"Мемлекеттік статистика туралы" Қазақстан Республикасы Заңының 16-бабы 3-тармағының 2) тармақшасына сәйкес" БҰЙЫРАМЫН:

      1. Қоса берiлiп отырған Жануарлар дүниесiн мемлекеттiк есепке алуды, оның кадастры мен мониторингiн жүргiзу қағидалары бекiтiлсiн.

      2. Қазақстан Республикасы Ауыл шаруашылығы министрлігінің Орман шаруашылығы және жануарлар дүниесі комитеті заңнамада белгіленген тәртіппен:

      1) Қазақстан Республикасының Әділет министрлігінде осы бұйрықтың мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесін мерзімді баспа басылымдарында және "Әділет" ақпараттық-құқықтық жүйесінде ресми жариялауға жіберілуін;

      3) осы бұйрықты Қазақстан Республикасы Ауыл шаруашылығы министрлігінің интернет-ресурсында орналастыруын қамтамасыз етсін.

      3. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Жануарлар дүниесiн мемлекеттiк есепке алуды, оның кадастры
мен мониторингiн жүргiзу қағидалары
1. Жалпы ережелер

      1. Осы Жануарлар дүниесiн мемлекеттiк есепке алуды, оның кадастры мен мониторингiн жүргiзу қағидалары (бұдан әрi – Қағидалар) "Жануарлар дүниесiн қорғау, өсiмiн молайту және пайдалану туралы" Қазақстан Республикасының 2004 жылғы 9 шiлдедегi Заңының (бұдан әрi – Заң) 9-бабы 1-тармағының 63) тармақшасына сәйкес әзiрлендi және Қазақстан Республикасында жануарлар дүниесiн мемлекеттiк есепке алуды, оның кадастры мен мониторингiн ұйымдастыру мен жүргiзу тәртiбiн айқындайды.

      2. Жануарлар дүниесiн мемлекеттiк есепке алу, оның кадастры мен мониторингi (бұдан әрi – есепке алу, кадастр мен мониторинг) жануарлар дүниесiн қорғауды, өсiмiн молайтуды және орнықты пайдалануды мемлекеттiк басқару, сондай-ақ жануарлардың биологиялық әртүрлiлігі мен мекендейтiн ортасын сақтау мақсаттарында жүргiзiледi. Есепке алу, кадастр мен мониторинг жануарлар дүниесiнiң жай-күйi мен географиялық жағынан таралуы, мекендейтiн ортасы, саны, жүйелi түрде байқаулардың нәтижелерi туралы мәлiметтердiң жиынтығын, оларды шаруашылық мақсатта пайдалану туралы ақпаратты және басқа да деректердi қамтиды.

      3. Есепке алуды, оның кадастры мен мониторингін жануарлар дүниесiн қорғау, өсiмiн молайту және пайдалану саласындағы уәкiлеттi органның ведомствосы (бұдан әрi – уәкiлеттi орган) осы Қағидаларға сәйкес Қазақстан Республикасының бүкіл аумағында электрондық нысанда жүргiзедi.

      Есепке алу, оның кадастры мен мониторингін жүргiзу үшiн мәлiметтер жинауды уәкiлеттi орган мен оның аумақтық бөлімшелері жүзеге асырады.

      Жануарлар дүниесiн пайдаланушылар жануарлар дүниесi объектілерiнiң санын есепке алады және мәліметтерді уәкiлеттi органның аумақтық бөлімшесіне бередi.

      Жануарлар дүниесiн пайдаланушылар жануарлар дүниесi объектілерiнiң санын есепке алып, уәкiлеттi органның аумақтық бөлімшесіне мәліметтер бередi.

      4. Жануарлар дүниесiн есепке алу, оның кадастры мен мониторингi жануарлардың топтары: сүтқоректiлер, құстар, бауырымен жорғалаушылар, қосмекендiлер, балықтар, омыртқасыздар бойынша жүргiзiледi.

      5. Жануарлар дүниесiн есепке алу, оның кадастры мен мониторингiн жүргізу аң аулау объектiлерiне жатқызылған және өзге де шаруашылық мақсаттарда пайдаланылатын жануарлар бойынша және балық аулау объектiлерiне жатқызылған және өзге де шаруашылық мақсаттарда пайдаланылатын балықтар және басқа да су жануарлары бойынша жүзеге асырылады.

Жануарлар дүниесiн мемлекеттiк есепке алуды,
оның кадастры мен мониторингiн жүргiзу тәртібі
Параграф - бап 1. Жануарлар дүниесін есепке алуды жүргізу

      6. Жануарлар түрлерін есепке алуды жануарлар дүниесi объектілерінің мекендеу ортасы болып табылатын аумақтар мен акваториялар белгіленген тәртіппен бекітіп берілген аңшылық шаруашылығы субъектілері, аумақтық бөлімшелер, ерекше қорғалатын табиғи аумақтар және мемлекеттік мекемелер жүзеге асырады.

      7. Аңшылық алқаптардың резервтік қорында жануарлар түрлерін есепке алуды уәкілетті орган ведомствосының аумақтық бөлімшелері жүргізеді.

      8. Жануарлар түрлерін есепке алуды жүргізу республика аумағы бойынша олардың таралуы (мекендеу орындары мен алқаптары), олардың саны және ықтимал пайдалану көлемі туралы деректер алуды қамтамасыз етеді.

      9. Жануарлар дүниесін есепке алу деректері Қазақстан Республикасы жануарлар дүниесінің кадастры мен мониторингiн жүргiзу үшiн негiз болып табылады.

Параграф – бап 2. Жануарлар дүниесiнiң кадастрын жүргiзу

      10. Қазақстан Республикасы жануарлар дүниесiнiң кадастры электрондық нысандажабайы жануарлар түрлерінің таралуы, биологиялық жай-күйi, саны, шаруашылық мақсатта пайдаланылу сипаты мен қарқындылығы туралы қажеттi мәлiметтер мен құжаттар жүйесiн қамтиды.

      11. Жануарлар дүниесiнiң кадастры аң аулау объектілері болып табылатын жануарлар түрлері бойынша жүргізіледі.

      12. Қазақстан Республикасы Экология, геология және табиғи ресурстар министрінің 2021 жылғы 7 қыркүйектегі № 359 бұйрығымен (Нормативтік құқықтық актілерді мемлекеттік тіркеу тізілімінде № 24277 болып тіркелген) Қазақстан Республикасы Табиғи ресурстары мемлекеттік кадастрларының бірыңғай жүйесін жүргізу қағидаларына сәйкес мемлекеттік кадастрлардың бірыңғай жүйесін жүргізу кадастрлық кітап нысанында және деректерді ақпараттық интеграция құралдары арқылы электрондық түрде беру жүргізіледі.

      13. Жануарлар дүниесін қорғау жөніндегі барлық мекемелер мен ерекше қорғалатын табиғи аумақтар жыл сайын есепті жылдан кейінгі жылдың 1 қаңтарындағы жағдай бойынша кадастрлық құжаттамаға ағымдағы өзгерістер туралы мәліметтерді енгізіп тұрады.

      Есепті жылдан кейінгі жылдың 20 қаңтарына дейін уәкілетті органның аумақтық бөлімшелеріне кадастрлық құжаттама беріледі.

      14. Жануарлар дүниесінің кадастрын жүргізу үшін қажет жыл сайынғы құжаттаманың тізбесі осы Қағидаларға 1-қосымшаға сәйкес жүргізіледі.

      15. Аң аулау объектілері болып табылатын жануарлар түрлерінің кадастрлық кітабы осы Қағидаларға 2-қосымшаға сәйкес нысан бойынша жүргізіледі.

      16. Балықтардың және басқа да су жануарларының кадастрлық кітабы "Балықтардың және балық аулау объектілеріне жатқызылған басқа су жануарларының және балықтар мен өзге шаруашылық мақсаттарда пайдаланылатын басқа су жануарларының кадастр кітаптарын жүргізу нысандары мен қағидасын бекіту туралы" Қазақстан Республикасы Қоршаған ортаны қорғау министрінің 2014 жылғы 1 шілдедегі № 245-Ө (Нормативтік құқықтық актілердің мемлекеттік тіркеу тізілімінде № 9655 номерімен тіркелген) бұйрығымен бекітілген, балық аулау объектілеріне жатқызылған балықтар мен басқа да су жануарларының және өзге шаруашылық мақсаттарда пайдаланылатын балықтар мен басқа да су жануарларының кадастрлық кітабын жүргізу нысандарына және қағидасына сәйкес жүзеге асырылады.

Параграф – бап 3. Жануарлар дүниесінің мониторингін жүргiзу

      17. Жануарлар дүниесiнiң мониторингi жануарлар дүниесi объектiлерiнiң таралуын, санын, физикалық жай-күйін, олардың мекендейтiн ортасының құрылымын, сапасын және алаңын жүйелi түрде бақылау жүйесiн бiлдiредi. Мониторинг экологиялық жүйелер мен биологиялық әртүрлілікті сақтау, жануарлар дүниесiн теңдестiрiлген дәрежеде және орнықты пайдалануды қамтамасыз ету үшiн болып жатқан өзгерiстердi анықтау және бағалау, теріс процестер мен құбылыстардың алдын алу және олардың зардаптарын жою мақсаттарында жүргiзiледi.

Жануарлар дүниесінің кадастрын жүргізу үшін қажетті жыл сайынғы құжаттаманың тізбесі

      Ескерту. 1-қосымша жаңа редакцияда - ҚР Экология және табиғи ресурстар министрінің 23.07.2024 № 169 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Әкімшілік деректердің нысаны www.gov.kz интернет-ресурста орналастырылған

      Индекс: АШ-1

      Жиілігі: жылдық.

      Есептік кезең: 20___жыл.

      Ақпаратты ұсынатын тұлғалар тобы: жануарлар дүниесін пайдаланушылар, ерекше қорғалатын табиғи аумақтар және уәкілетті органның аумақтық бөлімшелері.

      Ұсынылады: жануарлар дүниесін пайдаланушылар және ерекше қорғалатын табиғи аумақтар аумақтық бөлімшелердің Қазақстан Республикасы Экология және табиғи ресурстар министрлігінің Орман шаруашылығы және жануарлар дүниесі комитетіне.

      Әкімшілік деректер нысанын ұсыну мерзімі: есепті жылдан кейінгі 20 қаңтарға дейін.

      1-кесте

      Жабайы жануарлар мен құстардың санын есепке алу деректері (дарақ)

      2-кесте

      Су айдындарындағы суда жүзетін құстардың санын есепке алу деректері (дарақ)

      3-кесте

      Бос аңшылық алқаптарда аңшылық жануарлар түрлерінің санын есепке алу көрсеткіштері (дарақ)

      4-кесте

      Су айдындарындағы аңшылық құстар түрлерінің қоныс аудару ерекшеліктері (дарақ)

      1) көктемгі ұшу

      2) күзгі ұшу

      5-кесте

      Жабайы жануарларды жерсіндіру, жұмсалған қаражат шығындар (дарақ)

      6-кесте

      Жабайы жануарларды олжалау туралы мәліметтер (дарақ)

      Типтік мекенжай бөлігі Типовая адресная часть

      Телефоны

      Телефон ______________________________________________________

      Электрондық почта мекенжайы адрес электронной почты _________________________

      Орындаушы

      Исполнитель ___________________________________________ _______________

      тегі, аты және әкесінің аты (бар болған жағдайда)       қолы, телефон

      фамилия, имя и отчество (при его наличии)             подпись, телефон

      Басшы немесе оның міндетін атқарушы адам

      Руководитель или лицо, исполняющее его обязанности

      _____________________________________________________________________

      тегі, аты және әкесінің аты (бар болған жағдайда)             қолы

      фамилия, имя и отчество (при его наличии)                   подпись

      Мөрдің орны (жеке кәсіпкерлер болып табылатын

      тұлғалардан қоспағанда)

      Место для печати (за исключением лиц, являющихся субъектами

      частного предпринимательства)

      _______________________

Әкімшілік деректерді жинақтауға арналған нысанды толтыру бойынша түсініктеме Жануарлар дүниесінің кадастрын жүргізу үшін қажетті жыл сайынғы құжаттаманың тізбесі

1-тарау. Жалпы ережелер

      1. Нысанды жүргізудің негізгі міндеті жануарлар дүниесінің кадастрын жүргізу үшін қажетті жыл сайынғы құжаттаманы ұсыну болып табылады.

      Қазақстан Республикасының жануарлар дүниесі кадастрында жабайы жануарлар түрлерінің таралуы, биологиялық жай-күйі, саны, сипаты және шаруашылық пайдаланудың қарқындылығы туралы қажетті мәліметтер мен құжаттар жүйесі қамтылады.

      Жануарлар дүниесінің кадастры аң аулау объектілері болып табылатын жануарлар түрлері бойынша жүргізіледі.

      Жануарлар дүниесі кадастрының құжаттамасы аң аулау объектілері болып табылатын жануарлар түрлері бойынша кадастрлық кітап нысанында жүргізіледі.

      Жануарлар дүниесін қорғау жөніндегі барлық мекемелер және ерекше қорғалатын табиғи аумақтар жыл сайын есепті жылдан кейінгі 1 қаңтардағы жағдай бойынша кадастрлық құжаттамаға ағымдағы өзгерістер туралы мәліметтерді енгізеді.

      Есепті жылдан кейінгі 20 қаңтарға дейін жануарлар дүниесін пайдаланушылар уәкілетті органның аумақтық бөлімшелеріне кадастрлық құжаттаманы ұсынады.

2-тарау. Нысанды толтыру бойынша түсініктеме

      2. Нысанның 1-кестесінің 1-бағанында аңшылық пайдаланушылардың, аңшылық шаруашылықтарының, ерекше қорғалатын табиғи аумақтардың атауы көрсетіледі.

      3. Нысанның 1-кестесінің 2-бағанында есепке алумен қамтылған алаңның атауы (мың гектар) көрсетіледі.

      4. Нысанның 1-кестесінің 3-бағанында жануардың түрі көрсетіледі.

      5. Нысанның 1-кестесінің 4, 5, 6, 7-бағандарында есепке алу алаңындағы дарақтардағы жынысы мен жасы бойынша жабайы тұяқты жануарлардың жалпы саны көрсетіледі.

      6. Нысанның 1-кестесінің 8, 9, 10, 11-бағандарында жабайы тұяқты жануарлардың жынысы мен жасы бойынша дарақтардағы (жануарларды экстраполяциялағаннан кейін) жалпы саны көрсетіледі.

      7. Нысанның 2-кестесінің 1-бағанында аңшылық пайдаланушылардың атауы көрсетіледі.

      8. Нысанның 2-кестесінің 2-бағанында есепке алынған сұр барылдауық саны көрсетіледі.

      9. Нысанның 2-кестесінің 3-бағанында есепке алынған шүрегей саны көрсетіледі.

      10. Нысанның 2-кестесінің 4-бағанында ескерілген сүңгуірлердің саны көрсетіледі.

      11. Нысанның 2-кестесінің 5-бағанында ескерілген өзге де өзен үйректерінің саны көрсетіледі.

      12. Нысанның 2-кестесінің 6-бағанында 2, 3, 4, 5-бағандардың қосындысына тең есепке алынған үйректердің жалпы саны көрсетіледі.

      13. Нысанның 2-кестесінің 7-бағанында есепке алынған қасқалдақ саны көрсетіледі.

      14. Нысанның 2-кестесінің 8-бағанында ескерілген қаздардың саны көрсетіледі.

      15. Нысанның 3-кестесінің 1-бағанында жануар түрінің атауы көрсетіледі.

      16. Нысанның 3-кестесінің 2-бағанында есепке алумен қамтылған алаңның атауы (мың гектар) көрсетіледі.

      17. Нысанның 3-кестесінің 3-бағанында мыңдаған гектар аумақтың ауданы көрсетіледі.

      18. Нысанның 3-кестесінің 4-бағанында ареал ауданынан (мың гектар) есепке алу алаңы көрсетіледі

      19. Нысанның 3-кестесінің 5-бағанында диапазонның жалпы ауданынан есепке алу жүргізілген пайызбен аудан көрсетіледі.

      20. Нысанның 3-кестесінің 6, 7 және 8-бағандарында жабайы тұяқты жануарларды жынысы мен жасы бойынша есепке алу көрсеткіштері көрсетіледі.

      21. Нысанның 3-кестесінің 10, 11, 12 және 13-бағандарында жабайы тұяқты жануарлардың жынысы мен жасы бойынша есепке алу көрсеткіштері көрсетіледі.

      22. Нысанның 3-кестесінің 14-бағанында популяция тығыздығы 1000 гектарға көрсетіледі.

      23. Нысанның 4 1) кестесінің 1-бағанында көктемгі аралықта көші-қон кезеңінде ескерілген су айдындарындағы аңшылық құстардың түрі көрсетіледі.

      24. Нысанның 4-кестесінің 2-бағанында 1) көктемгі аралықта көші-қон кезеңінде есепке алынатын құстардың алғашқы пайда болған күні көрсетіледі.

      25. Нысанның 4-кестесінің 3-бағанында 1) көктемгі аралықта көші-қон кезеңінде есепке алынатын құстардың жаппай ұшып өту күні көрсетіледі.

      26. Нысанның 4-кестесінің 4-бағанында 1) көктемгі аралықта көші-қон кезеңінде есепке алынатын құстардың ұшып өтуінің аяқталу күні көрсетіледі.

      27. Нысанның 4-кестесінің 5-бағанында 1) тұрақты бақылау пункттерінен таңертеңгі уақытта көктемгі ұшудағы құстардың есепке алынған саны көрсетіледі.

      28. Нысанның 4 1) кестесінің 6-бағанында тұрақты бақылау пункттерінен кешкі уақытта көктемгі ұшудағы құстардың есепке алынған саны көрсетіледі.

      29. Нысанның 4-кестесінің 7-бағанында 5 және 6-бағандарда көрсетілген құстар санының сомасына тең көктемгі аралықтағы құстардың жалпы саны көрсетіледі.

      30. Нысанның 4 2) кестесінің 2-бағанында күзгі аралықта көші-қон кезеңінде ескерілген құстардың түрі көрсетіледі.

      31. Нысанның 4 2) кестесінің 3-бағанында күзгі аралықта қоныс аудару кезеңінде есепке алынатын құстардың алғашқы пайда болған күні көрсетіледі.

      32. Нысанның 4-кестесінің 4-бағанында 2) күзгі аралықта көші-қон кезеңінде есепке алынатын құстардың жаппай ұшып өту күні көрсетіледі.

      33. Нысанның 4-кестесінің 5-бағанында 2) күзгі аралықта көші-қон кезеңінде есепке алынатын құстардың ұшып өтуінің аяқталу күні көрсетіледі.

      34. Нысанның 4 2) - кестесінің 6-бағанында тұрақты бақылау пункттерінен ұшып өтетін құстардың есепке алынған саны көрсетіледі.

      35. Нысанның 5-кестесінің 2-бағанында аңшылық пайдаланушылардың атауы көрсетіледі.

      36. Нысанның 5-кестесінің 3-бағанында аңшылық пайдаланушылардың, аңшылық шаруашылықтарының, ерекше қорғалатын табиғи аумақтардың атауы көрсетіледі.

      37. Нысанның 5-кестесінің 4, 5, 6, 7-бағандарында жабайы жануарлар мен құстарды қоныстандыру, жұмсалған қаражаттың көрсеткіштері көрсетіледі.

      38. Нысанның 6-кестесінің 2-бағанында аңшылық пайдаланушылардың атауы көрсетіледі.

      39. Нысанның 6-кестесінің 3-бағанында жануарлардың жынысы мен жасына қарай түрлері көрсетіледі.

      40. Нысанның 6-кестесінің 4-бағанында бекітілген лимит (квота) көрсетіледі.

      41. Нысанның 6-кестесінің 5-бағанында түрлер бойынша өндірілген жабайы жануарлардың саны көрсетіледі.

      42. Нысанның 6-кестесінің 6-бағанында шетелдік аңшылықтан алынған жабайы жануарлардың саны көрсетіледі.

      43. Нысанның 6-кестесінің 8-бағанында жануарлар дүниесін пайдаланғаны үшін түскен төлемдер (мың теңге) көрсетіледі.

      44. Нысанның 6-кестесінің 9-бағанында жануарлар дүниесін шетелдік аңшылықтан пайдаланғаны үшін түскен төлемдер (мың теңге) көрсетіледі.

      45. Нысанның 6-кестесінің 10-бағанында республикалық бюджетке жіберілген саны көрсетіледі (мың теңге).

      46. Нысанның 6-кестесінің 11-бағанында қатысушы аңшылардың (азаматтардың) саны көрсетіледі.

      47. Нысанның 6-кестесінің 12-бағанында қатысушы аңшылардың (шетел азаматтарының) саны көрсетіледі.

      Есептің соңында оның толтырылған күні, аты, тегі және әкесінің аты (бар болса) көрсетіледі және орындаушының және жануарлар дүниесін қорғау жөніндегі мекеме мен ерекше қорғалатын табиғи аумақтар немесе уәкілетті органның аумақтық бөлімшесі басшысының қолдары қойылады.

Аңшылық объектілері болып табылатын жануарлар түрлерінің кадастрлық кітабы

      Ескерту. 2-қосымша жаңа редакцияда - ҚР Экология және табиғи ресурстар министрінің 23.07.2024 № 169 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Әкімшілік деректердің нысаны www.gov.kz интернет-ресурста орналастырылған

      Индекс: АШ-2

      Жиілігі: жылдық.

      Есептік кезең: 20___жыл.

      Ақпаратты ұсынатын тұлғалар тобы: жануарлар дүниесін пайдаланушылар, ерекше қорғалатын табиғи аумақтар және уәкілетті органның аумақтық бөлімшелері.

      Ұсынылады: жануарлар дүниесін пайдаланушылар және ерекше қорғалатын табиғи аумақтар аумақтық бөлімшелердің Қазақстан Республикасы Экология және табиғи ресурстар министрлігінің Орман шаруашылығы және жануарлар дүниесі комитетіне.

      Әкімшілік деректер нысанын ұсыну мерзімі: жыл сайын есепті жылдан кейінгі 1 қаңтардағы жағдай бойынша.

      Министрлік, ведомство __________________________________________

      Облыстық аумақтық инспекция____________________________________

      Аңшылық шаруашылығы_________________________________________

      Пайдаланушы___________________________________________________

      Пошта мекенжайы ________________________________________________

      БСН (ЖСН) ______________________________________________________

      Аңшылық объектілері болып табылатын жануарлар түрлерінің кадастрлық кітабы

      Басталды: 20 _ _ жылғы "" жағдай бойынша

      Аяқталды: 20 _ _ жылғы "" жағдай бойынша

      _ _ _ Парақта

      Үнемі сақтаңыз

      1-бөлім

Аңшылық шаруашылығын жүргізу үшін негіз

      1-бөлімде аңшылық шаруашылығының атауы, пайдаланушының атауы, аңшылық шаруашылығын жүргізуге арналған шарт, аңшылық шаруашылығының паспорты көрсетіледі.

      2-бөлім

      Аңшылық объектілері болып табылатын жануарлар түрлерінің саны және оларды бағалау (дарақ)

      Жануардың түрі _________________________________________________

      1) Саны – деректер жануарлар түрлері есебінен алынады;

      2) Бағалау құны – деректер жануарлар дүниесін пайдаланғаны үшін төлем ставкаларынан алынады.

      Жануардың әрбір түріне жеке-жеке кесте толтырылады.

      3-бөлім

      Аң аулау объектiлерi болып табылатын құстар түрлерiнiң саны және оларды бағалау (дарақ)

      Суда жүзетін құс

      1) Саны – деректер жануарлар түрлері есебінен алынады;

      2) Бағалау құны – деректер жануарлар дүниесін пайдаланғаны үшін төлем ставкаларынан алынады.

      Орман жабайы құсы және орман құсы

      1) Саны – деректер жануарлар түрлері есебінен алынады;

      2) Бағалау құны – деректер жануарлар дүниесін пайдаланғаны үшін төлем ставкаларынан алынады.

      Егістік және дала құсы

      1) Саны – деректер жануарлар түрлері есебінен алынады;

      2) Бағалау құны – деректер жануарлар дүниесін пайдаланғаны үшін төлем ставкаларынан алынады.

      Батпақ және шабындық құсы

      1) Саны – деректер жануарлар түрлері есебінен алынады;

      2) Бағалау құны – деректер жануарлар дүниесін пайдаланғаны үшін төлем ставкаларынан алынады.

      Басқа құстар

      1) Саны – деректер жануарлар түрлері есебінен алынады;

      2) Бағалау құны – деректер жануарлар дүниесін пайдаланғаны үшін төлем ставкаларынан алынады.

      Типтік мекенжай бөлігі Типовая адресная часть

      Телефоны

      Телефон ______________________________________________________

      Электрондық почта мекенжайыАдрес электронной почты

      ____________________________________________________

      Орындаушы

      Исполнитель ___________________________________________ _______________

      тегі, аты және әкесінің аты (бар болған жағдайда)       қолы, телефон

      фамилия, имя и отчество (при его наличии)             подпись, телефон

      Басшы немесе оның міндетін атқарушы адам

      Руководитель или лицо, исполняющее его обязанности

      ____________________________________________________________ ____________

                  тегі, аты және әкесінің аты (бар болған жағдайда)                   қолы

      фамилия, имя и отчество (при его наличии)                         подпись

      Мөрдің орны (жеке кәсіпкерлер болып табылатын тұлғалардан қоспағанда)

      Место для печати (за исключением лиц, являющихся субъектами

      частного предпринимательства)

      _______________________

Әкімшілік деректерді жинауға арналған нысанды толтыру бойынша түсініктеме Аңшылық объектілері болып табылатын жануарлар түрлерінің кадастрлық кітабы

1-тарау. Жалпы ережелер

      1. Аңшылық объектілері болып табылатын жануарлар түрлерінің кадастрлық кітабы осы Қағидаларға 2-қосымшаға сәйкес нысан бойынша жүзеге асырылады.

2-тарау. Нысанды толтыру бойынша түсініктеме

      2. Нысанның 2-бөлімінің 1-бағанында өзгерістер енгізілген күн көрсетіледі.

      3. Нысанның 2-бөлімінің 2, 3-бағандарында аңшылық объектілері болып табылатын жануарлар түрлерінің саны, бағалау құны және жалпы саны көрсетіледі.

      4. Нысанның 2-бөлімінің 4, 5-бағандарында аңшылық объектілері болып табылатын жануарлар түрлерінің саны, бағалау құны және жалпы саны көрсетіледі.

      5. Нысанның 2-бөлімінің 4, 5, 6, 7,8, 9-бағандарында дарақтардағы жынысы мен жасы бойынша аң аулау объектілері болып табылатын жануарлар түрлерінің саны, бағалау құны және жалпы саны көрсетіледі.

      6. Нысанның 1-кестесінің 8, 9, 10, 11-бағандарында жабайы тұяқты жануарлардың жынысы мен жасы бойынша дарақтардағы (жануарларды экстраполяциялағаннан кейін) жалпы саны көрсетіледі.

      7. Нысанның 3-бөлімінің 1-бағанында өзгерістер енгізілген күн көрсетіледі.

      8. Нысанның 3-бөлімінің 2-бағанында жануарлар дүниесін пайдаланушылардың атауы көрсетіледі.

      9. Нысанның 3-бөлімінің 3, 4-бағандарында бағандарда көрсетілген аңшылық объектілері болып табылатын құс түрлерінің саны, бағалау құны және жалпы саны көрсетіледі 5, 6, 7, 8, 9,10, 11, 12,13.

      10. Нысанның 3-бөлімінің 5, 6-бағандарында ескерілген барылдауық саны мен бағалау құны көрсетіледі.

      11. Нысанның 3-бөлімінің 7, 8-бағандарында есепке алынған қаздардың саны мен бағалау құны көрсетіледі.

      12. Нысанның 3-бөлімінің 9, 10-бағандарында есепке алынған үйрек саны мен бағалау құны көрсетіледі.

      13. Нысанның 3-бөлімінің 11, 12-бағандарында есепке алынған италақаз саны мен бағалау құны көрсетіледі.

      14. Нысанның 3-бөлімінің 13-бағанында құстардың басқа түрлерінің бағалау құны және жалпы саны көрсетіледі.

      15. Нысанның 3-бөлімінің 5, 6-бағандарында есепке алынған көк сүңгуір саны мен бағалау құны көрсетіледі.

      16. Нысанның 3-бөлімінің 7, 8-бағандарында есепке алынған қызғыш саны мен бағалау құны көрсетіледі.

      17. Нысанның 3-бөлімінің 9, 10-бағандарында есепке алынған қызылбас сүңгуір саны мен бағалау құны көрсетіледі.

      18. Нысанның 3-бөлімінің 11, 12-бағандарында есепке алынған жылқышы саны мен бағалау құны көрсетіледі.

      19. Нысанның 3-бөлімінің 5, 6-бағандарында есепке алынған қырғауылдардың саны мен бағалау құны көрсетіледі.

      20. Нысанның 3-бөлімінің 7, 8-бағандарында есепке алынған сусылдақ саны мен бағалау құны көрсетіледі.

      21. Нысанның 3-бөлімінің 9, 10-бағандарында есепке алынған бөдене саны мен бағалау құны көрсетіледі.

      22. Нысанның 3-бөлімінің 11, 12-бағандарында есепке алынған тұр кептер саны мен бағалау құны көрсетіледі.

      23. Нысанның 3-бөлімінің 5, 6-бағандарында есепке алынған балшықшы саны мен бағалау құны көрсетіледі.

      24. Нысанның 3-бөлімінің 7, 8-бағандарында есепке алынған су тартар саны мен бағалау құны көрсетіледі.

      25. Нысанның 3-бөлімінің 9, 10-бағандарында есепке алынған коростель саны мен бағалау құны көрсетіледі.

      26. Нысанның 3-бөлімінің 11, 12-бағандарында есепке алынған қызыл қасқа су тартар саны мен бағалау құны көрсетіледі.

      27. Нысанның 3-бөлімінің 5, 6-бағандарында есепке алынған сарыалақаз саны мен бағалау құны көрсетіледі.

      28. Нысанның 3-бөлімінің 7, 8-бағандарында есепке алынған су құзғын саны мен бағалау құны көрсетіледі.

      29. Нысанның 3-бөлімінің 9, 10-бағандарында есепке алынған тырна саны мен бағалау құны көрсетіледі.

      30. Нысанның 3-бөлімінің 11, 12-бағандарында еске алынған үлпілдек саны мен бағалау құны көрсетіледі.

      Есептің соңында оның толтырылған күні, тегі, аты және әкесінің аты (бар болса) көрсетіледі және орындаушының және жануарлар дүниесін қорғау жөніндегі мекеме мен ерекше қорғалатын табиғи аумақтар немесе уәкілетті органның аумақтық бөлімшесі басшысының қолдары қойылады.