылыс салушының) сметасы – инвестициялық қызметті жоспарлауға және мердігерлік жұмыстар мен қызметтерді сатып алу бойынша конкурс өткізу үшін құрылыстың барынша бағасын айқындауға арналған мемлекеттік сметалық нормативтік құжаттардың негізінде жасалатын сметалық құжаттама;

      29) тапсырыс беруші қаражатының болжанбаған жұмыстар мен шығындарға арналған резерві – жұмыс құжаттамасын әзірлеу процесінде немесе бекітілген жобада көзделген объектілер (жұмыстардың түрлері) бойынша жобалық шешімдерді немесе құрылыс шарттарын нақтылау нәтижесінде оларға қажеттілік туындайтын жұмыстардың және шығындардың құнын өтеуге арналған қаражат сомасы;

      30) технологиялық жабдық - әр түрлі технологиялық процестерді іске асыратын технологиялық желілер, станоктар, қондырғылар, аппараттар, машиналар, тетіктер, аспаптар және басқа да құрылғылар, олардың нәтижесінде энергия өндіріледі, жартылай фабрикат, дайын өнім жасалады немесе олардың орын ауыстыруы, сондай-ақ технологиялық процестердің басқарылуын автоматтандыруды қамтамасыз ететін оларға ілеспе процестер, байланыс және бақылау функциялары қамтамасыз етіледі; технологиялық жабдық пен технологиялық процестердің жұмысын қамтамасыз етумен байланысты санитарлық-техникалық жабдық; негізгі жабдықпен жиынтықта берілетін байлау құбырлары, құбыр арматурасы, металл конструкциялар, бөлінген ұштары бар өлшемді кабель учаскелері; қолданысқа енгізілетін кәсіпорындарды, ғимараттар мен құрылыстарды пайдалану үшін қажетті құрал-жабдықтардың, технологиялық жарақтар мен мүкәммалдың бастапқы қоры, жабдықтың қосалқы бөлшектері;

      31) техникалық қайта жарақтандыру – озық технология мен жаңа техниканы енгізудің, өндірісті механикаландыру мен автоматтандырудың, ескірген және физикалық тұрғыдан тозған жабдықтарды жаңғырту және жаңаларына, неғұрлым өнімділеріне айырбастаудың негізінде жұмыс істеп тұрған кәсіпорындардың жекелеген өндірістерінің, цехтары мен учаскелерінің техникалық-экономикалық деңгейін арттыру, сондай-ақ, кәсіпорынның шаруашылық және қосалқы қызметтерін жетілдіру жөніндегі іс-шаралар кешені;

      32) ұқсас объект – өзінің функционалдық мақсаты және техникалық сиаттамалары бойынша жоспарланатын объектімен ұқсас (салыстырмалы) және үлгі ретінде неғұрлым тиімді техникалық-экономикалық көрсеткіштері бар объект;

      33) үстеме шығындар – өндірістің жалпы жағдайларын жасаумен, оған қызмет көрсетумен, ұйымдастырумен және басқарумен байланысты құрылыс-монтаж ұйымдарының шығындарын өтеуге арналған, сондай-ақ, құрылыстың есепке алынбаған басқа да құрамдас сметалық құнын Қазақстан Республикасының салық және бюджетке төленетін басқа да міндетті төлемдерді төлеуге арналған қаражат сомасы;

      34) шефмонтаж – ұйымдастырушылық-техникалық нұсқаулық және жабдықты оны пайдалануға беруге дейін монтаждау және кепілдік көрсеткіштерге жету бойынша жұмыстарды тапсырыс беруші мамандарының орындауы үшін жабдықты дайындаушы-кәсіпорын мамандарының тарапынан қадағалау, консультациялар жүргізу және тапсырыс берушінің мамандарын оқыту;

      35) ірілендірілген сметалық нормалар – объекті қуатының бірлігіне арналған қажетті ресурстардың санын айқындайтын туынды сметалық нормалар, ірілендірілген конструктивтік элементтер немесе жұмыстардың ірілендірілген түрлері;

      36) іске қосу кешені – құрылыстың немесе оның кезегінің бір бөлігі болып табылатын объектілердің (немесе оның бөліктерінің) тобы, оларды пайдалануға енгізу жобада қабылданған өнім шығаруды немесе қызметтер көрсетуді, қызмет көрсетуші персонал үшін қолданыстағы заңнамаға сәйкес келетін еңбек шарттарын, қоршаған ортаны қорғауды және пайдаланудың қалыпты (қолданыстағы нормаларға сәйкес) санитарлық-эпидемиологиялық жағдайларын қамтамасыз етеді. Іске қосу кешені бойынша жобалау-сметалық құжаттама құрылыс құрамында да және жеке жобамен де белгіленген тәртіппен бекітуге жатады;

      37) элементтік сметалық нормалар – құрылыстағы жұмыстардың жекелеген түрлерін орындауға арналған заттай көрсеткіштердегі өлшеушіге қабылданған құрылыс ресурстарының шығысын айқындайтын бастапқы деңгейдегі сметалық нормалар.

2. Құрылыстағы баға белгілеу әдістемесінің негізгі
талаптары мен шарттары

      5. Құрылыстағы мемлекеттік инвестициялар есебінен және квазимемлекеттік сектор субъектілерінің қаражаты есебінен қаржыландырылатын объектілерді салудың сметалық құнын айқындау кезіндегі баға белгілеудің әдістемесіне және рәсімдеріне қойылатын негізгі талаптар мыналар болып табылады:

      1) сенімділік;

      2) транспаренттілік;

      3) жеделдік;

      4) әмбебаптық.

      6. Сметалық нормалар құрылыс объектілерінде құрылыс процесстерінің хронометражымен, сондай-ақ, олардың нәтижесінде элементтік сметалық нормалар деңгейінде құрылыс ресурстарындағы қажеттіліктер, ірілендірілген сметалық нормалар үшін өлшеуіштің қабылданған бірлігіне арналған ресурстардың жиынтық қажеттіліктері және оларды есептеудің қабылданған базасынан проценттердегі лимиттелген шығындардың нормалары айқындалатын есептік-талдау әдістерімен белгіленеді. Сметалық нормалар құрылыстағы техника мен технологиялардың қол жеткізілген орташа салалық деңгейі ескеріледі.

      Сметалық нормаларда қалыпты (стандарттық, орташаландырылған) жағдайларда жұмыстардың белгілі бір түрін орындау үшін қажетті операциялардың толық кешені ескеріледі. Жұмыстарды ерекше: қысылушылық, газдылық жағдайларында, жұмыс істеп тұрған жабдықтардың жанында жүргізу кезінде сметалық нормаларға қолдану жөніндегі жалпы ережелерде және сметалық нормативтерге техникалық бөлімдерінде келтірілген коэффициенттер қолданылады.

      7. Материалдық ресурстарға және машиналар мен тетіктерді пайдаланудың өзіндік құнын құрайтын ресурстарға арналған сметалық бағалар Қазақстан Республикасының барлық өңірлері бойынша олардың ағымдағы бағаларына мониторинг негізінде айқындалады құрылыс жобаларын әзірлеу кезінде сметалық құжаттаманы жасау үшін нормативтік негіз ретінде пайдаланылады.

      8. Сметалық жалақы Қазақстан Республикасының еңбек заңнамасына сәйкес және құрылыс саласы бойынша жұмысшалардың орташа айлық жалақысы туралы мемлекеттік статистика деректері бойынша айқындалады.

      9. Құрылыстың сметалық құны ресурстық көрсеткіштердің жоба және сметалық нормалар бойынша бөлінетін тікелей калькуляциялау негізіндегі ресурстық әдіс: құрылыс машиналарын пайдаланудың еңбек шығыны, уақыты, материалдардың, бұйымдардың, конструкциялардың, жабдықтың шығысы, құрылыс орнына оларды жеткізудің тәсілдері және қашықтықтар туралы деректер, құрылыстың технологиялық мақсатына арналған энергия тасығыштар және осы ресурстарға арналған ағымдағы бағалар.

      10. Сметалық құжаттаманы жасау кезінде мыналарды құрайтын оларды толық бөліп көрсетумен құрылыс объектісі бойынша жұмыстардың барлығына құрылыс ресурстарының шығындарының элементтерін егжей-тегжейлі калькуляциядау арқылы жүргізіледі: еңбек шығындары, машиналар мен тетіктерді пайдаланудың (ат-атымен) пайдалану уақыты, материалдар, бұйымдар мен конструкциялар (ат-атымен).

      11. Өзгермелі бағадағы талап етілетін кезеңге арналған сметалық құжаттаманың жеделділігін қамтамасыз ету үшін ресурстық сметалардағы ресурстық және баға көрсеткіштері бөлек көрсетіледі. Қазақстан Республикасының сметалық-нормативтік базасы баспа түрінде және электрондық пішімде қалыптастырылады. Құрылыс ресурстарының ағымдағы бағаларының жинақтары тоқсан сайын жаңғыртылатын электрондық каталогтар түрінде қалыптастырылады.

      12. Ресурстық әдіс құрылыс жобасын әзірлеудің барлық сатыларында және объектілердің өмірлік кезеңінің барлық сатыларында шығындардың сметалық құнын айқындау үшін қолданылады: инвестициялық ұсыныс, техникалық-экономикалық негіздеме, жоба, жұмыс жобасы және жұмыс құжаттамасы, құрылыс, пайдалану және кәдеге жарату.

      13. Құрылыстың сметалық құнын айқындауға арналған негіз:

      1) тапсырма (техникалық тапсырма) және тапсырыс берушіден алынған бастапқы деректер;

      2) жобалық құжаттама;

      3) қолданыстағы сметалық нормативтер;

      4) мониторинг нәтижелері бойынша ресурстардың ағымдағы бағалары болады.

      14. Қазақстан Республикасындағы объектілерді салудың сметалық құнын қалыптастыру құрамына мыналар енгізілетін құрылыстағы баға белгілеу жүйесінің жұмыс істеуі негізінде қамтамасыз етіледі:

      1) ресурстық база – ресурстар шығысының элементтік сметалық нормалары, еңбек, машиналар мен тетіктердің шығындарының нормалары, құрылыс өндірісінің технологиялары бойынша жаңа не өзектендірілген нормаларды енгізе отырып, тұрақты түрде жаңартылатын материалдық ресурстар шығысының өндірістік нормалары;

      2) перспективалық құрылыс технологиялары бойынша жаңа технологиялық карталармен жүйелі түрде толықтырылатын және қазіргі технологиялық карталарды мерзімдік көкейкестілендірумен құрылыстағы жаңа технологиялардың біріңғай мемлекеттік тізілімі;

      3) ресурстар шығынының ірілендірілген сметалық нормалары;

      4) құрылысқа мемлекеттік инвестициялардың есебінен немесе квазимемлекеттік сектор субъектілерінің қаражаты есебінен қаржыландырылатын объектілерді салуға арналған жоба алды және жобалық (жобалық-сметалық) құжаттаманың бірыңғай мемлекеттік электрондық банкі;

      5) ақпаратты жинап және оны бірыңғай орталықта автоматты өңдей отырып, Қазақстан Республикасының барлық өңірлері бойынша ағымдағы бағаларды мониторингілеу;

      6) әртүрлі мақсаттағы объектілерді салу үшін жобалық-сметалық құжаттаманы әзірлеу, есепке алу, сақтау және қолдану, кешенді жобалаудың қазіргі заманғы бағдарламалық құралдарын қолдану үшін қажетті жалпы техникалық талаптарды белгілейтін нормативтік ұйымдастырушылық-әдістемелік құжаттардың кешені.

      15. Инвестициялық-құрылыс процессінің әртүрлі сатысындағы объектілерді салудың сметалық құнын айқындау тиісті мемлекеттік сметалық нормалар және нормативтердің негізінде тапсырыс берушінің сметасы бойынша жүзеге асырылады.

      Жоба алды сатысындағы (жоба алды пысықтау, инвестициялық ұсыныс, техникалық-экономикалық негіздеу сатысындағы) сметалық құн құрылыс ресурстарына арналған сметалық бағалардың қолданыстағы жинақтарын пайдаланумен Қазақстан Республикасы Ұлттық экономика министрлігінің Құрылыс, тұрғын үй-коммуналдық шаруашылық істері және жер ресурстарын басқару комитеті Төрағасының бұйрығымен бекітілген жоба алды құжаттамасы құрамындағы құрылыстың есептік құнын айқындау жөніндегі Мемлекеттік нормативке сәйкес айқындалады. Бұл ретте, ірілендірілген сметалық нормалар, ұқсас объектілердің деректері және құрылыс ресурстарына арналған сметалық бағалардың қолданыстағы жинақтары пайдаланылады.

      Жобалау сатысындағы сметалық құн құрылыс ресурсарына арналған сметалық бағалардың қолданыстағы жинақтарын, ресурстар шығыстарының элементтік сметалық нормаларын, жұмыстардың түрлері бойынша ірілендірілген сметалық нормаларды, конструктивтік шешімдерге арналған ірілендірілген сметалық нормаларды пайдалана отырып, осы Мемлекеттік нормативке сәйкес айқындалады. Бұл ретте, сметалық құн мемлекеттік сараптама органдарынга жобаны ұсыну күніне арналған ағымдағы бағалардағы сметалық құжаттаманың ресурстық көрсеткіштерін бағалаумен жоба алды сметалық құны ретінде жобалаудың аяқтау кезеңінде қалыптастырылады.

      Құрылыс жобасы бойынша мемлекеттік сараптаманың қорытындысын беру сатысындағы сметалық құн мемлекеттік сараптаманы жасауды ресімдеу күніне құрылыс ресурстарына арналған сметалық бағалардың қолданыстағы жинақтарын пайдалана отырып, айқындалады.

      16. Тапсырыс беруші құрылыстың жоба алды сметалық құнын мемлекеттік сараптамаға органдарына жобалау-сметалық құжаттамасын ұсыну алдында келіседі.

      17. Ұзақтығы бір күнтізбелік жылдан астам құрылыс объектілері бойынша құрылыстың сметалық құны инфляцияның ресми болжамды деңгейі бойынша алдағы кезеңдердегі көлемдерін индексациялаумен құрылыстағы бос нормаларға сәйкес күнтізбелік жыл бойынша инвестициялардың көлемдерін бөліп көрсетіп, құрылыстың нормативтік мерзімін ескере отырып, айқындалады. Инфляцияның болжамды деңгейлері Қазақстан Республикасы Президентінің 2009 жылғы 18 маусымдағы № 827 Жарлығымен бекітілген Қазақстан Республикасындағы мемлекеттік жоспарлау жүйесінің 22-тармағына сәйкес жыл сайын жаңғыртылатын және Қазақстан Республикасының Үкіметі мақұлдайтын тиісті бес жылдық кезеңге арналған Қазақстан Республикасының әлеуметтік-экономикалық дамуы болжамына сәйкес айқындады. Бұл ретте, прайс-парақтар бойынша айқындалған ресурстардың сметалық құны өзгеріссіз қалады және индексацияға жатпайды.

      19. Мердігердің шартында тіркелетін құрылыстың шарт бағасы тапсырыс берушінің белгіленген сметасының қаражаты лимиті шегінде оның сметасы (офетасы) бойынша мердігердің ұтқан конкурстық ұсынысының бағасы негізінде мердігерлік жұмыстар мен қызметтерді сатып алу бойынша конкурс нәтижелері негізіндегі мемлекеттік сатып алу саласындағы заңнамаға сәйкес анықталады.

      20. Мердігердің (офетаның) сметасы тапсырыс берушінің сметасы базасында, мердігердің еңбекақы төлемдері бойынша бухгалтерлік деректер негізінде құрылыс ресурстарын қайта бағалаумен, құрылыс машиналарын пайдалану бойынша, нақты мәмілелер бойынша, қолданыстағы келісім-шарттар немесе оларды жеткізуге арналған ұсыныстар бойынша, үстеме шығындардың нақты деңгейі бойынша ағымдағы бағаларда ресурстық әдіспен жасалады.

      Тапсырыс берушінің сметасын электрондық пішімде конкурстық құжаттаманың құрамында әлеуетті мердігер береді.

      Тапсырыс беруші сметасының базасында мердігердің сметаны жасауы кезінде жоба бойынша жұмыстардың атауы және физикалық көлемдері, құрылыс ресурстарының нормативтік шығыстары, жоба бойынша құрылыс конструкцияларының және материалдарының сапалық және сандық құрамы (тапсырыс беруші сметасының ресурстық бөлігі) өзгеріссіз қалуы тиіс.

      Мердігерге машиналар мен тетіктер бөлігінде егер, енгізілетін техника қуаты мен өнімділігі бойынша нормативтік уақытқа әсер етпейтін болса, құрылыс техникасының агрегирленген түрлерінің сметалық нормаларда қабылданған техникалық сипаттамалары бойынша сәйкес келетін, олар пайдаланатын техниканың нақты маркаларын көрсетуге рұқсат етіледі. Сондай-ақ, мердігерге сапасы мен технологияларын өзгертпестен/нашарлатпастан жұмыстардың түрлері бойынша олар пайдаланатын "өзге де" (қосалқы) материалдардың, "өзге де" (қосалқы) құрылыс машиналары мен тетіктерінің позициялары бойынша өз нұсқасын ұсынуға рұқсат етіледі.

      Тапсырыс беруші мен мердігердің сметаларын салыстыру негізінде шарт бағасы құрамында тапсырыс берушінің сметасының барлық позициялары (жұмыстар және жекелеген шығындар) бойынша бірыңғай шарт бағалаулары жасалады және бекітіледі. Жекелеген шарт бағалаулары қосылған құн салығынсыз барлық тиісті қосымша есептеулермен жоба бойынша жұмыстардың қабылданған бірлігіне теңгеде жасалады. Жекелеген шарт бағалауларының бұл каталогы орындалған жұмыстар үшін тапсырыс беруші мен мердігер арасындағы өзара есеп айырысу кезінде негіз болып қызмет етеді.

      21. Мердігердің сметасы мердігердің нақты деректері бойынша құн көрсеткіштерінен басқа осы Мемлекеттік нормативтің негізгі ережелерін, талаптарын, шарттары мен шектеулерін сақтай отырып, мердігердің меншікті ұйымдастыршылық және техникалық мүмкіндіктерін ескере отырып, жасалады.

3. Құрылыстың сметалық құнының құрамы және құрылымы

      22. Инвестициялар құрылымына және құрылысты жоспарлау және ұйымдастыру тәртібіне сәйкес құрылыстың сметалық құны жұмыстар мен шығындардың мынадай түрлері бойынша бөлінеді:

      1) құрылыс-монтаж жұмыстары;

      2) жабдыққа, жиһаз бен мүкәммалға жұмсалатын шығындар;

      3) өзге де шығындар.

      23. Құрылыс-монтаж жұмыстарының құрамына мыналар кіреді:

      1) ғимараттар мен құрылыстар салу бойынша жұмыстар;

      2) жер жұмыстары;

      3) жинамалы және монолиттік темір-бетон және бетон, кірпіш, блок, металл, ағаш және басқа да құрылыс конструкциялары, едендер, төбелер құрылғысы;

      4) әрлеу жұмыстары;

      5) бұрғылау-жарылыс және қада қағу жұмыстары;

      6) топырақты бекіту, түсіру құдықтарын орнату, ұңғымаларды бұрғылау, құрылыс конструкциялары мен жабдықтарын тоттанудан қорғау бойынша жұмыстар;

      7) жылу оқшаулау жұмыстары (қазандықтарды, өнеркәсіптік пештер мен басқа да агрегаттарды айналдыра қалау мен әрлеуді қоса алғанда);

      8) ішкі су құбырын, кәрізді, жылыту, газбен жабдықтау қондырғыларын, желдеткіш пен ауа баптағышты (жылыту қазандықтарының, радиаторлардың, калориферлердің, бойлерлер мен басқа да санитарлық-техникалық бұйымдардың және жайғастырмалардың құнын қоса алғанда), сондай-ақ басқа да ішкі құбырларды орнату бойынша жұмыстар;

      9) мамандандырылған құрылыс, оның ішінде: автомобиль және теміржолдарды; көпірлер мен құбырларды; тоннельдер мен метрополитендерді; электр беру желілерін; байланыс, радиохабар тарату және телевидение құрылыстарын; гидротехникалық құрылыстардың конструкцияларын, өнеркәсіптік пештер мен құбырларды, эрозияға қарсы және басқа да табиғат қорғау құрылыстарын салу, жағалауды бекіту жұмыстары кезінде орындалатын жұмыстар;

      10) сыртқы желілер мен сумен жабдықтау, кәріз, жылумен және энергиямен жабдықтау құрылыстарын салу, газ құбырларын тарту, сарқынды суларды тазартуға және атмосфераны ластанудан қорғауға арналған құрылыстар салу жұмыстары;

      11) тұрғын үй және қоғамдық ғимараттарды электрмен жарықтандыру жұмыстары;

      12) кәсіпорындарды, ғимараттар мен құрылыстарды қайта жаңарту және техникалық қайта жарақтандыру кезінде орындалатын құрылыс конструкцияларын бөлшектеу жұмыстары;

      13) көгалдандыру жұмыстары;

      14) құрылыс аумағын дайындау бойынша жұмыстар: ағаштар мен бұталарды отау, ағаш түптерін тамырымен жұлу, аумақты жоспарлау, топырақты шаю және рельефті қалыптастыру бойынша басқа да жұмыстар, құрылыстарды бұзу және көшіру, топырақ пен құрылыс қоқысын автотасымалдау;

      15) негіздер, іргетастар және жабдықтың астына тірек конструкцияларын орнату жұмыстары; құрылыс салуға, жөндеу-құрылыс, реставрациялау-қалпына келтіру жұмыстарына ресурстар шығынының элементтік сметалық нормалары жинақтарында көзделген басқа да жұмыстар;

      16) инженерлік және технологиялық жабдықтардың барлық түрлерін тұрақты пайдалану орнында жинау және жобалық қалпына орнату (бос және жүктемемен тексеруді және жеке сынауды қоса алғанда);

      17) электрмен жабдықтау желілері мен тораптарын электр-күштік қондырғыларға тарту, электр желілеріне қосу және электр машиналарын жөндеуге тапсыруға дайындау; ғимараттарға электрмен жарықтандыру құрылғысы;

      18) технологиялық құбырларды тарту және су, ауа, бу, салқындатқыш және басқа да сұйықтар жабдығына жабдықты монтаждауға арналған элементтік сметалық нормалары жинағында көзделген көлемде жетектер құрылғысы;

      19) жұмыс істеп тұрған кәсіпорындарды, ғимараттар мен құрылыстарды қайта жөндеу және техникалық қайта жарақтандыру кезінде жүзеге асырылатын жабдықты монтаждауға, оның ішінде жабдықты, қондырғыларды, машиналар мен құрылғыларды бөлшектеуге арналған элементтік сметалық нормалары жинақтарында көзделген басқа да жұмыстар.

      24. Объектінің жұмыс істеуін қамтамасыз етуге арналған жабдықтардың тізбесі тапсырыс беруші бекіткен жобалауға арналған тапсырмада, сондай-ақ жобаның тиісті бөлімдерін әзірлеу нәтижелері бойынша жобалау барысында белгіленеді. Бұл ретте, сондай-ақ тапсырыс беруші өзі және мердігер жеткізетін инженерлік жабдықты бөлу ведомостын жасақтайды және бекітеді. Технологиялық жабдықты, жиһазды және мүкәммалды жеткізуді тапсырыс беруші жүзеге асырады.

      25. Құрылысқа арналған сметаларда ескерілетін жабдықтың, жиһаздың және мүкәммалдың құнына мыналар жатады:

      1) мыналарды сатып алудың (дайындаудың) және объектінің жанындағы қоймаға жеткізудің құны:

      монтаждалатын немесе монтаждалмайтын (технологиялық, энергетикалық, көтеру-тасымалдау, ұсақтау-үгету, сорғы-компрессорлық және басқа да жабдық) жабдықтардың, электрондық-есептеу орталықтары, зертханалар, әртүрлі мақсаттағы шеберханалар, медициналық кабинеттер жабдықтарының барлық түрлерінің кешендері;

      бақылау-өлшеу аспаптарын, автоматтандыру және байланыс құралдарын;

      іске қосылатын өндірістердің бастапқы қорына енгізілетін құрал-жабдық, мүкәммал, мөртабандар, құрылғылар, қосалқы бөлшектер, жартылай фабрикаттар немесе дайын өнімді тасымалдауға арналған арнайы контейнерлер;

      жатақханаларды, коммуналдық шаруашылық, ағарту, мәдениет, денсаулық сақтау, сауда объектілерін бастапқы жарақтандыру үшін талап етілетін жабдықтар, құралдар, мүкәммал, жиһаз және ішкі қажеттіліктің басқа да заттары;

      2) стандартты емес жабдықтардың құны;

      3) шефмонтаждың құны (шефмонтаж жағдайында жеткізілетін жабдық үшін).

      26. Өзге де шығындар тапсырыс берушінің және мердігердің шығындарына (мердігерлік жұмыстарға жататын) бөлінеді.

      Мердігер орындайтын өзге де жұмыстар мен шығындардың тізбесі және оларды айқындау тәртібі осы Мемлекеттік нормативке 1-қосымшада келтірілген.

      Мердігер орындайтын өзге де жұмыстар мен шығындардың тізбесі осы Мемлекеттік нормативке 1-қосымшада келтірілген.

      Тапсырыс берушінің сәулет, қала құрылысы және құрылыс қызметі саласындағы заңнамамен реттелмейтін құрылыс аумағын дайындауға (игеруге) және пайдалануға объектілерді енгізуге арналған өзге де шығындары салалық нормативтік-техникалық құжаттар бойынша айқындалады. Тапсырыс берушінің аталған шығындары құрылыс аумағын дайындауға (игеруге) және объектіні пайдалануға енгізуге арналған жиынтық сметаға енгізіледі.

      27. Құрылыс-монтаж жұмыстарының көлемдері мен жабдыққа, жиһазға және мүкәммалға арналған шығындар құрылыс құрамына кіретін жекелеген объектілер шекарасында айқындалады, ал өзге де шығындар тұтастай алғанда, құрылыс бойынша айқындалады. Құрылыс құрамында жекелеген объектілерді бөлу және олардың шекараларын айқындау құрылысты жоспарлау және ұйымдастыру үшін құрылыс бойынша сметалық құжаттамадағы шығындарды оңтайлы құрылымдау шартынан ескере отырып, жүзеге асырылады.

      Сметалық құжаттаманы жасау кезінде жекелеген объектілер ретінде құрылыстың түрі мен құрылыстың ерекшелігіне байланысты бөлінеді:

      өндірістік немесе тұрғын үй-азаматтық кешендерді салу кезінде – оларға қызмет көрсетуші және қосалқы құрылыстармен бірге сыртқы желілер (сумен жабдықтау, кәріз, жылу жүргізу, газдандыру, энергиямен жабдықтау), кіре беріс жолдары, орам ішілік жолдар, жалпы алаңдық жұмыстар;

      мұнай және газ өнеркәсібіндегі арнайы құрылыс кезінде – оған жататын барлық жабдықпен, қосалқы құрылыстармен және жұмыстармен мұнай немесе газ ұңғымасы (пайдалану немесе барлау);

      көмір және тау-кен рудасы өнеркәсібіндегі арнайы құрылыс кезінде – тау әзірлемелері және шахтаның басқа да жер асты құрылыстарының өтпесі және жабдығы;

      орман және ағаш өңдеу өнеркәсібіндегі арнайы құрылыс кезінде – сүректі сұрыптау немесе жинау жөніндегі телім;

      мелиорациядағы және су шаруашылығындағы арнайы құрылыс кезінде – арна немесе барлық құрылыстармен арнаның телімі, барлық құрылыстармен және жұмыс түрлерімен суғарылатын жер алаңы;

      теміржол құрылысында – айдап өту немесе бөлшек пункт шегіндегі жер жамылғысы немесе жоғары құрылыс, белгілі бір телімдегі байланыс желісі, дабыл, орталықтандыру, бұғаттау, энергиямен жабдықтау немесе байланыс желісі;

      автожол құрылысында – жер жамылғысы, жол киімі, су өткізу құбырлары және автожол телімі шеңберіндегі басқа да құрылғылар;

      желілік құрылыс кезінде (теміржол және автомобиль жолдары, магистральдық құбырлар, электр беру және байланыс желілері) – телімдердің бірі шегіндегі ғимараттар мен құрылыстардың тобы (мысалы: тірек қабырғалары, селге қарсы немесе құлауға қарсы құрылыстар, су өткізу құрылыстары – өтпе шегінде; айырым посттары, техникалық қарау пункттері – бөлшек пункт шегінде; күшейту пункттерінің, байланыс және дабыл, орталықтандыру, бұғаттау құрылғылары тобы – белгілі бір телімде).

4. Сметалық құжаттаманың құрамы және түрлері

      28. Сметалық құжаттаманың құрамы әзірленетін жобалық-сметалық құжаттаманың сатылылығына, объектінің ерекшеліктері мен техникалық күрделілігіне байланысты айқындалады.

      Жобаның (жұмыс жобасының) құрамына мыналар кіреді:

      1) шығындар мәліметі (қажет болған кезде);

      2) жиынтық сметалық есеп;

      3) құрылыс құнының сметалық есебі;

      4) объектілік және жергілікті ресурстық сметалар;

      5) объектілік және жергілікті сметалық есептер;

      6) жабдықты, жиһазды және мүкәммалды сатып алудың сметалық есептері;

      7) шығындардың жеке түрлеріне сметалық есептері (қажет болған кезде);

      8) жиынтық ресурстық ведомостар;

      9) жұмыстар көлемдерінің ведомосты.

      Жұмыс құжаттамасының құрамына мыналар енгізіледі:

      1) объектілік және жергілікті ресурстық сметалар;

      2) жергілікті ресурстық ведомостар;

      3) жұмыстар көлемінің ведомостары.

      Жобаның құрамындағы сметалық құжаттамаға түсіндірме жазба қоса беріледі, онда мыналар келтірілуге тиіс:

      1) құрылыс орналасқан аумақтық ауданға сілтеме;

      2) оларға сәйкес сметалық құжаттама әзірленетін құжаттарға сілтемелер;

      3) өзге де шығындарды қалыптастыру үшін негіздеме.

      29. Жұмыстар көлемінің ведомостары – бұл жұмыс сызбаларын (жобаны, жұмыс жобасын) жұмыстар көлемі есебінің және жобаның бөлімдеріне ерекшеліктерден алынған көшірменің негізінде әзірлеу сатысында жобалаушы жасайтын қабылданған өлшемдердегі жұмыстардың физикалық көлемдерінің жиынтығы. Жұмыстар көлемінің ведомостары жұмыс құжаттамасының ажырамас бөлігі болып табылады және оны жобалық шешімдерге және құрылыс өндірісінің технологиясына сәйкес жұмыс сызбаларының әрбір бөліміне әзірлеушілер жасайды.

      30. Жергілікті ресурстық ведомостар – бұл жұмыстар көлемі ведомостарының, жұмыс сызбаларының (жұмыс жобасының), ресурстық элементтік сметалық нормалардың, құрылысты ұйымдастыру жобасының және жұмыстарды жүргізу жобасының негізінде жасалатын ресурстарға қажеттілік ведомостары.

      31. Жергілікті ресурстық сметалар ресурстық ведомостардың және ресурстарға қойылатын ағымдағы бағалардың негізінде жасалады, бастапқы сметалық құжаттар болып табылады, олардың негізінде осы Мемлекеттік нормативке 2 немесе 3-қосымшаларға сәйкес нысандар бойынша ғимараттар мен құрылыстарды салу бойынша немесе жалпы алаңдық жұмыстар бойынша жұмыстар мен шығындардың жеке түрлерінің сметалық құны анықталады.

      32. Жергілікті ресурстық сметалық есептер, сондай-ақ ғимараттар мен құрылыстар бойынша немесе жалпы алаңдық жұмыстар бойынша:

      1) жұмыстардың көлемі мен шығындардың мөлшері әлі түпкілікті анықталмаған және жұмыс құжаттамасын әзірлеу кезінде нақтылауға жататын;

      2) жұмыстардың көлемі, оларды орындаудың сипаты мен әдістері жобалау кезінде дәлме-дәл анықталмайтын және құрылыс барысында нақтыланатын жағдайларда жұмыстар мен шығындардың жеке түрлеріне жұмсалатын ресурстардың ресурстық ведомостары мен ағымдағы бағаларының негізінде осы Мемлекеттік нормативке 2 немесе 3-қосымшаларға сәйкес нысандар бойынша жасалатын бастапқы сметалық құжаттар болып табылады.

      33. Жабдықты, жиһазды және мүкәммалды сатып алудың сметалық есептері жабдықты сатып алу және объект маңындағы қоймаға жеткізудің барлық ілеспе шығындарын есептей отырып, осы Мемлекеттік нормативке 4-қосымшаға сәйкес нысан бойынша жобаның бөлімдеріне жабдықтың ерекшеліктері, ресурстық ведомостар мен жабдыққа, жиһазға және мүкәммалға ағымдағы бағалар негізінде тапсырыс беруші жеткізген жабдыққа объектілік болып жасалады. Мердігер жеткізген инженерлік жабдықты сатып алу шығындары жабдықты монтаждауға арналған тиісті жергілікті ресурстық сметаларға енгізіледі.

      34. Объектілік сметалар тұтастай алғанда, өз құрамында объектіге арналған жергілікті ресурстық сметаларды біріктіреді және сметалық құжаттар болып табылады, олардың негізінде осы Мемлекеттік нормативке 5-қосымшаға сәйкес нысан бойынша жеке объектілердің сметалық құны қалыптастырылады. Объектілік смета бойынша мердігерлік жұмыстар мен шығындардың нәтижесінде анықтама ретінде Жиынтық сметалық есептің № 2 жолына егізілетін тапсырыс беруші жеткізген жабдықтың, жиһаздың және мүкәммалдың құны көрсетіледі.

      35. Объектілік сметалық есептер тұтастай алғанда, өз құрамында жергілікті ресурстық сметалардан алынған деректерді біріктіреді және осы Мемлекеттік нормативке 5-қосымшаға сәйкес нысан бойынша нақтылауға жататын құрылыстың жеке объектілерінің құнын қалыптастырылады.

      36. Шығындардың жеке түрлеріне арналған сметалық есептер – бұл сметалық нормативтерде ескерілмеген шығындарды өтеу үшін қажетті қаражатты айқындау қажет болатын жағдайларда жасалады.

      37. Кәсіпорындар, ғимараттар және құрылыстар немесе олардың кезектерін салу құнының сметалық есебі осы Мемлекеттік нормативке 6-қосымшаға сәйкес нысан бойынша объектілік, жергілікті ресурстық сметалардың және шығындардың жеке түрлеріне арналған сметалық есептердің негізінде жасалады.

      Кәсіпорындар, ғимараттар, құрылыстар немесе олардың кезектерін салу құнының сметалық есебі тапсырыс берушінің мердігерге шығарылмаған шығындарын қоспағанда, жобалық құжаттамада көзделген барлық объектілердің құрылысын толық аяқтау үшін қажетті қаражат лимитін айқындайтын құжат болып табылады.

      Құрылыс құнының сметалық есебі өндірістік және өндірістік емес құрылыстарға жеке-жеке жасалып, бекітіледі.

      38. Кәсіпорындар, ғимараттар және құрылыстар немесе олардың кезектерін салуға арналған жиынтық сметалық есеп жеке жиынтық сметаға енгізілетін, құрылыс аймағын дайындау және игеру және объектіні пайдалануға беру жөніндегі тапсырыс берушінің шығындарын қоспағанда, инвестициялық жобаны іске асыруға арналған бюджеттік бағдарламаның әкімшісінің барлық шығындарына арналған қаражат лимитін қамтиды. Жиынтық сметалық есеп осы Мемлекеттік нормативке 7-қосымшаға сәйкес нысан бойынша жасалады.

      Құрылыс аумағын дайындауға (игеруге) және пайдалануға объектіні енгізуге арналған жиынтық смета Қазақстан Республикасы Ұлттық экономика министрлігінің 2014 жылғы 29 қыркүйектегі № 30 бұйрығымен бекітілген Қазақстан Республикасы Ұлттық экономика министрлігінің Құрылыс, тұрғын-үй коммуналдық шаруашылық істері және жер ресурстарын басқару комитеті туралы ережеге сәйкес әзірленетін және бекітілетін, құрылыс аумағын дайындауға (игеруге) және объектіні енгізуге арналған жиынтық сметаны жасау бойынша мемлекеттік нормативтерге сәйкес жасалады (Нормативтік құқықтық актілерді мемлекеттік тіркеу тізілімінде № 9778 тіркелген).

      39. Шығындар мәліметі өндірістік мақсаттағы объектілермен қатар тұрғын үй-азаматтық және басқа да мақсаттағы объектілерге жобалық-сметалық құжаттама жасалатын жағдайларда осы Мемлекеттік нормативке 8-қосымшаға сәйкес нысан бойынша құрылыс құнын айқындайтын сметалық құжат. Шығындар мәліметінде екі және одан көп құнның жиынтық сметалық есебі біріктірілуі мүмкін.

      40. Жобалық құжаттаманың құрамында іске қосу кешеніне кіретін объектілер құрылысы сметалық құнының ведомосы және қоршаған ортаны қорғау жөніндегі объектілер мен жұмыстар сметалық құнының ведомосы әзірленуі мүмкін.

      Іске қосу кешеніне кіретін объектілердің сметалық құнының ведомосы кәсіпорынды, ғимаратты және құрылысты салуды және пайдалануға енгізуді жекелеген іске қосу кешендерімен жүзеге асыру көзделетін жағдайда осы Мемлекеттік нормативке 9-қосымшаға сәйкес нысан бойынша жасалады. Бұл ведомость объектілердің іске қосу кешенінің құрамына кіретін сметалық құнды, сондай-ақ жалпы алаңдық жұмыстар мен шығындарды қамтиды.

      Қоршаған ортаны қорғау жөніндегі объектілер мен жұмыстар сметалық құнының ведомосы кәсіпорынды, ғимаратты және құрылысты салу кезінде қоршаған табиғи ортаны қорғау жөніндегі іс-шараларды жүзеге асыру көзделетін жағдайда осы Мемлекеттік нормативке 10-қосымшаға сәйкес нысан бойынша жасалады. Бұл ретте, онда, әдетте, жиынтық сметалық есепте қабылданған объектілер мен жұмыстардың нөмірленуі сақталады. Ведомосқа тек қана тікелей табиғат қорғау іс-шараларына жататын объектілер мен жұмыстардың сметалық құны кіреді.

      41. Құрылысын кезек бойынша жүзеге асыру жоспарланған кәсіпорындар мен құрылыстарды жобалау кезінде мыналар жасалады:

      1) кәсіпорынды және құрылысты толық дамытуға арналған құрылыс құнының есебі (толық дамытуға арналған шығындар мәліметі);

      2) бірінші кезекті салу құнының жиынтық сметалық есебі;

      3) келесі кезектерді салу құнының есебі;

      4) сметалық құнның объектілік есептері.

      Толық дамытуға арналған құрылыс сметалық құнының есебі бірінші кезекті салуға арналған жобаның құрамына кіреді және құрылыстың жиынтық есебінен және келесі кезектер құрылысының сметалық құнының есептерінен алынған деректерді қамтиды.

      Құрылыстың келесі кезегіне арналған сметалық құнның есебі сметалық құнның объектілік есептерінен алынған деректердің негізінде жасалады.

      Құнның объектілік есептері келесі кезектердің құрамында салу жоспарланатын объектілердің әрқайсысына жасалады.

5. Сметалық құжаттаманы жасау

      42. Сметалық құжаттама құрылыс ресурстарына арналған сметалық нормалар мен ағымдағы бағалардың нормативтік-есептік көрсеткіштері негізінде жасалады.

      43. Арнайы техникалық шарттар бойынша жобалық-сметалық құжаттаманы әзірлеу кезінде және Ресурстардың шығысының элементтік сметалық нормалар жинақтарында жоқ конструкциялар мен жұмыстардың түрлерінің (оның ішінде, бірегей) сметалық құнын айқындау үшін Қазақстан Республикасы құрылыс және тұрғын үй коммуналдық шаруашылық істері агенттігінің 2011 жылғы 29 желтоқсандағы бұйрығымен бекітілген "Құрылысқа арналған жобалық құжаттаманың құрамы мен оны әзірлеу, келісу, бекіту тәртібі" Қазақстан Республикасының құрылыс нормаларына сәйкес жобаның (жұмыс жобасының) құрамында бекітілетін жеке сметалық нормалар әзірленеді.

      44. Жергілікті ресурстық ведомостар жұмыстардың жеке түрлерінің технологиялық сабақтастығына және бейіндік ерекшеліктеріне сәйкес жұмыстардың жеке түрлерін бөлімдерге топтастыра отырып, жұмыстардың түрлері бойынша, ғимараттар мен құрылыстар бойынша және жалпы алаңдық жұмыстар бойынша жобалық-сметалық құжаттаманың құрылымына сәйкес жасалады (осы Мемлекеттік нормативке 2 немесе 3-қосымшаларға бойынша нысандарға сәйкес жергілікті ресурстық сметамен біріктірілген нысанда жасалады). Жергілікті ресурстық ведомостарды жасау кезеңінде сметалық нормалар мен жоба бойынша ресурстарды бөлу (іріктеу) жүргізіледі, нормаларда бекітілген ресурстар жоба бойынша ресурстармен салыстырыла отырып талданады және үйлестіріледі, жобалық шешімдерге сәйкес келмейтін ресурстарды ауыстыру жолымен ресурстарды түзету жүргізіледі. Ресурстық ведомостар олар бойынша жергілікті ресурстық сметалар жасалатын негізгі бастапқы құжаттар болып табылады.

      45. Жұмыстардың, ресурстардың түрлері (атаулары), олардың шифрлары, кодтары, өлшем бірліктері сметалық нормалардың жинақтарында көзделген ұқсас позицияларға сәйкес келуге тиіс.

      46. Жұмыстардың көлемі құрылыс және монтаж жұмыстары, жабдықтың номенклатурасы бойынша тапсырыстық ерекшеліктер, сондай-ақ жобаның жұмыс сызбалары (жұмыс құжаттамасы) көлемдерінің ведомостары негізінде анықталады.

      47. Ресурстарды бөлу Қазақстан Республикасының аумағында қолданыстағы сметалық нормаларға сәйкес жобалық материалдар (жұмыс сызбалары, материалдардың ведомостары және ерекшеліктері, бұйымдар, конструкциялар және жабдықтар) бойынша жүргізіледі.

      48. Сметалық нормалар құрылыс және жөндеу-құрылыс жұмыстарына, жабдықтарды монтаждауға арналған элементтік сметалық нормаларды қолдану жөніндегі жалпы ережелерде және тиісті жинақтардың техникалық бөлімдерінде қамтылған ережелерді ескере отырып, нақты құрылыстың және құрылыс салу жоспарланған ауданның жағдайлары үшін қабылданады. Бұл ретте, материалдық ресурстарға арналған сметалық бағалар ұтымды логистиканы ескере отырып, олардың әкімшілік-аумақтық тиістілігіне қарамастан жақын карьерлерден немесе өндіруші кәсіпорындардан қала құрылысының жақын орнына немесе ауданның әкімшілік орталығы бойынша қабылданады. Көлік сызбаларын тапсырысшы бекітеді.

      49. Жұмыстардың әрбір түрі ресурстық көрсеткіштер түрінде ұсынылады: еңбек шығындары (адам-сағат), құрылыс машиналарына қажеттілік (маш.- сағат), материалдық ресурстарға қажеттілік (қабылданған өлшем бірліктерінде: текше, шаршы метрлерде; тоннада және тағы басқа).

      50. Материалдардың атауы жобаға салынған материалдарды бірдей сәйкестендіруге мүмкіндік беретін маркаларды, техникалық сипаттамаларды, стандарттың белгілеулерін көрсете отырып, келтіріледі.

      51. Әрбір жергілікті ресурстық ведомосқа (сметаға) қосымша түрінде бір атаудағы ресурстарды жиынтықтау жолымен ведомость (смета) бойынша ресурстарға жиынтық қажеттілік беріледі. Бұл ретте, ресурстар олардың жиынтық сомасын азайту тәртібімен топтастырылып және бөлініп орналасады.

      52. Ресурстарға жиынтық қажеттілік ведомость (смета) бойынша мынадай жүйелілікпен көрсетіледі:

      1) жұмысшы-құрылысшылардың еңбек шығындары, адам-сағат;

      2) жұмыстардың орташа өлшенген разряды;

      3) бір атаудағы позициялардың жиынтық құнын азайту тәртібімен топтастырып және дәрежеге бөле отырып, құрылыс машиналары мен тетіктері, маш.-сағат;

      4) бір атаудағы позициялардың жиынтық құнын азайту тәртібімен топтастырып және дәрежеге бөле отырып, қабылданған өлшем бірліктеріндегі материалдық ресурстар;

      5) жүктерді тасымалдау (класстары, көлік түрлері және арақашықтары бойынша);

      6) мердігер жеткізген инженерлік жабдық (дәрежеге бөлінген тәртіппен).

      53. Құндық көрсеткіштермен жиынтық ресурстық ведомостар осы Мемлекеттік нормативке 11-қосымшаға сәйкес нысан бойынша тұтастай объект, ғимарат, құрылыс бойынша жасалады. Ресурстар бір атаудағы позициялардың жиынтық құнын азайту тәртібімен топтастыра отырып және дәрежеге бөлінген тәртіпте орналасады.

      54. Жергілікті ресурстық сметалар және құрылыс және монтаж жұмыстарының жеке түрлеріне, сондай-ақ жабдықтың құнына сметалық есептер тиісті бөлімдер бойынша жергілікті ресурстық ведомостардың негізінде жасалады (осы Мемлекеттік нормативке 2 немесе 3-қосымшаларға сәйкес нысандар бойынша, әдетте, жергілікті ресурстық ведомостармен үйлестірілген нысанда). Сметалық құн сметаларды жасау сәтіндегі ағымдағы бағалардағы жеке ресурстарды бағалау арқылы тікелей шығындардың баптары бойынша есептеледі.

      55. Жергілікті ресурстық сметалар жеке-жеке жасалады:

      1) ғимараттар мен құрылыстар бойынша:

      құрылыс, арнайы құрылыс жұмыстары, металл конструкцияларын монтаждау, ішкі санитарлық-техникалық жұмыстар (су құбыры, кәріз, жылыту, желдету, ауаны баптау және т.б.), ішкі электрмен жарықтандыру, электр-күштік қондырғыларды, технологиялық құбырларды монтаждау, жабдықтарды монтаждау және сатып алу (жабдықты жобалық қалпында орнатумен байланысты металл конструкцияларын монтаждауды қоса алғанда), бақылау-өлшеу аспаптары және автоматика, аз дәлдікті құрылғылар (байланыс, дабылдама және тағы басқа), автоматтандырылған басқару жүйесі, өнеркәсіптік байланыс, жабдық астындағы іргетастар, арнайы негіздер, жабдықтар мен құбырларды бекемдеу және оқшаулау, химиялық қорғау жабындары, арналар, өнеркәсіптік пештер мен құбырлар, гидромеханикландырылған, тау-кен өтпелік, тау-кен аршу және басқа да жұмыстар, айлабұйымдар, өндірістік және шаруашылық мүкәммалын, жиһаз сатып алу;

      2) жалпы алаңдық жұмыстар бойынша:

      тігінен жоспарлау, инженерлік желілер құрылғысы, кірме және цехаралық жолдар, аумақты абаттандыру және көгалдандыру, шағын сәулеттік нысандар.

      56. Әрбір сметаның құрамындағы құрылыс және монтаж жұмыстарының түрлері ғимараттардың, құрылыстардың конструктивтік элементтері, жұмыстар мен құрылғылардың түрлері бойынша бөлімдерге топтасады.

      57. Жұмыстар атауларының сметаларға орналасу тәртібі және оларды бөлімдерге топтау жұмыстар жүргізудің технологиялық жүйелілігіне сәйкес келуге және жеке құрылыс түрлерінің бейіндік ерекшеліктерін ескеруге тиіс.

      58. Жергілікті ресурстық сметалармен айқындалатын құн тікелей шығындарды, үстеме шығындарды және сметалық пайданы қамтиды.

      59. Тікелей шығындарда:

      1) жұмысшы-құрылысшылардың жалақысы;

      2) құрылыс машиналары мен тетіктерін пайдалану құны;

      3) материалдарды, бұйымдарды және конструкцияларды тасымалдаумен бірге олардың құны;

      4) мердігер жеткізген инженерлік жабдықтың құны ескеріледі.

      Мердігер және тапсырыс беруші жеткізген инженерлік жабдықтың тізбесі сметалық құжаттаманы жасау үшін бастапқы деректердің құрамында тапсырыс беруші бекітетін бөлу ведомосты бойынша айқындалады. Бұл ретте, жеткізушінің инженерлік жабдықты жеткізуі "іске қосу" монтажы шартында жүзеге асырылады.

      60. Тікелей шығындар ресурстық ведомостар бойынша қабылданған ресурстар көлемін осы ресурстардың ағымдағы бағадағы бірлігі құнына көбейту жолымен анықталады.

      61. Сметалық жалақы мынадай түрлерден тұрады:

      1) жұмысшы-құрылысшылардың жалақысы;

      2) машинстердің (құрылыс машиналары мен тетіктерін басқаратын және қызмет көрсететін жұмысшылардың) жалақысы.

      62. Жұмысшы-құрылысшылардың жалақысы тікелей құрылыс және монтаж жұмыстарымен айналысатын жұмысшылардың жалақысын қамтиды. Жұмысшы-құрылысшылардың сметалық жалақысы сметалық тарифтік ставкалардың жинағы бойынша айқындалатын жұмысшы құрылысшылар мен машинистер үшін ресурстық ведомость және адам-сағаттың ағымдағы құны бойынша тиісті еңбек шығындарының негізінде құрылыстағы сметалық жалақының есебі бойынша Мемлекеттік нормативке сәйкес есептеледі.

      63. Машинистердің жалақысы құрылыс машиналары мен тетіктерін пайдалануға арналған шығындар құрамына енгізіледі және сметалық тарифтік ставкалардың жинағы бойынша ағымдағы бағалардағы машиналар мен тетіктердің машина-сағат құнының құрамында есептеледі.

      64. Құрылыс машиналарын пайдалануға арналған шығындар қажетті машиналардың нормативтік қажеттігі (машина-сағатпен) және 1 (бір) машина-сағаттың ағымдағы бағасы негізге алына отырып, айқындалады. Құрылыс машиналары мен тетіктері 1 (бір) машина-сағатының ағымдағы бағасы тиісті кезеңге арналған құрылыс машиналары мен тетіктерін пайдалануға арналған сметалық бағалар жинағы бойынша айқындалады. Құрылыс машиналарын пайдалануға арналған сметалық бағалар құрылыс машиналдарын, тетіктерін және автокөлік құралдарын пайдалануға арналған сметалық нормаларды әзірлеу және қолдану бойынша Мемлекеттік нормативке сәйкес тетіктердің машина-сағатының өзіндік құнын құрайтын ресурстардың ағымдағы құнын калькуляциялау негізінде есептеледі.

      65. Материалдық ресурстардың құны Қазақстан Республикасының өңірлері ағымдағы бағаларда ағымдағы бағалардың мониторингі және құрылыс ресурстарының сметалық бағалары есебі бойынша Мемлекеттік нормативке сәйкес айқындалады және кезекті кезеңге (тоқсанға) арналған құрылыс материалдарына, бұйымдарына және конструкцияларына арналған сметалық бағаларының жинақтарына енгізіледі.

      66. Жеке құрылыс материалдарына арналған бағалардың қолданыстағы жинақтарының тиісті бөлімдерінде болмауы жағдайында қажетті техникалық өлшемдерімен және пайдалану сипаттамаларымен бұйымдарды, олардың құнын өндірушілердің, не оларды ресми түрде білдіретін дистрибьюторлардың кемінде екі баға ұсыныстарынан (прайс-парақтарынан) тұратын тапсырыс беруші қабылдаған шешімдерге сәйкес айқындау қажет. Бұл ретте, прайс-парақтардағы инкомермс терминдеріндегі франко түрі немесе жеткізу шарттарын көрсету міндетті болып табылады.

      67. Тасымалдаудың сметалық құны көлік-логистикалық сызба, жүктің класы мен сипаттамасы, жолдың санаты, көлік құралының типі мен оның жүк көтерімділігін ескере отырып, кезекті кезеңге бекітілген құрылыс үшін жүктерді тасымалдауға арналған сметалық бағалардың жинағы бойынша айқындалады. Құрылысқа арналған жүктерді тасымалдаудың сметалық бағалар жинағы құрылыс үшін жүктерді тасымалдау кезінде көлік шығыстарының шамасын айқындау бойынша Мемлекеттік нормативке сәйкес әзірленеді.

      68. Жобалық деректерге сәйкес конструкцияларды (металл және темірбетон және тағы басқа) бөлшектеу, ғимараттар мен құрылыстарды бұзу, оның нәтижесінде қайтадан пайдалануға жарамды конструкциялар, бұйымдар және материалдар алу жоспарланатын, немесе құрылысқа ілеспелі жекелеген материалдарды (тас, қиыршықтас, ағаш және тағы басқа) алу жүргізілетін жағдайларда, жұмыс құжаттамасына жеке "қолданыстағы құрылыстарды бөлшектеу және бұзу кезінде алу болжанатын қайталап пайдаланылатын және ілеспелі түрде алынатын конструкциялардың, бұйымдардың және материалдардың болжамды көлемінің қайтарымды сомаларды есептеуге арналған ведомосы" қоса беріледі.

      Қолданыстағы құрылыстардың конструкцияларын бөлшектеу және бұзу жұмыстары аяқталғаннан кейін комиссия актісі және қайталап пайдаланылатын және ілеспе түрде алынатын конструкциялар, бұйымдар және материалдар көлемінің іс жүзіндегі ведомосы жасалады.

      Қолданыстағы құрылыстарды бұзу және сыру кезінде алынып, қайтадан пайдаланылатын материалдар, конструкциялар және бұйымдар, сондай-ақ ілеспелі алу материалдары тапсырыс берушінің меншігі болып табылады және ол оны заңнамада белгіленген тәртіппен дербес іске асырады.

      69. Жабдықтың сметалық құны осы жабдықты сатып алуға және объекті жанындағы қоймаға немесе жабдықты монтаждауға беру орнына жеткізуге жұмсалатын барлық шығындардың сомасы ретінде анықталады. Жабдықтың сметалық құнына мыналар енгізіледі:

      1) қосалқы бөлшектердің құнын, ыдыстың құнын қамтитын босатылым бағасы, орама және деректемелер;

      2) көлік шығыстары;

      3) дайындау-қойма шығыстары (тапсырыс берушінің жеткізу жабдығы үшін);

      4) кеден алымдары мен баждары;

      5) шефмонтаждың құны (шефомонтаж жағдайында жеткізілетін жабдық үшін).

      Жабдықтың сметалық құнына енгізілетін кеден баждары мен салықтары Қазақстан Республикасының кеден және салық заңнамасына сәйкес есептеледі.

      Жабдықтың шефмонтажы бойынша қызметтердің құнын өндіруші жеткізушілер фирмада қабылданған нормативтер бойынша өз шығындарын калькуляциялаумен жеке тәртіппен айқындайды және жеке жолмен жабдықтың прайстық құнына енгізіледі.

      Прайс-парақтарда олардың болуы бойынша жоғарыда аталған құрамдастар бойынша жабдықтың жалпы құнын ашып көрсету жабдықты әлеуетті жеткізушілер үшін міндетті талап болып табылады.

      70. Инженерлік жабдықтың құны осы бұйрықпен бекітілген ағымдағы бағалар мониторингі және құрылыс ресурстарының сметалық бағаларының есебі бойынша Мемлекеттік нормативке сәйкес әзірленетін кезекті кезеңге (тоқсанға, жарты жылға) жасалатын инженерлік жабдыққа арналған сметалық бағалардың жинақтары бойынша қабылданады.

      Жинақтарда бағалар болмаған кезде инженерлік жабдықтың құны өндіруші зауыттардың деректері бойынша, кемінде екі өндірушінің, не оларды ресми түрде білдіретін дистрибьюторлардың прайс-парақтары бойынша жобаға енгізілген жабдықтың тапсырыс беруші бекіткен бағасын және бәсекеге қабілеттілігін салыстыру (техникалық және сапалық және пайдалану сипаттамаларын салыстыру) нұсқаларының негізінде анықталады. Импорттық өндірістің инженерлік жабдығының позициялары бойынша әлеуетті жеткізушілер үшін сұрау салудың (сұрау салу парақтарының, конкурсқа қатысуға арналған хаттар мен шақырулардың) міндетті шарты жабдықтың жалпы прайстық құнына көлік шығындарын енгізе отырып, объект маңындағы қоймаға дейін жабдықты жеткізу болып табылады. Прайс-парақтарда инкотермс терминдеріндегі жеткізу шарты, сондай-ақ, мынадай құрамдастар бойынша жабдықтың жалпы құнын ашып көрсету көрсетілуі тиіс: босатылым бағасы, көлік шығыстары, кеден баждары және салықтар. Жеткізушіні таңдау, прайс-парақтар бойынша инженерлік жабдықтың типі, маркасы және құны бойынша тапсырыс берушінің бекітілген шешімдерін бастапқы деректер ретінде жобалау ұйымы ұсынады.

      71. Құрылыс объектілері үшін технологиялық жабдықтың, жиһаздың және мүкәммалдың құны мониторинг нәтижелері бойынша, дайындаушы зауыттардың ұсыныстарының сұрау салулары немесе өндірушілердің немесе олардың ресми дистрибьютерлерінің жабдықты, жиһазды және мүкәммалды жеткізуге арналған конкурс нәтижелері негізінде орталық мемлекеттік органдардың және олардың ведомстволарының қызмет саласына сәйкес жүзеге асырылатын техникалық саясат шеңберінде айқындалады. Сұрау салу немесе конкурс шарттары бойынша технологиялық жабдықтың және мүкәммалдың прайстық құны олардың объект маңы қоймасына дейін жеткізуді, ал жиһаз бойынша жобалау орнына жеткізуді қамтуы тиіс. Прайс-парақтарда инкотермс терминдеріндегі жеткізу шарты және мынадай құрамдастар бойынша жабдықтың жалпы құнын ашып көрсету көрсетілуі тиіс: босатылым бағасы, көлік шығыстары және салықтар, ал жиһаз бойынша оларды құрастыру және орнына қою жөніндегі қызметтердің құны көрсетілуі тиіс.

      Технологиялық жабдықты, жиһазды және миүкәммалды, сондай-ақ, олардың әлеуетті жеткізушілерін-өндірушілерін таңдауды жобалауды бастағанға дейін немесе жобаның сметалық бөлімін әзірлеудің басталуына дейін жобалау процесінде алдын ала тапсырыс беруші жүзеге асырады. Технологиялық жабдықтың, жиһаздың және мүкәммалдың құнын шығыс деректері ретінде жобалау ұйымың тапсырыс берушісі ұсынады.

      Құрылыс объектілері үшін тапсырыстарды орналастыру, технологиялық жабдықты, жиһазды және мүкәммалды сатып алу және жеткізу тапсырыс берушінің айрықша құзыретіне жатады.

      72. Көлік шығыстары жабдықты объект жанындағы қоймаға жеткізу жөніндегі барлық шығындарды қамтиды. Прайстық құны объект маңы қоймасына дейін жеткізуді қамтитын позицияларды қоспағанда жабдық бойынша көлік шығыстары жеткізудің көлік кестесіне сәйке құрылыс үшін жүктерді тасымалдауға арналған сметалық бағалар жинағын кезекті кезеңге арналған бекітілген бойынша жабдықтың 1 тонна брутто салмағына жұмсалған көлік шығындарын калькуляциялау арқылы анықталады.

      73. Дайындау-қойма шығыстары жеткізу тапсырыстарын орналастырумен; жабдықты қабылдаумен, есепке алумен, қоймада сақтаумен; жабдықты ревизиялаумен, дайындаумен және монтаждауға берумен байланысты шығындарды қамтиды.

      Дайындау-қойма шығыстары тапсырыс берушінің жеткізу жабдығы бойынша франко-объект маңы қоймасының жабдығы құнынан 1,2% мөлшерінде айқындалады.

      Мердігер жеткізген инженерлік жабдық бойынша дайындау-қойма шығыстары екінші деңгейдегі үстеме шығындарына арналған қаражат есебінен өтеледі.

      74. Негізгі қорларда есепте тұратын және бұзу және қайта жөнделетін немесе техникалық қайта жарақтандырылатын жұмыс істеп тұрған кәсіпорынның шегінде салынып жатқан (қайта жаңартылатын) ғимаратқа көшіру жоспарланып отырған жабдықты пайдалану кезінде, жергілікті сметаларда тек қана бөлшектеу және қайта монтаждау қаражаты көзделеді, ал жабдықтың өзінің теңгерімдік құны көрсетілмейді.

      75. Технологиялық және инженерлік жабдықтың барлық түрлері шартта ескертілген мерзімде жабдықтың пайдалану режиміндегі жұмыс қабілетіне кепілдікті қоса алғанда, жеткізушінің тиісті кепілдіктері бар толық жинақталған түрде жеткізілуге тиіс.

      76. Жабдықты жеткізушілерді таңдау кезінде және жабдықтың ағымдағы сметалық бағалары жинақтарына инженерлік жабдықты қосқан кезде толығымен жинақталған жабдықты жеткізуді, технологиялық жабдықты шефмонтаждауды, жөндеуді және іске қосуды ұсынатын (кешенді қызметтерге кепілдік беретін) өндіруші-жеткізушілерге басымдық беріледі.

      77. Технологиялық және инженерлік жабдықтың барлық түрлерін монтаж жұмыстары жабдықты бос режимде және жүктемемен жеке сынақ жүргізу, монтаждалған жабдықты "кілтін ұстатып" тапсыру арқылы орындалуға тиіс, бұл жабдықты монтаждауға арналған сметалық нормаларда ескеріледі.

      78. Құрылыстағы үстеме шығындар осы бұйрықпен бекітілген құрылыстағы үстеме шығындардың шамасын айқындау бойынша Мемлекеттік нормативке сәйкес айқындалады.

      79. Сметалық пайда тікелей шығындар және үстеме шығындар сомасының 8% мөлшерінде анықталады.

      80. Объектілік сметалар осы Мемлекеттік нормативке 5-қосымшада келтірілген нысан бойынша жасалады. Объектілік сметалар "құрылыс-монтаж жұмыстары", "мердігер жеткізген инженерлік жабдық", "өзге де шығындар" сметалық құнының тиісті бағандары бойынша жұмыстар мен шығындарды топтастыра отырып, жергілікті ресурстық сметалардың деректерін жиынтықтау арқылы тұтастай алғанда объектілерге жасалады. Объектілік смета қорытындысы бойынша анықтама ретінде Жиынтық сметалық есептің № 2 жолына егізілетін тапсырыс беруші жеткізген жабдықтың, жиһаздың және мүкәммалдың құны көрсетіледі.

      Объектілік сметаларда жергілікті ресурстық сметалардың деректері бойынша нормативтік еңбекті қажетсіну және сметалық жалақы көрсетіледі.

      Егер объектінің құны бір жергілікті ресурстық смета бойынша анықталуы мүмкін болса, онда объектілік смета жасалмайды.

      Объектілік сметаға құрылысты ұйымдастыру жобасын негіздеу кезінде, сондай-ақ мұнаралы крандардың астына рельс жолдарын орнатуға жұмсалатын шығындар қосылады. Оларды құрастыруға жұмсалатын шығындар № 46 "Ғимараттар мен құрылыстарды қайта жөндеу жөніндегі құрылыс жұмыстары" бөлімі, "Мұнаралы крандарға арналған кранасты жолдары" деген 08 кіші бөлімінің тиісті нормалары бойынша жергілікті ресурстық сметалық есеппен анықталады.

      81. Жергілікті және объектілік ресурстық сметалық есептер жергілікті және объектілік ресурстық сметалардың орнына оларға ұқсас тәртіппен ірілендірілген сметалық нормалары негізінде әзірленеді және нақтылауға жатады.

      Кейіннен құрылыс барысында нақтыланған жұмыс көлемдерінің негізінде жергілікті және объектілік ресурстық сметалар жасалады.

      82. Шығындардың жеке түрлеріне арналған сметалық есептер, егер шығындардың осы түрлері сметалық нормативтерде ескерілмесе, уәкілетті орган белгілеген тәртіппен ағымдағы бағалардағы осы шығындардың құнын калькуляциялау жолымен жасалады. Толық сметалық құннан проценттерде көрсетілетін шығындардың жеке түрлеріне нормалар болған кезде сметалық есептер жасалмайды.

      83. Құрылыс құнының сметалық есебі ағымдағы бағада жасалады.

      Кәсіпорынды, ғимаратты, құрылысты немесе оның кезегін салу жобасына құрылыс құнының сметалық есебі осы Мемлекеттік нормативке 6-қосымшада келтірілген нысан бойынша жасалады.

      Оған тапсырыс беруші жеткізген жабдықты, жиһазды және мүкәммалды сатып алудың сметалық есептерін қоспағанда, барлық объектілік сметалар мен есептер, сондай-ақ, шығындардың жеке түрлеріне сметалық есептер бойынша қорытындылар жеке жолдармен енгізіледі.

      Кәсіпорындарды, ғимараттар мен құрылыстарды салу құнының сметалық есебі позицияларының көрсетілген сметалық құжаттардың нөміріне сілтемесі болуға тиіс. Жобада көзделген әрбір объектінің сметалық құны сметалық құнды білдіретін: "құрылыс-монтаж жұмыстары"; "мердігер жеткізген инженерлік жабдық"; "өзге де шығындар", "жалпы сметалық құн" бағандары бойынша бөлінеді.

      84. Құрылыс құнының сметалық есептерінде қаражат мынадай тараулар бойынша бөлінеді:

      1-тарау. Мердігер орындайтын жұмыстардың бөлігінде құрылыс аумағындағы дайындық жұмыстарына жұмсалатын шығындар.

      2-тарау. Құрылыстың негізгі объектілері.

      3-тарау. Қосалқы және қызмет көрсету мақсатындағы объектілер.

      4-тарау. Энергетика шаруашылығы объектілері.

      5-тарау. Көлік шаруашылығы және байланыс объектілері.

      6-тарау. Сыртқы желілер және сумен жабдықтау, кәріз, жылумен жабдықтау және газбен жабдықтау құрылыстары.

      7-тарау. Аумақты абаттандыру және көгалдандыру.

      8-тарау. Уақытша ғимараттар мен құрылыстар.

      9-тарау. Мердігерге қатысты бөлікте құрылысқа жұмсалатын қосымша шығындар.

      Тиісті тарауда көзделетін объектілер, жұмыстар және шығындар болмаған жағдайда, бұл тарау алдыңғы тараулардың нөмірлері өзгертілмей өткізіледі.

      Тараулардың құрылымы, сондай-ақ, желілік құрылыс объектілері үшін және құрылыстың басқа да арнайы түрлері үшін құрылыс құнының сметалық есебінің тараулары бойынша қаражатты бөлу олардың ерекшеліктеріне сәйкес қалыптастырылады.

      "Құрылыс аумағындағы дайындық жұмыстарына жұмсалатын шығындар" деген 1-тарауға мердігер орындайтын құрылыс салынатын аумақты бөлумен және игерумен байланысты жұмыстар мен шығындарға жұмсалатын қаражат қосылады. Мердігер орындайтын және құрылыс құнының сметалық есебінің 1-тарауына қосылатын өзге де жұмыстар мен шығындар тізбесі осы Мемлекеттік нормативке 1-қосымшада келтіріледі.

      "Құрылыстың негізгі объектілері" деген 2-тарауға негізгі мақсаттағы ғимараттар, құрылыстар және жұмыс түрлері бойынша мердігерлік құрылыс-монтаж жұмыстарының, шығындар мен қызметтердің сметалық құны енгізіледі.

      Бұл қаражат 4-7-бағандарға енгізіледі.

      "Қосалқы және қызмет көрсету мақсатындағы объектілер" деген 3-тарауға объектілер бойынша мердігерлік құрылыс-монтаж жұмыстарының, шығындар мен қызметтердің сметалық құны енгізіледі:

      Өнеркәсіптік құрылыс үшін:

      1) жөндеу-техникалық шеберханалардың ғимараттары;

      2) әкімшілік-тұрмыстық өндірістік ғимараттар;

      3) газогенераторлық;

      4) оттегілік;

      5) компрессорлық;

      6) әр түрлі қойма үй-жайлары;

      7) эстакадалар, галереялар;

      8) зертхана ғимараттары;

      9) осыларға ұқсас басқа да ғимараттар мен құрылыстар.

      Тұрғын үй-азаматтық құрылыс үшін:

      1) шаруашылық корпустары;

      2) аурухана және ғылыми қалашықтардағы өтпелер, жылыжайлар;

      3) қоқыс жинағыштар және тағы басқа.;

      4) жұмысшыларға қызмет көрсетуге арналған және кәсіпорындардың құрылысы үшін бөлінген аумақтың шегінде орналасқан мәдени-тұрмыстық мақсаттағы ғимараттар мен құрылыстар (жеке тұрған емханалар, асханалар, дүкендер, халыққа тұрмыстық қызмет көрсету объектілері және басқа да объектілер);

      5) табиғат қорғау жұмыстары, мәдени ескерткіштерді қорғау бойынша жұмыстар және соларға ұқсас жұмыстар.

      Әдетте, кешенді жобаға құрылыс құны сметалық есебінің 3-7-тарауларында көрсетілетін жылу қазандығы, электрмен жабдықтау желісі, жылу желілері, абаттандыру, жолдар және т.б. сияқты объектілер құрылысының сметалық есептік құны бар жеке жоба әзірленетін жағдайда, осы объектілердің сметалық құны (осы объектілер бойынша мердігерлік құрылыс-монтаж жұмыстарының, шығындар мен қызметтердің сметалық құны) негізгі объектілер ретінде 2-тарауға енгізілуге тиіс.

      4-7-тарауларға тізбесі тараулардың атауларына сәйкес келетін объектілер енгізіледі.

      "Уақытша ғимараттар мен құрылыстар" деген 8-тарауға сметалық нормалардың тиісті жинағы бойынша айқындалатын уақытша ғимараттар мен құрылыстарды тұрғызуға және бұзуға жұмсалатын шығындар енгізіледі.

      Жөндеу-құрылыс жұмыстарын, қайта жаңартуды, кеңейту және жаңғырту жүргізу кезінде уақытша ғимараттар мен құрылыстарға жұмсалатын шығындар 0,8 коэффициентімен анықталады.

      "Құрылысқа арналған қосымша шығындар" деген 9-тарауға осы Мемлекеттік нормативке 1-қосымшаны пайдаланылып, ағымдағы бағаларда мердігерге жататын өзге де жұмыстар мен шығындардың негізгі түрлеріне жұмсалатын қаражат енгізіледі.

      Құрылыс құнының сметалық есебінде (4-7-бағандарда) мынадай қорытындылар келтіріледі:

      1) әрбір тарау бойынша (тарауда бөлімдер болған кезде – әрбір бөлім бойынша);

      2) 1 - 7, 1 - 8, 1 – 9 тараулардың жиынтығы бойынша;

      3) "20___жылғы ___тоқсандағы" жай-күйі бойынша ағымдағы бағадағы сметалық есеп бойынша жиыны.

      85. Жиынтық сметалық есепке мыналар кіреді:

      1) Мердігерлік құрылыс-монтаж жұмыстарының, шығындар мен қызметтердің ағымдағы бағадағы сметалық құны;

      2) Тапсырыс беруші жеткізген жабдық, жиһаз және мүкәммал;

      3) Тапсырыс берушінің жобаны басқаруға және техникалық қадағалауға арналған шығындары;

      4) құрылыс үшін инженерлік іздестіру;

      5) Жобалау жұмыстары;

      6) Жобалық-сметалық құжаттама сараптамасының құны;

      7) Авторлық қадағалауды жүзеге асыруға арналған шығындар:

      8) Тапсырыс берушінің жоспарланбаған жұмыстар мен шығындарға қаражат резерві.

      86. Мердігерлік құрылыс-монтаж жұмыстарының, шығындар мен қызметтердің ағымдағы бағадағы сметалық құны - құрылыс құнының сметалық есебі 1-9-тарауларының қосылған құн салығынсыз қорытынды сомасынан көшіріледі.

      87. Тапсырыс беруші жеткізген жабдық, жиһаз және мүкәммалдың жалпы құны жергілікті ресурстық сметалардың тиісті қорытынды жолдарының мәндерін жиынтықтаумен анықталады, онда анықтама ретінде әрбір объект бойынша тапсырыс беруші жеткізген жабдықтың, жиһаздың және мүкәммалдың жиынтық құндары келтірілген.

      88. Тапсырыс берушінің жобаны басқаруға және техникалық қадағалауға арналған шығындары, жобалық-сметалық құжаттаманы сараптауға, авторлық қадағалауды жүзеге асыруға жұмсалатын шығындар Қазақстан Республикасы Ұлттық экономика министрлігінің Құрылыс, тұрғын-үй коммуналдық шаруашылық істері комитеті Төрағасының 2015 жылғы 26 маусымдағы № 231НҚ бұйрығымен бекітілген нормативтер бойынша анықталады.

      89. Құрылыс үшін инженерлік іздестірулердің құны Қазақстан Республикасы Ұлттық экономика министрлігінің Құрылыс, тұрғын үй коммуналдық шаруашылық істері комитеті Төрағасының бұйрығымен бекітілген Қазақстан Республикасындағы құрылыс үшін инженерлік іздестіру жұмыстарының құнын айқындау жөніндегі мемлекеттік нормативке сәйкес құрылыс үшін инженерлік іздестіруге арналған ресурстар шығыстары нормаларының жинағы негізінде анықталады.

      90. Жобалау жұмыстарының Қазақстан Республикасы Ұлттық экономика министрлігінің Құрылыс, тұрғын үй коммуналдық шаруашылық істері комитеті Төрағасының бұйрығымен бекітілген Қазақстан Республикасындағы құрылыс үшін жобалау жұмыстарының құнын айқындау жөніндегі мемлекеттік нормативке сәйкес құрылыс үшін жобалау жұмыстарына еңбек шығындарының ірілендірілген нормалары жинағының тиісті бөлімдері бойынша анықталады.

      91. Тапсырыс берушінің болжанбаған жұмыстар мен шығындарға қаражат резерві Жиынтық сметалық есептің 1-7-позициялары бойынша жалпы қаражат сомасының 2% мөлшерінде анықталады.

      92. Қосылған құн салығы жиынтық сметалық есепке ағымдағы бағаларда енгізілетін барлық шығындардан Қазақстан Республикасының заңнамасында белгіленетін мөлшерде (6, 7-бағандарда) қабылданады.

      93. Құрылыс объектісінің құны қосылған құн салығын қоса есептегенде, ағымдағы бағаларда жалпы сметалық құн болып есептеледі.

Мердігер орындайтын өзге де жұмыстар мен шығындардың тізбесі

      нысан

      Құрылыстың атауы ____________________________________________________

      Объектінің атауы ____________________________________________________

      № _____жергілікті ресурстық смета

      (Жергілікті ресурстық сметалық есеп)

      (ресурстық ведомоспен үйлестірілген)

      _________________________________________________

      (жұмыстар мен шығындардың атауы)

      Негіздеме:

      Сметалық құн ____________мың теңге

      Сметалық жалақы, мың теңге _________

      Нормативтік еңбекті қажетсінуі, мың адам-сағ ________

      ______________20__ж. жай-күйі бойынша ағымдағы бағада жасалған

      Тікелей шығындар, жиыны:

      оның ішінде:

      - жұмысшы-құрылысшылардың жалақысы

      - машиналарды пайдалану шығындары

      - оның ішінде машинистердің жалақысы

      - материалдар, бұйымдар және конструкциялар

      - жүктерді тасымалдау

      - мердігер жеткізген инженерлік жабдық

      I деңгейдегі үстеме шығындар

      I деңгейдегі үстеме шығындармен жиыны

      IІ деңгейдегі үстеме шығындар

      ЖИЫНЫ:

      Сметалық пайда

      Смета бойынша ЖИЫНЫ:

      Жасаған _____________________________________________________________

      лауазымы, қолы, (аты-жөні, тегі)

      Тексерген ___________________________________________________________

      лауазымы, қолы, (аты-жөні, тегі)

      нысан

      Құрылыстың атауы ____________________________________________________

      Объектінің атауы ____________________________________________________

      № _____жергілікті ресурстық смета

      (Жергілікті ресурстық сметалық есеп)

      (ресурстық ведомоспен үйлестірілген)

      _________________________________________________

      (жұмыстар мен шығындардың атауы)

      Негіздеме:

      Сметалық құн____________мың теңге

      Сметалық жалақы, мың теңге _________

      Нормативтік еңбек сыйымдылығы, мың адам-сағ ________

      ______________20__ж. жай-күйі бойынша ағымдағы бағада жасалған

      Тікелей шығындар:

      оның ішінде:

      - жұмысшы-құрылысшылардың жалақысы

      - машиналарды пайдалану шығындары

      - оның ішінде машинистердің жалақысы

      - материалдар, бұйымдар және конструкциялар

      - жүктерді тасымалдау

      - мердігер жеткізген инженерлік жабдық

      I деңгейдегі үстеме шығындар

      I деңгейдегі үстеме шығындармен жиыны

      IІ деңгейдегі үстеме шығындар

      ЖИЫНЫ:

      Сметалық пайда

      Смета бойынша ЖИЫНЫ:

      Жасаған _____________________________________________________________

      лауазымы, қолы, (аты-жөні, тегі)

      Тексерген ___________________________________________________________

      лауазымы, қолы, (аты-жөні, тегі)

      нысан

      Құрылыстың атауы -______________________________

      Объектінің атауы -______________________________

      Тапсырыс беруші жеткізген жабдықты, жиһазды және мүкәммалды сатып

      алуға арналған

      № _____________сметалық есеп

      Негіздеме:

      Сметалық құн ______________мың теңге

      ___________________ ағымдағы бағаларда жасалды

      Жасаған:_____________________________________________________________

      лауазымы, қолы, (аты-жөні, тегі)

      Тексерген: __________________________________________________________

      лауазымы, қолы, (аты-жөні, тегі)

      нысан

      Құрылыстың атауы ____________________________________________________

      №________объектілік смета

      (Объектілік сметалық есеп)

      __________________________________________________________ құрылысына

      (объектінің атауы)

      Мердігерлікке жұмыстар мен

      шығындардың сметалық құны ______________

      мың теңге

      Нормативтік еңбекті қажетсіну ______________

      мың адам-сағат

      Сметалық жалақы ______________

      мың теңге

      Бірлік құнын есептік өлшеуіш ______________

      Бірлік құнының көрсеткіші ______________

      мың теңге/есеп. өлшеуіш

      ______________20__ж. жай-күйі бойынша ағымдағы бағада жасалған

      *Анықтама ретінде, жиынтық сметалық есепке қосуға арналған тапсырыс беруші жеткізген жабдық, жиһаз және мүкәммал құны келтірілген жол

      Жобаның бас инженері ________________________________________________

      қолы (аты-жөні, тегі)

      ____________________ бөлімінің бастығы ______________________________

      (атауы ) қолы (аты-жөні, тегі)

      Жасаған _____________________________________________________________

      лауазымы, қолы (аты-жөні, тегі)

      Тексерген ___________________________________________________________

      лауазымы, қолы (аты-жөні, тегі)

      нысан

      Тапсырыс беруші _____________________________________________________

      (ұйымның атауы)

      "Келісілді/Бекітілді"

      Жиынтық сметалық есеп_______________________мың теңге сомасында

      оның ішінде:

      Тапсырыс беруші резервіндегі қайтарым сомасы ______________ мың теңге

      қосылған құн салығы ______________ мың теңге

      _____________________________________________________________________

      (келісу туралы/бекіту туралы құжатқа сілтеме)

      20___ ж. "___" _____________

      Құрылыс құнының сметалық есебі

      _____________________________________________________________________

      (құрылыстың атауы)

      20__ж.______________жай-күйі бойынша ағымдағы бағада жасалған

      1-7 тараулары бойынша жиыны

      сметалық жалақы +

      нормативтік еңбекті қажетсіну, мың адам-сағат ......+

      1-9 тараулары бойынша жиыны

      сметалық жалақы +

      нормативтік еңбекті қажетсіну, мың адам-сағат ......+

      Сметалық есеп бойынша жиыны

      20__ ж. __ тоқс. ағымдағы бағаларда + + + +

      қосылған құн салығы (___%) + +

      Барлығы қосылған құн салығымен

      мердігерлік құрылыс-монтаж

      жұмыстарының, шығындар мен

      қызметтердің құны + + + +

      Жобалау ұйымының басшысы ____________________________________________

      қолы (аты-жөні, тегі)

      Жобаның бас инженері ________________________________________________

      қолы (аты-жөні, тегі)

      ____________________ бөлімінің бастығы ______________________________

      (атауы ) [қолы (аты-жөні, тегі)]

      нысан

      Тапсырыс беруші _____________________________________________________

      (ұйымның атауы)

      "Келісілді/Бекітілді"

      Жиынтық сметалық есеп_______________________мың теңге сомасында

      оның ішінде:

      Тапсырыс беруші резервіндегі қайтарым сомасы ______________ мың теңге

      қосылған құн салығы ______________________ мың теңге

      _____________________________________________________________________

      (келісу туралы/бекіту туралы құжатқа сілтеме)

      20___ ж. "___" _____________

      Жиынтық сметалық есеп

      _____________________________________________________________________

      (құрылыстың атауы)

      20__ж.______________жай-күйі бойынша ағымдағы бағада жасалған

      * Ескертпе – Өткен кезеңдер шығыстары олардың іс жүзіндегі құны

      бойынша енгізілген.

      Жобалау ұйымының басшысы ____________________________________________

      қолы (аты-жөні, тегі)

      Жобаның бас инженері ________________________________________________

      қолы (аты-жөні, тегі)

      ____________________ бөлімінің бастығы ______________________________

      (атауы ) қолы (аты-жөні, тегі)

      нысан

      Тапсырыс беруші _____________________________________________________

      (ұйымның атауы)

      "Келісілді/Бекітілді"

      _________________________ миллион теңге сомасындағы шығындар мәліметі

      оның ішінде:

      қосылған құн салығы _____________________________ миллион теңге

      _____________________________________________________________________

      (келісу туралы/бекіту туралы құжатқа сілтеме)

      20__ж. "___" ______________

Шығындар мәліметі

      _____________________________________________________________________

      (құрылыстың атауы)

      20__ж. ______________жай-күйі бойынша ағымдағы бағада жасалған

      миллион теңге

      1. Ағымдағы бағалардағы сметалық құн:

      1.1. құрылыс-монтаж жұмыстары

      1.2. жабдықтың, жиһаздың және мүкәммал

      1.3. өзге де шығындар

      Құрылыстың құны

      оның ішінде қосылған құн салығы

      Жобалау ұйымының басшысы ____________________________________________

      қолы (аты-жөні, тегі)

      Жобаның бас инженері ________________________________________________

      қолы (аты-жөні, тегі)

      ____________________ бөлімінің бастығы_______________________________

      (атауы ) қолы (аты-жөні, тегі)

      нысан

      _____________________________________________________________________

      (құрылыстың атауы)

Іске қосу кешеніне кіретін объектілердің құрылысы
сметалық құнының ведомосы

      мың теңге

      Барлығы:

      Оның ішінде іске қосу кешенінің объектілері бойынша (объектілердің

      атауы)

      Жиыны:

      Құрылыс құны сметалық есебінің 1, 8-9-тарауларында көзделген қаражат:

      Жобаның бас инженері ________________________________________________

      қолы (аты-жөні, тегі)

      нысан

      _____________________________________________________________________

      (құрылыстың атауы)

Қоршаған ортаны қорғау жөніндегі объектілер мен жұмыстар
сметалық құнының ведомосы

      Жеке объектілер бойынша жиыны

      (объектілердің атауы)

      - құрылыс-монтаж жұмыстары

      - жабдық

      Құрылыс құны сметалық есебінің 1, 8-9-тарауларында көзделген қаражат:

      _____________________________________________________________________

      Іске қосу кешені бойынша немесе жалпы құрылыс бойынша барлығы:

      - құрылыс-монтаж жұмыстары

      - жабдық

      Жобаның бас инженері ________________________________________________

      қолы (аты-жөні, тегі)

      нысан

      Құрылыстың атауы ____________________________________________________

      Объектінің атауы_____________________________________________________

      Ғимарат, құрылыс, объект, құрылыс бойынша

      № _____жиынтық ресурстық ведомость

      _______________________________________________

      (ғимараттың, құрылыстың, объектінің, құрылыстың атауы)

      Негіздеме:

      Жергілікті ресурстық ведомостар (сметалар) ______________________

      Жергілікті ресурстық ведомостардың (сметалардың) қорытындыларынан

      тасымалданады:

      Еңбек шығындары

      Жұмысшы-құрылысшылардың еңбек шығындары

      Жұмыстардың орташа өлшенген разряды

      ЕТҚ жиыны:

      Түрлері бойынша машиналар мен тетіктер (дәрежеге бөлінген тәртіппен)

      Құрылыс машиналары мен тетіктері бойынша жиыны:

      оның ішінде машинистердің жалақысы

      Материалдар (дәрежеге бөлінген тәртіппен)

      Материалдар бойынша жиыны:

      Жүктерді тасымалдау (класстары, көлік түрлері және арақашықтықтары бойынша)

      Тасымалдар бойынша жиыны:

      Мердігер жеткізген инженерлік жабдық (дәрежеге бөлінген тәртіппен)

      Мердігер жеткізген инженерлік жабдық бойынша жиыны:

      Жиыны:

      Жасаған _____________________________________________________________

      лауазымы, қолы, (аты-жөні, тегі)

      Тексерген ___________________________________________________________

      лауазымы, қолы, (аты-жөні, тегі)

Құрылыстағы үстеме шығындардың шамасын айқындау
жөніндегі мемлекеттік норматив
1. Жалпы ережелер

      1. Осы Құрылыстағы үстеме шығындардың шамасын айқындау жөніндегі мемлекеттік норматив (бұдан әрі – Мемлекеттік норматив) Қазақстан Республикасының сәулет, қала құрылысы және құрылыс қызметі саласындағы заңнама талаптарына сәйкес әзірленген және Қазақстан Республикасындағы құрылыстың сметалық құнын есептеу кезінде үстеме шығындардың шамасын айқындауға арналған.

      2. Мемлекеттік нормативтің мақсаты мемлекеттік инвестициялар есебінен және квазимемлекеттік сектор субъектілерінің қаражаты есебінен тұрғызылатын объектілер үшін ағымдағы бағалардағы үстеме шығындардың шамасын айқындау жөніндегі бірыңғай әдістемелік негіз жасау болып табылады.

      3. Мемлекеттік норматив сәулет, қала құрылысы және құрылыс қызметіндегі заңнамаға сәйкес әзірленген және:

      1) жалпы ережелерді;

      2) үстеме шығындар нормаларын жіктеуді;

      3) Үстеме шығындардың шамасы есебінің әдістемесін қамтиды.

      4. Мемлекеттік норматив сметалық құжаттаманы әзірлеу кезінде жобалау ұйымдарының және мердігерлік жұмыстарды сатып алу бойынша конкурстарға қатысқанда баға ұсыныстарын жасау кезінде мердігерлік ұйымдардың үстеме шығындарының шамасын айқындауына арналған.

      5. Осы Мемлекеттік нормативте мынадай негізгі ұғымдар пайдаланылады:

      1) құрылыс алаңы – ұйымдық оқшауланған учаскені білдіретен жоба бойынша белгілі бір объектінің немесе объектілер кешенінің құрылысы үшін бөлінген аумақ;

      2) құрылыс-монтаждау жұмыстарын орындаушы – салынып жатқан объектіде өз күшімен құрылыс және монтаждау жұмыстарын орындайтын құрылыс ұйымы және/немесе оның құрылымдық бөлімшесі;

      3) құрылыс өнімі – сәулет, қала құрылысы және (немесе) құрылыс қызметінің аралық және (немесе) соңғы нәтижесі;

      4) қосалқы мердігер – негізгі мердігермен жасалған қосалқы мердігерлік шарты негізінде құрылыс және/немесе монтаждау жұмыстарының белгілі бір түрін орындайтын және осы объект бойынша шартпен көзделген барлық жұмыстардың уақтылы және сапалы орындалуы үшін жауапкершілікте болатын құрылыс ұйымы;

      5) тікелей шығындар – оларды тасымалдаумен материалдардың, бұйымдар мен конструкциялардың, мердігер жеткізетін инженерлік жабдықтың құны, құрылысшы жұмысшылардың негізгі жалақысы және құрылыс машиналары мен тетіктерін пайдалану құны;

      6) үстеме шығындар – өндірістің жалпы жағдайларын жасаумен, оған қызмет көрсетумен, ұйымдастырумен және басқарумен байланысты, сондай-ақ, құрылыстың сметалық құнының басқа да құрамдастарымен ескерілмеген, Қазақстан Республикасының заңнамасымен белгіленген салық және бюджетке төленетін басқа да міндетті төлемдер үшін құрылыс-монтаж ұйымдарының шығындарын өтеуге арналған қаражат сомасы;

      7) үстеме шығындардың нормалары – бұл үстеме шығындардың шамасын есептеу үшін қолданылатын проценттер түріндегі салыстырмалы нысанда көрсетілген сметалық нормалар. Үстеме шығындардың сметалық нормалары шекті болып табылады және құрылыс өнімі құнының құрамына кіретін орташа салалық қоғамдық қажетті шығындарды көрсетеді.

2. Үстеме шығындардың нормаларын жіктеу

      6. Инвестициялық үрдістің әртүрлі кезеңдерінде құрылыстың құнын айқындау кезінде үстеме шығындардың нормалары олардың арналуына байланысты мынадай түрлерге бөлінеді:

      1) құрылыстың негізгі түрлері бойынша үстеме шығындардың ірілендірілген нормалары;

      2) құрылыс, монтаждау және жөндеу-құрылыс жұмыстарының түрлері бойынша үстеме шығындардың нормалары (бірінші деңгейдегі үстеме шығындардың нормалары);

      3) құрылыстың негізгі түрлері бойынша үстеме шығындардың нормалары (екінші деңгейдегі үстеме шығындардың нормалары).

      7. Құрылыстың негізгі түрлері бойынша үстеме шығындардың ірілендірілген нормалары ірілендірілген ресурстық сметалық нормаларды қолдана отырып, сметалық есептерде үстеме шығындардың шамасын айқындауға арналған. Құрылыстың негізгі түрлері бойынша үстеме шығындардың ірілендірілген нормалары осы Мемлекеттік нормативке 1-қосымшада келтірілген.

      8. Бірінші деңгейдегі үстеме шығындардың нормалары құрылыс-монтаждау және жөндеу-құрылыс жұмыстарын орындаушылардың үстеме шығындарының шамасын айқындауға арналған. Бірінші деңгейдегі үстеме шығындардың нормаларын жұмыс жобасының құрамында жобалау-сметалық құжаттаманы әзірлеу кезеңінде қолдану керек. Сондай-ақ, оларды қосалқы мердігерлер орындалған мердігерлік жұмыстар үшін есептерде қолдана алады. Құрылыс және монтаждау жұмыстарының түрлері бойынша бірінші деңгейдегі үстеме шығындардың нормалары осы Мемлекеттік нормативке 2-қосымшада келтірілген.

      9. Екінші деңгейдегі құрылыстың негізгі түрлері бойынша үстеме шығындардың нормалары құрылыс өндірісін жалпы басқаруға, бақылауға және қамтамасыз етуге мердігерлік ұйымның үстеме шығындарының шамасын айқындауға арналған. Екінші деңгейдегі үстеме шығындардың нормаларын жұмыс жобасының құрамында жобалау-сметалық құжаттаманы әзірлеу кезеңінде қолдану керек. Сондай-ақ, олар орындалған мердігерлік жұмыстар үшін есептерде қолдануы мүмкін. Екінші деңгейдегі құрылыстың негізгі түрлері бойынша үстеме шығындардың нормалары осы Мемлекеттік нормативке 3-қосымшада келтірілген.

3. Үстеме шығындардың шамасы есебінің әдістемесі

      10. Үстеме шығындардың шамасы қолданылатын нормалардың түріне байланысты бағалардың ағымдағы деңгейінде құрылыс құнының сметалық есебінде және/немесе жергілікті ресурстық сметаларда (жергілікті ресурстық сметалық есептерде) анықталады. Үстеме шығындардың нормативтерін қолдану әдістемесі қолданылатын нормалардың түріне байланысты.

      11. Құрылыстың негізгі түрлері бойынша үстеме шығындардың ірілендірілген нормалары құрылыс құнын алдын ала бағалау үшін инвестициялық жобаларды іске асырудың жобалау алдындағы кезеңінде қолданылады. Оларды пайдалану кезінде үстеме шығындарды есептеу тікелей шығындардың қорытындысы үшін жергілікті ресурстық сметалардың (жергілікті ресурстық сметалық есептің) соңында жүргізіледі. Бұл ретте, үстеме шығындардың шамасы мына формула бойынша анықталады:

      ҮШ_ісм = ЕАТ * ҮШІН, (1)

      мұнда:

      ҮШ_ісм – объектілер құрылысының құнын алдын ала бағалау үшін үстеме шығындардың шамасы, теңге немесе мың теңге;

      ЕАТ - жергілікті ресурстық сметалардың (жергілікті ресурстық сметалық есеп) тікелей шығындарының құрамында ескерілетін жұмысшы-құрылысшылар мен машинистердің еңбекақысын төлеуге арналған қаражат шамасы, теңге немесе мың теңге;

      ҮШІН – осы Мемлекеттік нормативке 1-қосымшада келтірілген құрылыстың негізгі түрлері бойынша үстеме шығындардың ірілендірілген нормасы.

      12. Бірінші деңгейдегі үстеме шығындар жұмыстардың түрлері бойынша ресурстар шығыстарының бірлік элементтік сметалық нормалары негізінде сметаларды (есептерді) жасау кезінде жергілікті ресурстық сметаларға (жергілікті ресурстық сметалық есептерге) енгізіледі. Бірінші деңгейдегі үстеме шығындардың шамасы мына формула бойынша анықталады:

      ҮШ_1деңг = Үшін_1деңг * ЕАТ, (2)

      мұнда

      ҮШ_1деңг - 1-деңгейдегі үстеме шығындардың шамасы, теңге немесе мың теңге;

      Үшін_1деңг – осы Мемлекеттік нормативке 2-қосымшада келтірілген бірінші деңгейдегі үстеме шығындардың нормасы;

      ЕАТ – жергілікті ресурстық сметалардың (жергілікті ресурстық сметалық есеп) тікелей шығындарының құрамында ескерілетін жұмысшы-құрылысшылар мен машинистердің еңбекақысын төлеуге арналған қаражат шамасы, теңге немесе мың теңге.

      13. Екінші деңгейдегі үстеме шығындар бірінші деңгейдегі үстеме шығындардан кейін жұмыстардың түрлері бойынша ресурстар шығысының элементтік сметалық нормалары негізінде сметаларды (есептерді) жасау кезінде жергілікті ресурстық сметаларға (жергілікті ресурстық сметалық есептерге) енгізіледі. Екінші деңгейдегі үстеме шығындардың шамасы мына формула бойынша анықталады:

      ҮШ_2деңг = ҮШІН_2деңг * (ТШ + ҮШ_1деңг), (3)

      мұнда ҮШ_2деңг - 2-деңгейдегі үстеме шығындардың шамасы, теңге немесе мың теңге;

      ҮШІН_2деңг – осы мемлекеттік нормативке 3-қосымшада келтірілген екінші деңгейдегі үстеме шығындардың нормасы;

      ТШ – құрылыс-монтаждау жұмыстарына арналған тікелей шығыстар, теңге немесе мың теңге;

      ҮШ_1деңг - бірінші деңгейдегі үстеме шығындардың шамасы, теңге немесе мың теңге.

      14. Құрылыс-монтаждау жұмыстарын орындаушылар баға ұсыныстарын және құрылыс-монтаждау жұмыстарының орындалған жеке түрлері үшін есептерді жасаған кезде үстеме шығындардың шамасы мына формулалар анықталады:

      мұнда:

      ҮШ – үстеме шығындардың шамасы, теңге немесе мың теңге;

      ЕАТ – жергілікті ресурстық сметалардың (жергілікті ресурстық сметалық есеп) тікелей шығындарының құрамында ескерілетін жұмысшы-құрылысшылар мен машинистердің еңбекақысын төлеуге арналған қаражат шамасы, теңге немесе мың теңге;

      ҮШН_деңгi – осы Мемлекеттік нормативке 2-қосымшада келтірілген құрылыс, монтаждау және жөндеу-құрылыс жұмыстарының i-түрі бойынша бірінші деңгейдегі үстеме шығындардың нормасы;

      n – осы объект бойынша құрылыс, монтаждау және жөндеу-құрылыс жұмыстары түрлерінің жалпы саны.

      15. Құрылыстағы үстеме шығындар шығындарының тізбесі осы Мемлекеттік нормативке 4-қосымшада келтірілген.

Құрылыстың негізгі түрлері бойынша үстеме шығындардың
ірілендірілген нормалары

Құрылыс және монтаждау жұмыстарының түрлері бойынша бірінші
деңгейдегі үстеме шығындардың нормалары

Құрылыстың негізгі түрлері бойынша екінші деңгейдегі
үстеме шығындардың нормалары

Құрылыстағы үстеме шығындар шығындары баптарының тізбесі
1. Әкімшілік-шаруашылық шығыстар

      1. Әкімшілік-шаруашылық персоналдың жалақы шығыстары:

      1) басқару аппаратының қызметкерлері (басшылар, мамандар және қызметшілерге жататын басқа да қызметкерлер);

      2) желілік персонал: жұмыстарды аға жүргізушілер (учаскелердің бастықтары), жұмыстарды жүргізушілер, құрылыс учаскелерінің шеберлері, учаскелік механиктер;

      3) басқару аппаратына шаруашылық қызмет көрсетуді жүзеге асыратын қызметкерлер (аула сыпырушылар, аула тазалаушылар, гардеробшылар, курьерлер).

      2. Заңнамада белгіленген тәртіппен әкімшілік-шаруашылық персонал қызметкерлерінің жалақы шығыстарынан әлеуметтік қажеттіліктерге арналған аударымдар.

      3. Байланыс қызметтерінің, атап айтқанда халықаралық және қалааралық телефонмен сөйлесулердің, ұялы байланысты пайдалана отырып, сөйлесулердің шығындары, телефон станцияларын, басқару үшін пайдаланылатын және ұйымның теңгерімінде есептелетін диспетчерлік, радио және басқа да байланыс түрлерінің қондырғыларын ұстау және пайдалану шығыстары, көрсетілген байланыс құралдарын жалға алу немесе басқа да ұйымдар ұсынатын тиісті қызметтерге төлем жүргізу шығыстары, факсимильдік және спутниктік байланыс, электрондық почта, сондай-ақ ақпараттық жүйелердің қызметтеріне арналаған шығыстар.

      4. Ұйымның теңгерімінде есептелетін офистік және көбейткіш техниканы ұстау және пайдалану шығыстары, құрылыс ұйымының теңгерімінде болмайтын кәсіпорындармен шарттар бойынша орындалатын тиісті жұмыстарға төлем жүргізу шығыстары.

      5. Әкімшілік-шаруашылық персонал айналысатын және пайдаланатын ғимараттарды, құрылыстар мен үй-жайларды ұстау және пайдалану шығыстары, сондай-ақ жерге төлеммен байланысты шығыстар.

      6. Оларды жүргізу және басқару мақсаттары үшін қажетті офис керек-жарақатарын, есепке алу, есептілік бланктерін және басқа да құжаттарды, мерзімді басылымдарды, техникалық әдебиетті сатып алу шығыстары.

      7. Әкімшілік-шаруашылық персонал пайдаланатын негізгі қорларды жөндеудің барлық түрлерін жүргізу шығыстары.

      8. Ұйымның орналасқан жері шеңберінде әкімшілік персонал қызметкерлерінің қыметтік кіріп-шығуларымен байланысты шығыстар.

      9. Құрылыс ұйымының теңгерімінде есептелетін және осы ұйымның басқару аппаратының қызметкерлеріне қызмет көрсететін қызметтік жеңіл автокөлікті пайдалану шығыстары, мыналарды қоса алғанда:

      1) жеңіл автокөлікке қызмет көрсететін қызметкерлердің жалақысы;

      2) жағар-жанар май материалдарының, автокөлікке техникалық қызмет көрсету құны;

      3) гараждарды пайдалану шығыстары, гараждар және автомобильдердің тұрақ орындары үшін жалдау ақысы, өтелім аударымдары және автомобильдер мен гараждардың ғимараттарын жөндеудің барлық түрлерінің шығыстары.

      10. Қызметтік жеңіл автомобильдерді жалдау шығыстары.

      11. Өндірістік қызметі жүйелі қызметтік сапарлармен байланысты құрылыс ұйымы әкімшілік-шаруашылық персоналының қызметкерлеріне өтемақы төлеу шығыстары, осы мақсаттар үшін жеке жеңіл көлікті пайдалану бойынша шығыстар.

      12. Заңнамада белгіленген нормаларға сүйене отырып, қызметтік жеңіл автокөлікке қызмет көрсететін қызметкерлерді қоса алғанда, әкімшілік-шаруашылық персоналдың өндірістік қызметімен байланысты қызметтік іссапарлар шығыстары.

      13. Тез тозатын мүкәммалды және басқару аппаратына қызмет көрсетуге арналған басқа да құны төмен заттардың негізгі қорлары, тозуы және жөндеу бойынша өтелімдік аударымдар (жалдау ақысы).

      14. Ұйымның қызметімен байланысты өкілдік шығыстар және ұйым кеңесі (басқарма) мен ұйымның ревизиялық комиссиясының отырыстарын өткізу бойынша шығыстар.

      15. Консультациялық, ақпараттық және аудиторлық қызметтерге төлем.

      16. Банк қызметтеріне төлем.

      17. Құрылыс ұйымының штаттық кестесінде сол немесе өзге де функционалдық қызметтер көзделмеген жағдайларда өндірісті басқару бойынша бөгде ұйымдар жүзеге асыратын қызметтерге төлем.

2. Құрылыс қызметкерлеріне қызмет көрсетуге арналған шығыстар

      18. Өндірістік кадрларды даярлаумен және қайта даярлаумен байланысты шығыстар.

      19. Мердігерлік жұмыстарда, оның ішінде уақытша (титулдық) ғимараттар мен құрылыстардың құрылысында, құрылыс машиналарын пайдалану және қызмет көрсетуде және басқа да күрделі емес жұмыстарда қамтылған жұмысшыларға өтемдік және ынталандыру сипатындағы төлемдер.

      Өтемдік және ынталандыру сипатындағы төлемдердің құрамына:

      1) жыл сайынғы төленбелі еңбек демалыстарының пайдаланылмаған күндері үшін қызметкерлердің жыл сайынғы еңбек демалыстарын немесе өтемдік төлемдерін төлеу;

      2) қызметкерлерге атмосфералық шарттар бойынша бос тұру уақытына төлем;

      3) оларды жеңіл жұмысқа ауыстыру кезінде жүкті әйелдерге орташа жалақыға дейін үстемеақы;

      4) еңбек міндеттерін орындаумен байланысты денсаулыққа келтірілген зиянды өтеу;

      5) бригаданы басқарғаны үшін бригадирлерге үсетемеақы;

      6) негізгі жұмысынан босатылмаған білікті жұмысшыларға оқушыларды оқыту және жұмысшылардың біліктілігін арттыру үшін үсетемеақы;

      7) біліктілікті арттыру жүйесінде өндірістен қол үзе отырып, оларды оқыту кезінде құрылыс-монтаждау ұйымының жұмысшыларына орташа жалақыны сақтау;

      8) заңда көзделген жағдайларда жұмысшыларға тегін немесе жеңілдікті шарттарда қызметтер ұсынумен байланысты шығыстар;

      9) донор жұмысшыларға тескеру, қан тапсыру күндері үшін орташа жалақыны сақтау;

      10) жұмысшыларға мерзімнен тыс жұмыс үшін, сондай-ақ кезекші электромонтерлерге, слесарларға, сантехниктерге, от жағушыларға және басқа да жұмысшыларға түнгі уақыттағы жұмыс (олар бойынша бұл үстемеақы сметалық нормаларда ескерілген тау-кен үңгілеу және кейбір басқа да жерасты жұмыстарын қоспағанда) үшін үстемеақы;

      11) жұмысшыларға мәжбүрлі жұмыста болмау немесе заңнамада көзделген жағдайларда төмен ақы төленетін жұмысты орындау уақыты үшін орташа жалақыны сақтау;

      12) жұмысшыларға мерзімді медициналық тексерулерден өту уақыты үшін орташа жалақыны сақтау кіреді.

      20. Мердігерлік жұмыстарда, сондай-ақ құрылыс машиналары мен тетіктерін пайдалануда және үстеме шығындар есебінен жүргізілетін күрделі емес жұмыстарда қамтылған жұмысшылардың жалақы шығындарынан әлеуметтік қажеттіліктерге аударымдар.

      21. Санитарлық-гигиеналық және тұрмыстық жағдайларды қамтамасыз ету шығыстары:

      1) өтелімдік аударымдар (немесе жалдау ақысы), жөндеудің барлық түрлерін жүргізу (жөндеу қорына аударымдар немесе жөндеуге арналған резерв) және санитарлық-тұрмыстық мақсаттағы құрыстырма-бөлшекті және жылжымалы ғимараттардың орынын ауыстыру шығыстары;

      2) санитарлық-тұрмыстық үй-жайларды ұстау: сыпырушылардың, кезекші слесарлардың, электриктер мен қызмет көрсететін персоналдың басқа да санаттарының еңбекақысы, жылыту, сумен жабдықтау, кәріз, жарықтандыру шығындары, сондай-ақ душ және қол жуғыштар үшін табельде көзделген гигиена заттарының құны;

      3) өтелімдік аударымдарды (жалдау ақысы), жөндеудің барлық түрлерінің шығындарын (жөндеу қорына аударымдар немесе жөндеуге арналған резерв), жарықтандыру, жылыту, сумен жабдықтау, кәріз, электрмен жабдықтау, тамақ дайындау үшін отын шығындарын, сондай-ақ тамақты жұмыс орнына жеткізу бойынша шығындарды қоса алғанда, тікелей құрылыс алаңында немесе құрылыс ұйымының аумағында медпунктерді ұйымдастыру үшін медициналық мекемелерге және қоғамық тамақтану кәсіпорындарына (құрылыс ұйымының теңгерімінде есептелетін және есептелмейтін) тегін ұсынылатын үй-жайларды және мүкәммалды ұстау;

      4) құрылыс ұйымының қызметкерлерін асханалармен, буфеттермен, медпункттермен, санитарлық-тұрмыстық үй-жайлармен қамтамасыз ету бойынша басқа ұйымдардың қызметтеріне төлем жүргізу немесе оларды ұстау бойынша үлестік қатысу шығындары.

      22. Еңбекті қорғау және қауіпсіздік техникасы шығыстары:

      1) тозу және тегін берілетін арнайы киімді және құрылғалардың жеке қорғаныш құралдарын жөндеу және жуу бойынша шығыстары;

      2) заңнамада көзделген жағдайларда тегін берілетін байтараптандырғыш заттардың құны;

      3) дәрі қобдишаларын және дәрі-дәрмектерді сатып алумен байланысты шығыстар;

      4) қауіпсіздік техникасы, оқыс оқиғалардың және құрылыстағы аурулардың алдын алу, сондай-ақ еңбек шарттарын жақсарту бойынша қажетті анықтамалықтарды, плакаттарды және көрнекілік материалдарды сатып алу шығыстары;

      5) жұмысшыларды жұмыстың қауіпсіз әдістеріне оқыту бойынша және қауіпсіздік техникасы бойынша кабинеттерді жабдықтау шығыстары;

      6) еңбекті қорғау және қауіпсіздік техникасы бойынша іс-шаралар номенклатурасында көзделген өзге де шығыстар.

3. Құрылыс алаңдарында жұмыстарды ұйымдастыру шығыстары

      23. Құрылыс жұмыстарын жүргізуде пайдаланылатын және негізгі қорлар жатпайтын құны төмен және тез тозатын құралдар мен өндірістік мүкәммалды жөндеу бойынша шығыстар.

      24. Тозу және уақытша (титулдық емес) құрылыстарды, құрал-саймандар мен құрылғыларды жөндеумен, ұстаумен және бөлшектеумен байланысты шығыстар, оларға мыналар жатады:

      1) прорабтар мен шеберлердің объект маңындағы кеңселері және қоймалары;

      2) қойма үй-жайлары және құрылыс объектісі жанындағы аспалар;

      3) душ, текше, кәрізделмеген әжетханалар және жұмысшылардың жылынуына арналған үй-жайлар;

      4) төсемелер, сатылар, баспалдақтар, өту көпірлері, жүру тақталары, ғимаратты бөлу кезіндегі кездемелер;

      5) құрылыстар, құрал-саймандар және қауіпсіздік техникасы бойынша құрылғылар;

      6) құрылыс жұмыстарына арналған сметалық нормаларда немесе жабдықты монтаждауға арналған сметалық нормативтерде көзделмеген ағаштар мен басқыштар, жұмыстарды жүргізу үшін қажетті сыртқы аспалы арбалар, дуалдар мен қоршаулар, сақтандыру күнқағарлары, бұрғылау-жарылыс жұмыстарын жүргізу кезіндегі паналар;

      7) жоғарыда көрсетілген уақытша (титулдық емес) ғимараттар мен құрылыстарды салудың орнына құрылыс алаңдарында салынып жатқан және қолданыстағы ғимараттарды бейімдеумен байланысты шығыстар;

      8) жұмыс аймағы шеңберінде электр энергиясының, судың, будың газ бен ауаның магистралдық және тармақтағыш желілерінен уақытша ажыратпалар.

      25. Өрт және қарауыл күзетін ұстап тұру:

      1) ұйымға белгіленген тәртіппен ведомстволық күзетке ие болу құқығы ұсынылған жағдайларда әскерилендірілген, қарауыл және кәсіби өрт күзетін қоса алғанда, ведомстволық күзет қызметкерлерінің жалақы шығыстары;

      2) кеңсе, почта-телеграф және ведомстволық күзетті ұстаудың басқа да шығыстары;

      3) ішкі істер органдары жүзеге асыратын ішкі істер, өрт күзет органдары ұсынатын ведомстволықтан тыс күзетке, сондай-ақ басқа да ұйымдардың қызметтерді көрсету тәртібімен ұсынылатын күзетке төлем жүргізу шығыстары;

      4) өртке қарсы мүкәммалды, жабдықты және арнайы киімді ұстау шығыстары және олардың тозуы;

      5) сыпырушылардың және осы үй-жайларға қызмет көрсететін басқа да жұмысшылардың еңбекақысын қоса алғанда, өтелімдік аударымдар, жөндеудің барлық түрлерін жүргізу (жөндеу қорына аударымдар немесе жөндеуге арналған резерв) және қарауыл үй-жайларын және өрт депосын (гараждар) ұстау шығыстары.

      26. Құрылысты ұйымдастыру және жүргізудің озық әдістерін енгізу, еңбекті нормалау бойынша шығыстар.

      27. Өнертапқыштықпен және рационализаторлықпен байланысты шығыстар, мыналарды қоса алғанда:

      1) тәжірибелік-эксперименттік жұмыстарды жүргізу, өнертапқыштық және рационализаторық ұсыныстар бойынша модельдер мен үлгілерді дайындау және сынау шығыстары;

      2) көрмелер мен байқауларды, конкурстарды және өнертапқыштық пен рационализация бойынша басқа да іс-шараларды ұйымдастыру бойынша шығыстар;

      3) өнертапқыштық және рационализаторық ұсыныстардың авторларына сыйлықтар төлеу.

      28. Мердігерлік жұмыстарды жүргізу кезінде жүзеге асырылатын геодезиялық жұмыстар бойынша шығыстар. Бұл бап бойынша геодезиялық жұмыстарда қамтылған қызметкерлердің жалақы шығыстары, материалдардың құны, өтелімдік аударымдар, тозу, жөндеулердің барлық түрлерінің (жөндеу қорына аударымдар немесе жөндеуге арналған резерв) және геодезиялық жабдық, құралдар мен аспаптарды тасу шығындары, жобалау-іздестіру ұйымдарынан геодезиялық негізді қабылдауды қоса алғанда геодезиялық жұмыстар бойынша көліктік және басқа да шығыстар.

      29. Жұмыстарды жүргізуді жобалау шығыстар. Бұл бап бойынша жобалау-сметалық топтары және жұмыстарды жүргізу жобалау топтары қызметкерлерінің жалақы және құрылыс ұйымдарындағы үлгілік уақытша ғимараттар мен құрылыстарды байланыстыру шығыстары, осы топтарды ұстау бойынша шығыстар, сондай-ақ, жобалау ұйымдарының және жұмыстарды жүргізу жобаларын жасайтын ұйымдардың қызметтеріне төлем жүргізу ескеріледі.

      30. Өндірістік зертханаларды ұстау шығыстары. Бұл бап бойынша мынадай шығыстар ескеріледі:

      1) өндірістік зертханалар қызметкерлерінің жалақы шығыстары;

      2) өтелім, зертханалардың үй-жайларын, жабдығын және мүкәммалын жөндеулердің барлық түрлерін жүргізу шығыстары;

      3) жалпы құрылыстарды сынау бойынша шығыстардан басқа материалдарды, құрылыстардың конструкциялары мен бөліктерін сынау кезінде жұмыстарды жүргізу шығыстары;

      4) сынау кезінде шығындалған немесе бүлінген материалдардың, құрылыстардың конструкциялары мен бөліктерінің құны;

      5) басқа да ұйымдардың зертханалары көрсететін қызметтерге төлем шығыстары;

      6) өндірістік зертханаларды ұстаумен байланысты өзге де шығыстар.

      31. Әскерилендірілген тау-кен құтқару бөлімдерінің қызметтеріне төлеммен байланысты шығыстар.

      32. Құрылыс алаңдарын абаттандыру және ұстау бойынша шығыстар:

      1) еңбекақы және жолдардың және аяқжолдардың учаскелерін, жолдар, көпіршелер құрылғысын және құрылыс алаңдарының аумағын абаттандырумен байланысты басқа да жұмыстарды қоса алғанда, құрылыс аумағын және оған жақын орналасқан көше жолағын жинау және тазалау (қоқысты шығара отырып) бойынша басқа да шығыстар;

      2) электр энергиясы (оның ішінде уақытша электр станцияларынан), электр шамдар, кезекші электромонтерлердің жалақысы және құрылыс аумағын жарықтандырумен байланысты басқа да шығыстар.

      33. Құрылыс объектілерін тапсыруға дайындау бойынша шығыстар. Бұл бапқа мыналар жатады:

      1) кезекші слесарь-сантехниктердің және электромонтерлардың, сондай-ақ, қоқыс жинайтын, едендер мен терезелерді жуатын жұмысшылардың жалақы шығыстары;

      2) жуғыш құралдарды және объектілерді тапсыру кезінде жуып-жинауға шығындалатын басқа да материалдарды сатып алу шығыстары;

      3) объектінің құрылысы аяқталғаннан кейін алаңнан құрылыс қоқысын шығару бойынша шығыстар;

      4) объектілерді тапсыру кезеңіндегі жылыту шығыстары.

      34. Құрылыс шеңберінде желілік құрылыс ұйымдарын және олардың құрылымдық бөлімшелерін қайта базалау бойынша (машина-ауысым құнында ескерілген құрылыс машиналары мен тетіктерін тасу бойынша шығыстарды, сондай-ақ, құрылыс ұйымдарын және олардың құрылымдық бөлімшелерін басқа да құрылыстарға қайта базалау бойынша шығыстарды қоспағанда) шығыстар.

4. Өзге де үстеме шығындар

      35. Негізгі өндірісте, сондай-ақ құрылыс машиналары мен тетіктерін пайдалануда және басқа да күрделі емес жұмыстарда қамтылған қызметкерлердің жеке санаттарын және заңнамада рұқсат етілген басқа да сақтандыру жағдайларында міндетті сақтандыру бойынша төлемдер.

      36. Материалдық емес активтер бойынша өтелім.

      37. Банктердің кредиттері бойынша (негізгі құралдарды, материалдық емес және өзге де айналымнан тыс активтерді сатып алумен байланысты несиелерді қоспағанда), сондай-ақ инвестицияларға және конверсиялық іс-шараларға берілген несиелерден басқа бюджеттік несиелер бойынша төлемдер.

      38. Жарнамамен байланысты шығыстар.

      39. Құрылыс аяқталған объектілерді кепілдікті жөндеу және кепілдікті қызмет көрсету бойынша резервті қалыптастыру шығыстары.

      40. Құрылыстың сметалық құнын басқа да құрамдастарымен ескерілмеген Қазақстан Республикасының заңнамасымен белгіленген, жүргізілген салықтар, алымдар, төлемдер және басқа да міндетті аударымдар.

5. Үстеме шығындардың нормаларында ескерілмейтін, бірақ үстеме
шығындарға жатқызылатын шығындар

      41. Ұйымның төлем жүйесінде көзделген қызметкерлерге ынталандыру сипатындағы төлемдермен байланысты шығыстар.

      42. Қазақстан Республикасының заңнамасында белгіленген нормалардан тыс іссапар шығыстарын төлеу.

      43. Өнімді және қызметтерді сертификаттау шығыстары.

      44. Қазақстан Республикасының заңнамасында белгіленген тәртіпке сәйкес көлік құралдарын (су, әуе, жерүсті, құбыр өткізгіш), құрылыс жүктерін, өндірістік мақсаттағы негізгі құралдарды, материалдық емес активтерді, құрылысы аяқталмаған объектілерді, құрылыс-монтаждау жұмыстарын орындаумен байланысты тәуекелдерді, тауарлық-материалдық қорларды, құрылыс-монтаждау жұмыстарын жүзеге асыру кезінде пайдаланылатын өзге де мүлікті, зиян келтіргені үшін азаматтық жауапкершілікті ерікті сақтандыру бойынша, сондай-ақ өмірді ұзақ мерзімді сақтандыру, зейнеткерлік және жеке медициналық сақтандыру шарттары бойынша қызметкерлерді ерікті сақтандыру бойынша төлемдердің (сақтандыру жарналары) шығындары.

      45. Қызметкерлерге сот шешімдері негізінде төленетін өндірістік жарақаттар салдарынан жұмысқа қабілеттіліктен айырылумен байланысты жәрдемақылар.

      46. Мердігердің қызметіне қатысты өзге де шығындар есебінен құрылыстардың тапсырыс берушілері өтейтін шығыстар:

      1) қолданыстағы тұрақты автомобиль жолдарын ұстау және құрылыс аяқталғаннан кейін оларды қалпына келтіру шығындары;

      2) салынып жатқан автомобиль жолдарын құрылыс аяқталғанға дейін ұстау шығындары;

      3) құрылыс және монтаждау ұйымдарының қызметкерлерін автомобиль көлігімен тасымалдау бойынша шығындар немесе қалалық жолаушылар көлігінің арнайы бағыттарын ұйымдастыру бойынша шығыстарды өтеу;

      4) жұмыстарды вахталық әдіспен жүзеге асырумен байланысты шығындар;

      5) құрылыс, монтаждау және арнайы құрылыс жұмыстарын орындау үшін жұмысшыларды іссапарға жіберумен байланысты шығындар;

      6) ғимараттар мен құрылыстардың орнын ауыстыруды және олардың деформацияларын геодезиялық бақылауларды жүргізу шығындары;

      7) қадалық іргетастарды тұрғызу кезеңінде мердігерлік ұйым жүргізетін топырақтағы қадаларды серпінді және статикалық жүктемемен сынаумен байланысты шығындар;

      8) жергілікті өзін-өзі басқару органдарының талап етуі бойынша салынған инженерлік желілердің орындаушылық бақылау түсірілімін орындаумен байланысты шығындар

      9) студентік отрядтарды және басқа да контингенттерді (жұмысшылардың ұйымдастырылған жинақталымы) пайдаланумен байланысты шығындар;

      10) Қазақстан Республикасының заңнамасына сәйкес тапсырыс берушілер өтейтін басқа да шығыстар.

Құрылысты ұйымдастыру жобасының шешімімен байланысты қосымша
шығындарды айқындау жөніндегі мемлекеттік норматив
1. Жалпы ережелер

      1. Осы Құрылысты ұйымдастыру жобасының шешімімен байланысты қосымша шығындарды айқындау жөніндегі мемлекеттік норматив (бұдан әрі – Мемлекеттік норматив):

      1) вахталық әдіс;

      2) құрылыс және монтаждау жұмыстарын орындау үшін жұмысшыларды іссапарға жіберу;

      3) ғимараттар мен құрылыстардың орнын ауыстыруды және деформацияларын геодезиялық бақылауларды жүргізу;

      4) қолданыстағы тұрақты автомобиль жолдарын ұстау;

      5) құрылыстың сметалық құнын есептеген кезде құрылыс-монтаждау ұйымдарының қызметкерлерін автомобиль көлігімен тасымалдау сияқты жұмыстардың түрлерін жүзеге асырумен байланысты шығындарды айқындауға арналған.

      2. Мемлекеттік нормативтің мақсаты құрылысты ұйымдастырумен байланысты шығындардың дұрыс шамасын айқындауға мүмкіндік беретін бірыңғай әдістемелік негіз жасау болып табылады.

      3. Осы Мемлекеттік нормативте баяндалған ережелер мемлекеттік инвестициялар есебінен және квазимемлекеттік сектор субъектілерінің қаражаты есебінен тұрғызылатын объектілер бойынша сметалық құжаттаманы әзірлеу үрдісінде ресурстық әдіспен құрылыстың сметалық құнын есептеу кезінде міндеті болып табылады.

      4. Нарықтың басқа субъектілері үшін Мемлекеттік норматив ұсынымдық сипатқа ие және құрылыстың сметалық құнының және орындалған жұмыстар үшін есептердің құрамында қосымша шығындардың шамасын айқындау кезінде анықтамалық материал ретінде пайдаланылуы мүмкін

      5. Мемлекеттік норматив сәулет, қала құрылысы және құрылыс қызметі саласындағы Қазақстан Республикасының заңнамасына сәйкес әзірленді және:

      1) жалпы ережелерден;

      2) құрылысты ұйымдастырумен байланысты шығындар жіктемесінен;

      3) құрылысты ұйымдастырумен байланысты шығындарды есептеу тәртібінен тұрады.

      6. Осы Мемлекеттік нормативте мынадай негізгі ұғымдар пайдаланылады:

      1) құрылысты ұйымдастыру жобасы (ҚҰЖ) – құрылыстың жалпы ұзақтығын және аралық мерзімдерін айқындайтын жобаның құрамдас бөлігі, күрделі салымдарды және құрылыс-монтаж жұмыстарының көлемін бөлу, материалдық-техникалық және еңбек ресурстары және оларды өтеу көздері, құрылыс-монтаж жұмыстарын орындаудың және объект құрылысын басқару құрылымын орындаудың негізгі әдістері;

      2) жұмыстарды жүргізу жобасы (ЖЖЖ) – құрылыс-монтаж жұмыстарының жалпы ұзақтығын және аралық мерзімдерін айқындайтын және жеке ғимараттарды (құрылыстарды) тұрғызу бойынша өндірістік үрдістерді ұйымдастыру кезінде негізгі басшылық құжат болып қызмет ететін жоба;

      3) жұмыстардың вахталық әдісі – олардың тұрақты тұру орнынан тыс еңбек ресурстарын пайдалануға, қызметкерлердің жұмыстарды жүргізу орнына, құрылыс ұйымының тұрақты орналасу орындарынан едәуір алшақ объектілерге мерзімді шығуына негізделген жұмыстарды ұйымдастырудың ерекше нысаны;

      4) құрылыс бас жоспары (құрылысбасжоспар) – құрылыс алаңын ұйымдастыруды реттейтін құрылыс ұйымы жобасының бөлігі.

2. Вахталық әдіспен жұмысты жүзеге асырумен байланысты шығындар

      7. Вахталық әдісті қолданудың мақсаты объектілерді қолданысқа енгізуді жылдамдатуға бағытталған құрылысты ұйымдастыруды жетілдіру негізінде күрделі салымдардың тиімділігін арттыру есебінен объект құрылысының мерзімдерін азайту.

      8. Вахталық әдіс жұмыстарды жүргізу орны: қоныстанбаған, шалғай аудандарда; немесе табиғат жағдайлары ерекше аудандарда қызметкерлердің тұрақты тұру орнынан (жиналу орны) едәуір алыстаған кезде қолданылады. Жоба алдындағы кезеңде инвестициялық үрдістің орындылығы негізделген жағдайда, вахталық әдіс құрылыс, қайта жаңарту және күрделі жөндеудің барлық түрлеріне кез келген өңірде пайдаланылуы мүмкін.

      9. Құрылыс объектілерінде (қайта жаңғырту, күрделі жөндеу) вахталық әдісті қолданудың орындылығын мынадай факторлар анықтайды:

      1) жұмыстарды жүргізу орындарында еңбек ресурстарымен қамтамасыз етілмеу;

      2) құрылыс мерзімін қысқарту мақсатында жұмыстардың жоғары қарқындарын ұстап тұру қажеттілігі;

      3) құрылыс (қайта жаңғырту, күрделі жөндеу) объектілерінің құрылыс ұйымын орналастыру және қызметкерлердің тұрақты тұру орнынан едәуір алшақтығы;

      4) құрылыстың бір титулындағы желілік объектілердің бытыраңқылығы және ұзақтығы;

      5) көліктік коммуникациялардың күрделілігі және тұрақсыздығы;

      6) құрылыс-монтаждау жұмыстарын жүргізудің маусымдық сипаты;

      7) тіршілік қызметінің күтпеген жағдайлары.

      10. Вахталық әдісті қолданудың міндетті шарты уақытша қоныстану – вахталық кенттің болуы немесе ұйымдастырылуы немесе олардың отбасыларының мүшелерінсіз қызметкерлердің уақытша тұруына және олардың күнделікті қажеттіліктерін қанағаттандыруға есептелген әлеуметтік инфрақұрылымның бөлшектерін қамтитын салынып жатқан объектіге жақын елді мекендегі объектінің құрылысы кезінде құрылыс ұйымы жалдайтын тұрғын үй қорының болуы болып табылады.

      11. Вахталық әдісті қолдану туралы шешімді жобалау ұйымының ұсыныстары негізінде инвестициялық үрдістің жоба алдындағы немесе жобалау кезеңдерінде Тапсырыс беруші қабылдайды.

      12. Жиналу пункті оны жұмыстарды жүргізу орнына немесе вахталық кенттің орналасу орнына жөнелту үшін вахталық персоналдың жиналу орны болып есептеледі.

      13. Вахталық әдіспен жұмыстарды жүргізуге дайындық ҚҰЖ әзірлеу кезеңінде немесе Тапсырыс берушімен келісілген жобалау-сметалық құжаттама болған жағдайда, ЖЖЖ әзірлеу кезеңінде басталады.

      ҚҰЖ-ға және ЖЖЖ-ға мыналар енгізіледі:

      1) негізгі жұмысшылар мен механизаторлар, инженерлік-техникалық қызметкерлер (бұдан әрі – ИТҚ) және қызметшілер, кіші қызмет көрсетуші персонал (бұдан әрі – КҚП) және күзет бойынша бөле отырып, вахталар бойынша құрылыстың барлық мерзімі ішінде вахталық персоналдың ауысымдық санын, жұмыс күнінің, жұмыс аптасының ұзақтығын, вахтадағы ауысымаралық демалыс уақытын, бір вахтаның ішінде демалыс күндерінің болуы және кезектілігін, вахталар арасындағы демалыс уақытын көрсететін ауысымдық кестесі;

      2) вахталық персонал үшін қажетті көлемдегі уақытша ғимараттар мен құрылыстардың қажеттілік ведомосы. Бұл ретте, ғимараттың немесе құрылыстың арналуын және түрін, аумағын немесе құрылыс көлемін, ал уақытша инженерлік желілер үшін қума метрлердегі ұзақтығын көрсету қажет;

      3) вахталық кенттің қалыпты тіршілік қызметін қамтамасыз ету үшін, сондай-ақ, вахталық персоналды вахталық кенттен құрылыс алаңына дейін және кері күн сайынғы жеткізу үшін қажетті машиналар мен тетіктердің құрамы.

      14. Объектінің құрылыс кезеңінің әрбір уақытына (өлшем бірлігіне 1 вахтаны қабылдау керек) жұмыс күшіне қажеттілікті бөле отырып, уақытша кенттің құрылысының шығындары бойынша барынша оңтайлы күнтізбелік кестесін қалыптастыру мақсатында кесте ауысымдық кестесін құрылыстың барлық мерзіміне вахталық кенттің ғимараттары мен құрылыстарының құрылыс (қолданысқа енгізу) күнтізбелік кестесімен байланыстыру қажет. Мердігерлік ұйымдарда ауысымдық кестесін құрылыстың барлық мерзіміне құрылыс ұйымының басшысы келіседі және бекітеді.

      15. Вахталық кент жобасы ҚҰЖ және ЖЖЖ құрамында әзірленеді, ол кенттің бас жоспарын, кірме жолдар сызбаларын, вахталық кенттерді салу және ұстау шығындарының сметасын, құрылыстың күнтізбелік кестесін, материалдарды, конструкциялар мен жабдықты жеткізудің көліктік сызбаларын, сондай-ақ:

      ғимараттар мен құрылыстардың;

      электрмен-сумен-жылумен жабдықтаудың;

      байланыс желісінің;

      кәріз желілерінің;

      ішкі жолдардың жобаларын қамтиды.

      16. Жұмыстарды ұйымдастырудың вахталық әдісін қолданумен байланысты шығындар жобалау-сметалық құжаттаманы әзірлеу және шарт бағаларын негіздеу кезінде анықталады.

      17. Құрылыс құнының сметалық есебіне (бұдан әрі – Сметалық есеп) қосымша шығындардың мынадай түрлері:

      1) Өзге де жұмыстар мен құрылыс құнын сметалық есептеу шығындарының құрамына:

      вахталық персоналдың жиналу және ауысып отыру пунктеріндегі қонақүйлерде тұру шығындары;

      авиатасымалдау бойынша диспетчерлік қызметтерді ұстау шығындары;

      визаларды, шақыруларды, тіркеуге рұқсаттарды және тұруға ыхтиярхатын, жұмысқа рұқсатты (шетелдік азаматтар үшін) ресімдеу және беру үшін төлем шығындары.

      2) құрылыс аумағын дайындау бойынша жұмыстардың құрамына: вахталық кенттер құрылысы үшін пайдаланылатын уақытша бұрмалардың учаскелерінде жерді қалыпына келтіру шығындары енгізілуі мүмкін. Бұл шығындарды айқындау үшін жер қазу жұмыстарына арналған сметалық нормаларға сәйкес жергілікті ресурстық смета жасалады.

      18. Құрылыстың шығыстарын оңтайландыру мақсатында құрылысты материалдық-техникалық қамтамасыз етуді ұйымдастыру техникалық-экономикалық негіздемелер құрамында анықталады.

      19. Мердігерлік ұйым анықталғанда жұмыстарды вахталық әдіспен жүргізу шығындарын есептеу кезінде құрылыс мерзімін мердігерлік шарт негізінде немесе вахталық әдісті қолдану шарттарын қарау кезеңіне тапсырыс беруші және мердігерлік ұйым (бұдан әрі – мердігер) арасында келісілген құрылыс мерзімі негізінде қабылдауға рұқсат етіледі.

      20. Құрылысты ұйымдастырудың вахталық әдісі кезінде ауысымның ұзақтығын ұлғайтумен байланысты жұмысшылардың орташа сағаттық еңбек өнімділігін төмендету вахталық қызметкерлердің орташа сағаттық еңбек өнімділігін төмендетудің орташаланған коэффициенттерін қолдана отырып, ескеріледі:

      1) 9 сағаттық жұмыс ауысымында - 0,02 - 0,04;

      2) 10 сағаттық жұмыс ауысымында - 0,04 - 0,06;

      3) 11 сағаттық жұмыс ауысымында - 0,06 - 0,08;

      4) 12 сағаттық жұмыс ауысымында - 0,08 - 0,12.

      21. Вахталық әдіспен құрылыста жұмыспен қамтылған қызметкерлердің вахталық ағынының саны ҚҰЖ (ЖЖЖ) бөлімінде әзірленетін ауысымдық кестесіне сүйене отырып, анықталады.

      22. Вахтадағы жұмыс және демалыс режимдері вахталық әдісті қолдану кезінде Қазақстан Республикасының еңбек заңнамасына сәйкес анықталады. Қызметкерлердің қажетті саны құрылыс-монтаждау жұмыстарының, құрылыс өндірісінің пайдаланылатын технологияларының, машиналар және тетіктер жалпы көлеміне, құрылыс мерзіміне және жұмыс режиміне (ауысымның және ауысымдық вахтаның ұзақтығы) сүйене отырып, анықталады. Одан әрі, белгіленген еңбек және демалыс режимдері бойынша ауысымдық кесте әзірленеді, ауысымдық вахталық персоналдың саны анықталады. Осы деректердің негізінде қызметкерлердің тұруы үшін қажетті вахталық кенттің ғимараттары мен құрылыстарының саны, құрылыс кентінің шығындары, ауысымдық вахталық персоналды вахтаға және вахтадан тасымалдау құны, вахталық қызметкерлердің үстеме ақылары және Қазақстан Республикасының еңбек заңнамасына сәйкес жұмыстардың вахталық әдісімен байланысты шығындардың басқа да түрлері белгіленеді.

      23. Вахталық әдіспен жұмыстар үшін үстемеақы жұмысшылар мен машинистердің негізгі жалақысына 20% мөлшерінде ұжымдық және еңбек шарты негізінде Қазақстан Республикасының еңбек заңнамасына сәйкес белгіленеді. Үстемеақы тиісті коэффициентті қолдана отырып, жергілікті ресурстық сметаларда есептеледі.

      24. Вахталық қызметкерлерді жинау орнынан салынып жатқан объектідегі (вахталық кентте немесе осы мақсаттар үшін құрылыс ұйымы арнайы жалдайтын баспанада) тұру орнына дейін жеткізу құрылыс ұйымының өзінің (немесе жалдамалы) көлігімен және теміржол көлігі, азаматтық авиация және автомобиль көлігі ұйымдар көлік құралдарымен жүзеге асырылады.

      25. Көліктің түрі өңірдегі қалыптасқан құрылыс көліктік коммуникацияларды, сондай-ақ, құны бойынша және вахталық қызметкерлердің жиналу пунктінен вахталық кентке дейінгі жолдағы келу уақыты бойынша барынша аз шығындарды ескере отырып, таңдап алынады.

      26. Вахталық қызметкерлерді тасымалдау шығындары төмендегілердің негізінде тасымалдаудың таңдап алынған әдістеріне байланысты анықталады:

      1) меншікті көлікті пайдалану кезінде көліктік шығындардың калькуляциясы;

      2) әрбір вахталық қызметкердің жол жүру құнын растайтын жол жүру құжаттары;

      3) көліктік ұйымдармен жасалатын шарттар.

      27. Қызметкерлерді жиналу пунктінен жұмыс орнына дейін және кері вахтаға жеткізу бойынша көлік түрінің экономикалық орындылығы инвестициялық үрдістің жоба алдындағы кезеңінде белгіленеді.

      28. Вахталық кенттер қолданыстағы нормаларға сәйкес тиісті санитарлық нормаларды және өрт қауіпсіздігі талаптарын сақтай отырып, салынып жатқан объектіден арақашықтықта орналастырылады. Егер вахталық кент бірнеше объектілердің құрылысында жұмыспен қамтылған қызметкерлердің тұруына арналған болса, ол қызметкерлерді жұмыстарды жүргізу орнына жеткізудің 15-20 минуттық ұзақтығынан жоғары есеппен орналастырылады.

      29. Вахталық кенттерді үй-жайлармен толықтыру және оларды жайластыру жергілікті шарттарға, жұмыстарды жүргізу мерзімдеріне және тұғындардың санына сүйене отырып, жүзеге асырылады. Вахталық кенттің құрамына тұрғын, мәдени-тұрмыстық және коммуналдық мақсаттағы объектілер енгізіледі.

      30. Вахталық үй-жайларды жиһазбен және басқа да мүкәммалмен жабдықтау Қазақстан Республикасындағы сәулет, қала құрылысы және құрылыс қызметі саласындағы заңнамаға сәйкес жүзеге асырылады.

      31. Өтелімді есептеу сомасын қоса алғанда, еңбек ұжымдарына қызмет көрсететін қоғамдық тамақтану объектілерінің үй-жайларын ұстаумен байланысты шығындар, үй-жайларды жөндеуді жүргізу шығыстары, жарықтандыру, жылу, сумен жабдықтау, электрмен жабдықтау, сондай-ақ, тамақ дайындау үшін отын шығындары мердігерлердің үстеме шығындарының құрамында ескерілген.

      32. Вахталық қызметкерлерге медициналық қызмет көрсетуді ұйымдастыру шығындары мердігерлердің үстеме шығындарының құрамында ескерілген.

      33. Вахталық кенттің пайдалануға беруге дайындығы және оны пайдалануға беру Қазақстан Республикасының заңнамасына сәйкес анықталады.

      34. Вахталық персонал үшін қажет етілетін тұрғын үй, мәдени-тұрмыстық және өзге де ғимараттар мен құрылыстардың саны объект құрылысының барлық мерзімі ішінде кентте бір уақытта тұратын ауысымдық вахталық персоналдың ең жоғары - ықтимал санына негізделеді. Бұл сан ауысымдық кестесінің негізінде анықталады.

      35. Ауысымдық вахталық персоналдың саны штаттан тыс қызметкерлерге: уақытша; іссапарға жіберілген; тәжірибеден өтушілер және құрылыс-монтаждауды жүргізумен байланысты жұмыстарды немесе құрылысты ұйымдастыру және қызмет көрсету үшін қажетті өзге де жұмыстарды орындау үшін шақырылған басқа да мамандарға келетін олардың санына 5% қоса отырып, объект құрылысында жұмыспен қамтылған жұмысшылардың, инженерлік-техникалық қызметкерлер мен қызметшілердің, КҚП және күзеттің қажетті санының жиынтығы ретінде анықталады.

      36. Вахталық кенттердің құрылысы бойынша баға белгілеудің ресурстық әдісі кезінде шығындар (мүкәммалдық тұрғын және қоғамдық ғимараттар мен уақытша пайдаланудағы инженерлік құрылыстарды жинау және бөлшектеу құны, олардың астына негіздер мен іргетастардың, инженерлік желілер ендірмелерінің құрылғысы, кентті абаттандыру) уақытша ғимараттар мен құрылыстар құрылысы шығындарының сметалық нормаларына сәйкес анықталады. Осы шығындар бойынша бағалардың ағымдағы деңгейінде жергілікті ресурстық сметалар жасалады. Жергілікті ресурстық сметалардың қорытындылары құрылыс құнының сметалық есебіне енгізіледі. Өтелімдік аударымдар немесе жалдау ақысы, тұрғын және қоғамдық контейнерлік және құрастырма-бөлшекті ұтқыр (мүкәммалдық) ғимараттардың конструкциялары мен бөлшектерін қоймадан құрылыс алаңына және қоймаға тасу шығындары мердігерлердің үстеме шығындарының нормаларында ескеріледі.

      37. Уақытша қоныстануға арналған ұтқыр (мүкәммалдық) ғимараттар мен құрылыстарды, сондай-ақ, шаруашылық мүкәммалды қоса алғанда, жабдықты сатып алу құрылыстың сметалық құнына енгізілмейді. Мердігерлік ұйым қаражаты есебінен сатып алынған мүкәммалдық ғимараттар мен құрылыстардың (жылжымалы, контейнерлік, құрастырма-бөлшекті) құны олардың түсу және бухгалтерлік есепке қою қажеттілік шамасына қарай мердігерлік ұйымның негізгі қорларына енгізіледі.

      38. Тапсырыс берушінің негізгі қорларында есептелетін ғимараттар мен құрылыстардың құны тапсырыс беруші объектісінің құрылыс кезеңіне уақытша қоныстану (вахталық кент) үшін ғимараттар мен құрылыстарды пайдалануға мердігерге (жеке шарт бойынша) ұсынатын жалдау ақысы арқылы құрылыс-монтаждау жұмыстарының құнына көшірілелі.

      39. Инвестициялық үрдістің жоба алдындағы кезеңдегі вахталық әдісті енгізуден экономикалық әсер ұқсас нұсқаларды салыстыра отырып, анықталады. Вахталық әдісті енгізуден экономикалық әсерді айқындау теңдестер ретінде:

      1) салынып жатқан объект жанында қызметкерлердің және олардың отбасы мүшелерінң тұруы үшін уақытша кентті құра отырып, құрылысты ұйымдастыру нұсқасы;

      2) қызметкерлер тұрақты тұрғылықты жерінен салынып жатқан объектіге және кері күн сайын тасымалдай отырып, құрылысты ұйымдастыру нұсқасы қаралуы мүмкін.

      Экономикалық әсердің негізгі факторлары:

      1) құрылыс ұйымы шығындарының шартты-тұрақты бөлігін үнемдеуді және тапсырыс берушінің объектіні пайдалануға мерзімінен бұрын енгізу кезеңі үшін қосымша пайда табуын қамтамасыз ететін объект құрылысының ұзақтығын қысқарту;

      2) құрылыс аймағында әлеуметтік инфрақұрылымды қалыптастыру және ұстау және қызметкерлерді тұрғылықты жерінен салынып жатқан объектіге және кері тасымалдау шығындарын қысқарту болып табылады.

      Вахталық әдісті қолданудың әлеуметтік әсері бытыраңқы құрылыстың ерекше шарттарында және тіршілік қызметінің күтпеген жағдайларында Қазақстан Республикасының еңбек заңнамасына сәйкес қызметкерлердің еңбегінің, демалыс және тұрмысының қалыпты жағдайларын қамтамасыз етуден тұрады.

3. Құрылыс, монтаждау және арнайы құрылыс жұмыстарын орындау
үшін жұмысшыларды іссапарға жіберумен байланысты шығындар

      40. Жұмысшыларды іссапарға жіберумен байланысты шығындар құрылыс объектісі құрылыс ұйымын орналастырудың тұрақты аймағынан тыс болған кезде құрылыстың сметалық құнына енгізіледі. Жұмыстарды жүргізудің вахталық әдісімен құрылыс кезінде іссапар шығындары есептелмейді. Іссапарларға жіберілетін қызметкерлерге:

      1) іссапарда болған әрбір күнтізбелік күн үшін тәуліктік ақылар;

      2) бару орнына және кері жол жүру шығындары;

      3) тұрғын үй-жайды жалдау шығындары төленеді.

      41. Қызметкерлерді іссапарларға жіберу жағдайлары мен мерзімдері Қазақстан Республикасының еңбек заңнамасына сәйкес анықталады.

      42. Құрылыс-монтаждау ұйымдарының қызметкерлерін іссапарға жіберумен байланысты шығындар іссапарға жіберілген қызметкерлердің болжанатын санына және ҚҰЖ-да анықталған олардың құрылысқа келу мерзіміне сүйене отырып, жасалатын есеппен анықталады. ҚҰЖ-да сметалық құжаттамада келтірілген нормативтік еңбекті қажетсінуден проценттік қатынасында іссапарға жіберілген қызметкерлер орындайтын жұмыстардың жоспарлы еңбекті қажетсінуі анықталады. Бұл ретте, іссапарларға жіберілуі қажет қызметкерлердің ұтымды саны ескерілуге тиіс.

      43. Тапсырыс беруші мердігермен Қазақстан Республикасының 2000 жылғы 22 қыркүйектегі № 1428 қаулысымен бекітілген Мемлекеттiк бюджеттiк қаражаты есебiнен ұсталатын мемлекеттiк мекемелер қызметкерлерiнiң, сондай-ақ, Қазақстан Республикасының Парламенті депутаттарының Қазақстан Республикасының шегiндегi қызметтік iссапарлары туралы ережеге сәйкес іссапар шығындарына есеп айырысуларды жүргізеді. Есеппен анықталған шығындар сомасы өзге де жұмыстардың және құрылыс құнын сметалық есептеу шығындарының құрамына енгізіледі.

4. Ғимараттар мен құрылыстардың орнын ауыстыруды және
деформацияларын геодезиялық бақылауларды жүргізумен
байланысты шығындар

      44. Ғимараттар мен құрылыстардың орнын ауыстыруды және деформацияларын геодезиялық бақылауларды жүргізумен байланысты шығындарды айқындау қажеттілігі инженерлік зерттеулер материалдарының негізінде ҚҰЖ-да анықталады. ҚҰЖ-да "Ғимараттар мен құрылыстардың орнын ауыстыруды және деформацияларын бақылауларды ұйымдастыру жобасы" әзірленуге тиіс.

      45. Бақылауларды ұйымдастыру жобасын әзірлеу шығындары қосымша жобалау-іздестіру жұмыстарының құнына енгізіледі. Құрылыс құнының жиынтық сметалық есебіне, сондай-ақ, ғимараттар мен құрылыстардың орнын ауыстыруды және деформацияларын геодезиялық бақылаулардың құрылыстағы мемлекеттік нормативтердің талаптарына сәйкестігін қамтамасыз ету бойынша жұмыстармен байланысты шығындар енгізіледі.

      46. Құрылыс барысында мердігерлік ұйым орындайтын ғимараттар мен құрылыстардың орнын ауыстыруды және деформацияларын геодезиялық бақылаулардың шығындары құрылысқа арналған іздестіру жұмыстарына арналған сметалық нормалар бойынша анықталады және өзге де жұмыстар мен құрылыс құнын сметалық есептеу шығындарының құрамына енгізіледі.

5. Жаңа және қайта жаңғыртылатын автомобиль жолдарының құрылысы
кезеңінде уақытша пайдаланылатын автомобиль жолдарын ұстаумен
байланысты шығындар

      47. Қолданыстағы автомобиль жолдарын ұстау және құрылыс аяқталғаннан кейін оларды қалыпына келтіру шығындарын енгізу қажеттілігі күнтізбелік тұрғыда ҚҰЖ-да және Қазақстан Республикасының заңнамасына сәйкес түсіндірме жазбада негізделеді. Автомобиль жолдарының құрылысы учаскесінің шекаралары құрылыс бас жоспарында анықталады.

      48. Жаңа және қайта жаңғыртылатын автомобиль жолдарының құрылысы кезеңінде уақытша пайдаланылатын автомобиль жолдарын ұстау шығындарын айқындау үшін Қазақстан Республикасының заңнамасына сәйкес қозғалыс қатысушыларының қауіпсіздігін қамтамасыз ету үшін қажетті жұмыстар көлемінің ведомосы жасалады. Жұмыстар көлемінің ведомосы уақытша пайдаланылатын автомобиль жолдарының тиісті учаскелеріне ақаулық актілер бойынша жасалады. Жұмыстар көлемінің ведомосы бойынша жергілікті ресурстық смета жасалады. Тапсырыс берушінің осы жұмыстар көлемін орындау үшін төлем жүргізуі жиынтық сметалық есепте көзделген күтілмеген шығындар есебінен жүзеге асырылады.

6. Құрылыс және монтаждау ұйымдарының қызметкерлерін
автомобиль көлігімен тасымалдау

      49. Құрылыс қызметкерлерін тасымалдау бойынша шығындарды өтеуге арналған қаражат коммуналдық немесе қала маңындағы көлік жұмысшыларды объектіге тасымалдауды қамтамасыз ете алмайтын, сондай-ақ, қалалық жолаушылар көлігінің арнайы бағыттарын белгіленген тәртіппен ұйымдастыру мүмкін болмаған жағдайларда құрылыс құнының сметалық есебіне енгізіледі. Жұмыстарды жүргізудің вахталық әдісімен құрылыс кезінде бұл шығындар есептелмейді.

      50. Құрылыс қызметкерлерін тасымалдау бойынша шығындарды өтеуге арналған қаражат мөлшері ҚҰЖ деректері, тасымалдау арақашықтығы, тасымалдауға жататын қызметкерлердің саны және құрылыстың нормативтік ұзақтығы негізінде анықталады. Есеппен анықталған шығындар сомасы өзге де жұмыстар мен құрылыс құнын сметалық есептеу шығындарының құрамына енгізіледі.

Құрылыс ресурстарының ағымдағы бағалар мониторингі және
сметалық бағалар есебі жөніндегі мемлекеттік норматив
1. Жалпы ережелер

      1. Осы Құрылыс ресурстарының ағымдағы бағалар мониторингі және сметалық бағалар есебі жөніндегі мемлекеттік норматив (бұдан әрі - Мемлекеттік норматив) сметалық құжаттаманы әзірлеу күніне бағалардағы ресурстардың нормативтік шығысы негізінде құрылыстың сметалық құнын айқындау және сметалық құжаттаманы жасау үшін құрылыстағы ағымдағы бағалардың мониторингі және құрылыс ресурстарының сметалық бағаларының есебі әдістемесін белгілейді.

      2. Мемлекеттік норматив құрылысқа салынатын мемлекеттік инвестициялардың есебінен және квазимемлекеттік сектор субъектілері қаражатының есебінен тұрғызылатын объектілердің құрылысына арналған сметалық құжаттаманы жасау кезінде қолдану үшін міндетті болып табылады.

      3. Құрылыс ресурстарының ағымдағы бағасына мониторинг жүргізудің мақсаты кейіннен құрылыс ресурстарының сметалық бағаларын есептеу үшін Қазақстан Республикасының барлық өңірлері бойынша бағаларды қадағалау болып табылады.

      4. Осы Мемлекеттік нормативте тиісті анықтамаларымен бірге мынадай терминдер қолданылады:

      1) ағымдағы бағалар – нақты кезеңге (тоқсанға, жарты жылға, жылға) арналған құрылыс ресурстарының бағалары;

      2) дилер - өндіруші кәсіпорынмен, уәкілетті органмен немесе дистрибьютормен тиісті келісім бойынша белгіленген шарттардың негізінде өзінің атынан өз есебінен өндірушінің тауарын өткізуді (сервистік қызмет көрсетуді) жүзеге асыратын тауар өткізетін желінің субъектісі;

      3) есептік кезең (тоқсан, жарты жыл, жыл) – кезекті тоқсанға, жарты жылға, жылға арналған құрылыс ресурстарының сметалық бағаларының есебі жүргізілетін кезең;

      4) есептік орташа босатылым бағасы – бұл құрылыс материалдары мен жабдықтарына арналған салыстырмалы босатылым бағаларының орташа арифметикалық немесе орташа өлшемді мәні;

      5) жеткізуші кәсіпорындар - құрылыс материалдарын, бұйымдар мен конструкцияларды, инженерлік-технологиялық жабдықтарды, сондай-ақ, жиһазды және мүкәммалды сауда жеткізушілері;

      6) инженерлік жабдық (бұдан әрі - жабдық) - тұрмыстық және өндірістік қызметтің қажетті жағдайларын қамтамасыз ететін, сумен (суық және ыстық сумен) жабдықтау, кәріз, жылу беру жүйелерін, ауаны салқындатуды, баптауды, газбен жабдықтауды, электр жабдығын, көтеру-көлік құралдарын (лифттер, эскалаторлар), қоқыс жою, шаң жинау, өрт сөндіру құралдарын, дабыл, телефондандыруды, радио тартуды және ішкі абаттандырудың басқа түрлерін қамтитын техникалық құрылғылардың кешені;

      7) құрылыс бұйымы - ғимараттар мен құрылыстардың құрылыс конструкцияларының элементі ретінде қолдануға арналған бұйым; орнатылатын жерден тыс жасалатын құрылыс конструкцияларының элементі (баған, ферма, ригель, жабу тақтасы, қабырға панелі, арматуралық қаңқа және басқалар);

      8) құрылыс конструкциясы - құрылыс және монтаж жұмыстарын орындау үрдісінде өзара байланысқан элементтерден тұратын, белгілі бір функционалдық мақсаты бар ғимараттың, құрылыстың бөлігі. Құрылыс конструкциясы ғимаратта (құрылыста) тіреу, қоршау немесе басқа функцияларды орындайды немесе олардың кейбіреулерін бірге орындайды (іргетас, қабырға, аражабын, саты, еден, ауаарна, санитарлық-техникалық торап, құдық, резервуар және басқалар);

      9) құрылыс материалдары, бұйымдары мен конструкциялары (бұдан әрі – құрылыс материалдары) - құрылыс-монтаж жұмыстарын жүргізген кезде қолданылатын нақты техникалық сипаттары бар материалдардың, бұйымдардың және конструкциялардың белгілі бір түрлерінің жиынтығы;

      10) құрылыс материалдары мен жабдықтардың ірілендірілген тобы - атауы және техникалық сипаттамалары бойынша ортақ белгілерімен біріктірілген құрылыс материалдары мен жабдықтарының тобы (тізбесі);

      11) құрылыс материалдарына немесе жабдықтарына арналған босатылым бағасы - құрылыс нарығының субъектілерінен, квазимемлекеттік сектордың субъектілерінен, мердігер ұйымдардан, бұқаралық ақпарат құралдарынан (баспа басылымдары, электрондық көздер, веб-сайттар) алынған баға ақпаратының негізінде тіркелген баға;

      12) құрылыс материалы - ғимараттар мен құрылыстардың құрылыс конструкцияларын жасау, сондай-ақ құрылыс бұйымдарын жасауға арналған материал (оның ішінде дана бойынша);

      13) құрылыс нарығының субъектілері - жеткізуші кәсіпорындар, өндіруші кәсіпорындар, сауда жеткізушілері;

      14) құрылыс ресурстары - жұмысшылар мен машинистердің еңбек шығындары, құрылыс машиналары мен тетіктерін пайдалану уақыты, құрылыс материалдары, бұйымдар мен конструкциялар, жабдық;

      15) материалдық ресурстар – құрылыс материалдары, бұйымдары, конструкциялары және инженерлік жабдық;

      16) өндіруші кәсіпорындар – құрылыс материалдарын, бұйымдарын, конструкцияларын және инженерлік жабдықты шығаратын әртүрлі өндірістік кәсіпорындар;

      17) прайс-парақ – кәсіпорындар (өндірушілер, жеткізушілер) ұсынатын материалдық ресурстарға арналған бағалар тізбесі;

      18) сауда жеткізушілері – құрылыс материалдарын, бұйымдарын, конструкциялары мен инженерлік жабдықты өткізетін дилерлер мен көтерме сауда ұйымдары;

      19) шығыс деректері – құрылыс ресурстарының бағалары, жеткізушілер туралы мәліметтердің жиынтығы.

2. Сметалық-нормативтік базаны қалыптастыру үшін құрылыс
материалдары мен инженерлік жабдықтардың ағымдағы бағасына
мониторинг жүргізу әдістемесі

      5. Сметалық-нормативтік базадағы құрылыс материалдары мен жабдықтарына арналған сметалық бағалар өңірлер бойынша құрылыс материалдары мен жабдықтарына арналған ағымдағы бағалар туралы (бұдан әрі – ағымдағы бағалар мониторингі) деректерді жинау негізінде қалыптастырылады.

      6. Ағымдағы бағалар мониторингін ұйымдастыру және жүргізу мынадай негізгі кезеңдерден тұрады:

      1) олардың ағымдағы бағаларына бақылау жүзеге асырылатын құрылыс материалдары мен жабдықтарының тізбесін қалыптастыру;

      2) құрылыс материалдары мен жабдықтарының ағымдағы бағаларына бақылау жүргізілетін кәсіпорындардың (өндірушілердің, жеткізушілердің) тізбесін қалыптастыру;

      3) құрылыс материалдары мен жабдықтарын шығарушылардың (жеткізушілердің) ағымдағы бағаларын бақылау және есепке алу.

      7. Бақыланатын құрылыс материалдары мен жабдықтарының тізбесі құрылыс материалдары мен жабдықтары бойынша құрылыстағы өндірістік ресурстар жіктемесі (бұдан әрі - Жіктеме) негізінде қалыптастырылады. Құрылыс материалдары мен жабдықтары бойынша құрылыстағы өндірістік ресурстардың жіктеме құрылымы осы Мемлекеттік нормативке 1-қосымшада келтірілген.

      Олардың ағымдағы бағаларына бақылау жүзеге асырылатын құрылыс материалдары мен жабдықтарының тізбесі нарық конъюнкурасына сәйкес отандық та және шетелдік де құрылыс материалдары мен жабдықтарының жаңа түрлері қалыптастырылады және кеңейтіледі.

      8. Олардың ағымдағы бағаларын бақылау үшін құрылыс материалдары мен жабдықтарын іріктеудің негізгі қағидаты құрылыс материалдары мен жабдықтарының ірілендірілген тобы бойынша баға деңгейін есептеу-талдау әдісімен айқындау үшін іріктелініп алынған марканың өкілділігі болып табылады.

      9. Ағымдағы бағалар мониторингі мердігер ұйымдарда, құрылыс нарығының субъектілерінде, квазимемлекеттік сектор субъектілерінде жүргізіледі.

      Ағымдағы бағаларды мониторингілеу кезінде бұқаралық ақпарат құралдарында жарияланған, сондай-ақ Қазақстан Республикасының мемлекеттік сатып алу және статистика саласындағы заңнамасына сәйкес субъектілер беретін құрылыс материалдары мен жабдықтарының ағымдағы бағалары туралы деректер пайдаланылуы мүмкін.

      10. Өндірушілердің (жеткізушілердің) тізбесіне өндіруші (жеткізуші) кәсіпорындарды және барлық меншік нысанындағы және ұйымдық-құқықтық нысандағы (мемлекеттік, жеке меншік, аралас және тағы басқа) өңірлік дилерлерді қосу ұсынылады.

      11. Ағымдағы бағалардың мониторингі ерікті негізде кәсіпорындардың (өндірушілердің, жеткізушілердің) ұсынатын немесе бұқаралық ақпарат құралдарында жарияланатын материалдық ресурстарға арналған бағалар (прайс-парақтар, электрондық көздер, веб-сайттар, баспа басылымдары) туралы қолжетімді ақпарат негізінде жүзеге асырылады.

      12. Прайс-парақты ұсыну нысанын өндіруші-кәсіпорындар (жеткізушілер) дербес белгілейді.

      13. Материалдық ресурстарды өндіруші-кәсіпорындардың (жеткізушілердің) прайс-парақты ұсынуының ұсынымдық нысаны осы Мемлекеттік нормативке 2-қосымшада келтірілген.

      14. Құрылыс материалдары мен жабдықтарының ағымдағы бағаларын бақылау өндірушілердің (жеткізушілердің) прайс-парақтарында көрсетілетін өлшем бірліктерінде жүргізіледі. Егер өлшем бірлігі жіктемедегі өлшем бірлігінен ерекшеленсе, онда жіктеме бойынша өлшем бірліктерінде құн есебі жүргізіледі.

      15. Құрылыс ресурстарының ағымдағы бағаларының мониторингі екі: республикалық және өңірлік деңгейлерде жүзеге асырылады.

      16. Өңірлік деңгейде ағымдағы бағалардың мониторингі бойынша мынадай жұмыстар орындалады:

      1) сметалық-нормативтік базаны қалыптастыру жөнінде ұсыныстар беріледі;

      2) құрылыс нарығының субъектілерінің, квазимемлекеттік сектор субъектілерінің деректері бойынша отандық және шетелдік өндірістің құрылыс материалдары мен жабдықтарына арналған баға және техникалық ақпарат, сондай-ақ, бұқаралық ақпарат құралдарында (баспа басылымдары, электрондық көздер, веб-сайттар) жарияланған ақпарат туралы шығыс деректерін жинау және дерекқорды қалыптастыру;

      3) жеткізушілердің (өндірушілердің) атауы, меншік нысаны, мекенжайы және байланыс ақпараты (сайт, телефон, электрондық почта) туралы, шығарылатын (жеткізілетін) өнімнің номенклатурасы, өндіруші кәсіпорындардың қуаттылықтары, құрылыс материалдары мен инженерлік жабдықтардың өндіріс (жеткізу) және өткізу көлемдері туралы ақпарат жинау және дерекқорды қалыптастыру;

      4) алынған бастапқы деректерге талдау, жинақтау және бағалау, осындай құрылыс материалдарына арналған бағаларды салыстыру, олардың айырмашылығының себептерін анықтау;

      5) Қазақстан Республикасының сәулет, қала құрылысы және құрылыс істері жөніндегі уәкілетті орган айқындаған мамандандырылған ұйымға беру үшін ағымдағы бағалардың мониторингі бойынша деректерді дайындау.

      17. Республикалық деңгейде бағалардың мониторингі бойынша мынадай жұмыстар жүзеге асырылады:

      1) техникалық, әдістемелік, ақпараттық қамтамасыз ету;

      2) құрылыс нарығының субъектілерінің, квазимемлекеттік сектор субъектілерінің деректері бойынша отандық және шетелдік өндірістің құрылыс материалдары мен жабдықтарына арналған баға және техникалық ақпарат, сондай-ақ, бұқаралық ақпарат құралдарында (баспа басылымдары, электрондық көздер, веб-сайттар) жарияланған ақпарат туралы шығыс деректерін жинау және дерекқорды қалыптастыру;

      3) бар шығыс деректерін талдау, жинақтау және бағалау, осындай құрылыс ресурстарына арналған бағаларды салыстыру, олардың айырмашылығының себептерін анықтау, ұсынылған деректерді жүйелендіру;

      4) өңірлерден алынған шығыс деректерінің техникалық реттеу саласындағы Қазақстан Республикасының заңнамасына сәйкестігін анықтау;

      5) бағалар мониторингі бойынша әдістемені және бағдарламалық қамтамасыз етуді жетілдіру;

      6) құрылыс ресурстарының сметалық бағаларының есебі;

      7) Құрылыс ресурстарының сметалық бағаларының жинақтарын шығару.

      18. Ағымдағы бағалар мониторингі тоқсанда (жарты жылда) бір рет кезеңділігімен жүргізіледі.

3. Құрылыс материалдары мен жабдықтарына арналған орташа
босатылым және сметалық бағалар есебінің әдістемесі

      19. Материалдық ресурстар мен машиналар мен тетіктерді пайдаланудың өзіндік құнын құрайтын ресурстарға арналған сметалық бағалар Қазақстан Республикасының барлық өңірлері бойынша олардың ағымдағы бағаларына мониторинг негізінде анықталады және құрылыс жобаларын әзірлеу кезінде сметалық құжаттаманы жасау үшін нормативтік негіздеме ретінде пайдаланылады.

      20. Құрылыс материалдары мен жабдықтарына арналған сметалық бағаларды қалыптастыру шығыс деректерін статистикалық өңдеу әдісімен, сондай-ақ, есептеу-талдау әдістерімен жүргізіледі.

      21. Құрылыс материалдары мен жабдықтарына арналған есептік орташа босатылым бағалары осы өңірде орналасқан өндіруші (жеткізуші) кәсіпорындардың орташаландырылған салыстырмалы босатылым бағаларымен анықталады.

      Есептік кезеңде өңірдегі нақты құрылыс материалы мен жабдықтың бағасы туралы деректер болмаған кезде олар бойынша сметалық бағаларды қалыптастыруды басқа өңірлер бойынша шығыс деректерінің негізінде жүргізу ұсынылады.

      22. Мониторинг процесінде бір өндіруші ұйым және (немесе) жеткізуші қадағалайтын құрылыс материалдары мен жабдықтары бойынша құрылыс материалдары мен жабдықтарының бір өндірушісінің (жеткізушісінің) бағасы бағаның орташа арифметикалық мәні ретінде қабылданады.

      23. Өндіруші кәсіпорындардың және жеткізуші кәсіпорындардың құрылыс материалдары мен жабдықтарын өткізудің көлемдері болған жағдайда есептік орташа босатылым бағасы мынадай формула (1) бойынша бағаның орташа өлшемді мәні ретінде анықталады:

      мұнда:

      x_ор.– есептік орташа (орташа өлшемді) босатылым бағасы, теңге;

      x_i – нақты кәсіпорынның есепті кезең ішіндегі босатылым бағасы;

      v_i – есепті кезең ішіндегі сату көлемдері.

      Қадағаланатын есепті кезеңнің ішінде орташа босатылым бағаларын анықтау кезінде осы кезеңнің ішінде құрылыс материалдары мен жабдықтары ол бойынша сатылған бағаның барлық мәндері есепке қабылданады.

      24. Өткізу және (немесе) шығару көлемі туралы мәліметтер болмаған жағдайда, құрылыс материалы мен жабдығының есептік орташа босатылым бағасы мына формула (2) бойынша орташа арифметикалық мән ретінде айқындалады:

      мұнда:

      x_ор. - есептік орташа (орташа арифметикалық) босатылым бағасы;

      x_i - есепті кезең ішіндегі нақты кәсіпорынның босатылым бағасы;

      n - бағалардың тіркелген позицияларының саны.

      25. Орташа арифметикалық іріктеу жиынтығынан босатылым бағаларының орташа квадраттық ауытқуы мынадай формула бойынша (3) математикалық статистика әдісімен анықталады:

      мұнда:

      x_i - нақты кәсіпорынның босатылым бағасы;

      x_ор. - есептік орташа босатылым бағасы;

      n - тіркелген позициялардың саны.

      Құрылыс материалдары немесе жабдықтары бойынша ( + 2

      Шығыс деректеріндегі қателерді алып тастағаннан кейін орташа босатылым бағаларының есебі қайтадан толтырылады.

      Іріктеудің орташа қатесі мынадай формула (4) бойынша анықталады:

      мұнда:

      Есептің дәлдігінің көрсеткіші орташа арифметикалық мәннен проценттерде (%) есептің салыстырмалы қателігі шамасымен сипатталады және мынадай формула (5) бойынша анықталады:

      мұнда:

      Орташа шаманың есебі дәлдігінің рұқсат етілетін көрсеткіші ±10 % дейін мөлшерінде қабылдау қажет.

      26. Жіктемеде сметалық-нормативтік бағаны қалыптастыру үшін ірілендірілген топтардың: материалдар тобының; материалдар кіші тобының және (немесе) материал маркасының бағынышты құрылымы бар құрылыс ресурстарын жіктеу және кодтау көзделеді, бұл есепті кезеңнің ішінде баға ақпараты болмаған жағдайда ірілендірілген топтың құрамында құрылыс материалдары мен жабдықтарына арналған бағаларды әртүрлі әдістермен қалыптастыруға мүмкіндік береді.

      27. Есепті кезең үшін баға ақпаратының болмауы кезінде нақты құрылыс материалдарының, жабдығының сметалық бағаларының есебі әдістерін таңдау ағымдағы бағалардың мониторингі нәтижелері бойынша есепке алуға түсетін ірілендірілген топтан құрылыс материалдары және жабдықтары бойынша баға ақпаратының көлемін талдау негізінде жүзеге асырылады.

      28. Есепті кезеңде барлық ұйымдар бойынша құрылыс материалдарының, жабдықтарының бағасы туралы деректер болмаған жағдайда, алдыңғы есепті кезеңде қалыптастырылған баға құрылыс материалдарының немесе жабдықтарының ірілендірілген тобындағы техникалық сипаттамалары бойынша жақын, төмендегі формула (6) бойынша айқындалатын құрылыс материалы мен жабдығы бағасының өзгеру коэффициенті ескеріле отырып қабылданады:

      мұнда:

      K_{м.іріл.топ} - құрылыс материалы немесе жабдығы бағасының өзгеру коэффициенті (құрылыс материалдары мен жабдықтарының ірілендірілген тобы);

      x_{м.алд.кез} – техникалық сипаттамалары бойынша жақын құрылыс материалы мен жабдығының алдыңғы кезең ішіндегі бағасы, теңге;

      x_{м.есеп.кез} – техникалық сипаттамалары бойынша жақын құрылыс материалы мен жабдығының есепті кезең ішіндегі бағасы, теңге.

      Нақты құрылыс материалының немесе жабдығының ол жататын құрылыс материалының немесе инженерлік жабдығының ірілендірілген тобы бойынша анықталған бағасының өзгеру коэффициенті осы құрылыс материалына немесе жабдығына өндіруші кәсіпорынның немесе жеткізушінің босатылым бағалары келіп түсетін есепті кезеңге дейін қолданылады.

      29. Құрылыс материалдарының, жабдықтарының бағасы туралы деректердің есепті кезеңде болмауы кезінде құрылыс материалдары мен жабдықтарға арналған бағалар интерполяция, экстраполяция, орташа арифметикалық мән бойынша, кіші топтағы позициялардың қатынасы бойынша айқындалады.

      1) Орташа арифметикалық мән мынадай формула (7) бойынша айқындалады:

      мұнда:

      x - материалдың бағасы;

      x₁ - 1-ші материалдың бағасы;

      x₂ - 2-ші материалдың бағасы.

      2) Кіші топтағы позициялардың қатынасы бойынша баға мәні мынадай формула (8) бойынша айқындалады:

      мұнда:

      x - материалдың бағасы;

      x₁ - 1-ші материалдың бағасы;

      x₂ - 2-ші материалдың бағасы.

      3) Геометрикалық мөлшерлер бойынша баға мәні мынадай формула (9) бойынша айқындалады:

      мұнда:

      x - материал бағасы;

      x₁- 1-ші материал бағасы;

      A - геометрикалық мөлшер немесе материалдың көлемі;

      A₁ - 1-ші материалдың геометрикалық мөлшері немесе көлемі.

      4) Интерполяция әдісімен бағаның орташа мәні мынадай формула (10) бойынша айқындалады:

      мұнда:

      x - материал бағасы;

      x₁ - 1-ші материалдың бағасы;

      x₂ - 2-ші материалдың бағасы;

      A - геометрикалық мөлшер немесе материал көлемі;

      A₁ - 1-ші материалдың геометрикалық мөлшері немесе көлемі;

      A₂ - 2-ші материалдың геометрикалық мөлшері немесе көлемі.

      5) Экстраполяция бағасының орташа мәні мынадай формула (11) бойынша айқындалады:

      мұнда:

      x - материал бағасы;

      x₁ - 1-ші материалдың бағасы;

      x₂ - 2-ші материалдың бағасы;

      A - геометрикалық мөлшер немесе материал көлемі;

      A₁ - 1-ші материалдың геометрикалық мөлшері немесе көлемі;

      A₂ - 2-ші материалдың геометрикалық мөлшері немесе көлемі.

      30. Сапа өлшемдері мен көрсеткіштерін регламенттейтін, әр түрлі сауда маркаларындағы инженерлік жабдықтарды сәйкестендіруге мүмкіндік беретін стандарттау жөніндегі нормативтік-техникалық құжат болмаған кезде, жабдықтардың атауы сауда маркалары мен брендтеріне "үлгісінде" деген сілтемемен келтіріледі.

      31. Құрылыс материалдарына арналған сметалық бағаларда оларды объект жанындағы құрылыс (жөндеу) қоймасына дейін жеткізумен, жеткізушідегі немесе дайындаушыдағы өнімді автокөлік құралына тиеумен және оны объект жанындағы қоймаға түсіруімен байланысты шығындар, сондай-ақ, дайындау-қойма шығыстары ескеріледі.

      32. Құрылыс материалдарына арналған сметалық бағалар белгіленген өлшем бірлігінде жасалады және құнның мынадай элементтерін қамтиды:

      1) босатылым бағасы;

      2) ыдыстың, ораманың және деректеменің құны;

      3) тасымалдау және тиеу-түсіру жұмыстарының құны;

      4) дайындау-қойма шығыстары;

      5) кедендік баждар және салықтар.

      Құрылым материалдарының сметалық құнына енгізілетін кедендік баждар мен салықтар Қазақстан Республикасының кеден және салық заңнамасына сәйкес есептеледі.

      33. Құрылыс материалына арналған сметалық баға мына формула (12) бойынша айқындалады:

      мұнда:

      x_ор. - есептік орта босатылым (орташа өлшемді немесе орташа арифметикалық) бағасы;

      Ш_ыд. - ыдысқа, орамаға, деректемеге арналған шығындар;

      Ш_к. - материалдарды автомобиль көлігімен тасымалдау кезіндегі көлік шығыстары;

      К_д. - дайындау-қойма шығыстары ескерілетін коэффициент, олардың шекті мөлшерлері құрылыс материалдары мен бұйымдары үшін - 2%, металл конструкциялары үшін - 0,75% болып белгіленген.

      Тиісінше К_д. 1,02; 1,0075 тең.

      34. Көлік шығыстарын есептеу кезінде автомобиль тасымалдары ғана ескеріледі, тиеу жұмыстарының құны, әдетте, материалдардың босатылым бағасында, ал түсіру – құрылыс және жөндеу-құрылыс жұмыстарына арналған нормаларында ескеріледі.

      35. Ыдысқа, орамаға және деректемелерге арналған шығындар ыдысты, ораманы және деректемелерді сол орында өткізуден болатын қайтарым және құн ескеріле отырып, іс жүзіндегі деректер бойынша айқындалады.

      36. Материалдарды жеткізу бойынша шығыстар брутто массасы ескеріле отырып айқындалады.

      37. Жабдықтардың сметалық құны жабдықтарды сатып алуға, оны объект жанындағы қоймаға немесе жабдықтарды монтаждау орнына беру, орнына жеткізуге арналған шығындардың сомасы ретінде анықталады.

      Жабдықтың сметалық құнына мыналар енгізіледі:

      1) қосалқы бөлшектердің құнын, ыдыстың, ораманың және деректеменің құнын қамтитын босатылым бағасы;

      2) көлік шығыстары;

      3) дайындау-қойма шығыстары (тапсырыс берушінің жеткізу жабдығы үшін);

      4) кедендік баждар және салықтар.

      Жабдықтың сметалық құнына енгізілетін кеден баждары мен салықтары Қазақстан Республикасының кеден заңнамасына сәйкес есептеледі.

      Дайындау-қойма шығыстарына қоймада, жабдықты жеткізуге, қабылдауға, есепке алуға, сақтауға, ревизияға, оны монтажға дайындауға арналған тапсырыстарды орналастырумен, сондай-ақ, оны берумен байланысты шығындар жатады.

      Тапсырыс берушінің жеткізу жабдығы бойынша дайындау-қойма шығыстары франко-объект жаны қоймасының жабдығы құнынан 1,2% мөлшерінде анықталады.

      Мердігердің жеткізу жабдығы бойынша дайындау-қойма шығыстары екінші деңгейдегі үстеме шығындарға арналған қаражат есебінен өтеледі.

      38. Құрылыс материалдары мен жабдықтарына арналған сметалық бағалар жинақтары кезекті кезеңге (тоқсанға, жарты жылға) қалыптастырылады және қағаз және электрондық түрде ресімделеді.

4. Машиналарды, тетіктерді және автокөлік құралдарын
пайдаланудың өзіндік құнын құрайтын құрылыс ресурстарына
арналған ағымдағы бағалар мониторингінің әдістемесі

      39. Машиналарды, тетіктерді және автокөлік құралдарын пайдаланудың өзіндік құнын құрайтын ресурстардың ағымдағы бағаларының мониторингі:

      1) Қазақстан Республикасында тікелей өндіруші кәсіпорындарды және (немесе) жеткізушілерде шығарылатын ресурстарға (жанар-жағар май материалдарына, қосалқы бөлшектерге және басқалар) арналған бағалар;

      2) Қазақстан Республикасының шегінен тыс жерлерден жеткізуші кәсіпорындарға түсетіндер жатады.

      40. Өңірлік деңгейдегі ағымдағы бағалардың мониторингі бойынша мынадай жұмыстар орындалады:

      1) машиналарды, тетіктерді және автокөлік құралдарының өндіруші кәсіпорындарда және (немесе) жеткізішілерде пайдаланудың өзіндік құнын құрайтын ресурстарға (жанар-жағар май материалдары, қосалқы бөлшектер және басқалар), республиканың шегінен тыс жерлерден жеткізуші кәсіпорындардан келіп түсетін ресурстарға арналған шығыс деректерін жинау және деректерқорды қалыптастыру жүзеге асырылады;

      2) алынған шығыс деректерін талдау, пысықтау және бағалау, ұқсас ресурстарға арналған бағаларды салыстыру, олардың алшақтық себептерін анықтау жүргізіледі;

      3) өңірлерден алынған шығыс деректерін Қазақстан Республикасының техникалық реттеу саласындағы заңнамасына сәйкестігіне салыстырып тексеру;

      4) Қазақстан Республикасының сәулет, қала құрылысы және құрылыс істері жөніндегі уәкілетті органы айқындаған мамандандырылған ұйымға беру үшін деректерді дайындау жүзеге асырылады.

      41. Республикалық деңгейде ағымдағы бағалардың мониторингі бойынша мынадай жұмыстар:

      1) өңірлерден алынған шығыс деректерін талдау, пысықтау және бағалау, машиналарды, тетіктерді және автокөлік құралдарын пайдаланудың өзіндік құнын құрайтын құрылыс ресурстарына (жанар-жағар май материалдары, қосалқы бөлшектер және басқалар) арналған бағаларды салыстыру, олардың алшақтық себептерін анықтау, ұсынылған деректерді жүйелеу;

      2) құрылыс машиналарын, тетіктерін және автокөлік құралдарын пайдалану құнының есебі;

      3) құрылыс машиналарын, тетіктерін және автокөлік құралдарын пайдалануға арналған сметалық бағалардың жинақтарын шығару жүзеге асырылады.

      42. Машиналарды, тетіктерді және автокөлік құралдарын пайдаланудың өзіндік құнын құрайтын ресурстарды жеткізушілердің ағымдағы бағаларын ұйымдастыру және мониторинг жүргізу мынадай негізгі кезеңдерден тұрады:

      1) бағаларын бақылау жүзеге асырылатын ресурстардың тізбесін қалыптастыру;

      2) ресурстардың бағаларын бақылау жүргізілетін ұйымдарды (өндірушілерді, жеткізушілерді) іріктеу;

      3) ресурстарды өндірушілердің (жеткізушілердің) бағаларын бақылау және есепке алу.

      43. Әрбір өңірде машиналарды, тетіктерді және автокөлік құралдарын пайдаланудың өзіндік құнын құрайтын ресурстарды басымды өндірушілер мен жеткізушілердің ағымдағы бағаларын бақылау мақсатында ресурстарды негізгі өндірушілердің тізбесі қалыптастырылады. Машиналарды, тетіктерді және автокөлік құралдарын пайдаланудың өзіндік құнын құрайтын ресурстардың негізгі өндірушілері мен жеткізушілерінің тізбесіне өңірдегі ресурстардың белгілі бір түрлері бойынша өндірістің (жеткізілімдердің) барынша көп үлес салмағын иеленетін барлық меншік нысанындағы субъектілерді қосу ұсынылады.

      44. Машиналарды, тетіктерді және автокөлік құралдарын пайдаланудың өзіндік құнын құрайтын ресурстарға арналған ағымдағы бағаларды бақылау өндірушілердің (жеткізушілердің) прайс-парақтарында көрсетілетін өлшем бірліктерінде жүргізіледі. Барлық өндірушілер (жеткізушілер) бойынша жеке тізіммен атауы, меншік нысаны, мекенжайы және байланыс ақпараты (мысалы, сайт, телефон, электрондық почта) туралы ақпарат ұсынылады.

      45. Машиналарды, тетіктерді және автокөлік құралдарын пайдаланудың өзіндік құнын құрайтын ресурстарға арналған ағымдағы бағалар мониторингі тоқсанда (жарты жылда) 1 рет мерзімділігімен жүргізіледі. Құрылыс машиналарын, тетіктерін және автокөлік құралдарын пайдалануға арналған сметалық бағалардың жинағы келесі кезеңде (тоқсан, жарты жыл) шығарылады.

      46. Құрылыс машиналарын, тетіктерін және автокөлік құралдарын пайдалануға арналған сметалық бағалардың жинақтары электрондық түрде және қағаз түрінде ресімделеді.

5. Еңбекке ақы төлеу

      47. Жалақы Қазақстан Республикасының еңбек заңнамасының нормаларын ескере отырып, және құрылыс саласы бойынша жұмысшылардың орташа айлық жалақысы туралы мемлекеттік статистиканың деректері бойынша анықталады.

Құрылыс материалдары және жабдықтар бойынша құрылыстағы
өндірістік ресурстар жіктемесінің құрылымы

Өндіруші кәсіпорындардың (жеткізушілердің) материалдық
ресурстарды ұсыну үшін прайс-парақ нысаны

      мұнда:

      1) 1-баған – өндіруші (жеткізуші) берген құрылыс ресурсының коды немесе артикулы;

      2) 2-баған – құрылыс ресурсының атауы;

      3) 3 баған – құрылыс ресурсының өлшем бірлігі;

      4) 4-баған – жіктеме бойынша құрылыс ресурсының атауы;

      5) 5-баған - қосылған құн салығымен (бұдан әрі - ҚҚС) өлшем бірлігі үшін баға;

      6) 6-баған – құрылыс ресурсы жүргізілген ел;

      7) 7-баған – материал бірлігінің салмағы;

      8) 8-баған – ыдыс немесе қаптама көлемі.

Құрылыс үшін жүктерді тасымалдау кезіндегі көлік шығыстарының
шамасын айқындау жөніндегі мемлекеттік норматив
1. Жалпы ережелер

      1. Осы Құрылыс үшін жүктерді тасымалдау кезіндегі көлік шығыстарының шамасын айқындау жөніндегі мемлекеттік норматив (бұдан әрі – Мемлекеттік норматив) Қазақстан Республикасында құрылыстың сметалық құнын айқындау кезінде құрылыс үшін жүктерді тасымалдауға арналған шығындар есебінің әдістемесін белгілейді.

      2. Осы Мемлекеттік нормативтің мақсаты мемлекеттік инвестициялардың есебінен және квазимемлекеттік сектор субъектілерінің қаражаты есебінен тұрғызылатын объектілер үшін құрылысқа арналған жүктерді тасымалдаудың сметалық құнын айқындаудың бірыңғай әдістемелік негізін қамтамасыз ету болып табылады.

      Басқа көздердің есебінен қаржыландырылатын объектілер үшін Мемлекеттік нормативтің ұсынымдық сипаты бар.

      3. Осы Мемлекеттік норматив құрылыс үшін жүктерді тасымалдауға арналған сметалық бағалардың жинағын әзірлеуге және сметалық құжаттама құрамында көлік шығыстарының сметалық құнын айқындауға арналған.

      4. Құрылыс үшін жүктерді тасымалдауға арналған көлік шығыстары тасымалдаудың ара қашықтығына байланысты бір тонна жүкті тасымалдаудың сметалық бағалары негізінде айқындалады.

      Көлік шығыстарының калькуляциясына енгізілетін шығындар мөлшерін айқындау кезекті кезеңге бекітілген құрылыс үшін жүктерді тасымалдауға арналған сметалық бағалардың жинағы бойынша жүргізіледі.

      5. Құрылыс үшін жүктерді тасымалдау қашықтықтары тиісті өңір үшін оларды тасымалдаудың оңтайлы шарттары мен қашықтықтарын ескере отырып, жеткізудің көліктік схемалары негізінде айқындалады.

      6. Темір жол көлігімен құрылыс үшін жүктерді тасымалдауға арналған сметалық бағалар Қазақстан Республикасында қолданылатын тарифтер жүйесі негізінде, жүктердің түрлеріне, тасымалдау қашықтығына, тарифтік схемалар мен вагондарға (платформалары және т.б.) тиеу нормаларына, вагондарды беру және жинау құнына, сондай-ақ, басқа да шарттарға байланысты анықталады.

      7. Құрылыс үшін жүктерді автомобиль көлігімен және тракторлармен тасымалдауға арналған сметалық бағалары құрылыс үшін материалдарды, бұйымдар және конструкцияларды тасымалдау құнын айқындауға арналған.

      Құрылыс үшін жүктерді автомобиль көлігімен және тракторлармен тасымалдауға арналған сметалық бағалар жинағында (бұдан әрі – Жинақ) жиынтықталады.

      Жинақты сәулет, қала құрылысы және құрылыс істері жөніндегі ведомство заңнамада белгіленген тәртіппен бекітеді және қолданысқа енгізеді.

      Жинақтың сметалық бағалары Қазақстан Республикасының әрбір облысы, республикалық маңызы бар қалалары, астанасы үшін әзірленеді.

      Жинақ кезекті кезеңге әзірленеді.

      Құрылыстағы үстеме шығындардың шамасын анықтау бойынша ережелерге (ресурстық әдіс) сәйкес құрылыс үшін жүктерді тасымалдауға арналған сметалық бағаларда автокөлік құралдарының жүргізушілерінің жалақысы көрсеткіштеріне есептелген автокөлік кәсіпорындарының үстеме шығындары ескеріледі.

      Автокөлік кәсіпорындарының сметалық пайдасы құрылыстағы сметалық құнды айқындау кезінде қосымша есептеледі және осы бұйрықпен бекітілген Құрылыстағы сметалық жалақының есебі бойынша Қазақстан Республикасында құрылыстың сметалық құнын айқындау жөніндегі мемлекеттік нормативке сәйкес ескеріледі.

2. Құрылыс материалдарын жеткізудің көліктік схемалары

      8. Құрылыс үшін жүктерді тасымалдау бойынша көлік шығыстары оларды жеткізушіден (дайындаушы-кәсіпорыннан) құрылыстың объект маңындағы қоймасына дейін жеткізуге жұмсалған шығындар негізінде қалыптасады.

      Құрылыс материалдарын объект маңындағы қоймадан жұмыс аймағына дейін жеткізу шығындары құрылыс, құрылыс-жөндеу және жабдықтарды монтаждау жөніндегі сметалық нормалар құрамында ескеріледі.

      Құрылыстың сметалық құнын айқындау кезінде объект маңындағы қойма ретінде құрылыс ұйымының жобасына енетін (бұдан әрі - ҚҰЖ) құрылыстың бас жоспарында көзделген:

      ашық сақтауға болатын материалдар үшін – құрылыс объектісі (ғимарат, үй-жай) аумағында оларды орналастыру үшін пайдаланылатын алаң;

      басқа материалдар үшін – аталған құрылыс объектісіне (ғимарат, үй-жай) арналған қойма (қоймалау орны) болып табылады.

      Жүктерді объект мағындағы қоймаға дейін тасымалдау қашықтығы, талаптары және түрлері оларды жеткізудің көліктік схемаларымен айқындалады.

      9. Құрылыс үшін жүктерді жеткізу бойынша көлік шығыстары өңірде нақты қалыптасқан немесе есептелген (болжалды), яғни құрылыс қатысушылары белгілеген тиісті материалдар түрін (тобын) жеткізудің нақты көліктік жеткізу схемасымен айқындала алады.

      Елді мекендердің шегінен тыс (олардан алыс қашықтықта) орналасқан объектілерді салу үшін, оның ішінде желілік құрылыстар үшін көлік шығыстарын айқындауды негізделген ҚҰЖ шешімдерімен көліктік схемалар негізінде жүргізу қажет.

      Өнімдердің жекелеген атаулары үшін (мысалы, көпірлердің аралық құрылыстарының құрастырмалы темірбетон конструкциялары және т.б.) оларды тасымалдауға арналған шығындар сметалық құжаттаманы жасау кезінде нақты көліктік схемалар бойынша тікелей айқындалады.

      Материалдық ресурстарды жеткізудің көліктік схемасына сүйене отырып көліктік шығындарды айқындау кезінде Жинақты пайдаланған жөн.

      10. Құрылыс материалдарының барлық түрлері бойынша шығыс деректерін айқындау кезінде оларды дайындаушы кәсіпорыннан (жеткізушілерден) құрылыс учаскесіне дейін тасымалдау бойынша шынайы және ең үнемді схемаларды қабылдаған жөн.

      Көлік схемалары жүктерді тасымалдау шарттары мен қашықтығын сәйкесінше ескеруі тиіс:

      жеткізуші-кәсіпорыннан жөнелту станциясына дейін;

      жүк оперциялары үшін ашық жөнелту станциясынан жеткізетін станцияға дейін;

      нысаналы станциядан объект маңындағы қойма алаңына дейін;

      жеткізуші-кәсіпорыннан объект маңындағы қоймаға дейін (тікелей тасымалдаулар кезінде).

      Материалдарды жүк операциялары үшін ашылған, мердігер ұйымның қоймалары (базалары) немесе ведомстволық (құрылыс базасының тармақтарын қоса алғанда, меншікті немесе жалға алатын) тармақтардағы теміржол станцияларында қабылдау және тиеу орнын темір жол бөлімшесі растауы тиіс. Материалдарды теміржолмен жеткізудің қашықтығын айқындау кезінде ең аз қашықтықты ескере отырып, теміржол материалдарды тасымалдауға қабылдайтын белгіленген жүк ағындарының бағыттары, сондай-ақ, тиісті өңірдегі темір жолдың жүктемелік деңгейі ескерілуі тиіс.

      11. Материалдарды автомобильмен тасымалдау деп 200 км. дейінгі қашықтықты қабылдау қажет. Тиісті негіздемелер кезінде, (мысалы: құрылыс жүктерін дайындау және тұтыну ауданында темір жолдың болмауы, темір жолдың бұл жүкті габаритті емес бойынша қабылдамауы және осыған ұқсас басқа да жағдайлар) материалдарды автомобиль көлігімен 200 км. алыс қашықтыққа тасымалдауға да жол беріледі.

      12. Жекелеген жағдайларда, құрылыс ұйымының тиісті негіздемесі және шешімдері болған кезде, автомобиль жолы әлсіз дамыған ауылдық жерлерде трактормен тасымалдауға да жол беріледі.

      Құрылыс материалдарын аралас тасымалдау кезінде (автомобиль және трактормен) жергілікті жағдайдың ерекшеліктерін және бір көлік түрінен екінші көлік түріне ауыстырып тиеуді ескерген жөн.

      13. Жергілікті материалдарды тасымалдаудың көліктік схемасы рельс маңы қоймаларын пайдалану жүктерді тасымалдау мен сақтаудың технологиясымен шарттасқан аралас тасымалдарды қоспағанда, ауыстыру (аралық) базалар мен қоймаларды пайдалануды болдырмауы тиіс. Тасымалдауларды аралық базаларды (қоймаларды) пайдаланбай жүргізу мүмкіндігі болмаған жағдайда, қосымша көліктік және өзге де шығындар тікелей құрылысты ұйымдастыру бойынша шешімдерге немесе басқа да негіздеуші құжаттарға негізделген сметалық құжаттарда ескерілген болуы тиіс.

      14. Құрылыс материалдарын алу көзі, оларды жеткізу тәсілдері мен жеткізу қашықтықтары, пайдаланылған көлік құралдарының және тасымалданған жолдың түрлері ҚҰЖ жасалатын жиынтық ведомоста келтіріледі

3. Құрылыс үшін жүктерді тасымалдауға арналған сметалық
бағалар жинағының мазмұны және құрылымы

      15. Жинақты әзірлеу кезінде әзірлеушілер жинақтың құрамына кіруі тиіс жинақтың құрылымы мен сметалық бағалар номенклатурасын нақтылайды.

      16. Жинақ өз құрамында мынадай бөліктерді көздейді:

      "Жалпы нұсқамалар". Жалпы нұсқамаларда бар мәліметтердің белгіленуі, оларды пайдалану тәртібі туралы деректер келтіріледі.

      "Автомобильмен тасымалдау кезінде тиеу-түсіру жұмыстарына арналған сметалық бағалар";

      "Автомобиль көлігімен жүктерді тасымалдауға арналған сметалық бағалар";

      "Жүктерді тіркемелі тракторлармен тасымалдауға арналған сметалық бағалар".

      17. Жинақта келтірілген тиеу-түсіру жұмыстарына арналған сметалық бағалар құрылыс материалдарын, бұйымдар мен конструкцияларды автомобильмен (тракторлармен) тасымалдау, аралық базаларға түсіру-тиеу, объект маңындағы қоймаға жеткізу, кезінде орын алатын бұл жұмыстардың құнын айқындауға арналған. Аралық базаларды пайдалану ҚҰЖ негізделген болуы тиіс.

      Тиеу жұмыстарының құны құрылыс материалдарына, бұйымдарына және конструкцияларына арналған жөнелту құнына, ал түсіру жұмыстарының құны – құрылыс, құрылыс-жөндеу және жабдықты монтаждау жұмыстарына арналған сметалық нормалары құрамында ескеріледі.

      Тиеу-түсіру жұмыстарына арналған сметалық бағалардың есебі үшін құрылыс материалдарының, бұйымдар мен конструкциялардың базалық номенклатурасы осы Мемлекеттік нормативке 1-қосымшада келтірілген.

      Құрылыс материалдарының жаңа түрлерінің пайда болуы кезінде құрылыс материалдарының, бұйымдары мен конструкциялардың номенклатурасы нақтыланады және толықтырылады.

      18. Құрылыс үшін жүктерді автомобиль көлігімен тасымалдауға арналған сметалық бағалар мыналарға:

      құрылыс материалдары, бұйымдары мен конструкцияларына арналған сметалық бағаларды әзірлеу үшін;

      аталған шығындар жеткізушілердің (дайындаушы кәсіпорындардың) бағаларымен (прайс-парақшалармен, коммерциялық ұсыныстармен) ескерілмеген жағдайда құрылыс материалдарына, бұйымдары мен конструкцияларына арналған сметалық бағалар жинақтарында жоқ материалдарды тасымалдауға арналған көлік шығындарын сметалық құжаттама құрамында анықтау үшін;

      тасымалдау қашықтығы материалдарға, бұйымдарға және конструкцияларға арналған сметалық бағаларда қабылданғаннан ерекшеленетін жағдайларда құрылыс үшін жүктерді тасымалдауға арналған көлік шығындарының сметалық құжаттама құрамында анықтау үшін арналады.

      Жинақта жүктердің номенклатурасы мен жіктемесі, автокөлік құралдарының типтеріне байланысты сметалық бағалардың мөлшерлері, олардың жүк көтергіштігі, тасымалданатын жүк классы және тасымалдау қашықтығы келтіріледі.

      Құрылыс үшін жүктерді тасымалдауға арналған сметалық бағаларды әзірлеуге арналған автокөлік құралдарының базалық номенклатурасы осы Мемлекеттік нормативке 2-қосымшада келтірілген.

      19. Тіркемелермен тракторлардың жүктерді тасымалдауына арналған сметалық бағалар автомобиль жолы әлсіз дамыған ауылдық жерлерде жүзеге асырылатын объектілерді салу үшін тракторлардың көмегімен тасымалдаудың немесе сүйреудің құнын анықтауға арналған. Бұл ретте, тасымалдаудың аталған түрін пайдалану ҚҰЖ негізделген болуы тиіс.

      Аталған тасымалдаулар үшін жүктер классы, сондай-ақ, тиеу-түсіру жұмыстарына арналған шығындар жүктерді автомобиль көлігімен тасымалдауға арналған деректерге сәйкес қабылданады.

      Тасымалдаудың аталған түрі үшін жинақта жүк классына және тасымалдау қашықтығына байланысты сметалық бағалардың мөлшері көрсетілуі тиіс.

      20. Құрылыс материалдарын автомобиль көлігімен және тракторлармен тасымалдау бойынша көлік шығындары масса бруттоны ескере отырып айқындалады. Нетто салмақтан брутто салмаққа өтпелі коэффициенттерді осы Мемлекеттік нормативке 4-қосымшада келтірілген кесте бойынша қабылдау ұсынылады.

4. Құрылысқа арналған жүктерді тасымалдауға
сметалық бағаларды әзірлеу

      21. Тиеу-түсіру жұмыстарына арналған сметалық бағалар осы жұмыстармен байланысты, материалдарды пакеттеу және бұйымдар мен конструкцияларды тиеу және түсіру, сондай-ақ, қоймалау орындарында орнын ауыстыруды қоса алғанда, барлық шығындарды ескеруі тиіс.

      Тиеу-түсіру жұмыстарына арналған шығындардың әрбір позициясы бойынша бағалардың ағымдағы деңгейінде ресурстық әдіспен сметалық құжаттаманы есептеу үшін қажетті ресурстар шығыстарының нормасы келтірілген болуы тиіс.

      22. Тиеу-түсіру жұмыстарына арналған сметалық бағалар технологиялық карталарға негізінде әзірленеді, оларда жұмыстардың аталған түрін орындау бойынша барлық технологиялық операциялардың толық тізбесі, олардың сипаттамасы, қолданылатын машиналардың, тетіктердің сипаттамасы, оларды пайдалану уақыты, жүк тиеуші-жұмысшылардың және машиналар мен тетіктерге қызмет көрсететін персоналдың еңбекақы шығындары келтіріледі.

      Жұмыс аймағының шегінде тиеу-түсіру жұмыстарын орындау қауіпсіздік техникасының ережелері талаптарын ескере отырып, механикаландырудың қажетті құралдарымен жұмысшы-жүк түсірушілердің еңбегін тиімді ұйымдастыруды көздеуі тиіс.

      Тиеу-түсіру жұмыстарының тиісті түрлеріне арналған технологиялық карталарының құрамында тиеу-түсіру жұмыстарына арналған сметалық бағаларды әзірлеу үшін негіз болып табылатын ресурстардың шығындарының калькуляциясы жасалады.

      23. Еңбек шығындары және машиналарды пайдалану уақытының нормалары, тиеу-түсіру жұмыстарына арналған уақыт нормалары (өндіру, саны) сондай-ақ, тиісті қолданыстағы еңбек бойынша нормативтік базалар жинақтарына (БНжЕ жинақтары және басқалары) сәйкес те айқындала алады. Еңбек шығындары және тиеп-түсіру жұмыстарына арналған машиналарды пайдалану уақытының нормалары осы Мемлекеттік нормативке 4-қосымшада келтірілген.

      24. Жұмысшы-жүк тиеушілердің жалақысы Қазақстан Республикасының еңбек заңнамасына және құрылыс саласы бойынша жұмысшылардың орташа айлық жалақысы туралы мемлекеттік статистика деректері бойынша анықталады.

      25. Жүктерді автомобиль көлігімен және тракторлармен тасымалдауға арналған сметалық бағалар олар тасымалдайтын 1 тонна жүк негізінде есептеледі.

      Жүктерді автомобиль көлігімен тасымалдауға арналған сметалық бағалар тасымалдау қашықтығына, тасымалданатын жүк классына, көлік құралының типіне және оның жүк көтергіштігіне байланысты көлік құралын пайдалану шығындарының негізінде анықталады.

      Жүктерді тракторлармен тасымалдауға арналған сметалық бағалар тасымалдау қашықтығына және тасымалданатын жүк классына байланысты пайдалану шығындарының негізінде анықталады.

      Жүктерді автомобиль көлігімен тасымалдау құнының есептерінде әдетте, 200 км дейінгі, ал тракторлармен тасымалдағанда қоса алғанда 20 км қашықтық көзделеді.

      Жүктерді ұзақ қашықтықтарға тасымалдау үшін Жинақ кестелерінде тасымалдау қашықтығының әрбір келесі шақырымына арналған сметалық бағалар келтіріледі. Бұл ретте, мұндай жағдайларда жүктерді тасымалдаудың қашықтығы ҚҰЖ тиісті шешімдермен негізделген болуы тиіс.

      26. Жүк классы осы Мемлекеттік нормативке 5-қосымшада келтірілген автомобиль көлігімен тасымалданатын жүктер номенклатурасы және жіктеуіші кестесіне сәйкес айқындалады.

      Бұл ретте, келтірілген номенклатура және жіктеуде көзделмеген жүктерді тасымалдағын үшін тасымалдау ақысы осы Мемлекеттік нормативке 6-қосымшада келтірілген жүк классы бойынша жүк көтерімділігін пайдалану коэффициенттеріне сәйкес автомобильдің жүк көтергіштігін пайдаланудың нақты дәрежесіне сәйкес жүк классы бойынша өндіріліп алынады.

      Биіктетілген бортты қолдана отырып, габариті (көлемі) бойынша автомобильді толтыра тиеу кезінде автомобильдің жүк көтергіштік коэффициентін 0,4 төмен пайдаланатын жүктер бойынша тасымалдау ақысы 1 классты жүк үшін белгіленген сметалық бағаларды автомобильдің жүк көтергіштігін нақты пайдалану коэффициентіне сметалық бағаларды бөлумен анықталады.

      27. Автомобиль көлігімен жүктерді тасымалдауға арналған сметалық бағалар жүктерді бортты автомобильдермен, өзі түсіретін автомобильдермен (өзі түсіретін поездармен), сондай-ақ, мамандандырылған жылжымалы құрамның басқа да түрлерімен (автобетон араластырғыш, авто битум тасығыш және т.б.) тасымалдау шарттары үшін белгіленеді.

      28. Жинақтың жалпы нұсқаулықтарында жүктерді тасымалдаудың сметалық бағаларымен ескерілген және қосымша ақы төленбейді деп мыналарды көрсеткен жөн:

      белгіленген нормалар шегінде автокөлік құралының тиеу және түсіру пункттерінде тұрып қалуымен байланысты шығындар;

      жүкке барар жолда автомобиль көлігінің тиеу және түсіру пункттері арасындағы бос жүруі;

      автокөлік кәсіпорны орналасқан пункттен бірінші тиеу пунктіне және соңғы түсіру пунктінен автокөлік кәсіпорнына дейінгі бос жүрісі.

      Жинақтың жалпы нұсқаулықтарда сондай-ақ автомобильмен тасымалданатын жүктердің номенклатурасы мен жіктеуішінің кестесі келтіріледі.

      29. Автомобиль көлігімен және тіркемесі бар тракторлармен (Кб, теңге) 1 тонна жүкті тасымалдауға арналған сметалық бағалардың нормативтік көрсеткіштері мына формула бойынша анықталады:

      мұндағы

      Пшқ – автокөлік құралының пайдалану шығындарының құны, теңге/маш.-с;

      Үш – үстеме шығындар, теңге/маш.-с;

      Кн – автокөлік құралы жүруінің нормативтік уақыты, сағатпен;

      Жк – автокөлік құралының жүк көтергіштігі, тоннамен.

      ЖКк – автокөлік құралының жүк көтергіштігін пайдалану коэффициенті.

      30. Құрылыс үшін жүктерді тасымалдау кезінде пайдалану шығындарының нормативтік көрсеткіші (Пшқ) мынадай шығындар баптарымен айқындалады:

      А – толық қалпына келуге амортизациялық аударымдар;

      Жө – жөндеу және техникалық қызмет көрсетудің барлық түрлеріне шығындары;

      Т – тез тозатын қосалқы бөлшектерді ауыстыру шығындары;

      Ж – машинаны басқаратын жұмысшының жалақысы;

      Э – энергия тасығыштың шығындары;

      М – майлау материалдарының шығындары;

      Г – гидравликалық және суытқыш сұйықтықтар шығындары;

      КҚс – көлік құралы салығы;

      ҚОэ – қоршаған ортаға эмиссия үшін төлем.

      Автокөлік құралдарын пайдалануға арналған шығындарды баптар бойынша есептеу әдістемесі құрылыс машиналарын, тетіктері мен автокөлік құралдарын пайдалануға арналған ресурстық сметалық нормаларды әзірлеу және қолдану жөніндегі Мемлекеттік нормативте келтірілген.

      31. Құрылыс үшін жүктерді тасымалдау кезінде үстеме шығындардың нормативтік көрсеткіші (Үш) құрылыстағы үстеме шығындарының шамасын белгілеу бойынша ережелерге сәйкес автокөлік құралдары жүргізушілерінің еңбегіне ақы төлеудің көрсеткіштерінен проценттермен айқындалады.

      Машиналарды басқаратын жүргізушілердің еңбегіне ақы төлеудің нормативтік көрсеткіштері осы бұйрықпен бекітілген құрылыс машиналарын, тетіктерін және автокөлік құралдарын пайдалануға арналған ресурстық сметалық нормаларды әзірлеу және сметалық бағаларды айқындау жөніндегі мемлекеттік нормативке сәйкес айқындалады.

      32. Автокөлік құралының жүк көтергіштік көрсеткіші (Жк) мынадай көздердің (қолдану кезектілігімен) негізінде белгіленеді:

      паспорт деректері;

      машиналарды пайдалану жөніндегі нұсқаулықтар;

      техникалық әдебиетте келтірілген деректер.

      33. Құрылыс үшін жүктерді тасымалдауға арналған сметалық бағалардың есебі үшін тасымалданатын жүктің классына байланысты автокөлік құралының жүк көтергіштігін пайдаланудың орташа коэффициентінің (Кгр) көрсеткіші осы Мемлекеттік нормативке 7-қосымшаға сәйкес қабылданады:

      34. Автокөлік құралының жол жүруінің нормативтік уақыты (Тн) мына формула бойынша айқындалады:

      Кн = У + Ту +Ду

      мұндағы

      У – тиеу және түсіру пункттері арасындағы бос барған жүрісті ескере отыра жүкті нақты қашықтыққа жеткізу бойынша автокөлік құралының жүрген уақыты, сағат;

      Ту – тиеу және түсіру кезінде автокөлік құралының тұрған уақыты, сағат;

      Ду – ауысым сайынғы дайындық қорытынды уақытты есептейтін көрсеткіш (әрбір жол жүруге уақыт үлесі), сағат.

      (У) көрсеткіші мына формуламен айқындалады:

      У = 2*S/V

      мұндағы

      2 – автокөлік құралының бос барған және жүкпен кері қайтқан жүрісін ескеретін коэффициент,

      S – тиеу және түсіру пункттерінің арасындағы қашықтық, км.

      V – автокөлік құралының жүрісінің есептік жылдамдығы, км/с.

      Есептік жылдамдық жол жабындысының типіне және тасымалдау қашықтығына сәйкес белгіленеді.

      Қала сыртында жүру кезінде:

      автомагистральдерде – 63 км/сағ;

      жетілдірілген жабындысы бар жолдарда (асфальтбетон, цементбетон, клинкерлі) – 49 км/сағ;

      қатты жабындылы жолдарда (жұмырлы, қиыршық тас, құм) және жақсартылған топырақ – 37 км/сағ;

      табиғи топырақты жолдарда – 28 км/сағ.

      Қалада жұмыс атқару кезінде жол жабындысының типіне қарамастан жүк көтергіштігі 7 т дейінгі автомобильдер және автопойыздар үшін (автоцистерналар - 6 мың л дейін) - 25 км/сағ, ал 7 т (автоцистерналар - 6 мың л) және жоғары - 24 км/сағ.

      1 км дейінгі қашықтықта жұмыс жасау кезінде - 16,8 км/сағ.

      Тракторлармен тасымалдау кезінде – 19 км/сағ.

      Автокөлік құралдарының тиеу және түсіру кезінде тұрған уақытының нормасы (Ту) тиеу және түсіру пункттері үшін жеке жеке белгіленеді. Бортты автомобильдер (I) және автомобиль-фургондар, стандартты тенттермен жабдықталған тіркемелер мен жартылай тіркемелер, жылжымалы құрамды шешпестен тиелетін (түсірілетін) әмбебап контейнерлер (II) үшін тиеу түсіру уақытының нормалары осы Мемлекеттік нормативке 8-қосымшаның кестесінде келтірілген мөлшерлерде қабылданады.

      Әртүрлі мақсаттағы өздігінен аударғыш автомобильдер және автомобиль-цистерналар үшін тиеу және түсіруге арналған уақыт нормалары осы Мемлекеттік нормативке 8-қосымшаның кестесінде келтірілген мөлшерлерде қабылданады.

      (Ду) көрсеткіші мынадай формула бойынша айқындалады:

      Ду = Тп/((Жұк-Тп)/(В+Впр))

      мұндағы

      Крс – жұмыс ауысымының ұзақтығы, сағат;

      Тп – ауысым сайынғы дайындық-аяқтау жұмыстарына арналған жалпы уақыт, ол мыналарды қамтиды:

      желіге шығу және автокөлік кәсіпорнына қайту бойынша қажетті жұмыстарды орындау уақыты – ауысымда 0,3 сағат (18 минут);

      рейс алдындағы медициналық қарау уақыты – ауысымда 0,08 сағат (5 минут);

      автомобильдің кәсіпорыннан (гараждан) бірінші тиеу пунктіне бару уақыты және жұмыс аяқталғаннан кейін соңғы түсіруден соң қайту уақыты – ауысымда 0,33 сағат (орташа жылдамдық 10 км – 30 км/сағ), тіркемелі тракторлар үшін – ауысымда 0,4 сағат (орташа жылдамдық 10 км – 25 км/сағ).

      Бұл уақытқа ақы төлеу жүргізушіге белгіленген тарифтік ставка есебінен жүргізіледі.

      Дайындық-аяқтау жұмысын жүзеге асыру кезінде жүргізуші желіге шығар алдында және қайтып келгеннен кейін автомобильді (тіркемені, жартылай тіркемені) қарайды және қабылдап алады, жылжымалы құрамның желідегі қалыпты қызметі үшін қажетті құрал-саймандардың бар екендігін тексереді, жол құжаттарын ресімдейді, диспетчерден қажетті мәліметтерді алады және т.б.

Тиеу-түсіру жұмыстарына арналған сметалық бағаларды есептеу
үшін құрылыс материалдарының, бұйымдары мен
конструкцияларының базалық номенклатурасы

Құрылыс үшін жүктерді тасымалдауға арналған сметалық бағаларды
әзірлеу үшін автокөлік құралдарының базалық номенклатурасы

Нетто салмақтан брутто салмаққа өтпелі коэффициенттер

Тиеу-түсіру жұмыстарына арналған еңбек шығындары және
машиналарды пайдалану уақытының нормалары
1 Ыдысты-орамадағы және даналап саналатын жүктер

      Өлшем бірлігі: 1 т (*1 дана)

2 Ағаш материалдары

      Өлшем бірлігі: 1 т

3 Металлдар және металл бұйымдары

      Өлшем бірлігі: 1 т